يسلموووووو رومنسيهـ بارتـ روعهـ
غلا
الحمد للهـ ما انكبـ العصيرهعـ
امممممممممممـ دامها تستحيـ فرحـ تتردد
ممكنـ تسألـ ليانـ وليانـ تقولها دقيـ
اللهـ يوفقها
روافـ
حرااااااااااااامـ كلـ هذا يعانيهـ
اللهـ يوفقهـ معـ غلا
فواز
يا انهـ يحبـ غلا ويبيها
او
انهـ ما يبيـ روافـ يتزوجـ قبلهـ
او
بسـ يبيـ يخربـ عليهـ
ودامهـ الدلوعـ فرحـ يخربـ علىـ اخوهـ
اللهـ يستر
الظاهر احساسـ غلا بمكانهـ
ليانـ&خالد
اللهـ يجمعهمـ
آخر شيـ
سووووووووووريـ عالتأخير
تقبليـ مروريـ

الرواااااااااااااااااااية خطيييرة ..



أحدااثهآـــآ جديدة ومميزة ...


أممممممممممم


الغلا ....


أتووقع بتكلم رواف ..


فوااز


بيحااول يخرب عليهم

وبيسبب مشاكل كثيرة ..


بس بالأخير بيتزوجون الغلا وروااف ...



بآنتظآــآر البارت الجااي

مشكوره حبيبتي بنت الكويت

تحليلاتك حلوه


والأحلى أنك نورتيني بصفحتي

مشكوره بسمه طفله

ولعيونك البارت قريب وأنزله

الفصل الثالث

في غرفة الغلا
الغلا :والله أني احترت في أمري أكلمه... والله يا ليان أحسها صعبه
ما أدري أخاف لو يدرون أخواني بيعصبون
ليان :يمه يمه من هالمعقده ما قال كلميني كل اللي قاله دقي رنه وبس
الغلا :محتارة أخاف ما أكلمه ويزعل ولا يظن أني ما أحبه والله مشكله
ليان :دقي كلها رنه والسلام
الغلا :والله فشله أخاف يقول بنت عمي خفيفه
أقول يالله وأنا وش وراي
وجابت جوالها وطلعت الورقة ورفعتها عند فمها :امممم يعني أدق
ليان :الحمدلله والشكر خلصي علينا بس
الغلا غمضت عيونها وهي مبتسمة:الله يا ليان ريحة عطره ذبحتني
ليان :الحمدلله والشكر توك تذكرين
الغلا : لا ياليان الورقة كلها ريحته
ليان :عطيني الورقة علشان أشمها
الغلا وهي فاتحه عيونها على الآخر :نعم روحي أعطيك إياها
وسرحت في وادي ثاني




في بيت رواف
الجدة :الحمدلله ياولدي خذت اللي قلبك يحبها
رواف الله ياجده يوم دخلت علي آآآآآآآآآه
الجده :أقول قم صل ركعتين وأدع لكم بالتوفيق
رواف :الحمد لله ياجده صليت
الجد ه :الله يوفقكم ياولدي ويبعد عنكم كل حاسد
ايييه يا ولدي خل الفرح يملى حياتك.. يابعد قلبي شفت من هالحياه الشي الكثير.... روح جعل الفرح من نصيبكم والحزن مايصيبكم
رواف :أحلى دعوة ياجده..ومااقول إلا..الله يخليك لي يانور هالبيت وسراجه.. وتربين عيالي مثل ما ربيتيني ..قولي آميين
آميين ياوليدي آميين
رواف :أقول ياجده متى نسوي الملكه
الجده : يا ولدي شاور بيت عمك خلهم يشاورون البنت أحسن يمكنها مشغولة ولاعليها امتحان تعرف هي عليها جامعه
رواف :لازم ياجده تصير الملكه الشهر الجاي علشان السفرة اللي بروحها
الجده :أي سفره ياولدي
رواف ضرب بيده على راسه :يوووووووووووه أنا مابلغتك جاتني بعثه علشان أكمل الدكتوراه...ولازم خلال شهرين أكون هناك
الجده:عساك قلت لبيت عمك
رواف لا والله نسيت ما قلت لهم
الجده :وهذا شي ينسي
رواف :مو صاير إلا كل خير إن شاء الله
الملكه الشهر الجاي والزواج بعده بأسبوعين
الجده :لا والله تخطط وبيت عمك ما يدرون عن السالفة
لا تضيقين صدري ياجده تتوقعين ما يوافقون
الجد ه:ما أدري والله هو على البنت يمديها تستعد ولا ...لازم تستشيرهم في الأول
رواف :أدق على خالد اللحين
الجده :أقول بكره الجمعة وأعمامك بيجونا ونشاورهم
رواف:والله ياجده ما راح أنام الليلة بوسوس
الجده :ما راح يصير إلا اللي ربي كاتبه..يالله أنا رايحه أنام




في غرفه فواز
زكيه :الله يهديك يمه وش اللي صار كنت تتعشى وش اللي ضيق خلقك وسد نفسك
فواز :أرجوك يمه خليني بروحي
أمه :ماني طالعه قبل ما أعرف السالفة
فواز:مافي شي
أمه :حسبي الله عليه هالرواف من دخل وأنت ضاق خلقك
فواز : بذمتك مو عارفه أنا ليه زعلان
أمه :لا والله ياحبيبي
فواز :يمه أنت عارفه أني من زمان وحاط عيني على بنت عمي
أمه :الحمدلله كل هالزعل علشان بنت عمك ..والله ياولدي أنا ما عندك سالفه
فواز :أنا قلت ولا... من سنه وأنا قايل أني أبغاها..واللحين خذها الزفت بارده مبرده
أمه :أصلا أنا حاطه عيني على وحده جعلها تكون من نصيبك
فواز :من تكون حضرتها ليكون اللي في بالي
أمه: بنت خالك سعد.. ميس وحيدته ومدلعه وكل فلوس خالك لها وتحت حسابها ..مو بنت عمك.. هذا زواج السعد
فواز وهو معصب:لا تخليني يمه أغلط عليك
أمه :خلاص ياولدي بنت عمك وخذها ولد نوير..والله ياولدي ما ينتحسف عليها من زينها عاد
فواز :لا يمه على الزين ما تقدرين تقولين شي أنا أذكرها من وهي صغيره فتنه الله يهديك يايمه ضيعتيها من يديني
أمه :خلاص من بكره راح اخطب لك بنت خالك
فواز:أنا ما أبيها.. آخذ وحده أكبر مني بثلاث سنين ..وعلى ذلك ليتها زينه الجمال في صوب وهي في صوب
أمه :والله أنا بنت خالك دره لاتفوتها
فواز :ما أبيييييييييييييييها ما تفهمين
أمه :الله يوفقك بوحده أزين من بنت عمك
فواز :ما أعتقد

امه :إذا كان على الزين خذ ليان بنت عمك هذي نسخه منها
فواز :مهبول أنا آخذ ليان ما أبلعها من وهي صغيره
امه :الله يهديك يا ولدي يعني تبغى تقنعني أنك تحبها أنا عارفه ليه أنت مصر عليها
فواز :أبغاها وبس
أمه وهي تغمز له :علي ياولدي
فواز :أنتي تعرفين يمه أني أحب آخذ أي شي لرواف ما أدري ليه أحس كل شي حق رواف حلو... من وأنا صغير ما تعجبني إلا أغراض رواف
أمه :بس هذا زواج مو لعبه
فواز :آآآآه يمه والله مقهور
امه :بسم الله عليك من القهر ..الله ياخذه ولد نوير دايم يضيق صدرك....الله لا يوفقه لا دنيا ولا آخره
آآآآآآآآآآآآمين يمه

الغلا :أقول ياليان خلاص هونت مو داقه عليه يعني أما أدق ولا بيظن أني ما أحبه
ليان :كيفك أنا قلت لك وأنت بكيفك
الغلا :والله يا خوفي أنه يزعل
أقول ياليان بقولك فكره أنا بمليك الرقم وأنت دقي عليه ...بس شوفي ياليونه رنه وتقفلين بذبحك أن طولتيها
ليان وهي مبسوطة على الآخر:تعيش بنت عمي تعيش...يالله مليني الرقم
الغلا :يالله 0555وطلعت برا الغرفة على طول
ليان دقت على الرقم وقفلت
وشوي وتفتح الرسائل وتكتب إنشاء رسالة جديدة
احبك
وتحط إرسال إلى.....
وتروح على طول وتمسح الرسالة من الرسائل المرسلة
الغلا وهي تمشي بعصبية رايحة وجاية بالصالة
وشوي ويدخل عليها خالد
خالد :السلام
الغلا وعليكم السلام
خالد :راحت بنت عمي
الغلا :لا ماراحت ليه
خالد :بس أسأل أقول يالغلا فاتحتيها في الموضوع
الغلا :لا والله يا اخوي ...خالد أبقولك .. أحسن شي تروح وتخطبها رسمي أحسه إذا قلت لها عن السالفة تاخذها على مزح فأحسن شي أنها تصير رسمية وأنت على كيفك
خالد :صدقتي ياغلوي
خالد :وشرايك أفاتح عمي في الموضوع بكره بعد صلاة الجمعة
الغلا :الله يقدم اللي فيه الخير
خالد :بس أسالك أنتي تحسينها تستلطفني ولا
الغلا :هي تحترمك وتقدرك بس على الإعجاب والاستلطاف ما أدري
خالد :الله يسهل يالله تامريني بشي ...أنا طالع
الغلا :ما يآمر عليك عدو
خالد :ما تبون شي.... مطعم ولا تمشيه
الغلا :ما ادري تبيني أسأل ليان
خالدو هو يأشر لها بيده :واللبيب بالإشارة يفهم
الغلا :ههههههههههههههههههههههههههههههه يعني كل هذا علشانها ....وتقول في خاطرها والله أخوي يحبها ليتها تكون من نصيبه
خالد :أنا بروح السيارة وعطيني ألو سواء بتروحون ولا
الغلا :طيب
وراحت الغلا على طول لغرفتها علشان تسأل ليان
ليان وهي في غرفة الغلا :شفيها ليكون نستني
الغلا تفتح الباب
السلام
ليان :وعليكم السلام
الغلا :أقول تو خالد مقدم لنا عرض
ليان وهي متعجبه من الغلا ...أقول الغلا :ما سألت وش سويت
الغلا :لا لاتقولين شي أبغى أنسى السالفة
ليان:وشفيك
الغلا:والله يا ليان أني مو راضيه على اللي صار.. بس والله علشانه
ليان :خلاص أنسي السالفة
وهي في نفسها تقول والله لو تدرين وش هببت والله بتذبحيني
الغلا :ليان وشرايك في العرض
ليان :والله فكره بس أخاف أتأخر
الغلا :لا بنروح لمطعم قريب وشرايك
ليان :خلاص أجل وشرايك بدارين ..مافي أقرب منه
الغلا: والله زهقت منه
ليان :وش عليك بيتكم ورى المطعم
الغلا :أقول وشرايك نروح الخبر والله مطاعم الدمام زهقنا منها
ليان :أخاف أتأخر
الغلا :وشرايك تدقين على عمي وتقولين له أنك بتنامين عندنا
ليان : من زمان ما نمت عندكم والله فكرة
الغلا :أجل قومي ألبسي عبايتك
ليان :يالله
الغلا تدق على خالد
خالد :بشريني قبلت ولا
الغلا وهي ناويه تلعب بأعصابه ماردت
خالد حزت في خاطره وقال أكيد ما رضت ...وسكت
الغلا :أقول سرينا موهنا على الخبر
خالد: الخبر بس ولو تبغى أمريكا حاضرين
الغلا :وانا شطبتني من القائمة
خالد :شدعوه حاضرين للحلوين
الغلا :دقايق ونازلين
وبعد خمس دقايق نزلت الغلا وليان
متوجهين للسيارة خالد

الغلا وليان :السلام
خالد :وعليكم السلام
وركبت ليان ورى الغلا
خالد :وشلونك يا ليان
ليان :بخير وشخبارك أنت
خالد :الحمدلله ما دامكم بخيرأنا بخير
الغلا قامت تتبسم أخوي قام يغازل علني
ليان استحت ومدت يدها وصارت تقبص يد الغلا من دون شعور
الغلا وهي تلتفت عليها :ذبحتيني وش تبين
ليان ولا كلمه
خالد :أقول على وين العزم
الغلا :وشرايك يا ليان وش جاي على بالك
ليان : براحتك
الغلا :شرايكم بستيك هاوس
ليان :حلو
خالد في نفسه والله أنتي الحلوه
الغلا :خالد حط ميوزيك
خالد :تآمرين أمر
الغلا :الله يسلمك
وشوي ويحط خالد أغنيه قديمه لراشد الماجد
اللي تقول
أنتي وبس اللي له القلب يشتاق وأنتي اللي بس سكنتي خفوقي

...................
ليان وهي طول الوقت ماسكه عبايه الغلا من جنب الكرسي وتلفها على يدها
الغلا التفتت عليها وهي تكلمها بشويش
وشفيك كسرتي عبايتي

ليان :والله تندمت أني طلعت معكم
الغلا :ليه
ليان :استحيت
الغلا :ههههههههههه
وشوي ويدق جوال خالد
خالد :هلا
بندر :هلا وغلا
خالد : هلا والله بندر وشلونك
بندر:بخير
خالد :طمني عن الوالد
بندر :بخير..تسرك علومه أبشرك انجحت العمليه
خالد :الحمدلله على السلامه
بندر :الله يسلمك
خالد :والله لك وحشه
بندر :أسبوع بالكثير وأنا راجع ..توصي على شي من ألمانيا
خالد :ما أبغى إلا سلامتك ..ورجعه الوالد بالسلامه
بندر يالله أشوفك على خير
خالد :بندر نسيت أقولك أنا بعد شهر عندنا تدريب على الطوارئ في المستشفى التعليمي بالخبر
بندر :الحمد لله توقيت مناسب ...علشان ما يفوتني التدريب ..مع السلامه
خالد :الله يسلمك
التفتت الغلا وهي تطالع ليان هذا بندر اللي أقولك عنه
ليان: بندر ال
الغلا بشحمه ولحمه
ليان :هو صديق خالد
الغلا :أيوه هذا صديقه الصدوق
ليان :والله وناسه ..بندر ال صديق ولد عمي
الغلا :الحمدلله والشكر
ليان :ليه أنتي ما تعرفين من أهله أبوه ملياردير وأهله كلهم كاش
وفري...تخيلي يالغلا لو أنه يخطبني
الغلا :أكيد ما توافقين
ليان وهي تبحلق فيها وعيونها وشوي وتطلع برى :ليه ما أوافق أحد يحصل له بندر وما يوافق
الغلا:ما توقعت يكون هذا ردك
ليان :ليه حد قالك أني مرتبطة ولا أحب ..أكيد بيكون هذا ردي
قاطعهم صوت خالد اللي نادى الغلا :خلاص على ستيك هاوس
الغلا :أكيد
وشوي إلا وهم داخلين المطعم


رواف بعد ماراحت جدته تنام راح لغرفته على طول
رواف فتح باب غرفته وشغل اللمبات ورمى نفسه على الكنبه
أكيد عمي والغلا بيوافقون
إلا ويفز رواف من جلسته ويتوجه لمكتبه التلفزيون محل ماحط جواله عليه إلا ويشوف مكالمه لم يرد عليها ورساله جديده
ويفتح المكالمه ويشوف رقم مو غريب عنه حافظه في عقله وقلبه
وابتسم رواف وهو يشوف الرقم اللي صار يتأمله اكثر من ربع
وشوي ويفتح الرساله ويشوف العجب
أحبك
احبك
رواف قام يناظر بالرساله مده طويله وكأنه يبي يشبع عينه بالرساله
آآآآآآآآآآه يابنت عمي كل هذا لي والله كثير
وما حس بنفسه ألا وهو قاعد يكتب رساله
المتصل عاشق ذبح قلبه الشوق والمستمع قلبي وروحي فدى له
وأرسلها لرقم اللي حفظه في قلبه قبل عقله
يالله لا تعوقني بشر بكره بكلم عمي عن الملكه ابغاها الأسبوع الجاي
ورمى بنفسه على سريره وهو يناظربالمحل الفاضي اللي جنبه وهو يقول كلها كم أسبوع ....


في المطعم

الغلا وليان جالسين مع بعض وخالد جالس لوحده والغلا كل شوي تتنقل مره عند ليان ومره عند خالد

الغلا :ليان تعبتوني لو أنك توافقين عليه كان قعدتنا حلوت
ليان :الله يهديك يابنت عمي ما تتعبين من السالفه هذي ..خالد والنعم فيه بس عمري ماراح أفكر فيه لأنه مثل أخوي وبس
الغلا :كلام دلوعات أحسه إذا خطبك رسمي راح توافقين
ليان وهي معصبه :لا تحرجيني مع أهلي حتى إذا تقدم رسمي ماراح أوافق.... أرجوك يالغلا لاتزعلين أقدر آخذه بس ماراح أكون سعيده معه ترضين علي بكذا

الغلا :لا ما أرضى بس أخوي ينحب بسرعه
ليان وهي حاسه بالأحراج:أدري يالغلا بس أنا مو حاطه في بالي قرايب أبد ..مو عيب في خالد بالذات بس فيني أنا.. خطبني ولد خالتي ولد خال أمي ..
ونفس الشي رفضت بدون ما افكر ما أدري وش فيني ..
الغلا وهي خلاص الدمعه واصله :بس خالد يحبك
ليان: يالغلا أدري تحسبين أني ما أحس فيه والله أنا أتعذب ودي أفكر فيه كزوج بس والله ما أقدر
الغلا :الله يوفقه ويوفقك أنتي غاليه وهو أغلى
ليان :خلاص يالغلا أبرجع البيت
الغلا وهي حاسه بنت عمها أنها انحرجت وتقول في بالها ليتني ما فتحت السالفه الحين وخربت عليها الطلعه
الغلا :شوفي ما أقدر أنكر ياليان أني زعلت من كلامك أنك ما تبغين خالد وسكتت شوي وقالت بس هذا زواج وما يصلح إلا بالاقتناع والرضى وأخوي لو يدري ما يرضاها أنك تتزوجينه وأنت مو موافقه ولا مقتنعه فيه
ليان :صدقيني يالغلا خالد له معزه في قلبي بس مثل أخوي ..والله يوفقه بنت تحبه وتسعده
الغلا :يارب اللهم آمين ..الغلا حست أنها لازم تغير السالفه
ليان وش رايك تبين حلى
ليان :الحمد لله مليت بطني مافي محل للتحليه
الغلا :بالعافيه ..ومسكت جوالها تبي تكلم خالد علشان يطلعون
فتحت الجوال وشافت رساله جديده متى وصلت الرساله ما سمعت الجوال يرن
ليان :من الإزعاج والميوزيك
الغلا فتحت الرساله إلا وتشهق ذيك الشهقه
ليان :وش فيك ليكون أهلنا فيهم شي
الغلا فاتحه فمها مو مصدقه وهي تأشر براسها لا لالا ما فيهم شي
أنا اللي فيني
ليان :وش فيك جيبي الجوال وخذته من يد الغلا وقرت الرساله وهي تبتسم ..الله الله على الحب
الغلا:ما تحسين أنه جريء شوي
ليان :لا شدعوه علشان رساله حكمت أنه جريء
الغلا :وهي تطالع الرساله وهي تبتسم إلا وشوي وتحط الجوال على قلبها
ليان :نحن هنا
الغلا:آآه ياليان وش كثر احبه وهالرساله كملت علي
ليان وهي تفكر بشي
أقول وش رايك تردين المسج
الغلا :نعم نعم تبين أنا أرسله انهبلتي
ليان وهي تضحك ما دريتي عن اللي سويته
الغلا التفتت عليها وش اللي سويتيه
ليان حست أن الغلا لو تدري راح تزعل ورقعت السالفه وقالت أني قلت لأهلي أني أبغى واحد مثل رواف
الغلا :ههههه ما أنتي لا قيه أتحداك
ليان وهي ترفع يدينها :يالله توفقني بواحد مثل رواف وحركاته
الغلا:آمين الله يوفقك بمثله



ليان:آمييييييييييييييييييييين
خالد وش فيهم تأخروا علي أحسن شي أدق على الغلا
الغلا :جوالها يدق وهو بين يدينها وتخرعت ظنته رواف يدق عليها إلا وتشوف خالد يتصل بك ..وتطمنت وردت على طول
خالد :امممممممم خلصتوا
الغلا :الحمد لله أكلنا وشبعنا ..الله يعطيك العافيه وناكله في تخرجك وأنت دكتور
خالد :آآمييييين بالعافيه وطمنيني عسى بنت عمك كلت
الغلا وهي تبلع غصه :الحمدلله كلت
خالد :يالله نمشي
الغلا : ترى أحنا برى نستناك
خالد :ول أنتو بره يالله طالع لكم
وركبو السياره
وعلى طول شغل خالد المسجل على شريط رابح وعلى أغنية
في منتهى الرقة ....
الغلا سرحت في بعيد.... تفكيرها برواف وبالمسج الحلو اللي أرسله
بس في شي خرب عليها فرحتها.. شلون أفاتح خالد بالموضوع والله أنه بيزعل
بس يدري اللحين أفضل من أنه يتقدم رسمي وينرفض وينحرج قدام العايله كلها ... الله يعيني وشلون بفاتحه بالموضوع
خالد سرحان في اللي جالسه ورى وشوي ويناظرها من المرايا
أما ليان حاسه بنظرات خالد ودها تنشق الأرض وتبلعها
وصلو للبيت إلا وتتكلم ليان بقوه :أبروح بيتنا
خالد :أفا يابنت العم وش فيك قلبتي راسك من تو أنتي مستأذنه من مرت عمي وهي موافقه
ليان :تذكرت كم شغله أبسويها
الغلا :براحتك . يالله خلنا نوصلها
خالد :توكلنا على الله
وصلو بيت عمهم والسكون هو جو السيارة ونزلت ليان بدون ما تسلم ولا حتى تشكر خالد ولا الغلا

خالد:وش فيها بنت عمك كأنها زعلانه
الغلا:.........
خالد:الغلا وش فيك ماتردين فيه شي
الغلا :امممممممممممم
خالد :وش فيك خوفتيني ...زعلانه معها
الغلا :لا هي بس تعبت شوي
خالد :وش فيها
الغلا :مافيها شي بس داخت شوي
خالد:أجل ماكلت ولا ذاقت شي
الغلا وهي تفكر خالد حس أنها فيها شي وخاف عليها ويحاتيها أنها ما كلت والله ما تستاهل حبه أنا لازم أقوله
خالد :ليكون يالغلا ماعجبها المطعم ليتك قلتيلي أوديها مطعم ثاني الله يهديك
الغلا :خالد
قاطعها خالد: الله يسامحك خربتي علي خطتي أني أكسب ودها
الغلا :خلاااااااااااص ياخالد
أبقولك على شي بس أرجوك لا تزعل
خالد: وش فيه طيحت قلبي في بطني
الغلا :ليان
خالد :يا لبى قلبها وش فيها
الغلا خلاص قامت عيونها تدمع بدون ماتحس مسكين ياخالد كل هالحب لها وهي ما قدرت هالحب الله يسامحها مو لاقيه واحد يحبها كثره ..الله يهديها
خالد :وش فيها ليان خوفتيني عليها ليكون فيها شي
الغلا ماقدرت تستحمل وقامت تبكي :خلاص ياخالد لا تقطع قلبي ليان مافيها شي
خالد :أجل
الغلا :ليان ما تبغاك ياخالد
وفجأه توقفت السيارة
خالد وحط راسه على الدركسون
الغلا :ارفع راسك ياخوي ماعاش اللي يخليك تنزل راسك
خالد وهو على نفس الوضعية
الغلا تطالع في أخوها المنزل راسه واللي حسته يبكي بس بدون مايطلع منه صوت حسته من كتوفه اللي قامت تهتز وترتعد.. كل هذا علشانها
الغلا :ارفع راسك ياخالد ودك خذت وحده ما تبغاك ولا يمكن تحبك أنا ياخوي ما أرضاها عليك أنا سألتها سبب رفضها لك مو عيب فيك هي ما تبغى قرايب
خالد:بس هي عشمتني كل كلامها وحركاتها تدل أنها تعزني
الغلا :أكيد ياخالد هي تحبك وتعزك بس مثل أخوها لاأكثر ولا أقل
خالد :والله حرام بنيت كل أحلامي معاها
الغلا :ارفع راسك يا أخوي وكلمني
خالد ويرفع راسه ويناظر في أخته
الغلا تفاجأت من خالد وعيونه اللي كأنها جمر
خالد تبغى تآخذها وهي ماتبيك أخطبها بكره عمي راح يغصبها عليك وراح تآخذها
خالد :ما عرفتيني يالغلا مو أنا اللي أغصب وحده علي أنا يوم فكرت أتزوج ابغى وحده تبادلني الحب وتحبني كثر حبي لها ولا أزود
الغلا :خلاص أجل لا يضيق صدرك
خالد :صعبه يالغلا هذي ليان
الغلا :ليان عبرها مثل أختك وإن شاء الله الله بيوفقك بوحده أحسن منها قول آمين
خالد :ما أتوقع يا أختي
الغلا :ليه كل عيلتنا بنات أشر على وحده ونخطبها لك على طول
خالد :اخترت ولا ...
الغلا قاطعته :أنا وش قلت ليان مثل أختك خلاص فكرفي وحده ثانيه
خالد :والله صعبه
الغلا :ماهي صعبه ولاشي
خالد :أنتي مسهله السالفه تخيلي يالغلا يجيك أحد ويقولك أنسي رواف وش بتسوين
الغلا حطت يدها على قلبها :بسم الله علي وشوي الا بكت
خالد :التفت عليها مو مصدق أنها تبكي
وش فيك يالغلا والله ما أقصد انا أضرب لك مثل
الغلا: ياخالد أنت قلبت علي المواجع ياخالد ألا واختفى صوتها بالبكا
خالد :الغلا وش فيك يا ليتني ما قلتلك شي
الغلا :خالد مع أنا رواف خطبني بس عندي أحساس أني مو متزوجه منه
خالد :وش ذا الكلام
الغلا :أيه ياخالد هذا الصدق شف ياخالد عندي احساسي واحساسي ما يخيبني أما أني بموت ولا بيصير له شي
خالد :الغلا فال الله ولا فالك الله يهديك وش ذا الكلام
الغلا :أكيد يا خالد هذا اللي بيصير أنا وراف نحب بعض اللي بيصير أكبر منا اثنينا
خالد :ما توقعتك يالغلا متشائمة وعندك هالخرابيط



في بيت رواف

زكيه :شف يا أبو رواف ترى ولدك خاطره بنت عمه الغلا ولدي عندي بالدنيا كلها
فهد :الله يهديك وش ذا الكلام الغلا مخطوبه لأخوه ما فكر فيها وحبها ألا يوم خذها أخوه
زكيه :وش قصدك
فهد :لا مو قصدي شي ياحبيبه قلبي
زكيه :أجل خلاص قول ولدك يرفضها علشان يآخذها ولدي
فهد :والله صعبه أقول لرواف أرفضها علشان يآخذها أخوك
زكيه :يعني
فهد :ما دام مفكر أنه يتزوج دوري له على عروس
زكيه :ما يبغى ألا بنت عمه
فهد :خل يآخذ بنت خاله وش زينها
زكيه وهي تصرخ أنت ما تفهم
فهد :خلاص ولا تزعلين بس خليني أفكر شوي
زكيه :متى بترد لي خبر
فهد :الله يسهل عطيني يومين ولا يصير خاطرك إلا طيب
زكيه :الله يخليك لي ياأبو فواز
البارت وش تتوقعون بيصير
أبو رواف راح يرضى
هل الغلا راح تتنازل عن ولد عمها بسهوله
ليان هل تتندم على رفضها لخالد ولابتلاقي حب موافق لشروطه