لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


لاصار جدك ماورث لك ملايين ابلع العافيه واقضب ارضك

نقطة نظام إذا قدّر الله عليك وصار لك معامله في دائرة حكوميه( لا سمح الله) ورحت من صباح الله خير تراجعهم بخصوص معاملتك طبعا أنت متولم للزحمة و

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 06-05-08, 08:55 PM   المشاركة رقم: 1
المعلومات
الكاتب:
اللقب:
ليلاس متالق


البيانات
التسجيل: Jun 2006
العضوية: 7201
المشاركات: 246
الجنس ذكر
معدل التقييم: test عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
test غير متواجد حالياً
وسائل الإتصال:

المنتدى : القصص المكتمله
Talking لاصار جدك ماورث لك ملايين ابلع العافيه واقضب ارضك

 

نقطة نظام

إذا قدّر الله عليك وصار لك معامله في دائرة حكوميه( لا سمح الله) ورحت من صباح الله خير تراجعهم بخصوص معاملتك طبعا أنت متولم للزحمة و الطوابير,فجأة تدخل ما تحصل زحمة لا تستانس تأكد أن نظامهم متعطل وكمبيوترهم خربان


معاناة

قدر الله علي وتهورت وضربت في رأسي أصير رجل أعمال ( اللي وده يقول لي منتب كفو لا يستحي يقولها ) لأنه مثل ما أنتم خابرين الراتب هالوقت ما عاد هو مثل منول هالحين يالله يجيب لك قطمت رز وكيسين خبز وعلبة جبن مثلثات ( هاكلام قبل الخمسه ) فلازم على الشخص أن يبحث عن دخل إضافي يرستك فيه أموره و يؤمن على مستقبله , لأن المستقبل الوظيفي بكل صراحة فاشل أجل موظف على المرتبة السادسة زيادته السنوية ما تصل 350 ريال وتكرف على هالمرتبه 8 سنوات ويا طيب حظك إذا تقاعدت وأنت منتب على السادسة

ملاحظه

لا أحد يجي يقول لي أنت ما تقتنع وما تحمد ربك على النعمة اللي أنت فيها , لأني أبرد عليه بكل برود وأقول له : ألفقها و يا زينك ساكت أنا حامدن ربي وشاكره لكن لابد للشخص أن يكون طموح وما يتوقف عند نقطه معينه << تفووو عليك , أجل جايزن لكم الأجانب يوم يجون يضفون من دراهم الديره وحنا بس رايحين جايين على الدوامات لازم نتحرك ( مهوب حسد لكن حنا أولا )



مأساة

كما ذكرت أنفا أني قررت أصير رجل أعمال وأفتح لي موسسة تجارية برأس مال بسيط جدا شاحذه شحاذه وبالملعونه وأختها جمعته ومن الوناسه ما خليت أحد ما علمته أني جمعت مبلغ محترم ( يا ليل الطفاس اللي أنت عايش فيه ) << موظف حكومي لا تشرهون وهذه هي بداية اللانهاية مع الدوائر الحكومية روتين وبيروقراطية ما شاء الله تلعن جدفك وتخليك تحسف في يوم أنك فكرت مجرد تفكير أن تدخل التجارة , تحلفون أنها محطوطتن للتعقيد بس قال طموح قال أتفوووو عليك

بدأت معاملة المؤسسة بالدوران على الدوائر الحكومية ( عشان كذا سموها داوئر لأن المعاملة تدور فيها لين تدوخ ) ما بقى فرع وزارة ولا مصلحة ولا منشأة حكومية ما مرت عليها معاملتي اللهم تسان وزارة الزراعة ومصلحة الأرصاد الجوية و ما يندرى بعد يمكن نراجع الأخيرة بزعم أن المؤسسة قد تسبب اتساع ثقب الأوزون ( أنا اللي أتسع ........ من كثر الطردي وراها ) ..

المهم أنها فرت فرت فرت لين داخت ( أنتي يالمعاملة ) وقفت عند أحد الدوائر ( بدون ذكر أسم الدائرة عشان ما أجرّح بأحد ) وأخذت المعامله عندهم شهر بخصوص تأشيرات عماله ( تراي ما قلت مكتب العمل لا تقوّلوني ما لم أقل ) الوكاد انتظرت انتظرت عيت تخلص ماش طولت المسألة ومصخوها كني واحدن متزوج وزوجته حامل بالشهر التاسع وكل يوم وهو ناط بحلق زوجته : هاه متى تبيضين ؟؟ << ابو اللي علمك تضرب أمثله يا مخنز

وفي يوم من أيام الانتظار صحيت من النوم بدري أرسلت لمديري رساله فحواها : لا تحتريني اليوم وإذا تبي توقع عني جزاك الله خير صليت الفجر وشلت عفشي وعزبتي وأخذت فراشي معي سبحان الله يمكن أخذ لي غطه ( نومه ) عندهم ودعت شقتي الوداع الأخير ( ناويها ناويها هالمره ) وصلت عندهم قبل يفتحون أنتم يا الدائرة الحكومية اللي ما قلنا أسمها وفرشت فرشتي على الرصيف وشبيت دافوري وبدت المعاميل تدهر وكل من مر علي أخذ له فنجال وفذتين قدوع وسرد لي قصته ومعانته معهم ( أنتم ياللي ما قلنا أسمكم عشان ما نجّرح فيكم ) جلس عندي شخص شكله الله أعلم أنه معقب قام يسولف علي وبين السوالف قال : أنت تبي من يخلص لكم أمورك هنا أنا أعرف لي واحد هنا يخلصها لك بيوم وغمز لي بعينه ( تهقون يقصد شي )

المهم تقهويت وعينت من الله خير مير تجي ساعة الصفر قمت أقشقش أغراضي بسرعة وألبس لباس المهمات الخاصة ( برشوت , خوذوه , إسطوانة أكسجين ) وأرفع يدي أدعي قبل أدخل : اللهم أخرجني منها سالماّ اللهم أنصرني على من عاداني فيه واحد واطي يمشي جنبي قبل يدخل يدعي ( اللهم أني أعوذ بك من الخبث والخبائث ) وش يقصد مدري !! المهم أني دخلت الصاله , ولقيت سرا طوييييييل ويني وين الموظف اللي أبيه قلت مهيب مشكله أقضيها سوالف مع المتاعيس أمثالي وبينما أنا أسولف ومندمج بالسوالف طقتني الحسرة وبدأت تلعب فيني من كثر ما قحنت من القهوة , هذا وقته وش أسوي بعمري الحين لو رحت لدورة المياه راح يأخذون مكاني يبونها من الله ويطري علي أنا ليه جايب الخوذة معي عز الله أنها فكت زنقه

دقني واحد مع ظهري يقول : لا تملا الخوذة كلها بق لي شوي ( هنا تذكرت الواطي راعي دعاء دخول الحمام ) عطيتها للي وراي مير يلتفت علي اللي قدامي : تكفى أحجز لي مكاني أبروح دورة المياه وأرجع رديت عليه وانا أدبجه مع ظهره وفاق خشتي : وشو له تروح دورة المياه أنا عندي الحل خذ هالخوذة ومش أمورك فيها مير يغدي وجهه ألوان ويقمط العافيه , تلطمت وقلت له رح أنا أحجز لك مكانك لازم تفطر فول على الريق


طااال الانتظار والسراء مدري شفيه ما يشمي ( عيال اللذينا حتى السرا عندهم فيه واسطات ) مليت من الوقفه وصدّع راسي , طَلّعت ترامس القهوه والشاهي اللي معي ( كشته ) كنت معبيهن يوم أنا أتقهوى على الرصيف وجايب معي فناجيل بلاستك وأقهوي اللي حولي ونفل الحجاج والله علينا بالخير لين قرب دوري عند الموظف من الفرحة طقتني أم الركب وبديت أنافض ورجولي ما شالتني من الوناسة ودموع الفرحة ملت عيني واللي وراي يواسيني : قرَت عينك وكّل الله يا رجال صبرت وظفرت

قربت للموظف وهمست له : ثنين تميز واحد بُر الله يخليك ( مهوب يتطنز أبد ) وأطالع في الموظف إلا هو قرفان مع أنه جالس تحت المكيف وعلى كرسي وحنا المنكرفين من صباح الله خير بالزحمة الواحد من يجي دوره وهو كارهن حياته كلها بس يضغط على نفسه ويبتسم وينكت عشان يونّس طويل العمر لا يؤجل المعاملة للشهر الجاي وأرجع أسأل الموظف وضحكتي من الأذن للأذن : هذا رقم معاملتي طال عمرك شف لي وش صار عليها رد علي من طرف خشمه : للحين ما خلصت راجعنا بعد أسبوع

خنقتني العبرة وشوي وأطيح من الصدمة مير يسندني اللي وراي اللي عطيته الخوذة يفك زنقته فيها , الحقير استغل الموقف ( صدق اللي قال خير تفعل , حركات بزرنجية تلقى ) أنهرت وانقطعت أنفاسي بس الحمد لله كان معي أسطوانة أكسجين تداركت الموقف فيها وأخذت نفس أكسجين وطلعت أجر أذيال الهزيمة من الصاله

وقبل أطلع طرأت عليه فكره بنت كلب على مرت أحد المراسلين من عندي سألته : وين الدّرج اللي يودي للسطح ؟ ( شك فيني وناظر لي بنص عين لكنه دلني عليه ) طلعت السطح وأوقف على حافة جدار السطح وأصيح بأعلى صوتي : أسمعوا والله لين ما خلصت معاملتي اليوم والله لأطب على راسي ( مع شوية دموع ) وما هي إلا دقايق والمدير محضر تحت طالع فيني تسان يقول : خلاص يا وليدي نبي نخلص لك معاملتك بس أنت أنزل وتعال لمكتبي وأتذكر أن عندي فوبيا الأماكن المرتفعة وجاني اللي يسمونه دوار البحر وأجي مجاوب على راسي ( الله أبوك برشوت عييا يفتح ) بس الحمد لله ما تعورت , تعلق طرف السروال بجذع شجره مما خفف قوة الصدمة بالأرض , وأروح أدربي دميجتي لمكتب المدير وأقعد عنده قال : خلصنا أوراقك ( ناس ما تجي إلا بالعين الحمراء << أقولها بنفسي )


خربانه خلنا نعميها

عطاني الورقة الصفراء , وأنا أسمي بالرحمن أعد الفيز اللي بالورقه ( وجه ناقزتن عيونه ) بس ثلاث تأشيرات لعنبو بليسكم مُعرض حياتي للتهلكه وطالع فوق مبنى ثلاث أداور آخرتها ثلاث تأِشيرات أجل اللي تعطونهم 100 تأشيره على أي مبنى يطلعون علموني أغديني أحصل لو عشرين , رد المدير مزمجرا : أبلع العافية أحسن لك وأطلع برا لا أنشّب الطفاية بجبهتك وخلك حليل لاوالله أنقصهم لثنتين , رديت عليه وأنا معرط بثوبي أبهج : تدري يا مدير الفلس أن سبب كثرة مشاكل البنقاليه هم ربعكم اللي تعطونهم على 100 تأشيرة وإلا حنا ضعوف ما نصدق على الله يجينا ثلاث عمال نعرط فيهم ما نفكهم ومن زين الطبايع يطلع نظام جديد ويطبق علينا وهم سبب المشكلة وما يطبق عليهم (هذا نظام جديد أصدره معاليه , أن أي تأسيس مؤسسة تجارية أو شركة لا يعطى غير ثلاث تأشيرات لو عنده سجل تجاري كبر قريح )


ما يستفاد من الموضوع << أول مره أحطها شفت الناس هابين فيها شكلها موضة

1 - أقضب أرضك وأبلع العافية
2 – لا تفطر وأنت رايح تراجع في معامله
3 – بعزمك يوم تسوي تظليل للنص تبي تلقى شي اترك عنك الشرافه هو المفروض يكون فيه نقطه ثالثه بس خفت اكتبها المسألة فيها كلبوش يا بيي منيب بايع عمري

 
 

 

عرض البوم صور test   رد مع اقتباس

قديم 07-05-08, 06:13 PM   المشاركة رقم: 2
المعلومات
الكاتب:

البيانات
التسجيل: Sep 2006
العضوية: 13121
المشاركات: 14,167
الجنس ذكر
معدل التقييم: dali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسيdali2000 عضو ماسي
نقاط التقييم: 4972

االدولة
البلدCuba
 
مدونتي

 

الإتصالات
الحالة:
dali2000 غير متواجد حالياً
وسائل الإتصال:

كاتب الموضوع : test المنتدى : القصص المكتمله
افتراضي

 

الله يعطيك العافية

 
 

 

عرض البوم صور dali2000   رد مع اقتباس
قديم 07-05-08, 11:44 PM   المشاركة رقم: 3
المعلومات
الكاتب:
اللقب:
ليلاس متالق


البيانات
التسجيل: Jun 2006
العضوية: 7201
المشاركات: 246
الجنس ذكر
معدل التقييم: test عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
test غير متواجد حالياً
وسائل الإتصال:

كاتب الموضوع : test المنتدى : القصص المكتمله
افتراضي

 

مشكوره اختي لحظة زمن على المرور

 
 

 


التعديل الأخير تم بواسطة test ; 08-05-08 الساعة 05:35 PM
عرض البوم صور test   رد مع اقتباس
قديم 08-05-08, 12:07 AM   المشاركة رقم: 4
المعلومات
الكاتب:
اللقب:
ليلاس متالق


البيانات
التسجيل: May 2007
العضوية: 28474
المشاركات: 412
الجنس أنثى
معدل التقييم: Cheer عضو بحاجه الى تحسين وضعه
نقاط التقييم: 20

االدولة
البلدSaudiArabia
 
مدونتي

 

الإتصالات
الحالة:
Cheer غير متواجد حالياً
وسائل الإتصال:

كاتب الموضوع : test المنتدى : القصص المكتمله
افتراضي

 

مشكور تيست
تقبل مروري

 
 

 

عرض البوم صور Cheer   رد مع اقتباس
قديم 08-05-08, 05:19 PM   المشاركة رقم: 5
المعلومات
الكاتب:
اللقب:
ليلاس متالق


البيانات
التسجيل: Jun 2006
العضوية: 7201
المشاركات: 246
الجنس ذكر
معدل التقييم: test عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
test غير متواجد حالياً
وسائل الإتصال:

كاتب الموضوع : test المنتدى : القصص المكتمله
افتراضي

 

مشكوره اختي Cheer على الرد

 
 

 

عرض البوم صور test   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لاصار جدك ماورث لك ملايين ابلع العافيه واقضب ارضك, قسم الروايات والقصص, قصة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 12:06 PM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية