لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


حبنى أحسن لك للكاتبه أحلى ظبيانيه

منى : تــرانــي صج أحبكـ سعود متغصص: حبج البرص قولي آمين أنتـي قـولـي آميـن بـس منى تضحك:شفت حتى البرص يحبني فليش أنت ما تتنزل وتحبني ها؟ قول ها؟ يالله رد

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-06-08, 02:09 AM   المشاركة رقم: 1
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

المنتدى : القصص المكتمله
افتراضي حبنى أحسن لك للكاتبه أحلى ظبيانيه

 

منى : تــرانــي صج أحبكـ
سعود متغصص: حبج البرص قولي آمين أنتـي قـولـي آميـن بـس
منى تضحك:شفت حتى البرص يحبني فليش أنت ما تتنزل وتحبني
ها؟ قول ها؟ يالله رد علي ولا أنا مب من مستواك رد علي بلاك ساكت
سعود تم ينفخ وينفخ وينفخ ميود نفسه بالغصب
منى:هههه شو عندك تنفخ تبى أطير شو
سعود:طيف بعديهـا عني قبل لا أرتكب فيها جريمه
طيف ماسكه نفسها من الضحك: منى عيب اصطلبي عاد تراج صدعتي بأخوي
منى: صلبي أخوج أول شيء مب راضي يحس بحبي
سعود :أكثر من مره قايل لج إني ما أحبج
منى:ليش إنزين؟ مب مهم خلاص , أنا أحبك وخلاص
سعود:أنا أبى أفهم شيء واحد
منى:أفا عليك أنا بكبري موسوعه أسأل أنت بس
سعود:أنتي عندج اللي عندنا عندج عقل ولا أنتي مدمغه
يوم شافت منو اللي كان واقف ورا سعود تظاهرت بالبكاء:إهيء أهي عمو سمعي ولدج شو يقولي
صد وراه وشاف أمه واقفه وحاطه يد على يد وأطالعه بنظرات غضب
رجع صد عند منى اللي مخبيـه ضحكتهـا ,, وتغمز له بعين

سعود:آخ آخ
أم سعود ماسكه إذنه:كيف تقول لبنت خالك مدمغه اللي يقول أنت ألحين سيد الذكاء
عقت راسها على كتف طيف: إهيء إهيء دومه جذي معاي
أم سعود:أعتذر منها بسرعه
سعود:والله أمي هي اللي مأذتني أذيه كل ما تشوفني ما عندها غير كلمه وحده ........ سكـت
منى وطيف يطالعونه ...
منى: يالله كمل طلع من عندك كلام اتهمني بالزور (وكملت صياحها التمثيلي)
سعود:تعرفون شو الكلام ضايع معاكم (بشكل سريع قالها): آسف آنسه منى
منى:عادي في نهاية أنت سعود ولد حبيبة قلبي عمتي لازم أسامحك
يطالعهـا بنص عين .. و أم سعود تركته وراحت تحضن منى
أم سعود:شوفها كيف حنينه هالبنت
طلعت له لسانهـا وتمت تستهزئ فيه
بعدما بعدتها أم سعود تظاهرت بالبراءه
سعود:أنتي لو تعرفين هالحنينه على قولتج على أصلها كان ما قلتي هالكلام
قال هالكلام وطلع عنهم ...
أم سعود:ما عليج منه
قعدت بجانب طيف:عادي في نهاية هذا سعود (في خاطرها):حبيب قلبي(تضحك)
راحت عنهم أم سعود
ضربتها على كتفها: تراج أكبر ممثله تعرفين هالشيء؟
منى أطالعها بغرور:توج أستكشفتي
فرت عليها الموسده عشان تغير نظراتها ... وقعدن يضحكن

بعدما شبعن من الضحك
طيف:جد جد منى ترى سعود صج يضايق وايد يوم تسوين له هالحركات
منى:المشكله يا أخت سعود يعجبني يوم يعصب ويهه يصير كأنه بيــبــي
طيف:يوم بصكج كف قولي هـالـبيـبـي كيف كبر فجأه
منى بأسلوب وحده حالمه:عادي كفه كأنه كأنه
رجعت لطبيعتها:ساعديني أدور على كلمه تناسب الجمله
طيف:صج مينونه أنتي
منى:اللي يرابع هالأشكال وين ما بجنن

في بيت سعيد
منى توها كانت راجعه من بيت بو سعود والبنت طربانه على الآخر
منى: تحية طيبه وبعد التحيه .. أحي قلبك القاطع وصاله
آمنه:شرفتي آنسه منى
منى تهز راسها بالموافقه مستمره في الغناء والرقص
آمنه: بسألج أنتي من متى طالعه
ابتسمت وتقربت من أمهـا باستها على خدها ,, ابتعدت عنها ملوحه بيدها مع السلامه كل هذا ومستمره في الغناء ومتوجه لغرفتهـا

حطت آمنه يدها على راسها: محد بقصر من عمري غيرهـا
سعيد: بعد عمر الطويل إن شاءالله يا أم منى
آمنه: ويه متى دخلت ما حسيت فيك والله
سعيد بغيره أونه:ومنو اللي ماخذ مكاني في عقلج
آمنه : في أحد غيرها
سعيد:ههه إذا منى فما عندي مانع بس شو سوت هالمسكينه
آمنه:هذي مسكينه هذي سكين قول .. الله يطول من عمرك طالعه من العصر وشوف متى رجعت ؟
سعيد:بس عشان هذا حرام عليج بعده الساعه 8 وهي وين راحت مو بيت عمتها؟

آمنه:مب مشكله تروح وين ما تبى بس أنا قايله لها أريد السايق على الأقل كان طرشته إذا كانت بطول عندهم
سعيد:آآه يعني أنتي معصبه لأنها ماخذه السايق , أفا عليج بس كم آمنه عندي أنا عشان الأم والبنت ما يضاربون على السياره باجر بحط لج سايق خاصه لحبيبة قلبي وبس
استحت: والله إنك بعد يا سعيد

يالسه تتطالع التلفزيون , بس اصـوات اللي مصـدرهـا من بـرع البيـت مزعجنهـا ..
طيف:كوماري سيري شوفي برع شو قاعد يصير
كوماري تمسح عـلى الطاوله:أنتي مافي معلوم
قصرت على صوت التلفزيون:ليش ؟شو صار؟
كوماري:ناس جديد يجي يسكن في بيت اللي صوبنا
طيف:أحلفي
كوماري:مافي صدق روحي
طيف:واااي منج عاد خبريني بالتفاصيل
كوماري:اليوم أنتي يوم في روح جامعه هالناس يجي يسكن في بيت هذا
طيف:وااااو يعني جيران جدد بتصل في منى وبخبرها

منى:وااع منج تراج صج إزعاج
طيف ما اهتمت وقالت اللي عنـدهـا:يقولج تعرفين البيت اللي حذالنا ,
منى:هيه وش فيه؟
طيف:سكنوا يقولج
منى:أنتي من صجج
طيف:والله توها كوماري مخبرتني
منى:خساره كان ودي اشتريه ونعيش أنا واخوج حذالكم
طيف:صج متفيجه بتين تشوفين ولا كيف
منى:انتي اللي فايجه شو استفيد يعني يوم بشوفهم ناس حالهم من حالنا
طيف:ويييي وايد ممله صايره
منى:ممله محد غيرج أقولج شيء سمعي صوت القطار وفكينا
سكرت على ويهـا
طيف:صج ما تستحتي
دخل عليها سعود:منو اللي ما تستحي
طيف:منى سكرت على ويهي تخيل
سعود:ألحين تعرفين إنها ما تستحي
طيف:اقعد أقعد أنت بس
سعود:بقعد غصبنن عليج .. سحب عنها الريموت..
طيف:سعود سمعت عن الجيران الجـدد
سعود:هيه اليوم ساعدهم شوي
طيف:أحلف
سعود:وأنتي الكل تبينه يحلف عشان تصدقينه .. واحد من عمال طلب مني أشل معـا وبس
طيف:طيبين؟؟!
سعود:ما اعرف .. قومي عني خليني أشوف التلفزيون
طيف:واااع منك
قامت عنه وراحت لغرفتها

في الجامعه

منـى تكلم السايق: روح أنت انا بروح مع طيف
طيف ضحكـت
منى:إنتـي إيـه على شو تضحكين؟
طيف: قاعده اتخيل ويه سعود يوم بيعرف أنتي بتين معانا
منى: واع بس ,, وشو اللي يضحك يعني
مسكتها بذراعهـا ومشوا لين البوابه
طيف:أثقلي يا بنت ترى الولد ينفجر أول ما يشوفج
منى: ما عليج منه هو يحبني بس يتغلى وتبين الصراحه أحب يوم أطلع له قرون
منى:كيفج والله لا تقولين ما نصحتج
منى: أنطبي أنتي بس
سعود كان يالس في سيارته يتريا أخته , وتغيرت ملامح ويه يوم شاف منو مع اخته
سعود:ولييه هذي شو يابنهـا لا يكون بتروح معانا

طيف:هاي اخوي
منى:مرحب بالساع
ظل ساكت وما رد عليهم
منى:ويه وش فيك سعودووو ؟
سعود:اسمي سعود لو سمحتي
منى: لا أنت لك مكانه خاص في قلبي ومحد يدلعك غيري
حطت يدها على حلجها وتمت تضحك

أما سعود أكتف بالسكوت وضغط على الريس خلهم يجدمون بشكل فجائي
طيف:منى أسكتي عن يسوي فينا حادث ويقتلنا
منى:بلاج خايفه اطمني دام أنا معاج في سياره سعودوو ما بيقتلنا إذا ما يخاف عليج يخاف علي .. صح سعود؟

ابتسم بسخريه ورجع لطبيعته .. يعرف الكلام معاها ضايع

يوم وصلوا قرب البيت .. لمح سعود حرمه كبيره في سن تحاول تشل الأغراض بس مب قادره وكانت تمشي
وقف سعود صوبهـا
منى:شو تسوي ما يوقفون للأغراب يمكن يكونون مسلحين
سعود:أنتي خبيله شو انطبي وارحمينا
نزل من السياره
أما منى وطيف فكانوا يطالعون من ورا الجامة السياره
منى:أخبرج ترى ما أتخيل أطلع مسدس فجأه وتهدد أخوج
طيف:منى حبيبتي لا تكثرين من أفلام ما تلاحظين إنه مأثر عليج
منى:ها ها ها يوم بيستوي صدق بتعرفين
طيف:سكتي هذي الحرمه بتركب صوبج
منى:وااابي .. يوم انفتح باب السياره سكتت وابتسمت لها
الحرمه:السلام عليكم
منى وطيف:وعليكم السلام
سعود أنشغل يدخل الأغراض في السياره
الحرمه:اسمحوا لي عاد تعبتكم معاي
طيف:عادي خالوا ما سوينا إلا الواجب
ركب سعود السياره

سعود:خالوا أنتي كيف تمشين في هالحر؟
الخاله:بيتنا قريب ونحن تونا منتقلين هنا قلت استكشف الأماكن قمت وطلعت أمشي وعاد أنا عيوني زايغه هههه شفت محلات اللي هنا اشياءهم روعه
سعود :وين بيتكم خالتي؟
الخاله: روح سيدا
سعود:زين عيل بيتنا من هنا بعد
الخاله:ريحتني عيل ولا كنت مكلفه عليكم

يوم وصلت البيت
خاله:تسلم ولدي والله يخليك لأهلك إن شاءالله
سعود تم يضحك:خالتي تعرفين إنه البيت اللي حذالكم بيتنا يعني أنتوا الجيرانـا اللي توكم منتقلين
الخاله أستانست:والله؟! اقربوا عيل
سعود:قريب إن شاءالله
نزل ينزل أغراضهم
طيف:صج الدنيا صغيره طلعت في الأخير ساكنه حذالنا
منى:يوم أقولج حياتنا أفلام
طيف:أخبرج انطبي
جدمت جدامها وضربتها على الراس:محد يقولي أنطبي غير سعود فاهمه
طبف:فهمنا يا الخبله . عادي أقولج خبله ولا بعد مصرح لسعود وبس
ابتسمت:عادي مصرحه
ركب سعود السياره وتوجه صوب بيتهم
دخلت منى قبل طيف البيت وألتوت بعمتهـا
أم سعود:وانا أقول كيف البيت نور فجأه
منى:وااااي عمو عليج سوالف تعرفين تغازلين بعد حظك عمي
ضربتهـا أم سعود , أما أبو سعود فتم يضحك
طيف حبت راس أمها وأبوهـا

طيف: هالبنت سوالفها غريبه وعجيبه
سعود :ألحين أكتشفتي
منى: عمو شوفي بـدأ يغلط علي
أم سعود كانت بترمس بس بو سعود سبقهـا
بو سعود: حدك عاد سعود ما أرضى على الغاليه
سعود: ألحين هذي يوم غلطت عليها (يقصد طيف) ما قالت شيء ويوم أنا أغلط عليها تشتكي
طيف:هذي عندها اسم
منى:واسمها طيف الحلوه
بو سعود:هههه والله إنكم الحريم فاهمت بعض

 
 

 

عرض البوم صور أسيرةبحرالأماني   رد مع اقتباس

قديم 21-06-08, 02:12 AM   المشاركة رقم: 2
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

أم مني: وينهـا منى؟
السايق:منى ماما يروح مع طيف
أم منى: خلاص زين

اتصلت في منى
منى:هلا مامي
أم منى:منى فديتج ليش ما اتصلتي في وقلتي إنج بتروحين بيت عمتج
منى: مومي فديتج خبرت السايق
أم منى:هالسايق الله يهدي ما خبرني إلا ألحين وبعد أنا اللي رحت له ولا كان بخليني أحاتي
منى:جان اتصلتي علي
أم منى:قلت يمكن تأخرتي في المحاضره ويوم شفت السايق برع استغربت
يوم شافت سعود مر غيرت طريقة كلامها
منى:إنزين حبيبي
وقف وطالعها
طيف:بلاك وقفت ترمس أمها
سعود:ما يهمني أصلا ..
تحرك وصعد لغرفته
منى تضحك وترمس أمهـا

بعدمـا سكـرت مـن أمهــا ... صـدت صـوب طيـف اللـي كـانـت تـقرأ مجـلـة
سحبـت عنهـا المجلـه
طيـف:أخبـرج أنتـي مـا تعـرفيـن تطـلبيـن بـأدب
تقلـب الصفحـات وعينهـا عـلـى المجلـه
منـى: أدب ؟! أول مـره أسمـع عنـه
طيـف: not funny

منـى: زيـن يـوم عـرفتـي

بعـد سكـوت دام بينهـم خمـس دقـايق
نطقـت طيـف: مممممم
منـى كـانت منـدمـجـه تقـرأ المـقـابـلـه اللي حـاطينـه فـي المجـلـه
منـى:شـو عنـدج؟
طيـف: شـو رايـج نـروح عنـد الجيـران , فينـي فضـول
منـى مـا ردت عليهـا لأنـه بـالـهـا كلهـا عـلى المجـلـه
يوم شـافـت منـى مـب مسـويه لها سالفه سحبت عنها المجله
منى:وش فيج ؟ كنت قاعده أقـرأ
طيف:أنا أكلمج وأنتي مسوتني طاف أونج تقرين شو حاطين يعني
منى: كنت اقرأ المقابله اللي مسوينه مع المذيع عمر
طيف تخبلت :وااو تقصدين عمر راعي برنامج معـانـا اليـوم استفهام استفهام استفهام
منى: هيه (تقلدها )راعي برنامج معـانـا اليـوم استفهام استفهام استفهام
طيف تمت تقلب الصفحات مثل مهبل أدور على الصفحة المقابله
منى:بل وش فيج مزقتي الصفحات شوي شوي
يوم لقته تنهـدت :واااااو روعه يجنن وايد حلو
منى:بس مب أحلى من سعود
طيف:قومي عني لاه قالت سعود قالت
منى:احذرج لا تغلطين عن اغير خريطه ويهج
طيف:انطبي وخليني اتأمل صورته
منى: الحمدلله والشكر
طيف:بس لو أشوفه جدامي
منى:شو بتسوين يعني
طيف:شو بسوي ؟ هيه صح شو بسوي ما فكرت أوي ما فكرت
لازم أفكر عادي أشوفه بالصدفه
منى سحبت عنها المجله :عطيني يا المتفيجه
ونفس شيء طيف سحبت عنهـا المجله
والأثنين تضاربوا على المجله
(مسكين هالمجله)

سعود كان يالس في غرفته ويحاول ينام بس بسبب الحشره ما قدر ينام ,, حط راسه تحت الموسده بعد ما شيء فايده
قـام متغصص .. وسار صوب المسجل .. شغل على موسيقى هاديه
(هو متعود يحط سيدي لموسيقى هاديه وما يشغله إلا يوم يجتمعون هالاثنين طيف ومنى)
بند المكيف وراح صوب الشرفه ماله , فتح النوافذ واستغرب يوم شاف بنت يالسه في شرفتهـا ,, والكتاب بيدهـا
سعود ظل واقف يطالعها ,, تضحك مره ومره تبتسم
تلعب بخصلة شعرها اللي طالعه من تحت وقايتهـا
تم واقف يطالعهـا وابتسم بلا شعوريـا .. ويوم شافهـا بترفع راسها , رجـع بسرعه ورا الستاره ,,
بعد الستاره شويـه عشان يراقبهـا بخلسـه ,
انتبه على صـوت :ريم فديتج وينج
ريم نزلت الكتاب :يمه أنا هنـي
سعود:أهـا اسمهـا ريـم
أم ريـم: يمـه أنتي قـاعده هنـي وأنـا ما خليـت مكـان مـا دورتـج
ريـم: عجبنـي الوضع وقلت اقرأ القصـه هنـا
سعـود:هذي خـالـوا اللـي وصلتهـا اليـوم
وهـذي بنتهــا عيـل
أم ريـم: خلـج من القصـه وتعـالي قعدي معـاي
ريم:إن شـاءالله يا ست الحبايب
راحـت مـع أمهــا , يـوم شـافهـا راحـت طـلع مـن ورا الستــاره
يكلم نفسـه ومستنـانـس:مـا تـوقعـت يـوم فـي حيـاتـي إنـي بحـس بهـا الشعـور . وحظـي الحلـوه يـابهـا مجـابـل شـرفتـي
يـــاااااااااااي

أمـا الجنـاكـل اللـي تحـت فـي الصـالـه بعـدمـا طـروا المجلـه قطـعه قطعـه
نـامـوا عـلى الكنبـه

في صوب ثاني في عالم غير عن عالمهم لا يروح بالكم بعيد مب عالم فضائي ,, كنت اقصد عالم هنا في الارض بس عالم الأضواء والشهره

عمر:شوي شوي على ويهي ترى مطلوب
راعي المكياج:لا تتحرك وايد
المخرج:يالله عمر ما بقى شيء على بدء البرنامج
راعي المكياج:خلصت
عمر: خلكـ على راحتكـ (بصوت واطي)ما عليكـ من المخـرج
راعي:لا صدق خلصت
المخرج:خلاص بنبدأ
عمر:قوم اركض من هنا قوم
وصل الضيف وبعد السلام راحوا الأثنين على الاستديوا
المخرج:3 2 1 ابدأ
عمر:مرحبابكم في برنامجكم معـانـا استفهام استفهام استفهام وأنا المذيع عمر ارحب بالضيف اللي معانا وارحب بالجمهور اليوم الضيف اللي معانا ضيف مب عادي يقولكم استكشف إنه الحرمه اللي في لوحة ابتسامة موناليزا طلعت خالته
الكل تم يطالع ويهمس المخرج يقول للمعدين هذا خارج النص ,,,
وهنا نقع من الضحكـ عمر : لو تشوفون ويهكم كيف صار خاصة ضيفنا بقبق عينه .. كنت امزح معاكم بس
صد صوب الجمهور: شو رايكم . عجيب كان
الجمهور:عجييييييب
عمر:نرجع لموضوع حلقتنا آسف إني خوفتكـ
الضيف:ههههه كان لازم نتوقع منكـ



نزل سعود من غرفته ومالقى غير أمه يالسه في الصاله
راح عندها وحط راسه على ريولهـا
سعود:أمايه وينهم الجناكل
ضربته على الخفيف:شو جناكل انته بعد , المساكين في قمة البراءه
سعود:حرام عليج أمايه لا تشوهين صورة البراءه
ضربته مره ثانيه

سعود:إنزين إنزين خلاص وينهم ؟
أم سعود:طيف راحت ترقد بعدما راحت منى لبيتهم
في خاطره:فكـــه
أم سعود:اليوم طولت في الرقاد
سعود:هيه حلمت حلم عجيب
أم سعود:والله
سعود:هيه حلمت إني تزوجت وحده ملاك واللي اتمناها بعد
أم سعود:واللـه؟!
سعود:أدعي بس يتحقق هالحلم
أم سعود:يا رب يتحقق بس أنت آمر وانا بروح ادور لكـ وإذا كنت حاط وحده في بالك قولي بروح ..
قاطعهـا:لا لا ضربي بريكـ بعدني ما افكر
أم سعود قرصته: هالجيل مشكله
منى يـا لسـه فـي الصـالـه مـع أأبـوهـا , وكـانـوا يلعبـون
ورق (بتـه)
منى"حزر فزر شو ألأرقام اللي عندي
سعيـد:مممم ممكن أتصل في صديقك
منى تضحك:تقدر ومنو هذا صديقك
سعيد يضحك معاهـا: اسمها منى وهي بنتي العزيزه وأنا متأكد إنهـا بتسـاعـدني
منى:صـج إنكـ داهيـه , خلاص بنتصـل قي بنتكـ
تظـاهرت إنهـا قـاعده تتصل وتسوي بحجلهـا: طوط طوط طوط
منى:للأسف محد يرد عليكـ أنتهـت فرص مساعدتكـ
سعيد:لا لا ما يصير مب على كيفج
منى:لا يصير يوم أقولك هذا لعب شباب مب شياب
وفي نفس الوقت نزلت أم منى
آمنه:ها عاد حدج ؟ لا تقولين عن ريلي شيبه
سعيد:سمعتي
منى: لازم بدافع عنكـ لأنهـا معـاك في قطـار
آمنـه:شو قلتي
يوم شافت أمهـا يايـه صـوبهـا ركضت وانخشـت عنـد ابوها
سعيد: محد يمـد إيـده عـلى الغـاليـه
آمنـه تتطـالعـه مستغـربـه
منـى:أصلا ابـوي مستحيـل يتخـلى عنـي
هههههههه
آمنـه: يعنـي خيـانـه
قـامـت منـى مـن عنـد أبـوهـا وسـارت صـوب أمهـا
منـى: أمـأيـه شـو تتـوقعيـن مـن الريـاييـل الخيـانـه تسـري فـي عروقهـم
آمنـه :صـدقتـي واللـه
سعيد يطالع منى بنص عين:أعوذ بـاللـه من شرج . وين عايشين نحنا في قطار كل مره تغيرين مكانج
منـى:خخخخ أبوي يعرف ينكت بعد
قـام سعيد عشان تضربهـا ,, انخشت ورا أمهـا ودزتهـا جدام ,, فسعيـد بدون قصـد ضرب آمنه
آمنه:آخ
سعيد يفرك يدهـا:سامحيني حياتي بغيت اضرب منى تعورتي انتي
منى ركضت صوب االدري:هههه حياتي أونه
يوم شافت ابوها بيتحرك ركضت صاروخ
سعيد وآمنه:خخخخخ
آمنه:غربل من إبلسيهـا هالبنت
سعيد:يـارب ضحكتهـا ادووم للأبـد

بعدما خلص من التقديم سلم على الضيف وكان بيظهر بس المخرج مسكه
المخرج:طيحت قلوبنا
عمر مستانس:من زمان اشتغل معاكم وما تعرف اسلوبي
المخرج:والله هالاسلوب اللي منجح البرنامج بس انت على
الأقل بلغنا شو بتسوي
عمر:عاد هو يطلع من غير ما يستأذن (ضربه على الكتف):وهذا يتسمى الموهبه
خلص منه و وقفوا جدامه المعجبات اللي تسلم واللي تصور معاه
واللي واللي

قدر يفلت منهم وسار صوب سيارته ركب بسرعه كان بتحرك رن تلفونه
عمر:هلا والله هلا
يوسف:أهلين عمي أنته شو مسوي اليوم
يشغل سيارته:شفت شو سويت
يوسف:اقولك الكل استغرب ويوم عرفوا انك تمزح نقعوا من الضحكـ
عمر:والله ومنو كان معاك؟
يوسف: عيسو وجزرو
كمل عنه عمر: وملفوفو وخسو وخيارو
يوسف:خخخخخخ الله يقطع سوالفكـ
عمر:يوم أنت مجمع الخضروات وتتطالع معاهم التلفزيون
يوسف:خخخخ ما عليك مني شو رايك نروح نشوي
عمر:تم بس في بيتنا الجو الحر الصراحه وانت تعرف لازم اهتم
بويهي الجميييييييل
يوسف:وياء ويهكـ الجميييييل , تم خلاص
عمر:يالله عيل

 
 

 

عرض البوم صور أسيرةبحرالأماني   رد مع اقتباس
قديم 21-06-08, 02:18 AM   المشاركة رقم: 3
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

ثـانـي يـــوم

فـي الجـامعـه
وفي كـافتـريـا بـالـأخص
طيف:راسي آخ يعورني
منى:تراج عورتي راسي براسج
طيف:شو اسوي بعد هالدكتور صدع في راسي محد يعرف إنجليزي غيره
منى:خخخخ كلي كلي وإذا ما تبين عطيني
طيف:شو اعطيج أكيد أبى يوعانه حيل
منى انشغلت تاكل وشوي تقرأ الكتاب اللي كانت بتسوي عليه بحث
طيف:عن تخيسينه
منى:عبالج أنا أنتي
طيف: منى ما تلاحظين عنود و ربعها وايد يطالعونـا
منى:يمكن معجبات أنتي تعرفينهم كيف أونهم بـويـات
طيف:لا تقولين أنأ أخاف من هالأشكال يارب يكونون معجبين فيج ولا فيني
منى:ما عندج سالفه وتعالي ليش تتمنين لي جذي أنا مب صديقتج وياءويهج
طيف: حوو مب شكلج مكبره السالفه
منى:كلي كلي وانطبي
طيف تهز كتف منى
منى يوم رفعت راسها من الكتاب تفاجأت ببنت واقفه جدامهم وتبتسم
منى يوم رفعت راسها من الكتاب تفاجأت ببنت واقفه جدامهم وتبتسم
منى رفعت حواجبهـا كأنها تسألها منو تكون؟
البنت :ممكن اقعد معاكـم
منى تتطالع طيف
البنت:من حقكم تستغربون
منى:لا عادي اقعدي اصلا نحن كنا بنقوم .. مخلصين يعني
البنت:لا لا ما لاداعي أنا اصلا كنت يايه عشانكم , مب مطوله عليكم أنا ريم اللي تونا منتقلين حذال بيتكم, البارحه شفتج (تقصد طيف) وتوني يوم دخلت تذكرتج
منى وطيف :أيـــواااااااااااا
ريم:وألحين ممكن أقعد

طيف:أكيد
بعدما قعدت معاهم:امي خبرتني عن يوم اللي وصلتوهـا وهي وايد مستانسه خاطرها تروح بيتكم بس مستحيه أونهـا
طيف:حياها في أي وقت وامي اصلا بتفرح إذا أمج زارتهـا
منى:هيه صح عمتي تحب الزيارات
ريم:زين عيل بشجع امي تزوركم
طيف:صج صدف عجيبه نوصل أمج وتطلع تسكن حذال بيتنا وألحين أنتي تدرسين هنا معانا وطلعتي بنت جيرانـا بعد
منى:يوم أقولج الحياه أفلام
طيف:اعذريها هاي وايد متأثره بـأفلام
ريم:خخخخ حرام عليج تبين خفيفة الظل
منى:سمعتي طيفوا
ريم:عرفت هاي اسمها طيف وانتي
طيف:اسمها منووو
ريم:أعتبروني طالبه يديده. وبصراحه ما اعرف أحد هنا ويوم خبرتني امي عنكم قلت احاول اتعرف عليكم.. سويتوا لي سالفه زين ما سويتوا لي ممممم
منى:تتقفطين!صح؟
ريم :ههههه تقريبا
تعرفوا على البعض أكثر .. وحتى في نهاية دوامهم مشوا مع بعض ... للبوابـه

وهناك كعادته سعود يالس في سيارته يتريا اخته , لفت انتباه اخته تمشي مع شخص مب غريب عليه.. وعشان يتأكد أكثر نزل الجامه
قرص نفسه:لا هاي صج ريم
تمالكـ نفسه وخله عمره طبيعي وما يطالعهم لكن الحبيب كان يطالعهـا بخلسـه ,
طيف:ريم إذا تبين أوصلج عادي ترى بيتكم قرب بيتنا
منى:أخبرج تراج ذلتيها طايحه فينا بيتنا قرب بيتكم
ريم:خخخخ مشكوووره طيف بس أمي حطت لي سايق و هو.. قبل لا تكمل ... السايق وصل

كملت كلامها:هذو وصل ,, يالله عيل اشوفكم باجر
منى:في حفظ الله حبيبتي
أول ما ركبت سيارتهـا .. اسرعت منى عند سيارة سعود
منى:هلا والله شو السالفه اليوم الأخ منزل الجامه
سعود:هـا؟ ولا شيء بس عجبني الجو
طيف:قومي عني خليني اركب
منى:بل بلاج متخبله

طيف:بتين ولا كيف
منى:لا اليوم ما اقدر
طيف:روحي عيل ,, وابتعدي من سيارتنا
ضربتها على الراس:وياء ويهج
ابتسمت لسعود:باااي سعودوو
سعود:اسمي سعود
منى:أوجي سعودوو

في السياره
ألحين الريال يبى يسأل مب عارف كيف
مره يشغل السيدي ومره يبند وإذا شغل يقعد يغير على الأغاني
لاحظت طيف تصرفه الغريب: وألحين بتقولي شو فيكـ؟
سعود:ولا شيء
طيف:لا شكلك يقول في شيء
سعود:ما فيني شيء بس مب عاجبني شيء اليوم
طيف:أكيد السبب منى , بسألك أنت ليش تتضايق يوم تشوفهـا
سعود: ما اعرف ليش كل شيء فيها يضايقني , أحسها ياهل وما تعرف الحياه وفيها عيوب ......

هنا طيف عصبت:بس بس اللي قلته يكفي , أنت ما تعرفها لو تعرفه والله كنت .. (سكتت)
سعود:خلينا منها منو هاي اللي كانت معاكم؟ لا يكون نفسكم مينونه .. ؟
طيف نست إنها كانت معصبه: هيه صح هذي كانت ريم , بنت جيرانـا
سعود يستعبط:بنت جيرانـا؟
طيف:هيه اللي انتقلوا صوبنا. امها كانت اللي وصلنهـا , ما تذكر شو؟
سعود:هيه تذكرت , ماشاءالله بسرعه استوت صديقتكم
طيف:عاد هي رزة بعمرها , وقالت لنا ما تعرف أحد هنا
سعود:ارمسي عدل أونه رزه بعمرها
طيف:وانته ما يعجبكـ شيء
سعود:أقول انطبي احسن شيء.. ما تلامين من صاحب قوما اصبح مثله
صدت صوب الثاني وما سوت له سالفه تعرف يقصد منو بكلامه

-------------
منى:موم رجعت البيت
موم موم موم (تمت تصرخ مامي مووووم
ركضت على الدري وفي نفس الوقت تصرخ تنادي على امهـا ... يوم شافت أمهـا طلعت من غرفتهـا
حضنتهـا بقـوه:احبــج
آمنه كانت معصبه لأنهـا وعتهـا من الرقاد وعبالها شيء صار لبنتهـا .. بس يوم حضنتهـا منـى نست كل شيء
بعدما شبعت حضن:وين أبوي
آمنه:أبوج اليوم بيتأخر في الشغل
منى:واااع أبوي متى بيتقاعد
آمنه:هذا شغله ولازم يحترم شغله
منى: ابوي مدير البنكـ ومـا يقـدر ياخذ اجازه على كيف كيفه
ضربتهتـا على الراس:عبالج كله الناس تفكيرج نفسج

منى:مستحيل أصلا يكونون مثلي هههه ولو كان تفكيرهم بالصدفه مثلي كانت الدنيا بخير
آمنه:كان هذي سوالفج .. إنزين تعالي تغديتي
منى:يوم أقولج كبرتي في السن ,, تراني متصله فيج وقلت لج إني بتأخر اليوم وبتغدى في الجامعه
آمنه كانت بتضربها بس ما لحقتهـا لأنه منى رجعت راسهـا لـورا
وطبعا مع ضحكتها اللي ما تفارقها ..

العصر
طيف يالسه على الماسنجر . من الملل اللي فيهـا كل مره تغير نك نيم مالهـا
فيوم شافت منى دخلت الماسنجر , تخبلت
طيف:هااااي منايـا
منى:بل . الآنسه داخله شو عندهـا
طيف:ملانه ..ماكو شغله
منى:شو رايج نطلع مكان ؟
طيف:وين تبينا نروح؟
منى:مممم نروح السينما حاطين فلم كارتوني ما ادري شو اسمه؟
طيف:خلاص عيل
منى يالله اركضي روحي قولي لأخوج
طيف:وانا عبالي انا وانتي بس
منى:وين تبين ؟ انا وانتي بس؟
طيف:إنزين عبالج اخوي اول ما بيسمع انتي بتروحين تحسبينه بينقز وبقعد يصرخ هيه هيه هيه
منى:شو تكتبين قصه شو؟
طيف:هذي ما فيها صبر كملت كتابتهـا: وطرشت لهـا
منى:ألحين أنا قلت قاعده تكتبين قصة حياتج
طيف:قريتي اللي كتبته
منى:هيه . أنتي قومي وروحي قولي لأخوج بدال هالهزره الزايده
طيف:بروح أحاول وإذا ما رضى لا تقولين مـا حـاولـت
منى:روحـي وفكينـا
طيف:برب
قامت وراحت لغرفة أخوهـا ,, وهي طالعه تكلم نفسهـا:ما ادري هالبنت لين متى بتذل عمرها .. ما تفهم عنيده
فتحت الباب
سعود كان يالس ويطالع التلفزيون
طيف اول ما دخلت سوت طاف لأخوها بعدما شافت منو اللي في تلفزيون
طيف:وااااو هذا عمر
راحت عنده وخذت منه الريموت .. علت على الصوت .. والابتسامه ما تفارقهـا ..
سعود تم يطالعهـا باستغراب ويوم شافهـا خذت عنه الريموت .. ما قدر يمسك نفسه
سعود:أنتي إيه ؟ شو عندج
طيف:اصبر سعود بعدين بكلمك
سحب عنها الريموت:اول شيء تدخلين من غير إستأذان وبعدين حضرتج تسوين لي طاف ولا كأني موجود
طيف ابتسمت:خلصت (سحبت عنه الريموت)
رجع سحب عنهـا
سعود:انتي فيج حاله شو ؟ما تلامين من كثر ما أتمين مع هاي الخبله منى
ضربت على راسهـا:هيه صـح
سعود:الحمدلله والشكر
طيف:نسيت حق شو يايه عندكـ ؟ تعال سعود حبيبي بتودينـا السينمـا اليـوم
طالعهـا بنص عين:ألحين حبيبي
طيف:أنته دوووم حبيبي ها شو قلت
سعود:جوابي تعرفينه: لا مب متفيج لكـم
طيف:يالله سعود لا تذلني عاد
سعود:ما تبين تنذلين أكثر؟
استانست وهزت راسها بالموافقه
سعود:خلاص عيل طلعي من غرفتي وصكي الباب وراج
حاست حلجها: صج مب منك فايده
طلعت من غرفته
سعود:قالت طلعنا قالت تباني اتخبل معاهم


منى بعد في نفس الوقت كانت تتطالع برنامج معانا اليوم استفهام استفهام استفهام؟
سمعت صوت الجرس اللي مال المسنجر
منى:ها بشري؟
طيف:أكيد ما رضى
منى:من صدقه هذا
طيف:هيه
منى:على فكره أخوج وايد شايف نفسه
طيف:ألحين تعرفين
منى:عادي عندج أسب أخوج
طيف:مصرحه
منى:خخخخخخخخخخخخخخخخخخخخ
طيف:خخخخخخخخخخخخخخخخخخخخخخخ
منى:ما ينلام يوم يقول عنا ميانيين
طيف:هيه خخخخخخخخخخخخخخخخخخخ


أم ريم:استحي ..
ريم:يمه والله عادي
أم ريم:بس نحنا زرناهم من غير ما نقول لهم
ريم:ما عندنا رقمهم.. وبنتها بنفسها قالت لي عادي
أم ريم:إنزين انتي دقي على الجرس
ريم:إن شاءالله
بعد ما دقت على الجرس
أم ريم:خلنا نروح
ريم:لا مب مروحين دقيت انا على الجرس
أم ريم:انتي تمي وأنا بروح
كانت بتروح ... لكن يوم انفتح الباب وقفت
كوماري:نعم شو يبى؟
ريم:ماما هنا؟
كوماري:هيه منو في قول انا يعرف كله اصدقاء مال ماما انتوا ما في يعرف؟
ريم:نحن اللي يسكن هنـا (أشرت على بيتهم)
كوماري:هيه هيه في معلوم انتوا في جديد
ريم:هيه
كوماري:هياكم هياكم ... انا بيذكر ماما
بعدما راحت المحققه كوماري
أم ريم:في وقت خلنا نرجع
ريم:أماااااايـه عــاد
أم ريم:خلاص خلاص إنزين
قعدن على الكنبه ...

كوماري دخلت فجأه على أم سعود
ام سعود:بسم الله وش فيج؟
كوماري:ماما هرمه يبى أنتي تعرفين منو هذي هرمه
أم سعود:أكيد ما اعرف يالله خبريني بسرعه
كوماري:جيران اللي يسكن هنا
أم سعود:تقصدين جيرانا اللي حذالنا
كوماري:هيه هم هم وبعد بنيه وايد هلوه زين لولد مال أنته
أم سعود:شو تخورطين أنتي .. قومي عني خليني أطلع لهم
لبست وقايتهـا وطلعت لهم

من وراهــم: حيا الله من يـانـا
أم ريم :الله يحيييج
قامن عشان يسلمن ... بس أم سعود أصرت إنهم يقعدون
ريم:هلا بأم طيف .. إن شاءالله ما ضايقناج
أم سعود:لا حبيبتي لا ضايقتوني ولا شيء
أم ريم:عاد اعذرينا جيناكم من غير ما نقولكم
أم سعود:افا بس ترى حياكم في اي وقت
أم ريم:تسلمين والله .. انا خديجه تقدرين تقولين أم ريم وهذي بنتي الوحيده ريم
أم سعود:الله يخليها لج ... ريم من نفس عمر بنتي طيف؟
ريم:هيه ... وانا تلاقيت معاها اليوم
أم سعود:زين عيل تعرفتوا على البعض بروح أناديها لج
ريم:لا لا تعبين على حالج إذا ما عندج مانع أنا بروح لهـا
أم سعود:روحي لها طيف تحب المفاجآت فاجئهـا
قامت ريم مستانسه .... و ركبت الدري ... لكنهـا أحتارت بين الغرف ما عرفت اي وحده فيهم غرفة طيف ... كانت بتسأل أم سعود بس يوم شافتهـا اندمجت مع امها .. ما حبت تخرب
تنفست:حزر فزر بختار اي غرفه
دقت على باب الغرفه
فتح سعود الباب وعباله أخته طيف ... لأنه كان قاعد يلبس قميصه الرياضي عشان بروح يلعب كوره..
احمرت ريم وما عرفت شو تسوي غير إنها تعتذر
انتبه للصوت نزل القميص بسرعه من على راسه .... وبشكل غير متوقع سكر الباب على ويهـا

تلصق على الباب وقلبه يدق بقوه ... دق دق دق دق دق
يكلم نفسه:مب كانهـا ريم كانت؟ لا لا أكيد كنت أتخيل.. افتح الباب مره ثانيه واتأكد
فتح الباب ومالقى أحد واقف طالع يمين ويسار ما في أحد
ارتـاح وضحك على عمره:هالبنت ماخذه عقلي بديت أتخيلهـا حتى ... رجع لغرفته


طيف:والله أمج هنـا
ريم:هيه قبل شوي يايين وحبيت أفاجأج
طيف:مفاجأه حلوه .. خليني اخبر منى
ريم:قاعده تراسلين منى
طيف:ما عندي عيرها
انشغلت طيف مع منى .. أما بال ريم فكان مشغول بموقف المحرج اللي صار لها واللي تفاجأت أكثر من ردة فعل سعود .. صك الباب بقوه كأنه شايف شبح جدامه


بعدمـا تلبس نزل ...
سعود:السلام عليكم ... يالله بروووح
أم سعود:لحظه وش فيك صاير صاروخ
سعود:تأخرت على الرع
أم سعود:ما عرفتها ؟ هذي أم ريم اللي وصلتها
رجع دقات قلبه يدق مره ثانيه وفي بالها كلام وايد : يعني صج كان مب خيال .. وانا الغبي صكيت على ويها عبالي خيالها .. شو بتقول عني ألحين .. صج ما استحي
أم سعود:سعود ... سعود
سعود:ها؟
أم سعود:وين سرحت
سعود مسك نفسه وابتسم:موجود معاكم
راح سلم على أم ريم وأستأذن منهم ...
ركب السياره وتفكيره كله عند ريم ... اللي اندمجت مع طيف ومنى ومهليكنها من الضحـكـ ... عجبها القعده معاهم و زياراتهم لبعض صارت متكرره ... أم سعود صارت تتطلع مع أم ريم في كل مكان ... وريم صارت مع طيف ومنى قريبه لكنها صارت اقرب لطيف اكثر ,, بما إنه بيتهم قريب فكانت كل يوم عندهم ... والنتيجه كانت وقوووع سعود في حبها وفي جمالها .. وكل ما تكون عندهم يعسكر في بيتهم ... ومنى غافله عن الامر ,, لكنها ما زالت تحاول تخلي سعود يحبها...
سعود: كيف ألحين ؟؟ كيف أقدر أتواصل معاهـا ؟ ممممممم
ممممممم ,, ممممممممم
صفق بيده الثنتين:لقيتهـا
طلع من غرفته وراح عند أخته
سعود:طيف طيفوا قومي بقولج شيء
طيف تغطي نفسها أكثر بلحـاف ... بس سعود سحب عنهـا اللحــاف ...
سعود:قومي صدقيني بتندمين إذا فاتج
طيف قامت متغصصه : أهووووووو
تبعد شعرهـا من ويهـا :شو عندك (ثـاوبـت) :بسرعه تكلم
سعود:تذكرين يوم قلتي تبين تروحين السينما
طيف:وييييي هذا في شهر اللي طاف (رجعت ترقد):روح ألحين أبى أكمل رقاد
سحبهـا من يـدهــا وقومـهـا مـره ثـانيـه
طيف:أمـاااااايه شو تبى ؟
سعود:أنتي سمعيني للآخـر شو رايج نطلع اليوم
رفعت راسهــا: من صدقكـ
سعود:هيه .. ملان وقلت اطلع بس قلت أطلعكم معــاااااي .. هـا شو رايج بتيــن؟
طيف:أكيـد
تحمســت وقـامـت مـن السـريـر ... قعـدت أدور عـلى موبـايلهـا ...
سعود:شو أدوريـن
طيف:موبايلي ما أدري به وينه؟
سعود:شوفي تحت الموسده
بعدت الموسده خذت موبايلهـا ... وسيدا دقت على منى
طيف:منى حلمج تحقق سعود قال بودينا السينما
سعود في خاطره:ويييييي اخاف ما تعزم ريم وأتم أنا بين هالناريييــن
طيف:سعود متى بنروح
سعود:اليوم بعد صلاة العشا بنطلع
طيف:اوجي خلاص ... هيه أكيد بدق لريم
ارتاح يوم سمع اسم ريم ... طلع من غرفتهــا
مستـاااااااااااااااانـــــــــــس

 
 

 

عرض البوم صور أسيرةبحرالأماني   رد مع اقتباس
قديم 21-06-08, 02:25 AM   المشاركة رقم: 4
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

بعد صلاة العشا
طيف في غرفة اخوها: مب حاله ترى أنا اخلص وانت بعدك ..
سعود:اصبري شوي ألحين بخلص
طيف:العطر بيخلص وانت مب مخلص
سعود:بعدما بخلص عطر تعرفين شو بسوي فيه
طيف:شو بتسوي
سعود:بكسره على راسج إذا ما طلعتي من هنا
طيف:إنزين إنزين فهمنا الإشاره .. انا بطلع بس إذا ما خلصت روح بروحكـ
سعود:قربت أخلص



في بيتكم ريم
أم ريم:زين والله تسوين تطلعين معاهم
ريم:ما أدري والله مستحيه الصراحه
أم ريم:ليش عاد خلاص صرتي قريبه منهم .. ما في يوم أم سعود ما تطـريـج على لسانهـا حبوج
ريم:الله يخليهم والله بس بعد
أم ريم:لا بعد ولا قبله يالله روحي ألبسي عباتج
ريم:إن شـاءالله ,, أروح معاهم مب خسرانه شيء


بعدمـا لبست عباتهـا رن تلفونهـا
ريم:خلاص عيل أنا ألحين بطلع
سعود:طيف منى لازم تروح معانا
طيف:أكيد لازم
سعود في خاطره :يا رب ما تفشلني جدام ريم
طيف:هذي ريم وصلت
سعود بصوت واطي:تهبل

بعدما يلست في السياره:السلام عليكم
طيف وسعود:وعليكم السلام
طيف:يالله روح بيتكم خالي بنت الخال تتريانـا
سعود:اصبري خليني اعدل المنظره (يقصد خليني أعدل المنظره عشان اشوف الغاليه)

الكل تم ساكت لين ما وصلوا بيت كاسرة الهدوء ..
ركبت السياره بكل حماس:السلام عليكم
الكل :وعليكم السلام
منى:أخيرا أخيرا رحمنا سيد سعود وقال بطلعنـا

طيف:هيه والله
ريم :ههههههههه
سعود يطالعهـا من المنظره ويضحك معـاهـا
منى:سعودووو .... بس بتودينا السينما
سعود:إذا تبون تسيرون مكان ثاني عادي ترى
منى: وااااي وااااااي
طيف:وش فيج ..
منى:أخوج يا طيفوا ما قال اسمي سعود مب سعودووو
ولا بعد قال بـودينـا أي مكان .. شو صار بالدنيا
ريم:خخخخخخخ ... بصوت واطي تقولها:خفي عليه
منى ردت عليها بصوت واطي:يعجبني يوم اسوي فيه جذي
يطالعهم من على المنظره وفي باله اسئله:عن شو يرمسون وليش يضحكن
طيف بصوت عالي:إنتوا إيه شو عندكم .. شاركوني معاكم
منى:ماشيء مكان بعدين تعالي
طيف:سعود وقف خلني اروح لهم واقعد معاهم
سعود:أنتي تخبلتي شو؟؟ لايكون تحسبيني سايقج
طيف:ما يخصني ابى اروح اقعد ورا عندهم
ماسكـ نفسه بقوه بس لازم يطلع بصوره حلوه جدام ريم
وقف السياره:يالله إنزلي بسرعه
منى:ما صدق
نزلت طيف بسرعه وركبت معاهم ورا
منى تبى تلعوز في طيف:ريم حبيبتي بعدين بنكمل كلامنا الخطير
سعود في خاطره:خطير؟؟؟
طيف:هيه إنتي يوم شفتيني قلتي هالكلام
منى:صدقتي الغاليه
طيف بوزت:الله يسامحكم
ضمتها ريم:حرام عليج منى طيف على العين واالراس
طيف طلعت لسانها:وييييييي
ضحك سعود عليهم: صج مهبل

عمر وربعه في صالة البيلياردو
عيسى: عمر متى ناوي نسافر؟
عمر ماسكـ العصا: ما ادري الصراحه
يوسف: لازم نسافر ونغير الجو يا أخي
عمر:نغير الجو قال .. عبالك أنا راعي الجو شو؟
عيسى:خخخخخ إلا يطلع شيء وينكت عليه
يوسف:ما تسمعه أونه نغير الجو
يوسف:عيل شو يقولون نقلب الجو
عمر:ههههه لا تعصب خلاص عشان خاطر عيونك اللي تزيغ الناس بفكر أروح
يوسف:كل هالكلام و آخر بفكر .. ألعب ألعب يا عم
عمر:خخخخخخخ

في السينما
منى لطيف:وااااي ملل الفلم
طيف:هيه إنزين .. شو نسوي ألحين
منى:شوفي ريمو كيف مندمجه في الفلم
طيف:حتى أخوي سعود بعد
بكل حب:واااااي يجنن يوم يندمج بشيء
طيف:وأنتي كل شيء تشوفين فيه يجنن
منى:ويه وأنتي شو يخص عشان ما مدحتج
طيف:حبيبتي أنا كل يوم يمدحوني مب لازم اسمع منج
منى:لا تضحكيني

سعود:شششش أنتوا إيه حتى في السينما
ارحمونا دخيلكم
طيف:سمعتي
منى:إنتي اللي سمعتي

بعدما خلصوا من الفلم
سعود جدامهم و وراه طيف وريم ومنى كانت آخر وحده
فأول ما فتح الباب سعود وطلعوا الكل .. دخل عمر وربعه
منى عشان تلحقهم .. صدمت في عمر .. اعتذرت على السريع حتى ما انتبهت هي صدمت منو ... ونفس الحال مع عمر ما لحق يقول شيء أو يشوفها
عمر:أحس كأنه صاروخ خطف جدامي
يوسف:هالكلام عشان ما سوت لك سالفه
عمر:ومنو قالك إني أبيهـا تسوي لي سالفه
عيسى:دخيلكم عاد أنتوا الأثنين خلنا نكمل واقفين هنا


في السياره
سعود: كيف ألحين؟ تبون ترجعون البيت ولا مكان ثاني
منى:يعني متفيج تودينا مكان ثاني
طيف:ما سمعتي شو قال بودينا
منى:سمعت بس بغيت أتأكد

سعود:خلاص اكنسل أحسن
طيف ومنى:لا لا لا لا لا لا
سعود:أسألكم شيء وتردون علي شيء
طيف:خلاص ودانا نتعشى مكان
سعود:أنا اعرف جوابكم بس راي ريم بعد مهم
ريم:أنـا؟
سعود:هيه ريم أنتي ما عندج مانع نروح نتعشى
ريم:على راحتكم الصراحه
سعود:لا عادي اللي في خاطرج قولي إذا ما تبين فعادي
احمرت ريم: اللي يعجبكم
منى لاحظت نظرات سعود لريم فعصبت:شو نحن قاعدين نلعب خلاص تقولك على راحتكم يعني موافقه
سعود:وش فيج عصبتي ؟ خلاص بوديكم
منى لاحظت ريم تتطالعها فابتسمت لها: أنا أعرف في خاطرج تبين تروحين
ارتاحت يوم شافت ريم ضحكت معاها
طيف:ريم اتصلي في أمج وقوليها بنتأخر شوي
ريم:زين يوم ذكرتيني

حتى في المطعم منى لاحظت إنه سعود وايد كان يطالع ريم بنظرات حب
فأغلب الوقت كله تكون ساكته ويوم تلاحظ سعود يطالع ريم تقطعه وتقعد نكلمه
عشان يبتعد نظراته عن ريم

بعدما خلصوا من الأكل وصلوا منى اول شيء وبعدين ريم
منى دخلت البيت وبالها مشغول
آمنه وسعيد:هلا والله
منى ما صدت لهم حتى: وعليكم السلام
يطالعون بعض
آمنه:منى وش فيج؟
منى:هـا؟ هلا والله شو أخباركم ما انتبهت لكم
سعيد قام وراح صوبها:منى حبيبتي فيج شيء
هزت راسها بالموافقه
قامت آمنه بسرعه وسارت عندها
آمنه:وش فيج فديتج والله وش فيج؟
منى:فيني رقـاااااااااااااااااااااااااااد
ضحكت وركضت صوب غرفتهـا
آمنه:طيحت قلبنا
سعيد:وأنا أقول بنتي قلبها حديد لا تخافين عليها
صكت على نفسها الباب بس تمت واقفه .. شوي وبعدين فرت نفسها على السرير
منى: نظراته غير أنا متأكده إنه كان غير
تمت تردد هالكلمه لين ما غفلت

آمنه: قومي يا ماما ... وشوهذا بعد راقده على عباتج
منى :وين راقده على عباتي .. أمايه أنتي تحلمين
يلست حذالها:قالت تحلمين .. يا ماما قومي وشوفي حالتج
منى قامت وشافت نفسها:هيه والله
آمنه: وفوقه تأخرتي على الجامعه
منى:الجامعه ؟! هيه صح (تحك راسهـا)
آمنه:قومي فديتج يالله روحي تسبحي واإنزلي ..
طلعت لها الفوطه ... وراحت عند بنتها قومتها بغصب
آمنه:قومي عاد
منى:إنزين إنزين

بعدما دخلت الحمام .. راحت وخذت عباة بنتهـا ... وطلعت من غرفتهـا

 
 

 

عرض البوم صور أسيرةبحرالأماني   رد مع اقتباس
قديم 24-06-08, 07:21 AM   المشاركة رقم: 5
المعلومات
الكاتب:
اللقب:
ليلاس متالق


البيانات
التسجيل: Apr 2008
العضوية: 70270
المشاركات: 721
الجنس أنثى
معدل التقييم: أسيرةبحرالأماني عضو بحاجه الى تحسين وضعه
نقاط التقييم: 15

االدولة
البلدSaudiArabia
 
مدونتي

 

الإتصالات
الحالة:
أسيرةبحرالأماني غير متواجد حالياً
وسائل الإتصال:

كاتب الموضوع : أسيرةبحرالأماني المنتدى : القصص المكتمله
افتراضي

 

في بيت بو سعود
بو سعود يالسه مع ام سعود وقاعدين يتريقـون ..
أم سعود:شو رايكـ نروح لبيت أخوي اليوم
بو سعود:هيه والله من زمان ما رحنا
ام سعود:صدقت وأمسات أخوي ما خله عتاب ما قالي
بو سعود:ما ينلام .. قطعتي عنه بالمره
وهي تحط الجبن على التوست .. تلقت على بوسه على خدها
طيف:صباحكم سكر
باست راس أبوهـا
بو سعود:صباحج عسل يا عسل
يلست معاهم وقعدت تتريق
أم سعود:ما شاءالله على بنتي اليوم كلها حيويه ونشاط
طيف:أصلا انا كل يوم نشيطه وحيويه
بو سعود:صدقها بنتي الغاليه
أم سعود:إلا وين سعود؟
طيف:قاعد يتلبس

في غرفة سعود
يطالع نفسه بالمنظره .. ويكلم نفسه
سعود:كل هالكشخه أكيد بعينوني عندهم .. محد يعرف بس بعد ما يوافقون علي بخبرهم ...
جهز نفسه ... وقبل لا يطلع من غرفته تم واقف على الشرفه .. على وعسى يطالعها بالصدفه ... أتريـاهـا 10دقايق بس ما لها أي أثر



منى طالعه من غرفتهـا وبصوت عالي: مومي وين عباتي؟
آمنه:عباتج اللي كنتي راقده عليه؟
منى:أكيد مب هو وين عباتي الثانيه؟
آمنه:عطيت البشكاره تكويها لج
منى:عيل بنزل أتريق معاااااج
آمنه:تعالي بدال هالصراخ

نزلت عند امه ... وعطت أمهـا المشط ...
آمنه:شو هذا؟
منى:يسمونه مشط ويستعملون لتمشيط الشعر
ضربتها على ظهرها:أعرف بس ليش عطيتيني
منى:أباج تسحين لي شعري
آمنه:قومي عني .. أنتي مب صغيره
منى:واااااي أنا أبى أتريق تأخرت على الجامعه وأنتي سحي شعري
ما فيها شيء
آمنه: شو أقوووول بس ..
منى:قولي تعالي فديت قلبي
ضحكت عليها:تعالي فديت قلبي
منى تاكل وتضحكـ

ركبت أخته السياره وتحرك وهو طالع شاف ريم تركب السياره .. فتعمد يمر صوبهم .. وتفاجأ يوم طيف دقت لها هرن ...
سعود:شو سويتي؟
طيف:دقيت لها هرن
سعود:عبالها ألحين أنا اللي دقيت
طيف:هي مب غبيه أكيد بتعرف انا اللي دقيت .. تعرف أنا اللي في السياره
سعود:إنزين هي معاكم نفس التخصص الإعلام
طيف:لا فهي تبى تصير معلمة لمادة الأحياء
سعود:زين والله وأنتي بعدما تخلصين بتصيرين مذيعه شو؟
طيف:مب شرط ..
سعود:وآنسه منى؟
طيف:ما تعرف هي دخلت هالتخصص بس عشان تكون معاي
سعود:زين والله ضحت بمستقبلها عشانج
طيف:هذا يتسمى الصداقه يا أخوي
سعود:ألا قولي يتسمى الغباء
طيف:شو عرفكـ أنته ؟ ألا قول على شو كل هالكشخه
سعود:ممممم بس جذي
طيف:شيء عندك
سعود:انطبي ويالله انزلي
طيف:تشرد من السؤال
سعود:إنزلي أقولج
طيف:لا حووول شكلها منى متأخره اليوم
سعود:شو دراج يمكن وصلت قبلج
طيف:ههههه لا تضحكني مستحيل توصل قبلي .. أنته بنفسك تشوف كل مره نوصل في نفس الوقت
سعود:إنزين أنزلي يالله
طيف:اوجي سياااااا

أول ما نزلت ريم وصلت ...
طيف:هلا ريم
تم واقف سعود
ريم:هلا طيف ألا وين منى؟
طيف:شكلها بتتأخر اليوم (صدت صوب أخوها):ليش واقف يالله كش
سعود:صج مب ويه حد يوصلج .. لا توقفين هنا روحي داخل
طيف:تطمن يالله فاااارج
سعود:دواج في البيت أنتي
راح عنهم ...
طيف:خخخخخخخخ
ريم:ما تخافين يقوم ويضربج
طيف:يضربني؟! لا تضحكيني متعودين من كنا الصغار نكون جذي علاقتنا غير
ريم:حظج والله عندج أخو جذي فأنا وحيدة ومالي غير أمي
طيف:هيه صح ريم ما سمعت شيء عن أبوج
ريم:أبوي مطلق أمي و تزوج وحده ثانيه
طيف:أيـواااااا مب مشكله اهم شيء عندج احد يحبج
ريم:صــدقتــي
طيف:هذي ست الحسن والجمال وصلت
بعدهـا ما نزلت منى .. فريم سألتهـا : طيف منى بعد وحيده أمها وأبوها صح؟
طيف:هيه وهي أكثر شيء معانا يعني حتى أهلها من أمها مب وايد معاهم
ريم:ألاحظ عليها
منى:هـا؟ عن شو تحشون
طيف:عن وحده اسمها منى اللي تأخرت اليوم ممكن أعرف السبب؟
منى:السبب؟؟ مممم خلني أفكر مممم مـا أعرف؟
طيف:ما تعرفين هـا؟
ريم:ههههه يالله ندخل تأخرنـا

دخلن الكـــلاس
أول ما قعدن دخلت عليهم بنت من كلاسهم ومب قادره ترمس
طيف:وش فيها
منى:ما أعرف شو في ويها ما أدري فرحانه ولا حزينه
طيف:خخخخ هيه والله خلنا نسمع شو عندهـا
البنت:بنااااااااااات ألحقوا
عنود:وش فيج؟
االبنت:يقووووولكم المذيع عمر ما غيره بكون عندنا في الجامعه
طيف قبل كلهم وبصوت عالي: متى؟!
منى:بل طريتي أذني
البنت: بعد يومين توني قريت الإعلان
البنات كلهن صرخن مره حده ... من الفرحه
منى:مـالت ومنو يكون هذا عمر صج ما عندكن سالفه
الكل سكت وتمــن يطالعـهــن
منى صدت:وش فيج أنتي بعد تطالعيني؟
طيف تطالعهـا باستغراب:اللي ترمسين عنه عمر؟
منى:وييي صج ما عندكن سالفه
عنود:صدقج والله
منى:الحمدلله لقيت وحده متفقه معاي
طيف بصوت واطي:هذا لأنها اهتمامها في بنات أكثر من الشباب
منى طالعت عنود اللي كانت تبتسم لهـا .. فابتسمت منى بإضطراب

دخلت عليهم الدكتوره
الدكتوره:إنتباهـ بنــات
عندي لكن إعلان ... بعد يومين المذيع الصاعد عمر بيحضر لجامعتنا
بدن البنات يصرخن مره ثانيه
منى:تراااكن توكم سامعين الخبر .. صج حركاااات
صدت على الباقي البنات ولقت في بنات مثلها بعد مب مهتمين .. لكنهن ملتزمين السكوت ..
منى:الحمدلله طلعت مب غريبة الاطوار
صدت صوب طيف اللي الفرحه كانت واضحه في ويهـا
منى:الحمدلله والشكر
الدكتوره:لازم الكل يحضر ويكتب التقرير عنه ...
منى:واللي ما يحضر
الدكتوره:يرسب
منى:ليش إنزين ؟
الدكتوره:إنتي مب مهتمه بالأمر
منى:لا
البنات قامن يهمسن ... عصبت منى:أخبركن أنتن إيه شو عندكن كل ما قلت كلمه عن الأمير عمر قمتن تـغـردن .. وانا شو قلت ؟
عنود:أي حد برمس عن الغاليه منى بالغلط بيندم ترى
طيف:سمعتيهـا
منى:هذي مينونه شو؟
طيف:أقولج معجبه فيج
الدكتوره:سكوت .. وآنسه متى لازم تحضرين لأنه المذيع عمر بيخبرنا كيف قدر يعتمد على نفسه وأسباب نجاحه في هالمجال
منى:وااااي ترى كل شيء مكتوب في المقابله
الدكتوره:منى هذي آخر كلام أقولها لج لازم تحضرين والكلام موجه للكل
منى بصوت واطي:إييييييييه
طيف:أنا مب عارفه ليش كارهتنه
منى:انا ما أكره بس أحس أنتوا مكبرين السالفه عنه
طيف بخبث:تعرفين البارحه سمعت اغنية حمد العامري صوت مب لها زود حلو
منى بشكل تلقائي:أنتي إيه لا تغلطين عليه
طيف:عيل اشوفج قمتي ودافعتي عنه
منى:أنا غير يا حبيبتي
طيف:اانا ما اعرف كيف متحملتنج
منى:هههههه لأنج تحبيني

 
 

 

عرض البوم صور أسيرةبحرالأماني   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبه أحلى ظبيانيه, الكاتبه أحلى ظبيانيه, حبنى أحسن لك, حبنى أحسن لك للكاتبه أحلى ظبيانيه, قصة حبنى أحسن لك للكاتبه أحلى ظبيانيه
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:07 AM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية