الموضوع فكرته روعة واسمحلي اشارك فيه
كان اول يوم في الامتياز 2-11-2006فاكراه كويس كنت رايحة المستشفى بدري واتفقت مع زميلتي نتقابل في نصف المسافة ونكمل الطريق مع بعض
وانا بنزل من الميكروباص كان في واحد قاعد ومش عايز يتحرك, حاولت اعدي من جنبه رجلي اتلوت ووقعت من الميكروباص
كان موقف مؤلم ومحرج جدا, بس اثر في كتير ان كان في موظفات وموظفين منتظرين الباص بتاعهم واول ماوقعت لقيت الموظفات بيحاولوا يسندوني والموظفين بيزعقوا في السواق عشان مستعجل, وفضلوا معايا لحد ماكلمتهم في البيت ييجوا يوصلوني للمستشفى
وهناك المفروض انها حالة طوارئ لاحتمال وجود كسر وخصوصا اني ماكنتش قادرة ادوس علي رجلي لكن فضلت في الاستقبال اكتر من ساعة لحد مارئيس قسمي تدخل وكان التشخيص تمزق في الاربطة
وبالعافية وافقوا على اجازة اسبوعين واتأثرت جدا من موقف صديقاتي لقيتهم سابوا العيادة وفضلوا معايا لحد ماروحت وكل يوم يتصلوا لحد مارجعتلهم ولحد اليوم بنتريق على اللي حصل لي في اول يوم

روعة الموضوع يا باشا فعلا
النهاردة 2 ربيع تاني 1429 هـ
يوم مصيري بالنسبالي قررت اسيب شغلي في عز الموسم وارجع مصر من غير سبب مقنع بصراحة
مديري كان على طول بيهددني لو ماجيتش بدري هنهيلك عقدك
ومشكلتي من وانا في ثانوي اني اصحى بدري مش بعرف اقوم قبل الساعة 9 ابدا
المهم اول يوم اجي الشغل الساعة 7 ونص النهاردة قبل روميس البنجالي حتى
ودا طبعا عشان كنت لسه مانمتش
واتفاجىء مديري جدا اني جيت قبله حتى قرر يديني علاوة
واتفاجىء اكتر لما طلبت منه اني انهي عقدي
وحشتني مصر اوي

طيب ما تاخد اجازة يا باشا و ترجع


معلش يا جماعة مداخلة صغيرة منتظر باقي مذكراتكم

بصراحة .... ومن غير زعل


































موضوعك عجبني

النهاردة
2 ربيع اول 1429 الساعة 11 بالليل
قدرت اقنع دكتور هشام صديقي بإن الحياة فيها حاجات اجمل من المحشي والنوم في الصالة بكتير
وكمان انبسطت كتير انه حدد معاد فرحه اخيرا
عقبالكم جميعا



باشمهندس هاني
فكرك اقعد كمان سنة ونص عشان آخد اجازة ولا انهي وأروح