نسيت اقولك

رهيب موضوعك ده بجد

@{;--

لو كنت ف مصر قريب اقعد سنة و نص مافي مشاكل

6 ابريل 2008:
اول يوم للعمل الفعلي بعد تأجيل 3 اسابيع ضاعوا في الاوراق والكشف الطبي غيرها من الروائع
المهم الشغل كان في محافظة تانية على بعد ساعتين ونصف تقريبا, وكنت مسافرة مع صديقاتي بالاتوبيس.
واحنا في اول الطريق الصحراوي الكاوتش فرقع, والسواق مش معاه استبن ونزلنا كلنا ووقفنا على الطريق منتظرين الاتوبيس اللي بعده او مروراي ميكروباص فيه مكان خالي.
الجو كان جميل : هواء عاصف محمل بالاتربة وقليل من المطر , وبعد حوالي نصف ساعة جاءت سيارة ميكروباص خالية ركب فيها مجموعة كبيرة من ضمنها احنا, ووصلت الشغل والحمد لله.
من على باب الوحدة لقيت الناس منتظرين والكل كان مرحب ودة اثر في كتير وضيع كتير من خوفي وخلاني اهدأ وابتدي الشغل وانا مبسوطة.
وزي ماتكون البلد كلها بتشتكي من اسنانها, من ساعة ماوصلت لحد مامشيت والمرضى بيدخلوا ورا بعض لدرجة اني مارتحتش بس كنت فرحانة جدا ان مافيش حالة وقفت ادامي (مع ان معظمهم حالات سهلة).
اكتر حاجة اثرت في ونسيتني كل الخوف والقلق هي ترحيب الناس وتقديرهم لظروف السفر واني غريبة لدرجة ان موظفة من الموظفات في الوحدة فضلت واقفة معايا حوالي نصف ساعة لحد مالقيت مواصلات ودة طبعا مستحيل الاقيه هنا
كمان اكتر حاجة فرحت بيها اني قدرت اتغلب على خوفي وحاولت اني مابينهوش وحاولت اكون واثقة من نفسي ولا حاجة تهمني والحمد لله نجحت في كدة بتشجيع الاصدقاء اللي نصحوني بكدة.
وكان اول يوم شغل احلى يوم

فى شهر رمضان اللى فات كان فيه راجل بيقعد فى شارعنا وشكله غريب

كنت بخاف منه وباخد حذرى

لكن بمرور الايام لاقيته بيفطر فى مكانه ويتسحر فى مكانه وينام فى مكانه

وطول الشهر كده ولما اكلمه ميردش
سألته كتير مالك ياعم الحاج

اقدر اساعدك ازاى

ميردش

اديله حسنه بسيطه ياخدها بدون كلام

الاطفال يشتموه ويحدفوة بالحجارة وهو ساكت

والنهارده اول يوم مااشوفوش وسألت عنه

تعرفوا ايه الرد

الراجل مااااااات

والله حزنت عليه اكتر من جدى الله يرحمه

هو دا صديقى الراحل اللى معرفش عنه حاجه غير الصمت ......... دا صديقى الصامت وانا بالفعل حزين عليه جدا


مشكور ياهانى

السلام عليكم انهاردة بقي اقولكم عملت ايه ؟؟؟

بما اني مبرمج

انهاردة و انا رايح المستشفي اللي بداوم فيها


كان عندهم مشكلة ف السيستم ليه بقي

عشان التمريض لما بيطلبو الدوا كان بيطلبوه من الهوا ( غلطة برمجية مش انا اللي عملتها ) لانهم بيدخلو ببيانات المريض مش بيانات الجناح


المهم عدلت انا الجزء دا لو هما داخلين بالمريض ياخد المكان اللي اتوصف منه الوصفة و لو داخلين من الجناح ياخد الجناح مباشرة


و بالتالي لما تطبع يطلع ف الطباعة صح

المهم انا بقي الجناح عندي مسجل برقمين نوعه و رقمه

الغلطة اللي عملتها اني بقي انه كان بياخد النوع و يحطه هو كمان رقم الجناح ههههههههههه

يعني مثلا جناح 9 رقمه عندي 9 ونوعة 4

و جناح 10 مثلا رقمه 10 و نوعه بردو 4

المهم انا بقي كل طلبات الادوية كانت بتروح اوتوماتيك علي 4 و النوع 4 ( اللي هو مكان غير موجود )

المهم اول ما دخلت بقول السلامو عليكو ههههههههههههه

لقيت كمية اتصالات من الممرضات مش عايز اقولكو اتخنقت منهم زنانييييييييييييييين جدااااااااااااااا


المهم شخطت ف العيال الداتا انتري الهنود و الممرضة المسئولة و طلعت جري اصلح المشكلة و جربتها طلعت زي الفل



اقولكو البرمجة دي متعععععععععععععععععه


كونو بكل الخير