رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

~\البارت الخامس/~

(ادعو لوالدي برحمه والمغفره)..

في احد الشركات الصغيرة الراقيه البالغه في فخامتها..

كانا جالس بهيبه لا تخلو من غموضه المعتاد يرجع الاوراق امامه بدقه يفتح ملف ويغلق ملف..

ثم رفع السماعه وهتف بصوت حاد/علي تعال بسرعه..

السكرتير علي اتى بنفس الدقيقه/سم طال عمرك؟..

معاذ سال بحده/وين المناقصة الاخيره ليش ما حظرته للي؟؟..

علي ضرب راسه بخفه/اسف ياطويل العمر نسيت لاجيبه من مكتب فيصل قبل شوي هو طلبه..

معاذ زفر من بين اسنانه/كم مره تنسى يا علي وكم مره اتقاضى عنك الى متى؟..

علي بحرج شديد/مالي وجهه اتكلم لكن انت ادرى بالحال افكر بمرض الوالده وامور كثيره خلها على الله..

معاذ تنهد بطولة بال/يا علي ترا كذا مايصير خل وقت لشغل وانسى امور البيت انا محتاج واحد يفهم ويركز معي..

علي نزل راسه بذات الحرج/والله اني ادري انك صابر علي وعلى ظروفي ونسياني ماتبي تقطع رزقي لكن ابشر بسعدك من اليوم ورايح بركز بشغلي..

معاذ هتف بحزم بالغ/اول شي ارفع راسك وحط عينك بعيني لا تكلمت انا مالي فضل عليك انت تاخذ راتبك على قد تعبك بس اتمنى تركز بالشغل اكثر..

علي بامتنان/الله يرفع قدرك ولا يخلينا منك..

ثم ردف باستعجال/بروح اجيب لك الملف..

معاذ يحمل سماعة التلفون ويهتف لعلي برفض/لا انا بدق على فيصل يجيبه للي..

دقايق وطرق الباب ودخل فصيل ببتسامه/صباح الخير يا موديرنا العزيز..

معاذ نهض واقف وسلم عليه بتقدير/صباح الله النور شلونك عساك طيب؟..

فصيل يجلس على الكرسي امامه بموده/بخير الحمدلله وينك ما تمر علينا من كم يوم؟..

معاذ يعود جالس وهو يهتف بحزم/كنت مداوم الا انت اللي عندك اليوم مداوم استغربت من قال للي علي؟..

فيصل اجابه بهدو/اجازة سبوعين من المدرسه وجيت اكمل اشغالي هنيه..

معاذ بحزم ودود/ليش يا فصيل تترك داومك المهم وتجي لشركه انا عافيك عن ذا الشي لكن انت الله يهديك مصر داوم معي؟..

فيصل ابتسم بلطف/ابي قربك ماستغني عنك..

معاذ ابتسم كذالك/بس والله تعب عليك..

فصيل هتف بتقدير/مامن تعب انا رجال احب الشغل واحبه اكثر لا صار معك..

معاذ بتسال واهتمام/بشر وش صار على العرس خابرك تقول بتخطب..

فصيل تنهد بصوت مسموع/ماصار شي انتظر رد البنت..

معاذ قطب جبينه/وتنهيدات بعد يادافع علامها البنت ليكون رافضه؟..

فيصل بوجع عميق/تقدر تقول كذا بس بلح عليها بلح لين توافق..

معاذ سال بغرابه/طيب العرس ماهو غصب وانا اخوك الحريم من يمينك ويسارك اخطب لك وحده بمستواك وش تبي بنت القرى..

فصيل اغلق عيناه ثم خفت من اعماق قلبه/والله اني حبيت القرى واهل القرى منها يا معاذ الله يكتبها من نصيبي بس..

معاذ بغرابه اعمق/لا انت شكلك رايح فيها عسى الله يفزع لك..

ثم ردف بجديه/عطني الملف بس بشوف مناقصتي..
———————————————————
بعد صلاة العصر..

قصر النمر بن فخر..

الطابق الثاني..

بصاله كانت جالسه سلطانه على الاريكه والعاملة واقفه امامها تستمع لاوامرها بنبرتها الرقيقه..

سلطانه بذات الرقه/من يوصل الحلا جهزي القهوه تحت على الطاولة وشغلي البخور..

العامله باحترام/حاظر مدام والشاي وموالح؟..

سلطانه كانت سترد لكن فجئه شدت لها نفس حينما شمت ريحة عطر نمر التي تفوح منذا فتح باب غرفته..

ليخرج بفخامته الرجوليه وتالقه المبالغ فيه بثوب الابيض والشماغ ناسفها بدقه وبين انامله المسباح..

كان متجه لدرج لولا بانه وقف لندا العامله/مستر نمر..

نمر وقف وادار وجهه لها/نعم؟..

العامله بهدو/هذا رجال اسم ابو سرور يجي قبل ساعه يسال عنك كلام انت يصحى لازم يكلم..

نمر زفر بحده غاضبه/وليش ماجيتي تقولين للي؟..

العامله برعب/انا كلام مدام سلطانه هي كلام نوم..

نمر كتم غضبه وهو يتعمد لا ينظر في سلطانه الذي جالسه بصمت تنتظره يسال او يتكلم لترد عليه..

لكنه صدمها حينما نزل الدرج بثبات لتغلق عينيها بقهر تمنت مجرد امنيه بان ينفجر كي تنفجر فيه..

العامله بتسال/مدام في شي ثاني ولا اروح؟..

سلطانه هزت راسها بنفي/لا روحي..

نهضت واقفه اتجهت غرفتها ارتدت جلابيه بالون الورنج ضعت ميكب ناعم ونزلت تحت بنتظار عزيزه

ليفتح الباب الزجاجي على وسع ويدخل معاذ هتفت سلطانه بعذوبة/ياهلا وغلا حي ذا الطله..

معاذ اقترب وسلم عليها بموده/الله يبقيك شلونك بشريني عنك؟..

سلطانه بذات العذوبه/بخير الحمدلله امك مو معك؟..

معاذ عقد حاجبيه/لا انا جاي من الشركه ومريت عليكم..

سلطانه تعود جالسه/توها مكلمتني تقول بتجي..

معاذ جلس مجاور لها زفر بعدم اهتمام/كيفها المهم ابو شامخ عسى موجود؟..

سلطانه تصب له فجالا من القهوه وتمده له/لا تو طلع ليش؟..

معاذ ياخذ الفنجال من بين اناملها الرقيقه/مريته عليه بالشركة الصباح قالو ما داوم استغربت ماهو بعادته؟..

سلطانه تمد له صحن انيق مرصوص داخله شكولاته فاخره/حتى بناته ماخلاهم يروحون المدرسه اليوم..

معاذ قطب باهتمام/عسى ماشر شفيه؟..

سلطانه هزت كتفيها/وانا ادري عن عمك؟..

رن الجرس و العماله تفتح الباب لتدخل عزيزة تحمل بيدها واحده كيس هدايا ويدها الاخرى خلعت نقابها..

تاففت باختناق/اف حر موت يالله رحمتك..

سلطانه وقفت باسمه/حي الله الاخت القاطعه تو نور البيت..

عزيزة تقترب وعينيها تخطف ملامح معاذ الذي جالس يرشف من فنجاله بغموض الذي ينرفزها لكنها تصمت

هتفت بموده وهي تقبل خد سلطانه/والله لك وحشه يا عين اختك..

سلطانه بذات الموده الباسمه/وانتي اكثر ياروحي تفضلي بيتك ومحلك..

معاذ نهض واقف وقبل راسها/هلا يومه شلونك؟..

عزيزة هتفت بحنو/طيبه طاب حالك من متى هنيه؟..

سلطانه من اجابتها برقه/توه جاي احسبك معه..

عزيزة تجلس وهي تنظر في معاذ الذي مازال واقف سالت باهتمام/وين تغديت اليوم؟..

معاذ انحنى من طوله و ضع فنجاله على الطاوله اجابها برود/بشركة..

عزيزة صغرت عيناها/وليش ماجيت تغدا عندي انتظرتك؟..

معاذ ينهى النقاش بذات البرود/كنت مشغول والحين استاذنكم..

عزيزة تحاول الاقتراب منه/وين بتروح يامك خلك معنا شوي؟..

معاذ اتجه الباب/عندي شغل..

عزيزة خفتت بحسره/شفتي يا سلطانه حتى مايجلس معي ولا يجي للبيت كثير؟..

سلطانه تنهد بوجع/لا تلومينه يا عزيزة الولد فقدك وهو صغير وفقدك كبير الحين تقولين انتظرتك على الغدا مافكرتي تتصلين فيه تسالين وينه؟..

عزيزة زفرت بحده/وانا افضى عشان اشغل مخي وفكر من بنت راشد الله ياخذها ويفكني منها جننتني..

سلطانه رفعت حاجبها بغرابه/وانتي وش حدك تخلينها عندك؟..

عزيزة تنهدت بضيق/ابوها نشب بحلقي يقول ماعندها اهل ولا مكان تجلس فيه..

سلطانه بحزم انوثي/مفروض تقولين له يخليها بشقة امها الله لايهينه بدل مايجيبها عندك و يهج ولدك من بيته؟..

عزيزة عطتها نظره/اللي يسمعك يقول انك تعرفين تفاهمين مع الزوج؟..

سلطانه زفرت بشده/انتي اكثر وحده تعرفيني يا عزيزة والله لو نمر جايب بنت البندري لو كان بيته لطردها وطرده معها..

عزيزة ابتسمت بفخر/قادره يا بنت امي وابوي قادره بس مادري وش اللي خلاك للحين ساكته عنه..

سلطانه تمد لها فنجال قهوه بذات الزفرة/وش تبين اسوي اذل نفسي لواحد حرمني على نفسه بغير حق؟..

عزيزة تنهدت بقهر/مشكلتك عزة النفس اللي عندك يا ختي وش يضرك لا سويتي له غرات وحركات الحريم..

سلطانه انتفضت بغضب/تبين انا اغري نمر ادفن تحت التراب ولا اسويها من عافني عفته يا عزيزة عفته لو كان غالي..

عزيزة تغير الموضوع وهي تمد لها الكيس/ذي هديتك انتي وشروق وغروب من بطن دبي..

سلطانه تنهدت بعمق وهي تحمل الكيس/سلمتي وسلمت ينماك..
—————————————————————
الساعه التاسعه ليلاً..

هتفت برجا عذب/تكفى ياجد نبي نحدر بكرا المدينه والله اني محتاجه اغراض لعرس ولد مرزوق..

شداد بحزم حاني/يابوك قبل يومين كنا بالمدينه ليش ما اخذتي اغراضك كامله وانتي تعرفين اني ماقوى على الطريق..

الظبي اجابته بذات العذوبه/والله اني كنت مستعجله ونسيت اخذ اغراض العرس..

الجدة نشميه بتدخل حازم/ودها يا شداد ولا بتصل بمعاذ يجي يوديها وانا اروح معها..

الظبي زفرت برفض قاطع/لا ماروح الا مع جدي..

الجدة نشميه تنهدت بحيره/يامك معاذ مثل خيك لو انه هذاك المقرود ولد محمد اقول مالومك..

الظبي تالمت لكنها لم توضح ذالك/مابي الا مع جدي ولا ماني برايحه..

شداد بنبرة ابويه خالصه/خلاص يابوك بكرا العصر اوديك..

الظبي نهضت وقبلت راسه بامتنان/الله لا يخليني منك..

شداد هتف بحزم/تخاوينا يا نشميه؟..

الجدة نشميه هزت راسها برضا/اي بالله بسلم على العيال..

شداد ينهض واقف/اجل على بركة الله تجهزو بكرا العصر والحين تصبحون على خير..

الظبي كانت ستنهض لولا بان الجدة نشميه زفرت بخفوت/لا تروحي بتكلم معك..

الظبي عادت جالسه باهتمام/امريني؟..

الجده نشميه تراقب شداد حتى دخل الدوانيه لتخفت بنبرة حانيه غريبه/يابنتي يالظبي ترا جدك رجال كبير مايقوى على الدنيا اذا اليوم راسه عاش لك بكرا يغيب عنك..

الظبي انتفضت بجزع/بعيد الشر عنه يومي قبل يومه..

الجدة نشميه بذات النبرة الحانيه/يامك الموت ما يشاور احد لو انه يشاور كان ما خليته ياخذ حاتم بكري وفرحة شبابي..

الظبي لمعت عينيها بحزن/الله يرحمه ويطول بعمرك وعمر جدي وش جاك على ذا الطاري؟..

الجدة نشميه بخفوت عميق/بنصحك كانك تسمعين النصيحه..

الظبي زفرت بضيقه/اذا شورك بفيصل بقول لك ياجده لا تعبين نفسك لاني ماراح اوافق عليه..

الجدة نشميه بخفوت اعمق/لا ماهو فيصل ابي اخطبك لمعاذ ومابيك تفشليني عنده و تردينه؟..

الظبي تغيرت ملامحها هتفت بعتاب/تبين تخطبيني له ومن غير علمه ماني بايره ياجده لذا الدرجه؟..

الجدة نشميه زفرت بحزم/لانك تستاهلين معاذ وهو يستاهلك رجال ينحط على الجرح يبرى..

الظبي وقفت بنفاذ صبر/لا تحرجين نفسك معه لاني والله ماراح اخذه لا هو ولا فيصل ولا غيرهم..

الجدة نشميه تتبعها بانظارها وهي متجهه لداخل تخطي بنعومه رسمة جسدها بالغه بالانوثه والنعومه..

تنهدت ثم زفرت لنفسها بوجع/والله لو شهاب يشوف زولك بس لتبقى الحسره بقلبه لين يموت..
——————————————————————-
شروق جالسه على مكتبتها الصغيره غارقه بالمذاكره
عكس غروب جالسه بمكتبتها المجاوره غارقه بافكارها

دخلت سلطانه وجها متفجر بالحمار وهي تزفر من بين انفاسها/ابوكم قايل لكم انه رافع اجازة للمدرسه لمدة سبوع؟؟..

شروق ردت برعب/لا ماقال ليش هو رافع لنا اجازة؟..

سلطانه كاد تطق وتموت بالفعل/ايه مكلم الاداره ورافع لكم اجازة من غير علمي وعلمكم..

غروب وقفت وهي ترفرف باهدابها/وانتي وش دراك؟..

سلطانه بغضب مكتوم/مديرتكم اللي قالت حطني بموقف محرج معها لكن ماراح اسكت لا له ولا لكم..

شروق مرتاعه/طيب ماما لا تزعلين يمكن نسى يقول لنا؟..

سلطانه بامر حازم اقرب للغضب/تروحين انتي واختك الحين لمكتبه وتقولون له تقول ماما لا هنيه وبس اوقف على حدك فاهمات؟..

غروب وشروق بتوتر/فاهمات..

سلطانه كانت تراقبهما حتى خرجت الفتاتين من الغرفه لتنهار جالسه ودفن راسها بين كفيها..

نمر ضعها بموقف قاهرا جارحا حينما ارسلت لمديره كي تسال عن الاختبار الذي فات شروق وغروب..

لتصدم بما قالت(اصلاً ابوهم رفع لهم اجازة سبوع ماعندك خبر؟)..

لتشعر بقهر عميق يتصاعد في روحها نفذ صبرها من هذا الرجل الغريب عشرته وتصرفاته لا تطاق لاتـــطاق

طيلة الاربع السنين حريصه على اسرار بيتها وعلاقتها مع زوجها حتى اقرب صاحباتها لم تبوح لها بشيء..

كانو صديقاتها يتسالان لماذ لم تنجب الى الان ليكون ردها واحد اني اخضع للعلاج والطب محاوله للانجاب.

لم تقول بان زوجها هاجرها لم تصرح بذالك لكن الان العلاقه بينهما تسربت لمدرسة بناتها بسببه هــــــــو!
——————————————————————
كانا نمر كذالك غارق بالاوراق امامه على المكتب يجهز اجتماع ليوم الغد رفع انظاره حينما طرق الباب بخفه؟

هتف بندا حازم/ادخل؟..

شروق تدخل وغروب تتبعها كانو ينظران لوالدهما بنظرات خليطه من التردد والتوتر والرعب؟..

نمر قطب بشده/شفيكم بابا تبون شيء؟..

شروق ارتبكت حتى لم يكن يمديها تصف الكلام/ماما تقول حدك لا هنيه وبس..

نمر وقف بشكل مفاجئ حتى ارتمى الكرسي للخلف لترجع بناته على ورا برعب من نظراته الحاده!؟..

غروب زفرت لشقيقتها بخفوت لايخلو من قلق/ليش تقولين كذا انتي غبيه؟..

نمر تقدم بتسال صارم/وش صاير تكلمي انتي وياها؟..

غروب بزعل طفولي/ليش ماقلت لنا ولماما انك رافع اجازة بالمدرسه تو المديره كلمتها وقالت لها..

شروق تكمل معها/وماما عصبت بالحيل..

نمر ارتخت اعصابه على مهل وقف صامت لثواني ثم تحرك وعاد مكتبه عدل الكرسي وجلس بجمود..

غروب بنبرة مقهوره/ليش ماقلت لنا ماما كذا زعلت..

نمر شد له نفس عميق ثم زفر بسكون غريب/كنت مشغول يا بابا ونسيت اقول لكم حقك انتي وشروق علي؟..

شروق بحنو طفولي/خلاص بابا يا قلبي لا تضايق عادي ماراح نزعل منك..

غروب بمكر/حنا رضينا لكن ماما وش يرضيها؟..

نمر لم يطفه خبثها الطفولي ناظر بها ثوان ثم هتف بحزم/خلاص اطلبو لماما كيكه و راضوها..

غروب بذات المكر/بس هي زعلانه منك انت مو منا حنا؟..

شروق ضربت كتفها بخفه/خلاص لا تزعلين بابا..

غروب ابتسمت وهي تهتف بتقصد/اصلاً انا احب بابا..

نمر خفت لنفسه/ماقول الا الله يعين اللي بياخذك لا كبرتي..

غروب قطبت/تكلمني بابا ماسمعت؟..

نمر بامر حاني/اي اقول انتظروني بالغرفه بخلص شغل وجي نسولف..

شروق تشد يد غروب تتجه الباب/حاظر..

نمر فور مغادرة بناته كور كفه وضرب الطاوله محاول يعبر عن شدت الغضب و القهر العارم بصدره..
—————————————————————
صباح جديد..

دانه من يوم الامس وهي محبوسه لاحد يطل عليها الا من امنه تفتح الباب تضع لها طعاماً وتغادر..

ومن ثم تعود لاخذ وجبه الذي لم تلمس دانه منها شيء وتضع الوجبه الثانيه وتغادر من غير نقاش؟..

دانه كانت جالسه على السرير لامه ركبتيها قريب صدرها تفكر كيف بتروح للمدرسة وهي محبوسه؟

موجوعه جداً من والدها معقوله لم يفتقدها كما يفتقد الاباء ابنائهم ليفكر بدراستها ومستقبلها؟..

صده وعدم اهتمامه مكان الا جرح عميق يتوسط قلبها ليشعرها باليتم الحقيقي وهي من كانت متأمله بقربه.

لا تعلم بان راشد حاول يطل عليها ويطمئن على صحتها لكن عزيزة لم تسمح له با اوامرها القاسيه؟

قلبه وعقله مشغولاً مع دانه مهمها كان ماكر وممثل امام الجميع لكن من داخله يرحم ابنته ويحن عليها..

فهو تحمل اهانات عزيزة وتكبرها من اجلك يا دانه
يريد يبنى حياتك من الصفر كما تبنى الابراج والقصور

من اجل تورثين مال وحلال من بعد فراقه كي لا تحتاجي لا لعزيزة ولا لغيرها فاصبري واثقي بوالدك..

فهو لم يتخلى عنك ابدا يعمل بجهد لكن لانعلم هل سيحصل على ثمرة جهدة ويحقق طموحه لانعلم؟..

"جناح عزيزة"

راشد هتف بتماسك/كذا مايصير يا عزيزة تقفلين عليها و تحرميني من شوفتها لو طقت وماتت ماحد درى عنها؟..

عزيزة زفرت بغل/عساها تطق وتموت و تريحنا منها ماورا بنتك الا المشاكل خلها محبوسه لين يجي نصيبها ويفكنا منها..

راشد يشعر راسه سينفجر من شدة تماسكه/يامره تعوذي من الشيطان وفتحي غرفتها البنت وراها مدرسه اخر سنه لها بالثانوية لازم تداوم بكرا ونصيبها بيجي قريب..

عزيزة تضع رجل على رجل برود/قلت لا خلها بغرفتها محبوسه اكله شاربه نايمه ماعليها الا العافيه والمدرسه مايحتاج تروح لها..

راشد برجا خافت/تكفين اذا للي خاطر عندك لا تفحميني افتحي عنها..

عزيزة زفرت بشده/انت ماتفهم تبي تجلس بيتي خلها محبوسه ولا خذها وقلعها برا..

راشد وقف بزعل حقيقي/هذا جزا حبي وفاي لك اترجاك وتقولين للي هالكلام؟..

عزيزة تنظر به برفعة حاجب/اذا مو عاجبك حذ بنتك وامسكو الباب..

راشد زفر بخبث/لا مو عاجبني وباخذها وامسك الباب وانتي اجلسي و انتظري ولدك اللي مايكلف حتى على نفسه يمر يسلم عليك..

عزيزة واثقه بانه ليسا له غنى عنها لذالك هتفت بذات البرود/ماني محتاجتك لا انت ولا ولدي بيتي وحلالي يغنوني عنكم..

راشد عض شفتيه السفليه بقهر خفت بنفسه(الله ياخذك ويفكني منك والله لو مالفقر كان طلقتك
و افتكيت منك)..

عزيزة تنظر به بتكبر/وراك واقف يا جلس ولا خذ بنتك وطلع..

راشد عاد جالس تنهد ثم زفر بصمت وعينيه تنظر ملامحها القاسيه بحقد يتزايد في كل يوم..
—————————————————————
بمنتجع راقي جداً..

افتح عينيه بنكد من الشمس الذي تسطع مع شباك الغرفه المطله على الحديقه والمسبح..

اعتدل جالس مد يده حمل هاتفه الموضوع على الطاولة بجوار السرير راء الساعه داخله العاشره..

تافف بضيق من شعوره بكسل ليس له خلق على الشركة والموظفين بوده يعود لتكملة نومه..

معاذ نهض اغلق الستاره على الشباك ليختفي سطوع الشمس وعاد تمدد على السرير كي ينام..

لكن افكاره اقتحمته بشكل مفاجئ لم تعطيه فرصه لنوم وهو من كان يتهرب منها ليلاً ونهارا..

حتى انه يشتغل على عدة تجاهات من اجل لا يختلي بنفسه لايريد تذكر شيء من ماضيه الموحش الكئيب..

لكن ذكريات معاذ تظل قصصاً صامته تركت فيه اثر لا يزول مازال عقله عجز يتقبل فكرة قتل والده؟..

اغلق عيناه بحزن مخبى سنين طويله من ذكرى خطرة باله فوق الارادة فوق القلب فوق المشاعر فهي لاتنسى

قبل عشرين سنه..

كانا نايم افاق مفزوع على صوت صراخ ونحيب جدته نشميه خرج من غرفته وقف مدهوش غير فاهم شي؟

كان نمر حاضن والدته على صدره محاول يهدي رعبها وصدمتها وحزنها والمها على فقد ابنها واول فرحتها..

نشميه تلطم وجها وتصرخ من بين شهقاتها/والدي مات مقتول ياناس يا عالم حاتم ولد فخر انقتل يانمر اخوك مات مقتول اخوك مات مقتول..

شيخه تبكي بشده وترتعش بصدمه/ماني مصدقه اخوي حاتم انقتل ياربي يكون حلم ياربي واصحى منه يارب الصبر..

عزيزة ليسا اقل منهم انهيار وهي تشد جلالها على وجها وتنحب بشده كما لم تنحب من قبل..

شداد كتفيه تهتز بالبكا هتف من بين دموعه/لاله الا الله لاله الا الله هذا شي مكتوب له مالي بني ادم عن يومه اذكرو الله اذكرو الله..

نشميه تصرخ بقلب محروق من بين دموعها وشهقاتها/لا ماهو يومه ماهو يومه ولدي انقتل يا شداد انقتل..

نمر زفر بحلف واثق حتى وهو بعمر العشرين كانت نبرة حديديه/والله واللي رفع سبع ونزل سبع لغسل يدك يابنت مفلح من دم غريم ولدك لا تبكين حقه وحقك برقبتي هاذي(ختم جملته وهو يضرب عنقه بشده)..

لاحد انتبه لطفل الذي بدا جسده يرتعش يرتعش وعينيه تمطر وهو يستمع بصدمه كاسحة!!..

حتى صرخ بشكل مفاجئ وافجع الجميع/ابــــــ وي انـــــقتل ابوي انقتل لا لا لا لا لا…

نمر افلت والدته واتجه لمعاذ حضنه بشده حاول عدت مرات ان يهدي انهياره و ارتعاشه و نحيبه العالي

معاذ بعالم الانهيار لا يبصر شيء غير صورة والدته مقتولا والدم يغرق الارض الذي مرتمي عليها..

اعتلى صراخه وتزايد ارتعاشه وتسارعت دقات قلبه وكفيه تضرب صدر نمر بان يفلته يريد يحارب يقاتل!

نمر كان يشد احتضانه ويهمس له بقلق بان يهدا يهدا والجميع احاطه برعب تصرفات معاذ كانت غريبه؟..

حتى فقد الوعي بين يدين عمه نمر ولم يستيقض الا بالمستشفى بين اسالك المغذيات وابر المهدئات..

ليعود منهار منذا عادة صورة والده غارق بالدم بخياله وعادو الاطباء حقنه بالابر والمنوم ليالي وشهور طويله

بالوقت الحالي..

معاذ نفض الفراش وقفز واقف جوار السرير جسده يرتعش بشدة من اتت صورة والده بين الدماء بخياله؟

جبينه امتلى بالعرق انفاسه ضاقت دقات قلبه تزيد حمل مفتاحه واتجه السياره فتحها بانامله المرتعشة..

ثم ركب فتح الدرج المغلق اظهر منه ابرة فتحها وحقنها بذراعه ريح ظهره على مقعد السياره ثواني..

ثم اعتدل جالس من بعد ماهدا قفل الدج حمل غطا الابرة رماه بقرب زباله عاد وغير لبسه واتجه لشركة..
—————————————————————
شركة النمر..

بغرفة بالاجتماع..

نمر يهتف بنبرة جوهريه لا تخلو من ثقته العميقه/في مستندات مهمه لازم قراتها قبل نجتمع مع ابو فايز عشان تكونون فاهمين وش هدفنا من الاجتماع مع شركتهم ابيكم تدرسون الشراكه صح اي احد عنده ملاحظه يسجلها تركيزك على كلمه ولا حتى حرف ينفع شركتنا..

ثم ردف بذات النبرة الجوهريه وذات الثقه/الان متعب يرسل على اميلاتكم عنون المشروع ونبذة طويله عنه وانتم حطو ملاحظاتكم مثل ماقلت لكم سبق..

نمر انتهى من الاجتماع واتجه مكتبه والسكرتير متعب يتبعه هاتف بتسال/طال عمرك في اجتماع اليوم مع شركة ابو سعدون اكلم السواق يجهز لك السياره؟؟..

نمر يجلس على الكرسي الضخم الخاص به هتف بحزم واثق/لا اجلت اجتماعي معهم بعد صلاة الظهر بس انت جهز للي المستند لمشروعهم..

متعب بتقدير/كل شي جاهز على ما مرتنا..

نمر اتجهت عيناه للباب حينما طرق بخفه ودخل معاذ/صباح الخير يابو شامخ..

نمر هتف بنبرة رخيمه دافئه/صباح النور ارحب يالله حيه..

معاذ يجلس على الكرسي مقابل له بذبول واضح على ملامحه/ابقاك الله..

نمر هتف بحزم و عيناه مازالت تراقب معاذ/متعب تقدر تفضل على شغلك..

متعب اتجه الباب وخرج بينما نمر خفت باهتمام عميق/شفي وجهك انت مانمت البارح؟..

معاذ ينظر به بعيني ناعسه/تو صحيت اصلاً..

نمر قطب جبينه بغرابه/اجل شفيك يابوك مضايقك شي…

معاذ زفر بوجع غلفة بنبرته الحازمه/بسالك عن دم ابوي لا متى يا ابو شامخ وهو معلق كذا لا متى؟؟..

نمر اجابه بحزم مشابه/وانا ساكت يا معاذ شوفة عينك كل سنه اغير محامي اخر واحد رقم عشرين كل شهر امر المحكمه وافتح المحظر والتحقيق من جديد..

معاذ زفر من بين اسنانه بحسره/واخرتها طيب عشرين سنه معقوله ولا طلع القاتل كل خوفي يكون مات ودم ابوي ضاع معه بقبره..

نمر بصرامه بالغه/اذا مات فهو اخذ جزاه عند اللي اقوى مني ومنك ومن المحاكم كلها الله سبحانه وتعالى..

معاذ تنهد بتعب حقيقي/ونعم بالله بس يابو شامخ قلبي ماراح يرتاح وحياتي احسها واقفه ماني قادر اعيش مثل باقي الناس احس اني جبان ماقدرت اخذ ثار ابوي؟..

نمر وقف و اقترب له جلس و زفر بذات الصرامة/معاذ انت مو جبان لو كان غريمك موجود انا متاكد انك راح تذوقه الموت اضعاف مضاعف..

ثم ردف بثقه حازمه/لكن وانا عمك اصبر بيجي يوم وتاخذ ثارك وثارنا بيمناك مايروح حق وراه مطالب..

معاذ شد له نفس عميق ثم زفر بارهاق/متى بيجي هاليوم متى؟..

نمر بذات الثقه/قريب باذن الله بس انت ريح راسك تراي ماصدقت وانت تطيب وتفتك من العلاجات والابر..

معاذ تالم حقاً لو علم نمر بانه مازال ياخذ ابر مهدئه ماذ ستكون ردة فعله وهو متامل بشفائــــــــة؟؟..
————————————————————
بعد صلاة الظهر..

راشد يطرق الباب بخفه وينادي بخفوت/دانه يابنتي تسمعيني؟..

دانه كانت تقف امام الشباك تراقب الشارع والسيارات بحسره على حالها عندما سمعت ندا والدها فز قلبها

قفزت متجه الباب خفتت بعتاب من ورا الباب/يوبه عاجبك كذا مقفله علي مرتك المجنونه من امس؟..

راشد بذات الخفوت/طمنيني عنك انتي بخير فطرتي اكلتي شي..

دانه قطبت جبينها/شفيك تكلم كذا؟..

راشد زفر بتوتر/مابي عزيزة تسمعني ماصدقت تغفي جيت اطمن عليك..

دانه زفرت بقهر/خايف منها يوبه تخاف من مره وانا كيف بجلس كذا لين اموت؟..

راشد تنهد بطولة بال/لالا بتطلعين بس خلك عاقله اسكتي وانا اتصرف..

دانه هتفت بقلق/يوبه وراي مدرسه بكرا لازم اداوم للي كم يوم غياب بعذر امي متوفيه..

راشد يطمنها بحنو/بتروحين لمدرسه لا تخافين بس خلك عاقله مثل ما وصيتك..

دانه تنهدت ثم هتفت بتسال/متى بتفتح عني هالمجنونه؟..

راشد ينهى النقاش/مادري المهم بروح ورجع لك لافضيت..

دانه نادت بصوت عال/يوبه لا تروح افتح الباب وراي مدرسه تعبت يوبه يوبه..

ارتمت على السرير لتنفجر بالبكا ماهذا الظلم والحياة الموحشه كيف تعيش باقي الايام مع عزيزة و قسوتها؟

تصرفاتها وغيرتها الواضحه جعلت دانه تزيد حقدها وكرها وقهرها من عزيزة هي المتسببه بتشتيت عائلتها

ومشاكل والدها مع والدتها وغيابه عنها فتره حتى اصيبة بمرض وتوفت تريد تنتقم منها بسرع وقت..
————————————————————-
تحياتي(شغف)..

صباح الخير جميعاً..لعيونكم بحاول من السبوع الجاي انزل ثلاث بارتات بالاسبوع قدر المستطاع..

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..


~\البارت السادس/~

بعد صلاة العصر..

شداد يقف سيارته امام قصر نمر ويهتف بحزم/انزلي يا نشميه وصلن بيت ابو شامخ..

الجدة نشميه تنظر به بتسال/وانت ماتبي تنزل؟..

شداد اشر على الظبي الجالسه بالمرتبه الخلفيه/بلحق اوديها لسوق تاخذ اغراضها قبل اليل ومر اخذك معنا..

الجد نشميه بحزم عاتب/لو علم نمر انك وصلت بيته ولا نزلت والله يزعل علينا..

شداد بذات الحزم/نجيه على الافراح ان شاءالله ياخوك مامعي وقت انزلي بس سلمي وسلميلي عليهم..

الجدة نشميه تفتح الباب بقلة حيله/الله يسلمك المهم لاتمر بمرح عندهم اليله وبكرا العيال يعودون فيني لديرة..

الظبي زفرت برجا/جده تكفين لازم بكرا تجين ماقدر احظر العرس لحالي..

الجدة نشميه التفتت لها بنبرة حانيه/افا عليك من الصباح وانا عندكم لا تنقلين هم بس عاد تقضي وخلصي قبل اليل لا توخرين على جدك..

الظبي ابتسمت بعذوبه/تامرين امر..

الجدة نشميه نزلت بثقل دقت الجرس فتحت العامله قطبت بغرابه/اهلين جده؟؟..

الجدة نشميه تساند عليها/وين اهل البيت؟..

العامله تقدم بها للاريكه/كلهم فوق بطلع انادي مستر نمر..

الجدة نشميه تجلس بذات الثقل/اي بالله نادي له ولبنياته بسلم عليهم..

سلطانه نزلت مرحبه حينما سمعت صوتها/ياهلا وغلا حي الله عمتي..

الجدة نشميه تنظر بها ببتسامة ودوده/الله يبقيك يا شيخة النسوان..

سلطانه انحنت وقبلة راسها بتقدير/وش ذا النهار الزين والله ان جيتك مثل المطر علينا..

الجدة نشميه بود حاني/يا عل ربي يمطر قلبك بالسعاده ويعطيك على قد صبرك يامك..

سلطانه تجاوزت كلامها وجلست جوارها بتسال/ليش ماقلتي لنا انك جايه؟..

الجدة نشميه هتفت باسمه/بسوي لكم مفاجئه اللي يقولون هالجيل..

سلطانه ابتسمت كانت على وشك الرد لكن قطعها نزول نمر المفاجئ منذا قالته له العامله بان والدته

موجودة صدم و ارتعب لماذا لم تعطيه خبر كل ماخطر باله خاله شداد يكون مصاب بمكروه لقدر الله!

زفر بتسال مرعب/يومه عسى ماشر فيكم شي؟..

الجدة نشميه انتفضت بشده/لا انشاءالله مافينا الا كل خير لكن جايه مسيره يامك..

نمر شد له نفس طويل ثم زفر براحه/الحمدلله الحمدلله..

انحنى وقبل راسها/حياك الله يا الغاليه شلونك شلون خالي بشرينا عنكم؟..

الجدة نشميه تنظر به بامومة/كلنا بخير يالله من فضلك وين بنياتك ما ينزلن يسلمن علي؟..

نمر جلس على الاريكه المنفرده هتف بحزم/ينزلون الحين المهم انتي طيبه وبخير؟..

الجدة نشميه تعدل برقعها على عيونها/اي بالله الحمدلله اني بخير وعافيه..

اتت العامله تحمل صينيه قهوه ضعتها على الطاولة هتف لها نمر بامر/نادي شروق وغروب يجون يسلمون على جدتهم..

الجدة نشميه بحنو/اذا هن راقدات بعد المدرسه خلهن ولا قامن يسلمن علي..

نمر من اتت والدته بسيرة المدرسه عينيه رغماً عنه اتجهت لسلطانه التي جالسه وضعيت رجل على رجل

رافعه انفها الشامخ بكبرياء وعدم اهتمام بمن حولها فهي عزيزة نفس مبتعده عن من حاول يقلل قيمتها..

متماسكه كاتمه صامته حينما الجميع اربعة سنين ينتظرون نفاذ صبرها و انفجارها بالكلام والعتاب..

نهضت كي تصب القهوه كانت فتنه تمشي على قاع الارض جلابيتها زيتيه مخصره على جسدها المرتكز با انوثه بالغه..

نمر صد النظر عنها بشكل سريع اجاب والدته بحزم هادئ/لا ماهن نايمات يجن الحين..

سلطانه مدت فنجال من القهوه للجدة نشميه/سمي يا عمه..

الجدة نشميه تاخذه بود/سم الله عدوينك..

سلطانه ترددت هل تصب لنمر قهوه ام لا فهو لا يشرب ولا ياكل من يدها ولا يشاركها اكلها اصلاً..

بالاخير صبت لها هي فنجالا وجلست لاتريد تحرجه وتحرج نفسها حلفه مازال راسخ بعقلها..

(يحرم علي لـــــــــمسها وعيشها ومــــــلحها)..
——————————————————-
القرية..

الظبي ضبت الاكياس قبل تنزل من السيارة هتفت لجدها بامتنان/مشكور يا جدي عسى عمرك طويل..

شداد بحزم حاني/وش تشكريني عليه يابوك انتي امانه برقبتي ومن حقك علي اوديك وجيبك لو تبين مريخ..

الظبي ابتسمت بنبرة ودودة/يا عسى عيني ما تبكيك وش للي بمريخ وانت موجود معززه مكرمه عندك؟..

شداد ابتسم بذات الحنو/يازين منطوقك وزين خلقة الله فيك..

ثم ردف بهدؤ/انزلي يابوك بلحق اعشي النياق قبل اليل..

الظبي تفتح الباب ونزلت دخلت البيت اتجهت غرفتها ضعت اغراضها على السرير ثم خلعت عباتها..

بدات تقيس الفستان و الحذا امام المراءه بحيره هل سترتديه بالزواج ام لا فهي ليسا عندها احد تستشيره؟

حتى الجدة نشميه غير موجودة التي تعطيها رايها رغم انها لم تفهم بالبس الفتيات شيء لكنها تحاول تقنعها.

بالاخير قررت تردي الفستان الناعم بزواج ابن جيرانهم فهي تعلم والجيران يعلمون بانها اجمل بنت بالقريه..

جمال الظبي يعجز الشعار وصفه ولو سطرو القصيد مرارا وتكرار تتعب الحروف تصوغ لها العبارات..

لكن مافعل معها شهاب كانا مؤذياً لها محطم لذاتها لكنها تحاول تخطى صدمتها وتعود ثقتها بنفسها..

من تحصل له فتاة بجمالها و انوثتها ويفرط بها الظبي فارقه فرق عظيم عن باقي الفتياة الذي رائهم شهاب؟

لكنه حقاً لم يراء الظبي من قبل منذا كان صغير يرفض ان يرافق والده للقريه كانا و مازال يتقرف من حياتهما.

لكنه لا يستطع يجبر نفسه وحياته بالارتباط من فتاة قرويه ليسا عندها طموح بهاذي الحياة غير الغنم؟

وهو اصلاً لم يفكر بزواج نهائي ولو فكر يريد فتاة بمستواه الثقافي والعلمي يفتخر بها امام الناس..

بذات ان شهاب رجل مشهور ومعروف بالمجتمع يهمه الظاهر اعتاد على المدح و الثناء لم يعتاد على النقص.
————————————————————
عزيزة زفرت بغضب شديد/من سمح لك تاخذ المفتاح من غير علمي وتفتح لام لسان؟..

راشد زفر بتوتر/يا عزيزة يا حبيبتي..

عزيزة بمقاطعه غاضبه/الحين تطلع بنتك من بيتي الحين لا سوي شي تندم عليه يا راشد طول عمرك..

راشد بذات التوتر/اسمعيني طيب..

عزيزة تتجه باب جناحها تريد الخروج/ماني سامعه من والا حرف ودانوه الحين اوريك وش اسوي فيها..

راشد الحق بها وامسك عضدها برجا/تكفين يا عزيزة اذا للي خاطر عندك خليها عنك كله يومين وتزوج و تفتكين منها..

عزيزة استدارت ونظرت به بحده/كيف تزوج وانت مابعد لقيت اللي يفكنا منها وانا معلمتك من قبل تراي ماني صابره عليها وعليك معها..

راشد قبل خدها بدفى ثم همس بشجن متصنع/لقيت العريس لقيت بس انتي ماتعطيني فرصه اقول لك بس شابه ضو يادافع البلا..

عزيزة ارتخت اعصابها خفتت بتسال/من تعيس الحظ اللي بياخذ بنتك؟..

راشد امسك بها واتجه لسرير جلس وجلسها جواره خفت بهدو/واحد من الجماعه يبيها من زمان وكلمته عنها قال موافق ويبي يملك عليها..

عزيزة بتوجس لايخلو من غيرتها/موظف عطني مواصفاته كامله؟..

راشد بمسايرة/لا عاطل باطل وخريج سجون بعد لكن الشكوى لله مالقيت غيره..

عزيزة ابتسمت بفرحه ثم زفرت با استعجال/خلاص خل يجي يملك عليها وياخذها مانبي منه حتى مهر..

راشد يكتم قهره خلف ابتسامته المغصوبة/افا عليك سبوع بس وكل شي يصير على ماتتمنين..

عزيزة بامر صارم/وشو سبوع انت الثاني بكرا يجي يملك تفهم بكرا..

راشد قطب بشده/كيف ملكه بدون تحليل اقل شي ثلاث ايام علامك مستعجله..

عزيزة وقفت بحده/اقول عاد تحليل وخرابيط ماتهمني بكرا العصر يجي يملك عليها ولا يمين بالله لا رميك انت وهي بشارع رمية الكلاب..

راشد اتجه الباب بتماسك/طيب طيب..

عزيزة بذات الحده/وين تبي تذلف؟..

راشد اجابها بذات التماسك/بروح اعلم دانه بالملكه عشان تجهز..

عزيزة تعود جالسه على السرير بشعور نصر/علمها وقل تقول لك عزيزة مبروك مقدم..
——————————————————-
الساعه الثانيه عشر ليلاً..

قصر نمر بن فخر..

تحديداً جناح نمر..

تمدد وسند ظهره لظهر السرير تنهد بعمق وافكاره تاخذه لقاتل شقيقه الذي فقده من عشرين عاماً..

حاتم بنسبه له السند في كل فتره صعبه يمر بها حتى انه يتحمل شخصية نمر القياديه عليه وعلى عائلته..

رغم انه اكبر منه سناً ومع ذالك هو من يبدا بالصلح في كل المواقف التي يحصل فيها نقاش و زعل بينهما.

الاخ نعمه من الله لاتحلو الحياة الا بوجوده اول من يفرح لك هو اخيك و اول من يفتقدك لو غبت اخيك..

نمر في كل ليله يشتاق لرؤية حاتم وفي كل ليله يلوم نفسه الف مره انه الى الان لم ياخذ ثاره ويقتل غريمه

رغم انه بذل كل جهده في قضيته مابين المحاكم والمحاميين خلال العشرين العام الذي مضت..

ومع ذالك لم يهمل امور القبيله ولم يهمل شركته واعماله ولم يهمل والدته بالاهتمام بها وبصحتها..

ولم يهمل معاذ وعلاجه ولقرب منه ولم يهمل بناته با الاحتواء والحنان وعطائهم وقت كافي خاص لهما..

فهو يهتم على عدت تجاهات ولم يهتم بنفسه وحياته
نمر اكثر شخص تالم بالحياة بسبب لوعت الفقد..

تالم على فقد والده الشيخ فخر الذي رحل وهو بسن الخامسة عشر نسخته بكل شي صفاته وخلاقه صرامته وحدته..

ومن ثم تالم من رحيل شقيقه الوحيد حاتم الذي انقتل برصاصة غدر في الصحراء في ليلة ضلما..

ومن ثم تالم تالم من فقد حبيبته وعشيقته منذا الصغر بينه وبينها موده ومحبه وفاء واخلاص..

رحيل البندري ترك اثر حرقه في قلب نمر في ليالي شعر بالوحده تحمل اثقالا الهموم و الحزان..

ومن ثم تالم تالم تالم اضعاف مضاعف من رحيل ابنه شامخ لحمه ودمه قطعه من قلبه وجزء من روحه..

كانا يذوي من الوجع والمراره والالم والحسره على الراحلين التي تركو اثر عميق بقلب نمر وغادرو..

من بعد ذالك لو ملك الدنيا ومافيها مالها و جائها لم تعوضه مافقد فهو يعيش اتعس انسان بهذا الكون..

لكنه يكتم من اجل حماة وقيادة قبيلته وعائلته اما الحياة بنسبه له انتهت مرحلة سعادتها من سنين..

نمر تنهد وهو يضع راسه على الوساده كي ينام من اجل يستيقض من بدري ويلحق على الاجتماع المهم..

مازال يتقلب على سريره يمينا يسارا محاول ينام حتى دخلت الساعه على الثانيه في منتصف اليل؟؟..

لكن عيناه تعجز عن النوم وعقله عجز يرتاح ويريحه من السهر و التفكير والضغوطات التي يمر بها..

(وهب لي يا الهي منك عونا يساندني فذا صعب المسير)..

نفض الغطاء ونهض واقف اتجه الثلاجه الصغيرة الموضوعه بزاوية الغرفه فتحها كي يبل ريقه التي جف.

لكنها قطب من رائها خاليه من الماء فهو نسى يبلغ العامله تعبيها لانه لم يسمح لها دخول جناحه بغيابه.

اتجه للمطبخ التحضيري دخل بسرعه بينما عقله مازالا مشغولاً حتى انه لم ينتبه لذي جالسه مدهوشه.

فتح الثلاجه اخد علبة ماء ومن ثم استدار كي يخرج لكنه وقف بصدمه عميقه حينما راء سلطانه جالسه

وامامها على الطاولة كاس لا يعلم هل قهوه ام شاي وتنظر به ذات الصدمه اول مره نمر يدخل المطبخ!!

نمر عيناه انتقلت الى الكاس يبدو ان وضعها غير مطمن لكنه صد بسرعه وخرج عاد لغرفته وغلقها..

رمى علبة الماء بالارض بقوه غاضبه وانفاسه تسارع وقلبه ينبض بشكل غريب كاد يخرج من مكانه؟؟..

يتسال بينه وبين نفسه ماذا بها سهرانه لوحدها ولم تنام حد الان وماذا بالكاس الذي تشرب بنتصف اليل؟

لو علم برؤيتها لنام عطشان من الافضل له كيف الان يهدى عقله والهموم والافكار تضاربت تضاربت؟؟..
———————————————————-
دانه وقفت بحده صادمه/نعم تبي تزوجني سعود الاهبل يوبه انت صاحي؟؟..

راشد بحزم هدئ/سعود رجال فيه الخير كبر وعقل اول كان طيش شباب..

دانه كاد تطق وتموت من شدت القهر/اي رجال وهو خريج سجون صايع ضايع مايعرف راسه من ساسه؟..

راشد بذات الحزم/اقول بس تجهزي بكرا بعد العصر اتفقنا على الملكه حتى التحليل مايحتاج..

دانه تفجرت عينيها بدموع/لهدرجه يوبه ترخص بنتك حتى من غير تحليل عشان مرتك؟؟..

راشد هتف بحيره متصنعه/مرتي مايقدر عليها الا الله ثم ولدها انا مابيدي شي يابوك..

دانه هزت راسها بياس وعينيها تمطر الدمع/حسبي الله ونعم الوكيل حسبي الله ونعم الوكيل..

راشد ناظر بها بحنان/يابنتي مابقى بالعمر كثر الي راح خليني اقدر اركز على اللي انا عليه..

دانه عادت جالسه على لسرير لم ترد عليه الكلام مع والدها بنسبه لها ضايع واضح بان عزيزة غاسله مخه..

لكنها لم تستسلم وتضيع شبابها وجمالها مع سعود الصايع الضايع الذي لم يسنع نفسه كي يسنعها هي..

ستهرب او تنتحر او تعمل المستحيل قبل الملكه لابد ان تفكر وتتخذ قرارا صارم غير قابل التــــــــراجع!..

راشد هتفت بنبرة مقصودة جداً/مادري وش الحل مع عزيزة انا ودي نكلم معاذ يعقلها بس هو مايسمع كلامي..

دانه تنظر به بحسره/اذا انت يا زوجها ماتقدر عليها وهي تحدد مصير بنتك بكيفها تبي ولدها يقدر عليها؟..

راشد نهض واقف هتف ذات النبرة المقصودة/اي ولدها يقدر ينهي هالزواج بس انا قلت لك ما قدر اكلمه بينا مشاكل..

ثم ردف بتصنع وكانه تذكر شيء هماً/ليش ما تكلمين معاذ انتي؟..

دانه اتسعت عينيها صدمه/تبي تذلني لولد عزيزة ماتوقعتها منك يوبه ماتوقعتها؟..

راشد اتجه الباب/تجهزي للملكه بكرا..
———————————————————-*
صباح جديد..

قصر النمر بن الشيخ فخر..

نزل الدرج بخطوات ثابته واثقه متالق كعادته برزته وجبــــــــــروته بينما تظهر على وجه علامات السهر والتفكير..

الجدة نشميه هتفت مرحبه/يالله تصبحه هالوجه بالخير..

نمر اقترب انحنى قبل راسها بتقدير/صباحك الله بالخير يالغاليه شلونك بشريني عنك؟..

الجدة نشميه بمودة/انا بخير يالله لك الحمد لكن انت يامك وجهك مايبشر بخير مانمت زين؟..

نمر جلس جوارها وهو يحمل ترمس القهوه ويسكب له فنجالا/مافي الا العافيه بس سهرت على اوراق مهمه عندي اجتماع اليوم..

الجدة نشميه بحنو خالص/يا وليدي انت علامك مشغل نفسك ومتعبها ما ترتاح وتريحها من ذي الاشغال..

نمر ياكل له فذة تمره يتبعها رشف قهوه ثم هتف بحزم هادئ/العمر ينتهى والشغل ماينتهى يا الغاليه..

الجدة نشميه تلفت حوليها بغرابه/اهل بيتك وينهم ماهو بعادتهم النوم؟؟..

نمر هتف بجمود غريب/من اهل بيتي من تنتظرين يصحى؟..

الجدة نشميه بغرابه اعمق/بناتك ماوراهم دراسه وسلطانه ماشفتها من صحيت؟..

نمر يشد قبضة الفنجال بين انامله بتماسك/بناتي اجازة وامهم مادري عنها هي نايمه ولا بعدها سهرانه؟..

الجدة نشميه لم تفهم شيء ومع ذالك زفرت باهتمام/عسى ماتونس شي سلطانه ماهي بعادتها والله تنام؟..

نمر وقف هتف بحزم لا يخلو من جمودة/انا بطلع الشركه تبين شي محتاجه شي ترا حلالي ومالي فد راسك..

الجدة نشميه ترفع راسها وتنظر له بموده حانيه/ابي سلامتك خيرك سابق يابو شامخ..

ثم ردفت بحزم هادئ/بس علم معاذ العصر يجي يوديني لديرة مابي اتاخر على بنت احمد ورانا عرس اليله..

نمر بذات الحزم/وانتي الله يطول بعمرك تجين مستعجله وتروحين مستعجله مايمدي الواحد يجلس معك؟..

الجدة نشميه ابتسمت بامومة/تبوني تعالو للي بالديرة هناك راحتي عند غنيماتي وعند شداد عساي ماذوق حزنه..

نمر انحنى من عليانه وقبل راسها بعمق/امين يارب وعسانا ما نذوق حزنك انتي بعد..

الجدة نشميه تتبعه بنظراتها الحانيه وهو يتجه الباب عندما خرج شدت لها نفس عميق وزفرت بوجع اعمق

كم تخشى عليه من الم الفراق والحزن تعلم بانه يرتدي قناع الجمود والثبات رغما التعب الذي بداخله.

وتعلم كذالك ابنها مازال يعيش حياته بطيف الراحلين تالم قلبها عليه الفقد رفيقه من سن المراهقه..

لاكنها لاتعلم ماذا مخبيه له الحياة بالايام القادمه هل من فراق ولم فهي حقاً مرعوبه رعب من ذالك..

متاكده لو عاد الفراق ورحل انسانا قريب لقلب نمر سيفقد صبره سوفا ينفجر ويتبخر جموده وثباته!!..
——————————————————-
القرية..

الظبي من بعد ما استحمت شعلت الجمر وضعت البخور وبدات تبخر شعرها العنابي قبل تجففه..

وجوالها مشغل على شيلات طرب وهي تردد معه بانسجام وتهز كتفيها ونحرها بنعومة ودلع..

العنق عنق الظبي والخد لماع..
والوجه يضوي كما نجم الثريا..

دخلت سعديه وسلبت انسجامها بزفرة/ظبي انا اكلم انتي ليش مافي يرد يمال الصمخ؟؟..

الظبي تاففت بضيق وهي تطفي السماعه/عنبو شكلك ما تعرفين الاحترام تصارخين وتدعين علي كانه انا اللي اشتغل عندك؟؟..

سعديه بذات الزفرة/لازم غسل هذا الفرش جدة كلام مافي يجي من مدينه الا فراش غسيل وجاهز..

الظبي نحرتها بعصبيه/ورا ما تذلفين تغسلينها و تفكيني من بربرتك بربر عليك اللي يصك مخك؟..

سعديه قطبت بشدة/مايقدر يغسل هذا انا لحالي لازم انتي مساعده يلا قوم..

الظبي صرخت فيها بعصبيه اعمق/اقول انقلعي ماتسوين شي الا وانا معك مفروض راتبك يتقسم بينا..

سعديه ابتسمت تريد تغيظها/حتى لو انتي موت مافي انا يعطي ريال من راتب انا..

الظبي تلفت حولها باحثه عن شي تضربها به/اذلفي لاقوم اتوطى بطنك تراي ماني فاضيه لك..

سعديه هربت ضاحكه/انتي بنت مجنون انا مافي غسل فرشه كلام جده الظبي قول لا..

الظبي صرخت بتوعد/والله لو ما تغسلينها لاغسل شراعك يا قليلة ادب هين انا كلام جده مافي راتب هذا شهر..

ثم زفرت وهي تشد شعرها بغبنه/على كثر ما مردغتها ما تتوب لسانها يلوط اذانها اف عكرت مزاجي الله يعكر مزاجها..

الظبي شغلت الشيله ومن ثم عادت تنسجم معها وهي تنفض شعرها الطويل امام المراءه بفتنه..
—————————————————————-
دانه سهرانه لم تنم دقيقه تفكر كيف تخلص نفسها من سعود الورطه قبل يوقعها والدها بزواجها منه؟..

واقفه على باب غرفتها منذا صلاة الفجر تنتظر راشد يفيق تريد ترجاه بان لا يظلمها ويدفن شبابها بثرى..

من اجل راحة عزيزة يرخص ابنته لشاب خريج سجون قبيح الشكل ليسا من مستوى جمالها وذكائها؟..

دانه تعبت من الانتظار الساعه وصلت التاسعه وهو مازال نايم بالاخير جلست على الارض باصرار..

عندما سمعت صوت خطوات راشد قفزت واقفه اتجهت له وتعلقت بجيبه وعينيها تلمعان..

خفتت من بين اختناقها/تكفى يوبه انا بنتك الوحيده لا ترميني عشان عزيزة ماراح تدوم لك والله بكرا ترميك بشارع..

راشد تالم حقاً وهو يزفر بخفوت حاني/يا دانه والله انك عندي اغلا من عيوني مابي ارخصك لا لسعود ولا غيرة بس انتي ماتبين تسمعين كلامي..

دانه قطبت جبينها بغرابه/كيف مابي اسمع كلامك انت* ما طلبتني شي اصلاً وقلت لا؟..

راشد تلفت حوله ثم انحنى وحفت لها بخبث/ولدها معاذ هو اللي يبي يخلصك من ذا الزواج كلميه..

دانه رجعت على وراء باستنكار شديد/وانت ليش ماتكلمه؟؟..

راشد بذات الخبث/البارح قلت لك الرجال ماسمع كلمتي بينا مشاكل انتي يمكن يرحمك..

دانه هزت راسها بصدمه وعينيها تذرف الدمع/لا مستحيل انت ابوي اللي ربيتني وكبرتني وكنت تعلمني الصح من الغلط؟..

راشد رص على اسنانه/وش الغلط اللي قلت لك سويه انا ابي مصلحتك يا خبله..

دانه تكتم صوت شهقاتها/تبي مصلحتي وانت تبي اترجا رجال غريب يفكني من امه وابوي موجود؟..

راشد زفر بحده/اجل تاخذين سعود وانتهينا..

دانه زفرت من بين انفاسها الغاضبه/لو تحفر الارض انت وعزيزة و تدفنوني فيها سعود ماراح اخذه ماراح اخذه..

راشد اتجه الدرج بشبه ابتسامه/فكري بكلامي اجل..
———————————————————-
الشركة..

كانا نمر واقف امام المكتب يرتب بعض الاوراق لتجهيزها للاجتماع رغم انه مازال مواصل لم ينام

بسبب التفكير ليلة البارح ومع ذالك لم يفقد دقة تركيزه واهتمامه بعمله وقيادته المعتادة..

متعب الذي واقف جواره هتف بتسال/طال عمرك المستند اللي امس عطيتني ارتبه تحتاجه؟؟..

نمر اجابه بحزم بينما هو مشتغل بالوراق/اي جيبه ضروري وبلغ الموظفين اللي طلبت رفقتهم معي بالاجتماع يتجهزون..

متعب اتجه الباب/حاظر الحين ابلغهم..

عندما خرج عاد بهدو/طال عمرك في واحد يبي يشوفك ضروري يقول؟..

نمر قطب بشده/قل له مشغول خل يجي وقت ثانيه..

صدم بنبرة الصوت الثقيله/انا ابو سيف يابو شامخ يبيني اعاود مع دربي؟..

نمر افلت الاوراق واتجه عينيه لرجل واقف على الباب مرتكي بعصاته كبير سن لكنه مازال بقوته وثقله..

افلت الاوراق وتجه له بنبرة تقدير/حيا الله ابو سيف مكانك ومحلك اقلط..

ابو سيف سلم عليه بموده/شلونك بشرني عنك وشلون الوالده والاهل عساكم بخير..

نمر قابض كف المتجعدة بكفه هتف بحزم/بخير نحمد الله ونشكره انت شلونك وشلون من يعز عليك؟..

ابو سيف بذات النبره الودودة/نحمد الله ونشكره بخير وعافيه وستر و امن وامان..

نمر ابتسم بثقل/عساه دوام تفضل اجلس بطلب لنا قهوه..

ابو سيف شد قبضة كفه ثم خفت بحزم شديد/قهوتك ماشربها لين تقول تم لطلبي اللي انا جايك عشانه داخل على الله ثم عليك يا ولد فخر لا تردني..

نمر اشدت اعصابه من شدة الحميه ابو سيف شيخ قبيله بهيبته ومكانته يريد ينتخي بواحد بعمر ابنائه؟؟.

زفر بحزم بالغ وثقه عميقه من غير تردد/ابشر بعزك وانا ولد فخر طلبك تراه مقدر ومتمم قبل لا تقوله..

ابو سيف باصرار حازم/قلت تم وانا بوجهك؟..

نمر بذات الثقه/ابد لك وجهي بس اقلط اقلط تقهواء..

ابو سيف جلس بثقل من بعد ماضع عصاته جواره/لا له الا الله محمد رسول الله..

نمر يجلس على مكتبه مقابل له رفع السماعه طلب قهوه ثم هتف بحزم هادئ/يالله تحييك يابو سيف من عنيت لين جيت..

ابو سيف ابتسم لتبين تجاعيد حول عيناه/الله يبقيك يابو شامخ ويرحم رجال خلفك..

طرق الباب بخفه ودخل معاذ بهيبه عميقه/السلام عليكم..

نمر ابو سيف بصوت واحد/عليكم السلام..

نمر ردف بحزم واثق/تعال معاذ سلم على ابو سيف شيخ قبيلة المجاريح..

معاذ تقدم وقبل راس الرجل باحترام/حياك الله زرتنا البركه..

ابو سيف ينظر له نظرات متفحصه/الله يبقيك انت ولد حاتم؟..

نمر اجابه بذات الحزم/ايه هذا معاذ ولد حاتم رحمة الله عليه..

ابو سيف مازالا ينظر معاذ نظرات متفحصه/من خلف مامات عسى الله يطرح فيك البركه يابوك..

معاذ يجلس مقابل لهما بغموض/اللهم امين..

اتى المضيف ضع القهوه والتمر وغادر بينما ابو سيف مازالا ينظر معاذ نظرات غريبه لاحد يفهمها سواه؟..

معاذ لاحظ ذالك النظرات الغريبه لكنه رشف من فنجال القهوه بصمت وعدم اهتمام..

نمر هتف بنبرة رخيمه/اسلم يابو سيف وش هو طلبك عسى الله يقدرنا عليه..

ابو سيف وجه انظاره وكلامه لنمر/تقدر على اللي اكبر من طلبي يا بو شامخ ما يعسرك شي بعد الله سبحانه..

نمر بذات النبرة الرخيمة/ونعم بالله ابشر بسعدك امرني بس؟..

ابو سيف تنهد بصوت مسموع ثم زفر بوجع/ابي من الله ثم منك عتق رقبه لمسلم ما عند امه غيره..

معاذ صعق صعق بما سمع وهو يوقف بغضب مفاجئ كاد الدم يشطر من راسه منذا خطر باله قاتل والده!!..
———————————————————-
تحياتي شغف..

الرواية صدق مشوقة وجميلة و في انتظارج على احر من الجمر

مساءالخير كيفكم..بنات بحاول انزل بارت الثلاثا اذا قدرت ولو حصل للي ظرف خليته البارت الخميس مثل نظامنا اول..❤

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..


~\البارت السابع/~

ابو سيف تنهد بصوت مسموع ثم زفر بوجع/ابي من الله ثم منك عتق رقبه لمسلم ما عند امه غيره..

معاذ صعق صعق بما سمع وهو يوقف بغضب مفاجئ كاد الدم يشطر من راسه منذا خطر باله قاتل والده!!..

زفر من بين فحيحه المرعب/تكلم من القاتل مـــــــن؟؟..

ابو سيف قطب بشده ثم هتف بغرابه/علامك يابوك انا قلت شي غلط؟..

نمر الذي فهم مادرا في عقل معاذ زفر بامر صارم/والد اجلس خل نفهم الرجال وش يبي؟..

معاذ لم يستطع تمالك اعصابه من شدة غضبه/ماني جالس لين يقول للي من القاتل لاحرق المكتب على راسك وراسه..

نمر وقف بصرامه اعمق/قلت لك اجلس ولا اطلع مع الباب..

ابو سيف عينيه تجول بينهما بذات الغرابه/خله يابو شامخ موجود ويسمع وش انا جاي عليه..

نمر عاد جالس وهو ينظر معاذ الذي مازال واقف بنظرات توعد ثم زفر بتسال ثابت/اسلم يابو سيف من اللي تبي تعتق رقبته؟..

ابو سيف هتف بحزم بالغ لايخلو من رحمه/والد عمي وحيد امه طلع من المدرسه مسرع بسيارته وصدم له ولد جذيع من عيال الشيخ ابو صفوان ومات وهو انسجن واهل الولد يطالبون بتنفيذ حكم القصاص وانا داخل على الله ثم عليك تروح معي انت ورجالك جاهيه لشيخ ابو صفوان نطلبهم العفو..

معاذ ارتخت اعصابه التي كانت مشدوده تبادل الانظار مع نمر بحرج شديد ثم استدار كي يحرج من المكتب..

لولا بان اوقفه ندا نمر الحازم/اجلس يا معاذ..

معاذ عاد وجلس بصمت ونمر يوجه كلامه و انظاره لابو سيف بنبرة عميقه واثقه/تم يدي بيدك انت فصل يابو سيف وحنا نلبس متى ما تبي الجاهية تراي حاظر فيها..

ابو سيف هتف بامتنان وتقدير/عزالله انك شيخ ولد شيخ هاذي قهوتي فيك رجال قبيلتي قبل لاجيك قالو ولد فخر مايرضى يروح ويطلب العفو وهو طلاب رقبه؟؟..

نمر بنبرة حازمه واثقه هادئه/يابو سيف مافي انسان صايم ومصلي مايسعى بالعفو حتى ولو كان هو مايرضى فيه على نفسه لكنه يطلبه لغيره..

ابو سيف بحزم ودود/عسى الله يكثر من امثالك والله اللي رفعك مكانه بدنيا يرفعك درجات بالاخره..

ثم وقف وردف بذات الحزم/جهيتنا بعد المغرب ننتظرك انت ورجالك بديواني ومن ثم نتجه للقبيلة ابو صفوان؟..

نمر وقف كذالك بتقدير/باذن الله تعالى نصلي المغرب عندكم ويدنا بيدكم نروح سوى..

ابو سيف ناظر في معاذ الجالس الصامت هتف بحنو رجولي خالص/عسى الله يبرد حرة كبدك يابوك وتاخذ حقك بيمناك وتراي معكم بالخير والشر..

معاذ وقف بهيبه واحترام هتف بحزم لا يخلو من غموض/الله يجزاك خير وانا جاء ذاك اليوم تعال احظر القصاص لان حنا ماعندنا عفو وتنازل..

ابو سيف بحزم حاني/قريب باذن الله تعالى وانا اول الحاظرين والحين يلا انا استاذنكم نشوفكم على خير..

نمر اتجه له كي يوصله الباب/عزيز وغالي يابو سيف سير علينا مره ثانيه..

ابو سيف سلم عليه كف بكف/ان شاءالله لك زياره خاصه بديوانك..

نمر منذا وصله لباب وغادر عاد للمكتبه يشتغل بتجهيز باقي اوراق الاجتماع محاول لا ينظر في معاذ..

من اجل لا ينفجر عليه بسبب تصرفه الغاضب وقلة احترامه لضيفه الذي بعمر اجداده..

معاذ كانا جالس يراقب عمه هتف بحزم اقرب للاعتذار/لا تلومني يابو شامخ الرجال من دخلت نظراته غريبه مادري وش جاني يوم قال قتل وعفو..

نمر زفر بنبرة حاده صارمه/ماني فاضي لنقاش معك الان وراي اجتماع..

معاذ نهض واقف هتف بحزم هادئ/طيب انا بمشي تبي شي؟..

نمر بذات الحده/قبل صلاة المغرب وانت موجود عندي بالبيت عشان نروح لابو سيف..

معاذ برفض قاطع/انا ما ني رايح ولا اسعى بالعفو اللي مارضاه على نفسي ماني براضيه على الناس..

نمر ناظر به بغضب شديد/معاذ انت اول واحد بالجاهيه تفهم؟..

معاذ شد على اعصابه بتماسك/لا تجبرني على شي ماني طايقه يابو شامخ وانت تعرف اني ما رد لك طلب انت بذات..

نمر شد له نفس عميق ثم هتف بحنو لا يخلو من نبرته الحازمة/اذا انت صادق ماترد للي طلب خلك معي لانك واحد من كبار القبيلة وجودك مهم وبعدين يابوك ترا السعي بالعفو اجر عظيم لاتخلي الدنيا اكبر همك..

معاذ تنهد تنهد تنهيده طويله ثم هتف بغموض/طيب ياعمي على المغرب وانا عندك..
———————————————————-
قصر الشيخ نمر بن فخر..

بعد صلاة الظهر..

الجدة نشميه تنظر في شروق وغروب يشهدان شاشة التلفزيون الطفلتين منسجمات مع فلم الكرتوني..

هتفت لهما باهتمام حاني/امكم مابعد قامت عسى ماتونس شي؟..

شروق تجاوب وهي مازالت تنظر الفلم/تقول مانامت البارح من بطنها يوجعها..

الجدة نشميه بذات الاهتمام اقرب للحنان/علامه بطنها يا عوينتي لو تموت من التعب ماحد يدري عنها وهي ماتشكي بعد..

غروب زفرت بطولة لسان/من تشكي له ماعندها احد بالبيت اصلا حتى ابوي ما يكلمها..

الجدة نشميه قطبت جبينها بشده/انتي وش تقولين يا بنت عيب تكملين عن ابوك كذا..

غروب صمتت وهي تكمل مشاهدتها للفلم حتى رن الجرس اتجهت العامله لباب كي تفتحه..

دخلت شيخه تحمل بيدها سلة قهوه تتبعها شهد تحمل صينية الحلا هتفت بود/مساءالخير يا الغاليه يالله تحييها..

الجدة نشميه ابتسمت بذات الود/ابقاك الله يام شهاب..

شيخه انحنت وقبلة راسها/شلونك وش لون اللي جيتي منهم؟..

الجدة نشميه تسلم على شهد بحنو/بخير نحمد الله انتم شلونكم..

شروق فزت بفرحه خذت شهد وصعدت لغرفتها عكس غروب الذي مازالت جالسه تشاهد الفلم..

شيخه جلست جوار والدتها بتسال/متى جيتي مادريت الا الصباح من محمد؟..

الجدة نشميه اجابتها بمودة/جيت امس العصر مع شداد حطني ودا الظبي لسوق و عادو لديره عسى الله يحفظهم..

شيخه تقبل كفها باحترام/وعساك مطوله عندنا؟؟..

الجدة نشميه ابتسمت/لا من غير شر معاذ بيودي لديره العصر..

شيخه زفرت بضيق/لا يومه توك جايه علامك ما تجلسين عندنا لو يومين..

الجدة نشميه بحزم حاني/اجيكم يامك كان ربي مد بعمري بس اليوم لازم اعاود وراي عرس ولد جيرانا بحظره..

شيخه تلفت حوليها/الا وين سلطانه؟..

الجدة نشميه هتفت برحمه/نايمه يقولن بنياتها انها تعبانه..

شيخه قطبت/علامها؟..

الجدة نشميه بذات الرحمه/مادري يمكن مسخنه ولا عليها دوره..

شيخه تنهض واقفه/بصب لك من قهوتي و قص لك من حلاي انتي اهم شي هي ما تشوف شر خليها نايمه..

غروب خفتت بشقاوه/مايجيك الشر..

شيخه استدارت ناظرت بها بصدمه راتها مركزه عينيها على الفلم و سمعها مركز على حديثها مع والدتها؟..

الجدة نشميه هتفت بتسال/ولدك ما رجع من السفر؟؟..

شيخه تمد لها فنجال قهوه باحترام/بعد يومين ان شاءالله يرجع..

الجدة نشميه بزفرة/هو علامه بس يحوم ما يمسك ارضه وكاد يبي له مره تعقله..

شيخه تبتسم وهي تقصص الحلا/شهاب تبين مره تعقله عسى الله يصلح حاله بس..

الجدة نشميه تنهد بحسره/والله لو يفر الكون بعرضه وطوله ماهو لاقي مثل الظبي..

شيخه تضع صحن الحلا امام والدتها وهي تزفر من طرف انفها/وش فيها الظبي زود عن البنات في اللي ازين منها..

الجدة نشميه بثقه حازمه/لا بالله مافيه ازين منها انتي عمرك شفتي بعينك حتى بالتلفزيون مثل زينها؟..

شيخه ضعت صحن الحلا امام غروب وعادت جلست جوار والدها ثم خفتت من قرب/اي شافت عيني اللي نايمه فوق ازين منها..

الجدة نشميه تنهدت بوجع/سلطانه على زينها مالها حظ شكواها لله..

شيخه غمزت لوالدتها وهي تاشر على غروب بعنى اصمتي لا تسمعك..
———————————————————-
الساعه الثالثه ما قبل العصر..

دانه تحوم في الغرفه كالملدوغه تفكر تفكر كيف ان تخلص من هذا الزواج الفاشل هل تهرب؟؟..

الهروب ليسا حل والدها سوف يملك لها حتى ولو كانت هاربه اجل ماذا ان تفعل؟..

لا تريد الملكه ان تتم حتى ولو كلفها الامر ان تنتحر ايه سوفا تنتحر وترتاح من هذا العذاب والظلم..

اقتربت دانه لشباك وقفت ثم رفعت الستاره تنظر الارض بدات تراجع نفسها وتلومها لو انتحرت؟؟..

ستدخل النار وهي تريد الجنه طيب ماهو الحل السريع قبل صلاة العصر الذي لم يبقى عليها شيء؟

لفت انتباها سيارة معاذ الثمينه صافطه بساحة البيت
قطبت جبينها لتو تعلم بانه موجود..

ليعود كلام والدها بذهنها معقوله يكون هو من يخلصها من ظلم والدته و يعتقها من سعود الفاشل؟

اتجهت الباب ونزلت الدرج من غير تردد حتى انها نست تلبس جلالها ولم تنظر شكلها بالمراه..

نجح راشــــــــــــد باقناعها نجح بخططه المدروسه!!..

بهاذي الحظه معاذ بغرفته يجهز نفسه كي يوصل جدته لديره ومن ثم يتجه لعمه نمر يحظر الجاهيه..

كان واقف امام المراه يغلق اخر زرار من اعلى ثوبه ومن ثم اغلق ساعته الفضيه والكبكات ذات الون..

ضع القلم الفضي مخباه الاماميه بخ من عطره المركز استدار كانا يريد اخذ شماغه المعلقه بترتيب..

لينفتح الباب بقوه مفاجئـــــه دخلت فتاة لا يعلم هل انسيه ام حوريـــــــــه ترتدي قميص بالون البحري..

شعرها الكستنائي متناثر على كتفيها عينيها الرماديه تلمع برعب وتوتر ملامح وجهها جميله حتى الوجع..

دانه لم تعطيه فرصه يسال زفرت مستنجدة/تكفى فكني من ظلم امك انا بشاربك تفكني منها..

معاذ لم يركز على كلامها ولم يفهم منها شيء اصلاً كل تركيزه على تحركاتها وتعابير وجهها الجذاب المذيب..

اشر لها بان تهدى وهو يسال بحزم مشكك بانها تنتمى للبشر/من انتي وش جايبك للي؟؟..

دانه ترتعش وهي تلتفت لباب مرعوبة من عزيزة لو راتها وتعود تنظر معاذ بتوتر/انا بنت راشد امك وابوي يبون يملكون للي بعد العصر على واحد خريج سجون تكفى فكني من ظلمهم..

معاذ اتسعت عيناه صدمة بالغه/انتي بنت راشد؟؟..

دانه اختنق صوتها وهي تزفر مهدده/شوف عاد اذا ما ساعدتني والله انتحر ولا اتزوج هالداشر وذنبي برقبة امك لايوم الدين..

(انتحــــــــــــــــــــار؟؟)

معاذ لا يعلم لماذا انتفض من ابلغته بقرار الانتحار مثلها حرام تنتحر و تخلا الدنيا من جمالها وحسنها..

صمت وعيناه عليها محاول ان يركز على ما قالت
دانه تبادله الانظار تنتظر منه جواب لكنه اطال صمته

لذالك قطبت جبينها بتوجس/ماتبي تساعدني صح؟؟..

معاذ اجابها بثقه صادمه له ولها/انتي دخلتي بشرابي وانا اوعدك مايصير الا اللي تبين..

دانه سالت بتشكيك/قل وعد انه ما يملك عليك؟..

معاذ بذات الثقه وعيناه مازالت مركزه بها/وعد والله ومان الله ما يملك عليك..

دانه اتجهت الباب هاربه/الله ينصرك..

معاذ تنهد ثم زفر با وف وهو يجلس يحاول يضبط توازنه الذي اختلف من هاذي الفتـــــــاة الغريبه!!!..
———————————————————-
نمر لتو يعود البيت من بعد ما بذل جهده في الاجتماع كانا مرهق دايخ يتمنى ينام ساعه فقط ساعه..

راء والدته وشيخه بصاله امامهم براد الشاي اقترب سلم على شيخه ثم انحنى وقبل راس الجدة نشميه..

هتفت بحزم/مساكم الله بالخير..

الجدة نشميه تنظر ملامحه باهتمام/يمسيك بالنور يامك علامك تو تجي حتى الغدا تاخرت عليه؟..

نمر يجلس بخمول/انشغلت بالشركه المهم انتي تغديتي؟..

الجدة نشميه اجابته بنبرة حانيه/الحمدلله وشكر لله تغديت وعينت من الله خير..

شيخه تهتف بنبرة مقصوده/وجبت لها القهوه والحلا كانت لحالها ياعمري عليها زين جيت اتغدا معها..

نمر عقد حاجبيه/كيف لحالها؟؟..

شيخه بذات النبرة/ماعندها احد من الصباح البنات فوق يلعبون و سلطانه مابعد قامت يقولون نايمه؟..

الجدة نشميه هتفت بحزم حاني/سلطانه تعبانه مانامت من البارح ولا ماتقصر قايمه بواجبها..

نمر صمت بجـــــمود لتو يفهم لماذا كانت سهرانه ليلة البارح وماذا كانت تشرب اعشاب لمغص بطنها..

الجدة نشميه هتفت بتسال/معاذ وينه ابيه يوديني العصر لديرة؟..

نمر خفت بحزم هادئ/يجي شوي بيروح معي عندنا موعد مع قبيلة المجاريح المغرب..

الجدة نشميه سالت باهتمام/وش موعده عسى خير؟..

نمر حكى لها عن زيارة ابو سيف ونخوته بان ياتي معه جايه وهو كبار القلبه لعتق رقبة ابن عمه..

الجدة نشميه تنهدت بوجع/روحو عسى الله يقدركم على فعل الخير لو اني حاسه بان اهل المقتول ماهو متنازلين الدم غالي يامك غالي..

شيخه هتفت بتاثر/عسا الله يظهر الحق وينتقم من اللي قتل حاتم..

نمر هتف بحزم واثق/بيظهر والله لا نثر دم غريمك يا ام حاتم قدام عينك بس وكلي الله..

الجدة نشميه اختنق صوتها/لا له الا الله..

نمر نهض واقف بحزم/بطلع اخذ للي غفوه لاتروحين لين اصحى واسلم عليك..

الجدة نمشيه هتفت بامومة/ابشر يامك بس رح نام ورتاح..

نمر منذا وصل الطابق الثاني راء غروب تخرج من غرفة سلطانه وتغلق الباب من راته تقدمت له راكضه

نمر حملها بين يديه بخفه قبل خدها واتجه بها للغرفه/قلب البابا شلونها؟..

غروب تقبل خده/طيبه بس اشتقت لك تاخرت اليوم؟..

نمر ضعها على السرير ونزل شماغه وعلقها هتف بحنو خالص/كنت مشغول يا بابا وين شروق نايمه؟..

غروب هزت راسها بنفي/لا تلعب مع شهد بالغرفه..

نمر اتجه لها تمدد على السرير وهو مازال بثوبه/وانتي ليش ماتلعبين معهم؟..

غروب تمدد جواره/مالي خلق كنت عند ماما..

نمر هتف بتوجس غريب/ليش ماما وينها نايمه؟..

غروب برائه/تنام وتصحى تعبانه..

نمر صمت قليلاً ثم همس بذات التوجس/ليش شفيها؟..

غروب هزت كتفيها/مادري تقول بطنها يوجعها كلت مسكن ونامت..

نمر اغلق عينيه بصمت غروب تقبل جبينه/بابا انت تعبان؟..

نمر فتح عينيه وناظر بها بحنو/لا بس نعسان ممكن بنتي الحلوه تخليني انام؟..

غروب تنهض واقفه بخفه/طيب نام بس اذا صحيت لاتروح قبل اشوفك..

نمر ابتسم/من عيوني والحين طفي الضو وسكري الباب..

غروب طفت الضو واغلقت الباب نمر لم يمديه يفكر بشيء من شدة النعاس و النوم الذي اقتحمه بسرعه..
————————————————————-
بعد صلاة العصر..

دانه شعرت برعب كيف ان تثق في ولد عزيزة قد يكون يريد التخلص منها او ممكن يبلغ والدته ويتفقان ضدها..

لذالك خرجت من غرفتها و وقفت بوسط الصاله بطابق الثاني تهز رجلها بتوتر ودقات قلبها تزيد..

عزيزة خرجت من غرفتها رات على ملامح دانه التوتر والخوف لتبتسم بنصر ثم تنزل لنصف الدرج بنعومه..

راشد يدخل مبتسم بسعاده لا توصف عزيزة سالته بذات الابتسامه/هاه بشر ملكت لبنتك؟؟..

راشد لتو يشعر بالنصر الحقيقي/ايه ابشرك ملكت ادعي لها بالتوفيق..

دانه اقتربت وقفت جوار عزيزة وهي تنظر والدها بعيني دامعه/ملكت للي يوبه سويتها؟؟..

راشد يحلق من الفرح/ايه ملكتي يابوك توقعين على من؟؟..

عزيزة كانت مبسوطه على الاخر من رات الانكسار على دانه لكنها قطبت بتسال/ماغير سعود اجل من؟..

راشد هز راسه بنفي بنبرة مقصوده باسمه/لا ملك عليها معاذ ولدك..

حـــــــــيـــــنها!!..

شعرت عزيزة كما لو انه كب فوق راسها ماء مغلي بدا لها كل شيء غير مفهوم غير مـــــــــفهوم!!...

سالت بذهول عقل/انت وش تقول؟؟..

راشد بذات النبرة المقصوده/معاذ ولدك رفض قال ابيها وملك عليها زغردي يا مره هذا يوم الفرح..

دانه كانت واقفه مدهوشة تحاول تستوعب كلامه لتفاجـــــــــئ من صراخ عزيزة الشديـــــد..

تشتم وتسب بانفعال وجنون/يا ابن الكلب يا الواطي رميت بنتك البايره على ولدي طمعانين فيه يا حيوانات يا قذرين؟؟..

راشد لم يهزه كلامها بما انه نفذ ما كان يسعى اليه هتف بتمثيل/عزيزة استهدي بالله لا تنسين انك مريضه قلب..

عزيزة مازالت تصارخ بذات الانفعال/والله لاذبحك انت وبنتك والله لا نهي حياتكم بيوم واحد والله لا ذبحكم..

استدارت لدانه شدتها مع شعرها ضربت راسها بدرابزين الدرج من بين صراخها وجنونها الحقيقي!!..

راشد اقترب برعب حاول يخلص دانه الذي تصارخ من الالم لتفلتها عزيزة وتدفعها من اعلى الدرج بقوه..

بهاذي الحضه معاذ كان يقترب لهما من سمع صوت صراخ والدته ولكنه تقدم بسـرعه من راء دانه ستقع..

لترتمي على صلابة صدره بقوه حتى اختل توازن معاذ كان يسقع معها لكنه احكم جسده الجبر..

حينما ما مسك درابزين الدرج بيده واحد واليد الثانيه طوق خصر دانه النحيل بذراعه كامله وشد احتضانها..

وهي ترجف بين يديه برعب معاذ زفر بخفوت/انتي طيبه؟؟..

عزيزة تقترب لهما شدت قميص دانه مع ظهرها بعنف/لا تلمسها تطلقها طلقها يا معاذ قبل اذبحها..

معاذ يشد على خصر دانه كي يحميها وهو يزفر بصرامة/اهدي يومه الله يهديك عشان صحتك..

عزيزة مازالت تشد قميص دانه تحت صوت صراخها الانوثي برعب منها لتو تستوعب بانها فعلاً مجنونه!!

معاذ ابعد دانه خلف ظهره وهو يتقدم لعزيزة بخوف على صحتها/يومه حبيبتي اهدي واللي تبينه حاظر فيه بس انتي اهدي عشان قلبك..

راشد يقترب لعزيزة يحاول يمسكها وهي تدفعه بعيد عنها تحاول تسحب دانه من خلف معاذ..

وتصرخ بحرقه/تعالي بذبحك تعالي..

معاذ حضن والدته على صدره بذراعه واحده بحنو وذراعه الثانيه حضن دانه على ظهره بحمايه..

قبل راس عزيزة هتف بمسايرة/تكفين يومه تعوذي من الشيطان اللي تبينه بيصير طلاق ابشري بطلقها..

عزيزة تهتف بقسوه وهي دافنه راسها بصدره/طلقها يلا الحين بسرعه قبل لاطق واموت من ورا راسها هي وابوها..

معاذ شعر بالتماس كهربائي حينما دفنت دانـه راسها بنصف ظهره ثم شدت ثوبه كانها ترجاه بان لا يفعل!!

عزيزة ابعدت راسها من صدره بحده/ليه ماطلق؟؟..

معاذ شد احتضان دانه بصلابة ذراعه مهدي جزعها وهو يهتف لوالدته بحزم/قلت لك ابشري بس انتي اهدي بقول لامنه تجيب علاجك..

عزيزة باصرار بالغ/علاجي طلاق الحيوانه اللي وراك..

معاذ ابعد ذراعه من دانه وهو يامرها بحزم/اطلعي فوق..

دانه ابتعدت وهي تحاول تمر كي تخطي الدرج لتعود عزيزة لشد حراير شعرها و تنفض راسها بعنف..

دانه تصرخ بالم/اهه يومه..

معاذ امسك عزيزة وابعدها من دانه وهو يزفر من بين اسنانه/روحي بسرعه..

دانه ركضت الدرج اتجهز لغرفتها وهي تنحب بالبكا مرعوبه من اقصى اقصاها من هاذ الانسانه الغريبه؟!!
————————————————————
الجدة نشميه ترفع معصمها كي ترا الوقت بساعتها زفرت بنفاذ صبر/هذا وين راح ماهو بعادته معاذ يتاخر علي وراي عرس..

شيخه تهدئها بموده/بيجي ان شاءالله بس يمكن انشغل..

الجدة نشميه تاففت بضيق/نمر يقول المغرب لازم يكونون بقبيلة المجاريح مايمديه يوديني ويعود؟..

شيخه هزت كتفيها بغرابه/مادري والله عنه انتي متاكده عنده خبر انك هنيه؟..

الجدة نشميه زفرت بثقه/اي الصباح مكلمته ومعلمته و محرصه عليه بعد ما يتاخر..

اقتربت سلطانه بخطواتها ناعمه هتفت بذات النعومه/مساء الخير..

الجدة نمشيه ناظرت بها باهتمام/مساك الله بالنور والسرور شلونك يامك يقولون انك تعيبانه؟..

سلطانه انحنت وقبلة راسها بتقدير هتفت باسمه/بخير الحمدلله تعب بسيط وراح..

ثم تقدمت كي تسلم على شيخه الذي وقفت وهي تنظر بها بتفحص/هلا سلطانه شلونك؟..

سلطانه بثقه رقيقه/الحمدلله بخير وانتم اخباركم؟..

شيخه تجلس جوار والدتها زفرت من غير نفس/بخير..

سلطانه تجلس مقابل لهما بشموخ انثى هتفت بتسال مهتم/ليش يا عمه عليك عباتك لا تقولين بتمشين؟..

الجدة نشميه زفرت بضيقه/اي يامك بروح الديرة بس معاذ تاخر علي اتصل عليه مايرد وانا محرصه عليه العصر يوديني..

سلطانه قطبت جبينها/غريبه ماهو بعادته يتاخر على مواعيده؟..

الجدة نشميه بموده حازمه/لا بالله ماعمره تاخر عسى عمره طويل بس يمكن حصل له ظرف نحتريه ونشوف..

شيخه بنبرة مقصوده جداً/مرده بيجي لا تنسين ان بيروح جاهيه مع نمر...

سلطانه صعقت صعقت تماماً بما سمعت جاهــــــيه ومع نـــــــــمر شعرت بفتور باطرافها غريب!!..

تفكيرها ابعدها لابعد مدى ليسا براسها جاهية الا الخطبه والزواج قد يكون نمر فعلها وخان العشره؟

انفتح الباب الزجاجي على وسع ودخل معاذ بخطوات واثقه اقترب لهما بذات الثقه الذي لاتخلو من غموض

الجدة نشميه تنظر له بتسال سريع/يامك انت وينك علامك تاخرت علي وانا معلمتك ان وراي عرس؟..

معاذ انحنى من طوله وقبل راسها بود/العذر والسموحه يا الغاليه بس صار عندي شغل مهم خلصته وجيتك..

الجدة نشميه وقفت باستعجال وهي تضع عباتها على راسها/يلا ودني مامعي وقت بنت احمد اشغلتني بس تتصل..

شيخه توقف كي تسلم عليها/وبنت احمد وش معجلها* ما هو من كثر جياتك عسى عمرك طويل..

ثم مالة وقبلة راسها/توصلين بالسلامه..

نمر نزل الدرج بهيبه وتالق رجولي خالص هتف بنبرة رخيمه/الحمدلله اني لحقت اسلم عليك قبل تمشين؟..

الجدة نشميه استدارت تنظر به بامومة/الله يسلم هالوجه من كل شر..

نمر اقترب وقبل راسها ومن ثم قبل كفها/بحفظ الله من توصلين الديره كلميني..

الجدة نشميه بذات الامومة/ابشر يامك والحين مع السلامه خلوني الحق على العرس..

شيخه تضحك منها/العرس توه ما يبدا الا المغرب وانتي مستعجله؟..

نمر وجه نظره ونبرته الحديديه لمعاذ/وصلها وتعال انتظرك بالدوانيه لا تاخر علي..

معاذ بحزم هادئ/ابشر على المغرب وانا عندك..

نمر بذات النبرة/لا حاول قبل المغرب عشان نصلي عند الجماعه مثل ماتفقنا..

الجدة نشميه سالت باهتمام/يامك انت امداك ترقد؟..

نمر بثقه هادئه/اي الحمدلله رقدت..

الجدة نشميه تتجه الباب وهي تاشر بيدها/تمسو على خير مع السلامه..

نمر وشيخه بصوت واحد/بحفظ الله مع السلامه..

معاذ لم يفته سرحان سلطانه وصمتها الغريب ونظراتها مرتكزه على نمر وكانها اول مره تراه متالق؟..

هتف لها بحزم مهتم/تبين شي يا خاله بودي جدتي لديره؟؟..

سلطانه نفضت الافكار من راسها ثم هتفت برقه/ابي سلامتك الله يحفظك..

معاذ اتجه الباب تحت انظار نمر الذي كان يسمع بصمت ثم سال شيخه بحزم بالغ/شهاب متى يرجع؟..

شيخه هتفت بتقصد خبيث/هاليومين يجي ليته موجود معكم بالجاهية..

نمر اتجه الباب بحزم عفوي/اي والله وجوده مهم بس ماعليه ابوه يكفي عنه..

شيخه تجلس وهي تنظر سلطانه بخبث اعمق/اي والله انه صادق ابو شامخ وجوده مهم عاد شهاب مشهور وله معارف..

سلطانه لم ترد عليها وهي تنهض واقفه وتتجه لدرج تريد تختلي بنفسها تستوعب ما خطر بـــــعقلها..

عندما دخلت غرفتها كانا هاتفها الموضوع على التواليت يرن اقتربت كي ترا من المتصل كانت عزيزة

تركته و ابتعدت جلست على السرير حضنت راسها بين كفيها من شعورها بالصداع الشديد المفاجئ..

ليعود هاتفها يرن مجددا نهضت سلطانه قطبت بغرابه لاول مره عزيزة تتصل عدت مرات؟..

فتحت الخط وردت بهدو/هلا عزيزة؟..

عزيزة زفرت من بين انفاسهل المتقطعة/سلطانه الحقيني بموت من القهر الحقيني..

سلطانه بصدمه كاسحة/بسم الله عليك شفيك؟..

عزيزة تستعجلها بوجع/تعالي للبيت انتظرك بسرعه..

سلطانه انقبض قلبها ليست فاهمه شي ومع ذالك هتفت بحزم هادئ/ابشري مسافة الطريق واكون عندك..

منذا اغلقت من عزيزة اتصلت بسائق كي يجهز السياره ارتدت عباتها ونقابها على عجاله وخرجت..
—————————————————————
الظبي كانت جالسه بالارض امام المراءه بكامل زينتها بالفستان الماسك بالون الابيض مشجر بلورد الزهري

تضع اخر لمساتها الروج الزهري على شفتيها المستديره الصغيرة الممتلئه بسحر عجيب..

ثم نهضت واقفه تعدل فستانها من عند خصرها النحيل وشعرها الكثيف العنابي عاملته ويفي عريض..

استدارت تنظر الشباك خلفها اقترب وقت المغرب وجدتها مابعد جات يالله كيف تروح لزواج من غيرها؟

اتجهت السرير حملت هاتفها كي تتصل عليها لكن ماسرع مانزلته حينما سمعت صوتها تدخل البيت..

الجده نشميه هتفت بندا/سعديه يا سعديه تعالي نزلي مع معاذ الاغراض يادافع كل ماجيت من المدينه حملوني من هالمقاضي كني بهاجر..

معاذ ضع الاكياس بالحوش ثم هتف بتقدير/تبين شي يا جده توصين على شي؟..

الجدة نشميه خفتت له بتركيز/يامك انت علامك بس تهوجس مضايقك شي؟..

معاذ هتف بعفويه/لا ابد بس اشغال الشركة والدوام..

الجدة نشميه خفتت بتوجس/طول عمرك وانت تشتغل وتداوم لكن ما سهيت مثل اليوم طول الطريق ترفع ثوبك وتشمه؟..

معاذ عقد حاجبيه لم يتوقع بانه فعل هكذا من غير لا يشعر بنفسه مازالت ريحة دانه العطره معلقه بجيبه عجز يتخطاها..

تنحنح ثم هتف بحزم بالغ/لا تنقلين هم المهم انا بمشي تبين شي؟؟..

الجدة نشميه بحنو/بحفظ الله..

دخلت الصاله لتستقبلها الظبي بالعتاب/كذا يا جده تاخرين علي وتخليني اتوتر حتى ما تكشخت زين؟..

الجدة نشميه تنظر بها بعجاب/يا ذكر الله عنك كيف ما تكشختي وانتي مثل القمر بنصف الشهر؟..

الظبي تبتسم وهي تقبل راسها/يازينك ياجدة لا صرتي تجاملين..

الجدة نشميه صغرت عينيها/والله اني ماجامل انتي الظبي ولك من اسمك نصيب..

الظبي بذات الابتسامه/طيب يا عيون الظبي تجهزي مابقى على المغرب شي بنحظر العرس من بدري..

الجدة نشميه اتجهت غرفتها/ابشري الحين اخلص ونروح مستعجله انتي على شوفة خوياتك..
———————————————————
سلطانه كانت تنظر الشوارع والسيارات مع قزازة السياره وافكارها الموجعه تاخذها لبـــــــــعيد..

ترسم لها نمر بالبشت السودا والغتره البيضا من يمينه شروق ومن يساره غروب مرتديات فساتين حفل

و تزفان والدهما لعروسته التي ستاخذ شيء ليسا من حقها ربما هي احق منها بنمر لكن كرامتها تمنعها تطالب بحقها..

قطع حبل افكارها السائق الذي يكلم بهاتفه/نعم..ايه مدام يروح بيت ام معاذ...حاظر...ان شاءالله..مع السلامه..

سلطانه هتفت بتسال/راجو من اتصال؟؟..

راجو بتجاوب/هذا مستر نمر يسال مدام وين يروح..

سلطانه كتمت غضبها ليسا غريباً عليها تصرفه فهي تعلم منذا اربع سنين من تخرج البيت بي وقت..

كانا نمر يتصل براجو ويساله عن مشوارها ولو كانت بالسوق وتاخرت يتصل عليه ويامره يعود بها حالناً..

ومع ذالك ما كانت سلطانه تهتم بالامر لكن اليوم غضبت رغماً عنها حينما فكرت بانه يريد الزواج عليها

عندما وصلت بيت عزيزة نزلت من السياره وهي تحرص على راجو/من اتصل فيك تجي ترجعني البيت..

راجو باحترام/حاظر مدام..

سلطانه وقفت امام الباب رنت الجرس دقايق وفتحت لها العامله دخلت بشموخ وهي تخلع نقابها..

كانت باستقباله امنه المتوترة/اهلين سلطانه زين جيتي الحقي عزيزة قبل يوقف قلبها..

سلطانه قطبت جبينها الشفاف/ليش شفيها عزيزة؟..

امنه بذات التوتر/معاذ كتب كتابه على دانه الخبله..

سلطانه لم تفهم شيء/انتي وش تقولين من دانه وش كتابه؟..

امنه زفرت بقهر/دانه بنت راشد ملك عليها معاذ العصر..

سلطانه تصلـــــــــبت بصدمه ثواني ثم زفرت بتسال حازم/انتي متاكده من كلامك كيف صار كل ذا الشيء!..

امنه تستعجلها/روحي الحين لعزيزة هديها وانا بجيب لكم شي بارد وجي افهمك كل شي صار..

سلطانه تنهدت بوجع عميق/وينها عزيزة الحين؟؟..

امنه اشرت على الدرج/فوق بغرفتها تبكي من العصر..

سلطانه بزفرة غاضبه/وراشد وبنته وينهم؟..

امنه بتجاوب/راشد طلع و بنته مقفله على نفسها بالغرفه خايفه من عزيزة تذبحها..

سلطانه اتجهت الدرج زفرت بغل/ليتها ذبحتها وفتكت منها ماورا راشد الا المصايب..

حينما وصلت جناح عزيزة فتحت الباب ودخلت لتشعر بالم يتوسط قلبها من منظر شقيقتها المحزن..

عزيزة جالسه على الارض جوار السرير لامه ركبتيها على صدرها شعرها مبهذل من شدها عليه من القهر..

سلطانه تقترب لها جلست جوارها وحضنت راسها على صدرها بحنان/حبيبتي عزيزة ليش تسوين بنفسك كذا صحتك اهم من كل شي ترا السالفه ماتسوى..

عزيزة يزيد صوت بكاها/كيف ما تسوى وولدي الوحيد تزوج غصبن علي اخذ وحده ماتسوى اظفر رجله..

سلطانه بذات الحنان/بيطلقها يا عزيزة هاذي الاشكال ماهي من مستوى معاذ لكن يمكن يبي يعاندك مثل عنادك بزواجك من راشد..

عزيزة تبعد راسها من حضنها وتنظر بها بوجع/قهرني يا سلطانه قهرني قلت له طلقها قال اذا طلقك راشد طلقتها..

سلطانه بحده خافته/طيب خلاص فكيني من ذا كله وتطلقي من راشد وخلي يطلق بنته ونخلص منهم مره وحده..

عزيزة برفض قاطع/تبين اتخلى عن راشد بعد ذا العمر مستحيل..

سلطانه زفرت بقهر/مانفعك هذا هو جاب بنته وزوجها ولدك بالقوه..

عزيزة بحمية/لا راشد ماله دخل بنته هي الحيه ناعمه بشكلها بس دلغتها سامه..

امنه تدخل تحمل بيدها كاسين من عصير اليمون ضعته على الارض امام الشقيقتين..

و جلست وهي تهتف بمحتات/عزيزة لازم تشربين العصير بعد الدواء..

سلطانه بتسال مهتم/اكلت علاجها؟؟..

امنه بثقه/طبعاً عطيتها بالقوه ولاكان ماتت من الحسره..

سلطانه نظرت عزيزة بعتاب/الله يهديك تبين تموتين ناقصة عمر من ورا راشد وبنته؟..

عزيزة ترشف من كاس العصير/الله ياخذ بنته ويفكني منها..

امنه خفتت بتهدئه/معاذ يبي يضغط عليك عشان تتطلقين من راشد لكن لو شافك تعبانه كذا راح يطلق بنته عشان صحتك..

سلطانه تايدها بحزم رقيق/صادقه امنه بس انتي اهدي وفكري كيف نقنعه يطلقها ويخليها تولي..
—————————————————————
تحياتي (شغف)..

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..


~\البارت الثامن/~

نمر جالس بالصاله يكافح غضبه بسبب سلطانه الذي خرجت من البيت من غير لاتعطي بناتها خبر لغيابها..

ومن معاذ الذي تاخر على الرجال بالديوان ينتظرونه اقترب اذان المغرب وهو مواعد ابو سيف يصلي معه..

غروب تلعب الايباد وتهتف لشروق بطفولة/ماما قالت لك وين بتروح؟؟..

شروق كذالك تلعب بالايباد الخاص بها/لا ما قالت..

غروب تنظر نمر بشقاوه/بابا ماتدري وين راحت ماما؟؟..

نمر مازال غاضب ولكنه متماسك امامهما/راحت بيت خالتكم..

غروب قطبت جبينها الصغير/وليش ما خذتنا معها طفشنا من البيت؟..

نمر هتف بحزم حاني/تجي يا بابا ماراح تاخر المهم انتي وشروق تطلعون غرفتكم فوق لا رحت انا مع معاذ..

غروب بوزت بزعل/وانت بتروح بعد والله طفش..

شروق تكمل معها/اي والله طفش من زمان ما رحنا العاب..

نمر بحنو بالغ/تبشرون يا بابا هذا الويكند تطلعون ملاهي..

معاذ يدخل وهو يعدل نسفة شماغه هتف بحزم هادئ/ماعليه تاخرت عليك يا بو شامخ؟؟..

نمر ينهض واقف بذات الحزم/يلا مشينا الرجال بالديوان ينتظرونا..

معاذ ينظر شروق وغروب بتسال/وين سلطانه؟؟..

نمر لم يرد عليه وهو يحمل هاتفه من الطاوله ويضعه بمخباه بينما غروب من ردت/راحت لامك وما خذتنا معها..

معاذ سال بصدمه/راحت لامي متى؟..

غروب برائه/مادري ماقلت لنا..

نمر اتجه الباب هتف بندا/ساري ساري..

اتت العامله ساري/نعم؟..

نمر بامر حازم/خذي شروق وغروب وطلعو فوق وخليك معهم..

ساري هزت راسها برضا/حاظر..

نمر خرج لديوان بشموخ ومعاذ يتبعه بذات الشموخ بينما عقله مشغولاً في والدته و سلطانه ودانــــــــه؟
____________________________________
..عرس الديرة..

الحوش الكبير حيطانه مرصوصه بالبلك حبه فوق حبه الارض رمل مفروش فوقها عدد من السجاد الاحمر..

كانت النساء مجتمعات دائره حول بعضهما و الفتياة بالزاوية الاخرى وبالوسط يقام الرقص امامهما..

السماعه السودا المشبكه بفيش الكهرباء القديم يوقف جوارها والدة المعرس وخواته..

الضيافه موزعه ببساطه امام كل مجموعة نساء ترمس قهوه وترمس شاي صحن من التمر والحلا..

الجدة نشميه كانت مايله و تسولف مع امراءه كبيرة سن بضحك وبساطه هزت كتفها عجوز اخرى..

ومالت عليها بتسال/ياذكر ربي هذيك بنت احمد اللي عليها ثوب مشجر؟..

الجدة نشميه هزت راسها بتفاخر/اي يا حافظ يا عقايل الله بنت احمد..

العجور باعجاب واضح/يا ذكر الله عنها وعن خلقتها هي ما عرست؟..

الجدة نشميه شعرت بغصه لكنها اخفتها بنبرتها الحازمه/ملكت على ولد عمها ماتبيه وتطلقت منه قبل العرس..

العجوز انتفضت/يا دافع البلا علام الله عليهم؟؟..

الجدة نشميه بذات الحزم/ماتبيه غاصبها شداد يحسبها لا ملكت بترضى فيه يوم شافها تبكي و دميعاتها قال وش تبين قالت ابي الطلاق وطلقها منه..

العجوز بحسره/ياويل قلبي على وليد عمها وكاد انه ماهو طيب ولا احد يحصل له ذا الزين كله ويطلقها؟..

الجدة نشميه هتفت بهدو/ولد عمها ياخذ نصيبه وهي يجيها نصيبها..

العجوز بذات الحسره/والله اني اويه لقليبة كاد يطق ويموت لو اعرست على غيره؟..

الجدة نشميه زفرت بينها وبين نفسها بقهر(والله زين هي اللي ماطقت وماتت من سواته فيها عسى الله يسامحه بس)..

العجوز بغرابه/علامك سهيتي وانا اكلمك؟..

الجدة نشميه نفضت افكارها/اسلمي اسمعك؟..

العجوز بخفوت/لو اخطبها لولدي مطلق هي توافق عليه متوظف بالعسكريه يا ذكر الله عنه..

الجدة نشميه تنهدت بعمق/والله اني مادري يا ام مطلق ما ودي اقول تعالو ويمكن تفشلني و تعيي عنه..

ام مطلق باصرار/حنا بنجي والله ماني مخليتها بخاطري ما ملى عيني بالعرس الا هي عسى الله يخليها لعين ترجيها..

الجدة نشميه تنظر في الظبي تسولف مع الفتياة وتضحك بعذوبه والعيون كلها مرتكزة عليها باعجاب..

اشتغلت شيلتها المفضله قامت ورقصت عليها وهي وعدد من الفتياة كانت تنفض شعرها العنابي بكثافه..

تهزه خصرها المنحوت و ردفها الممتلئ كانت فاتــــــــــنه فـــــــــاتـــــنه اقصى درجات الهلوسه
————————————————————-
بمجلس الشيخ ابو صفوان..

قبيلة الشيخ ابو صفوان قامو بضيافة الشيخ ابو سيف وكبار قبيلته والشيخ نمر بن فخر وكبار قبيلته..

ابو سيف هتف بصوت حازم بالغ شديد البلوغ/يا ابو صفوان انا وكبار قبيلتي وابو شامخ وكبار قبيلته جايين داخلين على الله ثم عليك نبي منك العفو الولد يتيم الاب ما لامه غيرة ترجي الله ثم ترجيه اعتقو رقبته لوجه الله تعالى الله يعتق رقابكم من النار..

ابو صفوان بمقاطعه صارمة/يا بو سيف لو نبي نعتق رقبة ولدكم كان عتقناها من مبطي جيت انت ورجالك ومن بعدكم جت ام المسجون ردنا عليكم واحد قبل وبعد مايرضينا الا قص رقبة الولد ونتهينا..

نمر هتف بنبرة جوهريه لا تخلو من ثقته وحدته/يا بو صفوان قل لاله الا الله فَمَنْ عَفَا وَأَصْلَحَ فَأَجْرُهُ عَلَى الله الدنيا فانيه وانا اخوك والواحد يسعى لاخرته..

ابو صفوان بحده قاطعه/لا له الا الله بس انتهينا يابو شامخ ماعندي عفو الدم بالدم..

نمر بذات الثقه والنبرة و الحده/يابن صفوان انت شيخ قبيله صيتها من البحر للبحر واليوم حنا وام المسجون ننخاك طالبك العفو كانها بالمال ابشر بالخير والله لا سده اطلبو من الملايين اللي تطلبونه وكانها بنخوة والرجوله والتقدير انا وقبيلتي من كبيرها لا صغيرها ننخاك تقول تم..

ابو صفوان برفض موجع/والله لو تعطوني مال الدنيا ما تعوضوني دم اخوي وانت يا ابو شامخ واحد طلاب رقبه من سنين طويله لو جيتك جاهيه وقلت اعف عن القاتل بتعفي عنه؟..

نمر بحزم واثق/الحين بقول لك لو قدمت للي المملكه ومن عليها متنازل عند دم اخوي لكن بوقتها ماندري الله وش يكتب لكن والله يان دمعة عين الرجال ما نتقبلها اعتق رقبه الله يعتق رقبتك من النار..

ثم وقف نمر و ردف بنخوه بالغه بالغه وهو يرمي العقال امام اقدام ابو صفوان/انا داخل على الله ثم عليك تقول تم ترا قبيلة الفخر تطلبك من اقصاها لقصاها..

ابو صفوان واقف وحمل عقل نمر بحرج شديد/يابو شامخ لا تحدني على شين مابيه والله يان الخاطر ماهو راضي بالعفو..

نمر باصرار بالغ/انت على الهقوه طالبك لا تردني..

ابو سيف وقف معه ورمى عقاله كذالك/تكفى يابو صفوان ترا التكفى تهز الرجاجيل لا ترد ابو شامخ تراه شيخ ولد شيخ ما ينرد..

شاش الجميع و تعالت الاصوات وتداخلت ببعضهما رجال قبيلة ابو سيف وابو شامخ كانو طلابين للعفو..

ورجال قبيلة ابو صفوان البعض رافض رفض قاطع للعفو والبعض موافق على التنازل وعتق الرقبه..

نمر بدا يلح يلح يريد يضرب الحديد وهو حامي من راء على ملامح ابو صفوان التردد والحيره والحرج..

حتى هتف ابو صفوان منهى النقاش بنبرة ميته/تم عفيت عنه اولاً لوجه الله تعالى ثانياً تقدير لقبيلة الفخر من كبيرها لا صغيرها ماهان علي تطلعون من مجلسي وطلبكم ماتنفذ..

نمر قبل انفه ثم قبل راسه بتقدير شديد/بيض الله وجهك بيض الله وجهك ورحم الله ميتكم عزالله انك شيخ قول وفعل..

ابو سيف هتف بنبرة فرح عميقه/الله يحييكم بكرا على عشا الصلح جميعاً بديواني..
—————————————————————
قصر الشيخ نمر بن فخر..

سلطانه مازالت جالسه بالصاله بطابق الثاني تشعر بقهر شديد يتصاعد في روحها حتى تمزقت..

افكارها متضاربه مابين نمر وجاهيته المجهوله الغريبه ومابين معاذ و ملكته على بنت راشد الحقير كما قال؟

لكن كل هذا اهون عليها من فكرت ان نمر يريد الزواج عليها حتى متى ستصبر على هذا الرجل القاسي متى؟..

بهذا الوقت بطابق الاول كان نمر يفتح باب القصر ويتحدث عن الجاهيه بينما معاذ يتبعه بصمت..

وعقله مازال مشغولاً يفكر كيف يبلغ عمه بانه ملك لا يعلم ماهي ردت فعله ما كان يخشاه ان ينفعل بشده؟

نمر استدار وهتف بحزم بالغ/كلم شهاب خل يقدم رحلته نبيه يحظر معنا بكرا الحفل عند ابو سيف بدل ذا الحومة اللي على قلة سنع..

معاذ بسكون غريب/حاظر شوي لا رجعت المنتجع كلمته..

نمر باهتمام/ليش وانت وين بتروح الحين؟..

معاذ ينظر عينيه بشكل مباشر/بتكلم معك بموضوع مهم..

نمر عقد حاجبيه/خير ان شاءالله اسمعك؟..

معاذ بحزم هادئ رغم العاصفه بداخله/نجلس ونتكلم على راحتنا افضل..

نمر ينظر به باستغراب/مانت على بعضك من كنا عند ابو صفوان الموضوع يخص حاتم؟..

معاذ بنفاذ صبر/لا يخصني انا بس ابي نجلس ونتكلم بهدو الموضوع مهم..

نمر مازال مستغرب ومع ذالك هتف بحزم وهو يتجه الدرج/تعال معي للمكتب..

معاذ يتبعه وانفاسه تضيق مع كل خطوه يخطيها على مكعبات الدرج انصدم حينما راء سلطانه امامه بصاله

نمر لمحها بعينه هتف بالسلام البارد و التجه مكتبه بينما معاذ واقف باحترام وهتف بهدو/مساك الله بالخير..

سلطانه وقفت وهي تزفر بعتاب/ما توقعتها منك يا معاذ انت بذات ليش تسوي كذا؟؟..

نمر كان واصل باب المكتب حينها استدار بصدمه ثم سال بحده/وش صاير؟..

سلطانه استدارت بذات الصدمه لم توقع بانه موجود و سمع ما قالت؟؟..

معاذ هتف بحزم متماسك/سلطانه اتمنى لا تدخلين بشي يخصني ولا تحكمين على شي قبل تسمعين مني..

نمر زفر بصرامه بالغه وهو يقترب له/سالتك وش صاير جاوبني؟؟..

معاذ بذات الحزم المتماسك يخفي خلفه نوع من التوتر/انا ملكت العصر على بنت راشد..

حـــــــــيــــــــنها..

نمر وقف مكانه بذهول وهو يشعر كل اعصابه انشدت كما لو كان راسه يوشك على الانفجار لشدة غضبه..

سال بتشكيك بانه اخطاء بالاسم/ملكت على من؟..

معاذ لاول مره يشعر بالتوتر حقاً ومع ذالك هتف بحزم هادئ/بنت راشد زوج امي..

(يا وقـــــــــح)..

هذا ما هتف به نمر في داخله ثم تقدم وشد معاذ مع جيبه نفضه بغضب شديد/كيف تملك من غير علمي ومن بنت راشد يا معاذ بنت راشد؟؟..

معاذ انفجر بغضب اشد كي يخفي توتره/انا رجال وشوري بيدي اتزوج البنت اللي ابي سوى كانت بنت راشد ولا غير راشد..

نمر صرخ بحرارة محرقه كحرارة غضبه المنفعل وهو مازالا يشد جيب معاذ و ينفضه بعنف/صوتك لا يرتفع عندي اعيد التربيه فيك من جديد..

سلطانه تقدمت برعب وهي تشد معصم نمر من غير لا تشعر كي تبعده عن جيب معاذ وتهدئ الاوضاع..

لكنها انتفضت حينما استدار نمر ونظر بها من قرب لتكتشف بريق مخيف تخالطت فيه القسوة والغضب..

حينها تحولت نظرات سلطانه للهيب اسر قاتل في العينين الاسطورتين تخالطت فيها السحر والتعذيب

معاذ مد يده الجبرة وامسك معصم خالته وقربها له بخفه وكانه يوصل لنمر رساله بانه سيحميها بصمت..

نمر ابعد يده من جيب معاذ بحده مرعـــبـــــــــه
حتى ان لون وجهه انقلب من شدة الغضب..

ثم هتف بذات الحده الغاضبه/الحقني للمكتب..

معاذ هتف بحزم بالغ/حاظر شوي و الحقك..

نمر عندما دخل المكتب اغلق الباب خلفه ثم استند عليه تنهد تنهيدات بعمق هذا الياس الذي استوطنه..

لماذا وقعت عينيه بــعينـــــــــيها بهذا الوقت بذات
كيف الان ان يواجه مصيبة معاذ ويحلها بقيادته؟..

فهي سلبت تحكمه وقيادة من مجرد نظره من بين اهدابها المتراصة الذي تقف بالسواد والسحر..

معاذ يطرق الباب بخفه ليبتعد نمر ويتجه الكرسي جلس ثم شد له نفس عميق كي يضبط توازنه..

هتف بحزم شديد/ادخل يا معاذ..

معاذ يدخل وعينيه تنظر بعيني نمر بثبات اقترب وجلس مقابله شبك انامله ببعضهما بصمت..

نمر يرص على اسنانه الذي كاد تتكسر لشدة ضغطه عليها/مدامك تبي الزواج ليش ما قلت للي وانا اروح معك لناس اللي من مستواك ماهو براشد اللي اشغلته و اشغلتنا تبيه يطلق امك؟..

معاذ هتف بتحكم وثبات/يا ابو شامخ السالفه ماهي مثل مانت توقع انت اكثر واحد تدري اني رافض فكرت الزواج ومازالت على رفضي..

نمر رفع حاجبه واحد بحده/اجل اللي انت مسويه اذا ماهو زواج وش اسمه عندك!..

معاذ بذات الثبات/اسمها ملكه فقط..

نمر كاد يتفجر ويهجم لقتله/انت تستغبي علي يا ولد مابعد الملكه الا الزواج؟..

معاذ بحزم بالغ/بس انا مابي اتزوجها بس ملكه عشان الوي ذراع امي براشد وفتك من قربته..

نمر ينظر له بتشكيك/انت متاكد ان هذا اللي دار براسك قبل لا تملك عليها..

معاذ لا يعلم لماذا اتت ملامح دانه بخياله نفض خياله جانبا وهتف بحزم واثق/اي طبعاً وقبل لا اسوي هذا الشي درسة الموضوع صح..

نمر زفر بغبنه/وليش ما استشرتني من قبل عشان امنعك من خبالك..

معاذ ينهض واقف منهي النقاش/اللي صار صار وانا ادرى بحياتي..

نمر رفع حاجبيه بتعجب اقرب للغضب/من بعد ماصار طولك بطولي جاي تقول انت ادرى بحياتك؟..

ثم ردف بذات العضب وهو ينهض واقف كذالك/كمل طريق اللي مشيته مثل ماتبي لكن لا تجي بعدين تدور مني مشوره ولا فزعه..

معاذ اقترب وقبل راسه بتقدير عميق خفت بذات العمق/ماله غنى عنك يابو شامخ انت ابوي وامي وقبيلتي وكل شي بحياتي..

نمر ينظر معاذ حينما استدار وخرج من المكتب ليشد له نفس طويــــل و يزفر با وف من بين شفتيه..
—————————————————————-
الساعه الثانيه عشر ليلاً..

دانه جالسه سانده ظهرها لظهر السرير لامه ركبتيها على صدرها لا تعلم لماذ تشعر قلبها مقبوضاً..

ليست مرتاحه من هذا المعاذ هي طلبت منه بان يخلصها من سعود لكنها لم تطلب بان يـــــتزوجها؟

لماذا فعل هكذا وهو يعلم بان عزيزة من المستحيل تصمت وتمشي مثل هذا الامر بساهل؟..

دانه بدات تخشى هذه الحياة التي تنتظرها لا تعلم ماذا مخبيه لها بالايام المقبله هل من صدمات والم؟.

تنهدت وضعت وجها بين ركبتيها فهي حقاً مرهقه بسبب السهر منذا ليلة البارح لم تنام من شدت التوتر

نهضت واتجهت لشباك لتغلق الستاره وتطفى الضو وتنام كي تريح ذهنها وفي الغد تفكر كيف ما تشا..

لكنها وقفت امام الشباك حينما رات سيارة معاذ تدخل ساحة الفله ومن ثم ينزل هو بهيبه متدفقه..

معاذ دخل الصاله وعينيه ترتكز على الدرج تنهد ثم زفر ثم اتجه للاريكه جلس وبدا يمسد جبينه بانامله..

يفكر ماذا حدث لدانه بغيابه هل والدته هجمت عليها مجداً هل مزقت شعرها الحرير والمت جسدها الناعم

رفع راسه ينظر في امنه الذي تهتف بغرابه/معاذ انت هنيه ماهو بعادتك تجي البيت باليل؟..

معاذ هتف بحزم هادئ/شلون امي؟..

امنه تنهدت بوجع/تعبانه والله ما نامت لين اعطيتها منوم..

معاذ سال بتوجس غريب/صار شي بغيابي؟..

امنه قطبت/شي مثل وشو؟..

معاذ بذات التوجس/تهاوشت مع بنت راشد؟..

امنه هزت راسها بنفي/لا اصلاً بنت راشد من طلعت وهي قافله على نفسها بالغرفه..

معاذ هتف من غير لا يشعر/ناديها للي..

امنه بصدمه/من!..

معاذ(انا وش ابي فيها بذا اليل؟)ومع ذالك هتف باصرار حازم/اتوقع سمعتي امنه نادي للي بنت راشد..

امنه اتجهت الدرج بذهول عقل حينما وصلت باب غرفة دانه طرقته بخفه لياتيها صوتها الخائف/من؟..

امنه بهدو/انا امنه افتحي الباب..

دانه فتحت الباب وهي تطل براسها بتسال/وش تبين جايه للي بذا اليل؟..

امنه هتفت بذات الهدو/مو انا اللي ابيك هذا معاذ يقول انزلي له بصاله..

دانه افلتت الباب لينفتح على وسع وعينيها الرماديه تتسع صدمه مرعبه/يبيني وش يبي؟..

امنه هزت كتفيها بمعنى لا عرف/مادري..

دانه خفتت بتوتر/مابي انزل قولي نايمه..

امنه خفتت برود/ماراح ياكلك يبي يتلكم معك بصاله وانا موجوده..

دانه برفض قاطع/مابي انزل قولي عيت..

امنه بهدو/بكيفك بس ممكن يعصب..

/من اللي يعصب؟..

امنه استدارت لترا راشد واقف خلفها هتف بذات الهدو/معاذ يبي دانه بصاله وهي عيت تنزل له..

راشد ناظر دانه بتسال حازم/ليش ماتبين تنزلين له ترا الرجال صار زوجك..

دانه هتفت باستنكار شديد/سلامات زوجي؟..

راشد بذات الحزم/اقول انزلي لرجال شوفي وش يبي لا تنسين انه هو من خلصك من سعود..

دانه بعناد/مابي انزل..

راشد ناظرها بحده/قلت لك انزلي يلا..

دانه كاد تبكي بالفعل/طيب انزل معي..

راشد بحزم اقرب للحنان/مايصير يابوك تنزل امنه معك تكفي..

دانه هتفت باستسلام وهي تستدير للغرفة/طيب بالبس عباتي واجي..

راشد زفر غضب/وش عباته انتي الثانيه اقول انزلي بس تراك مصختيها..

دانه اتسعت عينيها صدمه وهي تاشر على بجامتها/تبي انزل له كذا؟..

راشد عطاها نظره قارصه/قدامي يلا انزلي..

امنه التي كانت تراقب بصمت هتفت بحذر/دانه البسي حجابك وتعالي معي..

راشد زفر برفض تام/لا تنزل كذا هذا زوجها ماهو غريب..

ثم شد معصم دانه وخرجها من غرفتها بحزم/يلا قدامي انزلي..

دانه لحقت امنه بتوتر وخجل وهي ترتب شعرها بكفيها لاتعلم بانها ليست محتاجه..

اساسا حسنها من غير شيء يـــــوجع..
—————————————————————
سلطانه متمدده على سريرها بينما هي غارقه بافكارها الموجعه نظرة عينيه الحاده من قرب لم تفارق ذهنها

ريحة عطر المركز المختلط بريحة العود الثمين مازالت عالقه بكفها حينما امسكت ذراعه الصلب..

بين كل ثانيه وثانيه ترفع كفها وتستنشق رائحته بعمق كم اشتاقت لحضنه و همسه وله هـــــــــو با اكمله..

لماذا لا تستطع تجاهله كما تجاهلها ربما يكون لانها لم تعرف رجل من قبل نمر حتى بسن المراهقه..

كانت بريئه بكل شيء حينما كبرت تفتحت مشاعرها وانوثتها على يده اغمرها برجولته وحنانه ودفاه..

لكنه حـطـمهــا حطمهـــا بقسوته بوحشيته حينما حملها ذنب قتل صغيرها وكانه ليسا من احشائها..

لم يرحم فقدها وحسرتها وهو يراها تذوي امامه شيئا فشيئا من الحزن على رحيل فلذت كبدها..

كم ليلة سهرت امام صغيرها وكم نام بين احضانها وكم يوما كانت تلعب معه وتحتضنه بامومة خالصه..

سلطانه الاربع السنين الماضيه تعثرت واستقامت احنت واعتدلت انهارت و استقوت..

ثــــم علمت حدودها مع الحياة والناس متى تواجه ومتى تنسحب ومتى لا تلتفت ابـــــــــداً..
————————————————————
معاذ مازال جالس بانتظار حظورها حينما سمع صوت الخطوات تقترب مع الدرج رفع عينيه بلهفه عميقه..

يريد التاكد بانها هي الفتاة نفسها التي اقتحمت عليه غرفته وسلبت عقله او انها كانت خــــيــــال واختفت

لكنها كانت تتبع امنه لم يظهر لمعاذ منها شي اطلاقا الا لون بجامتها العسليه الذي لفتت انتباهه..

امنه هتفت بهدو/هاذي دانه جت..

معاذ ينظر في اطراف دانه التي متخبية خلف امنه برائه وخجل عفه وحياء..

خفت بحزم/وليش متخبية كذا؟..

امنه ابتعدت من دانه وهي تخفت بتقصد/تو ينزل عليك الحيا وين راح لسانك اللي يلوط اذانك؟؟..

دانه رفعت راسها بتسرع كي تعطي امنه نظره متوعدة
بينما معاذ كان يلــــتــــهــــمها بعينيه التــــــــهما.

لم يستطع يرمش حتى لا توفته لمحه منها يلتهم تفاصيلها تفصيلا تفصيلا كي تاكد انها هي امامه فعلاً!!

دانه وجهت انظارها لمعاذ لتقع عينيها بعينيه مبــــاشرة نزلت راسها بحرج حتى لم تركز بملامحه؟..

معاذ هتف بنبرة رجوليه بالغه/امنه خلينا شوي..

دانه من غير لا تشعر قبضة على ذراع امنه خفتت باختناق/لا تروحين..

امنه لم ترد عليها وجهت نظرها وكلامها لمعاذ/عزيزة لو عرفت اني خليتكم بروحكم راح تزعل..

معاذ يوقف بحده غاضبه بينما عينيه تقدح شراراً مرعباً/نعم!!!..

امنه رجعت خطوه على ورا وهي تهتف باعتذار/اسف معاذ ماكنت اقصد بس..

معاذ بمقاطعه صارمه/روحي عن وجهي يا امنه..

امنه ابتعدت ورقت الدرج بخطوات سريعه بينما دانه كانت فاتحه عينيها على وسع ودقات قلبها تزيد برعب

معاذ هتف لها بذات الصرامه/اجلسي..

دانه جلست على اقرب اريكه قدميها لم تستطع حملها بسبب رعبها وتوترها وخجلها منه..

معاذ جلس مقابل لها وعينيه تبحر تفاصيلها كانت تدعك كفيها ببعضهما بقوه وعينيها عليهما..

اعطته الفرصه بان يطوفها بنظراته المتفحصة
بدا بجسدها النحيل الموزع با انوثة صارخة..

ثم بشرتها مخمليه تشرق بالبياض والنعومه شعرها الكستنائي يوصل لنصف ظهرها متناثر على متونها..

استدارة وجها وانحدار ذقنها وامتلئ شفتيها النديه كل هاذي التفاصيل كانت موجعه مــــــــوجعه لرجولته..

معاذ هتف بحزم خافت/دانه طالعي فيني بتكلم معك..

دانه رفعت عينيها لتقع بعينيه مره اخرى انزلتها بسرعه وهي تدعك كفيها باشد من قبل..

معاذ هتفت بذات الحزم/ابيك تعرفين يا دانه ان كان بمكاني اوقف الزواج كامل من غير لا تدخل انا بالموضوع..

دانه رفعت راسها نظرت به بغرابه/مافهمت؟..

معاذ حينما ما راء عينيها الناعسه وعدستها الولوية ذات لون الرمادي الغامق ضاع الكلام لذالك صمت..

دانه تصلبت بذهول لتو تنتبه لملامحه الوســـــيمة جداً رجولته البالغه رات في من الهيبه والشموخ..

معاذ يريد ينهى المقابله ليسا مرتاح في بقاءهما وحيدين بهذا الوقت المتاخر..

لذالك هتف بحزم عميق/بختصار انتي اكيد تبين ابوك ينفصل من امي وانا كذالك والحل الوحيد املك عليك عشان نضغط عليهم بالانفصال هم وحنا بعد..

قطبت جبينها بذات الغرابه/توقع خطتك بتنجح؟..

معاذ رفع حاجبه باستفسار/مافهمت وش قصدك؟..

دانه اجابته بعفويه/اخاف بالاخير نضيع شبابنا معهم يعني يمكن ما ينفصلون..

معاذ فجرها بشكل صادم لها ولــــه/اذا مانفصلو حتى حنا ماراح ننفصل..

دانه سالت بفهاوه/قصدك نتزوج رسمي مثلهم؟..

معاذ وقف كي ينهى النقاش/طبعاً..

ثم اتجه الباب وخرج دانه كانت تنظر به بذهول غير مستوعبه ماقال ومع ذالك نهضت كي تتجه غرفتها..

تريد تنام فقط النعاس غلب على عينيها وافكارها اتجهت الدرج حينما ما وصلت الطابق الثاني..

كان راشد واقف على باب غرفتها بانتظارها تقدم لها بسرعه وسحبها ودخل الغرفه وهي تنظر به مدهوشه؟

سالها بخفوت/وش قالك معاذ؟..

دانه هزت كتفيها برود/ما قال شي مهم..

راشد زفر عليها/ساعه جالسه معه وتقولين ما قال شي؟..

دانه تثاوب با نعاس/وين ساعه ترا ماصار لنا حتى ربع ساعه اصلاً..

راشد بذات الزفرة/خلينا من الوقت وقولي للي وش قال لك بضبط؟..

دانه هزت كتفيها برائه/مادري قال كلام مو مفهوم..

راشد سال بتوجس/قوليه للي انا افهمه وافهمك يا الخبله..

دانه بذات البرائه لا تخلو من ضيق/يقول لازم امي وابوك ينفصلون ولا ماراح ننفصل اللي فهمته منه يوبه يبي يحكمني ماراح يحررني لين تحرر امه؟..

راشد ابتسمت هذا ماكان يريده هتف بخفوت/وانتي ليش متضايقه هذا من صالحك..

دانه اتسعت عينيها صدمة/كيف يوبه من صالحي اقولك يبي يحكمني..

راشد ضرب راسها بخفه وهو مازال يبتسم/انتي متى تبين تشغلين مخك يابوك لو تجلسين العمر كله تنتظرين زوج المستقبل ما جايك مثل معاذ مال وحلال جاهه ومكانه من كبار القبيله جده شيخ يعني ولدك لو جاء يشيخ من صغره..

دانه قطبت جبينها الشفاف/يعني انت ماتبي تطلق عزيزة وكنت ناوي تزوجني ولدها؟..

راشد امسك بها وجلسها على السرير وجلس جوارها خفت بمكر رجولي/لا يابوك انا ما خططت لشي هذا كتبت الله لك وعزيزة اصلاً ما تبيك تعيشين حياة الترف اللي هي تعيشها ماتبيك تلبسن مثل اللي تلبس وتسافرين مثلها تبيك فقيره لين تموتين..

دانه صمتت وعينيها وسمعها مركزه على والدها الذي مازال يحاول يقنعها بذات المكر والذكاء الشديد..

خفت بنبرة حانيه/كل اللي انا اسويه يا دانه من صالحك مالك احد بهالدنيا غيري خليني اعزك وامن عليك قبل لا يغيب راسي وتدجين لا اهل ولا مال ولا عيال باختصار معاذ الله ارسله لك من سابع سما لا تفرطين فيه مهما كلفك الامر خذي نصيحة ابوك ترا ماحد حابك كثره..

دانه مازالت صامته تخزن كلامه براسها راشد وقف قبل جبينها ثم اتجه الباب وخرج كي تفكر براحتها..
————————————————————-
تحياتي(شغف)..