سلام عليكم ،، توني اخلص روايه خلصتها في يوم ونص من جمالها ،، بس بسالكم هل في اوقات معينه ينزل فيها بارت ؟ ومتى موعد بارت الجاي

لا والله ماشي وقت معين ع حسب ظروف الكاتبه

روايه بين الماضي والحاظر..

للكاتبة (شغف)

-/البارت الثامن و السبعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

الساعه الحادي عشر ليلا..

مليحه تدخل البيت بثقل/يالله سترك تعب من الوقفه احس رجولي ورمت..

فهد ليسا منتبه لكلامها جلس على الاريكه بذهول عقل حساسه بشيء غريب قادم..؟

مليحه تجلس على الاريكه من بعد ما خلعت عبايتها ومن ثم انحنت وخلعت حذاها رمتهم بعيد..

وهي تهتف باسمه/لا بارك الله بذا الكعب مادري وش حدني عليهم..

فهد مازال غارق بافكاره و مليحه هتفت بغرابه/فهد شفيك من وصلنا وانت ساكت عسى ماشر؟..

فهد تنهد بارهاق/مادري افكر بعزام ماشفته وقت العشا سالت عنه عساف قال انه يقول بيروح يجيب صديقه جاي من المطار وتاخر..

مليحه انتفضت بخوف/ ياربي لايكون صار عليه شي؟..

فهد ينحرها بضيق/انا وين وانتي وين مافيه الا العافيه ولدك بس انا ماني بمرتاح لتصرفاته..

مليحه بتوجس/وش قصدك؟..

فهد ناظر بها بعمق/من كم يوم وهو راكد احس ان هذا الهدو اللي ما قبل العاصفه؟..

مليحه قطبت/لا تقول لا ان شاءالله بجي الحين مافي الا العافيه..

ما كملت جملتها الا الباب يطرق بقوه متواصله حتى اقفز فهد واقف واتجه له منذا فتحه..

صدم برواف عينيه مشتعله شرارا/فهد ولدك خطف بنتي وين وداها تكلم قبل اجيب لكم الشرطه..

فهد انتفض بصدمه/انت وش تقول يارجال؟..

رواف يرجف بخوف/جمانه ماهي بالبيت سند يقول عزام خطفها..

فهد شعر باختناق من شد الصدمه فتح اعلى ازارير ثوبه كي يتنفس/شكلك غلطان عزام مستحيل يسويها..

رواف يصرخ بصرامه/تبي تستر على ولدك الحرامي قل للي وين ذلف لا والله لاجيبه بالقوه؟؟..

فهد اشر له بان يتقدمه بحزم/تعال وين سند بفهم السالفه عشان اقدر اتصرف اذا الكلام اللي تقوله صدق..

مليحه كانت جالسه على الاريكه دافنه وجها بين كفيها وتبكي بصمت لم تتوقع عزام يتحول لمجرم خاطف!!..

فهد يسال بصرامه/ولد انت متاكد عزام خطفها ولا هي راحت معه؟..

سند يبكي بانكسار/والله خطفها حط منديل مخدر بخشمها لين داخت وشالها بسيارته و انحاش..

رواف نفذ صبره/ تبي ترجع بنتي انت و ولدك ولا بدق على الشرطه؟..

فهد لم يرد عليه وهو يحقق مع سند/طيب ليش ماتصلت علينا بوقتها ليش توك تكلم؟..

سند ارتبك/هو هددني يذبحني ان تكلمت..

فهد لم يخفيه ارتباكه زفر بتشكيك/قل الصدق يا ولد؟..

رواف يصرخ بحده/تبي تزكي ولدك من عملته السودا هين يا فهد كان ما حطيتكم بسجن ماطلع رواف..

فهد تهد بطولة بال/انت علامك مستعجل اركد لين نفهم من الولد كل شي وبعدين سو اللي تبي..

سند يصرفه بارتباك/انا ماعرف شي مالي دخل هو اللي خطفها..

فهد ياشر له يهدا/ اهدا ماراح يصير لك شي بس قل الصدق هو ما قال لك وينه؟..

سند توتر/ راح المطار يقول بيسافر..

فهد شعر بفتور حتى انه عجز يركز من صراخ رواف المنفعل/سافر ولدك المجنون بنتي خطفها والله لاروح لسفارة ترجعه مكفن..
—————————————————————-
عساف وصل انتصار ورشا وهو مازال جالس بسيارته امام البيت لم يغادر كل تفكيره كيف ان يقنعها؟..

ان كان النظر لها ولو من بعد مسافات يذيب رجولته فكيف يكون العناق او ربما الحضان؟..

من راها وعقله مشتت حتى وقت الحفل صورتها ركزت بخياله قلب العاشق له عيون ترى مالا يراه الناظرون..

لا يعلم كم مضى عليه من وقت وهو يفكر باقناعها بما يريد ليسا قادر ان يجبرها عليه حتى ولو طالت برفض..

اخيراً اطفى السياره ونزل دخل البيت بخطوات خافته رقى الدرج وهو يدعي الله بداخله بان يلين قلبها عليه..

دخل الغرفه راها خاليه الا من فهود متمدد على عرض السرير يلعب وفمه لهايه اغلق الباب بالمفتاح..

وهو يسمع صوت دوش الما كي يفهم ان رشا تستحم من بعد فوضة الحفل وضيق الفستان و كتمته..

عساف جلس بجوار فهود قبله مع كفيه و خديه وبطنه وهو يبتسم من صوت لعبه الطفولي..

خرجت رشا وهي مرتديه روب الاستحمام لون وردي واصل لافوق ركبتيها وشعرها لامته بفوطه صغيره..

عساف من رائها وقف باستعجال وامسك معصمها قبل ان تعود للحمام محاوله الهروب منه..

اابتسم بهمس/وين تبين تشردين؟؟..

رشا توترت بخجل/عساف رجا احترم خصوصيتي ولا عاد تدخل غرفتي..

عساف سحب الفوطه وهو يحرر شعرها المبلول ويدفن انفه فيه مستنشق عبيرها المنعش لروحه..

نزل بتدريج على نحرها نثر قبلاته الدافئ بتاثر عميق حتى ثبت شفتيه عند اذونها..

همس بولع/رشا ترا العزوبيه ماتصلح رجال بمكانتي..

رشا رفعت عينيها بسرعه تنظر به/شقصدك؟؟..

عساف قبل خدها قبله طويله ثم همس بولع اعمق واعمق/فهميها بطريقتك انا محتاجك مره ارحميني شهور وانا متحمل خلاص عاد..

رشا ناظرته بتوجس/ليكون تقصد ام راشد وطقتها؟؟..

عساف ضمها برفق شديد/مافي انثى بدنيا حركت مشاعري الا انتي يا نتفه من اول لقى بينا جبتي راسي..

رسا ابتسمت وهي تندس بصدره وحرارتها ترتفع فهي مغرمه و مشتاقه له تعبت من المكابره نفذ صبرها..

رؤيتها له اليوم بتالق رجولي خالص وسامه عميقه تجذب كل فتاه تراه فكيف هي الذي تعشقه؟..

عساف انزل يديه يحاول يفتح روبها/اذا لفهود وابوه مكانه بقلبك لا تردينه..

رشا تعلقت بعنقه وهي تهمس له/ماراح ادرك بس ماهو معناته اني راضيه عليك..

عساف قبلها شفتيها بتروي ثم ابتعد قليلا ينظر في ملامحها بذهول/برضيك برضيك لا تحاتين..
———————————————————
بثينه تشد على كف خزنه وتقبلها باحترام/والله يا خاله اني مشتاقه لك بالحيل..

خزنه بحنو باسم/ ياروحي وانا اكثر بس لو كنت داريه ان السفر لسويسرا وراه حمل كان سفرتكم من زمان..

بثينه احمرت وجنتيها وهي تخطف الانظار في كايد المبتسم بثقل و روقان وعينيه مركزه بخجلها..

خزنه نظرت في كايد بحزم/عسى بس ما زعلتها منك علمني؟..

كايد هتف بثبات/ليش تساليني هاذي هي عندك اساليها..

بثينه ترقص حاجبيها بشقاوه/عندي شكاوي كثيره يا خاله بس لاصرنا بروحنا..

خزنه ابتسمت/لا قوليها الحين مدامه موجود خليني امسك رقبته..

بثينه تضحك بدلع/الحين رحمته توه جاي من رحله طويله له كم ساعه معلق بين السما والارض..

كايد ينظر بها من تحت اهدابه/اهم شي ان عندك رحمه..

وصلهم صوت حامد الذي ينزل مع الدرج معلن وصوله من بعد ما سلم عليهم وصعد يبدل لبسه..

كان مرتدي ثوب نوم رصاصي/احم احم..

بثينه ضعت الجلال عليها وغطت وجها تحت مراقبة كايد الذي ندا بخشونة/تعال يا ابو زيد..

حامد اقترب لهما باسم/حي الله اهل سويسرا عسى بس جبتو لنا هدايا؟..

كايد بثقه باسمه/اكيد ماحنا ناسينكم بس خلهن بكرا نطلعها مافينا حيل نفتش الشنط..

حامد يجلس جواره/اهم شي سلامتكم ومبروك ما سمعنا..

كايد هتفت بموده/الله يبارك فيك وعقبال ان شاءالله تجيبون اخو لزيود..

خزنه تبتسم بلطف/جواهر اول رافضه ماتبي الحمل لكن من درت وكاد غارت تقول بحمل..

حامد يضحك/تبي ولد يصك على ولدكم..

بثينه تضحك بصمت كايد ابتسم/لا جا ولدنا ولدكم بالسلامه لكل حادث حديث..

جواهر تنزل الدرج مرتديه جلالها خزنه هتفت ببتسامه/ الطيبه عند ذكرها..

جواهر تقترب وتجلس/عسى جايبين سيرتي بالخير؟..

حامد يهتف بمرح/يقولون ان ولدهم بيصير احسن من ولدنا..

جواهر بذات المرح الطيف/هذا دليل على انهم هايبين ولدنا وخايفين منه من الحين يقارنونه بولدهم اللي مابعد جا..

بثينه اتسعت عينيها حتى نست وجود حامد/خفي علينا ترا كله قرد صغير مثل قردك الثاني..

حامد انفجر ضاحك/ماتسمع مرتك يا كايد تنمر على عيالنا..

كايد صمت وهو يتوعد بثينه بنظاراته وهي تدعي بقلبها على جواهر بانها ضعتها بموقف محرج..

بثينه تستحي بوجود حامد كلامها يكون مختصر وموزون لانها لم تعود عليه وتخجل منه..

عكس جواهر الذي تعتبر كايد اخوها عاشت معه سنين بنفس البيت من ايام مراهقته..

جواهر تبتسم وهي تنقذها من الحرج/ تراها نست انك موجود يا حامد لا عصبت انعمت عيونها يا دافع..

حامد ابتسم بتقدير/تمون بنت وافي..

خزنه بامومة/عسى الله يجمعكم على السعاده والهدايه ولا يفرقكم..

كايد بحزم ودود/ وياك يالغاليه الله لا يحرمنا وجودك..

حامد يهتف لوالدته بتسال/كيف حفل اهل الفاهد عسى انبسطتي؟..

خزنه بتجاوب/ اي والله ماشاءالله استانسنا وحفلهم مشاءالله يهبل ماخلو شي ما حطوه..

حامد هتف بعجاب/والله حتى حفل الرجال ماشاءالله فخم وزحمه كلن متعني لهم..

كايد بغرابه/ عياله كلهم موجودين؟؟..

حامد نظر به/ اي تمايم ولد عساف وسلامة عزام..

كايد بذات الغرابه/لمحنا عزام قبل شوي بالمطار؟..

حامد قطب/لا كان موجود معنا..

بثينه خفتت بهدو/ انا شفته معه وحده على عربه اتوقع اخته؟..

خزنه ناظرت بها/ لا مزنه موجوده بالحفل ماحلا منها تضيف وتكرم مافيها الا العافيه يمكن انتي غلطانه؟..

بثينه باصرار/ لا والله متاكده شفته بعيني..

جواهر بتدخل هادي/كيف تقولين معه وحده وامه ومزنه موجودات بالحفل مشينا وهم هناك..

خزنه بعفويه/يمكن مسافر هو وجمانه طيب؟..

حامد قطب بتذكر/اي فعلاً على العشا ماكان موجود سمعت ابوه يسال عنه..

لاحد انتبه لبثينة الذي شعرت بالتماس حاد عنيف منذا خطرة بالها بان تكون جمانه معه مستحيل؟..

هي هاتفتها ليلة البارح وكانت مصره على الطلاق وقالت بانه غايب منذا سبوع وخايفه من ردة فعله؟..

بثينه تتذكر بانه سبق هددها بالخطف برا السعوديه لتنتفض واقفه بشكل مفاجئ والعيون كلها عليها!!..

خزنه بجزع/بسم الله عليك شفيك يامك نقزتي كذا؟..

بثينه اختنق صوتها/اللي معه جمانه جمانه اكيد خطفها؟؟..

خزنه قطبت بعدم فهم/وش يخطفها بسم الله على قلبك؟..

كايد ناظر بها بحده/انتي متاثره بالفلام في رجال يخطف مرته؟..

بثينه انفجرت باكيه/انتم ماتعرفون شي ماتعرفون شي..

ثم اتجهت لدرج رقت بسرعه تريد تتصل في جمانه كي تتاكد من افكارها الذي زلزلت كيانها..

خزنه خفتت برعب/شفيها يادافع؟..

جواهر زفرت بثقه/ماهي باكيه من دون سبب اكيد انها تعرف شي حنا مانعرفه؟..

كايد وقف ولحق بها بعصبيه فهو ليسا فاهم شيء لكن كل همه لماذا ترقى الدرج بسرعه وهي حامل؟..
———————————————————-
عساف كان بعالم اخر لا يعلم بالمصيبه الذي فعلها عزام وشرد وقعت على راس فهد الذي يتصل عليه..

وهاتفه كان صامت لم يلقيه بال وجود رشا بين احضانه تنسيه حتى اسمه فهي كيكه لذيذه بنسبه له..

رشا وجها مدفون بصدره وهو مطوق خصرها بذراعيه شاد عليها بحنو وحب خالص..

همس لها ببتسامه/كنت غرقان من الشوق والحين انقذتيني..

رشا تهمس له بعتاب وانفاسها تحرق صدره/انت السبب بكل شي صار بينا ماعرفت قدري لين فقدتني؟..

عساف مال وقبل خدها باستكنان/وربي وربك اني عارف قدرك من تزوجتك لكن انتي عنيده ماتبين تقتنعين..

رشا رفعت راسها وناظرت به/ اذا انا عنيده انت خاين..

عساف ابتسم من برائتها/والله مافي اوفى مني حرام تتهميني بالخيانه؟..

رشا بوجع/وافي لها مو للي..

عساف جذبها له بتملك/تبين اعترف لك بشي بس تصدقيني؟..

رشا بتوجس/اللي هو؟..

عساف بحلف واثق/والله واللي اعطاني فهود وامه اني ما عرفت الحب الا من عرفتك جمانه كانت مجرد عشق مراهقه وانتهى الله يستر عليها لكن انتي عشق ناضج حقيقي..

رشا بتشكيك/احلف انك صادق..

عساف بنبرة عميقه/حلفت لك ومستعد احلف مره ثانيه وثالثه والله اني صادق..

قطع حديثهم طرقات خافته على الباب عساف قطب بتسال/منو؟..

رشا تنفض غطاء الفراش وتوقف/اكيد امي..

ارتدت روبها ومن ثم فتحت ومثل ماتوقعت كانت انتصار ملامحها غير مطمنه هتفت بنعاس/عساف موجود؟..

رشا نزلت عينيها بالارض خجل/ايه موجود تو جا..

انتصار هتفت بحنو/ناديه يا مك بكلمه..

رشا ناظرت بها بغرابه/ليش وش صاير..

انتصار بامر هادي/ناديه وتعرفين..

رشا عادت وهي تحفت لعساف/امي تبيك..

عساف قطب بشدة/نعم؟؟..

رشا هزت كتفيها بغرابه اعمق/ والله مادري وش تبي بس وجها مايطمن..

عساف نفض الفراش ارتدى ثوبه وهو يسكر ازرته ويتجه الباب ناظر انتصار بتقطيب..

ثم هتف بتسال حازم/ عسى ماشر رشا تقول تبيني؟..

انتصار بثبات/امك اتصلت علي تقول خلي عساف يكلم ابوه ضروري من اليوم يتصل عليك ولا ترد..

عساف عاد الغرفه باستعجال فتح هاتفه صدم من عدد المكالمات جف الدم بعروقه خائف على عائلته؟

عاد الاتصال برقم والده رنتين وصله صوت فهد المتفجر بالقهر/انت وينك من اليوم اتصل عليك لابارك بالعدو..

عساف بحزم مرعب/يوبه شفيك وش صاير؟..

فهد بذات القهر العميق/اخوك اللي ما يستحي خطف بنت رواف وسافر..

عساف تصلبت اطرافه/وشو انت وش قاعد تقول يوبه كيف خطفها؟؟..

فهد منهى النقاش/تعال بسرعه رواف فضحنا اتصل بشرطه وجمع الناس عند بيتنا..

عساف بنفاس طايره/ طيب جاي ولا يهمك..

رشا كانت تقف خلفه سالت برعب/ عساف وش صاير من المخطوف؟..

عساف يحمل مفتاحه و اغراضه متجه الباب/مادري مادري..

انتصار منذ راته خرج دخلت على رشا بالغرفه/ماقال لك وش فيهم وش صاير؟..

رشا مازالت مفهيه/ مادري يومه عنهم اسمعه يقول مخطوف..

انتصار انتفضت/ يا دافع من المخطوف ليكون من عيال مزنه؟..

رشا تجلس على السرير/والله مادري..

انتصار تنظر بها بتفحص/هو من متى هنيه؟..

رشا ذابت بالحرج/ من ساعتين تقريباً..

انتصار ابتسمت/ وعسى انحلت قضية الشرق الاوسط؟..

رشا تبتسم وجنتيها مورده/ تقدرين تقولين انحلت..

انتصار تقبل خدها/عفيه على بنتي الشاطره ترا عساف رجال شهم حتى مشاكل اهله ما يحلها الا هو يستاهل تقدرينه..

رشا باقتناع/ صادقه يومه والله انه رحوم بس انا كنت بموت من الغيرة عجزت انسى كلامه..

انتصار تبعثر شعرها بلطف باسم/ يبي ينسيك مع الايام الجايه..
————————————————————-
فهد يزفر بصوت جوهري/رواف اترك عنك الفضايح اذا تاكدنا انه مسافر راح اخليه يرجعها على اقرب طياره..

رواف يكلم الضابط مطنش كلام فهد/بنتي بالبيت لحالها وانا وامها كنا بحفل عند اهل المجرم الظاهر انهم مخططين و خالصين..

فهد بطولة بال/اول شي حسن الفاضك ولدي ماهو مجرم البنت زوجته على سنة الله ورسوله وانت اللي مزوجها بنفسك..

الضابط بحزم/اذا هو زوجها صدق هذا مايعتبر خطف؟..

رواف دمه يفور/هي ماتبيه رافعه عليه طلاق بالمحكمه وهو هجم عليها تالي اليل وخطفها..

منصور وقف سيارته بوسط الشاعر الذي بين بيت الفاهد وبيت رواف وهو يرا سيارة الشرطه واقفه..

والضابط وثنين من العسكر كانو يتحادثون مع فهد الذي واضح بانه غاضب و رواف المنفعل المتوتر..

فهو منذا اتصلت عليه العنود تصيح تبلغه بما حدث جعلته ياتي كالمجنون لم يصدق بان عزام فعلها!!..

نزل من سيارته و تقترب لهم بتسال ثاير/صدق اللي سمعت عزام خطف جمانه؟..

رواف ينظر به بذات الانفعال/ اي خطفها وحنا بالحفل وشرد فيها سافر..

منصور بعدم تصديق/كيف صار وش دراكم انه مسافر؟..

رواف ياشر على سند الذي جالس على الرصيف ومازال يبكي/اخوها شافه وهو يخطفها يوم ساله يقول بسافر..

منصور قبض سند وقفه زفر باشتعال/تكلم وش شفت؟؟..

سند لم يستطع التحدث قلبه ممزق من ذكرى شقيقته لتو يستوعب الخطف من راء الشرطة؟..

منصور يهزه بعنف/قص يقص لسانك قل وش فيك ساكت؟..

رواف يسحب سند من يده بحده/لا تحط حرتك فيه هذا ابو المجرم موجود اساله وين هو مخبي ولده عني؟..

فهد عطاه نظره حارقه/اخبيه عنك انت يا رواف وش مفكر نفسك شجاع وحنا ماندري؟..

رواف اتسعت عينيه بتحطم/ليش ماني مالي عينك؟..

فهد صد عنه بغضب/اقول بس فارقني ماني فاضي لك..

عساف يوقف سيارته وينزل اقترب ثم زفر من بين انفاسه التطايره/وش صاير؟..

رواف بصوت مستهتر يحدث الضابط/ هذا اخو المجرم توه جاي من اخوه ويمثل علينا انه برئ..

الضابط هتف بترحيب وهو يمد يده لعساف/ارحب يا ابو فهد شلونك عساك طيب..

عساف سلم عليه وهو يكتم غصبه بسبب رواف/ البقى طيب طاب حالك انت بشرني عنك؟..

رواف طارت عينيه/ تعرفون بعض والله كملت بنتي ما عاد هي راجعه..

منصور زفر بصرامه/ فهمونا وش السالفه لا قسم بالله لولع حريقه عشان جمانه..

فهد تنهد بتعب واضح/ والله ما ندري سند يقول انه جا وخطف اخته وسافر اتصلت عليه جواله مقفل..

منصور بقهر عارم/ شلون خطفها ماني فاهم شي؟..

رواف ينحره/ يعني شلون يخطفون شالها بسيارته وشرد..

منصور انفجر عليه/ انت اسكت لا ادفنك تراي ماسك نفسي عنك كل شي يصير من وراك بليت بنتك الله يبليك بعمرك..

رواف كشر وجهه/ انا اللي قلت له يخطفها هو اللي هجم على بيتنا بغيابنا مثل الحرامي..

عساف كان طول حديثهم يراقب سند الذي ينحب بالبكا وكتفيه تهتز بسبب شعورة بتانيب الضمير..

عساف اقترب له هتف بسياسته/سند انت كنت حاظر وشفت كل شي بعيونك قل لنا وش صار ولا تخاف حنا نحميك؟..

سند زاد صوت بكائه بنحيب عال عساف شده برفق همس له برجولة حانيه/ انت تعرف شي وماتبي تقول خايف صح؟..

سند هز راسه بمعنى ايه زفر منصور بانفعال/تكلم طيب لا عطيك كف يخليك يطلع اللي بقلبك..

عساف اشر لمنصور بحده بان يصمت وهو يعود ويهتف لسند بذات الرجولة/ تاكد ان اذا قلت لنا الصدق راح احميك انا من الجميع بس تكلم..

الضابط بتدخل/لا تنسى بان عساف محامي قانوني شاطر يعني كلمته مسموعه عندنا مهما كان خطاك راح نعفو عنه..

سند يرفع عينيه الغارقه بدمع/ابيك تمسك على شاربك يا عساف تفكني من الجميع واعلمكم بصدق..

عساف ناظر الجميع بنبرة حديديه/مابي واحد منكم يسوي شي مهما كان ترا الولد بوجهي..

رواف ينظر سند بعدم راحه/الله يكفينا شره من قام يحوم مع هالشله الفاشله ماني مرتاح له..

عساف بصرامه/قلت لك يا رواف هو بوجهي وترا اللي يتعدى عليه ياخذ جزاه والضابط مقرن موجود..

الضابط مقرن/ ابد حنا تحت امرك..

عساف عاد لسند بتسال هادي/الحين عليك الامان قل لنا الصدق؟..

سند بدا يحكي لهم بصدق شفاف من بين شهقاته المتواصله وهو يتذكر ماذا حدث قبل سبوع؟؟…
———————————————————
تحياتي (شغف)..

روايه بين الماضي والحاظر..

للكاتبة (شغف)

-/البارت التاسع و السبعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

سند بدا يحكي لهم بصدق شفاف من بين شهقاته المتواصله وهو يتذكر ماذا حدث قبل سبوع؟؟…

كان لتو يعود من المدرسه يخطي بارهاق يحمل شنطته على كتفه واحده والشمس تحرق وجهه..

صادف عزام واقف بسيارته امام بيت اهله واضح بانه تو واصل لكن من راء سند نزل ونادا عليه بحزم..

سند اقترب له/ سم ناديت للي؟..

عزام هتفت بحذر/ توك جاي من المدرسه على رجولك؟..

سند بعفويه/ ايه ليش؟..

عزام بمكر وتلاعب/حرام تعب عليك وشمس ليش ما تشتري لك سياره وترتاح؟..

سند تنهد بخمول/السياره تبي فلوس وانا ما عندي..

عزام زفر بخبث/افا محتاج فلوس ولا تقول للي؟..

سند قطب بغرابه/يعني لو طلبت منك 40 الف بتعطيني..

عزام رفع عينيه لشباك غرفة جمانه بتوتر بان تراه يتحدث مع شقيقها سوفا تفهم تخطيطه بذكائها؟..

لذالك هتف باستعجال/اركب اركب بسياره نتفاهم..

سند بعدم تصديق/اركب سيارتك؟..

عزام ابتسم بذات الخبث/اي حياك..

سند يركب بالمقعد المجاور وهو يصفر بروح شبابيه معجبه/ما تخيلتها من داخل كذا فخمه تكفى باخذ لفه عليها؟..

عزام بينه وبين نفسه( عائله مشفوحة هي الوحيده اللي طالعه عنهم لبى قلبها بس)..

هتف باسم وهو يحرك السياره/بخليك تاخذ عليها لفه ولا يهمك واذا تبي سياره ترا ماعندي مشكله اشري لك..

سند شهق بعنف/ انت و تقول سياره للي انا؟..

عزام بتوجس حذر/ طبعاً بس عندي شرط صغنون..

سند قطب/وش شرطك؟..

عزام بخبث اعمق وادهى/مابي احد يعرف اننا صرنا اصحاب وابي اسلفك فلوس تشتري سياره..

سند ابتسم بعفويه/اصحاب انا وانت؟..

عزام يبتسم بتلاعب/ايه وعشانك صاحبي بعطيك الحين مبلغ وبعد كم يوم اتصل عليك تجيني اعطيك مبلغ السياره اللي تبيها..

سند اتسعت عينيه فرحه وهو يراء المبلغ الذي اظهره عزام من درج السياره ومده له..

ثم خفت بتهديد/هذا لك لكن قسم بالله لو فتحت فمك وعلمت احد لاطلع الفلوس من عيونك..

سند ياخذ الفلوس وعينيه تجولها/والله ماقول لاحد..

عزام يفتح هاتفه امر بحزم/عطني رقم جوالك عشان اتواصل معك..

ليلة البارح عزام من بعد ماقرر خطف جمانه وجهز مخططه كامل اتصل على سند وساله وين مكانه؟..

سند بلغه بانه بملعب الكوره اتى عزام وخذه وهو يحاول يغريه بخبث/سند انا بعطيك مبلغ السياره ومابيك تخلصني بس ابي منك خدمه..

سند يشعر بسعاده الفلوس بدات تمطر عليه/ابشر بسعدك امرني..

عزام بثبات مدروس/بكرا باليل بجي اخذ جمانه مسوي لها مفاجئ وبنسافر شهر عسل وابي مساعدتك..

سند يضرب راسه بخفه/تو اتذكر انك زوج اختي الحين عرفت ليش تبي تصادقني..

عزام كشر ملامحه/ليش؟..

سند ابتسم بعفويه/عشانك تحبها..

عزام نحره بشده/حبك برص قل امين اترك عنك هالكلام وركز معي..

سند ارتاع/معك امرني؟..

عزام بدقه حازمه/تاكد للي بكرا باليل هي بالبيت بروحها ولا عندها امك المهم تتصل علي وتعلمني..

سند هز راسه برضا/حاظر..

عزام يكمل بذات الحزم/وابيك الحين ترجع البيت وتاكد من جوازها وين مكانه عشان بكره انت تجيبه للي..

سند بتركيز/ابشر الحين اروح افتش غرفتها وعلمك..

عزام يحرص عليه/لا تشوفك..

سند بثقه/ لا ماراح افتش الا وهي بالحوش جالسه..

عزام ابتسم بخبث/عفيه على الولد الذكي تستاهل مبلغ 40 الف بكره لا تمت الخطه حطيته بيدك..

سند طار من الفرحه/ الله يسعدك ويرزقك..
————————————————————
كايد لم يستطع ان ينام بسبب شهقات بثينه الخافته واهتزاز الفراش من اهتزاز جسدها المرتعش..

استدار لها زفر بحده/بثينه خلاص تراك ذبحتني نفسك واللي بطنك بسبب اوهامك..

بثينه لم ترد عليه وهي تدفن وجها بالوساده كي تكتم صوت شهقاتها المتقطعة..

كايد شد له نفس عميق خفت بارهاق/والله ان راسي مصدع من السفر ارحميني خليني انام مثل الناس..

بثينه ادارت وجها المتفجر حمار له/روح نام بغرفتك حل عني كايد اللي فيني يكفيني..

كايد ينظر ملامحها بعتاب/حرام اللي تسوينه بنفسك والله جمانه بخير ماهو شرط جوالها لا تقفل تكون مخطوفه؟..

بثينه تعاتبه بشده/لو قلبك علي كان وديتني اتطمن عليها..

كايد زفر بعصبيه/تبين اوديك لناس تالي اليل صاحيه انتي؟..

بثينه تعود تدفن وجها بالوساده/ما عندكم رحمه انتم ماتت قلوبكم من زمان..

كايد ادخل ذراعه من تحت كتفها ادارها له وحضنها على صدره همس بحنو/اوعدك بكرا اوديك لها بس نامي و ارتاحي وخليني انام..

بثينه همست باختناق/ كايد مافيني نوم انت روح نام بغرتك ورتاح..

كايد يزفر عليها من بين اسنانه/لا عاد اسمع هالكلام راحتي بقربك والحين يلا نامي ولا ترا والله حتى بكرا ما وديك لها..

بثينه باستسلام وهي فعلا ميته نوم/ طيب بنام بس الصباح اصحيك توديني ولا ترا رحت مع السواق..

كايد يهدد بخفوت/يا ويلك لو سويتيها..

بثينه ضعت راسها على صلابة ذراعه وهو يمسح على شعرها برفق حتى نامت ونام معها بخدر..

قبل صلاة الفجر بساعه بثينه افاقت مفزوعه وهي تجلس و انفاسها سريعه جبينها وعنقها ممتلئ بالعرق.

كايد جلس يراقبها ثواني ثم اخذها بحضنه/بسم الله عليك شفيك؟؟..

بثينه انفجرت باكيه وهي تدفن وجها مابين عنقه وكتفه/خطفها والله انه خطفها شفتها بالحلم تنادي للي هي اللي معه بالعربة هي..

كايد شد احتضانها برحمه/استهدي بالله هذا حديث نفس لانك نمتي موسوسه فيها..

بثينه تان باكيه/حساسي عمره ما كذب كايد والله ان عزام اللي ما يخاف ربه خطف جمانه هو كان يهددها من قبل..

كايد عجز يستوعب كلامها/بثينه يا قلبي مستحيل يخطفها والله لو كان ينقل عقله بيده..

بثينه ترفع وجها تنظر له بقهر/هو ماعنده عقل اصلاً انت ماتبي تصدقني هذا مجنون يسوي كل شي..

كايد يعودها لحضنه خفت بمسايرة/طيب الصباح نتاكد من كلامك..
—————————————————————
بعد صلاة الفجر مليحه مازالت على جلستها بصاله حتى جلابيتها لم تغيرها تشعر بصدمه موجعه!!..

منذا تاكدت بان عزام فعلاً خطف جمانه وهي من كانت تدافع عنه وتوقف بوجه فهد من اجله؟..

الان ضعها بموقف صعب لا تستيطع ان تبرر له حتى لسانها ثقل عن الكلام ودموعها لم تقف طول اليل..

فهد يعود من المسجد برفقته عساف مازالو مواصلين مصدومين مقهورين من تصرف عزام الخبيث..

عساف انحنى وقبل راس مليحه ثم همس لها بحنان رجولي/يومه قومي بدلي و ارتاحي مافي مشكله ومالها حل..

مليحه بذبول ونعاس/ليش سوى كذا مافكر فينا كل همه نفسه وبس؟..

فهد يجلس بثقل/خليه عنك وروحي ارتاحي..

مليحه تكتم بكاها امامهم/كيف انام ولد بطني صار مجرم؟..

عساف يجلس جوارها مهدئي لها/تراها بالاخير مرته حلاله ماسوى حرام يعني السالفه ماتسوى تضايقين كذا..

مليحه تنظر فيه بتسال/طيب وش الحل اهلها ماراح يسكتون..

عساف مازال يهدئها بسياسته/مالهم كلمه وهي مع زوجها وبعدين عزام تراه حنون ماراح يضرها تطمني..

مليحه حن قلبها من كلامه/اي والله انه حنون بس مادري وش صار له جننته هالبنت؟..

فهد بمراره ساخره/الا مجنون من وهو ورع قبل لا يعرفها..

عساف يغمز له ويعض على شفتيه السفليه بمعنى ان يصمت و يخف عليها لا يرد والدته تتاثر و تتعب..

فهد وقف بحزم حاني/قومي معي نبي ننام ونرتاح لو ساعه..

مليحه تنظر به بعتاب/كيف بتنام ولدك ماندري وين ارضه من سماه؟..

فهد بذات الحزم/يامره ماحنا رادين شي بريح عقلي عشان اقدر افكر وش اسوي معه..

عساف هتف بثبات/صادق السهر ماهو مغير شي بس قومي ارتاحي انتي وابوي وانا بطلع المطار اسال عن رحلته على اي دولة..

فهد برفض هادئ/لا حتى انت ارتاح لا صحيت يحلها الف حلال..

عساف ينهض واقف باصرار/برجع انام بس بروح اتاكد اول..

فهد تنهد بخمول/طيب واذا جاك علم عنه كلمني لا تصرف بشي قبل شوري..

عساف اتجه الباب/ابشر بس نام انت وامي..

ركب سيارته شغلها واتجه للمطار وهو فعلاً مقهور على والديه الذين تحطمان من تصرف عزام اليم؟..

لكن عساف ربما يخفي قهره وغضبه امامهما محاول يمتص غضبهما ويهدي جزعهم وصدمتها..

وهو بطريق رن هاتفه برقم رشا يالله كم اشتاق لهاذي الحضه من شهور لم تتصل عليه وتضئ شاشته برقمها

فتح الخط وهو يهتف بنبرة رجوليه/هلا حبيبتي رشا..

رشا بنعومه/عساف طمني عنكم وش صاير قلبي مشغول من المخطوف؟..

عساف بحزم ودود/ماحد مخطوف بس صار مشكله بسيطه وتنحل ان شاءالله..

رشا بتوجس/مايصير اعرفها..

عساف ابتسم بارهاق/لا مايصير..

رشا تحاول تكتم غيظها/طيب اهم شي انكم بخير..

عساف تنهد بعمق/تطمني بخير انتي مانمتي؟..

رشا تثاوب بنعاس/لا تو بنام انا وفهود..

عساف خفت بحب/حتى فهود سهران؟..

رشا تبتسم بعذوبه/ايه ازعجنا بصوته وهو يلعب لبى عيونه..

عساف يقاوم نبرتها و غنجها/نامي انا لا خلصت اشغالي مريت عليكم..

رشا بذات النعاس/طيب مع السلامه..

عساف بندا/رشا..

رشا بغرابه/هلا؟..

عساف بحه خافته/شكرا على اجمل ليله رجعتيني للي الحياة من جديد..

رشا تنحنح بخجل/احم العفو..

عساف مازال يخفت/ريحة عطرك عالقه بصدري عجزت اركز على اشغالي منها..

رشا ساحت بالخجل/عساف بنام ممكن اسكر..

عساف بهدو/نامي ياروحي..
——————————————————-
مزنه تبكي بصدمه/منصور انت وش تقول عزام مستحيل يسوي كذا!؟..

منصور دم راسه يفور/الا يسوي اكثر عزام مجرم ظالم لكن والله ماراح اعديها له لاروح وراه لونه باخر الدنيا ورد جمانه يحسب ماوراها رجال استغل ابوها اول بعده اخوها؟؟..

مزنه تعود جالسه وبكائها يزيد/ماني مصدقه وين وداها ياربي الطف فينا والله امي راح تطق وتموت من القهر..

منصور يجلس وهو يهز رجله بقهر/انا اللي والله بطق واموت من تحت راسه..

مزنه بتسال/طيب وين راح فيها؟..

منصور يوقف مجدد فهو لم يستطع ان يرتاح/روحي جيبي جوازي بروح المطار اسال عنه وين ذلف بلحقه..

مزنه توقف برجا مرتعب/تكفى يا منصور تعوذ من الشيطان مرده بيرجع..

منصور صرخ فيها بحده/وانا بحتريه متى يرجع اقول روحي جيبي جوازي سرعه..

مزنه رقت جناحها باستسلام عادت وبيدها تحمل جوازه/تفضل هذا جوازك..

منصور اخذه واتجه المطار يشعر بخذلان من نفسه فهي كانت تنتخي به هو لانها تعلم بان والدها..

وشقيقيها ليسا مصدر امان لها كانت تخاف على نفسها من عزام وقربه واكبر دليل انها باجازة مرضيه

حتى دوامها جعلها تشرد منه هبل فيها حقاً والان يخطفها ويسافر بها بغربه لا يعلمون اين تكون؟..
—————————————————————
بعد صلاة الظهر..

فضيلة تهاتف خزنه/عبدالله يقول جمانه رجعت له برضاها عاد مادري عنهم يا وخيتي..

خزنه قطبت بغرابه/بس لونها تبي ترجع له برضاها ما كان رفعت فيه بالمحكمه طلاق؟..

فضيله بفطانه خافته/وكاد انه خاطفها صحيح بس عبدالله يستر على خويه لانه قال اهله من الصباح بالمطار اليوم يسالون بي رحله سافر..

خزنه انتفضت بجزع/يا ويلي صاحي الولد ولا بعقله شي؟..

فضيله تضحك/اصحى مني ومنك بس تلقينه عجز عنها هي واهلها وهو يبيها عاد شالها وسافر..

خزنه زفرت بقهر/بس حركته غلط الزواج والاستمرار ماهو غصب عيب عليه يفشل اهله كذا..

فضيله بفضول وشقى/ودي اشوف ردت فعل مليحه عاد هي تحب المظاهر قدام الناس..

خزنه برحمه عميقه/والله ان ولدها حط الجمره بصدرها اجل هاذي سوات يسويها يخطف بنت الناس ويشرد؟..

فضيله تهز بوزها يمينا ويسارا/يمكن معودينه من وهو ورع كل شي يبيه ياخذه هذول اهل فلوس ماهو مثلنا لا طلب الورع شي غالي صرعناه بطراق..

خزنه تضحك من اسلوبها/الله يرجك المهم بسكر كايد نزل..

فضيله ببتسامه/الله معك سلمي عليه وخلي يمر على عمته..

خزنه بموده/ان شاءالله..

كايد اقترب مال وقبل راسها/مساك الله بالخير..

خزنه بحنو/مساك الله النور وش ذا النوم يا دافع؟؟..

كايد يجلس بخمول شديد/والله مانمت عدل من بثينه كل شوي تحلم وتصحى ازعجتنا بجمانه..

خزنه تلفتت تخشى بان تسمعها/طلع كلامها صدق عزام خطفها وسافر..

كايد اتسعت عينيه دهشه/وشو كيف خطفها؟..

خزنه بحزن شفاف/تو كلمتني فضيله معلمها عبدالله يقول اهله من الصباح بالمطار يبحثون عن اسمه وين مسافر فيها..

كايد تصلب بصدمه/انتي تكلمين جد ولا تمزحين؟..

خزنه تنهد بعمق/لا والله ماني مازحه هذا اللي سمعت اذني..

كايد ضاق صدره بالفعل/لاحول وذي الحين لو تدري وش يسكتها ازعجتني من اليل تبي اوديها تطمن عليها؟..

خزنه تهتف بحرص وتنبيه/تراها حامل وزعل ماهو زين لها ماحنا معلمينها نقول سافرت معه برضاها..

كايد بعدم اقتناع/تبين بثينه تصدق كلامنا هي اذكى من كذا يومه..

خزنه تنظر الدرج/ اسكت هذا هي وصلت..

كانت بثينه تنزل الدرج بخطوات مرهقه وجواهر تتبعها وهي تضع الجلال على راسها..

وتخافت معها/ما قلتي للي ان كايد موجود..

بثينه ترد باختناق/مادريت انه تحت..

جواهر هتفت بسلام ثم قامت بصب القهوه مدت اول فنجال لخالتها/سمي..

خزنه كانت تراقب ملامح بثينه الذابله وهي ترد على جواهر/سم الله عدوك..

جواهر مدت لكايد/سم يا بو زيد..

كايد خذه منها/سلمتي..

بثينه بحه/انا مابي قهوه لا تصبين للي..

جواهر تنظر بها/ليش تقهوي طيري النوم اللي واضح انك للحين بعيونك..

بثينه تنهد بتعب/مابي قهوه بروح بيت جمانه..

خزنه زفرت بحنان/يامك جمانه بخير ليش الوسوسه يا كفينا الشر..

بثينه بمشاعر متضاربه/خالتي من امس اتصل فيها ماترد ماهو بالعاده وامها اتصل ماترد بعد قلبي ماهو مرتاح..

جواهر تجلس جوارها/طيب انتظري للعصر ويحلها الله..

بثينه تنظر في كايد الذي يستمع بصمت غامض/يلا ودني لها انت وعدتني…

كايد بحزم هادئ/البنت مسافر مع زوجها ولا رجعت وديتك لها..

بثينه اتسعت عينيها الغارقه بدمع/من قالك انها مسافره؟..

خزنه بتدخل حاني/تو كلمتني فضيله تقول ان عبدالله يقول عزام رجع جمانه وسافرو البارح..

بثينه وقفت بجزع حقيقي/كذاب عبدالله يبي يغطي على جريمة خويه عزام خاطفها..

خزنه توقف وتهتف بحزم/يا بنتي اذكري ربك لونه خاطفها مرته ماهو ذابحها..

بثينه انفجرت بالبكا/الا يبي يغيب شمسها ماعاد ترجع لسعوديه هذا اكبر مجرم..

جواهر توقف تمسكها بتهدئة/مرده لاهله بس يمكن يبي يتفاهم معها ويرجعون انتي لا تفسرين من عندك..

بثينه مازالت تصارخ/انتم ماتفهمون هو سبق وهددها بالخطف وهي قالت للي كانت خايفه منه..

كايد وقف بنفاذ صبر زفر بصرامه بالغه/اقول عاد خلي عنك جمانه وزوجها بجهنم واهتمي بالولد اللي بطنك الصياح و الياح ماينفع..

بثينه تنظر به بغل/هذا اللي هامك الولد اللي ماكنت تبيه تو حلا بعينك خل اصيح ويطيح ماعلي منك ومنه..

كايد تفجر دماغه بالغضب طارت عينيه بشر/اقطعي واخسي لسانك لا يطول اقصه لك وهذا انا احذرك قدام امي والله لو يصير بولدي شي للعن خيرك..

بثينه تنظر به وهو يرقى الدرج بغضب صرخت من بين دموعها/ قاسي ماعندك قلب انت حرام تصير اب اصلاً..

خزنه تنحرها بعتاب/عيب عليك هالكلام ترا متماسك عنك لا تشعلين ناره..

بثينه تجلس وهي تدفن وجها بين كفيها/ماحد حاس فيني جمانه راحت خلاص..

جواهر تجلس وتحضنها/يا بنت الحلال لاتسوين بنفسك كذا ماتدرين يمكن تفاهمو وسافر وما مدها تقول لك..
————————————————————
تحياتي(شغف)..