السلام عليكم ورحمة الله وبركاته

اللهم صل وسلم على نبينا محمد

اول تعليق لي وتسجيل منذ غياب اكثر من 5 سنوات عن المنتدى لعيونك ياشغف ❤
بدايةً شكراً على هالرواية الجميلة جداً جداً ومظلومه من ناحية التعليقات وتستاهلين اكثر ولايوووققف🔥
شقول بس؟؟؟
البارتات الاخيرة اخذت منحنى احلى واشتدت الاحداث للاقوى وولعت 🔥🔥🔥
من حادث عزام والتغيير على جميع الاصعدة
جمانة ياجمانة 💔 عزتي لحالك يابنتي اكثر وحده انظلمت بالرواية بالذات الطريقة الي انكشف فيها زواجها يالله فضيحه 😩😵‍💫 ولاعزام الي ولا هامه ومسوي عادي دروا ولا لا !!! قهرني ردة فعله بس لعل الحادث كان خيره لك وعشان امه ترضى ويرجع جمانه لبيته اتوقع بترجع قريب ومتحمسه لاول لقاء بينهم بعد السبع شهوووور🥹لقاء الجبابره يمكن منه يرجعها لبيته ولاعاد يستحمل بعدها

عساف ورشا اتوقع ام راشد بتكون سبب عودة العلاقات مع تعاون مليح🤣 ونشكرج ياام راشد كثر الله خيرج 🤣
الصراحة ردة فعل عساف كانت تفشل صدقاً رجل متزوج وقدام اهلك وعرفت ان اخوك تزوجها خلاص وش تبي فيها انت!!! يافضحي بس ليتك بالعها وساكت ماحصلت الا تكسر حرمتك قدام الناس و تخرب بيت اخوك !

بثينه تكفين تكفين تكفين اصحي كفايه اهانات كفايه ظلم وقهر هدم احلامك وطموحاتك ويعايرك ع الطالعه والنازله 🤯 مااستحملت كايد كله على بعض مادري شلون هي للحين صابره عليه!! يقلع ابو الحب الي يجي منه ياشيخه

كايد اكثر شخصية تنرفزني واكرهها متناقض سلبي غبي حقووود المفروض بثينه من اول ماراحت لمخلد جلست عنده و سحبت عليك يالمريض يالمتخلف لا وبعد مااخذ طموحها وتعبها يقالك بعوضها؟!!!
مو كذا التصرف الصحيح ابداً انت ماعندك الا الضرب والاهانات ويدك تسبق كلامك اتمنى بثينه ترجع للطب وتخليه يذلف يهاجر يفكنا منه

يبدو اني تنرفزت لاكني شسوي كايد مابلعته ابد 😩
شكراً شغف لاعدمناك واحس النهاية قربت يارب انها خير على الجميع وبدون فقد تكفييين🥺❤

وشكراً 🤍🤍🤍

صباح الخير..اول شيء شكراً لكلامكم الحلو واسلوبكم الراقي..ثاني شي بنات انا مستمره سبق وعدتكم نختمها سوى..فعلاً تجاوزنا نصف البارتات لكن باقي احداث تطمنو النهايه ليست قريبه..ثالث شيء..بسبب الصداع المزمن لازم نرجع نظامنا اول كل بعد اربع ايام انزل لكم بارت…وما اخفيكم اني افكر اسوي حساب واتباد..من اجل اكتب روايه ثالثه لان الكتابه فعلاً هوايه ولا استطع التخلي عنها..ودمت بخير..

تفضلو بارت..
…
..
.

روايه بين الماضي والحاظر..

للكاتبة (شغف)

-/البارت السبعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

يوم جديد بالسعوديه..

الساعه الثالثه عصراً..

عزام كان نايم انزعج من رن هاتفه المتواصل مد يده لطاولة المجاوره لسرير رد بنعاس/الو..

الطرف الثاني/ مساءالخير شلونك يا ابو فهد؟؟..

عزام اعتدل جالس بخمول/ يا مرحبا طلال حي ذا الصوت وينك يا رجال منقطع؟..

طلال هتف بود/ الله يبقيك خل عنك النوم وتعال اعلمك من المنقطع انا ولا انت..

عزام ابتسم وهو يتمغط/ طيب طيب وين اجيك؟..

طلال بذات الود/ انتظرك بكوفي؟؟..

عزام نفض الفراش وقف/ لا ارسل موقع بيتك اجي اخذك ونروح الاستراحه اعرفك على العيال..

طلال برضا/ تمام الحين ارسله لك واتس بنتظارك..

عزام من اغلق منه استحم على السريع ارتدى ثوب صلى صلاته رتب شعره بالفرشاه بخ من عطره خرج

راء مليحه جالسه بصاله اقترب وقبل راسها/ صباح الخير يا وجه الخير..

مليحه تنظر به بحب/ اي صباح الله يهداك والناس قريب العصر انت تنزل قبل تشوف الساعه؟..

عزام ابتسم بعياره/الا شفتها بس امزح معك يا مليح القلب..

مليحه ابتسمت/ الله لا يحرمني منك ومن مزحك..

عزام هتف بتقدير/ انا بطلع لواحد من الربع تبين شي؟..

مليحه بامومة/ ابي سلامتك الله يحفظك بس تغد مخلين لك غداء؟..

عزام اتجه الباب/ مالي نفس لو جعت اكلت برا مع السلامه..

عزام وصل الموقع الذي ارسل له طلال وهو عاقد حاجبيه من الحي القديم الذي اول مره يراه؟…

وقف امام البيت اتصل على طلال كي بلغه بوجوده ثواني وخرج طلال مرحب نزل عزام سلم عليه..

عاد لسيارة وطلال ركب بالمقعد المجاور/ شلونك وشلون الاهل؟..

عزام حرك سيارته/ بخير الحمدلله انت شلونك متى جيت السعوديه؟؟..

طلال ببتسامه/ لي سبوع تقريباً..

عزام ناظر به بعتاب/ سبوع وتو تفكر تتصل علي؟..

طلال بهدؤ/ كنت مشغول بيت الوالد الله يرحمه ومور كثيره خلها على الله..

عزام باهتمام/ وعسى خلصت اشغالك؟..

طلال بهم/ لا والله باقي..

عزام ناظر به/ هذا البيت اللي انت فيه بيتكم؟..

طلال هز راسه بمعنى نعم/ ايه بيت ابوي ومرته..

عزام ناظره بنصف عين/ مرته ام الحب الا ماقلت للي عسى ناوي تحدد عرسك؟؟..

طلال شعر باختناق/ لا ماحولي عرس..

عزام ناظره بغرابه/ افا ليش لايكون بس تبي تكمل دراستها وتسوي سواتك فيها؟..

طلال انحدر صوته بالم/ لا راحت بنصيبها..

عزام شهق بصدمه/ وش كيف يعني تزوجت؟؟..

طلال مازال يتالم/ ايه يوم رجعت الا هي قد راحت تزوجت..

عزام انفعل بجد/ والله لو كنت مكانك لانتقم منها كيف تخون الوعد وتاخذ غيرك تبيني امسك لك زوجها مع رقبته اخنقه لين يطلقها تراني حاظر..

طلال رغماً عنه ابتسم/ ماتترك جنونك انت؟..

عزام بجديه/ يارجال والله اني اتكلم معك بجد؟..

طلال هتف بحذر/ يمكن يكون زوجها غالي عليك وماتقدر تخنقه..

عزام قطب بشده مستغربة/ مافهمت من زوجها؟..

طلال تردد بالبداية لكنها فجرها/ اخوك عساف..

عزام من شدت الصدمه وقف سيارته يمين وهو يستدير له بشكل مفاجئ/ انت وش تقول!!..

طلال انحرج/ اللي سمعته انا ماكان قصدي اتكلم بس انت نشبت بحلقي لين تكلمت غصبن علي..

عزام بعدم تصديق/ لحظه بفهم كيف يعني بنت عمك هي مرت عساف؟..

طلال تنهد بانكسار/ بضبط بنت عمي وخطبتي قبل زوجة اخوك عساف..

عزام عاد وناظر في الطريق وهو مازال واقف بسيارته
ضع جبينه على مقود السيارة من شعوره بدوران..

ليسا مصدق النار الذي كوى بها قلب عساف على جمانه عساف كوى بها قلب طلال على رشا معقولة؟..

يالله كيف ان الدنيا صغيرة فيها مهموم وفيها مرتاح فيها مجروحه وفيها جارح فيها القوي وفيها الضعيف.

لكن بالاخير مهما حبيت ومهما وفيت كل واحد لن ياخذ الا نصيبه الذي ربي كاتبه له منذا نفخ روحه..

طلال ضرب كتف عزام بخفه/ يا رجال شفيك هذا النصيب الله مو كاتبها للي..

عزام رفع راسه وناظر به بحزن/ الله بيعوضك باحسن منها بس والله اني مصدوم كيف صار كل هذا؟..

طلال يحاول يغير الموضوع/ صار وانتهى الكلام مايغير شي المهم ودني للاستراحه خل نغير جو..

عزام سالها بحزم/ لا متى تبي تجلس من غير زواج شف حياتك يا طلال لا توقفها ترا ماحد مفكر فيك اذا مافكرت انت بنفسك..

طلال ابتسم/ شف اللي ينصح وانت ورا ماتزوجت للحين؟..

عزام بذات الحزم/ من قال مو متزوج انا قصتي طويلة يبي لنا جلسه وعلمك فيها المهم انت الحين..

طلال تنهد بضيق/ انا توي جاي من غربه باقي ماعرفت الناس عشان القى للي بنت حلال تقدرني وقدرها..

عزام خطرت باله فكره وهو يستدير له بسرعه حتى صار مقابله/ بنت الحلال عندي والله يا طلال لو تزوجتها لتدعي للي..

طلال قطب ثم ابتسم/ ماني خابر عندك خوات من تبي تزوجني؟؟..

عزام هتف بجديه/ والله انها مثل اختي اسمع يارجال انا بكون صادق معك من البدايه والقرار با النهايه لك..

طلال بغرابه/ وش السالفه منهي البنت..

عزام بصدق ودود/ البنت اخت صديقي ملكت عليها اقل من شهر لانها كانت بغربه مع اخوها مسجون لكن والله اني مالمستها انها مثل اختي..

طلال تشتت عقله/ مافهمت انت سبق وتزوجت؟..

عزام تنهد بعمق/ انا تزوجت مرتين الاول بختياري والثانيه فزعه لاخوها لكن هي مارضت تكمل معي من عرفت اني متزوج..

طلال طارت عينيه/ مرتين انت وش تقول؟..

عزام ابتسم/ من عذرك تنفجع المهم اسمع بقول لك كل شي وانت قرر عاد..
——————————————————————
عساف كان جالس يتحادث مع انتصار محاول يتجاهل وجود رشا كي لا تفهم بانه متاثر من بعد تقبيلها..

يحاول يصد النظر من اجل يخفي نظرات الولع حتى لا تفضحه لمعت عينيه ودقات قلبه وسرعة انفاسه..

لايريد راسها يكبر حتى لا تطول الزعل و تعمق بالتغلي يريدها تغار وتشتاق حتى يسهل عليه رضائها؟..

انتصار تبتسم وعينيها على فهد الصغير الذي بين يدين عساف/ البارح ماخلانا ننام شبعان نوم و ازعجنا..

عساف ابتسم وهو يقبل خده/ لاتكون راعي سهر بس مثل عمك عزام؟..

انتصار تضحك/ يا عوبه واذا حطيت الهايه بحلقه رماها بلسانه..

عساف يضحك/ ياحلوه ماشاءالله..

انتصار تهتف بموده/ الله يخليه لكم يارب؟..

عساف نهض واقف بهدؤ ضعه بسريره/ امين بروح اتوضى مابقى على الصلاة شي..

اتجه الحمام ضع هاتفه ومحفظته والمفتاح على رف المغسلة الرخامية بالخارج فسر اكمامه ودخل الحمام

رشا نهضت بهدؤ سالتها انتصار باهتمام / وين رايحه يامك؟..

رشا هتفت برقه/ بروح المطبخ اجيب للي كاس مويا باكل باندول راسي يوجعني..

انتصار وقفت/ خلك جالسه انا اجيب لك..

رشا بحلف/ والله ماتروحين اجلسي المطبخ هذ هو قريب..

انتصار عادت جالسه/ اقول لاعاد تحلفين مره ثاني..

رشا تبتعد وهي تبتسم/ ان شاءالله..

من وصلت المطبخ وقفت واستدارت للخلف من صوت رن هاتف عساف اتجهت له بفضول؟..

ولعت الغيرة بقلبها من رات المتصل باسم ام راشد حملت الهاتف وعادت لصاله ناويه على مشاكل..

فتحت الخط و ردت بحده/نعم؟..

ام راشد قطبت/ هلا من معي؟..

رشا بذات الحده/ انتي المتصله وتسالين من معك؟..

ام راشد بغرابه/ هذا مو جوال المحامي عساف..

رشا تجلس على السرير بزفرة/ انا زوجته خير وش تبين؟؟..

ام راشد بحرج/ هلابك اسفه مادري انك زوجته كنت بكلم المحامي لو سمحتي..

رشا الغيرة اعمت بصيرتها/ انا بسالك الديرة مافيها محامي الا عساف يومنك كل شوي داقه حتى بوقت نومه انتي ماتستحين ما تعرفين الاصول؟…

انتصار تراقبها باستغراب من فهمت الموضوع ضعت كفيها على راسها معلنه عن اقبال المصيبه..

لو علم عساف بما فعلت رشا كيف تجرات وردت على اتصالاته الخاصه باسلوب مستفز هكذا؟..

ام راشد انصدمت من هجومها/ ياختي عيب عليك هالكلام وحده تكون زوجة محامي معروف يطلع منها هاذي الالفاض؟..

رشا فار دمها بالفعل/ اقول علمي نفسك العيب المحامي المعروف اللي تقولين عنه تراه زوجي مايستلم قضيه الا بشوري وانتي مو داخله مزاجي قررت انه يطردك..

ام راشد انفجرت باكيه/ حسبي الله عليك يا قليلة للادب اقص يدي اذا هو يدري عن كلامك الوسخ..

رشا تنحرها بتهديد/ اقول اذلفي بس لو اشوفك داقه عليه مره ثانيه دقيت راسك..

ثم اغلقت الخط قبل تسمع ردها وهي تزفر با وف من بين شفتيها الصغيرتين/ ناس ماتجي الا بالعين الحمرا..

انتصار وقفت بغضب/ الله يقلع ذا الوجه ماتستحين انتي وش ذا الاسلوب الوسخ؟؟..

رشا هتفت برود/ والله تو بردت كبدي..

عند عساف خرج من الحمام وهو يجفف وجهه من اثر الماء رمى المناديل الورقيه بزباله ثم حمل اغراضه..

عقد حاجبيه وهو يتلفت حوله باحث عن هاتفه ثم تحسس مخابيه اتجه لصاله متوقع بانه نساه مكانه..

لم يتوقع واحد بالميه بان رشا تجرا وتاخذه تقدم لهما عدل نسفة شماغه وهو مازال مفسر اكمام ثوبه..

وعينيه تنظر بانتصار الذي واقفه امام رشا بغضب واضح على ملامحها من راته توترت بوضوح..

عساف هتف بتسال/ جوالي وينه كان على المغسله؟..

رشا رفعت الهاتف امامه بنظرت جريئه/ معي جوالك..

عساف ناظر بها بصدمه/ وش يسوي معك؟..

رشا لاحت به بين اناملها/ كنت ارد على اتصال ام راشد واعلمها حدودها عشان ما تعداها..

عساف تصلب بصدمه وعينيه تشتعل بغضب/نعم؟؟..

رشا تهتف بعدم خوف/ علمتها لو تدق عليك مره ثانيه ادق راسها..

عساف اقترب لها بهجوم منفعل/ انا اللي بدق حنكك يا قليلة الادب..

انتصار وقفت امامه بنخوه/تراها بوجهه كان للي وجه عندك..

عساف وقف مكانه وهو ينظر بها بغضب عارم/هاذي ما تستاهل وجهك..

انتصار بحرج شديد/والله لو ماهي انفاس ما علي منها لو تكسر راسها لكن يامك اهدى تراها للحين تعبانه..

رشا وقفت بعصبيه/ ليش توقفين بوجهه خلي يجي يكسر راسي عشان يرتاح عاد هو من زمان يتمناها..

عساف يحاول يتماسك قبل ينحرها/يمين بالله يا رشا لو ما امك لا اتوطى بطنك لونك نفاس ماعلي منك..

رشا انقهرت/ اكيد ماعليك مني اهم شي ام راشد ماحد يضايقها عاد انت محاميها الخاص..

عساف يغلي بالغضب وانتصار مازالت توقف بينهما برعب/ الف مره اقولك شغلي لا تدخلين فيه وصلت فيك المواصيل تردين على اتصالاتي يا حيوانه؟..

رشا رمت الهاتف على السرير بعصبيه متفجره/ تقلل من قدري وتقول للي حيوانه عشانها اسمع عاد ياعساف انا صبرت عليك فوق طاقتي طلقني وريحني وانت ارتاح مني..

عساف من شدت تراكم الغضب والقهر لا يبصر امامه زفر بنبرة حديديه/وانا ميت عليك اذلفي وتراك طال..

انتصار انتفضت بشده وهي تصرخ عليه/ لا لا تعوذ من الشيطان تعوذ من الشيطان عشان فهد ماهو عشانها..

عساف لتو ينتبه على نفسه كان سوفا يطلقها معقوله بالفعل انها جننته احرقت اعصابه حتى نفذ صبره..

رشا واقفه وفمها مفتوح بصدمه لم تصدق بانه ارخصها بسهوله يالله كم تمنت الموت بهاذي الحضه.

عساف بلع ريقه الذي جف انفاسه تسارع ضع انامله الذي ترتعش على جبينه محاول يهدي نفسه قليلاً..

رفع راسه من صوت بكاء رشا الذي جلست على السرير بانهيار وهي تضم وجها بين كفيها الصغيرتين..

انتصار تهدئ الوضع/ تعوذو من الشيطان و نغزاتة السالفه ماتسوى كل هذا..

عساف زفر بصوت مبحوح/ هي الله هداها ما ترتاح لين توصل الواحد اقصاه..

انتصار تحامي على فتاتها الذي تمزق قلبها بكاها/يامك ترا النفاس يسبب اكتئاب لا تشرهه عليها..

رشا رفعت راسها وناظرت والدتها وجها وعينيها متفجره بالحمار من شدت البكاء..

صرخت من بين شهقاتها المتقطعة/ لا احسن قولي اني مجنونه عشان رضا عساف حطي العيب كله فيني هو ماخطى عادي يحب ويخطب ويسوي كل شي براسه وانا عيب افتح فمي بكلمه؟..

انتصار تنظر بها بحنو/ البكا ماهو زين لك يضر صحتك خلاص هدي نفسك..

رشا تحرك انفها الصغير المحمر بظاهر كفها بعنف/وانتم وش عليكم بصحتي ان شاءالله اموت وفتك منكم..

انتصار انتفضت بجزع/ بسم الله عليك لا تقولين كذا..

عساف اقترب لرشا انحنى وحمل هاتفه من جوارها على السرير خفت لها من بين اسنانه/ ترا اللي انتي جالسه تسوين ماهو من صالحك ابد..

رشا ناظر به بانفجار/ تهدد بعد وش تنتظر طلق يلا اذا انت قد كلامك طلق وبرد قلبك وقلب ام راشد فيني..

عساف امسك حنكها ثم اصمتها بقبلة على شفتيها رغماً عنها غير مستجيب لضربها على صدره بنفور..

حتى انه لم يهتم بجود انتصار الذي خرجت من الصاله بحرج تريده يفعل مع رشا مايشاء لتهدى قليلاً.

عساف بالبداية كانت قبلة هادئ ليصمتها فقط لكنه من لمح انتصار خرجت تعمق بحدود الهلوسه..

رشا مازالت تقاوم تريد الابتعاد لكنها عجزت عنه هو مسيطر عليها بقوته ولهفته حتى انتهت طاقته..

عساف ابتعد رفع راسه لسقف نفخ با اوف عاد وناظر بها وهي تنظر له و انفاسها تسارع بغضب..

رشا خفتت من بين اسنانها وعينيها غارقه بدمع/ والله يا عساف لندم على كل شي سويته معي والله..

عساف بلل شفتيه الملتهبه بلسانه/ انتي ارجعي الحين وسوي اللي براسك خليني اندم قد ماتبين..

رشا دفعته مع صدره وهي تشهق باكيه/ بتندم بتندم..

عساف ناظر بها بارهاق/ وش اللي تبينه بضبط قولي للي رشا انا تعبت منك..

رشا مازالت تبكي/ تعبت مني مانت مجبور علي..

عساف تنهد بضيق/شوفي تفكيرك وين وداك اقصد تعبت من سلوبك وزعلك اللي طول كثير..

رشا توقف وهي تحاول تبعده من طريقها كي تهرب من قربه كانا شديد القرب/ ابعد..

عساف اقترب حتى لزق بها/ واذا مابعدت وش بتسوين؟..

رشا توترت من قرب جسده لجسدها/ انت ماتفهم ابعد..

عساف بجمود/ للاسف مافهم..

رشا عادت جالسه على السرير/ وسخ..

عساف ناظر بها بنصف عين/ يا زينها من فمك..

رشا تفرك اناملها بعض/ حط لها حظر الحين..

عساف قطب/ من؟..

رشا عادت تنظر به/ ماغيرها ام راشد اللي كنت بطلقني عشانها..

عساف تنهد بضيق ثم زفر/ اتركي المره عنك تراها بظروف صعبه اتقي دعوتها..

رشا عضت شفتيها بقهر/ هي اللي خلاها تتقي دعوتي تراي فاهمه حركاتها تبي تستضعفك لين توصل اللي تبيه..

عساف ضع هاتفه بمخباه ثم عدل اكمام ثوبه/ احسني الضن بالناس ترا بعض الضن اثم..

رشا رفعت حاجبها بتسال/ من الاخر تبي تحط لها حظر ولالا؟..

عساف بحزم/ لا..

رشا عطته نظره/ طيب خل تنفعك..

عساف داعب انفها بطرف انامله/ ترا غيرتك زيادة عن اول حتى انك صرتي تصرفين غلط..

رشا ابعدت يده من وجها وهي تشيح بوجها عنه عساف ردف بتماسك/ بروح اصلي وطلع المكتب اذا تبين شي ارسلي علي..

رشا لن ترد عليه وهي تتبعه بنظراتها حتى خرج من الباب لتعود باكيه بشعورها بندم العميق…

بسبب انفعالها على والدتها لاول مره من اجل غيرتها على عساف الذي لم ياتي بمكانة والدتها وقدرها..
—————————————————————-
سويسرا..

بثينه فتحت عينيها بنعاس ادارة راسها تنظر حولها بدات تان من شعورها بالم راسها و نحرها وكتفيها..

قطبت وهي تتذكر ماحدث ليلة البارح من وحشية كايد لتقفز جالسه وتنظر للجهه الاخرى من السرير..

كانا خاليا ليسا موجود لتعود وتمدد بكسل وعينيها تعود للبكاء الذي صاحبها من طول السنين..

احياناً تندم كثير لكسرها الحواجز مع بعض لا تقصد كايد بسؤ ولكنه يسعدها مره ويحزنها مراراً و تكراراً..

انفتح الباب ودخل كايد بارهاق وخمول بسبب السهر والتفكير يحمل بيده كيس من اطباق الفطور..

عينيه كانت تراقب عيني بثينه بتوجس كانه يريد يرا ردة فعلها من بعد ليلة البارح هل مازالت خائفه؟..

لكنها ثارت استغرابه بصدها عنه وعدم اعطاه الحريه لنظر بها وتفهم افكارها..

كايد ضع الكيس على الطاولة خلع البلوفر والحذاء و اقترب جلس على السرير من الجهه المجاوره لها..

سال بحذر خافت/ شلون صرتي؟؟..

بثينه بجمود/ زينه..

كايد بذات الحذر/ قومي تريقي من امس ما اكلتي شي؟؟..

بثينه مازالت صاده بجمود/مو مشتهيه..

كايد مد يده وادر وجها له ناظر عينيها بحنو/ زعلانه؟..

بثينه ثبتت عينيها بعينيه مباشرة/ وش رايك يعني؟..

كايد هتف بنبرة نادمه مرهقه/ والله يا بثينه اني عجزت لا تذكر شي مادري كيف صار كذا لكن اللي انا متاكد منه اني غلطان..

بثينه تكسر النظر وتصد منه/ اهم شي معترف بغلطك..

كايد اقترب لها اكثر حاوط كتفيها/ اي والله معترف وحاضر باللي يرضيك..

بثينه هزت كتفها معنى ابتعد وهو احترم رغبتها وابعد ذراعه حال الصمت بينهما لثواني..

كايد من كسر حبل الصمت وهو يخفت بحيره/انا مادري وش فيني احس تعبان حاولت انسى الماضي وعيش باقي العمر مرتاح بس مادري ليش يصير كل هذا..

بثينه تعود النظر به بوجع عميق/كايد للاسف انت ماراح تغير كان عذرك الطب وتركته والحين وش عذر انا اتوقع انك كارهني انا ماهو الطب..

كايد قاطعها بصرامة/ لا بثينه يشهد الله اني احبك انتي بنسبه للي ثالث والديني بس انا كتمت سنين والبارح انفجرت فيك..

بثينه تنهد بقلة صبر/ انا خلاص تعبت ماقدر اتحمل اكثر من كذا لازم ننهى القصه ونرتاح..

كايد ناظر بها باستفسار/ شقصدك؟..

بثينه بثبات/ الانفصال هو الحل بينا مدام ما بعد جبنا اطفال..

كايد قفز واقف جوار السرير بشكل سريع/ الف مره قلت لك الانفصال ماراح يصير مهما كان بينا..

بثينه زفرت بحده/ تبي اقضي باقي عمري بضيم كفايه السنين اللي راحت عشت فيها انواع الظلم..

كايد عاد جالس خفت بعتاب عاشق/ هذا كلامك انتي يا بثينه ماتبين تعفين عن غلطه وحده عشان الحب اللي بينا..

بثينه رفعت حاجبها بتعجب/ سبحان الله صرت انا اللي ما اعفي عن غلطه وصبري على اغلاطك و حقدك تسع سنين عشان مجرد شهادة؟..

كايد ينهى النقاش/ اتركي الماضي وخلينا بالحاضر زعلانه انا مستعد ارضيك بدم قلبي تسمعيني بدم قلبي..

بثينه تافف بضيق/لو راضيتني اليوم بترجع بكرا تسوي فيني اعظم من قبل الظاهر ان تعذيبي متعتك بالحياة..

كايد شدها لحضنه دفن راسها بصدره وهو يهمس بشجن/ انتي بكبرك متعتي بالحياة ارضي بثينه اوعدك ماتكرر..

بثينه همست وهي مدفونه بصدره/ كايد تبي حياتنا تستمر مع بعض انا موافقه بس بشرط..

كايد تنهد بحب/ تدللي..

بثينه ترفع راسها وتنظر به كي ترا ردة فعله/ نكون اصدقاء فقط يعني لين اتاكد انك تغيرت ونسيت الماضي..

كايد قطب بغرابه/ مافهمت كيف اصدقاء؟..

بثينه بحزم هادئ/يعني اصدقاء مابينا اي تواصل من اي ناحيه باختصار عشان ماجيب عيال يربطونا بعض..

كايد برفض تام غير قابل لنقاش/ لا طبعاً مراح اطاوعك على خبالك انا انحرمت منك سنين ويوم قربتي للي تبين تبعدينا؟..

بثينه زفرت بحده/ كايد انحرمت مني برادتك ماحد غصبك على شي حتى يوم كنت احاول فيك تصدني والحين انا من حقي اطلب وانت تنفذ غصبن عليك..

كايد طارت عينيه/ غصبن علي بعد!!..

بثينه بثقه/ ايه لانك بين خيارين يا الانفصال ينكون اصدقاء وانت اختار..

كايد يحاول يغير الفكره من راسها/ بثينه والله عيب اللي تقولينه يعني شوي صعبه كيف ننام مع بعض وكذا مادري وش اقول بس مو مقتنع..

بثينه تنظر به بوجع اعمق/ كايد لا تنسى اللي سويته معي رجا احترم قراري كفايه حتى الوظيفه تنازلت عنها عشانك وانت ماتبي تنازل عن شي؟..

كايد تنهد بضيق شديد/ طيب حاظر باللي تبينه بس لامتى وننتهي من الدراما هاذي؟..

بثينه فتحت عينيها على وسع/ دراما؟..

كايد بثقه/ طبعاً دراما اجل كيف نكون اصدقاء وحنا ازواج؟..

بثينه زعلت بجد/ تدري كايد الكلام معك ضايع للاسف..

كايد تماسك ثم زفر بهم/ خلاص عاد قلت لك موافق..

بثينه عطته نظره قارصه/ من ورا خشمك..

كايد ابتسم بثقل/ تمونين يالغاليه..

بثينه صدت عنه كايد مسد ظهرها بكف يده العريضه بحنو/ طيب قومي تريقي معي ترا حدي جيعان وادري انك جيعانه بعد..

بثينه تنهض واقفه/ بغسل وجي..
—————————————————————-
بالاستراحه..

عزام كان بالمقلط مشغول مع العمال بتجهيز صحون عشاء الضيافه المتكامل على الطاولات..

واجب لطلال طالب له ذبيحه من اشهر المطاعم وعزم جميع اصدقائه بالاستراحه..

بصاله عند الشباب عبدالله يهتف بتقدير/ طلال ترا حنا ارتحنا لك نبيك معنا بالاستراحه نجتمع من بعد الساعه عشر لعب ورقه وناسه للفجر..

طلال ابتسم بود/ والله انه شعور متبادل حتى انا ارتحت لكم ابد حسبوني واحد منكم..

سيف صديقهما/ تدري ان عبدالله هو بس اللي يجي الساعه عشرة لان عنده استراحه ثانيه حنا من المغرب مجتمعين..

عبدالله يضحك/ ياخي الاستراحه الثانيه دكاتره ومدرسين نظاميين ينامون بدري يصحون بدري ماهو مثلكم سرابيت..

مشعل صديقهما الاخر بتدخل/ اكبر سربوت انت اللي تنقل مابين الاستراحات ماوراك بيت؟..

عبدالله مازال يضحك/ عندي بيت بس ماعندي مره تمسكني..

طلال بعفويه/ ليش ماتزوجت وش يمنعك؟..

سيف بمرح/ ماحد يقبل فيه كل ماخطب وحده تطرده..

طلال بنيه حسنه/ صدق ليش؟..

مشعل وسيف انفجرو ضاحكين/ههههه..

عبدالله يضحك/ الله يقلع ذا الوجيه شوهتم صورتي عند الرجال..

طلال ابتسم/ لا حشاك بس احسبه صادق..

عبدالله بمرح لطيف/ لا ابشرك كل اللي بالاستراحه كذوببن لا وسروقين بعد يعني لاجيت فض مخابيك..

طلال انفجر ضاحك/ هههه يادافع؟..

عزام دخل وهو فاسر اكمام ثوبه/ حياك يا طلال على واجبك والله ان حقك اكثر..

طلال نهض واقف باحترام/ ابقاك الله يا بو فهد والله ان ماله داعي الكلافه بس انت الله هداك ماحد يقدر عليك..

عبدالله وقف وعينيه على عزام بصداقه وافيه/ الجمعه الله يحيكم على العشا سلامة عزام وتراها عزيمه عامه بعزم فيها القريب والبعيد..

عزام حلف برفض صارم/ والله ما..

عبدالله قاطعه بصرامة اعمق/ والله ماتكلم ولا تردني هذا اقل شي اعبر فيه عن فرحتي بسلامتك..

عزام اقترب له محاول بان يغير رايه/ انا طالبك يا عبدالله من الكلافه..

عبدالله باصرار/ يارجال علي بالحرام ماترد عزيمتي انتهينا بس..

سيف بتدخل/ خلاص يا عزام الرجال حلف..

عزام تنهد باستسلام/ تم لو ماودي بالكلافه..

طلال بغرابه/ سلامته من ايش عسى ماشر؟..

عبدالله بحزن/ له سبع شهور بغيبوبه من حادث ورحمة الله كبيره قومه بالسلامه..

طلال انتفض بصدمه/ اسالك بالله انك صادق..

عزام ابتسم/ يارجال انا بخير تعال بس تعش تعال..

طلال يتقدم معه وهو يخفت بعتاب/ افا يا بو فهد كنت بغيبوبة ماقلت للي من اليوم وانا معك؟..

عزام يقدمه على العشا/ اقول اقلط بس على الشحم وخل عنك غيبوبتي..

من بعد العشا بدات سهرة الشباب ولعب ورقه على براد شاي وسوالف شبابيه لطيفه..

حتى اذن الفجر صلو جماعه ثم كل واحد غادر بيته بسيارة عزام كان برفقته طلال كي يوصله لبيته..

طلال بتردد/ عزام بسالك؟؟..

عزام ناظر به/ اسلم؟..

طلال باهتمام/ منهو من خوياك الي تقول اخو البنت اللي انت طلقت..

عزام قطب/ عبدالله ليش؟..

طلال ابتسم براحه/ ونعم فيه بس انا فكرت بالموضوع والسالفه جازت للي ابيك بس تساله بينكم كان وافق بجي اخطب اخته..

عزام ابتسم بتعجب/ يارجال ماسرع تفكر وانت من اليوم معنا لا تستعجل طلال استخير ترا هاذ زواج مو لعب..

طلال باصرار/ ابد انا مقتنع و خوياك رجال شرواك..

عزام بحزم/ شرواك الطيب ابد باذن الله اكلم عبدالله هاليومين ورد عليك..
————————————————————-
تحياتي(شغف)..

سلاااااامتك ماتشوفي شر

جربي المغنيسيوم ينفع للصداع وقدامك العافية


مرة كثير كل اربع ايام حبيت من بعد العيد صار شبه يومي
صار روتين كل صباح اقرا🥺

سلامات ياعسل اجر وعافية
واحنا منتظرينك ومعاك دايم بالتوفيق
رحم الله وغفرله وجعل قبره روضة من رياض الجنة واسكنه الفردوس الاعلى وامواننا واموات المسلمين