يسلموووو ياعسل الله يعطيك الصحة والعافية

رحم الله والدك وغفرله واسكنه فسيح جناته وجعل قبره روضة من رياض الجنة وامواتنا واموات المسلمين

اسعد الله مساكم بكل خير…مما يجعلني انزل البارتات باستمرار لاني ماحب اتركم بطريق الانتظار..والله من انتهي من كتابة بارت نزلته لكم فوراً..بنات انا بحط لكم حسابي وتباد جديد بدات فيه من يومين..واحتاج دعمكم من اجل انزل فيه روايتي الثالثه اللي والله انها بدات تقتحم عقلي بتفاصيلها..بس انتهي من بين الماضي والحاضر..وتفضى لها..

حسابي وتباد..shosho-1213
…
..
.

روايه بين الماضي والحاظر..

للكاتبة (شغف)

-/البارت الثاني و السبعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..


المستشفى..

كان فهود بين ايادي الدكتور يحاول ينزل حرارته فهو بسن صغير لا يناسبه العلاجات و الابر؟..

عساف معه بكل خطوه ويده على قلبه فهو حقاً كان يريد هذا الطفل من اجل ربط العلاقه بينه وبين رشا..

لكن الان من بعد ما اعتاد عليه بظرف سبوعين حبه من اقصى روحه لايريد يخسره مهما كلفه الامر..

انتصار تشتت مخها وتعبت اعصابها بسبب اتصلات رشاء المتواصله تسال عن صحة ابنها ماذا حدث له؟..

كانت انتصار تطمنها بانه لاباس له مجرد حراره وسوفا يعود معها لكن رشا لم ترتاح قلب الام كانا مشغولاً..

تعود وتتصل وتسال وتحرص وتبكي وتذم بانهم لم يسمحون لها ترافقهم للمستشفى بعذر انها نفاس..

ثم تهدد بان تاتي مع السائق و انتصار تنبها بان عساف سوفا يقتلها لو فعلت ذالك لعلها تخاف وتسمع الكلام

الدكتور يهتف ببتسامه رسميه/ البيبي اموره تمام بس كانت حرارته مرتفعه والان نزلت الحمدلله..

عساف بتسال مهتم/ طيب لو ارتفعت كيف ننزلها بالبيت؟..

الدكتور بساطه/ كمادات افضل شي للي بسن صغير..

عساف بامتنان رسمي/ مشكور الله يعطيك العافيه..

الدكتور مد الورقه للممرضه/ الله يعافيك تفضل مع الممرضه لدفع الفاتوره عند الاستقبال..

عساف ينظر بانتصار الذي تحمل فهود خفت بهدو/يلا ندفع الفاتوره ونمشي..

انتصار تتبعه وهي تحضن فهود الصغير على صدرها بامومة/الحمدلله اللي رجعه لامه بسلامه كلتي قلبي وهي تحاتيه..

عساف ابتسم/ هي الله يهداها مافيها صبر..

انتصار بحنو خالص/ لا تلومها قلب الام الله لا يفجع قلبها عليه..

عساف تنهد بعمق/ امين..

انتصار توقف مسافه قليلاً بانتظار عساف الذي واقف امام الاستقبال يدفع فاتورة العلاج..

لكنها استدارت بخرعه من ندا رجل خلفها/ام رشا؟..

انتصار نظرت به ثم هتفت بحنان/ هلا طلال يامك..

طلال قبل راسها ببتسامه/ شبهت عليك قلت بتاكد شلونك عسى مافيك شر؟..

انتصار بموده عميقه/ الشر مايجيك جايبه ولد رشا تعبان الا انت عسى ماشر عليك؟..

طلال كانت عينيه على الطفل الذي بين احضانها بوجع/مشاءالله رشا ولدت؟..

انتصار تنظر به بموده حانيه/ اي ولدت وعقبال مانشوف عيالك عن قريب..

ثم ردفت بعتاب/وتراي زعلت عليك جاي ولا اتصلت وعلمتني اشوفك بصدفه؟..

طلال تنهد معتذر/ والله مالي الا كم يوم بالسعوديه حقك علي يا الغاليه..

انتصار توصيه بامومة/ تكفى يا طلال كان للي معزة عندك لا تقطعني تراي مقام امك..

طلال قبل راسها بود عميق/افا عليك انتي امي ابشري اجيك هاليومين بس مادل البيت اللي نقلتي فيه؟..

بهاذي الحضه اقترب منهما عساف وهو عاقد حاجبيه ومن تعرف على الشخص ضاق صدره لكنه اخفى ذالك

طلال ناظر به تنحنح بحرج/ احم مساك الله بالخير ابو؟..

عساف تقدم له كي يسلم عليه/ ابو فهد..

طلال سلم عليه/ الله يحفظه لك شلونك طيب؟..

عساف برسمية حازمه/ الحمدلله بخير انت اخبارك عسى ماشر عليك؟..

طلال يتصنع الثبات/ مايجيك الشر ابد تو بادي عمل موقت هنيه بالمستشفى..

عساف بمجاملة اقرب لرسميه/ زين ماشاءالله بالتوفيق..

طلال ناظر في انتصار بود/يا عمه لا فضيت هاليومين اسير عليك؟..

انتصار احتارت ماذا تقول بوجود عساف فالبيت بيته تخشى بانه لايريد استقبال طلال وهي لا تريد احراجه؟

عساف فهم مايدور بالها لذالك هتف بحزم/حياك الله يا طلال بي وقت البيت بيتك..

طلال ناظر عساف بتفحص انيق وسيم ملفت الانتباه تنهد وهتف بهدو/ ابقاك الله يلا استاذن ماتشوفون شر..

بسيارة عساف بطريقهما للبيت كان صامت وانتصار تشعر بحرج تعلم بانه متضايق من عودت طلال..

والسبب في كل ذالك هي رشا الذي تستفزه بتقصد والان لو علمت بوجوده لزادت العيار كي تقهر عساف..

عساف هتف بحزم ودود/ تبين شي يا عمه قبل اوصلك البيت؟..

انتصار نظرت به بتقدير عميق/سلامتك الله يطول عمرك..

عساف هتف بثقه لاتخلو من سياسته الخاصه/ ترا البيت بيتك يا عمه انا حاط لك مجلس خارجي تستقبلين محارمك فيه سوا كان طلال او غيره بعيد عن البيت الداخلي وعن رشا..

انتصار فهمت مقصده هتفت بذات التقدير/ الله يكثر من امثالك يابو فهد ابد باذن الله كل ضيف وله حده ما يتجاوز المجلس الخارجي..

عساف بحزم باسم/ لا تشاوريني بضيوفك بيتك وانتي راعيته تستقبلين اللي تبين واللي ماتبين اطرديه..

انتصار تبتسم بهدو/ لا ان شاءالله ما اطرد احد اللي يجي عسى الله يحييه واللي يروح بسلامته..

رن هاتفها من رات الاسم تنهدت بعمق/ ياربي يا هالبنت اقولها جايين بس ماهي مصدقه..

عساف بحنو شفاف/ ردي عليها قولي قريب..

انتصار ردت عليها/ هلا ماما رشرش..

رشا من بين شهقاتها/ يومه ليش ماتقولين الصدق ولدي شفيه ليش تاخرتم؟..

انتصار بحنان خالص/وين تاخرنا الله هداك ترا كلها ساعه وهذا حنا قريب البيت..

رشا بعدم تصديق/ احلفي انك قريبه وفهد معك احلفي..

انتصار بحلف باسم/ والله اني قريبه و قردك معي اللي اشغلتينا عليه..

عساف انفجر ضاحك/ هههههه..

رشا توترت من وصل سمعها صوت ضحكته الرجوليه/ طيب انتظركم..

منذا وصل عساف وفتح لانتصار الباب وهي تحمل فهود بين يديها كانت رشا باستقبالهم تقترب بجزع..

هتفت بصوت مبحوح من كثر البكا/ وين فهودي؟..

انتصار تمده لها ببتسامه حانيه/ هذا فهودك طيب ولا عليه خلاف..

رشا تحمله وتحضنه على صدرها وتقبل خديه وانفه بشغف/حبيبي كان قلبي راح يوقف عليك ليش تاخرت على ماما؟..

انتصار تطمنها بذات الحنان/ ماعليه الا العافيه يامك بس حراره بسيطه ونزلت الحمدلله..

رشا رفعت عينيها كي تسالها لكن صمتت من رات نظرات عساف المولعة بها حركاتها البرئه مع فهود..

ماكانت الا نار ولعتها ذوبت كل خليه من خلاياه يريد هو يحضنها كما تحضن ابنها يقبلها كما تقبل ابنها..

يهمس لها باشتياق يعبر عن حبه يبلغها بحرارة لهفته ورغبته الذي تضوي بقلبه لكنه تعود على التماسك..

وهو يهتف لانتصار بحزم بالغ/ انا بمشي الان وترا جوالي عام لو ارتفعت حرارة فهود اتصلي فيني ضروري..

انتصار بتقصد/وين تسري بذا اليل نام عندنا البيت بيتك..

رشا مركزه عينيها على عساف تنتظر رده بلهفه لا تعلم هل ستقبل الامر لو نام اما انها سوفا تنفعل عليهم؟؟..

عساف حاول يسيطر على نفسه كي لا يرا ردة فعلها هتف بثبات/تنام عندكم العافيه تصبحون على خير..

من اتجه الباب رشا زفرت بخفوت/ شفتي مايبي حتى ينام عندنا..

انتصار اتسعت عينيها بصدمة/ والله انتي غريبه الحين لو رضى ونام عادي عندك؟..

رشا تبتعد وهي تحضن فهود على صدرها بحب/لا طبعاً راح اطرده..

انتصار هزت راسها بياس/ الله يكفيك شر نفسك..
————————————————————-
جمانه وقفت بصدمه غاضبه/ نعم يبي يردني بالقوه ليش يحسب اني على كيفه؟؟..

منصور يحاول يسيطر على غضبها/ ماهو بكيفه الراي الاول والاخير لك بس انا ماحبيت اسكت لازم يكون عندك علم بكلامه..

العنود تشعر قلبها مقبوض/ انا مادري ليش ماني مرتاحه لعناد جمانه و اصرار عزام عليها..

جمانه تعود جالسه وهي تزفر بغبنه/ماهو عناد يومه بس ماقدر اجبري نفسي اعيش مع واحد مهبول..

العنود تنظر بها بنصف عين/ كلكم مهبل الله يخارجنا منكم ومن شركم بس..

منصور ينهض واقف استعداد للمغادرة/ على العموم لا تردين على اتصالات عزام لين تهدا الامور اذا انتي مصره على الطلاق انا اتفاهم معه..

جمانه باصرار واثق/ ايه مصره ومابي غير الطلاق وبس..

منصور اتجه الباب/ يجيب الله خير..

العنود تنظر في جمانه برجا عميق/ تكفين يا جمانه عطيه فرصه ثانيه الرجال واضح انه شاريك ولا هو مرخصك..

جمانه تالمت حقاً لكنها وقفت بتهرب/ الله يرزقه باللي تصبر على جنونه وانا يرزقني باللي يعوضني عن سنين عمري اللي راحت..

العنود تنظر بها وهي تبتعد/ الله يصلح حالك..
————————————————————
يوم جديد..

عزام منذا ليلة البارح لم ينم يتقلب على جمر يغلي غضب بسبب جمانه يفكر ماذا يفعل معها؟..

فهي حقاً صدمته صدمة هائله بانها لم تخاف وهي تضع منصور حمايه لها لم تاخذ درس من قبل؟..

وهي تعلم بان عزام لايهاب ولا يخاف من احد سيضحي بنفسه من اجل مبتغاه تريده ان يتصرف معها هي وخالها بجنون؟..

جنونه لجمانة لا يعرف الطب للهوا دواء جنونه بها يجعله يقفز لها وهو بكامل قواه العقليه..

للجنون درجات واجملها الرجل حينما يحب بصدق فاحب جمانه اتاه من غير اسباب فهذا قدره وقدرها..

عزام خرج من جناحه وهو مازال مواصل لم يغفي دقيقه ملامحه وعينيه واضح عليها السهر والغضب..

صادف والديه بصاله حاول ان يكتم غضبه حتى لو كان ليسا بطبعه الكتمان لكن من اجل مليحه..

الذي سمعها وهي تحادث فهد بحماس بتجهيزات سلامة عزام وتمايم ابن عساف لايريد يكسر فرحتها..

عزام تقدم لهما هتف بارهاق/صباح الخير..

فهد ابتسم بترحيب/يا صباح النور ماشاءالله صاحي اليوم بدري ماهو من عوايدك؟..

عزام يجلس بذات الارهاق/ نمت البارح بدري..

مليحه بتركيز عميق/ بس وجهك مايقول انك نايم الا شكل النوم ماطب عينك..

عزام ناظر بها بعين ذابله من السهر/ نمت حول ساعتين..

مليحه صمتت بعدم تصديق فهي ام مهتمه ودقيقة طبيعي لم يفتها سهر عيني ابنها وملامح الكتمان عليه

فهد يهتف بحزم/ ترا باذن الله حجزت منتجع كبير يوم الخميس الجاي سلامتك وتمايم حفيدنا..

عزام هز راسه مساير/ على خير ان شاءالله..

عساف نزل الدرج بخطواته الثابته ونظراته الواثقه بين انامله مسباح ذهبي محفور كتابة باسم (ابو فهد)..

اقترب وعينيه تنظر في عزام بتوعد/صباح الخير..

الجميع/صباح النور..

فهد بتسال ابوي/ عندك شغل اليوم ولا ابي اوكلك على شغله مهمه..

عساف بحترام عميق/امرني بس؟..

فهد بموده اعمق/ مايامر عليك ظالم ابي تروح مع منصور بعد العصر تشترون حشو للحفل..

عساف بحزم هادئ/ اروح انا وعزام منصور ماله داعي نكلف عليه..

فهد بذات الحزم/ منصور ولدنا ولا عليه كلافه هو تكفل يجيب الحشو على نظره بس ابيك تروح معه..

عزام بزفرة غاضبه/خله يشتغل بشي يفيده بدل ماهو حاشر نفسه بشي مايخصه..

عساف اعطاه نظره حارقه/ اقول تلايط انت تراي ماسك نفسي عنك بالقوه..

عزام وقف بذات الغضب اقرب للانفعال/ لا تعال اضربي احسن عشان منصور وبنت اخته؟..

عساف شعر بغضب شديد بالغ الشده وهو يحمل علبة المنديل ويرمي عزام بها حتى ضربت صدره..

زفر من بين اسنانه/واكسر خشمك واطى على بطنك عشان تعرف تحشم اللي اكبر منك..

فهد وقف بصدمه كاسحة/ انتم شفيكم وش صاير؟؟..

عزام كان مضغوط نفسياً وجسدياً من قبل والان اتى عساف واكمل عليه حتى شعر دماغه تفجر..

هتف بتهور مغلف بثقه واصرار/ اسمع يا عساف هذا انا اقول لك قدام ابوي و امي لا تدخل بينا وتصير محامي لمنصور وجمانه تراي يمين بالله لافعل شي مايرضيك لا انت ولا هم..

عساف اتسعت عينيه شرارا/ انت اللي اسمع احشم نفسك واحشم الناس تبي بنتهم رجعها بالاصول ماهو بالقوه والعناد تراي بوقف بوجهك..

فهد بصرامه بالغه/ بتقول انت وهو شفيكم ولا ترا طلعت الكلام من حلوقكم بالقوه؟..

مليحه توقف بقهر عميق/وش فيهم غير رواف وبنته مايجي من وراهم الا المشاكل الله يبعدهم ويفكنا منهم ومن شرهم..

عزام هتف بحده حازمه/عساف و منصور يبون يوقفون بوجهي عشان مارجع مرتي الظاهر انهم بعد ما عرفوني عدل لابغيت الشي اخذه غصبن عليهم..

عساف حاول يكتم غضبه من اجل والديه وهو يرص على الكلمه/ تخسي وتعقب على الحرام ماترجعها الا برضاها ورضا منصور..

عزام بقهر مختلط بعتب/ افهم انك تبي توقف معهم ضدي؟..

عساف بحزم متماسك/ لا تحدني على الرد يا عزام ترا اللي ما رضاه على اهلي ماني براضيه على اهل منصور..

فهد بتدخل غاضب/ البنت اذا ماهي راجعه لك ماحد غاصبها تبينا نسحبها مع رقبتها غصب؟..

عزام اتجه الباب وهو يهدد بصرامه/ انا اوريكم وعلمكم وش راح اسوي..

عساف يراقب عزام حتى خرج من البيت ثم عاد وناظر في والده محذر/ يوبه ولدك هذا ترا بيجيب لك مصيبه..

فهد تنهد بطولة بال/ انا مادري متى بخلص من رواف وقربته..

مليحه تجلس وهي تكتم بكاها/ حسبي الله ونعم الوكيل على من كان السبب..
————————————————————-
سويسرا..

وقت الظهر..

كايد وبثينه لتو يعودون للجناح من بعد قضى صباح اليوم بالافطار بشهر مطاعم زيورخ ثم اتجهم البحيرة

كانو طول الوقت يشبكان اناملهم ببعض بثينه تحدثه بلطف عن اجمل الامكان والسياحه بسويسرا..

وهو يستمع لها باعجاب من ثقافتها العاليه كيف انها خصصت وقت للقراء والاطلاع على عديد من الدول؟..

كايد ارتدى له شورت سكري وترك صدره عاري رمى ثقله على السرير وهو يتافف بتعب/اوف اوف تكسرت عظامي من الهروله..

بثينه تقترب له وهي مرتديه بجامه بالون البندقي هتفت ببتسامه/ ماحد قال لك لف البحيره كلها وانت تهرول..

كايد ينظر بها بخمول/ وانتي ليش ما تهرولين معي ماعندك لياقه؟..

بثينه تمدد جواره لكنها تركت بينهما مسافه وهي تهتف بغرور عفوي/ الياقه كلها عندي جسمي مرسوم رسم الحمدلله بخلقة الخالق..

كايد صمت وعينيه تبحر بها بغموض بثينه من استوعبت ما قالت شعرت بالحرج الشديد..

توترت من نظراته الغامضه تنحنحت ثم زفرت/ احم ننام عشان نصحى العصر؟..

كايد فتح ذراعه هتف بيقين/ تعالي بثينه..

بثينه اتسعت عينيها/ وش اتفقنا عليه؟..

كايد بحزم هادئ/بس بضمك ترا ماني مراهق عشان تخافين مني..

بثينه رقمته بنظراتها القارصه/ المشكله ان المراهق اشوى منك..

كايد تنهد بوجع/ لا تحاتين تراي متعود اتحكم بنفسي بس تعالي..

بثينه اقتربت ضعت راسها على صدره اغلقت عينيها بسكون من حضن كتفيها كايد بذراعه وشد احتضانها

بثينه بدات تمسد صدره العاري باطن كفها بنعومه كم اشتاقت له حتى وهو قريب منها بودها تدخل بضلاعه

لكنها لم تبين شوقها حتى لايكون له عذر بان يهدم مخططها الذي هي تبنيه كي ينسى الماضي رغماً عنه..

ويتقبل الحاظر من اجلها كما تقبلت الماضي من اجله يضحي كما ضحت يتنازل كما تنازلت..

كايد همس بنبرة مبحوحه/ انتي بردانه؟..

بثينه قطبت/لا ليش؟..

كايد قبل مفارق شعرها/ ترجفين شفيك؟..

بثينه تبتعد قليلا وتنظر عينيه/ لا ما رجفت يتهي لك..

كايد عادها لصدره برفق حاني/الا رجفتي بس شكلك ماحسيتي على نفسك..

بثينه صمتت قليلا ثم خفتت تغير الموضوع/ متى تبينا نرجع لسعوديه؟..

كايد شد له نفس عميق/ السبوع الجاي عشان يمدي ارتاح كم يوم قبل دوامي..

بثينه بتفهم/ يكون افضل..

كايد اغلق عينيه بخدر/ نامي عشان نطلع العصر تسوقين..

بثينه ابتسمت بود/ من جيت وانا اتسوق صفرت حسابك اتوقع؟..

كايد بنبرة عشق/ فداك الحساب وراعي الحساب من عندي غيرك؟..

بثينه قبلت صلابة صدره بتهور/ مانحرم منك..

كايد من شعر بدفى شفتيها على صدره تكهربت مشاعره وزادت حرارة انفاسه و اعتلت دقات قلبه..

بثينه شعرت بكل ذالك وهي تلعن نفسها هاذي ثانيه مره بنفس الساعه تاتي بالعيد فهي تعلم بانه رجل بالغ

وقادر يتحكم بنفسه لكنها تعلم كذالك بان المشاعر ليست بيده لا تريده يكون ضحيه لعفويتها..

بثينه ابتعدت عن حضنه وهي تلويه ظهرها باخر السرير/ بنام..

كايد لم يعترض بالعكس فعلت فيه خير لانه تعب وهو يسيطر على نفسه وهي بعيده فكيف لما تكون قريبه؟.
———————————————————-
عساف اتجه بيت انتصار كي يطمئن على صحة فهود وهو مازال منفعل بسبب الحوار الحاد بينه وبين عزام..

من اقترب قطب بغرابة من راء سياره غريبه صافطه بالمواقف امام بيته لا يعلم من زائر لهما؟؟..

وقف سيارته ونزل وكل توقعه بان تكون وحده من صديقات رشا اتيه لزيارتها لكن لايمنع ذالك بان يتاكد

فتح الباب ودخل وهو يتنحنح بثقل/ احم احم يا اهل الدار؟..

اتاه صوت رشا منادي/ ادخل مافي احد..

عساف ثارت استغرابه و فضوله لم يكن به زوار اجل من تكون له السياره الواقفه امام البيت؟..

اقترب لصاله كانت رشاء جالسه لوحدها على السرير وفهد نايم بسريره جوارها هتف لها بالسلام..

ثم سال بحزم شديد/من سيارته اللي برا؟..

رشا تنظر له بخبث/ سيارة طلال ولد عمي..

عساف شد على اعصابه بتماسك/وينه طلال ولد عمك؟..

رشا بذات الخبث/ بالمجلس الخارجي عند امي..

عساف رفع حاجبه وزفر من بين اسنانه/ متى جا؟..

رشا هزت كتفيها برود/ ماذكر ساعه او ساعتين..

عساف تجاهل خبثها وبرودها بمزاجه تقدم لفهد انحنى وقبل جبينه ثم سال باهتمام/ شلون حرارته؟..

رشا تنظر به بنصر تعلم بانه يغلي بالغيرة/ زينه..

عساف اعتدل واقف وهو ينظر بها بدقه/وانتي شلونك؟..

رشا رفعت حاجبيها بتعجب/ بدري ليش تجامل وتسال عني؟..

عساف بتوجس حازم بالغ الحزم/ اجامل من بضبط؟؟..

رشا زفرت بحده/ تجامل نفسك وتجامل غيرك..

عساف هتف بنفاذ صبر ونبرة غضب/ رشا اتقي شري تراي اليوم بذات ماني طايق احد لا ترفعين ضغطي احط الحره كلها فيك..

رشا قطبت جبينها الصغير وهي ترا ملامحه الجذابه بالفعل غاضبه حاجبيه الدقيقه معقوده بشده..

عساف جلس ضع رجل على رجل وهو يصد النظر عنها سحرته فهاوتها فيه عينيها مفتوحه وشفتيها مزمومة..
———————————————————
بالمجلس الخارجي انتصار تبتسم بفرحه/الله يتمم لك والله انه احسن خبر وصلني ونعم ماخترت..

طلال يبتسم بود/اهم شي انك تعرفينها انا والله مابعد تقدمت رسمي قلت اشاورك اول لاني ارسلت واحد من خوياي سال اخوها وقال ابد موافقين..

انتصار بود اعمق/ايه اعرفها بنت صديقتي فضيله انا ابخصها لك جمال وكمال وتربيه وخلاق..

طلال تنهد براحه/ الحمدلله هذا اهم شي بس ترا احتاج وقفتك يا عمه معي وقت الخطبه..

انتصار بحنيه صادقه/ افا عليك من غير لاتقول انت ولدي يا طلال وابشر بسعدك..

طلال نهض وقبل راسها بتقدير/الله يطول بعمرك والله انك مقام امي باول وتالي..

انتصار تنظر به بامومة خالصه/انا ماني مقام امك وبس انا امك يا طلال..

طلال يبتسم بشفافيه/ انشهد انك احسن ام بعد..

انتصار تاشر له يجلس/ علامك وقفت اجلس..

طلال بتقدير ودي/ وراي شغل والله مهم بس لا حتجتي شي كلميني..

انتصار توقف هي بعد بتوصيه/ لا خلا ولا عدم منك بس يا وليدي لاتكون هاذي اخر زياره متى مافضيت مرني..

طلال قبل راسها للمره الثانيه واتجه الباب/باذن الله مع السلامه..

انتصار وصلته للباب وهي تهتف/استودعتك الله..

ثم اتجهت الصاله رات عساف جالس بهيبه لتشعر بالحرج منه لكنها هتفت بثبات/ حي الله ابو فهد..

عساف بحزم ودود/الله يبقيك اخبارك..

انتصار تجلس على الاريكه/ طيبه طاب حالك متى جيت؟..

عساف بذات الحزم/ توي جاي..

انتصار من رات ملامحه ضايقه واعصابه مشدوده توقعت بسبب وجود طلال او ان رشا استفزته..

لاتعلم ان الف شعور متضارب يقتحمه بداخله قلقل متسع على عزام وشعور عدم الارتياح من ناحيت طلال

لذالك انتصار هتفت بتردد ربما استجعلت/ طلال كان هنيه يبشرني انه خطب ويبيني اروح معه لاهل البنت..

عساف رغماً عنه وجه نظره لرشا بفضول يريد يراء ردة فعلها صدم بانها نزلت راسها معقولة تكون حزينه؟..

تماسك لا ينفجر وهو يهتف بحزم متماسك/الله يوفقه..

انتصار ندمت شديد الندم بانها ضعت رشاء امام الامر الواقع وابلغتها بوجود عساف الذي لم يتجاوز عنها..

سوفا يدفعها ثمن حزنها الواضح واكبر دليل نظراته الحاده المشتعل بها بتوعد صارم!!..


تحياتي(شغف)..

روايه بين الماضي والحاظر..

للكاتبة (شغف)

-/البارت الثالث و السبعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..


بالمستشفى..

عزام يمشي بالممر بخطوات ثابته مقاربه للكبرياء
بينما باله مشغول جداً في جمانه وتهربها من المواجه

يتسال لماذا بات كل شي معقد بينهما ما هاذي التعقيدات ماسبب اصرارها الغريب على الطلاق؟..

مهما كان خطائه المفترض تسمع منه تعطيه فرصه يبرر يحاول يقنعها بعيد عن التهور وتدخل احد بينهما

لكن بسبب عنادها وتدخل منصور وعساف بالموضوع جنونه الذي خامد طيلة الاشهر السبعه بتاثير الغيبوبة

الان قرر ان يستيقظ بشكل غريب وهي من ايقظته
فتح باب مكتبها ودخل لتكون الصدمه غير متواجدة!!

ولكن عباتها معلقه حتى تاكد بانها مداومة اليوم خرج صادف ممرضه تحمل ملف اتيه المكتب..

سالها بحزم/ وين دكتورة جمانه؟..

الممرضه قطبت جبينها فهي بدات تستغرب منه في كل مره ياتي يسال عنها/ عند مريض الحين يجي..

عزام بحزم اعمق/ وينها بضبط انا اروح لها؟..

الممرضه اشرت للخلف/ غرفه رقم 6 على اليمين..

بهذا الوقت كانت جمانه خارجه من الحمام القريب للمكتب من لمحة عزام عادة وغلقت عليها الباب..

عزام لم ينتبه لها وهو يزفر على الممرضه بتقصد/اذا جت جمانه كلام زوج انتي يبيك مفهوم؟..

الممرضه اتسعت عينيها/جمانه مافي زوج؟..

عزام يبتعد وهو يهتف بلعانه/كيف مافي زوج انا زوج جمانه؟..

جمانه بداخل الحمام فار دمها من كلامه الذي وصل سمعها علمت انه اتي كي ينتقم منها امام زملائها؟..

لكنها لم تسمح له ان يتطاول ويفعل مافي عقله العوج لذالك اظهرت هاتفها من مخباة البالطو..

رنت رقم منصور اتاها صوته الخشن/حي الله جمانه..

جمانه تستنجده بخفوت/ خالي ابيك تجي الحين للمستشفى ضروري..

منصور قطب باستغراب/ ليش عسى ماشر؟..

جمانه بذات الخفوت/ لاجيت اقول لك كل شي المهم لا تنزل من توصل دق وانا اطلع لك..

منصور لم يفهم شيء ومع ذالك لم يسال/حاظر مسافة الطريق وانا عندك..

جمانه خرجت من الحمام وهي تلقط انفاسها برعب حقيقي دخلت مكتبها خذت عباتها على السريع..

عادت للحمام اردت العبايه دقيقتين و رن هاتفها برقم منصور معلن وصوله امام باب المستشفى..

خرجت بحذر وهي تمشي مع الممرات لمحت عزام يعود المكتب تخبت خلف الحيط كي لا يقبض عليها..

عزام من التفكير والسهر والارهاق لم يراها فتح باب المكتب قطب بشدة مستغربه و ماسرع ماغضب..

من راء عباتها ليست موجود ليفهم بانها علمت بوصوله وهربت صعق الباب بقوه فايره( جبانه)..

جمانه تركب السيارة على عجاله وهي تخفت لخالها بتوتر/ حرك يا خالي بسرعه..

منصور ناظر بها بحده/ تكلمي شفيك وش مخوفك كذا؟..

جمانه بتوتر اعظم/المجنون عزام هنيه بالمستشفى وشكله ناوي يفضح فيني قدام الناس..

منصور اتسعت عينيه صدمه فتح باب السياره وكانا على وشك ينزل لولا بان جمانه منعته وهي تمسك يده

وتهتف برجا مذيب/تكفى يا خالي لا تنزل ترا سمعتي غاليه حرك واعلمك وش نسوي..

منصور عاد وغلق الباب وحرك السياره وهو يزفر من بين اسنانه/هذا زودها عاد لازم نوقفه عند حده..

جمانة صدمته وهي تنتخي به/طالبتك يا تاج راسي ابي منك خدمه لا تردني تراي بوجهك..

منصور انتفض بالحميه هتف بثقه/ ابشري با السعد وانا ابو جميله وش تبين بس؟..

جمانه انحدر صوتها بالم/ ابي المحكمه برفع عليه طلاق قبل لا يسبب للي مصيبه بالمستشفى بعذر انه زوجي والحق معه..

منصور ليسا مقتنع بقرارها لكنه لايريد ان يرفض طلبها لذالك هتف بذات الثقه الحاميه/ ابشري ماطلبتي شي الحين نروح المحكمه..

جمانه بحرج شديد/ ادري انك تبي تضغط على نفسك عشاني وتحط نفسك بموقف صعب مع مزنه واهلها بس..

منصور بمقاطعه حازمه/ ماهو باهم منك يا جمانه و مزنه لو تطلب واحد من اخوانها يوقف ضدي بالمحكمه وقفو معها لانهم عزوتها وانتي انا عزوتك..

جمانه دمعت عينيها بتاثر/ الله يخليك للي والله انك عزوتي وتاج راسي..

منصور بموده/ اثباتك معك نروح المحكمه الان؟..

جمانه بثقه/كل شي معي..
————————————————————
رشا ستنفجر بالبكاء حقاً وهي تعاتب والدتها بانها اخبرت عساف برغبة طلال بزواج فهي كانت مخططه

ان تستخدم طلال سلاح ضد عساف لتثير غيرته وتنتقم منه لكن والدتها بعفويتها هدمت مخططها..

رشا لا تنكر بانها بالفعل حزنت على فراق طلال لكنها تتمنى له حياة سعيده فهو حقاً لم يوجعها يوماً..

انتصار تزفر باستنكار حاد/ انتي جنيتي تبين تقهرين عساف برجال غريب لا تهدمين بيتك وبيت ولدك بخبالك..

رشا باختناق لا يخلو من اياس/ بيتي منهدم قبل ادخله من انضربت على راسي وتزوجت واحد كان مصارحني انه يحب بنت الجيران..

انتصار بحزم شديد/ هذا انتي قلتيها صارحك يعني الخطاء خطاك ماهو خطاه يوم توافقين عليه من غير حتى تشاوريني؟..

رشا زفرت باختناقها الرقيق/هذاك الوقت كنت خايفه عليك وصحتك عندي اهم حتى من نفسي طبيعي بوافق بس كنت متفقه معه نتم مثل الاخوان لين تحسن صحتك لكن هو اخلف الوعد..

انتصار يعتصر قلبها على صغيرتها/ اللي فات لا تندمين عليه ماتدرين انه فعلا لو ما رحمت الله وفزعت عساف كان انا مدفونه من سنه..

رشا انتفضت بجزع/ لا تكفين يومه لا تقولين كذا..

انتفاضها هز قلب انتصار وهي تخفت بتاثر/ انا اذكرك ان الفضل لله ثم له وقف معنا لين قمت بالسلامه ولا تنسين انه كان بعد يبي يتبرع للي..

رشا غرقت عينيها بدموع خفتت بمراره/ سبق وقلت لك يومه انا ماني ناكره للجميل لكن هو ترا جرحني هاذي ثاني مره..

انتصار بحزم حاني/ بس اعتذر الرجال وهذا هو معترف بخطاه ومتحمل عنادك ولقافتك لانه يحبك..

رشا من بين شهقاتها/ مابعد انتقمت منه و طاب خاطري عشان اسامحه..

انتصار تنظر بها بتعجب/ كل اللي تسوينه معه ومابعد طاب خاطرك؟..

رشا تمسح دموعها بعنف/ ايه الجاي اعظم..
—————————————————————
بعد صلاة العصر..

عزام لتو يعود البيت من بعد مافقد الامل برؤية جمانه حتى انه جلس بسيارته امام بيتهم قريب الساعتين..

ينتظر عودتها من الدوام كي يتكلم معها بالقوه ولم يهتم في منصور الذي سوفا يكون برفقتها..

لكنهما تاخرو وهو تعب وعينيه ذبلت من السهر لذالك عاد لينام ويريح عقله من اجل ينفذ قرارته لا فاق؟..

تقدم ليسلم على مزنه الذي اتيه لزيارتهما وعينيه تلمح في عيني مليحه نظرات عاتبه غاضبه..

مزنه تنهض ببتسامه/ هلا وغلا حي الله سمي ولدي..

عزام سلم عليها بارهاق/ الله يبقيك اخبار و اخبار جميله وعزام وينهم؟؟..

مزنه هتفت بموده/ مع الخادمه يلعبون فوق انت اخبارك طمني على صحتك؟..

عزام تنهد بذات الارهاق/ انا طيب الحمدلله الا منصور وينه ماهو معكم؟..

مزنه بعفويه/ لا والله من طلع الداوم مارجع يقول عنده شغل..

عزام بغرابه/اجل من جابكم؟؟..

مزنه بذات العفويه/السايق..

عزام يوجه نظره لوالدته/يومه بروح انام الفجر صحوني..

مليحه بتوجس حازم/ وش عندك تبي تصحى الفجر؟..

عزام بحزم اعمق/عندي شغل مهم بخلصه..

مليحه صدت عنه بزعل/ يصير خير..

عزام اتجه جناحه مزنه تنظر والدتها بغرابه/وش صاير احسك زعلانه منه؟..

مليحه زفرت بقهر/ متهاوش مع عساف عشان اللي ما تنسمى خرابة البيوت..

مزنه قطبت/منهي؟..

مليحه زفرت بغبنه/ما غيرها بنت رواف..

مزنه خفتت بعتاب/يومه والله حرام تقولين عن جمانه كذا ترا هي ماتبي الا السلامه بس عزام ناشب بحلقها..

مليحه بنبرة حاده/قصدك هي اللي ناشبه لنا مالقت الا عيال الفاهد تحط عينها عليهم؟؟..

مزنه تنهدت بوجع/تكفين يومه لا تصيرين مثل ولدك ترا والله ان جمانه مظلومه..

مليحه عطتها نظره حارقه/ انتي مشكلتك مغتره فيها هاذي حيه من تحت التبن..

مزنه بقلة حيله/ الله يسامحكم بس..
————————————————————
سويسرا..

مول سيهلسيتي..

كايد ياشر على شنطه يدويه انيقه ماركه كوتش بالون البندقي وهو يخفت لبثينة/حلوه خذيها..

بثينه ابتسمت وهي تنظر الشنطه باعجاب/عاد انت ذويق بشغلات هاذي..

كايد خفت بتقصد/لو ماني ذويق ماكان اخترتك..

بثينه تضحك برقه/ خل عنك الغزل وخذ للي الشنطه..

كايد تنهد بعمق/من عيوني باخذها لك..

بثينه تسوقت وخذت هدايا لخالتها خزنه و جواهر و زيود ومخلد وزوجته وابنائه وجمانه من اثمن الهدايا..

شعرت بدوران مفاجئ والرؤيه اصبحت ضباب وهي تشد على عضد كايد/بسم الله بسم الله..

كايد انتفض بخوف عليها/بثينه شفيك؟..

بثينه مازالت شاده على عضده وهي تخفت/مادري حسيت بدوخه..

كايد حاوط كتفيها وساند راسها بعرض كتفه جلسها على اقرب كرسي جلس جوارها وهو ينظر بها بهتمام..

هتف بتسال/ عليك الدورة؟..

بثينه تنظر به بخدر/لا بس اول مره احس بهاذي الدوخه..

كايد زفر بحزم حاني/ يمكن تعب ما تجلسين ولا تاكلين شي..

بثينه تنهدت بارتياح/الحمدلله خفت الدوخه فعلا احس جيعانه..

كايد بعتاب حازم/جيعانه ولا تكلمين بثينه وش اسوي فيك؟..

بثينه تهز كتفيها ببتسامه/مادري..

كايد يوقف وهو يشدها برفق كي توقف/تعالي بنروح نطلب شي ناكله وبعده نطلع الفندق ترتاحين..

بثينه تمشي جواره و اناملها مشبكه بانامله/ اشتهيت كبسه..

كايد اتسعت عينيه صدمه/كبسه من وين اجيب لك هالحزه؟..

بثينه تزفر بدلع/مادري دبر عمرك ابي كبسه..

كايد بحزم ودود/ ماحولك كبسه بس اطلبي الموجود..

بثينه باصرار غريب/ابي كبسه ابي كبسه..

كايد ابتسم بثقل/ هدي هدي خلي نسال يمكن نلاقي..

بثينه تشد كفه برجا عذب/تكفى والله مشتهيتها..

كايد عض شفتيه السفليه/ لا تخليني اصنع كبسه لعيونك..

بثينه تبتسم/اصنع..

كايد شد على كفها الناعمه بين كفه المتجبرة فهي تسحره بكل تفاصيلها..

خفت بحه/طيب بنطلع لمطعم قريب اتوقع عندهم لكن مادري باليل فيه او لا..

اتجه كايد وبثينه للمطعم كشمير من اجل طلبها للكبسه لكنها لم توفق باختيارها كان لايوجد في المسا

بثينه بوزت/يعني كيف ماكل كبسه؟..

كايد هز كتفيه/ مثل ما تسمعين باليل مافي كبسات بكرا نتغدا عندهم..

بثينه تنهدت بحيره/طيب مو مشكله ابي الحين شي دسم..

كايد يبتسم رغماً عنه/ ابشري باحلى عشا..
———————————————————-
يوم جديد..

السعوديه..

الساعه التاسعه صبحاً..

فهد يهز فنجاله/ سلمتي..

مليحه تاخذ الفنجال وتضعه على الطاوله وهي ترد بود/ الله يسلمك..

فهد بتسال حازم/العيال مابعد صحو؟..

مليحه تعود جالسه جواره وهي تهتف بهدؤ/ عساف يصحى الحين عنده قضيه بالمحكمه لازم يحظرها و عزام نايم ولا صحيته ابي يرتاح..

فهد تنهد بضيق/عزام الله يصلح حاله والله ماني مرتاح من تصرفاته..

مليحه زفرت بهم عميق/ يا خوفي تكبر المشاكل بينه وبين اخوه بسبب رواف وبنته..

فهد ينهض واقف استعداد للمغادرة هتف بثقه/لا عساف يحكم عقله ويعرف يتصرف وانا اعلمه ما يضغط على اخوه..

مليحه باهتمام رقيق/كانه بدري على الشركه ارتاح شوي..

فهد ابتسم بثقل/ ما شبعتي من شوفتي عندي شغل مهم اليوم لازم احظر بدري..

مليحه تبتسم بذات الرقه/ لا بالله ماشبع منك ومو شوفتك..

قطع حديثهم خروج عزام من جناحه بخطوات سريعه متجه الباب الخارجي وجهه متفجره بالغضب الشديد

فهد قطب بندا صارم/ولد وين رايح؟؟..

عزام يفتح الباب وهو يزفر بتهور غاضب/ بروح اذبح جمانه وشرب دمها..

مليحه شهقت وهي تضع كفها على فمها/ يويلي الولد انجن..

فهد يلحق عزام برعب وبهذا الوقت كان منصور يقف امام بيت رواف لياخذ جمانه كي يوصلها لدوامها..

من خرجت جمانه رات عزام يتقدم لها بجنون واضح بشكل مرعب لترجع وتدخل البيت وتغلق الباب عليها.

عزام صرخ بصوت متوحش وهو يضرب الباب بقدم رجله/افتحي لا كسر الباب..

منصور نزل من السياره بغضب تقدم وشد ذراعه/ابعد عن البنت يا عزام لا والله ابعدك بطريقتي..

عزام استدار له وهو لا يبصر من القهر بسبب الرساله الذي وصلته من المحكمه استدعا لجلسة الطلاق..

دفع منصور مع صدره حتى اختل توازنه وكان سيقع وهو يصرخ بجنون/ اذلف عن وجهي انت لا اطى اطى على رقبتك..

منصور تلاحق نفسه قبل يقع وهو يقترب له ويدفعه بعيد/ تخسي وتعقب اذلف انت عن البيت لا ادق على الشرطه تجي تاخذك..

عزام كان يريد الهجوم عليه لولا بان فهد تقدم ومسك به بحده صارمه/ ولد انت شفيك جنيت فضحتنا قدام الله وخلقه..

رواف يخرج من المجلس الخارجي برعب من صوت الصراخ/ شفيكم وش صاير؟؟..

عزام زفر بغضب لا يخلو من جنونه/ والله وبعزته وجلاله لو ماتطلع جمانه من البيت لا حرقه بلي فيه..

رواف اتسعت عينيه صدمه كاسحة/ هاجم علينا وتهدد بعد؟؟..

عزام بغضب اعمق/ انا ما هدد انا افعل احسن لكم طلعوها يا حيوان انت وياه..

منصور فار دمه من اسلوبه المستفز/ابك انقلع تراي حاشم ابوك ولا انت مالك حشيمه لا تحدني على الردى..

كانت جمانه خلف الباب ترجف برعب بين احضان العنود الذي ليست اقل منها رعبا وصدمه!!..

مليحه كانت فاتحه شباك الصاله وتراقب ماذا يحدث من بعيد ودقات قلبها تعالى برعب من تصرفات ابنها..

من بعد ما ابلغت عساف الذي نزل لهم فوراً وهو يقترب بصدمه من راء الكارثه امام بيت رواف؟..

فهد يزفر لعزام بنبرة حديديه/ انا بفهم انت شفيك وش تبي من الناس؟..

عزام ياشر مابين رواف ومنصور بكل قوه وحده وجبروت/ من اللي ودا جمانه للمحكمه ترفع طلاق؟..

منصور فجرها بكل ثقه/انا اللي ودينها واذا ما طلقت بطيب بطلق بالغصب..

عزام جنت جنونه وهو يهجم عليه قبض جيبه ولكعه بكس على وجهه تحت شد عساف وفهد له بان يبتعد..

فهد يدفعه بغضب متفجر/ يا قليل التربيه يا قليل المروه تهجم على الرجال وتمد يدك عليه؟؟..

منصور يعدل ثوبه وعينيه محمره بغضب مكتوم/ على الحرام ما ترجع لك جمانه لو تحب السما وبيني وبينك لو يصير دم..

عساف مازال قابض عضد عزام وهو يهزه بصرامة بالغه/امش للبيت فضحتنا عن الجيران امش..

عزام ينظر منصور بتوعد اقرب لتهور/ والله والبيت اللي بناه الله لا ادفعك الثمن غالي..

منصور بحزم شديد/ اعلى ما بخيلك اركبه خذتها بالقوه وغصبن عليها والحين بطلق انت بالقوه وغصبن عليك..

رواف زفر بعصبيه ونفاذ صبر/تراك اشغلتنا البنت ماتبيك طلقها وفكها من شرك..

حينها زفر عزام بنبرة غريبه مرعبه متوعدة/ طلاق بعيد عن شاربك انت وياه وبترجع طرقن على خشومكم..

ثم اشر على الجميع بنبرة اغرب واخطر/انتم كلكم ضدي لكم الوعد بعد الحفل مابي افشل فهد عند ضيوفه راح تعرفون ان واحد يسوى قبيله..

الكل كان ينظر عزام بصدمه هائله غير مطمئنه لتهديده حتى انتهى كلامه وابتعد ركب سيارته وغادر..

رواف ناظر فهد بحده/ولدك وش قصده يبي ياخذ بنتنا بالقوه؟؟..

فهد اعطاه نظره حارقه/ انت اخر من يتكلم لو فيك خير ما زوجت بنتك عشان فلوس..

رواف انقهر حقاً/ تبيني سنين عمري تروح بيد ولدك المهبول؟..

عساف زفر بغضب/ احترم نفسك احسن لك..

رواف صمت بخوف ومنصور هتف بتماسك/ يا عم فكنا من شر عزام ترا جمانه بنتنا ومانرضى عليها..

فهد بتسال حازم/ هي صدق رافعه طلاق بالمحكمه؟..

منصور شعر بالحرج/ ايه طلبتني وانا وديتها..

عساف بحده عاتبه/ ماكن له داعي محاكم حنا اهل والمفروض نحلها بينا..

منصور زفر بضيق/ هو ماخلا فيها اهل كل يوم وهو هاجم عليها بالمستشفى..

فهد ابتعد وهو يهتف بحزم/ بعد الحفل لكل حادث حديث..
—————————————————————-
بعد صلاة الظهر..

رشا تنادي بصوت عال/يومه تعالي عند فهودي بقوم اصلي..

انتصار كانت بالمطبخ تشرف على الغداء هتفت للخادمة ببتسامه/مخبوله هالبنت الجيران كلهم عرفو انها تصلي..

الخادمه تبتسم/والله مدام رشا عسل مره..

انتصار تتجه الباب بذات الابتسامة/اي والله صادقها انها عسل هي وفهود..

رشا تزفر بغيظ/تاخرت على صلاتي بسبب فهود الله يقول لا تلهكم اموالكم ولا اولادكم عن ذكر الله..

انتصار تضحك بلطف وهي تنحني وتحمل فهود من احضانها/ شاطرة قومي صلي..

رشا نهضت وهي تفرش لسجادة ارتدت جلال الصلاة وصلت لينفتح الباب الخارجي ويدخل عساف..

تنحنح بثقل/ احم احم..

انتصار تنادي عليه بتقدير/ حياك يا ابو فهد..

عساف يقترب وعينيه مركزه على رشا لا يعلم لماذ فز قلبه من راها تصلي كم اشتاق لدفى احضانها..

مال على انتصار وقبل راسها حمل فهود و قبل خده برقه هتف بموده/مساء الخير عليك وعلى فهود..

انتصار بموده اعمق/ يالله تحييه والله اني حاسبه حسابك بالغداء عندي حساس بتجي..

عساف جلس على الاريكة هتف بحزم باسم/الله يعطيك العافيه النيه مريت اسلم عليكم قبل اروح البيت..

انتصار سالت بهتمام/ اليوم مداوم؟؟..

عساف بثبات هادئ/ ايه عندي قضيه وتو خلصتها..

انتصار هتفت بامومة/ الله يقويك وعسى كسبتها؟..

عساف زفر بثقه/ ايه الحمدلله..

انتصار وقفت وهي تتجه المطبخ/بروح اشوف غداي لا يحترق خدامتي ماتدري عنه لين يدخن..

عساف ابتسم ثم استدار يراقب رشا الذي انتهت من صلاتها وهي ترتب السجاده والجلال على الاريكه..

عادت وجلست على السرير رفعت عينيها لتقع بعيني عساف الذي مازال يراقبها بشغف..

هتف بتوجس خافت/ متى طهرتي؟؟..

رشا قطبت جبينها الشفاف/وانت وش عليك؟..

عساف زفر بحه رجولية/اسال ممنوع؟..

رشا عطته نظره قارصه/ ايه ممنوع الزم حدودك عن بعض الاساله..

عساف ثبت عينيه بعينيها خفت بتقصد/ما سالت الا عن حلالي..

رشا احمرت وجنتيها خجل وهي تصد عنه وهو مستمتع بخجلها لذالك نهض ضع فهود بسريره..

اقترب واقف امامها مباشر لتنكمش هي على نفسها قليلا وتخفت له/ وش تبي؟..

عساف انحنى لها همس بشجن/ اشتقت..

رشا توترت بالفعل من قربه/عساف لو سمحت ابعد لا تحدني اصرخ..

عساف يرتشف ملامحها محاول يروي عطشه/اصرخي ماعندك مشكله مافي الا امك ومتفهمه الوضع..

رشا كاد تبكي من شدت الحرج/ عيب عليك ابتعد..

عساف لم يستجيب لها قبل خدها بتروي وهو يستنشقها حتى تبخرت رئتيه بعبق رائحتها الانوثيه..

وهل علمتها بما القاه من المك؟..
وما بقلبي من الاشواق يشتعل..

ابتعد قليلا همس من بين انفاسه/سنين عمري مع شهوره و اسابيعه تفداك لا لاتضيعها وتضيعني..

رشا تخفت برجا خجول مذيب/امانه ابتعد امي تجي الحين لا تشوفنا كذا..

عساف اعتدل واقف و عينيه مازالت ترشف ملامحها خفت بيقين/ متى بترضين طيب؟..

رشا تبادله الانظار لكنها عاتبه/ لا تسالني..

عساف تنهد بطولة بال وتماسك وتحكم/ صبرت ثمان شهور وش يضرني لو كملت عليها كم شهر المهم انك ترضين بطيبة خاطر..

رشا هتفت بحذر وهي تدعك كفيها بقوه/من قضيته المهمه اللي عندك اليوم؟..

عساف عاد جالس على الاريكه وهو يرفع حاجبه بتسال حازم/سوالك اهتمام ولا غيرة؟..

رشا زفرت من بين اسنانها/فسرها مثل ماتبي المهم جاوبني بصدق..

عساف ابتسم بخبث/ ماعندي الا الصدق قضية ام راشد وابشرك انتهينا منها خلاص..

رشا اتسعت عينيها/كسبتها؟..

عساف بهدؤ حازم/ ايه..

رشا زفرت بتوعد/ طيب خلها تنفعك..

عساف رفرف اهداب عينيه السودا بمعنى ماذ تقصدين وعلى شفتيه شبه ابتسامه؟..

رشا لم ترد عليه وهي تشيح وجها المتفجر حمار بسبب الغيرة والقهر..
———————————————————
تحياتي(شغف)..

💓💓💓💓شكررررررررا💓💓💓💓💓

روايه بين الماضي والحاظر..

للكاتبة (شغف)

-/البارت الرابع و السبعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

سويسرا..

بثينه اثنا النوم العميق تقلب بعدم راحه تحت مراقبة كايد الذي جالس جوارها على السرير..

كان يشتغل بهاتفه لكنه انزعج من تقلبها لذالك ادار نظره لها يراقبها بصمت وغرابه ماذا تشعر به؟…

بثينه تفتح عينيها ببطى همست بحه/ابي كبسه..

كايد انفجر ضاحك لاول مره منذا تسع سنين يصدر منه ضحك رجولي خالص من اعماق قلبه..

بثينه شعرت بحرج شديد/شفيك؟..

كايد مازال يضحك/ اشوفك تقلبين من ساعه واحسبك تعبانه طلعتي تحلمين بكبسه؟..

بثينه تعتدل جالسه ابعدت خصل شعرها خلف اذنها وهي ترد بذات الحرج/ مادري اول مره اشتهي الكبسه كذا اتوقع لاني من زمان ماكلتها؟..

كايد مال وقبل خدها بحنو/ الحين نطلع نتغدا كبسه..

بثينه لم تنتبه لتقبيله كل انتباها بالغدا خفتت بتسال/الساعه كم الحين جا وقت الغدا؟؟..

كايد يكتم ضحكته لا يريد احراجها/ الساعه 12 ونص من نوصل المطعم الا وقت غدا..

بثينه تنفض الفراش وتوقف متجهه للحمام هتفت بحماس/وخيراً..

كايد يبتسم بتعجب/حبيبة قلبي وش جايها على الكبسه..

بثينه تدخل الحمام وهي ترد بصوت عال/اشتقت لها..

بعد ساعه يوصل كايد برفقته بثينه لمطعم كشميرا طلب لها كبسه كان يراقبها باستغراب وهي تنتظر لغدا

وكل ثانيه تخفت له بان يستعجل بطلب لم يكن لها صبر على الانتظار تريد الكبسه تحظر الان!!..

كايد خفت بحزم/ طيب اصبري شوي ماتشوفين المطعم زحمه؟..

بثينه تزفر بضيق/ ياربي وانا بنتظر العالم هاذي لين تخلص جيعانه..

كايد ناظر بها بنصف عين/ اللي يسمعك مايقول متريقه مسرع تجوعين؟؟..

بثينه تهز رجلها بنفاذ صبر/ بتروح تقول لهم يستعجلون ولا بروح انا؟..

كايد اتسعت عينيه/ عشان احش رجولك حش..

بثينه زعلت بالفعل/ الشبعان ماهو مثل الجيعان..

كايد اشر خلفها وهو يهتف بثبات/ هذا الطلب وصل..

بثينه ادارت وجها بلهفه/واخيراً..

بدات بثينه تاكل كبسه بتلذذ من غير لا تشعر بنفسها ولن تنتبه لكايد الذي مركز عينيه بها وقاطب جبينه؟..

صدمها بسؤاله المفاجئ/ بثينه انتي حامل؟؟..

بثينه تصلبت وهي تشعر باختناق وغصه بالاكل رفعت عينيها ونظرت به بذهول غير مستوعبه ماقال؟..

كايد تلاحق الوضع/ مجرد شك اشوف ماهي بعادتك تشتهين شي كذا؟؟..

بثينه كملت اكلها بصمت لكن نفسها انسدت من الاكل شعورها اصبح غريب؟؟..

لم تشعر بفرحه ربما كانت ملهوفه للاطفال وبنفس الوقت لم تضيق بالعكس تشعر عادي عندها؟..

كايد ياكل بهدؤ وكل ثانيه يرفع عينيه لها راها لم تكن مشتهيه الكبسه كما كانت من قبل دقايق..

ندم على تسرعه لاول مره وهو من كان راكد ليته صمت الى ان تغدا ومن ثم يستفسر على راحته..

بثينه تمسح ثمها بالمنديل/ الحمدلله والشكر..

كايد بحنان صادق/ تغدي شفيك ما كثرتي؟؟..

بثينه تنظر بعينيه/ شبعت الحمدلله خل نرجع الفندق..

كايد احترم رغبتها/ حاظر بغسل ونمشي..
————————————————————
السعوديه..

الساعه الواحده في منتصف اليل..

فهد جالس على اعصابه رفع معصمه كي ينظر بالوقت في ساعته السودا الثمينه..

زفر بنفاذ صبر/هذا متى بيرجع من الظهر وانا انتظره؟..

مليحه بهدؤ غريب/ بيرجع مرده للبيت يعني وين بيروح؟..

فهد تنهد بضيق ثم زفر بضيق اعمق/حتى شغلي ماركزت عليه كل ماتذكر انه ماد يده على منصور يفور دمي..

مليحه بعتاب حاد/ اللي يسمعك يقول منصور محترمنا ما كنه هو اللي مودي بنت رواف تشكي بالمحاكم؟..

فهد رقمها بنظره حارقه/ خليك من منصور وبنت اخته واتصلي على ولدك شوفي وينه..

مليحه صدت وجها بعدم اهتمام/من اليوم اتصل مقفل جواله..

فهد رفع حاجبه بتشكيك/مقفل جواله من اليوم وانتي جالسه كذا هاديه؟..

مليحه عادت تنظر به بثقه/ اجل وش تبيني اسوي اصيح وليح؟..

فهد هتف بحده ساخرة/خابرك لا غاب ساعه وقفل جواله كلن يسمع صراخك علينا تبينا نقوم ندور عليه؟..

مليحه بذات الهدؤ الغريب/ فسرها مثل ماتبي..

فهد نفخ عليها بغضب/مكلمك هو علميني ماهو اجلس انتظره للفجر؟..

مليحه نفخت عليه بحزم/ ماحد قالك انتظره رح نام..

انفتح الباب ودخل عساف منقذ الحرب الذي كانت ستقوم بين والديه هتف بغرابه/علامكم؟؟..

فهد بغضب اعمق/ اخوك السربوت وين ذالف من الصباح مارجع؟..

عساف جلس وهو يتنهد بضيق شديد/ مادري عنه ادق عليه من اليوم ابي اتفاهم معه مسكر جواله..

فهد بتوعد صارم/والله ماطوف حركته اليوم وتهجمه على الناس لاجلس هنيه انتظره لين الصبح..

عساف بحزم ودود/روح يابوي نام ورتاح وهو لاجا انا اتفاهم معه..

فهد فاير دمه بالفعل/ ماني مرتاح لين اكسر يده وعلمه ان المراجل ماهي بالتحدي والتهور يبي ياخذ البنت غصبن على اهلها؟..

مليحه بتدخل حاد/وهي ليش ماتترك العناد وترجع له ولا ماتصبر لين تسبب مشاكل؟..

فهد يصمتها بحده بالغه/انتي اطلعي منها ماخرب ولدك وقواه الا كلامك..

مليحه زفرت بعصبيه/ وش فيه كلامي ما قلت الا الصدق المره تعاند جبال ولا تعاند رجال وهي وجها معانده الجميع؟..

فهد ينحرها بغضب/ما تنلام ماشافت من ولدك خير مارحت للمحكمه الا تبي فرقاه جارحن كبدها..

عساف ينهى النقاش/ الله يهداكم انتم هدو بعدين عزام ترا ماهو ورع يقدر يحل مشكلته من غير تدخل احد..

فهد هتف بحزم لا يخلو من الضيق/انا بدري هو وينه غايب لايكون مسافر بس؟..

عساف بحزم عفوي/ لا اكيد انه بشقته يبي يرتاح..

فهد وقف بشكل مفاجئ/ انا كيف راحت علي جالس هنيه انتظره وناسي ان عنده شقه..

عساف وقف باستغراب/ليش وين بتروح؟..

فهد يحمل مفتاح سيارته وهاتفه/ بروح اسحبه مع رقبته..

مليحه وقفت بسرعه وامسكت عضده/ والله ماتروح..

فهد استدار لها بصدمه كاسحة اقرب للغضب/وشو تحلفين علي انا!؟..

مليحه هتفت بحزم شديد/فهد اترك الولد عنك لا اصبح يجي هو للبيت وتفاهم معه..

فهد نفض يدها من عضده بعنف ثم زفر بصرامه بالغه/اقول عاد احشمي نفسك يا مره لا تحسبين انك بتمشين حلوفك علي؟..

مليحه تعود وتشد ذراعه باصرار/ الولد نايم يا فهد لا تروح تفجعه بذا اليل..

فهد عينيه تقدح شرارا زفر من بين انفاسه الغاضبه/وكيف عرفتي انه نايم هاه؟..

مليحه تهتف بثبات/كلمني قبل ينام وطمني عليه يدري بقلبي مايرتاح وهو غايب..

فهد صرخ فيها بانفعال حاد/تدرين ومخليتني هنيه مثل الطوفه انتظر حظرت جنابه يرجع؟؟..

عساف هتف بتهدئة حازمه/يوبه الله هداك اهدى ترا السالفه ماتسوى هالعصبيه..

فهد زفر بصرامه بالغه متفجره/ ماتسوى عندك انت وامك اما عندي الا تسوى ونص يهجم على ابو جميله ويضربه قدام الجيران ويهدده وماحترم وجودي؟..

فهد كان سيخرج لكن مليحه لم تسمح له عادت ومسكت ذراعه بشده..

وهي تزفر مهدده/شوف عاد والله ان رحت لولدي وهجدته بذا اليل عشان منصور وبنت رواف لاسوي شي مايرضيك..

عساف من راء ملامح فهد كيف تغيرت بغضب كاسح وقف بينه وبين مليحه يخشى بان يمد يده عليها!!.

وثم تصبح كارثه فهو يعرف والدته عدلاً ليست مثل باقي النساء سوفا تقلب الدنيا على الجميع..

قبل راس فهد بحرج شديد/ امسحها بوجهي تراها زلة لسان منها..

مليحه واقفه خلفه بهيبه/لا ماهي زلة لسان يمين بالله لو راح لشقة عزام لا لبس عباتي وروح لبيت رواف ادق خشم جمانه دق..

فهد بدات عروق راسه تنبض كاد يشطر دمائها من تضخم الغضب بسبب تصرفات مليحه وطولة لسانها!

صرخ بوجه عساف بامر قاطع/ ابعد عن وجهي امك الظاهر انها كبرت وقصر نظرها ماعاد هي تشوف من اللي واقف قدامها..

عساف خفت برجا رجولي عميق/تراها بشاربي يا ابو عساف تعفي عن كلامها..

فهد واقف بجبروت ينظر مليحه بحده قارصه/ والله لو ما ولدك دخلك بشاربه لاتشوفين مني شي مايسرك..

مليحه هنيه انفجرت بغضب شديد وهي تقترب وتوقف بوجهه بتحدي/ لاتحط ولدي عذر ورني وش بتسوي لايكون بتمد يدك علي بعد ذا العمر؟..

عساف بلع ريقه يعلم انها وصلت فهد اقصاه فهو رجل ويفهم بانها استفزته بتحديها وعنادها؟..

ابعد مليحه بخفه وهو يرص على اسنانه/يومه عيب هالكلام تعوذي من الشيطان وبعدي..

مليحه تبادل الانظار القارصة مع فهد الذي كان متماسك دليلاً على ذالك وجهه المتفجر بالحمار..

مليحه ترفع راسها بمكابرة/عساف لا تدخل بينا خلني اشوف ابوك وش ناوي عليه..

عساف كان يخطف النظر على ملامح والده وهو مازال يرص على اسنانه/ يومه خلاص عاد تبين المشاكل غصب؟..

صدمهم تصرف فهد الذي استدار ورقى الدرج بخطوات ثابته لم يهزها شيء متجه جناحه..

عساف زفر بقهر مكتوم/عاجبك كسرتيه قدامي بس عشانك تعرفين بغلاك عنده وتدرين انه مستحيل يزعلك؟؟…

مليحه كانت واقف بتصلب لم توقع هاذي ردت فعل فهد ولم توقع هذا كلام عساف العاتب الغاضب..

عساف يكمل كلامه بذات القهر/ والله حرام وعيب اللي سويتيه عشان عزام المجنون توقفين بوجه فهد فهد يومه اللي خذاك يتيمه رباك وعزك وغناك عن الجميع؟..

مليحه لم تستطيع ان تكتم لذالك انفجرت باكيه وهي تضع راسها على صدره عساف حضنها وهو مصدوم!!..

وقلبه يحترق عليها لا يريد ان يغثها بكلمه فهي مهمها كان جنة الدنياء لكن بنفس الوقت استفزازها لوالده..

و ردت فعله كانت موجعه تقاضى وتماسك وتنازل عن كلمته لم يكسر حلفها ويخرج لشقة رغم انها كسرته؟
————————————————————
سويسرا..

بثينه من عادت الفندق لم تعطي كايد فرصه يحادثها ارتدت بجامه وتمددت على السرير لاويته ظهرها؟..

منذا استوعبت تكون حامل وسوف تنجب طفل بعد تسع شهور يملى عليها حياتها بعد الفقد؟؟..

تشعر بفرحه لا توصف حتى انها لاتريده يرا ملامحها كي لا يلاحظ عليها تخشى بان يكون مجرد اوهام..

ليسا فيه حمل لتشعر بالحرج وبذات انها الفتره الاخيره تظهر امامه بانها لا تريد منه اطفال موقتا..

كايد كان متمدد خلفها بينهما مسافه قليله يراقبها بصمت لايعلم ماهي مشاعرها من ناحيت الحمل؟.

نفذ صبره حقاً وهو يقترب حتى لزق بها من الخلف ضع كفه على بطنها مسده بخفه حانيه..

انتفضت بثينه بشده ضعت كفها فوق كفه من غير لا تشعر وهي تحسس بطنها بتوجس هادى؟…

كايد همس قريب اذنها وهو مازال يمرر كفه على بطنها/ تحسين فيه؟..

بثينه ادارة وجها له بصدمه/ وش تقصد؟..

كايد قبل خدها بدفى/لا تنسين اني استشاري بثينه انتي حامل..

بثينه تجمعت الدموع بعينيها/الدوره مالها الا شهر؟؟..

كايد همس بثقه/طيب الحمل جا بعد الدورة؟..

بثينه نزلت دموعها على خديها/ انت وش تقول؟..

كايد بتوجس غريب/ دموع فرح ولا حزن؟..

بثينه استدارت له كلها ودفنت وجها بعرض صدره فجرتها من بين شهقاتها/والله فرح والله بس اخاف يطلع اوهام..

كايد شد احتضانها بحنو رجولي خالص/لا ان شاءالله مو اوهام بكرا اوديك المستشفى تحللين..

بثينه ترفع راسها وتنظر عينيه/ انت فرحان؟..

كايد همس بشجن عميق/ بطير من الفرحه كم تمنيت هالحظه وخيراً تحققت ولد ومنك يازين عطايا ربي..

بثينه تمسح دموعها باطن كفيها/ اذا بنت بسميها ترفه..

كايد بحب صادق/ وذا ولد زيد..

بثينه بحنين/ لا وافي..

كايد ينظر عينيها برحمه/تم وافي وافي..

بثينه قبلت خده/ وعد؟..

كايد حضن راسها على صدره/وعد..

بثينه تنهد بصوت مسموع/ يارب متى يجي الصباح بحلل؟..

كايد همس بنبرة حميمه دافئه/ماتبين تحنين على ابو وافي؟..

بثينه ابعد راسها قليلا وناظرت به/مافهمت؟..

كايد اقترب لها اكثر بذات الدفى/تعبت بثينه من صدك تراي انا اكثر رجال بدنيا محروم..

بثينه بمراره ساخرة/ لا تقول محروم وانت سبق وتزوجت..

كايد يداعب انفه بانفها بخفه/ القلب مايسكنه الا واحد وربي وربك اني حاطك بين عيوني وين ماروح..

بثينه بفضول لايخلو من الغيرة/طيب ممكن تكلم للي عن زواجك والبنت اللي اخذتها ابي الصدق..

كايد خفت برفض هادئ/ماله داعي يمكن ازل بكلمه وتبعدين عني وانا ميت على قربك..

بثينه باصرار رقيق/اوعدك لا صدقت معي راح اقربك للي اكثر..

كايد ثبت عينيه بعينيها بتوجس حازم/ وعد مهما كان الصدق؟..

بثينه بثقه/وعد..

كايد يحكي لها بتردد يخفيه خلف نبرة الثابته/الغربه عشتها شبه نفسيه مابي احد حتى الصحابي اللي معي بالسكن ماجلس معهم اوزع وقتي مابين الجامعه النوم والاغلب النادي انهي طاقة القهر والفقد برياضه وشيل الحديد..

بثينه بمقاطعه/سوالي واضح عن زواجك ماهو عن الغربه؟..

كايد بذات الثبات المزيف/طيب بقول لك ليش مستعجله؟..

بثينه هزت كتفيها بفضول اعمق/مابيك تلف وتدور معي باختصار بعرف كيف عرفتها؟..

كايد شد له نفسا عميقا/ تدرس معي بالجامعه كانت مو شاطرة بالحيل وتطلب ملخصات وكذا وانا اساعدها ارتحت لها لانها مسلمه ومحجبه وقلت بتزوجها تحصني بالغربه وليتني ما تزوجتها..

بثينه بتركيز/ليش؟..

كايد بشعور ذنب وضح بنبرة صوته/ظلمتها بثينه معي من اول ليلة وانا احس بنفور ما تقبلتها وهي كانت ملاحظه..

بثينه بتوجس غريب/ ليش مو حلوه؟..

كايد بحزم هادئ/ماهو قصد جمال بالعكس هي مملوحه بس انا قلبي وعقلي معك انتي والله اني كنت بعض الاحيان اناديها باسمك حتى مره سالتني وفجرتها قلت له اني احب خطيبتي وزعلت..

بثينه قطبت جبينها/هي وش جنسيتها؟..

كايد ينظر عينيها بتركيز/اردنيه للامانه ونعم التربيه هاديه مطيعه صابره ومتحمله لكن انا واحد معقد..

بثينه تنظر له بنص عين/اطربني بعد بمواصفاتها؟..

كايد ابتسم بحذر/ ماتبين الصدق انتي؟..

بثينه بغيرة واضحه/ اوصف الي شكلها؟..

كايد اتسعت عينيه/ لاعاد زودتيها..

بثينه تزفر بحده/ ليش ماتبي توصفها خايف احسدها؟..

كايد قبل شفتيها برقه/لا والله خايف تجحديني..

بثينه بثقه متماسكه/ تطمن انا عند كلمتي..

كايد بحذر اعمق/ ترا انتي اللي طلبتي وصفها ماهو انا؟..

بثينه باصرار/ ادري يلا تكلم..

كايد عاد النظر لعينيها بمراقبه/بيضا وجها دائري ملامحها طفوليه قصيره نحيفه شعرها قصير باختصار وسيمه..

بثينه نفذ صبرها زفرت بحده منفعله لا تخلو من الغيرة/كنت شاكه مانت متزوجها الا انها اعجبتك خاين مايفكر الا بنفسه وانا مخليني معلقه برقبتك سنين حتى مكه احرمتني منها..

كايد كان مدهوش حقاً وعينه متسعه لم يتوقع بان هاذي ردة فعلها وهي من اصرت عليه يتكلم؟..

بثينه تستدير و تلويه ظهرها محاوله تكتم بكاها لاتريد الانفجار كفايه وجع كفايه الم كفايه انكسار؟..

كايد زفر بقهر حقيقي/تحققين معي وتزعجيني واخر شي تزعلين؟..

انتظر ردها بتماسك ثم زفر بذات القهر/من الاخر ماتبين توفين بالوعد ترا عادي انام..

كايد بطولة بال/بثينه اكلمك انا؟..

بثينه همست بختناق/ ماخلفت الوعد تبي انا راضيه..

كايد اقترب وحضنها قبل اذنها وهمس فيها/والله اني احبك وبيع جنس حوى كلهم واشريك بثينه تبين اشرح لك قلبي عشان تاكدين من مكانتك؟..

بثينه تنهدت بهدو/ادري والله بس الغيرة مو بيدي..

كايد وزع قبلاته على وجها ونحرها/ غاري كثر ماتبين انا حلالك بس تكفين خفي علي..
————————————————————
جمانه سهرانه لم تنم عينيها تفكر عزام ماذا يقصد من تهديده هل مازال يكيد لها بجنونه؟…

فهي صفعتها الحياة مراراً وتكراراً حتى علمتها ان تكون حذره و كيف مواجهة ما اخافها؟..

ثم تعلمت ان الشجاعه والاصرار لا تعني غياب الخوف بل الانتصار وتغلب عليه..

فهي اصرت على الطلاق منذا اتى لدوامها نهار الامس واليوم اصرت اصرار اعمق من هجم عليها امام البيت

لو يرجع شريط الماضي على ماتتمنى لطلبت من الله سنين فاتت تنعاد ايام زواجها من فارس..

كانت عايشه بامان همها على قدها عكس ما تعيش الان هم عميق عدم نوم وراحه وعدم امان واستقرار؟..

ارتفعت اصوات اذان الفجر لتنهض من سريرها اتجهت الحمام توضت وصلت دعت الله الخيره..

العنود طرقت الباب بخفه/جمانه قومي صلي..

جمانه بندا مرهق/صليت يومه..

العنود تفتح الباب وتطل عليها/ مانمتي من البارح؟..

جمانه تمدد على السرير/تو بنام..

العنود اقتربت وجلست جوارها سالت بهدؤ/ ماعندك دوام اليوم؟..

جمانه تنهدت بوجع/ لا رفعت اجازة سبوع برتاح لين يتم الطلاق..

العنود بحزن شديد/ الله يكتب لك الخير ويعوضك عن مامضى من شبابك..

جمانه تقاوم الانكسار/ عوض الله جميل يومه وانا مازلت بشبابي..

العنود تنظر بها بحنيه اقرب للمحاتات/ مادري ليش مانتي متوفقه بحياتك ياخوفي تكون نفس عساف فيك؟..

جمانه ابتسمت بحسره/ الا قلة بخت يومه عساف الرجل الفاهم الركاد يبيني وحظي يزوجني اخوه المجنون..

العنود هتفت برحمه/لا تقولين كذا ماتدرين وين الخيرة يمكن عساف يكون اشد من اخوه..

جمانه تغلق عينيها/يومه تكفين سكري الموضوع بنام..

العنود تنهض واقفه عدلت الغطا عليها/نامي و ارتاحي لاتفكرين بشي وكلي الخلق للخالق..
———————————————————
بالشقه..

عزام كان جالس على الاريكه وامامه الطاولة ممتلئه من بكيتات الدخان الذي فرغها بليلة واحده..

من سعد حظه بان فهد لم ياتي لشقه لو راءه بهذا المنظر الغريب سوفا يكسر راسه من غير تردد ورحمه.

لاول مره يتصرف عزام صح اتصل في مليحه وبلغها مكانه كان يريدها تطمئن فقط فهو يعلم قلبها عليه..

لم يكن يقصد بانها تمنع والده ان ياتي له ولم يتوقع اصلاً بان فهد سوفا ياتي لشقه..

نار صدره المشتعله لن تطفي منذا الصباح حتى زاد الحريقه بدخان الذي يشربه بكثره محاول يهدي نفسه

لا يعلم بانه يضرها يحرقها يزيد اشتعالها وافكاره تاخذ لجمانة كيف تجرات ترفع عليه طلاق وهي تعرفه عدلا

قوي باس لن يتقاضى ولن يتنازل ياخذ حقه بيمينه حتى ولو اضطر يتصرف باجرام لاحد يستطع ان يغلبه..

لكنها قتلته جمانه بما فعلت كان بمكانه ان تعطيه فرصه يصحح خطاه فهو حقاً احبها بصدق وخلاص..

فضلها على جميع نساء العالم كان مستعد يرضيها بما تطلب حتى ولو شيء صعب من اجلها يكون سهل

الاهم بان تعود له و لحضنه لكن الان لايريدها تطلب لانه لم يحققه لها شيء سوفا يعودها له رغماً عنها..

من اجل تاخذ درساً لن تنساه بانه لا قال فعل فهو واثق بانها خلقت له وحده مهما عارضت ورفضت..

عزام فتح هاتفه الذي اغلقه منذ كلم مليحه صدم وهو يرا عدد من المكالمات من والده وعساف؟..

صدمته رسالة عساف كانت: الحين ارتحت سببت بين امك وابوك مشكله كبيره؟؟..

عزام رمى الهاتف وهو يزفر بقهر(كله من جمانه تصرف على كيفها حلاله من يمسكني رقبتها والله لا قطعها قطع)..
————————————————————
تخياتي(شغف)..