كاتب الموضوع :
وطن نورة ،،
المنتدى :
القصص المكتمله من وحي قلم الاعضاء
رد: > أنت مثل أحزاني ،، قدر .. / بقلمي ..
السلام عليكم ورحمة الله وبركاته
مساء الخير على وطن نوره ومتابعاتها الغاليات
ماشاء الله وطن نوره كل ماتقدمتي في الرواية تزيدين تألقا
ماأدري وش أقول وش أخلي بارت كلمة مميز قليله في حقه بارت دسم وطويل ماشاء الله
مبدعه في السرد والوصف والحوار دمجتي بينها بشكل مميز مافي جانب طغى على الآخر
استمتعت وأنا أقرأ بارت مميز جدا جدا خالي من الأخطاء
الإملائية أو النحوية اللي تضيع على القارئ المتعة بالقراءة
هلا صدمتها بالحادث اللي تعرض له خطاب وخوفها عليه
خفف من صدمتها بزواجه في البداية كان همها حياته والباقي
يهون لكن بعد مارأت إنه بخير زعلت منه بسبب زواجه ومعها
حق هي على عيوبه شايلته شيل وماقصرت معه ومتحملته يقوم
يجازيها بالزواج عليها تصرفت صح بالإبتعاد عنه تعز نفسها
وتأخذ قرار بعد تروي وتفكير ماهو مثل خطاب الفعل يسبق التفكير وثاني شيء تتركه يحس بها ويفتقدها ويعرف قيمتها
خطاب ما أعرف متى يتعود يفكر قبل مايقدم على الفعل
رسالته لبدر ماهو هدفه منها هل له هدف والا مثل تصرفاته
السابقة ننتظر ونشوف
خالد وضي حياتهم إن شاء الله استقرت والفضل بعد الله لخالد
وتفهمه واحتوائه لضي
دانه أتوقع ماعاد ترجع لخطاب ويمكن تطلب الطلاق خاصه بعد
ماتحس بحب جدها لها وعودة العلاقة بينهم للسابق وشيء
ثاني كلام خطاب لها عن أنه متزوج ويحب زوجته فهي على
البر تاخذها من قصيرها وتتركه واللي هذا أوله ينعاف تاليه
هي اللي شافته من خطاب مايشجعها على التمسك به وأكيد
بدور رضى جدها اللي بيطلب منها تطلق من خطاب وهي ندمت
إنها زعلته أول مره وما راح تكرر خطاها
منيف ما أظن بيكتفي إن دانه تطلق من خطاب وأكيد بيقعد
لخطاب ويحاول ينتقم منه
بدر لاطال بلح الشام ولا عنب اليمن وما أتوقع منيف يزوجه
دانه خسر حنين ودانه ومن هالحال وأردى إن شاء الله
حنين ماشاء الله بدأت تتصرف صح وما أصبح بدر محور
حياتها اهتمت بنفسها وفالتها مع عمها ومن عافنا عفناه
لو كان غالي
تسلم يمينك وطن نوره يعطيك العافية ولا خلا ولا عدم منك يارب
|