يالله انا ويني عن هذي القصة المذهلة ... جمااال غير عادي من قوة الحبكة وقوة الحوارات وتسارع الاحداث وتشابكها مذهلة انت ياوطن نورة اصلا اسمك لوحده حكاية اهنيك بقوة على هذي القصة ... احداث القصة جميلة غير مكررة لدرجة مااقدر استنتج ايش الخطوة الجاية حقيقي دخلت جو غير عادي معاك واكثر شي شخصية عجبتني هي خالد هبلتني والله اضحك بدون شعور معاه كله كوم والنظرات اللي تدعو للرذيلة عجبتني
حقيقي راح تاخذين ذنبي جلست سهرانة طول الليل مانمت ماقدرت اقوم عن قصتك وراح يخاصمني زوجي مايحب السهر
منتظرة الجزء الجديد بشوق سلمت يمينك

رواية رائعه كاتبتنا الغاليه وطن
فعلن تجبرتس على الشكر على مثل ذا الحبكه
في البدايه اختي وطن استنكرت فعلت منيف وربعه بأهل خطاب وحسيت انتس شطحتي بالخيال لبعيد وين حنا فيه حرق عائله كامله وفعل فاعل ولا فيه من يحرك ساكن والجاني يسرح ويمرح ولا عايش عيشة ملوك بس بعد استرسالتس في احدث القصه بديت اتأقلم مع الجريمه وانها ليست بفعل فاعل

نجي الخطاب وهلا بصراحه متعاطفه مع الأثنين خطاب وضعه ونفسيته ترحمينه بس في نفس الوقت حاقده عليه بعد زواجه لو كان متوقع ان هلا ممكن يكون لها ردة فعل قويه على فعلته ماسواها كسر قلبها وخلها تشكك في حبه لها مسكينه فعلن وش يفرقه عن محمد لو قلنا محمد خانها عشان يثير غيرتها ويصحيها من ناحيته
انت وش عذرك تنتقم من جدها يالمسكين انت انقذتها من وحل جدها وعمانها وبعدين شخص عارف عمرك مستحيل تضرها وهي بنت من اتصلت عليك ركض لها تنقذها بعد ماطردها جدها وخذت لها شقه ويوم طلبت تجلس عندها انصعت الطلبها ونسيت اللي باعت العالم ومعها كرامتها عشانك وصار الحادث ومتلهف تسئل عنها وعن حالها مير دواك جدها اللي خذها منك بكل سهوله وحتى تواصل بالجوال ماقدرت
بعرف يوم عقلك العقيم قالك انتقم من منيف وانت منتب قدها وتزوج دانه هل يعني بتحرقها مثلاً ولا بتحرق جدها وطلقها بعده
اقول الله عطانا عقل نفكر فيه دانه مالها اي دخل المفروض استغليت كره زوجته وعياله له وحاربته من خلالهم
يالله ياشاطر ورنا وشلون بتخلص منها
ولا تقول حبيتها وشفتها ومدري ايش ترا ماراح نرضى فيها شريكه الهلا حتى لو رضت هلا وحتى لو كانت من اطهر مخلوقات الله

هلا شخصيه طيبه وراقيه وحترمه تعشق زوجها وتضحي من اجل الكل
هلا انتي منتيب غلط يوم صبرتي على محمد
انتي منتب غلط يوم عرضتي على خطاب يتزوجتس
ولا غلطتي يوم عرفتي بزواج خطاب ولا سويتي مشكله معه ودخل فيها اهلتس
انتي انسانه ارقى من الرقي نفسه ومحترمه ومتربيه وفيتس طيبة قلب ورجاحت عقل عاليه جداً
حبيتس وحبيت شخصيتس الهاديه الرزينه المسالمه الذكيه العاقله
لا تتوقعين اللي سويتيه ضعف بالعكس انتي شخصيتس مهيب ضعيفه والدليل اللي تسوينه مع خطاب تأدبينه وفي نفس الوقت مراعيه وضع نفسيته الصحي انتي كذا 👍🏻

خالد وزوجته لا تعليق الله يصبر خالد عليها صدق يستاهل احسن منها وش يحده على مثل ذا العيشه وهو الف بنت تتمناه ضيع ايام زواجه الأولى اللي هي اسعد مرحله في دلعها المفروض اهلها مابلشوبها ولد الناس وهي كذا


حنين وبدر دقي خشمه ياحنين تدرين بدر هذا كل ماوطيتي عليه كل ماصار منضبط معتس اكثر
ابو حنين وعععععع شخصيه اكرها وعمها اذا فيك خير وتبت اعترف على عملتكم اللي سويتوها وريحو الولد

منيف ماعليش اسهل منه مافيه بس مافيه احد وقفه عند حده مخلينه يعيث في الأرض فساد
بعدين يازوجته بما انتس تكرهين كل ذا الكره ليش مادبرتي له مصيبه وانهيتيه مهوب معقوله
عايشه معه ولا مسكتي عليه شي اكيد عندتس بلاوي له
عيال منيف الى الأن مواقفهم قليله

ياليت وطن يكون البارت اطول من كذا ويكون شامل الجميع الابطال نبي مواقف بين بدر وحنين
وام جابر وعيالها مع منيف نبي نعرف اكثر عن ذا العائله
اخو هلا وزوجته نسيت اسمه اللي ماخذ اخت طليقها محمد مالهم ذكر
زيدي في مشاهد البارت الله يسعدتس

ننتظر نزول البارت كاتبتنا الوائعه وبردي قلوبنا وسعي صدر هلا ولله انها تستاهل بصراحه
وخليها تحمل تخلصنا وتجيب بنات بخطبهم لعيالي ابي لعيالي زوجه مثلها معاد فيه بنات معاد فيه بنات 😥

السلام عليكم ورحمة الله
أسعد الله أيامكم ..وطن نورة وجميع متابعاتها الكريمات .🍃

لا باس عليكِ يا غالية، طهور بإذن الله ..

هلا .. ( المهم إنه حيّ ).. فعلا هذا هو أول ما يفكر به من أصيب بعزيز،
وكل شيء بعده يهون، كل خلاف وخصام، وكل همٍّ وعتاب، يتلاشى أمام أمنية واحدة ..أن يكون ( حيّ ) .

( الله يسامحك ) .. عظيمة تلك المرأة، مَنْ منّا وفي غمرة غضبها واكتشافها أن زوجها ارتبط بإمرأة غيرها،، تتفوّه بتلك العبارة ؟!
(اوجعتني خطاب.. )
تلك العبارة اختصرت الكثير، وشرحت الكثير . 😢
ثِق يا خطاب أن هناك شرخاً أصاب قلب هلا، وحاجزاً أُشيد بينكما، وإن لم تتفوه هي بذلك، وذلك البعد الوقتي الذي طلبته هلا، هو حل مناسب لكليهما.
ربما تتضح عندك الرؤية، وتستطيع أن تركز في أفعالك الغير مدروسة.

منيف ...ربّ ضارة نافعة .. حادث دانة هدم كل الحواجز القسريةالتي وضعها منيف بينهما، وها هو الجد المحبّ لحفيدته يظهر بعواطفه الحقيقية- والتي لم تخفت لحظة- وإن ادعى أمامها خلاف ذلك..
غمرني شعور بالفرح، أولاً من أجل دانة التي فقدت من بعد جدها العزوة، وثانياً من أجل خطاب وهلا، فأظن أن منيف لن يسمح لدانة بالعودة لخطاب .
( وتلك أمنيتنا جميعاً ☺ )
استماعه لتشخيص الطبيب ،، انهيار الجبل ، وذرف الدموع، والنحيب ....
تصوير قمة في الروعة يا وطن - كسر خاطري المجرم - 😁
عساه في هالحال وأردى .🤲🏼

حنين ... قوية يا بنت 😂
مسافرة وفالتها مع عمك ؟ زين سويتي 👍🏼

بدر ...(وش شايفني عندك ماوراي حياة اقعد الاحق بنتك و زوجها؟)
بدر واقعي جدا رغم عيوبه،،، فالعاقل لا يخاطر بحياته من أجل امرأة، لها بدائل كُثُر .
أيضاً أعجبني فيه قوة شخصيته أمام منيف، ذلك الوحش الذي يهابه الكثير ..
( أحلى شي لما سكّر التلفون بوجهه 😁 ) يستاهل

لقاء منيف بهلا أمام غرفة دانة، هل سيكون له تبعات أم سيمر مرور الكرام؟
( خفت على هلا منه &#128552

سالم ... فطن جدا. رغم ذلك فهو طفل استطاع خطاب أن يرضيه بطريقة ذكية
( كم عمره ، نسيت ☺)

ضي ..
ذكر والدها أنها سقطت في الحمام واغمي عليها لعدة ساعات، مما جعلني أجزم أن ما بها مس من الشيطان ، لكنك أشرتِ في أحد التعليقات أن ما تعانيه هو وهم سيطر عليها.. ..فما هو التشخيص الصحيح لها ؟


يا ترى كيف سيستخدم خطاب بدر كطريقة للانتقام ؟ 🤔

وطن نوره ...
يأسرني حرفكِ الذي يسير طوعاً لأفكارك، يعجبني التصوير والتعبير الذي أجدني رغماً عني أراه ماثلاً أمامي كأنّي أراه رأي العين ،، ماشاءالله تبارك الله ولا قوة إلا بالله .....🤲🏼
والله يخجل القارئ أن يذيّل الجزء بتعليق متواضع لا يليق بهذا الجمال، فالعذر والسموحة وطن، لكن حقك علينا أن نرد بكلمة شكر وامتنان .💐
فكل الشكر والتقدير لكِ ..🍃
بانتظارك باذن الله 🍃