الله يفرجها عليك وعلى اهلك استودعتكم الله

بدايه الله يفرجها عليك وعلى حبايبك واهلك يا رب

بارتين رائعين .. بارك الله بقلمك وجهدك عزيزتي

موفقة دائما .. وبانتظار القادم

السلام عليكم ورحمة الله وبركاته

مساء النور والسرور .. مساء السعاده والانشراح والبركات من مولانا سبحانه عليك الفي وعلى عائلتك وعلى الجميع .. مبدعه الفي ربي يسعدك وتسلم يدينك يارب .. ربي يسعدك ويوفقك ويشرح صدرك وعائلتك وييسر اموركم ويوفقكم ويفرج همكم وينفس كربكم ويرزقكم الرشد صلاح الحال وراحة البال .. ربي يرزقك التوفيق ياقلبي في دراستك ويفتح عليك فتوح العارفين العالمين وفي حياتك يارب .. ماقصرتي حبيبتي والله معنا كفيتي ووفيتي رغم ظروفك ربي يفرج لكم يارب ..

يعني الان المسج كان من قبل اللي كلفه بإرسال الظرف لمنتهى ؟! والله قوي بأس ولايخجل وبجيح ؟! بس ايش الهدف منها !! البنت متزوجه ولازال يتجرأ يلاحقها !! مشكلة نواف غروره اللي بينزل راسه للارض فاكر انه منتهى تبقاه وتحبه رافض تماما يصدق انها تكرهه عايش بخياله ويعتقد انه قادر يصلح حاجات ماتتصلح من قبله ..لكن مااعتقد بعد تحذير الشاهين له انه يوقف في راسه موال .. للاسف بتصرفاته راح يخسر سمعته وزوجته واطفاله لانه يلاحق امرأه متزوجه ولاتحل له !! سؤال تبادر لذهني هو الشاهين كيف عرف بأمر الظرف يكون واضع حراسه ! وهل هو فتح الظرف او لا .. اعتقد انه الاسوره هذا كانت باليد اللي حرقها هو !؟ 🤔..
اسيلوه مااعتقد بتوافق ابدا لازالت تدور في فلك الحصول على شاهين .. للاسف حتى الام تتحسر على حاجه ماهي رزق بنتها ومو مكتوبه لها ابدا .. لو كانت فهمت بنتها وشرحت لها انه شاهين مو رزقها وعمره ماكان لها انه مو استسلام منهم هي ومنال لما تزوج على قد ماهو رضا بقضاء الله وقدره والمكتوب .. انه شاهين مرتاح بحياته ومايفكر بغير زوجته يمكن اقول ها يمكن تفك عن سمانا .. اسيل مصنفه نفسها انها الاجدر فيه لانها تحبه ولانه منال صديقة امها وانهم كانوا يرمون النغزات والحكي ويلمحون لها.. تعتقد انها بحبها له قادره على اسعاده !! طيب ممكن مايتقبلك ممكن شخصياتكم ماتتراكب ارواحكم ماتتألف !! .. منال لما كانت تعمل كذا كانت تطلب من شاهين بالفعل الزواج منها لكن هو من كان يرفضها ويرفض الزواج كله .. هي ونواف وجهان لعمله واحده ..

خطوه حلوه من الشاهين زيارة اخصائية تجميل .. اتوقع هذا من ضمن الاجنده الي وضعها سابقا في التعامل مع وضعها .. السماح لشاهين بهكذا قرب السماح له بلمس منطقه كانت محرمه على الغير حتى رؤيتها .. قُبلتها له بصدغه وهو نائم كلها تدل على انه منتهى تخلصت من خوفها وهلعها من التقارب ومن الشاهين بالذات .. اعتقد انه قبلتها مو اشعلت الفوضى والجنون بداخله وانما اعطته الضوء الاخضر اللي يحتاجه للقرب من منتهى كزوجه .. منتهى ماراح تشعر بحب شاهين من خلال النظرات او التصرفات الغير مباشره منتهى بحكم حياتها ومعناتها تحتاج التصريح منه المبااشر .. كونه شعر فيها هل شاهين مازال يعاني من الارق والكوابيس ؟! لانه اشعر بإن منتهى صارت حرة منها وصارت تنام من غير المهدئات ..

العجيز ولدك هذا !! تطلعي عليه اشاعه وتسممي سيرته علشان تسترجعيه ويطلق شاديه !! لكن غاليه طلعت ذكيه جدا وعوض كان رجل موقف بالفعل .. مين اللي كلمه لايكون هذاك اللي وظفته العجيز يتبع اخباره ويلحقه ؟! مااعتقد انها راح توقف عند هالحد .. اتوقع القادم له من امه اشد واقسى من اللي رحل ؟! لكن هو المفروض عليه يضع شاديه بالصوره او سالم على الاقل لانه مو مصلحته اللي يحصل وخطر على حياته الاسريه ؟!

الوليد وترانيم / والله ترانيم هي اللي جابته لنفسها خليك على عنادك وكبريائك ولاتتنازلي .. ودخلت اريج باللعبه اللمعه اللي بعيونها ماتبشر بالخير 🙄🤔.. وبعدين كيف تزور كذا من دون موعد او خبر مسبق !! خصوصا وهم تو عرسان .. الزياره مش مطمئنه ربنا يستر منها ..

الكادي وعبدالعزيز / الف الف مبااارك النونو هههههههه .. جد ضحكت لما وصلت للمار لما قالت عقبال خالي شاهين ههههههههه وشطحت بتخيل البيبي تبعهم خصوصا انه منتهى جمليه جدا وشاهين وسيم جدا 😍.. الحمل اثر على نفسيتها بقوه لكن كيف هو دكتور ولا لاحظ التغيرات اللي نشأت لها ؟! غير الكتمان وتغير النفسيه ؟! ومين الدكتوره خوله هذا ههههههه ماصدقت نرتاح من غدير تجي خوله !! اهم حاجه انها بدأت تعترف بمكانة عبدالعزيز عندها وشوقها له .. باقي تعترف له وتوضح ..

شكرا لكِ الفي على التزامك معنا .. ربي يسعدك ويووفقك ويكرمك بكرمه ويرزقك راحة البال ويصلح احوالكم ويفرج همكم يارب ويسعدك في الدراين .. 🌹❤..

السلام عليكم ورحمة الله وبركاته ،


ربي يسعدك متل ما بتسعدينا ،،وربي يفرجها علينا وعليكم يا رب.


بارتين روعة ..

وسامحيني ع قلة المشاركة، مضغوطة شوي هالفترة ،، لكن تأكدي انك في مقدمة اهتماماتي بالمتابعة..

متشوقة كتير للقادم


*تم التثبيت*



تقبّلي خالص ودي

الفي الف الف مباااارك التثبيت حبيبتي ..
ربي يطمن قلبك يارب ويريح بالك ويصلح احوالكم ويفرج همكم ويسعدكم ..
واااااااه شعور حلو من فوق هههههههههههه دخلت ابصبص على الاحوال وناظرت الروايه وااذا بها فوق خخخخ .. يازين الجو الحلو من المرتفعات والبراد هههههههههه ..