السسسسلام عليكم ✨

والله قاريه البارت من البارح اول مانزل بس تعرفون اذا قريتي شيء جميل يبي لك وقت تدخلين فمرحلة الإغماء عشان تستوعبين وتقدرين تعبرييين🙄❤

اول شيء اعلن الهجوم على جلوووووي
والله شين وقواة عين هذا وصف لحالتك انت وحرييييمك !! بدل ماتعتذر تقول هذا طبعي جعلك باللي مانب قايله طيب ذَا سواة المره الشر اللي عندك طيب تحذفه كذا بالشششارع وتشخطها سحبه طيب ياقليل الخاتمة انتظر لين تدخل البيت وتتطمن عليها على الاقل بس مب منك من اللي ضغطتك فيه نوق ولو انها مابردت كل خاطري بس فيها رجا تكلمت شوي
ياقلبي امحق حب ذَا اللي يعرفه ابو الحريم> كأنها تحمست شوي

بعدين أعلن اعجابي بحسناءء والله انها المرة السنعه واجوديه اللي تقول للخطا خطا وماتجامل بس الحلو انها جابته بأسلوب زين بس من تعلمين مايفهم هالآدمي،🙂!

انا حاطه الأمل بعواد وهالاجتماع يمكن انه ب يبرد خاطري شوي ويجيب الشغاله ويستجوبها قدام نوق وياخذ لها حقها من خويييه ! ولا بيشاور نوير بخطبة مشعل 🤔!

اما قليلة الخاتمه نوره والجازي ذَللي جزاتهم من يترك عليهممم عوّاد يسنعهن ولاجلوي ماش!

بادي ☹
مادري انا عندي احساس كبير ان مصير نوير لك بس اصبر اصبر الجد رافض ماشوف له اي عذر او حق يمكن يشوف ان نوير ماتناسب بادي برأييه او مايبيها تجي تكون قريبه منه اذا تزوجت بادي ! مادري بس ماله حق ؟
حمد واضح انه شالها من باله من درى بسالفة بادي

الكـت جاءءء بوقت اللي باقي نقطه وخاطري يبرررد انتظظر ردة فعل عوّاد لما يددددخل ويشوف نوره حاطه حيلها بالبنات !😳
وتقوم هوشه مالها اول ولا تالي


كرييسسس تسلم يمينك 💕💕

بانتظار الاحد الجميل بجمال بارتاتك
ويارب تفاجئينا ب بارت هديه قبل الاحدد😝💜

السلام عليكم هلا ومرحبا بكريستال الجميلة والله اني طرت من الفرح يوم لقيتك منزلة رواية الله يسعدك مثل ما اسعدتينا
مراح اعلق على جميع أبطال الرواية لأن الحلوات ما قصروا بس لفت انتباهي ردك على الربابة ( بنيتنا مانرضى عليه بتاخذ من يسنعها وتسنعه )
وعلى همس الذكرى ( عاد بنشوف من إلي بتاخذه وبيسنعها وتسنعه )
واتوقع ما في في الرواية شخص وده يتسنع إلا مشعل هو وسنابه
والله ودي بادي هو اللي ياخذها بس الشكوى لله أتوقع الرواية بتزيد حماس مع نوير ومشعل

السلام عليكم ورحمة الله وبركاته
اخبار الجميع ايش عاملين
يا اني مشتاقه لكم شوق ربي العالم فيه
كيفك كريستال والله للحين مو مصدقة انك نزلتي رواية جديدة فرحانه كثير والله
قريت البارتات كاملة واخيرا وصلت لكم
وللاسف ما قريت الردود حتى ما اتاثر فيهم ابي اكون فكرتي قبل عشان بعدين اتابع ردود باقي الاخوات ويكون عندي رؤية واضحه
يا ان عيالك يا كريستال حاسوا عقلي وطلع لي شطحات غريبه عجيبه والله لو اكتبهم غير تقفلي الرواية وتعتزلي الكتابة
ندخل بالجد على طول (^_^)
فيه اساله كثير مشغلتني وينبني عليها توقعات خطيرة
لان 15 سنة ضمت تغيرات كثيرة واعادة بناء مشاعر واحاسيس
اول سؤال الاخ المتوفي او ولد عبدالله الي فهمته توفي مع عبيد كم عمره ايش دوره بحياة خواته ليش ماله ذكر او حزن واضح على خواته حسب الي فهمته من الاحداث توفي قبل سنة يعني بعدهم ما نسوه خواته وامه يعني بس نوير ذكرته في حديث نفس عابر وكمان نوق بس تتذكر عبيد تتذكر انه مات معه ولما يجي ذكر بداية مرض ابوهم انربط لما توفي ولده وعبيد
اتوقع انه انولد بعد القطيعه لان الجده ما سالت عنه او اشتاقت له او العمات والجد والاعمام محد جاب طاريه او يكون متوذيين منه مثل ابوه وعايفين طاريه
((بس داخلي احساس كبير انه له علاقة بالاحداث وانه محرك اساسي حتى بعد موته ))

ثاني سؤال ليش نوير باقي ماتزوجت الي باين انهم بنات حلوات وسنعات وفوق كل هذا باين ان ابوها يفضل زواج البنت وهي صغيره يعني زوج نوق وعمرها حدود 16 سنة ليش خلها بدون زواج او تكمل تعليمها

ثالث سؤال هل نوق تعرضت للنصب من جهة ابوها واقنعها ان الاوراق ماتفيده او شخص ثاني لعب عليها وقال ان الاوراق ماراح تفيد ابوها وراح تقلب القضية كلها ضد ابوها
رابع سؤال هل كان ابو نوق من اول عاق او هي بس قضية الارض الي كانت السبب في بداية العقوق الي لاحظته ان له مكانة غاليه عند امه وابوه وكمان اخوانه
هل اخته نورة لعبت عليه وغسلت دماغه واقنعته انها له من الناصحين او كانت السبب في بداية هذه القضية وقلبت القضية على ام نوق وبنتها نوق
الي خلاني اسال كذا انه فعلته عظيمه لو مكان له محبة عندهم ماكانوا استقبلوا البنات بهالحرارة
ولو انه شخص ردي وحقير لما حلفته امه ان ام نوق لها دخل كان حط السالفة على ظهرها وريح نفسه بس هو نفاها نهائي

احس لسى باقي ما اكتملت اركان العوائل راح يدخل عوائل بالطريق عائلة الجازي وعائلة حسنا وعائلة والدة عواد كلهم لهم ادوار بحياة ابطالنا الي ظهروا لغاية الان
فيه شئ محيرني ليش جلوي اخذ ثنتين بعد نوق وكل وحده جابت ولد واحد بس
الي لاحظناه ان حسنا كويسه وطيبة وجميلة ايش الي حد جلوي ياخذ الجازي فوق حسنا هل وقفت عن الانجاب وعندها مشاكل في الحمل

(((محراك الشر بهالرواية نورة والجازي الله نزع المخافة من قلوبهن الله يستر علينا منهن )))
تصدقي فرحة لما الجد رفض طلب بادي لزواج كم النوري ماينفعوا ابد مع بعض كل واحد عنده نقص كبير وجوانب تبي اشباع وفاقد الشئ لا يعطيه بادي ضعيف ضعيف ضعيف الاحترام شئ والضعف شئ اخر مو مشكله الواحد يكون واصل ومحترم بس ماتوصل لانه الكل يركبه ويشتغل عندهم تحت الطلب
وعلى شخصية النوري راح يتماها فيها بادي وراح يكرها لانها راح تتسلط عليه بشخصيتها الي ماتعرف التلون وماراح يعجبها خدمة بادي للعائلة الكريمة
احس تنفع له هيا كثير احسها القلب الكبير للكل وحساسة كثير

النوري ما راح تاخذ من عيال عمها او من العائلة الكريمة احد يمكن تكون مزوجه لواحد غريب ابوها زوجها له قبل يبتلي بمرض الزهايمر
انتي اشرتي للقادم الغريب هل هو من افراد العائلة وكان مسافر او منفي من العائلة او يقاسم نوير نفس الوضع ويكون فرد ابوه او اهل نفوا من العائلة كمان
لانه لما جاء طاري سفرات عواد للخارج وعلى ما اظن للندن ارتبك وناظر في ابوه وهو الواثق بنفسه الي ما يهزه ريح
وهل القادم هذا يقرب لنادية الي تتواصل مع عواد

لي عوده برد ثاني بس ارتب افكاري اكثر عقلي موقف له فترة طويلة على التحليل والتوقع
النوق لها مساحه كبيره من حيرتي لي رجعه لتحليلها
تقبلي مروري واعذريني على الحوسه الي فوق بعد ما وقفت على ارض ثابته حتى اكون رد متناسق


نيجي لتحليل للشخصيات ((باقي احتمال اغير قناعتي فيهم ))
]]ام النوق[[
شخصية الام المثالية الي تدور مصلحة بناتها حتى لو على حساب راحتها
فيه شئ صاير معها خلاها تلجأ لاهل زوجها وللحين ما بين لان له سنة كاملة مريض وما حاولت تتواصل معهم عشان يكونوا سند لبناتها بس فيه شئ استجد عليهم لكذا قبلت بكل شئ واجبرت بناتها يخضعوا لاعمامهم يا انها مريضه مرض خطير او انه فيه شئ يتعلق بالنوري يكون زوج او واحد ورطهم فيه ابوها قبل مرضه
]]ابو النوق[[
الله يعافينا من مرض الزهايمر ويحفظ احبابنا يارب
فيه شئ غريب بقصته ايش قلبه على ابوه ايش قصة هالارض والصكوك كيف قدر يثبت انها له هل في الامر تزوير وهضم حقوق او فيه ناس لاعبين عليه ومورطينه بهالقصة مثل نورة
هل من الممكن انه يكون الشخص الي يبرأ نوق او يكون معلم حد بالحقيقة بداية مرضه او كاتب في وصية كل القصة

]]وعد وعهد وشيما وهيا [[
ربي رحمهم ما عاشوا الحياة الي عاشوها خواتهم وما ذاقوا الويل
وعد اتوقع راح تكون لها حكاية مع مشعل بعد ما ترفضه نوير وتخرب الخطبة وراح تعيد تشكيل قناعاته
عهد شكلها ملقوفة ولسانها ما عليه رباط وراح يكون له اثر بالاحداث بفلتات لسانها وراح تدخل مشاكل بسببه
شيما وهيا هم النسمة اللطيفة
شيما لها حياة مع متعب وراح تستوعب مرضه وتحتويه
هيا راح يكون لها حكاية مع بادي>>>>على كيفي *_^
من اول ظهور لبادي وبداية ظهور لهيا ما ادري ليش ربطتهم مع بعض

}}النوري {{
يالبى قلبها من الحين انا من مشجعينها ومعها قلبا وقالبا
صحيح انها شوي عصبيه وتحمل مشاعر متطرفة من اهل ابوها بس للحين احس كل ردود افعالها بمحلها مافيه أي تصرف ثاني يناسب هالظروف لو تصرفت مثل خواتها راح تكون غير واقعيه ابدا ((معها حق تكسر روسهم كلهم))
فيه علامات استفهام كثيره تدور حولها وحول رفض الجد لها
هل السبب لانه يغار على بادي ويخاف ان النوري بشخصيتها القوية تسيطر عليه وتبعده عنهم مثل ما صار مع ولده عبدالله حسب اعتقادهم ا نام نوق سحبته منهم
او لانه فاهم انه قوية وولده ضعيف ما له باس عليها وما راح يقدر يرتاح بحياته معها
او انه فيه قصة مخفيه للان تخص نوير ما ظهرت لنا
للان محتارة من اصرار ام النوق ان عواد هو سندها الوحيد وانه هو الي باقي لها هل من الممكن تبعد عنهم نوير وتسكن بعيد عنهم في مكان مرتبط في عواد كلام امها في المستشفى للحين يتردد في عقلي ايش معنى عواد طيب منصور كان قريب لهم ووقف في وجه ولده عشانهم لكذا فيه رابط بين حياة نوير وعواد القادمة وراح ترتبط مصائرهم مع بعض

]]النوق[[
النوق وجلوي قصة عشق وحب مراهقة انوشموا فيها قلب نوق وقلب جلوي بس هل متساويين بمحبتهم وبتضحيتهم هل الجراح الي صارت وتبادلوها والي راح يتبادلوها راح تخفي اثار الوشم وتمسحه وتشوهه او انه يقدروا يتداوا وتمضي الحياة ويعيشوا تالي العمر مع بعض
للان اشوف ردة فعل نوق طبيعيه ومتوقعه من صمت وسلبية في التجاوب مع جلوي
بس الي مو فاهمته خوفها منه وتجنبها زعله
الي فهمته من المقتطفات من الذاكرة انها اجمل قصة حب وعشرة صح امه عسرة في تعاملها بس كان لها هو الحضن الدافي يعني مافيه تعامل بعنف بينهم وماعمره مد ايده
وكمان باين ان عبيد كان راقي في تعامله معها وكان لها البلسم الشافي ومسكن لاوجاعها
حتى ابوها هي حددت انه غلطه معها بس عدم تعليمها وسالفة الاوراق بس
ايش كان نوع التهديد الي كان يمارسه عليها هي وامها هل هو الحرمان من امهم بس او فيه شئ ثاني يجعلهم يرضخوا له
بس ما اظن فيه عنف جسد مارسه عليهم ابوها
ليش الرجفه والخوف من العصبية في حلقة مفقودة

فيه توقع جاء في قلبي لما رفضت جلوي يوقع على ورقة الي تحفظ حقها انه راح تطفشه لما يطلقها وما تبي انه يكون فيه سبب يمنعه عن الطلاق الي هي تتمناه
بس انصدمت لما قالت له خذ حقك كامل مني كانها تعطيه مجال ياخذ حقه القديم بسبب الاوراق عشان يطلعها من راسه ويرجع لحياته وهس ترجع لحياتها مع بقايا ذكريات مع عبيد
كان نفسي انه بعد مامسح الصور الي تخص حياتها مع عبيد وحركة عصبيته قبال زوجاته انه تعطي اخواتها الجوال وتخليهم يرجعوالها الصور وبالذات اذا كانت من خلال برنامج الواتس وكمان يكونوا مسوين لها (أي كلاود )ويسترجعوا كل شئ ويكون محفوظ عندها وياليت يكون محفوظ بالاب توب صور
وتوقف في وجهه وتقول اذا تفكر انك كذا تمسح سنين مرت من حياتي وكانت اجمل سنيين ابشرك غلطان وتمسك الجوال وتكسره قبال عيونه وتقول كل شئ محفوظ بقلبي وعقلي وراعي الطيب ما يتنسى وترفض نهائيا يجيب لها جوال وتجيب جوال كشاف لها ولاخواتها للتواصل الضروري جدا بدون ما يعرف عنه ويرجعوا لتواصل مثل ما كانوا قبل 15 سنة
وخلي عصبيته قبال زوجاته تنفعه
(((((يارب يارب يارب انه كريستال تعجب بتوقعي وتضمه للرواية وتبرد قلبي من جلوي )))))
نوق لجئت لربها لكذا مطنشه وغاسله يدها ولا عاتبت ولا لامت ولا صرخت ولا طالبت بحقوق عارفه ان ربي راح يجيب لها كل حقوقها طول ماهي ماشيه برضى رب العباد وموكليته امرها
يمكن لو كانت رد فعلها اعنف راح يروح حقها بصوتها وتمردها بس صمتها ابلغ واقوى يجعل الي قبالها يفكر الف مره ويراجع حساباته


كذا انتهينا من عائلة النوري يمكن يجي على بالي فكرة او تحليل او توقع واجي اكتبه مثل العادة (^_^)