مرحبا كريستال
بارت فيه كثير من شد الاعصاب والترقب .الله يعين عواد العقرب نورة متى بتنهد الله يهدها هي والبودي جارد ام جلوي . العقرب ما تفكر غير في نفسها حتى أمها ما قدرت كبر سنها وتعبها تجرجرها عندها عشان تطرد نادية وتفشل عواد .
بس موقف طرد عواد للعقرب والبودي جارد ( أم جلوي) موتني من الضحك وأنا أتخيل الموقف و صوت ضرب العقال .
ننتظر موقف أبو فيصل وأبو جلوي من حريمهم ، أتمنى من كل قلبي يطلقونهن عقب ما تاخذ كل وحده منهن المقسوم .

كريس وش هالبارت برد القلب لو شوي

صراحة نوير تنرحم رايحة لزفتها بدون كائن انثوي كلهم رجال أعوذ بالله لو انا مكانها مت يعني رايحة لحياة جديدة ولا أحد معي من البنات يخفف عني يعني الرجال مهما يكن م يقدر يخفف عليها ويفهها عاد عواد والجد توهقم وبقوة بعد وبعدين م لومها لو ترجف وتنكتم الوضع جديدة وم يطمن لو أخذوا أي وحده من البنات على الأقل تخفف الوضع شوي عسى يارب م انحط في هالموقف انا انخرشت مو النوري 😂😂 أعوذ بالله أتخيل مودينها للمستشفى في الحال هذا والله فشلة وش يقولون .. وجد قمه الفشلة اللي مسنترين في الفندق وشافوهم من دخلت العروس طبعا م ابي أتكلم عن شكل العروس وهي وفستانها من تدخل العباية من جهه والفستان من جهه ثانية الله يسامح هالمصممين يجي الفستان وش كبرة انا مدري اشيل نفسي والا الفستان* .. يا عمري يالنوري من ترجى عمها انه م يتركها والله العظيم الرجال توهق وين يأخذك بس جد حال كل عروس 👰 ودها في اللحظة الأخيرة تترك كل شي* .. وحالها من قالت ليش م اجلوا كل شي لحد امي تخلص من حدادها اي والله ينوري مدري علامه مستعجل هالرجال كله متشوق لحياته معك وانتظرك كثير ولا يقدر يصبر 4 شهور م علينا طاح الفاس برأس ونقول لكم ألف مليون مبروك .. ضحكت من قال م ظنتي الحين راح تتركيني وتهجين*😂الله يمحي الماضي الأسود اللي بينكم ولكن يبقى له ذكرى حلوة مهما كان .. أما الارتباك اللي بينهم والله موقف كبير على كل من تزوج يعني هو يحاول يخفف من ارتباكه ويكسر الصمت .. أما مدت اليد النوري ههههه مت ضحكت والله نشوف علوم كبيرة من الربكه

" حتى أنا مرتبك بس أنتي شكلتس خربتيها قبل لا أجي "* والله شكله من كلامه هنا أن الكحل من كثر البكى صاير الوجه خريطة لا تنسى لكل عروس وأقول لكل عروس م نبي كحل إلا إذا كان ضد الماء اصلا لازم كل المكياج يصير ضد الماء لا سمح الله وبكينا م تصير وجهينا خريطة 😂😂😂 نصائح ذهبية 😛 .. أما وجهه نوير من قال م كنه بدري تغيرين ملابسك احسه قلب وجهها 😶ي هزه الرأس أنها مصيبة وانتي مو مركزة في الكلام يلا يالنوري لا تكسرين خاطر الرجال تعوذي من إبليس ولا تغيرين فستانك 😊 كريس دوري لنا طريقة عشان نحقق أمنيه بتوري خليه عيونه تشبع من زول النوري وفستانها 😂😅 المهم أهم شي بتار حقق أمنية وحلمه اتوقع كثر م يحلم ويتمنى في هالليلة وأهم شي حضنها 💑* والله صراحة أفكر في النوري من تروح مع بتار لأهله يعني ناس جديدة عادات ونمط حياة جديدة م اقول إلا ربي يعينك يعني خواته واهله مو متقبلينها الله يعينك وبعدين وين أمه ع الأقل حضرت الزواج مهما يكن هي أمه.

وبعده يجي موقف فوزية ونوق تبتسم ولا كن شي صار وتجي تخرب وتنكد وناستها في ذكر ليله زواجها .. وبعده خروج أم أحمد والله أعلم أنه رجعه زوجها بدري انه يبي يمسك أبوه ويقول له عن زواج عواد يعني نورة خربتها مع أمه وهو مع أبوه والله جد مدري وش يحسون فيه هالاثنين طيب م تخافون ع أمكم وابوكم لا يصير لهم شي من الخبر هذه يعني عارفين قوه الموقف عليهم ليش تصدمونهم بس يمكن أم أحمد تمسك زوجها اذا عرفت علومه لو تضطرين تقفلين عليه الباب أهم شي لا يسوي مصيبة وخصوصا أبوه صحته تعبانه ولده عواد غالي عليه .. بعده خروج الشر أم فصفص وام جلجول والطرف الثالث أم عواد وبعدها نورة تحارش نوق يعني جد تدور المشاكل واخيرا* نوق ردت عليها شكل بعض المصائب تقوي الشخص ولا تضعفه يعني في موقف سابق من تكلمت نورة نوق م ردت عليها وكانت ضعيفة ومنزله رأسها لكن الحين ردت وفعلا ربي م ينسى عبيدة يجي يوم وكلن يأخذ حقه عسى ربي يغفر لنا ويسامحنا .. انتم متخيلين نورة الشر يوجعها قلبها أو تحس مجرد إحساس من كلام نوق شي نادر والله* وأخيرا أم جلجول حست بدري ياشيخة بدري تدرون متحمسة اشوف جلجول وين غاط رأسه هو مدري حضر الزواج أو راح مكان ثاني مدري اشتغل عنده ضميره مثل أمه والا ميت الإحساس عاد تدرون أحس تأنيب الضمير موجع قلبه وكرهها من قلب وعسى تطلقها وتفتك منك بس جد ودي اعرف وش برأسه وش ناوي عليه وكيف يبي يقول لأهله انه رجعها يعني نوق تاركه المهمه عليه ولا لها نيه نقول بس متى يتكلم ؟!**
أما أم عواد م جت هنا إلا عشان المعرض وفي المرتبة الثانية عشان موضوع ولدها والله هالانسانه عجيبة وغريبة فوق ن الغلط راكبها هي وزوجها إلا أنهم يقولون عالي الظالم م قول إلا يحظ المظلوم في الجنة وين صبر عيال عالي عليكم وعلى كل شخص تكلم عنهم وعليهم .. وفوقها نورة حولت السالفة من أنه مو كفو نسب إلى ليش م اشهر زواجه فيها*والله انتي عجيبة يعني الظروف تكفي يمنع اشهار زواجه الحين لازم يتحرك عواد ويعلن الزواج لأن موقف نادية ضعيف وهي راح يطولها الحكي ليش وش فيها ومن هالكلام وفوقها حجتهن ضعيفة أجل يأخذن أم عبدلله لأن هي آخر حل لوضعهم.

بعده موقف نادية والهجوم اللي صار عليها في بيتها وتحاول نادية تأخذ من اطباع عواد أولها من قالت ارفعي رأس لشيما وبعده تحاول تقلد لهجته يا ناس انا عجزت أكتبها*احسها غلط والله العظيم عاد كيف لو ابتكلم فيها جدا صعبة وبعدين اللهجات اذا جت من أحد مو منها وبعيد عن اللهجة صراحة تصير مو حلوة منه* يصير غثيث والله 😂😂 يأن شيما فيها خوف مو طبيعي لازم تحاول تتخلص من الخوف .. بعده جاء الهجوم المسلح وصل وأول من أكلها شيما طيب هي وش دخلها فيه هي عبد مأمور*يعني مو مثلك يا نورة تروح تنشر علوم الناس بالعكس حتى أمها وخواتها م قالت لهم وبعدين يحاولون يخربون علاقة الجدة في شيما صدق أنهن يخربن بيوت جعل بيوتكم تنهد ع روسكن يالشر الثلاث م قهرني كثر نورة من مسكت شيما وتهزها والله الحرمه ميته قهر من أم نوق وبناتها وتحط الحره في شيما يعني انتي جايه عشان موضوع زواج عواد وش دخل شيما الحين والحين أم جلوي وش دخلها في الإعراب وش حاشرك في السالفة وبعدين أمها أم نادية م غلطت م غلطت بالعكس انقذت نفسها من واحد ضايع

"نوره : هذا إن ماكان عند أم نوق خبر بالزواج وساكته ماقالت لتس وأنتي طول* يومتس مقابلتها"* صدق أنها خرابه بيوت الحين خربت ع شيما عند جدتها في كلامها والحين حولت لأم نوق الله يستر من تاليها*

مالوم نادية من طلعت عنهم يعني م تبي ترد عليهم ولكن المفروض اعطتهم من الكلام اللي يسكتهم يعني صدق الناس مستسخفه أو مصتصغرته موضوع القذف والسب والشتم لو الناس نست رب الناس مو ناسي وكل كلمه قلتها موجودة في صحيفتك يوم يبعثون وش يفيد الندم بعدين الواحد المفروض قبل يتكلم يخلي قدام عينه انه راح يحاسب ع كل شي**

*"نوره بسخريه : طالعوا تسيف تركض .. يعنني قطيعه تقطعها مرتن وحده وتقلعها بعد !"* إلا قطيعة تقطعك وتصيرين اشلاء بعد جعلني اشوف فيك يوم

"أم عواد بضيق وعصبيه رفعت يدها بوجه نوره : ماراح أسمح لك تلمحين بشي عن ولدي .. وإن أخذ الوصاه هو كفو لها غصب عن الكل !" صدق شر البليه م يضحك الحين م تبي يدوس ع ولدها بكلمة وبنت الناس اكلتوها بكل علم عادي حلال عليكم وحرام عليها عجب والله ترى الدنيا تدور تدور

اما عصبية عواد ومن خروج نادية من البيت يعني جد بيتك وش عليك تطلعين إلا انتي الداخله وهم الطالعين المثاليه والأدب م تنفع مع هالاشكال أبد وبعدين لازم لازم لازم تثبيتين نفسسك عندهم لازم تاخذين بحقك ولك كلمه م ينفع معهم السكوت بالعكس راح يدقونك أكثر يحسبون سكوتك ضعف لو انتي انتي تحترمينهم من احترام انهم أهل عواد يعني عواد كره خروجها وضعفها قدامهم الحين يعطيها دروس في الحياة مع الوحوش اللي حولها*

أكد لكم أن أم جلجول راح يجيها العقال من منصور والطلاق هو مهددها من قبل ولكن الحين التنفيذ وتستاهلين مجاك والله منتي بعيده عن فعول الجازي .. أبو فصفص مدري وش قرارة مع نورة اكيد راح يجيها ضرب وتستاهل أكثر لو يطلقها لو سمحتي يحطها في دار العجزه او تنثبر في بيتها مع عيالها ولا توطوط من الباب أو تسلم الشرطه هي وأم جلجول لأن الحين فيه عقوبة اللي يخربون ويفتنون في بيوت الناس* .. المهم من ركض عواد عليهم يأني مت ضحك أتخيل شكلهم هن وعبيهن

اما كلام نادية لام عبدالله زين طلع شي منها راح ترضى أم عبدالله زوجها قريب اذا مو من عواد نفسه راح يرضيهم بتار ولكن م قطع قلبي كثر من قالت نادية انه أمها م سوت عار وإلى النهاية وخصوصا هنا* " مايكفيكم عشان ترضون عن ماسواه عواد ولا تتعبونه ! " شالت هم عواد قبل حالها لأي حب وصلت له نادية لعواد يعني واضح* عليهم انهم متمسكين في بعض للآخر واضح انه يموت فيها ومرتاحين مع بعض لكن اللي حولهم مو مساعدين كلش

*" عيني لا تشوفك في بيتي وخل عندك بنت عبدالله تغطي فعولك يالخايب !! "

أم عبدالله تعوذي من الشيطان راح ترضين م شلت همك وبعدين بنت عبدالله وش دخلها واتوقع الحين راح يشمل أم نوق وبناتها اما موضوع الوصايا م شلت همها دام أنهن كبار وراح يسالونهم ويأخذون رأيهم

"أم عواد : كان قررت أرضى عليك وجيت على بالك .. طلق من أخذتها بدون شورنا وتعرف وين أكون ! تتحرك بخطواتها المتوازنه تاركتهم حتى ينتهي هاللقاء بخساير أكثر ومواجهات ماكانت غير تعيد التاريخ .. لكن بأختلاف الأزمنه والأشخاص !"

*اوكيه انتي أمه يام عواد ولكن انتي وزوجك ظلمتوا أبوها جايين الحين تظلمونها ومع ولدك يعني يبيها وش عليك انا اشوف كل واحد يتحمل نتائج قراراته مهما كانت أمه أو أبوه .. وبعدين في آخر كلامها احسها تقصد نفسها من تطلقت من ابو عواد

.
.
.
طبعا*كريس شهادتي فيك مجروحة كل بارت فيه أحداث مو متوقعه من إبداع إلى إبداع والحمدلله بكرة فيه بارت ونروق عليه لكن م اتوقع أكون معكم صرت مثل العجوز انام بدري 😂


فيتو صح لسانك ويا عزتي لك يا عواد