لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > قصص من وحي قلم الاعضاء > الروايات المغلقة
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الروايات المغلقة الروايات المغلقة


تعلمت السهر بعدك وانا قبلك رفيق النوم .. ولاجاب السهر طيفك ولا عود علي نومي..

بسم الله الرحمن الرحيم السلام عليكم ورحمة الله وبركاته ... بعد مد وجزر من التفكير قررت انزل اول روايه لي أتمنى تعجبكم وانشالله اذا شفت فيه تفاعل راح انزل كل

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 21-06-16, 12:36 AM   المشاركة رقم: 1
المعلومات
الكاتب:
اللقب:

البيانات
التسجيل: Jun 2016
العضوية: 317568
المشاركات: 2
الجنس أنثى
معدل التقييم: فتاة العالم عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
فتاة العالم غير متواجد حالياً
وسائل الإتصال:

المنتدى : الروايات المغلقة
افتراضي تعلمت السهر بعدك وانا قبلك رفيق النوم .. ولاجاب السهر طيفك ولا عود علي نومي..

 

بسم الله الرحمن الرحيم
السلام عليكم ورحمة الله وبركاته ...
بعد مد وجزر من التفكير قررت انزل اول روايه لي أتمنى تعجبكم وانشالله اذا شفت فيه تفاعل راح انزل كل أسبوع جزء ..

البداية............
لطالما بنينا احلامنا الوردية وتخيلاتنا المبنية على الحب والوئام فوق انعدام حريتنا وتشتت اجزائنا لطالما ألفنا قصصا ملئى بالسعادة والهناء وعشناها في واقع مخيلتنا لطالما كتبنا أمنياتنا البريئة على شواطئ الحزن في أمل أن تتحقق يوما.
كلنا مفطورون على أن نبني احلاما ونتوه داخل مخيلتنا لنعيش أجمل قصص الحياة الخيالية الزائفة ...
في متاهات الحياه وبين مدها وجزرها انتضار لايكاد يقسم عاموده الفقري الذي بدا عليه الأنحناء في بلاد غير بلاده وأرض غير تلك الأرض التي كبر وترعرع فيها كانت الوحده هي الرفيقه الدائمه التي دئما ماينام بين احضانها ,
دائما مايعشق هذا الرجل شروق الشمس وكأنه ينتضر ان تشرق شمسه وتنجلي عتمة الليل الذي بدئت تأخذ من قوته شيئا فشيئا ,كان واقفا من شرفة منزله محدقا بشروق الشمس وباديا على وجهه ابتسامه مليئه بالتجاعيد التي غيرت كثيرا من وسامته مشى بهدوء حتى خرج من منزله بعصاته التي يتوكاء عليها ليرمي ثقل السنين عليها ......
............................................................ .
عيناها الخضروان وعلاقتها القويه بالدموع حتى بدا وجهها شاحبا وكأن لاحياة بها بل أنها قد نست كيف ان تعيش حياتها التي لقبتها باللا حياه كان وقت الضهيره قد حان ليأتي وقت الغدء لتنزل بأناقتها المعتاده وشحوبها المتعود عليه لتجلس بطريقتها الكلاسيكيه وضهرها المستقيم وشعرها المسدول بحريه لتأكل من اطبااقها المفضله برويه وكعادتها تصحو من هذيانها بكلمات من عمها أبو هند.
أبو هند/صباح الخير لبنتي الحلوه
توليب بأبتسامه باهته/صباح النور
أبو هند/ها بنتي مرتاحه ناقصك شي محتاجه شي بنتي ترا كلي لك أمريني ولا يردك الا لسانك
توليب/ابد عمي مرتاحه مو محتاجه شي....وبنفسها(محتاجه بس ياعمي صعب الي ابيه صعب) غمضت عيونا بقوه وهي من جوا تتأكل على حالها
............................................................ ........
عليك العتب واللوم ياريشة الرسام..
رسمتي عناي وفرحتي مارسمتيها..

الفصل الأول....
على انغام الميوزك الهادئه خرجت وكأنها فراشه تطيربفستانها الأبيض ووجها الذي يشع فرحه وابتسامه جانبيه ساحرره الكل يسمي عليها.. توسطت كوشتها المزينه بالؤلؤ بعد عدة دقائق توجهت الأنضار للباب الذي سيخرج منه العريس ومرت ثواني ودقائق وساعات ثم انقطاع الأمل بدخوله .......
..............................
في فرنسا...
طلعت من الجامعه وهي متضايقه حاسه قلبها يدق من دون سبب وقفت تاكسي واعطته عنوان بيتها وهي يدها على قلبها مو عارفه ليش هالكثر يدق دخلت ورمت بلوفرها على الكنبه وفكت الأيشارب ودخلت الحمام تأخذ شور حست انو تنفسها بدا يضيق مو قادره تتنفس زياده مدت يدينها تبي تفتح باب الحمام ومو قادره جلست على الأرض وبدت تضرب الباب برجولها وتضرب لين توقف كل شي تنفسها وحركتها ونبضها وارتفعت عيونها لفوق ....
انفتح الباب وشلت الصدمه اطرفها من المنضر اللي قدامها وبسرعة البرق اتصلت ع الأسعاف ورجعت تسوي لها تنفس صناعي وتضرب عل صدرها بقوه في امل انها تتحرك بعد دقائق اخذها الأسعاف بالسياره وصارو يحاولو يرجع النبض.......
.................................
بالرياض...
يوم السبت اليوم الي بتجتمع فيه العايله عند الجد ....
الساعه/5 مساء الكل مفروض يكون وصل ..
البنات يجتمعون بجناح كااامل والأولاد يكونو بالمجلس عند الجد ...
اما الحريم المتزوجات فمجلسهم بمجلس الجده ..
بمجلس الجد ..
المجلس فخم يجمع مابين التصميم الصيني والفرنسي بجلسه صينيه والنوافذ كبييره بتصميم فرنسي تطل على ساحة القصر ...
كان الجد بملامحه الي يغلب عليها القساااوه نوعا ما متوسط المجلس بعيونه لمحة حزن يغلفها بالبرود والشده للهروب منه..
وعلى يمينه ولده الكبير محمد بملامحه الحاده وعيونه الي يغلبها الجمود من النوع الي صعب عليك تحدد شخصيته ..
وعلى شماله ولده الثاني عبد العزيز يغلب عليه طابع المرح بس بوقت الجد جد طيب وكريم وشهم وكل الصفات الحلوه فيه..
والبقيه من أولاد أولاده ..
شخصية الجد القويه وهيبته تخلي الكل يسكتون من دون كلام الا بأدنه ..
الجد /لازم على الأسبوع الجاي ياعبدالعزيز تكون بأمريكا عشان تنهي الصفقه مع دانيال أتمنى تكون قد هالصفقه الي وليتك إياها وتطلع بنتيجه
عبدالعزيز بابتسامه /ابشر يابوي باذن الله أكون قدها مو انا ولدك
الجد وعيونه على فيصل ولد ولده محمد/فيصل انت بترافقه
فيصل برضوخ/ابشر يبه
وكالعاده الجلسه عن الشغل والصفقات والأسهم والربح والخساره ...........
.................................
بمجلس الجده.
الجده متوسطه الجلسه بين زوجات أولادها حنووونه بزياده والكل يحبها .
تجلس بكاامل اناقتها الي يشوفها بيقول ثلاثينيه وهي ابعد مايكون عن الثلاثين زوجة محمد عاليه في أواخر الخمسين بس تنافس البنات بأناقتها..
اما زوجة عبدالعزيز هياء جالسه جميله ولاكن ليست أنيقه اناقه تليق بعائلة زوجها المليارديريه وهذا الشي الي يخلي عاليه تتكبر عليها ..
..............
بجناح البنات..
منسدحه على سريرها شعرها الأشقر منتثر حولها عيونها الخضر الي من يشوفها يتخيل حاله بجزر الكناري انفها الصغير مرتفع وشفاتها المليانه باللون التووت الأحمر آيه من الجمال تجمع بين الأنوثه الصارخه والنعومه الي تزيدها جماال.ز ابتسمت ابتسامه جانبيه على هبل هند الي تلعب بشعرها تبي تقومها من السرير عشان ماتنام
هند/ تووولييب وجعوه لا تنامي يله قوميي
توليب /هنووده ياحبيبة قلبي اتركيني انام بسلام
هند وهي تصارخ/بناات تعالو شوفو توليبوه شتقول
طلت عليها منى وهي تضحك/تقول اتركيني انام
هند وهي فاتحه عيونها بقوه/ول عليها كيسة نوم (وتهز كتف توليب)ياماما لسا صحيتي ترجعي تنامي
توليب وهي تجلس وتتربع /ها ياستي كاني جلست
هند بحنيه/توليب ياقلبي وربي مابيك تنامي عشان مو حلو لك تنامي كل وقتك
توليب ببتسامه وبداخلها تبكي /يابعددهم انا مارتاح الا كذا بس عشانك ماراح ارجع انام اوكك
هند بضحكه/اوكك نروح للبنات عاملين جو بنشوف فيلم
توليب بتكشيره /لايكون هندي
هند ماتت ضحك/لا امريكي عشانك
توليب بوناسه/يالله مشينا اجل
..........................

وكأن الطرقات ملونه باللون الرمادي وهو كذالك لاينضر إلا بالعين الرماديه وكأن كل شيء سرقة منه الحياه, لايزال واقفا بين الحشود ينضر بالوجوه الماره وكأنه سيلقى حياته التي رحل عنها منذ زمن بعيد امنياته الكبيره الشبيهه بالمستحيل لازال يستحضرها في مراحل حياته الأخيره لم يكف عنها رغم مضي السنين وذبول جسده وانحناء ضهره مشى قليلا ثم توقف لينضر إلى طيفها آت من بعيد نسي نفسه ومن يكون وراح يركض بعنفوان وشوق فاتحا ذراعيه تاركا عاصاه وما إن يقترب منها حتى تغيب وترحل وتكون لاشيء مجرد خياله هو من اتى بطيفها من مخيلته حتى مثلها كواقع ملموس بكى صبره الذي مله فتوقف ليكمل طريقه بدموعه التي لطالما حملها أينما كان......
.......................................................
ضلام يكسو تلك الصاله إلا من نور الشاشه الكبيره وكأنها شاشه سينما الكل مندمج مع الفيلم إلا عيناها التائهه في الاشيء ناظرت من حولها الكل متحمس مع الفيلم حاولت تفهم القصه بس مافاد انسحبت من الصاله بهدوء ودخلت الغرفه وحطت راسها على المخده وراحت بذاكرتها لبعييد راحت بوقت كسرر مجاديفها في الحياه غمضت عينها بقووه وهي تشوف كل شي وكأنها امس مو سنيين طويله نزلت دموعها ورجعت تمسحهم ابتسمت وبنفسها /ليت لي قدره واخذك بين ضلوووعي اضمك ياكم اشتقت اشوفك واحاكيك آآآه يبه لو الزمن ماخذك آآآه لو تشووف انا ويين كنت ولا وين صرت صحيح اني كبرت بس لازلت أعيش طفله تكتب احلامها وتنام وتصحى اليوم الثاني بتفائل ان كل شي اتغير وتحققت احلامها عندي امل او يمكن حلم انك لازلت حي ترزق إحساس رافقني من وانا صغيره بأنك قريبب مني بس ماقدر اشوفك او احاكيك ,فتحت عيونها الخضر وهي تبتسم وبصوت طويل مليان تفائل/عندي أمل اني أضمك .عندي امل اني احاكيك واسولف لك ,عندي امل اني راح التقي فيك واشوووفك..
..................................................
انــتــهــىـ ....

 
 

 

عرض البوم صور فتاة العالم  

قديم 24-06-16, 10:09 PM   المشاركة رقم: 2
المعلومات
الكاتب:
اللقب:

البيانات
التسجيل: Jun 2016
العضوية: 317568
المشاركات: 2
الجنس أنثى
معدل التقييم: فتاة العالم عضو بحاجه الى تحسين وضعه
نقاط التقييم: 10

االدولة
البلدSaudiArabia
 
مدونتي

 

الإتصالات
الحالة:
فتاة العالم غير متواجد حالياً
وسائل الإتصال:

كاتب الموضوع : فتاة العالم المنتدى : الروايات المغلقة
افتراضي تعلمت السهر بعدك وانا قبلك رفيق النوم .. ولاجاب السهر طيفك ولا عود علي نومي..

 

الفصل الثاني...
فرنسا..


صوت ركضها تنزل من على الدرج نبه الجميع انو فيه شي مو طبيعي وقفت قدامهم وعيونها تدمع وصرخت بقوه/بناااااات لااااااا لاااااااا
مسكوها البنات وهم يسمو عليها مو عارفيين ايش فيها
ريم صرخت فيها/ترفوه يابنت تكلمي ايش فيك
ترف ببكاء/لميس يابنات
نجلاء/ايش بها لميس
ترف وهي تشهق/كلمتني حنين تقول تقول انها اخذتها للمستشفى وانها ماتقدر تتنفس وتقول تعالو لأن حالتها خطيره مو عارفين ايش فيها
صوت خبطتها على الطاوله خلت الكل يلتفت لها انصدمو البنات لما شافو وجد طايحه بالأرض وجبهتها تنزف من اثر الطاوله الي طاحت عليها
نجلاء بصراخ/ماااء جيبوا ماء بسرعه
ركضت نجلاء لوجد وصارت تهز كتوفها وتضرب خدودها بشويش وريم ركضت تجيب ماء وصارت ترش عليها عشان تصحى فتحت وجد عيونها بشويش وتحركت شفايفها بشويش وهي تقول/لـ ممــ يـس
ريم بدموع/بخييير قومي نروح لها نتطمن عليها
وجد ببتسامه صفراء عندها إحساس يزعجها/اوك يالله بسرعه
تسندت على نجلاء وصارو يمشون الأربعه وقلوبهم مليانه جرووح ..
بنفسها تمتمت مو كافي يادنيا مو كافي حرمتيني كثيرر واخذتي كل شي احبه هالحين الدور جاء على لميس يعني كل شي احبه تاخذينه آآه بس يادنيا ... وجد
تتذكر ضحكاتها بكل مكان تلتفت يمين تشوفها تبتسم لها وترفع يدينها تلوح لها تلتفت يسار تشوفها ترسم قلب وتقول من دون صوت احبك...ريم
دموعها وارتجاف يدينها وتفكيرها انها راح تفقدها خلاها تبكي بصوت مسموع...ترف
تسترجع كلامها ذكرى ماراح تنساها (انتي رجل البيت انت سندنا بهالغربه) خلى حمل ثقيل على اكتافها... نجلاء
بالمستشفى...
دخلوا البنات ونبههم صوت صراخ يعرفونه كويس بس ممجرد ماسمعو الصراخ صارو يصرخون على طول عرفوا انوا فيه شي مو كويس ركضوا باتجاه الصوت لين وصلوا عند لميس ناضروا فيها..
كانت جالسه تضرب الأرضيه بقوه وتصيح من لما شافت البنات صاحت فيهم وهي ترجف
حنين/ممــاتت بنات مــ عاد فيه لميس لمــي ــس راحت راااحت
............................................................ ....
بكاء وعويل دموع بلا صوت انكسار جديد تراتيل قرانيه تحييط بهم جمود تفكيرهم وسواد ألباسهم نضراتهم البائسه واعيونهم فاقده كثير من الراحه سقم جراحهم ومرارة موقفهم ألم تكن لية البارحه تضحك معهم ألم تكن تحكي لهم قصصا مؤلفه من خيالها الواسع لتخبرهم انه مقلبا الم تكن تسعدهم كثيرا الى حد الأدمان بوجودها بينهم الم تكن هي الفراششه التي تتنقل بين الأخرى والثانيه لتزرع ابتسامه ملونه بين شفاههم الم تكن تخبرهم انها اشتاقت لأن تعرف من تكون كيف ان ترحل هكذا دون سابق انذار كيف باستطاعتها تركنا وحيدون دون ان نرى ابتسامتها المبتذله لتخفي سرا بقلبها دون اخبارنا به
كيف لنا نحن العيش دونها وقد أدمنا وجودها كيف ننضر الى زوايا منزلنا وقد ذهب لونه واقفرت حاجيته كيف نستطيع تناول أطعمتنا دون ان تكون اول من يأكل منها سنسأل الله صبرا طويلا سنسأل الله فرجا قريبا .....................
............................
بالرياض
ضربت الباب برجتها وصرخت وهي تنادي/تولييييب ادخل
توليب بانزعاج لأنها قطعت عليها اندماجها بالقراءه//ادخلي هندوه يعني لازم تسوين فيها مؤدبه وانت مخربتها بجلافتك
دخلت هند وهي تضحك/انطمي بعد هذا وانا جايه بقولك شي
توليب وهي تعدل جلستها /ايوا ايش هو ذا الشي اذا تافه اخبرك هالحين بمطك من شوشتك لبرا
هند وهي تضرب بخفيف ع راس توليب /خبله انتي انا اجيب شي تافه الحمدلله والشكر
توليب وهي ترفع عيونها لفوق/اوكك شوهالشي قولي بسرعه
هند/ احم احم ابوي خبرني اننا انا وانتي ب نروح معه
توليب باستغراب/نروح على وين انشالله
هند/بنروح معه اميركا ثلاث أيام كذا اربعه نغير جو
توليب ببتسامه/وآه فديته عمي كأنه يعرف اني ابي أغير جوي شوي واختلي بروحي بعيد
هند بعصبيه /أقول انقلعي انا معك مو بروحك انتي
توليب ببتسامه جانبيه تسحر/اوكك انتي معي
هند تبي تطلعها شوي من جوها الكئيب/تطلعي معي كوفي
توليب /لاا مابي اطلع
هند / أصلا مو على كيفك بتطلعي غصب اروح البس هالحين وألاقيك لابسه اوكك
توليب بضجر/هندوه مابي
هند/ يالله بس معك خمس دقايق اذا مالبستي روحي ببجامتك مالي دخل فيك
توليب /اوكك ياخبله
هند/ه هههههههههه
................................
بين خربشاته على لوحاته المتناثره حوله وبين ذكرياته التي بات يحيكها بيده التي لاتمل ولاتكف من رسمها كان واقفا بينهما ينضر الى كل رسمه تحكي له موقفا معينا عصف بحياته ليتركه وحيدا بين تلك الجدران وبين خربشاته التي لايفهمها غيره انسا كان ينضر حتى توقف نضره على احدى اكثر اللوحات جمالا حملها بين يديه ينضر الى حسن فتاته التي لطالما تمنى ان يعيش بين احضانها مد يده قليلا حتى تصل لشعرها المنساب بحريه على اكتافها ثم مررها قليلا لتصل الى عينها عيناها وما أدراك ماعيناها عينان جميلتين بلون الزمرد المشع انحنى برأسه ليقبل عيناها التي لطالما تمنى أن يراهما دوما ويقبلهما ابتعد قليلا واخذ قطعة القماش وغطى فتاته وحملها بعيدا عن باقي اللوحات فهي المميزه بذاته ..
صوت الجرس ايقضه من غفوته
اتجه نحو الباب توقف قليلا ليعدل من شكله ثم اكمل طريقه نحو الباب فتح الباب بابتسامه مليئه بالتجاعيد وباهته رماديه لاحياة فيها إلا الرفاة مد يديه ليصافح الرجل الذي بالباب بادله الرجل الأبتسامه ودخل بعد ان سمح له العجوز بالدخول
تكلم الرجل العجوز بصوت مكسور/تفضل أستاذ وليام
وليام/شكرا
العجوز/ماذا ستشرب القهوة ام الشاي
وليام وهو ييمسح المكان بنضره/قهوه لو سمحت
ذهب العجوزبخطوات متوازنه يتوكاء بعصاته غاب لبرهه ثم عاد يحمل القهوه نضر للأستاذ وليام كان وقفا امام لوحته المغطاة وقد أزال الغطاء من فتاته
تكلم العجوز بتقطيبة جبينه ليدل انه غير راضي ان يزال الغطاء/اللوحه ليست للبيع
وليام بتعجب شديد اللوحه شدته واكثر شي يميزها عيونها مليئه بالبرائه /سأعطيك ضعف اللوحات التي سأشتريها جميعا
تكلم العجوز بصوت ينزف حزنا/ماذا سيبقى لروحي ان بعتك إياها من سيجالسني ويحدثني في وحدتي عفوا سيدي فهذه رفيقتي في وحدتي لن افرط بها مهما حدث..
وليام /بفضول/ أهي أبنتك
ابتسم العجوز ثم أومأ برأسه/نعم ابنتي
وليام بتساؤل/ماذا حل بها
رفع العجوز رأسه وعينه امتلئت بالدموع/لا أعلم ماذا حل بها أو اين هيا لا أعلم هل هيا على قيد الحياة أم فارقتها فقد تركتها منذ زمن طوويل
وليام بحزن/يبدو لي انك قد عانيت كثيرا
تكلم العجوز وهو يعرف ان وليام يحثه على الحديث ليعرف المزيد/ربما .. توقف ثم اكمل قائلا/ اذن أستاذ وليام هذه اللوحات التي طلبت شرائها
وليام بنضرات شفقه/أحببت ان اقدم الشيك بنفسي فلوحاتك مميزه جدا وإذا اردت ان تبيع هذه اللوحة المميزه اتصل بي فسأشتريها بأي ثمن تريد
العجوز/شكرا لاكن لأضني سأبيعها يوما
وليام/استأذنك سيدي
...........................................
الفصل الثالث..

جالسين بالكوفي..
هند بحالميه/تصدقين انا وش ودي فيه
توليب وهي تناضر عيون هند الي مليانه تفائل/ايوا ايش ودك فيه
هند ببتسامه/ودي اعيش قصة حب اجرب الحب واعيشه .. ناضرت بتوليب المبتسمه وعيونها مرخيتها وتحاول تعيش هند المراهق ..كملت هند..وين رحتي توليبوه
توليب ببأتسامه/الحب كذبه مستحيل بهالزمن تلاقين احد يحب بهالطريقه الحب مات من زماااان وماعاد فيه الا شبيه الحب
هند تضحك/يافيلسوفه مافيه شي مستحيل
توليب/ ههههههه بتكبرين هند وبتعرفين معنى كلامي زين
هند بتفائل/انشالله اثبت لك العكس
توليب وهي ترجع بذاكرتها لورا/يغنون باسم الحب والحب انقى واطهر من أصواتهم حتى تلوث اسم الحب وتغيرت مفاهيمه ولونه وطهره وبرائته بهالزمن مستحيل تلاقين حب
هند حست بتووليب/توليب لاتخلين أي تجربه مرت بحياتك تغير نضرك للحياه الحياه حلوه عيشي يومك وماحد بيعرف باكر وش بيصير
توليب ناضرت هند وابسمت/تصدقين هند انت شي حلو بحياتي تفهميني بسرعه مع انك لسا بزر بس على الجرح
هند وهي مبرطمه/هالحين هاذي وش اسميها سبه ولا ايش بالضبط بعدين انا عمري 19 مو صغيره ومافيه فارق بيننا الا سنتين لا تسوين فيها كبيره بنت عمو
توليب/اكبر منك بيوم اعلم منك بسنه وانا اكبر منك بسنتين يعني اكبر منك بقرون
هند وهي تتخصر/لا والله اقنعتيني من جد تكفين بس..
توليب بضحكه/ههههههههههه
هند وهي تناضر معصبه/وتضحك بعد قومي يالله نروح المملكه نفر فيها شوي وناخذ لنا شي ثقيل قبل نروح لاميركا اكيد الجو برددد
توليب وهي تبتسم /اوك يالله
.....................
جالس بمكتبه ساند راسه على الكرسي ومغمض عيونه يفكر بالي سواه ,تمتم بنفسه /مادري وش سويت بحاتي انا هالحين عايش بالعز والرفاهيه بس مو حاس بالوناسه ماادري السبب هو الضلم والضيم اللي عيشتك فيه والا انا اللي مو قادر انسى كل شي سويته هه انسى وكيف ابنسى وانا اشوفها بعيوني كل يوم اشوفها اشوف عيونها الي مليااانه حزن والم كيف انسى وانا سرقت كل شي منها كيف انسى وانت تزورني كل يوم تذكرني الدنيا دواره آآه بس لو ربي يأخذ روحي ويريحني من هالدنيا ولا ارجع كل شي اخذته مكانه بس ماضني باقدر ارجع الزمن وارجع كل شي مكانه آآه يادنيا آآه يادنيا كنت احسب اني في طريق الصح مادريت اني غلطاان
...........................................
بفرنسا...
على البحر شعرها يتطاير مع نسمات الهواء البارده وعيونها ضايعه في الاشي وتفكيرها في لميس الي ماتوقعت بيوم من الأيام انها راح تفقدها لميس شريكتها بالغرفه قبل لاتكون شريكتها بالشقه كامله لميس صديقتها من ست سنوات صديقتها الي جمعتهم ضروف الزمن وقسوة ضروفهم لميس اول صديقه لها وأول وحده تفتح لها قلبها وتقول عن الدنيا وش سوت لها تقول لها عن كل شي حصل لها كيف يادنيا كيف كذا تطعنيني مو كافي طعون موكافي اخذتي امي ابوي واخواني هالحين جا الدور على اعز صديقه لي ..
صحاها من سرحانها صوت رجوولي خشن/يابنت الجو بارد وانتي واقفه كذا بالبدي بعدين بتمرضي
لفت لجهة الصوت وناضرت صاحبه الصوت مو غريب عليها دققة بملامحه وعلى طول عرفته/عاااااامر!!
عامر بضحكه /من زمان اناضرك سرحانه مدري الي ماخذ عقلك يتهنا به
صدت وجد ودموعها نزلت وطلعة منها شهقه واتبعتها ببكا
عامر بصدمه/وجد فيك تعبانه من شفتك سرحاانه حسيت فيك شي
لفت وجد على عامر وناضرته برجا/عامر ضمني لك تكفى تكفى ياعامر ضمني خلني احس اني لسا بخير
عامر لمها بحضنه وصار يمسح على ضهرها لين هدت واسكنت أنفاسها بعدها عنه وناضر عيونها
عامر بحنيه/ياوجد ياقلبي ويش فيك بذمتك ويش جرى لك
وجد بعدت عنه وجلست ناضرته وتكلمت وهي تبكي/كل الي احبهم تركوني وراحو تخيل لميس ماتت كيف كيف ياناس كيف تروح كذا وتخليني مستحيل انا للحين ماصدقت انها ممكن تروح وتخليني
عامر مصدوووم ونزلت دموعه بسرعه/لميييس ماتت
وجد هزت راسها وصارت تبكي بصوت مسموع
لمها عامر بحضنه وهو مخه متخربط مصدوم لميس مااتت كيف ياربي كيف يالميس تموتي يالله هالدنيا قد ايش هي صغيره ياقلبي عليك ياوجد كل شي تحبيه يروح يالله تصبرك ياارب انا مادري هالبنيه منو داعي عليها لهدرجه منحوسه الله يصبرك يارب
تعلقت وجد بعامر وهي تمتم/عاامر انت اخوي ماراح تتركني صح ياعامر ماراح تموت مثلها شفها تركتني وراحت ماراح تسوي زيها صح عموور
عامر ضمها اقوى /مستحيل اتركك ياوجد انت اخت دنيا هالدنيا جمعتنا وانا مستحيل اتركك لو ايش ماصار
وجد بعتب/بس انت تروح وتتأخر شف وش صارلك ماجيتني سنتين سنتين ياضالم ماجيت تسلم لوماقلت عندي اخت اروح اشوف هي حيه باقي ولا ماتت
عامر بدفاع/بس انا كنت ادرس برا ماقدرت اجي قلت اخذ الشهاده واجي مره وحده
وجد بهم/بس ماتروح وتتركني مره ثانيه
عامر/وعد ماتركك مره ثانيه كذا اوكي
ابتسمت وجد بثقل وهزت راسها
.............................................
مجتمعين ع العشاء والصمت هو سيد الموقف..
صمت وصمت وصمت.. ثم تكلم بصوته الجهوري مليان قوه يدل على ان صاحبه ذو شخصيه قويه جدا /يأم محمد لي متى ماراح تكلميني
ناضرت ام محمد( الجده)/اول شي أعرف من انا امه بعدين كلمني
عصب الجد وهو يتذكر كل شي صار/اسمعي يامره كلامي مابي اعيده وازيده ان رضيتي طيب والا بالغصب ترضين
الجده وهي تقوم من الطاوله/يالله عسى ربي ماياخذ روحك الا لما تعرف انك على خطا واشوفك تعض اصابعك ندمم انا واثقه ان الي تسويه غلط يااابو...
مشت عنه وهي تدعي الله يوريه الحق بعيونه ويموت وهو يعض شفايفه حسررره
..................................
جالسه تجهز شنطتها وتحط الأشياء الأساسيه وملابس تكفيها اربع أيام سكرت شنطتها بعد ماتفقدتها وهي فرحااانه تحس بشعوور حلو انها بتروح اميركا مع انها دايم تروح لها بس تحس هالسفره جت بوقتها كانت تحس انها مكتومه ومحتاجتها من جد اخذت عبايتها ونزلت تحت ولقت عمها بوجهها..
ابوهند/هلا توليب هلا بقلب عمها من زمان عنك معي بنفس البيت ولا تقولين عمي بسلم عليه
توليب وهي تبوس راس عمها/السموحه عمي بس والله كل مانزلت مالقيتك واذا جيت اكون نايمه
أبو هند/مسموحه يابنتي مسموحه .. الا وين هند
هند وهي تركض من الدرج /هذا انا يبه نازله بالوقت
أبو هند وهو يضحك على رجت بنته/يابنت اعقلي الي مثلك عاقل وانتي مدري وين عقلك فيه
هند/ والله يايبه شسوي مو انا بنتك
أبو هند وهي يسحب اذوهنها/ابد لاحيا ولامستحى كذا عيني عينك تقطين
هند تصرف/ههههههه يبه لاتتأخر جدي بيعصب
أبو هند وهو يضحك/يالله لانتأخر نبي نوصل بالوقت وناخذ راحتنا قبل الشغل
كانت توليب تناضرهم وهي تتخيل حالها انها هند وتحاكي ابوها وتسولف معه حسدت هند على نعمة ابوها الي ماحد يحس بهالنعمه الا الي فقدها ......
....................................
فرنساا...
دخلت الشقه بخفه وصارت تمش على اطراف اصابعها تخاف البنات يصحون او يحسون فيها مشت شوي لين وصلت لباب غرفتها ووقفها صوت نجلاء..
نجلاء بهدوء/وين كنتي فيه
حست قلبها وقف وتكلمت بكذب/عند نارمين
نجلاء بحده/حنينوه انا كلمت نارمين وقالت ماتدري وينك فيه ولا شافتك ابد
حنين بعصبيه/كيفي اطلع مكان مابي احد عينك ولية امري
نجلاء بصدمه/انت ياحنين انت تكلميني كذا ابد ماتوقعتك كذا بس شوفي انا ماحد عيني عليك ولي بس تأكدي بعدين لو طحتي بمصيبه لاتجين وتقولين لي تكفين ساعديني ياماما اصحي حتى لو عشتي بفرنسا تبقين سعوديه
حنين بعناد/خلصتي
نجلاء بقهر/أي خلصت
حنين/اجل اقولك وفري نصايحك لنفسك واحتفضي فيها
صدت نجلاء ودخلت غرفتها وهي حارها برود حنيين هي ماترضى عليها بس قهرتها بكلامها من زمان وهي ملاحضه على حنين مو طبيعيه وتغيرت في كل شي بس عارفه انها بتطيح بمصيبه وتمنى ماتكون تقضي عليها ااخ منك ياحنين مو عارفه مصلحة نفسك الله يهديك بس..............
............................
اهناك فجر ام ان الليل طويل جدا بحيث لايسعني ان أرى الفجر الا بعد ان ارحل بعيدا عن ليلي والفجر اهناك احد ينتضرني على الشواطئ ينتضر ان تحط سفينتي واجد هويتي التي تركتها قديما ام من تركتهم قديما قد رموا بي بعيد عن اسوارهم من اجل تلك الخطيه التي لم ارتكبها اهناك من يعلم بوجدي فتاه بدربه كي يجدني ام انا لايعلم بي غير الذي اوجدني اهناك من هم اشتاقو لأن يلتقوني ويخبروني انهم اشتاقو الي كثيرا في غيابي ام انا لا يشتاق الي الا فرشاتي ولوحاتي وزويا هذا البيت الذي شهدني منذ البدايه...
نزلت دموعه وسكر الدفتر ونزله على الطاوله وخرج بعد ان اخذ جاكيته وحطه على اكتافه وراح يجر اذيال الخيبه كي يرمي بها بعيدا عنه او يجد مايشغل به باله وروحه قليلا من ذكرياته ..........
................................
انتهــــــــــىــ
تــــوقــعــاتــكــم حبايبي؟

 
 

 

عرض البوم صور فتاة العالم  
قديم 02-08-16, 10:30 AM   المشاركة رقم: 3
المعلومات
الكاتب:
اللقب:
القلب الجريء



البيانات
التسجيل: Oct 2011
العضوية: 230810
المشاركات: 1,937
الجنس أنثى
معدل التقييم: ~FANANAH~ عضو جوهرة التقييم~FANANAH~ عضو جوهرة التقييم~FANANAH~ عضو جوهرة التقييم~FANANAH~ عضو جوهرة التقييم~FANANAH~ عضو جوهرة التقييم~FANANAH~ عضو جوهرة التقييم~FANANAH~ عضو جوهرة التقييم~FANANAH~ عضو جوهرة التقييم~FANANAH~ عضو جوهرة التقييم~FANANAH~ عضو جوهرة التقييم~FANANAH~ عضو جوهرة التقييم
نقاط التقييم: 2391

االدولة
البلدSaudiArabia
 
مدونتي

 

الإتصالات
الحالة:
~FANANAH~ غير متواجد حالياً
وسائل الإتصال:

كاتب الموضوع : فتاة العالم المنتدى : الروايات المغلقة
افتراضي رد: تعلمت السهر بعدك وانا قبلك رفيق النوم .. ولاجاب السهر طيفك ولا عود علي نومي..

 
دعوه لزيارة موضوعي


يُغلق الموضوع لحين عودة الكاتبة ..

 
 

 

عرض البوم صور ~FANANAH~  
 

مواقع النشر (المفضلة)

الكلمات الدلالية (Tags)
الشهر, النوم, تعلمت, بعدك, رفيق, ولايات, وانا, نومي.., طيفك, قبلك
facebook



جديد مواضيع قسم الروايات المغلقة
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:24 AM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية