لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > قصص من وحي قلم الاعضاء > الروايات المغلقة
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الروايات المغلقة الروايات المغلقة


رواية :ملاذ العصافير

بسم الله الرحمن الرحيم لا أجيد المقدمات ولا تعبر عني .. روايتي الأولى بين أيديكم ..... :

 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 22-05-16, 03:37 AM   المشاركة رقم: 1
المعلومات
الكاتب:
اللقب:

البيانات
التسجيل: Oct 2015
العضوية: 305190
المشاركات: 3
الجنس أنثى
معدل التقييم: سارة سالم سالم عضو بحاجه الى تحسين وضعه
نقاط التقييم: 10

االدولة
البلدUnited Arab Emirates
 
مدونتي

 

الإتصالات
الحالة:
سارة سالم سالم غير متواجد حالياً
وسائل الإتصال:

المنتدى : الروايات المغلقة
افتراضي رواية :ملاذ العصافير

 

بسم الله الرحمن الرحيم

لا أجيد المقدمات ولا تعبر عني ..
روايتي الأولى بين أيديكم .....



:





البدايات
الأغلب يتفق على روعتها و حماسها
البدايات ... كخطوة الطفل الأولى
و اعلان أنتهاء الحرب و انسحاب العدو
للبديات لون غالباً يكون فاتح جداً و براق
و رائحة تشبه رائحة خبز الصباح الذي تعده الأمهات

...........

كالعادة متأخرة في الاستيقاظ , و مازال صوت المنبه يرن بصوت عالي و بتلك النغمة الصاخبة التي تستفز النوم ولكن لا تحرك ساكن فيها ..
بعد دقائق ..

.. يالله الشيله مب مكوايه عدل اسسستغفر الله منج يا ساونا جنه وقته أحين من الله متأخرة
بأعلى طبقات صوتها تصرخ : ساونا .... ساونا يارب صبرني يارب بس
.. شفيج تصارخين من صباح الله خير و شاله البيت على راسج ,, عنبو دومج تصارخين , تكلمي مثل الأوادم أو على الأقل مثل البنات
" يالله كملت واضح أنه اليوم وايد حلو من بدايته , دام أني مصبحه على هالويه و هالصوت اللي يقطع الرزق .." واضح انه صباح خير ,.,, سونا سسونا
نعم مدام
مدام !!! مدام اللي احين بترتكب فيج جريمة ,, مس مس ما تفهمين ,, بسرعه روحي أكوي الشيله وراي دوام , و لما ارجع دواج عندي
...
سمعتها وهيه نازله من الدرج ..
.. بنتك تقلل من احترامي جدام الخدامات !! تخيل وين وصلت فيها قلة الأدب اكلمها و لا كأنها تسمعني .. سالم ما اقدر اتحمل هالبنت و الله انها بترفع لي الضغط و السكر ,, شوفلك حل وياها
.. يالله ليش مستعيلة اليوم , اتصالج هالمره من وقت مب مثل العاده بعد ما اطلع
سكرت الفون وصدت صوبها ....
بعد تتسمعين مكالماتي و بكل وقاحه بعد تتكلمين
.. و الله حاولت اوصل لمستوى وقاحتج بس هه صعب ,, وقاحتج واصله أخر المراحل , ترا سالفة أنج تخلين ابوي يكرهني أو أنه يبعدني عنه هذا شي أحلمي فيه خذتي مكان مب مكانج و بيت مب بيتج و ناهبه فلوس مب فلوسج بعد تبين الساحه تفضالج لكن هيهات
رفعت السماعه و بصوت صياح مصطنع : سمعتها يا سالم سسمعت بأذنك و انته اللي كنت تكذبني يوم اقولك كيف تكرهني و كل يوم تسمعني هالكلام .. انا تعبت من هالتهامات تعبت ..
أبتسمت و طلعت من الباب
" جد خلاص تعبت و الله تعبت من هالعيشه ويا هالادمية اخ بس الله يسامحك ي بويه .. الحين طبعا بيدق و ما بنخلص من الهزاب ..
فعلا ثواني و ..
هلا ابويه
.. ميره ردي اعتذري من أمج بسرعه ولا تناقشيني
... نععععم هذي الوصخه تسميها أمي !! تخسي وحده شرات هاي تكون بمسمى امي
مييييررره قلة الأدب هذه و طولة اللسان ودريها عنج .. سمعت كل كلامج و اعرف انج انتي الغلطانه روحي اعتذري منها , تعرفين انها حامل و مريضه ما تتحمل الضيق
.. مريضه صح مريضه نفسيا و لو يصير اللي يصير ما بعتذر منها و لو كنت انا الغلطانه مثل ما تقول مع اني ما غلطت بشي ..
.. اليوم ما شي روحه للدوام , و انا بعد شوي راد البيت و بعرف كيف اتفاهم وياج
.. عندي أجتماع مهم ولازم احضر
بصوت عالي أول مره يكلمها فيه : قلت لج ماشي روحه و اعتقد كلامي واضح لا تخليني اتصرف تصرف ما يعيبج
.. أبويه كلامك على عيني و راسي بس اليوم لازم احضر و يلا مع السلامه الاني متاخره
سكرت الخط ..
تعلم عواقب ما فعلت و لكنها تعبت بالفعل من كل هذا ....

ف المساء
بعد عودتها كم العمل دخلت واذا بأبيها امامها .. تلقت صفعه و لي أول مره من أبيها الذي قال لها يوماً من يضرب الأنثى لا يصنف تحت قائمة الرجال .. خرج من تلك القائمة اليوم .. من كانت ترى فيه كل صفات الرجل , الرجل الذي عندما كانت طفلة وضربها أبن الجيران بالكوره على وجهها غضب كما لم تره من قبل ووضع الكمادات الباردة على وجهها لساعات لتخف الضربه و اليوم يضربها هو في نفس المكان ,, فالسابق لم تحس بألم الكوره و لكن اليوم ألم الصفعه يألمها حد الموت ..

يا خسارة تعبي.. يا خسارة كلمة بنتي فيج .. ما عندي كلام اقوله غير جهزي شنطتج و كل اغراضج بتردين الأمارات اليوم و كلمت مديرج بأمور الفصل ,,
عاجزة عن الكلام ,, الحروف تتطاير أمامها تهرب و لا تكون جمله واحده أمامها ,, ماذا تقول ! ماللي سيجعل اباها يمزح في موقف كهذا ! حلم ؟ هيه تعلم جيداً انها لم تحلم منذ كانت في المراهقه ,, اذا هذا الموقف حقيقي !!
ا اابويه شو ...
.. بتروحين عند عمومتج هناك بتيلسين عندهم و يكون في علمج هذا قرار ما برجع فيه و الطيارة اليوم الساعه 8 المسا
من الافضل تجهزين اغراضج كلها الانج بطولين هناك . ...

فمها عاجز عن الكلام و رجلها كأنها ثبتت في الأرض
تعلم ان قرار ابيها لا رجعت فيه و لو توسلت له و هذا امر بعيد كل البعد عنها ...

............................................................ ...........................

برجع الأمارات !! و بروحي و لا بسكن عند ناس مب شايفتنهم من سنين و لا اعرف عنهم شي
يالله يالله يارب يكون حلم يارب
هذه المره الخامسه التي تغسل وجهها بالماء ..
ميره انتي مب يالسه تحلمين ,, بتسافرين
" روحي اعتذري منها يمكن يغير رايه " مستحيل لو اموت ما اعتذر " يعني تبين تروحين الامارات هالمكان اللي من سنين ما رحتيله ! " هيييه بروح بروح
............................................................ ..................................................


رايكم الأهم ,,

 
 

 

عرض البوم صور سارة سالم سالم  

قديم 22-05-16, 05:14 AM   المشاركة رقم: 2
المعلومات
الكاتب:
اللقب:
عضو فخري
قارئة مميزة


البيانات
التسجيل: Jul 2014
العضوية: 271387
المشاركات: 11,068
الجنس أنثى
معدل التقييم: bluemay عضو مشهور للجميعbluemay عضو مشهور للجميعbluemay عضو مشهور للجميعbluemay عضو مشهور للجميعbluemay عضو مشهور للجميعbluemay عضو مشهور للجميعbluemay عضو مشهور للجميعbluemay عضو مشهور للجميعbluemay عضو مشهور للجميعbluemay عضو مشهور للجميعbluemay عضو مشهور للجميع
نقاط التقييم: 13794

االدولة
البلدJordan
 
مدونتي

 

الإتصالات
الحالة:
bluemay غير متواجد حالياً
وسائل الإتصال:

كاتب الموضوع : سارة سالم سالم المنتدى : الروايات المغلقة
افتراضي رد: رواية :ملاذ العصافير

 
دعوه لزيارة موضوعي


السلام عليكم ورحمة الله وبركاته،

وهلا وغلا وحياك الله معنا ..

بتمنى لك التوفيق وتصلي فيها بر النهاية بسلام..

تقبلي مروري وخالص ودي



★☆★☆★☆★☆
بعد نهاية النقاش او الحديث مع أحد
لاتنسوا دعاء كفارة المجلس:

سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ

 
 

 

عرض البوم صور bluemay  
قديم 27-05-16, 02:25 AM   المشاركة رقم: 3
المعلومات
الكاتب:
اللقب:

البيانات
التسجيل: Oct 2015
العضوية: 305190
المشاركات: 3
الجنس أنثى
معدل التقييم: سارة سالم سالم عضو بحاجه الى تحسين وضعه
نقاط التقييم: 10

االدولة
البلدUnited Arab Emirates
 
مدونتي

 

الإتصالات
الحالة:
سارة سالم سالم غير متواجد حالياً
وسائل الإتصال:

كاتب الموضوع : سارة سالم سالم المنتدى : الروايات المغلقة
افتراضي رواية :ملاذ العصافير

 

البارت الثاني ...


وحدك أنت من يعرف اضطراب قلبك
و اللحظات التي تموت فيها روحك ,, انت من يقف
مع نفسك لا تنتظر أحد أخر أن يشاركك الخيبات الانه
سيخيب ظنك في يوم ما ...




علمت لاحقاً من الخادمات أن زوجة اباها باتت في المشفى و يبدو بأنها سقطت الجنين
تشك أصلا اذا كانت حامل أو انها تدعي ذلك ,, و هل يعقل من مجرد كلمات قالتها سقط الجنين
كيف صدق أبي هذه المسرحيه ,, يبدو بأنها استحوذت على عقله غير أمواله ايضا
تعلم أن حالة اباها لن تسمح له بأن يسمع منها شيء

.. " شو يا هبله , يعني كنتي تتوقعين ايي يوصلج المطار ! ولا يودعج ع الاقل هه .. "
حجم الألم كبير , قلبها يعتصر تحس ان انفاسها بالكاد تخرج تحاول أن تحبس دموعها ,, الكبرياء مصر على مرافقتها حتى في هذه اللحضه .. نعم كبريائها لا تريد ان تبين ضعفها أو دموعها و لو كان امام السائق و الخادمات التي بلا شك سيسردن تفاصيل ذهابها الي زوجة ابيها وهذا مالا تريده ..
هذا التماسك يثقل على صدرها تريد أن تبكي كما لم تفعل من قبل
هكذا هيا الخيبه ,, تسد كل شئ في وجهك تحبسك في مكانك و لو كنت تتحرك
الخيبه بأبيها بأنه تخلى عنها هكذا وكأنها أحد عماله الذي انتهت مدة اقامته وحان موعد ترحيله ,
الخيبه موجعه الانها دوماً ما تأتي من الاشخاص الذين كنت تعدهم كل شئ .
" منو بيستقبلني وو أصلن كيف بعرف شكله ! هههه هذا اذا كان حد يترياني صدق اني غبيه ... وايد عليهم يطرشون السايق ...."

............................................................ ......................................................
يعني ششششو ما في غيري يروح يستقبل الاميرة ديانا !!!!
: تبى الغريب اييب بنت عمك اللي ما تعرف شي ف هالبلاد !! غريبه من دهر ما يت هنيه
: وابوها وين !! عنبو حد يطرش بنت بروحها من طياره ل طياره ..
: ابوها يا قليل الادب عمك , هو موصني عليها لو مب ظروف حرمته جان ما قصر , و اسمحلنا الشيخ مايد جان عبلنا عليك خلاص محد يبى منك استقبال روح حاوط ويا ربعك هالمفلع ...
: شفيك يا علي الله يهديك تهاد على الولد ,, صدقه وحليله ما يعرفها ولا قد شافها الا يوم يهال ما يذكرها تباه ايلس يزاقر في المطار و هو لين يوصل بتحصله نسى اسمها ..
: هيه عليا زيديه جنه هو ناقص أحينه ,, خلاص بروحلها أنا ,, عليا كلمي وحده من بناتج تجهز بشلها وياي ... و انته دواك اليوم عند يدك .
مايد : يالله صبرك ابويه حط مكانك مكاني , ادور بنت ما اعرفها و اشلها ف سيارتي على اساس اني ولد عمها !! اللي ما تعرفه ولا سامعه عنه ! فذمتك تشوفه شي معقول ! ع الاقل تروحلها انته يمكن تعرفك من الصوت و توثق فيك ,, تعرف افلام البنات و الدراما مالهم اخافها تفضحني ف المطار و ربعي نصهم يشتغلون هناك
: هيه هذا اللي تحاتيه ربعك ,, روح روح
: عليا جهزتو غرفتها !!
عليا : ا اا امي العوده حلفت البنت ما تبات الا في بيتها ,
: شو هالرمسه بعد
عليا ا: عبد الله وين تسكن بنت فعمرها ويا بيت فيه شباب الله يهديك فكر فيها و تعرف امك ان حطت شي فراسها

............................................................ ...................................................

ام عبد الله : يالله فديت روحها جان بتضوي اليوم و سالم مسود الويه دواه عندي مطرشنها بروحها يا ويلي عليها اكيد احين متروعه من البقعه من زمان ما طاحتها
بو عبدالله : هالولد عقب سواياه ويوم خذ هاللبنانيه و هو ما ينعد من هالبيت لو مب امها جان ما ردياناها من وين ضوت من دار هالشقر هذيلا اكيد مطبعه بأطباعهم
ام عبد الله : خميس استغفر ربك عن هالرمسه , انته عقب هالسنين بعدك شال فخاطرك , خذها بالحلال و الشرع صح انه بدون شورنا لكن خذها و ما بيدنا نغير شي , لكن هذه اتم بنتنا و أعرف انه هذه مب طابيعك انك ترد ضيفك شو لو كان حفيدتك
بو عبدالله : شو اللي ماسك ايدي غير انها شاله اسمي , ولا هالهرم سالم عقب سواد وييه ما يستاهل المعروف
ام عبدالله : صخ عن هالرمسه ...
............................................................ ............................................................ ..

شو تسون من العصر ابى افهم
: امي تبينا نروح العزيمة بكشرتنا لازم نكشخ
: و انتي ما على لسانج غير هالكلمة بنكشخ و كشخه بسرعه انقفضن , يدتكن تبى الزله بتقول بنات مريم اخر البنات ولا ساعدن بشي
: يالله اميه احين بشوف ريموه و نوار و بننزل
: اللي يشوف ربشتكن بيقول عرس وحده منكن مب جنه الا بنت عمكن ضاويه من سوريا
: امي لبنان لبنان أحين شو ياب لبنان لسوريا
: فكيني ترا الا نفس البقعه دهديه ازقري خواتج
............................................................ ......................................
: اقولج تتوقعين جميله ؟
: تستهبلين ريموه شعرفني من سنين هب شايفتنها كيف بعرف
: قلت لج تتوقعين ,,, امم اميه تمدح جمال امها الله يرحمها اكيد ماخذه منها
: شو نبى فالجمال ادعي تكون طيبه بس لا تي رافعه خشمها
: عدال ودوم اللي يشوفج ما يقول هالكلام
: شقصصدج يعني ؟؟؟ عاد انتي شيخه اخر من يتكلم
ريم : مب وقت ضرابتكن شوفو يدوه كيف متحمسه و متشققه يا انه بينحسب علينا بعد ماتي
فاطمه / هيييه و الله من زمان ما شفتها جي ,
ودوم : اللي يسمع من قبل يعني كانت تسويلنا سالفه الود كله ل سلطانها و الاحفاد الباقين و الحمد الله مسحوب علينا من صوب يدي و يدوه
ريم : ههههههههههه عاد سلطان لا تطرينه مول ,, ودي بس اعرف ليش هو المفضل عندهم
ودوم : هيه والله اطابعه كريهه عوذ بالله و دومه مكشر
فطوم بهيام : اه بسس جججميل
شيخه : شوف هاي من تسمع اسم سلطان بسها عاد ,,, اوفف مب جنه ابوي تأخر شكله ضيعها ف المطار
الكل : ههههههههههههههههههه
............................................................ ...........................
مايد : و الله حاله , و كأن بنستقبل شيخ ولا ملك على حالتنا هاي
سعيد : هههههههههههه و الله عمومتي كلهم جديين مادري ليش يعني بنقول لو عمي سالم بنفسه ياي الا هيه بنته ,
عمار : احس اشكالنا غلط يعني البنات يستقبلنها و خلاص شو له من داعي نحن نكون موجودين
مايد : بيشفعلها كل هذا لو كانت حلللوه ...
سعيد / هههههههههههههه تبى الصدق الفضول اني اشوف شكلها هو اللي ميلسني للحين
عمار : للتذكير تراها بنت عمنا مب وحده من ربيعاتكم
سعيد : اسكت اسكت مسوي فيها انا الثقيل ترا حالك من حالنا ياي عشان تشوفها
مايد : هههههههههههههههههههههههه
............................................................ ..............................
بو عبدالله : الا ما قلتي سالم شعنه مب ياي وياها و مطرش البنت بروحها
بو سعيد : و الله يبوي علمي من علمك و عبد الله ما طرالنا شي يا غير انه سالم بيطرش البنت
بو مايد : قالي انه حرمته مريضه وايد و شكله بيسفرها علاج
بو عبد الله : بعد اخوك عنبو ما يقول شي الا سار وياباها
بوسعيد : أبويه الله يهديك البنت بنتنا وين تباه يوديها
بو عبدالله : احين عرف انه لها اهل و ناس يوم الحايه ذكر هالشي
بو مايد : ابويه استهدى بالله هالرمسه ما تفيد بشي احينه
بو عبدالله : وينه من سنين لا نعرف عنه شي حتى بنته من عقب هذيك السالفه ما سمعنا حسها احين تذكر انه لها اهل احين
ام عبد الله سمعته و هيه ماشيه و تمت اتصيح :
بو مايد : اميه الله يهديج صلي على النبي ابويه ما يقصد هالكلام
بو عبدالله : يالله اقصد , دواه نرده و يتصرف هو فيها مب يعق بنته علينا
.. على دخلتها سمعت هالجمله ...
شهقت ام عبد الله يوم شفتها
: ه هههلا هلاا و مرححبا تو ما نورت الدار

............................................................ ..................................

كميه الاشخاص اللي شافتهم اليوم كانت كفيله بأنها تاكل 5 حبات بندول , كلمات يدها " بعد ما عرفته بعدين " بعدها ترن فراسها " يعق بنته " يعق بنته " ابوي عقني .. صدق ؟ يارب ترحمني ياررب مل هذا فوق طاقتي و الله مب قادره اتحمل كل هذا و الله
ا اانا ضايعه منو اكلم ف هالمكان منو .. امييه وينج اليوم محتايتنج و الله وايد اكثر حتى عن يوم تخرجي ههه تصدقين ,, اميه يديه يقول ابوي عقني عليهم .. اول كلمه سمعتها من وصلت هالمكان كانت هذي و من الشخص اللي عرفت انه يدي ابو ابوي يقول انه ولده عقني يعني حتى هو ما يباني ,, اميه لو كنتي موجوده بس كنت ..
طق طق ...
:ا اا بنت عممي ,, اا اقصد ميره
وقف بعد ما دخل حشد من البنات امامها
ريم تدفع فاطمه : شفيج تتأتأين
ريم : امم ميره نحن يعني شسمه بنات عمج و ..و تشرفنا فيج ,, نورتي الدار
شيخه ما قدرت تمسك ضحكتها : هههههههههههههه تشرفنا اونه ريموه للأبد فاشله فالتعبير
ريم بنظره اسكتت شيخه : ما عليج منها هالبنت شوي فاصله و قليله ادب شوي " تنظر لشيخه مره اخرى " ههه ما عليه بتتعودين عليها
فاطمه بهمس: ريموه بس اسكتي شوفي البنت شقى اطالعج
ريم بنفس الصوت : هيييه اشوفها جنها بقره شايفه حريجه
فاطمه : هههههههههههههههههههه

" يالله هذيل بنات عمي ! يارب صبرك و الله ابدا مب وقتهم , و كأنج يا ميره ناقصه سخافه على راسج " أهلين فيكم
فاطمه بدفاشه : ما شاء الله جججد ماشاء الله عيووووونج تجنن حتى خشمج ,, تبين الصدق كل شي فيج حلو و يخخخبل توقعتج حلوه بس صدمتيييينييي
حست فاطمه على نفسها بعد ما لاحظت نظرات الكل
فاطمه : هههه شفيكم ترا حتي انتن قلتن نفس كلامي
ميره : عيونج الحلوه
ريم بهمس " فضحتينا الله يفضح عدوج عنبو مب شايفه حد حلو " ههه اسمحيلنا ازعجناج بس اذا احتجتي اي شي نحن موجودين و بحسبه خواتج امره لا تستحين , و ترا بيوتنا عدال بيت يديه يعني دوم مطيحين عندج هههههه
فاطمه : عيل امره بنصبح و بنمسي عليج ,, حظج حلو يتي ف اجازة الصيف يعني لا شغل و لا مشغله
شيخه : احين يعني ع اساس هذا خبر حلو انكم بتصبحون و بتمسون عليها ,, الله يعينج بنت عمي
ريم : اسكتي انتي .. لازم نتعود على بعض صح بنت عمي ؟؟؟؟
ميره " يالله خذ شكلهم بينشبون لي " مشكورين
ريم : ......
شيخه تدارك الموضوع وفيها ضحكه : ا ااا يلا بنات خلوها ترتب اغراضعا و تاخذ راحتها ,, اسمحيلنا على الازعاج .


............................................................ .............................
ريم / اوففففففف بموت بموت فطوم احس جي حريجه فيوفي منها ع شو مصدقه روها اونه انا اكلمها و هيه ويها جامد و ما على لسانها الا شكرا و مشكورين
فطوم : و الله صدقج انا بعد ما ارتحتلها كأنطباع اول يعني شكلها شايفه عمرها ولا انا الغبيه مدحتها فويها احين بتصدق عمرها زياده
شيخه : و الله ما الوم البنت ,, داخلين عليها و هالحماس فويهنا يعني اكيد مستحيه و مرتبكه من المكان و لا تنسون كلام يديه اللي سمعته و الله يوم قالي مايد حسيت جنه حد صب علي ماي بارد كيف هيه المسكينه
فطوم : ليش شو قال يديه ؟
شيخه : شكله بعده معصب و مب ناسي سوايا عمي سالم ,, قال شي جي بمعني انه فر بنته علينا
فطومم : جججذابه !!!!! يالله قووويه
ريم : حرام عليه يديه احين بتحس انه نا نباها
شيخه : شفتو يعني لا تلومونها على ردة فعلها البارده
............................................................ ..................................
مايد : امييييييه احججزيها لي اباها اقولج حبيتها من اول نظره
: اسسكت يا مسود الويه صدق انك ما تستحي ولا تخيل عنبو مسرعك حبيتها حب شو هذا
مايد : اميه الحب لا يعرف الوقت
: صخ عني مصدعه و تعبانه من هاليوم الطويل و مب ناقصتنك ,, سر قول لابوك هالرمسه عشان يعلمك الحب كيف يكون
مايد : امييه كم تتوقعين عمرها ,, احس جي قدي عشرين ولا وان كثرت واحد وعشرين
: ميود مب ناقصه حشرتك اطلع برع خلني اصلي
............................................................ .......................................
بو عبدالله : ما قلت غير كلام الصدق عدج معصبه على شو
ام عبد الله : كسرت بخاطر البنت ,, الله يسامحك الله يسامحك " تصيح "
بو عبدالله : يعني هيه تعرف انه ابوها فارنها ما قلت كلام يديد
ام عبد الله : هذا مب كلامك ولا هذا طبعك ,, من وين يتك هالقساوه فجأه
بو عبدالله : اللي سواه سالم ما ينسى ما ينسى
ام عبدالله : البنت مالها ذنب مالها ذنب بسوايا ابوها .. والله من ويها مبين انها شافت الويل منه و ييت انته و كلمتها عليها وا علي عليها
............................................................ .....................................

امييه ميره نشي تريقي .. طق طق طق
" اوففففف هذا اللي يسكن عند عيايز انش من الساعه 6 شسسسوي يارب عونك "
فتحت الباب و ابتسامت يدتها الواسعه فويها
: ها بنتي شو اصبحتي ... ان شاء الله ارتحتي فالرقده .. ان ما عيبتج الغرفه ولا ارتحتي فيها لا تستحين قوليلي بنغيرها
: لا .. ما يحتاي .. ا اارتحت فيها
: زين عيل تغسلي و تعالي برع بنتريق
............................................................ .........................

: فيه ناس وظيفتهم في الحياة النكد
: منو تقصدين
: هند و منو غيرها جنه محد اطلق غيرها و الله ريموه من اشوفها جي احس كل ضيق الدنيا فقلبي
ريم : الله يلوم اللي يلومها اللي شافته من هالجلب هب شويه ...
: الا بتخبرج حمد اخوج وين كان يوم صارت السالفه كل ما اقول لاميه تتهرب
ريم : حبيبي يا حمد اصلن ما اعرف منو قاله ,, و الله حتى هو حالته ما تسر
: تتوقعين للحين يحبها
ريم : اتوقع .؟ فطوم تستهبلين ... والله قمت اكره الحب و اخاف منه من بعدهم
: انزين ليش يعني ما يتزوجون دامها اطلقت و يفكونا من هالسالفه
ريم : يليت مع اني ما اتوقع هالشي بيصير يوم من الايام
............................................................ .................

 
 

 

عرض البوم صور سارة سالم سالم  
قديم 03-06-16, 10:59 AM   المشاركة رقم: 4
المعلومات
الكاتب:
اللقب:

البيانات
التسجيل: Jan 2016
العضوية: 310173
المشاركات: 2
الجنس أنثى
معدل التقييم: taixf عضو بحاجه الى تحسين وضعه
نقاط التقييم: 10

االدولة
البلدUnited Arab Emirates
 
مدونتي

 

الإتصالات
الحالة:
taixf غير متواجد حالياً
وسائل الإتصال:

كاتب الموضوع : سارة سالم سالم المنتدى : الروايات المغلقة
افتراضي رد: رواية :ملاذ العصافير

 

*متى البارت

 
 

 

عرض البوم صور taixf  
قديم 03-06-16, 04:10 PM   المشاركة رقم: 5
المعلومات
الكاتب:
اللقب:

البيانات
التسجيل: Oct 2015
العضوية: 305190
المشاركات: 3
الجنس أنثى
معدل التقييم: سارة سالم سالم عضو بحاجه الى تحسين وضعه
نقاط التقييم: 10

االدولة
البلدUnited Arab Emirates
 
مدونتي

 

الإتصالات
الحالة:
سارة سالم سالم غير متواجد حالياً
وسائل الإتصال:

كاتب الموضوع : سارة سالم سالم المنتدى : الروايات المغلقة
افتراضي رواية :ملاذ العصافير

 

البارت الثالث ..

[ سافري كان يرضيك السفر جربي لو ورى ليلي صباح
بدلي الرمل بأمواج البحر واتبعي الغيم تحملك الرياح
سافري لين تبكين المطر واضحكي لين ما يضيق البراح
ولا تعبتي وحسيتي بضجر خلي الشوق لديارك جناح


,,


: صباح الخير
: .. سلامة سلطان ما قالج متى بيوصل ,, رمست حارب امس ولا رد علي
ميره : " حلو يتجاهلني ولا كاني اتكلم ,, ميره استعدي للأيام الحلوه التي بتعيشينها , اطلع من عذاب و ادخل ف عذاب "
ام عبد الله وهيه تداراك الموضوع بعد ما شافت ويه ميره: خميس البنت تصبح عليك , اميه ما سمعج لا تضايقين بروحج تعرفين السمع مروح عند الشواب
ميره : يدوه اعرف انه سمعني ما يحتاي ترقعين ,,, السموحة يديه جان بضايقك ف يلستي بس مالك الا تتحملني
بوعبدالله : بعد لسانج طويل هب سهله .. ما بلومج ابوج ما عرف العادات عشان يربيج عليها
ميره : ابوي رباني على احترام و تقدير الضيف شو لو كان قريب لكن ما شفت هالشي عندك من دخلت و انته تفر علي الرمسسه اللي تحرق , و الغلط منك اذا تشوف انه ابويه ما يعرف العادات مب انته ابوه ؟ ولا بتلومه انه ما رباني عليها !!
ام عبد الله : اعوذ بالله شبلاكم تتناقرون , ميره ابويه اسكتي عنه دومه جي يدج ,, تريقو و خل عنكم هالكلام ..
بو عبد الله : ششششو .. وقص لسان ياللي ما تستحين معلوم تربية هاللبنانية اللسان ما بيي منه و الدرب , سسلامه ريوقي من يوم وساير خاري تسمعين
ام عبد الله و هيه تشوف هالاثنين اللي شوي و ينفجرون فويه بعض : ميره امي امسحيها فويهي روحي داخل و بخلي الخدامات يصعدون لج الريوق ..
ميره وقفت و بغصه حاولت تتداركها : ترا مب ذنبي انه ابويه خذ لبنانيه بدون شوركم لاني حزتها ما كنت موجوده على هالدنيا و يلتني ما انوجدت ,, لا تظلمني و تحاسبني على شي مالي يد فيه ... عن اذنكم
ام عبد الله : ارتحت احينه ؟ عنبو شو بلاك شو اللي قلب حالك .. روف بالبنت ترمس و الدمعه فعينها , لو بعدها عدوه ما سويت فيها كل هذا " دمعت عينها " ما تهون علي يا خميس طلبتك خف عليها
بو عبدالله التزم الصمت ...
............................................................ .................................ز
" ميره انتي اقوى من جي , اقوى من ان دمعتج اطيح عشان هالكلام و عشان هالشخص اللي ههه ينقاله يدج ,, ميره اذا ضعفتي بتنتهين !! فهمتي بتنتهين ,, بس انا تعبت و الله تعبت من كثر ما اتصنع هالقوه و امسك غصتي اه ياررررب "

............................................................ .....................
سيتي و صمخ وينج من ساعتين ازاقرج سسسيتي
: نعم ماما
: علني بلاج صمخه انتي صمخه انبح صوتي ,, اندوج " تناولها التلفون " ضربي على رقم مريم اباها اطرش البنات يونسن البنيه مستوحده و هذاك ما قصر بعد زادها زود
:ايس كلام ماما ؟؟؟؟
: يالله انك تصبرني ,, ضربي على رقم مريم مررريم
: اضرب شو ماما انا مافي معلوم كلام
: ضربوج بخيزران محناي ,, زووولي زوولي عن ويهي علني بلا هالويه

صوت من بعيد ....
: يدوه شبلاج شاله الدنيا هههههههههههه تهمس " الله يعين هالخدامه المسكينه بترقعها من يديه ولا من يدوه "
ام عبد الله : يتي و الله يابج , هالصخله من ساعتين اباها تتصل حق حرمة عمج اطرش شيخه و فاطمه ,, اتصليبهن خلهن ايين تونسون بنت عمكم حليلها مستوحده
ريم : هييه يدوه لا تحاتين كلمتهم و يايين , اليوم ما بنفارقها اطمني
: فديت نصخج ,, هيه اميه تراها بنت عمكم مالها غيركم و نسوها خلوها تتعود عليكم و تاخذ و تعطي وياكم " مسكت شيلتها و تحطها على عينها " من يت و حالها هب عايبني
قربت ريم منها و حضنتها
: يدوه فديتج ليش تصيحين ,, لا تحاتين
: و الله ي بنتي انها كاسره خاطري ويدج مادري شفيه عليها ,, من اشوفها اتذكر سالم الله يطمني عليه ما تهون ما تهون وهيه من ريحة سالم " وتصيح "
............................................................ ......................................
: اممم ميره ليش ما تسولفين
ميره بجمود : ما عندي شي اقوله ..
فاطمه : شرايج تيين تباتين عندنا اليوم ,, يعني تغيرين جو و بنسوي موفي نايت شرايج ريموه ...؟؟؟
ريم بحماس : هيييه و الله فككككره , عندي فلم عجججيب بثينه ما دحتنه .. ها ميره شو قلتي
شيخه : ميره بس احب اقولج انه فلم رعب كالعاده .. صح ريموه ؟
ريم : هيه هههههههههههههههه اصلن محد خواف غيرج ولا ميره عادي عندها
ميره : امم اسمحولي يعني ..
فاطمة : لا لا شو اسمحولي قلنا بتين يعني بتين و تسكر النقاش
............................................................ ....................
طالعين كلهم و ريموه الحماس عندها فل و شالها اغراض ميره و متوجهين صوب بيتهم
" بيوتهم ف حوطه وحده يعني قريبه وايد من بعض "
ميره : هالبيوت كلها بيوتكم ؟؟
فاطمه : شوفي طولي بعمرج ,, من بعد ما تطلعين من بيت يديه تشوفين هذا اللي عداله بيت عمي عبد الله ابو ريم يعني ,, و هاك اللي ع الطرف بيت عميه بوسعيد ,, و هالبيج بيتنا
ميره : و هاك البيت ؟ بيت منو
بيت عموه نوره ربي يرحمها ...
ميره تذكرت هالحادثه يوم توفت عمتها و ابوها ما حضر العزا و الكل عصب منه ,, حتى هيه ما خلها تحضر العزا مع انها ما تتذكر عمتها ابدا و نادر و ما تقابلت وياها الا ف صغرها ,,
: ربي يرحمها ,, فيه حد ساكن فيه .؟ الان الاضاءه كلها تشتغل ؟ !
ريم : هييييييه يسسسكن فيه الشيخ ههههههههههههه
فطوم و شيخه : هههههههههههههههههههه
ميره : الشيخ !!
ريم : هيييه هذي قصه طويله خل ندخل الاني بموت حر و جتفي انكسر من الاغراض عنبو ميروه شو يايبه هالكثر
" ميروه ! ياه لاول مره تسمع هالاسم , لاول مره حد يدلع اسمها,, حست بالقرب من هالبنات و كأنها تعرفهم من زمان " ههههههه ميروه !
ريم : هيه ميروه ,, احس ميره جي جدي و رسمي , احين ركزتي ع الاسم و نسيتي جتفي اندوج شلي اغراضج ..
ميره : ههههههه خيبه شوي شوي .. انتي اللي داقه الصدر من البداية غيرتي رايج احين
فطوم : ريموه شعنه جي تفرين الاغراض فويها ,, طيحتي الميانة مره وحده اشوفج
شيخه : اونج ما تعرفين ريموه , ههههههههههه حتى راعي الدكان حافظ اسمها و لا بعد يقولها ريموه
ريم : اوهو عاد احين بذليني ف راعي الدكان يسد مايد صدعلي راسي يوم سمعه يقول ريموه خوف الريال و احين ما يرد على رقمي مسود الويه رجب ,, و اصلن انا ما احب الرسميات و المجاملات صح بنت عمي ؟؟
ميره : صح هههههههه
............................................................ ........................
ريم : اييييه بسسسرعه تعالن شوفن
البنات كلهم من البلكونه ...
فاطمه : شكله الشيخ وصل
ريم : يعني تجهزن باجر للعزيمة على شرف الشيخ
شيخه : الله يعينه ع كثر ما تحشن فيه ,, يا فرحة يدي و يدوه اليوم ما بيباتون الليل من الفرحه
ميره : محد منكم بيقولي سالفه الشيخ هذا !!
ريم تيرها من ايدها
شوفي ششوفي داخل بيت عموه هاا الي جدامنا ,, شوفي صوب البوابه ,, تشوفين السياره
ميره : وين ما اشوف ششي
: لا حوول قربي قربي ... ما تشوففين حد واقفف ,, ها االلي لابس ابيض
: هيييه انزين منو ها ؟؟ هذا الشيخ !!
: هييه هو هذا طولي بعمرج ,, سلطان بن سطام
: احين الشيخ اسمه سلطان !!
: الشيخ ها لقب نحن ظهرناه و بروحج بتعرفين ليش باجر ههههههه , ها ولد عموه نوره الله يرحمها , كان مسافر او الله يعلم وين كان طبعا فجاه يختفي ,
: ويا منو عايش هنيه
: بروحه
: بروحه !!! ف هالبيت الكبير عايش بروحه ,, هب معرس
شيخه : منو سعيدة الحظ اللي امها دعلتها فليله القدر
فاطمه : هههههههههههه هذا ما اظنتي فيوم بيعرس , تصدقون خاطري اشوف حرمته شقى بتكون ,, احس جي ما يليق عليه الا شرات هاييج الخقاقه اللي ف كلاس شيخه ..
شيخه : هيييه ناقص خقه و شوفه نفس هو عشان تزيدينه ب دانوه
ريم : الله يعين اللي بتاخذه ,, صراحه احسه يخوف ,, يعني حتى وسامته جي تخوف ما تقدرين ترفعين عينج
شيخه / الله اكككبر يا ريموه ,, ما ترفعين عينج ي الجذابه .. لا تصدقينها ميروه ,, من تشوفه عيونها شوي و بتنط فويهه
فاطمه : هههههههههههههههه ما تنلام كلنا نفس الحاله , هو ولا مسولنا سالفه
ميره : شكلكم انتن الثلاث معجبات فيه ههههه شوفو اشكالكم .. ولا بعد ملقبينه الشيخ ,, شيخ على عمره " ودخلت داخل "

وراها البنات ...
: بنشوفج باجر ,, ها الانج ما شفتيه فبعذرج





ّ

 
 

 

عرض البوم صور سارة سالم سالم  
 

مواقع النشر (المفضلة)

الكلمات الدلالية (Tags)
:ملاذ, العصافير, رواية
facebook



جديد مواضيع قسم الروايات المغلقة
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 09:23 AM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية