السلااااااااااام عليكم..
حي الله ام غند.. نوورتي المنتدى وان شاااء الله اخر الغيبااات يااارب..
وحي الله الحامل والمحمووول والمحمووول اليه.. توني اليوم قريت كل الاجزاء الثلاثه اللي نزلت..
وتوقعت اشيااء بالجزء ال15 لقيتها فعلا بالجزء 16 مثل كلام عزام بانه مايعرف انقليزي قلت ابد هذي خطه يبي يكشف فيها هالحراميه.وطلع صح.
ونفس الشي صورة نيفادا لقاسي عرفت انها لاعبه بشعرها>>فيس التوقعات..هخهخهخه
ردي هذا بيكون على الاجزاء الثلاثه لان فيه توقعات خاصه بكل جزء قريته.
نيفادا هذي عاد خص نص مهيب حركاتها حركات طفوليه حركاتها حركات وحده صايعه واجراميه.. ماتتعب وماتتأدب من هالصديقات اللي تصادقهن وجالسه تلعب هي وياهن العاب خطره بتوديهن بداهيه؟؟
الصراحه تحتاج واحد له تاثير مباشر عليها يا اخو ياا ابو ياازوج عزام ماله سلطه قووويه عليها لانها مايقدر يتخاطب معها مباشره او يتصرف معها تصرفات مباشره وقووويه.. تحتاح فعلا لشخص يقدر يسيطر عليها بيد من حديد..
وهالشخص هو قاسي.. والحين عاد جت الشهباء امها وبتحوس ابو العالم اللي هنا كلهم.. واكيد ان نيفادا بتزيد تصرفاتها الصبيانيه وبتستقوي بامها الحراميه اللي جايه لعيون الورث والفلوس مو لعيون بنتها وحبها لها.
والبنت بتسوي خطه عشان تنحاش من البلد مع امها بس قااسي بيعرف وبيكون لها بالمرصاد ويمكن يمسكون امها وبيحبسونها لانها حاولت تختطف البنت وتهربها من البلد ويمكن هنا يضغك قاسي عليها عشان توافق عليه ياا نسجن امتس او تتزوججيني واطلع لتس..>>فيس التوقعات المضروبه
لكن التووووقع اللي اعتقد انه صحيح 100% هو ان امراح ابو مسلط بيكون مسرح لجريمه خطف قاسي لنيفادا..
او انه بيكون لمكان عسل نيفادا وقاسي.. يعني ممكن ان قاسي يجيبها للمراح ويخليها تصير تحلب وتطعم الحلال ..هههههههه
بس مراح ابو مسلط بيكون له قصه بين قاسي ونيفادا.
عزام والكسوف.. وربي انها تحرق اعصاااابي هالخبله.. مع عزام ودي ادخل عليها بالنعله واصفقها واطلع.. حماااره انتي حماااره والا وش وضعتس.. قال ايش ماكلمني اسبوووع؟؟ وش هو خابر منتس عشان يكلمتس ويتغزل فيتس يااحظي ؟؟ما يذكر الا النفخ والفحيح وش يذكر مسكين فديت رووحه... يا الخبلاااا الحريم يتطامرن على الرجال من كل حدب وصوب وانتي منتفخه تقولين ماكلمني ومابلغني .. سليمه صكت هالراس..
وانت عزام تعال يا اخخي وش ذا مدى وسالفتك معها فاقعه قلوبنا للحين وتطلع لنا مها؟؟ من مها هذي وكيف وويــن تعرفت عليها؟؟؟؟ وشو الجميل اللي انت مسوويه لها يوم ان الحرمه شالتك بقلبها وعقلها ورافضه تتركك عقب هالجميل؟؟
والله شكلك طلعت زير نسااااء يا ابو العوازم..
مدى :: ياابغضي لتس انتي وامتس بغضااااه لكن الله يهدي نيفادا وتاخذ ولدكم ثم تلعب فيكم البيضه والحجر.والله مدري وش هاللعبه بس احس انها لعبه جن.هخهخهخه
هند الله يوفقتس يااارب.. بس اخاف يوم الملكه يخربه المهبول ولدتس الثور..
او انه الولد من القهر من زواجتس بيرسل الصور لتس والا بيهدتتس ان تزوجتي بينشر الفديوات حقت نيفادا وبيفضحكم.. وانتي بتهونين عن الزواج عشان تسترين على بنت اخوتس الولده..
لكن يوم الملكه اتوقع يكون فيه اكشن.. ويتوقع تعزمون مدى وام الشر امها وهنا ليال بتوقف بوجه مدى لانها عرفت اللي ماعرفته اختها الخبله اللي ماغير منكده على الرجال يوم انه ما اتصل اسبوع.

ليال ووليد: ونعم الراي ياا ليال واتوقع ان نجاح العمليه بتكون سبب في حصول وليد على الجنسيه نتيجه لجهوده.. ياليت والله ياخذ الجنسيه ويصير هو مدير المستشفى ويحووووس كل الحمير اللي يهددونه قبل..

ايه تووو طرى على بالي توووقع .. اتوقع ان نايف يفوق من الغيبوبه ويتزوج هند بنت صالح..>>>حتى اللي بغيبوبه زوجناه كود يستانس بالخير ويفوق من غيبوبته..هخهخهخه
تسلم الايادي بانتظار البارت الجاي يااعسل بكل شوووق ..