السلام عليكم ورحمة الله وبركاته
أخيرررررا وصلت معاكم
ماشاء الله الحبايب متجمعين هنا ولا أحد أعطاني خبر
من زمان عن مثل هالروايه الرااااائعه لو ماني بالصدفه شفت العنوان ولفت نظري ودخلت وشدتني البدايه وألقى الروايه في البارت 34
خياااااانه زعلااااانه عليكم وياكبر شرهتي ماسلم من زعلي
غير شبيهة القمر ارسلت لي دعوه ولو أنها متأخره بعد 34بارت وبعد ماشفت الروايه لكن أحسن من اللي ماتذكرني مره

عجاااايب
تسلم يمينك ياقلبي وش هالزين ماشاء الله اسلوب بسيط سهل ممتع
وشخصيات قليله مادوختينا بحفظها حتى الشخصيات اللي في الرحله
تطرقتي لهم بأسلوب حلو البارت قصير لكن عوضتينا بالتنزيل لسريع
السرد اكثر من الحوار لكن معك كل شيء حلو احسنت في الوصف
وتميزتي بالتزامك وإحترامك لمتابعينك والردعليهم
استمتعت وأنا اقرا البارتات ورى بعض لآخر بارت بدون إنتظار
أهنيك على نجاح روايتك ووجود هذه المجموعه الرائعه من المتابعين

نبدأ بالروايه وأبطالها
رماح
يامال الرماح إن شاء الله ماعرفنا له ساعات اقول عنده انفصام
بالشخصيه جنن رؤيا مره يرفعها لسابع سماءومره يخسف بها الأرض
قال بيرضي أمه دور غيرها حجه أنت ميت فيها لكن مدري وش اللي
في راسك كل هذا بسبب تصرفها وهي طفله كلامه الأخير وأنها
كل مره تحب أحس وراه شيء أما كلام أحد أو موقف فسره خطأ
وربطه باللي سوته معاه الغريب تناقض موقفه من تصرف رؤيا
وتصرف أخوها
كلامه الأخيرماله حق فيه يتهمها هالإتهام البشع ويشك فيها هو
من يوم حكاية التلفون وأنا قلت أنه غيران أو شاك كله ولا هذا

رؤيا
أنا مدري كيف متحملته لحدالآن مايحبك ماشي فيه أمل لكن
توصل للتحقيروالتهزيء واتهام في شرفك لا وألف لا دوسي على
قلبك والبيت اللي رباك صغيره ماهو عاجز عنك كبيره وأظن
عندك علم بأخوك وردت فعله غبيه وماعندك كرامه لو عديتي
له كلامه بالذات الأخير لا تتحججين بأمه أمه عارفه ولدها
وشايفه تصرفاته وماراح تلومك لو تحبك صحيح لكن إنت اللي
ماهو هاين عليك تبعدين عنه وأبشرك لو سكتي له بيزيد حاله
لازم توقفينه عند حده أمساك بمعروف أوتسريح بإحسان لازم
يحس أنه ماراح تستمرين معاه على هذا الحال وإنه راح يخسرك
والا عمره ماراح يتغير

حامد
فرحت بموقفك مع رؤيا لما جاتك زعلانه لكن الظاهر إنه تمثيل
لأنك أنت ورماح عارفين إنها ميته في رماح وبتبلع كل اللي يسويه فيها
مالت عليك إذا كلامك عن زوجتك صحيح فأنت طحت من عيني
كيف تأمن لوحده خانت أهلها وكلمتك ماتخاف بكره تكلم غيرك
وبكل وقاحه يقول لأخته حكايته
ما أدري أحس أن فيه سربين حامد ورماح يخص رؤيا وشيء
متفقين عليه
أعذريني هذرت كثير لكن بطلع حق اللي راح كله
انا وصلت للبارت 36 وكتبت الرد ولماجيت أنزله لقيتك ماشاء الله منزله بارتات جديده
لكن بنزل ردي وأرجع أقرأ البارتات الجديده

منتظرين جديدك المميز عجايب بفارغ الصبر
لاخلا ولا عدم منك يارب