لمشاكل التسجيل ودخول المنتدى يرجى مراسلتنا على الايميل [email protected]





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


رواية نبي رد الثنا مكتلمة

السلام عليكم ورحمة الله وبركاته..انا عجايب حابه انزل لكم روايه من تٲليفي بعنوان نبي رد الثنا الروايه مو طويله بس بعد مو قصيره ان شاء الله تحبوها وتستمتعون فيها بقدر

إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 18-08-14, 05:53 AM   المشاركة رقم: 1
المعلومات
الكاتب:
اللقب:
ليلاس متالق


البيانات
التسجيل: Jul 2014
العضوية: 268607
المشاركات: 745
الجنس أنثى
معدل التقييم: عجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييم
نقاط التقييم: 1477

االدولة
البلدSaudiArabia
 
مدونتي

 

الإتصالات
الحالة:
عجااايب غير متواجد حالياً
وسائل الإتصال:

المنتدى : القصص المكتمله من وحي قلم الاعضاء
افتراضي رواية نبي رد الثنا مكتلمة

 

السلام عليكم ورحمة الله وبركاته..انا عجايب حابه انزل لكم روايه من تٲليفي بعنوان نبي رد الثنا الروايه مو طويله بس بعد مو قصيره ان شاء الله تحبوها وتستمتعون فيها بقدر متعتي بكتابتها.. الروايه عندي كامله وراح يكون نظام تنزيلها يوم ايوه ويوم لا حتى نخلصها سوا ان شاء الله علشان كذا ماراح تكون البارتات طويله..اتمنى تشجيعكم وانا مااخترت هذا المنتدى الا علشاني من متابعاته الدايمات وفخوره اني الحين عضوه فيه..مااحلل اي احد يغير اسمي وينسبها لنفسه اومايذكره اتمنى تقدرون تعبي وافكاري..ان شاء الله تعيشون معاي تفاصيل الروايه وماتملون منها..عافاكم..عجايب


روابط الفصول


الفصل الاول والثاني

الفصل الثالث

الفصل الرابع

الفصل الخامس

الفصل السادس

الفصل السابع

الفصل الثامن

الفصل التاسع

الفصل العاشر

الفصل الحادي عشر

الفصل الثاني عشر

الفصل الثالث عشر

الفصل الرابع عشر

الفصل الخامس عشر

الفصل السادس عشر

الفصل السابع عشر

الفصل الثامن عشر

الفصل التاسع عشر

الفصل العشرون

الفصل الحادي والعشرون

الفصل الثاني والعشرون

الفصل الثالث والعشرون

الفصل الرابع والعشرون

الفصل الخامس والعشرون

الفصل السادس والعشرون

الفصل السابع والثامن والعشرون

الفصل التاسع والعشرون والثلاثون

الفصل الواحد والثلاثون

الفصل الثاني والثلاثون

الفصل الثالث والثلاثون

الفصل الرابع والثلاثون

الفصل الخامس والسادس والثلاثون

الفصل السابع والثلاثون

الفصل الثامن والتاسع والثلاثون

الفصل 40 /41 /42

الفصل 43 \44

الفصل 45

الفصل 46

الفصل 47 / 48

 
 

 


التعديل الأخير تم بواسطة الساحره الصغيره ; 28-09-14 الساعة 12:52 AM
عرض البوم صور عجااايب   رد مع اقتباس

قديم 18-08-14, 06:43 AM   المشاركة رقم: 2
المعلومات
الكاتب:
اللقب:
ليلاس متالق


البيانات
التسجيل: Jul 2014
العضوية: 268607
المشاركات: 745
الجنس أنثى
معدل التقييم: عجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييم
نقاط التقييم: 1477

االدولة
البلدSaudiArabia
 
مدونتي

 

الإتصالات
الحالة:
عجااايب غير متواجد حالياً
وسائل الإتصال:

كاتب الموضوع : عجااايب المنتدى : القصص المكتمله من وحي قلم الاعضاء
افتراضي رد: رواية نبي رد الثنا

 

تأكدة من الغطى الي ع وجهي لاني مو متعوده عليه صح من سنه متغطيه بس ماتغطيت عنه الا قبل شهرين انا متأكده حاسبتهم كثر ماكان صعب علي ابتسمت وانا مركزه سمعي ابغى اسمع صوته او خطواته لاني اخيرا تجراءة وقررت اسمع كلام صاحباتي معاهم حق لازم يعرف حاسه بحماس وخوف وتوتر شعور غريب بنسبه لي من اول ماعرفت انه بالمجلس وانا واقفه هنا واحسه مره طول متى يطلع اخويه طلع من البيت من وقت وابويه مو موجود اش جالس يسوي للحين ليش مايطلع خفت يكون نايم وانا من اول منتظره والصحن الي بيدي بدا يثقل علي متى بيطلع تو قررت ادخل المجلس واشوف سمعت الباب ينفتح ع قد ماتوترت انه مو نايم وانه اخيرا حان الوقت الا اني متحمسه لدرجة احس بدموعي تجمعت بعيوني من الفرح الوقت المناسب شديت يدي ع الصحن بقوه حتى مايطيح وطالعت فيه الحمدلله اني كتبت ورقه مع اني كنت مقرره بتكلم بلساني الا اني استعديت وكتبت بورقه علشان اذا ماقدرت اتكلم نزلت الصحن بسرعه ودخلت يدي بجيبي وطلعت الورقه وفتحت الكيس وحطيتها ع المعمول الي مسويته بيدي كذا مره قال لي انه ماحب المعمول الا من يدي شلته ووقفت وانا اسمع خطواته خلاص وصل لما شافني سرع بخطواته بتجاه الباب بس انا ناديته بصوت ثابت مهما راح يصير راح اعطيه هذي الورقه قلت وانا امد الصحن له""هذي لخالتي وسلملي عليها""اخذ الصحن ولاحظت انه انتبه ع الورقه لانها واضحه فرحت انه بيشوفها قدامي خفت ماينتبه لها ويعطي الصحن لامه قال وهو يفتح الكيس""هذي الورقه للوالده"حركت راسي بطريقة لا بس هو مارفع عيونه فقلت بأصرار""لا لك""عقد حواجبه وفتح الورقه وطول وعيونه بالورقه مع انها كلمه وحده احبك اساسا من غير قراءه بس لمحه وتنعرف بس هو طول ولما رفع عيونه ماقدرت افسرها قال""هذي المدرسه بطلعك منها""مافهمت قصده لما يتزوجني طيب ليش مو بيته اقرب حتى من بيتنا للمدرسه طالعت فيه بعدم فهم قال هذي المره بعصبيه""ابوك مادخلك المدرسه علشان تتعلمين هذي التفاهات(لما طلعت صوت اعتراض وبتكلم كمل بصوت اعلى)انتي مو بس ماتتكلميني معاي المفروض ماترفعين عيونك ولا المدرسه حقتك نستك الاصول(وبنفس الحركه قاطعني قبل ماكمل الحرف الاول بأمر)نزلي عيونك""عظيت ع شفايفي ونزلت عيوني وهو قال بصوت واضح فيه انه وده يذبحني وصدق توقعي لانه قال""لو انا مو ببيت رجال محترمه ومحترم حرمة بيته كان ماادري اش سويت فيك""كله علشان قلت احبه كمل كلامه بقهر واضح""انا عارف ان امك مو عايشه علشان تعلمك الادب بس انا اعرف ابوك واعرف اخوك ونعم الرجال متأكد من تربيتهم والله لو كانو في البيت الحين كان ماردني شي من اني اقلهم بنتهم اش تسوي وهذي الحركات الي متعلمتها من بنات المدرسه تنسينها وتنسين المدرسه بكبرها فاهمه انتي عارفه كم عمرك انتي لسى طفله عمرك ثلاث عشر حرام عليك اقول ادخلي البيت غلط وقفتك هنا والغلط الكبر اني اسمع من وحده بعمرك هذا الاكلام والله حرام""قال كلامه مره وحده ماخلاني اتنفس حتى مشى خطوه ورجع وقال وهو يمد اصبعه بتهديد""والله والي رفع سبعه فوق اني لو اسمع او اشوف يارؤيا انك بس رفعتي عيونك برجال بس رفعتي عينك وانا طبعا من ظمنهم اني لاروح فيك قصاص(سكت شوي)و ع فكره انتي من نوعيه البنات الي مايحبون الامهات يزوجونها لولدهم اولا لا تطلعين عيونك والعبايه هذي غيريها وجودها زي عدمها""ومشى ولما وصل عند الباب دخلت اختي نجود من باب الشارع وهي تجري بس وقفت لما شافته هو نزل لها واعطاها صحن المعمول وقال بصوت واضح""هذا لك ولاتنسين تعطين البنات الي يلعبون معاك""رجعت طلعت نجود معاه وانا اسمع ضحكاتها كل هذا وانا ماتحركت من مكاني كان كلامه قويه لدرجة حاسه كأن سياره صدمتني وكانت سرعتها جنونيه كل كلامه كله كان قوي والله قوي مادري كيف مر ذاك اليوم وكل مااشوف اخوي او ابوي كنت انتظر منهم كم كف بس شكله ماقال لهم اجل عبايتي وجودها مثل عدمها كذاب والله ان عبايتي ساتره احسن عبايه بالمدرسه منجد كلامه ماله داعي وحتى مااخذ المعمول الي تعبت من اول مارجعت من المدرسه وانا اسوي فيه هد حيلي حتى ماداومت اليوم الثانيه مع اني متأكده ان صاحباتي داومو بدري متحمسين مايدرون والله مايدرون كانت ذيك الايام بشعه جدا وكل مااعرف انه بيدخل بيتنا ماطلعت من الغرفه مع انه بيكون في المجلس بس صرت حتى ماابغى اسمع اسمه ونجود اول ماترجع من المجلس ماعندها غيره اش قال وش سوا وانا كل مااسمع شي عنه غصب عني ماقدر امسك دموعي انا موطفله انا بأول متوسط مسؤله عن تصرفاتي بس هو معقد اش فيها لو قلت له اني احبه مو دايما يقولون قولي الحقيقه لا تكذبين وانا عبرت عن نفسي وياليتني انكتمت بس مااستمر ندمي لان تقريبا بعد ثلاث شهور نقلو ببيت ثاني قريب من دوامه صح استمرت علاقته باخوي بس مو بنفس القوه لانه بعد وانا خلاص نسيته وانشغلت بالدراسه وبأختي شي مر بحياتي ونسيته بس بصراحه اعترافي له كان غلطة حياتي انقلبت للجهه الثانيه وندمانه عليها بس هو اكيد نسي سالفه مرت عليها سنين واذا سنين ليش للحين في بالك بتفاصيلها لانهم بكره بيرجون بيتهم تذكرت كل تفصيله الا انا نسيت واكيد هو بعد نسي طالعت بالسقف وانا اتأفف لازم بكره اصحى بدري علشان اساعدها جارتنا وماعندها بنات هم العمال من تقريبا شهر يعدلون البيت بس خلاص خلصو غمضت عيوني كانت علاقتي قويه بامه بس بعد ذاك اليوم ماشفتها ولا سلمت عليها يمكن حتى هي نسيتني ثمان سنين كثيره مره تنسين الناس بسنه كيف بثمان اكيد بكره ماراح تتذكرني حتى لو قلت لها اسمي الكامل بس جارتنا الواجب اساعدها حتى لو جديده طيب ابغى انام علشان اقدر اساعدها فتحت عيوني وطالعت بالساعه كانت احدعشر ونص وانا صاحيه من الفجر انقلبت علشان اشوف نجود نايمه او لسى وكانت نايمه غمضت عيوني ليش هذا التفكير انا قلت لاخوي حامد اني بساعدها اكيد ماراح يجي من الاساس وبعدين مايهمني جاء او لا ماراح اشوفه بكذا خف توتري سنين مرت وانتهاء كل شي.. بعد ماسويت الفطور رحت اصحي حامد هو صلى ورجع نام لان دوامه الساعه سبعه قام وافطرنا وبعدها جاء السياره الي تنقل نجود المدرسه وطلعت قال حامد قبل مايطلع هو بعد""اذا احتاجت ام رماح شي لاتقصرين معاها وسلميلي عليها"" قلت""ان شاء الله""وسكرت الباب بعده رجعت لصاله وشلت الاكل وغسلت الصحون وتجهزت وصليت الضحى ولبست عبايتي وطلعت من بيتنا مشيت لبابهم وانا احس بأحساس غريب لاني من زمان مامشيت بهذا الطريق دقيت الباب شوي وفتحته لي ام رماح ماتغيرت بس وضحت السنين بوجهها سلمت عليها وهي تقول""كبرتي ماشاء الله صايره بطولي(ضحكنا لانها من زمان كانت تقول لي اني مهما اكبر ماراح اوصل لطولها)تفضلي تفضلي ارتاحي""دخلت وراها وانا اقول""يزيد فضلك ماني جايه ارتاح جايه اساعدك بس"" قالت""تسلمين يابنتي والله من الصبح وانا في المطبخ ماانجزت شي"" قلت""ولا يهمك(التفت حولينا سألتها السؤال الي في بالي من امس)احد هنا"" قالت وهي تأشر ع كرسي""تفضلي مافي لا انا زيدان في المدرسه ورماح طلع قبل الفجر""فسخت عبايتي وحطيتها ع الكرسي الي اشرت عليه وقلت""يلله طيب اساعدك قبل مايرجعون"" قالت وهي تمسك يدي""اول اشربي قهوتك يابنتي"" قلت""نشربها في المطبخ""ومشيت قدامها ابغى اخلص بسرعه واطلع من اول مادخلت وانا مو مرتاحه هنا احس الزمن رجع ورا العمال ماغيرو شي في البيت بس جددوه وانا نفسي اطلع بس من هنا دخلنا المطبخ وبدينا نشتغل وهي تسولف عن ايام زمان واش سوت سألتها بين السواليف ليش رجعت هنا وهي شكلها كانت مرتاحه ببيتها ذاك قالت""رماح نقل زيدان للمدرسه هذي ماادري اش اسمها بس قريب مدرسته الاولى كلها عيال صيع"" قلت بابتسامه ع جنب""هذا راي
رماح طيب زيدان بأي سنه""للحين معقدته المدرسه هو اش سوا او اش شاف وخلاه كذا طالعت فيني شوي وبعدها قالت""باول متوسط مو راي بس شافهم علمو زيدان التدخين""حركت راسي وانا ارجع اشتغل ماادري شلون مركب عقل هذا الرجال ينقله مره وحده من المدرسه كان خلاه يغير اصحابه يغير الصف مو ينقله وهو بنص السنه لما خلصنا طالعت بالساعه بقي ساعه ع الظهر قلت وانا اطلع من المطبخ""لا تسوين غدا اليوم ارتاحي انا بسوي لنا ولكم"" قالت وهي مبتسمه""ماتقصرين يابنتي بس رماح قالي مااسوي غدا هو بيجيب من برا"" قلت وانا اللبس عبايتي""تسيبين الرز الي بسويه وتأكلين اكل المطاعم"" قالت بضحكه""ماابغى اتعبك بس خلاص التعب فيك فيك"" قلت وانا امشي بتجاه الباب""مافي تعب ولا شي حقكم علينا(تغطيت)يسلم عليك اخوي حامد ويقولك اذا احتجتو شي لا يردكم الا لسانكم""وطلعت من الباب وانا اسمعها تقول""ماتقصرون عيال اجاويد وكرم""ارتحت اني طلعت قبل مايرجعون مدري ليش كل ماسمعت حركه وانا في بيتهم تنشد اعصابي مدري ليش كل هذا الخوف والتوتر يمكن بس علشان الوقت او علشان اذا شفته ورجعت علاقته بحامد نفس القوه واصير اسمع عنه كثير وتواجده يكثر اخاف ترجع نفس المشاعر لا ياشيخه مستحيل ترجع انتهاء كل شي بذاك الوقت ولا عمري فكرت فيه او اشتقت له بس كم الشهر الاولى وبعدين خلاص نسيته بهذي الفكره تحول خوفي وتوتري لترقب وانتظار ابغى اشوفه واسمع عنه نفس اول علشان اثبت لنفسي ان كلامي صحيح اساسا هو تغير وانا بعد تغيرت بعد ماجهزت الغدا صليت وعزلت لهم بصحن اول ماترجع نجود توديها ومنجد من عند الباب اخذت شنطتها واعطيتها الصحن خفت اكون تأخرت عليهم قالت نجود""اول خليني اشرب مويه"" قلت""البيت قريب"" قالت""خلاص عن العشر دقايق هذي الي تلهيني فيها عن واجباتي انتي بتكتبين لي لاني كنت ناويه اول ماارجع البيت اكتب"" قلت""خلاص اتفقنا وعن العشرين دقيقه الي اخرتيني فيها بترتيب المطبخ لاني كنت ناويه اول مااعطيك الصحن اروح انظف المطبخ""ضحكت نجود وقالت بصوت عالي وهي رايحه""لا ماتفقنا""فضحتنا البنت هذي مدري شلون بتتغطى وهي صوتها كذا دايما عالي رجعت الباب بس ماسكرت علشان نجود دخلت المطبخ وجهزت غدانا وحطيته ع السفره ناكل انا ونجود بس حامد مايرجع الا الساعه ثلاثه العصر اخلي غداه بالقدر علشان قبل مايرجع بعشر دقايق ارجع اسخنه تأخرت نجود ولما رجعت سألتها قالت""سولفت شوي مع زيد"" قلت بأستغراب""مين زيد"" قالت""اخو رماح زيد ماتعرفينه"" قلت بابتسامه""قصدك زيدان ايوه اعرفه وبعدين ليش تجلسين تسولفين معاه"" قالت بصدمه""الكذاب ليش يكذب علي انا قلت له اسمي الحقيقي""قلت بعد ضحكه""ماكذب بس اختصر اسمه علشانه شافك مستعجله"" طالعت فيني نجود بنص عين ورجعت تكمل اكلها بنص الاكل بعد مانسينا السالفه قالت""تتوقعين الحين يضحك علي"" قلت""يمديه الحين يتغدا وليش يضحك عليك انتي المفروض تضحكين عليه في احد يغلط بأسمه"" ابتسمت نجود برضى طالعت بالسقف وانا احمد الله انها عدت ع خير ولا هي عادي تتكلم بهذا الموضوع لبعد شهر كامل بعد ماقامت شلت الاكل وانا محتاره العصر اروح اساعد ام رماح انا صراحه احسه لازم بس مو هذا الوقت خلاص بكره الصبح مثل اليوم اروح لها غسلت الي مو نظيف طالعت بالساعه بقي نص ساعه ويجي حامد دخلت غرفته وشغلت المكيف خلاص تعودت لازم اشغله قبل مايرجع علشان لما يرجع تكون الغرفه بارده دخلت ع نجود اشوف كتبها لازم اشوف ولا تحلف بالله ان ماعليها شي وعادي يكون بكره اختبار علشان كذا لازم اشيك وراها اشوف كتبها طلعت لما سمعت حامد يناديني رجع بدري او انا ماانتبهت لساعه قلت وانا رايحه بتجاه المطبخ""روح الحمام ماترجع الا الغدا جاهز"" قال وهو داخل غرفته""اول سوي قهوه رماح عندي بالمجلس بسرعه""وسكر الباب
........انتهى البارت الاول.......عافاكم

 
 

 

عرض البوم صور عجااايب   رد مع اقتباس
قديم 18-08-14, 08:36 AM   المشاركة رقم: 3
المعلومات
الكاتب:
اللقب:

البيانات
التسجيل: Apr 2010
العضوية: 161308
المشاركات: 40
الجنس أنثى
معدل التقييم: كلي حب عضو بحاجه الى تحسين وضعه
نقاط التقييم: 45

االدولة
البلدSaudiArabia
 
مدونتي

 

الإتصالات
الحالة:
كلي حب غير متواجد حالياً
وسائل الإتصال:

كاتب الموضوع : عجااايب المنتدى : القصص المكتمله من وحي قلم الاعضاء
افتراضي رد: رواية نبي رد الثنا

 

يعطيك العافية الرواية شكلها حلوة بصراحة الرواية ذكرتني بالذي مضى

 
 

 

عرض البوم صور كلي حب   رد مع اقتباس
قديم 20-08-14, 09:05 AM   المشاركة رقم: 4
المعلومات
الكاتب:
اللقب:
ليلاس متالق


البيانات
التسجيل: Jul 2014
العضوية: 268607
المشاركات: 745
الجنس أنثى
معدل التقييم: عجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييم
نقاط التقييم: 1477

االدولة
البلدSaudiArabia
 
مدونتي

 

الإتصالات
الحالة:
عجااايب غير متواجد حالياً
وسائل الإتصال:

كاتب الموضوع : عجااايب المنتدى : القصص المكتمله من وحي قلم الاعضاء
افتراضي رد: رواية نبي رد الثنا

 

اقتباس :-   المشاركة الأصلية كتبت بواسطة كلي حب مشاهدة المشاركة
   يعطيك العافية الرواية شكلها حلوة بصراحة الرواية ذكرتني بالذي مضى

يعافيك ويخليك يارب..
تسلمين وان شاء الله مااخيب ضنك ابدا..

 
 

 

عرض البوم صور عجااايب   رد مع اقتباس
قديم 20-08-14, 09:09 AM   المشاركة رقم: 5
المعلومات
الكاتب:
اللقب:
ليلاس متالق


البيانات
التسجيل: Jul 2014
العضوية: 268607
المشاركات: 745
الجنس أنثى
معدل التقييم: عجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييمعجااايب عضو جوهرة التقييم
نقاط التقييم: 1477

االدولة
البلدSaudiArabia
 
مدونتي

 

الإتصالات
الحالة:
عجااايب غير متواجد حالياً
وسائل الإتصال:

كاتب الموضوع : عجااايب المنتدى : القصص المكتمله من وحي قلم الاعضاء
افتراضي رد: رواية نبي رد الثنا

 

...البارت الثاني..
وقفت بمكاني رماح هنا بالمجلس ورجعت كملت طريقي عادي لازم يجي المجلس واحتمال كل يوم يجي بعد عادي سويت القهوه وسخنت الغدا دخل حامد المطبخ وهو يمسح وجهه بمنديل وقال""خلصتي"" قلت""ايوه""وشلت الصحن واعطيته بيده اخذ نظره ع الصحن وقال""وين المعمول""احنا بعادتنا انقدمه مع القهوه لضيوف وانا دايما احطه بصحن ومجهزته بس الحين ترددت قلت""التمر يكفي""مدري بلحظه خفت يحسب اني اذكره او حاطته قاصده قال""لا ضروري المعمول حطيه""حطيت المعمول متحسسه ع الفاضي بس علشان اول صله بعد الموقف هذي عاداتنا وهو يعرفها من غيري بالبيت اكيد بكون انا مسويتها اعجبه او لا مايهم قلت بأستفهام""والغدا"" قال وهو طالع من المطبخ""انا عازمه للغدا خمس دقايق وارجع اخذ الصحن جهزيه""زفرت الهواء الي بصدري ماابغاه يرجع بيتنا بس شكل العلاقه راح ترجع قويه حطيت الغدا بالصحن ماني عارفه اش يبغون يشربون عليه فانتظرت حامد حتى جاء واخذه مع اللبن طلعت من المطبخ بلحظه جاني فضول مو طبيعي نفسي اشوفه تغير او لا بس شخصيته شكلها ماتغيرت بس بأي مكان راح يشوفني هو بعد علشان كذا استبعدت الموضوع دخلت الغرفه قالت نجود اول ماشافتني""وين حامد ماجاء مثل العاده يشوفني"" قلت وانا اشوف اش جالسه تسوي""عنده ضيف"" قالت وهي تنزل القلم وتطالع فيني""مين اكيد نعرفه"" قلت""رماح"" قالت وهي توقف""والله منجد احلفي"" طالعت فيها وقلت""مافي طلعه عيب""ماخلصت كلامي الا هي طلعت من الغرفه وهي تقول بصوت عالي""مستحيل لازم اشوفه واسولف معاه اتذكره وانا صغيره""اساسا ماراح يعطيعها وجهه واول ماتطلع راح يقول لحامد ليش ماتغطيها ولا تطلع عيونها ولازم تاخذ عبايه مايكون وجودها مثل عدمها بنظره هو ابتسمت بسخريه ورجعت كتب نجود بشنطتها ماراح ترجع وعادي تروح معاه بيته بس بعد نص ساعه رجعت وقالت""راحو يصلون""عارفه ولا اش يرجعك قلت""بيرجع""حركت راسها بطريقة ايوه وقالت""بيرجعون ماعرفته رماح احسه رجال كبير"" قلت بتفكير""اكبر من حامد بسنتين اتوقع"" قالت بابتسامه""بس هو يتذكرني قال عن اشياء مااعرفها""كان نفسي اسألها تكلم عني بأي طريقه غلطه او كيف شكله بس نجود ماراح تنساها وهي ثرثاره مابتبقي احد ولا تقوله علشان كذا سكتت قالت بعد فترة سكوت""زيد اقصد زيدان بنفس عمري وبعد صلاة العصر بيجيبه معاه""قلت وانا اوقف""وانتي بعد صلي العصر ورتبي المجلس قبل مايرجعون""صليت وجلست بالصاله بعد ماسويت قهوه ثانيه وشاهي واعطيت نجود تحطها بالمجلس ومعد رجعت شكلهم رجعو من المسجد بعد ساعه رجعت وقالت""طلعو ورفض حامد يأخذني معاه""قلت بضحكه""وين يأخذك معاه""جلست بحسره وقالت""مكان مايروحون المهم تدرين ان رماح عقيد تخيلي يقول حامد ان مرتبته عاليه كل شي تحت يده وقال زيد اقصد زيدان ان حتى هو بيصير مثله وسألني رماح اذا كبرت اش راح اكون وقلت له دكتوره"" رفعت حواجبي بستغراب وقلت""مو امس تقولين تبغين تصيرين مهندسه"" قالت وهي توقف""غيرت رائي الدكتوره احسن او(طالعت فيني)تتوقعين بعد فتره عادي تصير البنت عقيده""ضحكت عليها وقلت""لا مافي ولا حتى بوقت احفادك"".. رجع حامد المغرب واخذ نجود المكتبه طالبين اغراض المدرسه ابدا ماتوقف الطلبات وانا سويت العشى علشان نتعشى وننام لما رجعو وقفت عند الباب اساعد نجود بالاغراض المبالغه كلها بتلعب فيها اخذت الكيس من يدها وهي رجعت السياره حطيت الكيس ع الارض وانا اسمع نجود تقول""ليش وين سيارتك ولا ماعندك سياره""رد عليها صوت رجولي ثقيل بلمحة ضحكه""الا عندي شوفيها هذي اعجبتك""عرفته هذا رماح طالعت من بين الباب والجدار في الفراغ الصغير ابغى اشوفه بس ماقدرت اشوفه لانه لازم يكون قدام الباب علشان اشوفه بس مايأست تميت بمكاني قالت نجود""مااعرف حلوه ولا لا الا لما اخذ فيها لفه"" قال بصوت الاستمتاع واضح فيه""يلله طيب نجربها علشان تحكمين صح""انا لما كنت بعمرها اكثر منها ادب شلون راح يقول عن نجود ماعرفت اش اسوي علشان نجود ماتروح اذا تكلمت حتى هو بيسمع صوتي غلط طيب اش اسوي صفقة بيدي ماعندي الا هذا الحل علشان ترجع نجود بس قالت""برجع رؤيا""رجعت صفقة بحده اش فيها بترجع غصب عنها بس مو هي الي تكلمت قال رماح بصوت ثقيل رجولي""مابنطول لفه ومرجعها""تنهدت وانا احس صوته ماتغير بس نضج مع انه كان عمره واحد وعشرين زمان وكانت حتى تصرفاته توضح ان رجال ماله يوم من رجع مسرع تأثرت وكأني كنت انتظره مع ان مايخطر في بالي الا لما احد يسأل اش هي غلطة حياتك بس احس اني اشوف نجود فيني بكره يزيد الاهتمام وتحبه مع اني احس الزمن تغير زمان الي عمرها اثنعشر سنه خلاص فاهمه وعاقله الحين تصل الثمنعشر وهي عقلها لسى صغير علشان كذا يمكن مامنها خوف رجعت الباب بس ماسكرته وشلت الاكياس ودخلت البيت وطلعت الاغراض وحطيت الي تحتاجه بشنطتها والباقي بالدرج ورحت المطبخ وجهزت الاكل ع السفره ودقيت باب غرفة حامد ودخلت كان واقف عند المرايه يعدل شعره وهو يكلم بالجوال انتظرته حتى خلص كان يقول""لا ياشيخ وين احنا مايسويها(التفت علي)خلاص انشغلت اكلمك بعدين مع السلامه"" قلت اول ماسكر""العشى ع السفره ونجود راحت تأخذ لفه مع رماح وتأخرت""مالها خمس دقايق بس ابغاها لما يرجعون يلقون حامد ينتظرهم قال وهو طالع مستعجل""اكيد ماسكرت السياره والله لو تنسرق ان مايريحني الا صوت كسر عظامها""ابتسمت يحب سيارته هذي بطريقه غريب اذا نبغى نقهره بس نسكر الباب بقوه يحرق ولو نوسخها حتى دمنا مايرضيه طلعت لصاله انتظرهم وهم تأخرو وين ماكأنهم الي عند الباب وإلي يأخذ لفه شوي ودخل حامد وواضح ع وجهه نفاذ الصبر قلت بقلق""انسرقت"" قال بعد ماالتفت علي بحده""اتخسي""ودخل غرفته ماعرفت اش يقصد مين نجود دخلت نجود وهي شوي وتطير من سرعتها وقالت حتى قبل ماتأخذ نفس""واحنا راجعين شفت بنت واقفه مع حامد مين"" طالعت فيها بستغراب""مين"" قالت وهي تجلس""مدري قلت لرماح يوقفنا بعيد ماوصلت عندهم الا البنت حكت السياره بخاتمها وهي رايحه وحامد يسب ويلمس السياره(وضحكت بقوه)شكله يضحك""بس سب هذي البنت عمرها طويل ماشاء الله قلت""ماشفتيها وين راحت اي بيت""قالت""لا مو من هنا ركبت سياره وراحت اكيد مو من هنا مو عيب عليها تكلم رجال"" قلت بأبتسامه""عيب وبعد عيب تأخذين مع رجال لفه بسياره"" قالت بعد مامدت شفايفها قدام""جيعانه"" قلت وانا اوقف""الاكل ع السفره بنادي حامد"" قالت""معصب""دقيت الباب ودخلت وقلت""تعال تعشى"" قال وهو يوقف""ماابغى شبعان اكلت"" قلت""براحتك""ورجعت وجلست قالت نجود بعد ضحكة شماته""راح يشوف سيارته""لانه مشى وراي وطلع قلت""يمكن طلع مع اصحابه"" وقفت وقالت""بتأكد وارجع"" قلت""نجود بلا هبل اجلسي"" قالت وهي تجلس""اذا مو برا اكيد يسأل عن احسن واحد ممكن يصلح سيارته بالمملكه""مامسكت نفسي ضحكة بقوه ربي يخليها مونستني مره بعد ماخلصنا الاكل دخلت الحمام اخذت دش ولما طلعت صليت العشى مع الوتر لاني انام بدري وبعدها قريت وردي من القرأن وبعدها انسدحت واول ماغمضت عيوني تذكرت صوت رماح مدري ليش معطيته اهتمام كبير يمكن لانه كان حب المراهقه والطفوله ابغى اشوف اش اعجبني فيه انقلبت للجهه الثانيه وتمتمت بسورة الملك متعوده قبل مانام اقراها وبعدها نمت.. صحيت مثل العاده وصحيت حامد مدري متى رجع او وين طلع متعود ان احنا مانسأل ولو سألت يحسه تعدي ع الامور الشخصيه علشان كذا صار حتى عندنا الموضوع طبيعي لو تأخر او حتى ماجاء وبعدها صحيت نجود الي بعد ماافطرت طلعت وقبلها حامد الي مستعجل رتبت البيت واخذت دش وصليت الضحى ودخلت المطبخ واخذت صحن من المعمول بإخذه معاي ورحت عند ام رماح بنفس توقيت امس بس هذي المره مافتحته ام رماح فتح الباب زيدان ابتسمت لسى صغير وقلت""ليش ماداومت المدرسه"" قال وهو يفتح الباب اوسع""شوي تعبانه امي تفضلي""دخلت وقلت بقلق""ليش اش فيها اش تحس"" قال""صدرها علشان ريحت البيت الدهان الجديد تقول دخلت صدرها"" قلت وانا اشوفه يسكر الباب بعد مادخلت""يعني تحس بكتمه"" قال وهو يمشي قدامي""مدري تعالي اسأليها""لما دخلت غرفتها كان صوت تنفسها واضح قلت لزيدان الي دخل معاي""ليش ماتودونها المستشفى""حرك اكتافه وام رماح تقول""ياهلا رؤيا سامحيني يابنتي مااستقبلتك عند الباب"" قلت وانا ارفع الغطى واسلم ع راسها""معذوره طيب ليش ماتروحين المستشفى يعطونك اكسيجين يريحون صدرك"" قالت بابتسامة محبه""اوليدي رماح جاي بطريق كان بديره ثانيه يوم كلمه اخوه رجع الله يحفظه خلاص هو ع وصول"" قلت وانا ارجع اتغطى""اذا لا اشغلكم واول ماترجعين من المستشفى تعالي بيتنا كم يوم لين تروح الريحه"" قالت""والله يابنتي صعبه ومشكوره ع السؤال"" قلت""مع السلامه واجر وعافيه يارب""وطلعت من الغرفه وانا مافي بالي الا هو ع وصول ابغى اروح قبل مايأجي لما وصلت عند باب الصاله قلت لزيدان الي وقف جنبي وكانه يبغى يوصلني للباب""من متى تعبانه"" قال""مدري من متى امس نمت بدري ويوم صحيت الصبح كانت تعبانه""تنهدت وقلت""ربي يعافيها ارجع عند امك وانتبه لها زيد حتى يجي اخوك""ابتسم ابتسامه واسعه ورجع عند امه شكله يحب اسم زيد فتحت باب الصاله وطلعت مامشيت خطوتين الا وباب الشارع ينفتح بقوه ويدخل رماح..
..انتهى البارت..
..عافاكم..
..عجايب..

 
 

 

عرض البوم صور عجااايب   رد مع اقتباس
إضافة رد

مواقع النشر (المفضلة)

الكلمات الدلالية (Tags)
الثنا, رواية, عجايب،رؤيا،رماح
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:39 AM.


مجلة الاميرات  | اية الكرسي mp3  | القران الكريم mp3  | الرقية الشرعية mp3  | شات جوال  | شات قلب 

 



Powered by vBulletin® Version 3.8.11
Copyright ©2000 - 2019, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية