قال لها:سيدتي هل تسمحين برقصة؟
وشد ذراعها رغما عنها وكانت غاضبة ,فقد اقتحم انوثتها
فهمس بأذنها:احبك
وانتي تكذبين فلو لم اراقصك رغما عنك لأمسيتي على الوسادة تبكين

ومن يفهم ياسادة كبرياء النساء !!
نزار قباني..

7مســـاء بقصر الامير سعود وتحديدا بجناح الأمير سلمان ..

جالس يجهز شنطته لسفرته بكره لواشنطن
دق الباب ياخذ بدلاته ويحطها بالشنطه:ادخل
خديجه:سموك وانحنت
استغرب من وجودها ووقوف اللي معها بأستفسار:فيه شيء؟
خديجه بأبتسامه:سموك الاميرة عادله ارسلت لك ليان حتى سكتت ماعرفت وش تقول
فهم ضحك بخفه رجع يحط ملابسه:خذيها من وجهي وقف نادوا لي ندى
بلعت ريقها لف عليها:سمعتيني؟
خديجه:طلعت من شوي ومعها شنطها
استغرب:شنط رفع حاجب زفر بقوة:اووووووووووف خلاص روحوا انتوا
خديجه بتردد:وليان سموك..
سلمان عبس:قلت لك خذيها اعيد كلامي مرتين لييه خذيها معك
فزت من صوته المرتفع بلعت ريقها اشرت لها تجي معها

بنفس القصر وبالحديقه..
عادله وعينها عليها :رفضها رفض ليان !!
سكتت خديجه كملت:اصلا لو مالحقنا عليها اليوم كان راحت في خبر كان لكن نفسي اعرف
من اللي علمها عنهم وينها ست الهانم ماشفتها
خديجه:شفتها نازله اليوم معصبه ومعها شناطها وسعاد تحاول تهديها وماسمعت لهم
عادله بضحكة:يعني ذلفت وافتكينا منها هههه راح نحتفل بهالمناسبه خديجه خليهم يجهزون لنا عشاء معتبر
خديجه:امرك صار

^^^^^^^^^^^^^^

بمكـــــان اخر..

جالسين يتقهون وسميرة طول الوقت عينها عليها نزلت بيالة الشاهي
موعاجبها وضعها تحس في شيء :ندى الحقيني ومشت
سميه بضحكة:موفقه بالتحقيق ..ابتسمت ابتسامه باهته ولحقتها

دخلت غرفتها اشرت لها تجلس :وش صاير ليش جايه بشناطك تظنين انتي وسميه اختك الشغله لعب عيال
هذا زواج دام الوحده فيكم مو كفو ليه تزوجت
عينها بالارض مكسوره حييييل تعلقت عيونها فيها مثل العصفور مكسور جناحه تبين قدامهم شديدة بهالامور
حتى تبين لهم خطأهم :ندى ارفعي راسك وكلميني
ندى:........
سميرة قامت جلست جنبها حطت راسها على صدرها :ليش وجهك مصفر ونحفانه لهالدرجة
رفعت راسها وبوهن:تعبت عيشتهم تخنقني مو قادره اتحمل
ابتسمت سميرة:هذا وماصار لك غير شهر انا علمتك من البداية وكنت صريحة معك قلت لك حياتهم متعبه بدرجه
ماتتصور وراح تنصدمين من عالمهم المغلف بالمخمل
زفرت بتوجع:سلمان طلع متزوج ثنتين قبلي من الوصيفات اللي بالقصر غير اللي معه
سميرة بضحكة:ما استبعد منهم شيء عشان هالسبب انتي متضايقه

ندى بضيق:ماراح ارجع خليه يتهنى فيهم
سميرة:غبية يلا خليك هنا واسمحي لهالوصيفات يجيبون له الولد ويطلعونك من الحسبه تبغين الخلاص اللحين
عشان وش متزوج ماقلت لك اذا ماشغلتي لي مخك راح تجي الف وحده وحده فوق راسك

دخلت ريماس:ماما الامير جاء
فزت بسرعه كأنها مقروصه ابتسمت سميرة:خليه يدخل المجلس وانتي الحقيني

نزلت دخلته ورحبت فيه :يالله حيه عاش من شافك
ارتاح لما شافها طبيعيه:الله يسلمك
بعد سكوت دام دقائق:سلمان..
رفع راسه:آمريني
سميرة بنص عين:تدري ان جدي حكم حائل من قبل يعني بعد يصير جد ندى وفخذنا مو حي الله معروف
سلمان اندهش اول مره يعرف سكت كملت:يعني انتبه من شوك الورد ولايغرك شكله
بلع ريقه عرف انها توصل له رساله بدخولها :السلام عليكم

عدل جلسته وشماغه:وعليكم السلام
قامت سميرة:انا اخليكم لازم اعشي عادل قبل لاينام ذبحني هالولد ينام بدري مثل الدجاج
ضحك بخفه:هههه ..طلعت

سلمان بجدية:من اللي سمح لك تطلعين من القصر من دون شوري ولامحمله الشنط ماشاء الله
ندى بسخرية ممزوجه بتوجع:والله حبينا مانخرب ليلتكم الكبيرة سموك

عرف قصدها سكت ثواني كمل:مثل ماتشوفين قدامك الساعه صارت اللحين 10 يعني مافي ليله ولاهم يحزنون
كل ماتخيلتها "ليان" تحس بشيء يقطعها حياته مليانه بالحريم روز وليان وجواهر وغيرها

عينه عليها مهما حاولت تخبي عيونها فاضحتها تجمعت العبرة بعيونها لفت وجهها ونزلت دموعها من غير سابق انذار
مسحتها بعنف ماتبغاه يشوفها بلحظة ضعف
قام من مكانه جلس جنبها نزلت راسها ابتسم بحنيه:انتي من كل عقلك راح تغيرين نظام صار له 80 سنه من عهد ابو جدي
لفت وجهها قبضت حواجبها :هالنظام ماراح امشي عليه يا انا بهذاك القصر يا وصيفاتك وزوجاتك والقرار الاول والاخير راجع لك
سموك
لف وجهه عنيييييييييدة طلعت روحه ماقدر عليها ابتسم :على يدك
ندى بأستفهام:مافهمت؟
سلمان برفعة حاجب:بيدك تخلين ما اشوف غيرك ولا وصيفات ولازوجات راح يشاركونك وخذيها وعد مني
ابتسم بخفه:سموك مع احترامي لك عمري 24 مو 4 سنين حتى تسايرني بهالكلمتين
تنرفز منها:والمطلوب ياهانم؟
فجرتها بوجهه:يا انا ياوصيفاتك اللي متزوجهم واولهم اللي اسمها ليان
سلمان بغيظ:مو انتي اللي تحددين من راسك
وقف بسرعه وبغيظ وترجف من العصبيه:معناته ماراح ارجع لهذاك القصر لو على جثتي وراح ترسل ورقة طلاقي
واذا راح تصعبها علينا راح اضطر بكل بساطه اخلعك وووف تخيل تصير بالمجتمع المخملي وقتها خل زواجاتك تنفعك

سلمان بضحكة:اذا لقيتي محكمة تسوي اللي براسك
حط يدها على راسها وضربه بخفيف:لاتنسين انا القانون والسلطه
فلتت لسانها:طبيعي تربية عادلة
تغير لون وجهه وبحمق:شرهة من ياخذ ويعطي معك بالكلام بيخرج لف:بكره اول ماتشرق الشمس راح يكون عباس عندك
وقتها راح نشوف من بيمشي كلمته انا صبرت كثير وطفح كيلي خذيها مني وخرج
رفعت صوتها:وانا طفشت منكم ومن عالمكم المنافق
خرج وسكر الباب وراه..بنزول سميرة ماسكه بيدها عادل دخلت المجلس

وقفت عند الباب وبنهر:شاطره طفشتي الرجال وطيرتيه من يدك يالغبيه خليك على هالحال لين تطيحين على وجهك
ندى بضحكة:اذا في احد طالعه عليه فهو انتي مو انا قاعده اكرر نفس تاريخك مع ابوي ماكنتي تضربين له أي احترام ورحتي خلعتيه
لاتلوميني طلع هالشيء وراثه ببناتك
سميرة مسحتها بنظرة خلتها ترتبك وتحس على نفسها بحسافه:هاذي اخر تربيتي وتعبي وشقاي

جلست على الكنبه ماتدري ليش صايره اعصابها تنفلت على اتفه شيء بكت بقوة وبغصه:يمه مخنووقه من جهه هذاك القصر باللي فيه
كاتمين على نفسي والكل ضدي ويحاربوني بكل الطرق ومن جهه قضية ابوي اللي ممكن راح ينزل عليه حكم قصاص وهو بريء

عادل ترك يد سميرة وراح لها بسرعه وقف عندها عبس على بكائها قربت منها سميرة جلست جنبها
تنهدت:قلت لك ماسمعتي مني انتي مو قد هالعالم ياندى انتي بنتي واكثر وحده تعرفك امك
زفرت بعمق كملت:عادله ابدا مو هينه لاحطت احد براسها نهته اسأليني انا وابوك الله معه مابيدنا غير الدعاء
ماقدرت تتحمل رمت نفسها على صدرها وبكت بقوة خرجت اللي بداخلها وعادل بكى معاها

بنزول سميه ومعها بنتها وقفت عند الباب اشرت لأمها تسأل وش فيها اشرت لها تخرج

اما بالنسبـــة لســـلمان يمشي بالشوارع دون هدف محدد واللي صار بينهم وكلامها ينعاد بأذنه
سأل نفسه سؤال ندم انها خذاها؟

رجعت فيه الذاكرة لورى ببراغ ولما كانت تسهر على راحته وضحكها بالسيارة وهبالها
بداخلها شخصيتين متناقضتين الاولى الطفلة المرحه الشقية
الثانيه البالغة الجدية العصبية المستفزة ..

وماراح يفهم عليها الا اذا سأل عنها الشخص المناسب مالقى نفسه غير متوجه لقصر هيا فتحوا له الحرس البوابة

طفى سيارته ونزل فتحت له الخدامه

الخدامه:مدام برينس سلمان
هيا باستغراب وقفت طلعت له ابتسمت:حيا الله سلمان وانا اقول ليه القصر منور
سلمان بدون نفس:منور بأهله
حست فيه مسكته من ذراعه:تعال معي جلسوا بالصاله
هيا :اخبار ندى؟
ضحك بسخرية عرفت ان فيهم شيء عدل جلسته:ممكن اسألك سؤال ليش اخترتي ندى من بين كل هالبنات؟
هيا بضحكة:اكثر واحد مفروض يعرف هالاجابه هو انت ياسلمان


سلمان زفر:راسها يابس ومستفزه بشكل اعووذ بالله
هيا كملت:وذكية وحنونه وقوية هالشيء اللي خلاك تتنفر لأنكم ياعيال اخوي ماتعودتوا من حريمكم الا على سمعا وطاعة
سلمان بنرفزه:تدافعين عنها
هيا رفعت حاجب:ما ادافع عنها لكن ما الومها اللي تسويه فيك قليل بالنسبة لوحده تدري بوجود روز
طلعت عينه كملت:ايه لاتطالع فيني كذا عندها خبر بموضوع روز غير كذا روز بكل وقاحة تحضر الحفلة الخاصه فيها
وتقولها مهمتك تخلفين وبس اما سلمان تقلد صوتها بسخرية: فأنا عشقه ووردته

وتحضر زواجها وتوقف قدامها بكل وقاحة وجرآة غير اللي يصير بالقصر وماعندك خبر ليه هي ماتحس مو آدميه
تخيلها هي مكانك عندها العشيق وعندهت غيرك ثلاث
سلمان بأنفعال:انحرها
هيا بضحكة:ياسلام اجل حط نفسك مكانها ما في أي مره بهالدنيا ياسلمان ترضى نصها الثاني يشاركها مع احد غيرها
ابدا ندى من يومها حسب ماعرفت من امها متملكه لكل شيء مو معناته هاذي صفة سيئة كل واحد وشخصيته

يتغير كل شيء حولها بيوم وليلة وتلقى عكس حياتها اللي قبل شيء طبيعي تتمرد على اللي حولها بعدين موضوع ابوها
مهما خبت الا انه يكسرها أي وحده تقدر تتحمل كل هذا وتسكت راح تنفجر بالاخير وصار صح


سكت مو مستوعب الكلام اللي يسمعه مفروض انه حس فيها وفهمها وتحملها زفر بقوة مسح وجهه بيده
وقفت جلست جنبه حطت يدها على كتفه وبأبتسامه:لابد من هالخلافات اصلا هي ملح الزواج وبهاراته ولازم كل واحد منكم يتنازل
حتى تعيشون واترك ندى علي
رفع عينه عليها وبتعب:لو كانت مكانها روز كان تغير شيء؟
هيا بجمود:لو كانت روز مكانها ماكان زرتني ولاكان شفناك ابدا
عقد حواجبه صرفته:روح ريح نفسك وتفاهموا بالهداوة
وقف مو فاهم شيء من اللي قاعد يصير ودعها وخرج ماحس نفسه الا داق على رقمها


تحط لها اللوشن رفعت جوالها تصنمت من الرقم المتصل عليها ردت بفرحه
:سلمان!!
بغيظ:انتي من اللي سمح لك تجين للقصر بالحفلة مين اللي دعاك وش غايتك لوين بتوصلين هاا
وبكل وقاحة توقفين قدام ندى وتقولين مهمتك تخلفين وانا عشقه انتي باقي عايشه بالماضي فوقي وحسي على نفسك عيب اللي
تسوينه بنفسك لمي كرامتك شوي يمين معظم ياروز لو اسمع انك قربتي منها او رميتي عليها كلمه راح تشوفين شيء مايعجبك
ما ارضى عليها
روز بغصه وماسكتها العبره:
تدافع عنها وتهيني عشانها ياسلمان
سلمان ينهي المكالمه:جاك اللي عندي انا صرت انسان متزوج
روز بضحكة:وين الجديد كل يوم مع وحده حتى تحاول تنساني بس ماقدرت صح ياسلمان
سكت:...............
كملت بغصه:تتذكر ايامانا بأمريكا والا هانت عليك حتى تنساها تتذكر لما تخلص المحاضرة كنا بسرعه نطلع من الجامعه ونروح محل الآسكريم
وتطلب بالتوفي وكنت تغصبني اكله معك مع اني ما احبه ومن بعدها حطينا اتفاق يوم اكل اللي تحبه ويوم انا
كنا نرجع من الجامعة وكان الكل يتحمس لاشافونا مع بعض
طيب تتذكر لما طلبوا منا نكون مع بعض لنقدم مشروع بأسم الاكاديميه ونمثلها بعد ما خلصنا منه وكتبناه باقي نقدمه باليوم الثاني
نثرت المويه عليه بالغلط وصار الورق كله حبر وقتها عصبت عليك وكنت تضحك وتقولي راح ننهي بيومه مع ان جلسنا عليه
3 شهور ورحنا للكوفي هاذيك الليلة وسهرنا عليه طول الوقت كنا نتناوب بالكتابة وشربت 7 اكواب قهوة حتى تصحصح بس ماقدرت
وغفيت على الطاولة الفجر وتركتك ولما صحيتك انتهيت منه نقزت مثل الاهبل

ضحكت بخفه وتتذكر شكله:وقتها نثرت القهوة على كيبورد اللاب توب اللي كنت انسخ منه واكتب
ابتسم بخفه ويتذكر كملت:وقتها
كمل:بكيتي
ابتسمت بين دموعها مسحتها:وقلت لك انك منحوس ولاتقرب على شيء تتذكر والا لما لما حضرنا زواج ناس اجانب مانعرفهم
وصرت تصفق بيدك وتغني عليك سعيد وبارك والناس مو فاهمين ولا كلمه منك
ضحك بخفه:ههه
روز بحالميه:هالايام بعمري مابنساها لكن انت هان عليك تنساها
حس بشعور غريب طرأ عليه ابتسم بخفه:ابدا مانسيتها ولاراح انساها لكن فيه ايام منتظرتني مع ندى حتى تصير بعدين ذكريات
بهت وجهها كمل بضحكة:هالذكريات لما كنا مع بعض لحالنا بعيد عن هالناس يعني لازم نكون لحالنا انا وندى حتى انسى هالذكريات
ونعطي بعضنا فرصه روز صدقيني مو عارف وش اقول لك لكن شكرا لأنك خليتيني افهم اللي كنت محتاجه وقفل

ماحس نفسه الا عند بيتهم دق عليها شافت رقمه وتعطيه مشغول حرق جوالها ردت بسرعه
:باقي شيء ماقلته؟
سلمان:انزلي انا تحت
تنحت مكانها وبسرعه:نعم!!
سلمان:انا تحت
بعدت شيفون الستارة وطلت شهقت بقوة جالس على كبوت السيارة رفع عينه على الغرفة اللي فيها النور شافها
اشر بيده كمل :اسمحي لي هالمره اخذك لمشوار متواضع ساعتين
سكتت كمل:اذا نزلتي لي راح افكر بكلامك
ندى بهمس:وعد
سلمان:وعد يلا انتظرك قفل..

غيرت بجامتها لبست بنطلون جنز اسود وتشيرت ابيض عليه كتابات انجليزي بالاسود رفعت شعرها
لبست عبايتها اخذت شنطتها ونزلت صادفت سميه اللي طالعه من المطبخ وبيدها صحن فيه فواكه وبضحكة
:على وين ؟
ندى بسخرية:بقابل خويي بس لاتقولين لأمي
سمية بضحكة:خويك اسمه سلمان وعنده عارض ويخقق
ندى بضحكة:قزيتيه
سميه بنص عين:احد عنده زوج اخت خقه ومايقزه روحي بتطلع مسكتها من يدها وبضحكة:بتروحون فندق؟
ندى بدقه:ليه تسوونها انتم كل مازعلتوا؟
فتحت الباب ودفتها:انقلعي معه وقفلت الباب
التفت للباب بهمس:حيوانه
فتحت الباب اللي جنبه وركبت اول ما استقبلها ريحة عطره والمكيف شغال خققها الجو:السلام عليكم
لف وبأبتسامه حنونة:وعليكم السلام اشر بحواجبه:الحمدلله على السلامه عسى ماعوروك
فهمت عليه ضحكت بخفه:هههه وقفت ضحك وعينها مركزه عليه ضاعت بين ضحكته ونظراته

عينها تعلقت بعيونها السوداء اللي تلمع صحاهم من سرحانهم جوالها اللي يدق رفعته :امي
ردت:الوو
سميرة برفعة حاجب:وين رحتي مع خويك مثل ماسميه تقول
ندى بضحكة:أي مع خويي وماراح ارجع لكم
سميرة بضحكة:من غير شر ترجعين لنا بخير حلوا اموركم بهداوة يابنتي ولاتراددينه سمعتي
ندى:ان شاء الله وقفلت منها

سلمان بغمزه:اجل طلعتي مع خويك ماتستحين انتي؟
ندى بضحكة:هو اللي وقف عند باب بيتنا باخر الليل مثل عنتر
حط يده على يدها وشدها عليها واليد الثانيه يسوق حركته اربكت كل حواسها بعد يده وكمل طريقه

وقف قدام القصر التفت له:هذا هو المشوار قلت بترجعني بعد ساعتين
سلمان برفعة حاجب:اول قاعدة بالصيد استدرج الهدف واستدرجتك شفتي كيف اني فطين
صاحت بأعراض ورمت شنطتها اليد عند رجولها:هذا غشش وغرور
وقف سيارته عند المدخل لف عليها:لاياروحي انتي هذا اسمه ثقه بالنفس
رجع كلامها بالحفله عليها نزل نزلت معاه شبك يده بيدها ودخلوا القصر طلعوا الدرج صادفتهم جواهر اللي تغير لون وجهها لما شافتهم

جواهر:سموك ومنزله راسها احتراما لها
سلمان:الحمدلله على سلامتك
جواهر بغصه:الله يسلمك..تعدوها ومشوا وهي بتموت من غصتها
سمعت صوت ضحكهم العالي:هههههههههههه
حطت يدها على صدرها وتمسح عليه نزلت دموعها بخفه بخروج عائشه من جناح عادله شافتها من بعيد

وقفوا بالممر عينه على جناحه وعينها على جناحها
سلمان بود:خلينا نتفاهم بجناحي
ندى برفعة حاجب قربت منه وتلعب بأزرار ثوبه بهمس:خلينا نتفاهم ونسهر بجناحي
ابتسم ورفع حاجب:سهرة ؟
ندى بهمس:سهرة صباحيه بس عطني دقائق دفته بخفيف من صدره ودخلت جناحها وقفت عند الباب غمزت له وقفلت باب الجناح
سندت ظهرها له عليه تنفست بعمق

واقف مكانه مبتسم تحسس صدره اللي حطت يدها عليه راح لجناحه مبسوط فتح الباب
تفاجأ من وجود ليان نايمة على السرير طلعت عينه !!

قرب منها وصحاها:هييي انتي قومي قومي
فركت عينها وعدلت جلستها بلبسها اللانجري اللي جهزه سلمان لندى طالعها باحتقار فزت وقفت
ونزلت راسها بالارض وشابكه يدها ببعض
بنرفزه:انتي وش تسوين بجناحي؟
رفعت راسها وبخنقه:سموك لهاليوم بعمري مابخلت عليك بشيء وحاطه راحتك فوق راحتي لكن انت تغيرت علينا من تزوجت

بالوقت اللي كانت ليان واقفه مع سلمان كانت ندى تجهز لها أي لبس تلبسه

سلمان بنهر:ومن انتي حتى تحاسبيني ؟
ليان بدموع:سموك انا مستعده اجيب لك بدال الولد عشره خليني عندك بدال هالافعى

واقفه قدام المرايه وتحط لمساتها الاخيرة من قلوس لماع ومسكره زيتيه رفعت شعرها كله بطريقة انيقه حطت عليه شريطة زيتيه

سلمان مسكها من ذراعها وسحبها :برا لا اشوفك وجهك
تمسكت بثوبه:الله يخليك لاتسوي فيني كذا
فتح الباب ويسحبها وهي تبكي ..حست بصوت بكاء عالي بأستغراب
سلمان بسرعه دخلها لجناحه وقفل الباب حتى مايسمعها احد خصوصا ندى

فتحت الباب طلت مالقت احد حركت كتفها ودخلت جناحها لبست صندلها العالي اخذت العطر ورشته على فستانها

سلمان بغيظ:من اللي ارسلك هاا؟
ليان بدموع:ندى ارسلتني قبل ما اروح
عقد حواجبه باستغراب كملت ببكاء:اليوم حبستني بجناحها وصارت تهددني

فتحت باب الجناح مبتسمه:انا جيــ المنظر اللي قدامها الجمها عن الكلام
لف سلمان بسرعه وليان ..عينها متعلقه فيهم مصدومه !! مذهوله!!

بجناح عادله ..
تاخذ علاجها وخديجه جنبها سرحانه..رفعت راسها:صاير سرحانك كثير
خديجه سكتت

تقدمت بخطوات بطيئة وهادئة لهم ..سلمان مسح وجهه وزفر وليان عينها عليها تستحقرها
وقفت قدامهم مايفصلهم عن بعض غير انش واحد مسحت ليان من تحت لفوق بنظرة وحده قربت منها وبهمس
:انتي وش اللي جابك هنا؟
ليان بقوة:كلنا زوجاته حالي من حالك
بسرعه صفقتها كف بأقوى ماعندها بغيظ:ابدا لاتوزنين اميرة ومن فخذ معروف بوصيفة جارية مثلك

عينها عليها انصدم من اللي سوته ..رفعت عينها عليه بسرعه:يا انا ياوصيفاتك بهالقصر سموك اختار
وطلعت من جناحه معصبه صادفت خديجة عطتها نظرة دخلت جناحها سكرت الباب بقوة رمت الاغراض اللي على التسريحة بقوة

طلت خديجه صاح:خديييييجه تعالي دخلت جناحه وعينه عليها
بسرعه وغيظ:من اللي سمح لهاذي تدخل جناحي هاا وين عائشه؟
خديجة:سموك عائشه بالمستشفى مع ولدها وماعندنا خبر ابدا بجيتها لجناحكم
لف:شليها من وجهي ..اشرت لها خديجه تجي معها لبست الديشنبور وطلعت معها
خديجه بهمس:قلتي الاميرة عادله اللي ارسلتك؟
ليان بدموع:ماجبت سيرتها قلت هالافعى

بالصبــــاح

طلع من جناحه وقف عند باب جناحها متردد وهي منسدحه على السرير وتلعب بطرف شعرها وعينها على السقف
حط يده على مسكة الباب وفتحها بهدوء جات عينها على المسكة اللي تنفتح غمض عينه وتراجع قفل الباب لفت على جنبها

بعد عن جناحها جلس على الكرسي اللي بالصاله ماقدر يذوق طعم النوم حطته بين نارين نارها ونار عادات صار لها
80 سنة تطبق بالعائلة المالكه "الوصيفات وتعدد الزيجات"

اما هي عرفت اختياره ومجهزه حالها بأي لحظه يدخلون عليها ويبلغونها تخرج من هالقصر بنت عليه احلام كبيييرة

بخروج خديجه من غرفتها المخصصه جنب عادله :خديجه
رفعت راسها:قولي لندى تجهز نفسها راح تطلع من هالقصر و............
واقفه ورى الباب غصتها العبرة ضحكت بخفه كانت تعرف نتيجة اختياره مسبقا

بعد عنها:نفذي اللي قلت لك عنه
خديجة:امرك سموك ..نزل الدرج وهي اتجهت لجناح ندى دقت الباب ودخلت
لفت لها وتلبس عبايتها وتاخذ شنطتها:مايحتاج تبلغيني سمعت كل شيء
خديجه:سمو الامير ينتظرك بالسيارة تحت قال راح تروحون مشوار
استغربت كملت:حاولي تستعجلين..

لبست بسرعه ونزلت لقته بالسيارة و يقلب بجواله ركبت جنبه ومافتحت فمها بكلمة ولاهو معرض عنها خروجوا من القصر
سلمان بعجز:اللي سويتيه البارح ابدا تصرف مايليق فيك مسحتيني ولاكأني موجود
ندى:...............
كمل:بعمري بحياتي ما احد خيرني غيرك من تظنين نفسك بكل جرآة ووقاحه توقفين قدامي وتخيريني
ما احد يخيرني ويمشيني على كلمته حطي هالشيء براسك

لفت وجهها على الشباك وضحكت بخفه:ههههه
تفاجأ من ردة فعلها توقعها بتبكي او تتضايق وتصرخ عليه لكن فتحت الباب ونزلت سكرته بأقوى ماعندها
صاح باستنكار كل شيء الا سيارته بتدخل البيت رجعت مره ثانيه فتحت الباب وطلت براسها وبهمس:
صدقني سموك انت الخسران والا احد يحصله ندى بنت خالد وتربية سميرة ويتركها ويمشي اللي خلقك خلق غيرك عشرين
وماراح ابكي او اندب حظي لأني متيقنه بداخلي انك راح ترجع لي وهذا اللي راح يصير طال الزمن او قصر
وبضحكة:توقع كل شيء من بنت من اول مادخلت هذاك القصر وعالمكم ما انحنت لغير ربها وركعت له

رجعت سكرت الباب بقوة مذهول من كلامه وجرآتها رجعت فتحت الباب وبنرفزه له :ناديتني شيء همم لا طيب
سكرت الباب بأقوى ماعندها اخذت المفتاح من شنطتها وفتحته دخلت البيت سندت ظهرها على الباب ضحكت بخفه
رفعت ضغطه وجابت له التشنج بهاللحظه طلعت الدرج تتمخطر ومبتسمه صادفت نادية وسميه

نادية:رجعتي ليش؟
ابتسمت جلست بالكنبة المنفردة وبضحكة:اخذت اجازه ابغى اغير جو هنا مليت من القصر
سميه لوت فمها:تاخذين اجازه من قصر سياح نياح وتجين هنا
حركت شعرها :ماعلينا وش مصحيكم هالحزه؟
جات عيونهم ببعض بسرعه لقطتهم:آآ اجل فيه مصيبه
سميه بهمس:كارثه توقعي من اللي زارنا بعد ماطلعتي جدتك ام ابوك ونايمه بمجلس النساء
فتحت فمها:تمزحين ..نطت لمجلس النساء فتحته شافتها قفلت الباب رجعت لهم تخصرت:امي عندي خبر
ناديه زفرت:ابصم سمعوها اهل الحارة من الترحيب والتهليل فيها رغم اللي سوته فيها وطلعت عيونها وعلى كلامها
مالها احد غيرنا وكبيرة بالسن مالازم احد يواخذها
عبست رمت نفسها بحضن سميه اللي تحك شعرها همست بأذنها:شعرك مو غرقان معناته ماخربتيها وغمزت
عينها عليها:تفكيرك منحرف مع احترامي لك
سميه بغمزه:طيب وش كنتوا تسسون
ندى بسخرية:نلعب بلوت قامت من حضنها رمت الشنطه عليها بخفه:لئيمه وعقلك منحرف روحي نامي بس
ناديه:هههههههههههههههههههه انا بروح اكمل نومي يلا سي يو
سميه:بيس ماي سستر
ندى بضحكة:اخص يا انقليش انتي بس لااحد يسمعك تكفين تفشلينا وش بيس
سميه دفتها:انقلعي نامي بتمشي رجعت لها وبنص عين:متأكدة ماخربتوها؟
دفتها ندى بقوة ضحكت

بهالوقت كانت الكفه ترجح لندى اللي كانت واثقه جدا من انها راح تفوز فيه بالنهاية
اما كفة سلمان فكانت غير موزونه مابين روز اللي تملكت قلبه من زمان ومن ندى اللي سلبت عقله بالحاضر ..

دخل القصر نزل من السيارة رمى المفتاح على عباس ودخل القصر مبين عليه الانزعاج استغرب عباس
راح وقف السيارة بالمواقف
اخذ شنطته ونزل بسرعه وركب بسيارة المرسيدس البيضاء نزل واشر للسواق عطني المفتاح
عباس عينه عليه:سموك انا راح اسوق ارتاح انت ..عطاه نظره واشر للسواق يعطيه المفتاح
ركب فتح الباب الامامي لعباس:راح تروح معي

بخروج سعود من القصر استغرب من حركته حرك بسرعه وعينه قدام ويتكلم بعصبيه:بكل جرآة ووقاحه تخيرني
ماصار لها شهرين وصايره تبغى تتحكم من تظن نفسها نست من اكون بالنهاية وبكل ثقه تقول ماتقدر تتخلى عني واللي خلقك
خلق غيرك عشرين وراح ارجع لها ولاتقول تربية عادله هالكلبه
ضحك بخفه عباس لف عليه:فيه شيء؟
اشر بيده وعينه قدام: أشعر أنى إلتقيتك كثيرا
وتحدثنا أيضا كثيرا
ولكنى لا أعرفك

ضحك بخفه:شكسبير
هز راسه:احمد حافظ سموك هالشعر ينطبق عليك كثير انت وحرمكم ابدا مو منطقي تحكم عليها وهي على ذمتكم
شهرين.. الحريم مثل القمر مره بيجي هلال ومره محاق وبدر وبالاخير مكتمل يمرون بنفس المراحل مره بيحسسونك انك عايش
بالنعيم اذا اسعدتهم ومره تحس نفسك محبوس بالجحيم اذا ضايقتهم لكن بكل الحالات فيه جانب منهم طيب لازم نشوف القمر المكتمل بعيوننا
ونتجاهل الهلال الناقص حتى نعيش ومانندم بعدين صدقني ..وسرح لبعييد
سلمان حس انه فتح له باب كان يحاول يسكره كمل سواقه وابتسم بداخله من كلامه عنده حجة اقناع رهييبه

^^^^^^^^^^^^^^^^

بمكـــان اخر غبنا عنه فترة كان الهدوء يخيم عليه حتى
اسماعيل:الامير جسار راح يوصل بعد دقائق جهزوا كل شيء

عينه على الطريق بنظارته السوداء الشمسيه ويعد خطوط الصفراء لزفلت
وقفوا عند القصر فتحت البوابة نزل وبهمس:ورجعنا نكمل اللعبة من جديد
اسماعيل نزل راسه راحمها من اللي راح يجيها منه

دخل القصر طلع لجناحه فوق لف على مشرفة القصر:سمعت فيه جثه متعفنه بالسرداب
نزلت راسها ضحك بخفه:معناتها باقي تتنفس ارسلوها لي فورا
هزت راسها ونزلت بلغت اسماعيل بالاوامر ارتبك:اللحين ليش حاطها براسه مو فاهم مو كفاية البنت مغمى عليها بدون اكل ولاشرب اسبوعين

خذا شريط فيديو ودخله بالدي في دي
جلس على الكرسي الذهبي المنفرد دق الباب دخلوا خدامتين ساحبينها وهي بحاله يرثى لها اشر لهم يتركونها بالارض تركوها وطلعوا

متكوره على نفسها بالارض ماتقدر تحرك اطرافها مقطوعه عنها سبل الحياة ..
ابتسم بسخرية:والله ولا قطو بسبع ارواح يالمرأة الحديديه يالصامده ههههههههههه توقعت القاك متعفنه بالسرداب
ايه صح كيف علاقتك مع الفيران ان شاء الله عرفتوا لبعض
ضحكت بخفه وتحاول تتماسك قدامه:والله طلعت احسن منك
عبس خذا جهاز التحكم وضغط الزر واشتغل محتوى الفيديو

صوت الاغاني مرتفع بحفله مختلطه تضم انواع الجنسيات والاعراق وقف مصور الفيديو
يضحك وتصويره مركز على الشباك اللي ماعليه ستاره

رفعت راسها ببطء جات عينها على الفيديو نفسه اللي يبتزونها فيه من 6 سنوات
اشر بجهاز التحكم:ركزي بهاللقطه وقفها وقرب مو هذا انتي ماسكه المسدس نفسه اللي قتلتي فيه البنت
والرجال لا مو انتي شوفي زين ورجع شغل الفيديو رجعت ذاكرتها لورى ..

رافعه المسدس بوجه وترجف:طلعوني من هالمكان
غاده بخوف ومحتضنه لؤي :مجنونه
لؤي بلع ريقه من الخوف وشاف رجب جاي من وراها تطمن:ياحلوتي اتركي من يدك
صاحت:ماني حلوتك وببكاء ..اهىى اهىى طلعوني من هالمكان
ابتسم لؤي بخباثه:بس قبل شوي صرتي ملكي وخذيت منك اغلى ماعندك شرفك ياحلوتي
بكت بقوة وترجف وعينها على غادة:لييش سويتي فيني كذا اهىى انا بنت اخوك
ضحكت غاده بخفه:حالك من حالي مثل مافقدت شرفي وامك تعايرني فيه جاء الوقت اللي اعايرها فيك صح

جاء رجب من وراها وهجم عليها وهي تصيح ويحاول يمسك المسدس طلعت رصاصه بالهواء
صاحت وطاحت على الارض
جات من وراه بنت باوائل العشرينات من عمرها وتبكي وتدفه:ليش تسوي فيني كذا هاا لييش
يحاول يبعدها سحبت المسدس من يد رجب حطته على صدرها
لؤي بخوف:يامجنونة اتركيه اتركيه
بضحكة ممزوجه ببكاء:ماراح تفرق معك ..حاول يتدخل اطلقت على صدرها بعد عنها بفزع امتلأت بدمائها
وطاحت بالارض وليلى كانت عينها بالارض طول الوقت وموح اسه بنفسها صحت على صوت الطلق خافت وتراجعت

رجب اخذ المسدس من يد لؤي بسرعه وحطه بيد ليلى اللي متنحه وعينها على البنت اللي تنازع الموت قدامها
وتنزف ولؤي وغاده هربوا واللي بالحفله لما سمعوا الطلق الثاني
رجب هزها:اسمعيني ماراح يصير لك شيء اذا قفلتي لي فمك هذا وسكتي سمعتي ماشفتي شيء
ليلى ببكاء:قتلتوها
ضحك بخفه:لاحبيبتي انتي اللي سويتيها والمسدس بيدك والبصمات عليه اششش
قام سحب البنت من يدها مثل النعجه قدام عيونها والبنت عينها عليها حتى قفلتها

انتهى شريط الفيديو من مده لاحظ سرحانها انحنى لمستواها:فوق ما انتي وحده نجسه ووسخه قاتله
بذمتك باقي سفاله بهالدنيا ماسويتيها
ليلى بهمس:والله مو انا
ضحك بخفه وصرخ بوجهها:لاتجيبين اسم الله على لسانك الوسخ
بصعوبة وعجز مدت يدها وحطت على يده شدتها وبهمس:والله بريئة وطاح راسها على يدها

وقف لحظه ضربها بقوة من راسها:هيي انتي قومي هيي ويهزها
رفع راسها بعد شعرها انصدم من منظر وجهها شفايفها بيضاء ووجهها مزرق وابيض واطرافها بارده

بلع ريقه ضرب خدها بخفه:اصحي اصحي صرخ بصوت عال:اسماااااااااااااعييل
شالها بكرهه ونزل الدرج بسرعه ناداه بصوت عالي:اسمااعييييييل
جاء شهق صاح:بسرعه شغل السيارة راح نوديها المستشفى

بالسيارة منسدحه ورى
اسماعيل بخوف:راح يحققون معنا وراح تدخل بسين وجيم
جسار عينه قدام اشر له يكمل طريقه لف وجهه عليها اعرض عنها بسرعه وعينه قدام

بعد ساعتين بالمستشفى..
رايح جاي يفرك يده بتوتر اللي يشوفه يقول اللي داخل شخص مهم له بخروج الدكتورة

جاء لها بسرعه ومعه اسماعيل:انتم بتقربون لها شيء؟
طالعوا ببعض سكتوا كمل جسار:ان اا انا زوجها
رفعت حاجب :طيب ممكن دقيقه لو سمحت ..مشى معاها بخوف
وقفته عند الباب :شوف حضرتك انا لازم ارفع تقرير عنك ايه ده العنف دا انتا مابتخاف ربنا ماعندك خوات
تفكر بيهم ماتعرف ان الدنيا دوارة
جسار بنرفزه:وش اللي عندها؟
الدكتوره:سوء تغذيه شديد سبب لها تشنجات بالمعدة وجفاف حاد دا البنت ما اكلتش من اسبوعين او ثلاثه كحد اقصى
لو ما اسعفتهاش كان خسرناها وابتليت بيها غير الرضوض اللي بجسمها
ابتسم بخفه طلع بطاقة عدم تعرض من بوكه ورفعها قدام عيونه:افتحي فمك وشوفي وش راح يصير فيك
نزلت راسها بسرعه:سامحنا يابيه انا اشر لها بالسكوت

:راح تكتبين لها خروج هاللحظه وكل شيء يلزمها تقولين لأسماعيل ماراح تجلس ولاثانيه هنا ومشى
خرج من المستشفى بعد ماوصى اسماعيل اللي يحس بظلم كبيير بس عاجز يرده

^^^^^^^^^^^^^^^^^^

في موطـــني ان لم اكن سبعا حتما ستأكلني الذئاب
في موطني ان لم اصنع تاريخي بنفسي فستهمشني الابواب..

ليست مجرد ابواب عاديه من خشب وفولاذ ..
فتلك الابواب ان دخلناها فيمكننا الخروج منها ولكن هناك باب ان دخلناه اما نرمي بالاحجار ونمشي تحتها حتى تندمل اقدامنا لنصل مانرغبه
او نؤمن لنا الحماية قبل الدخول لتداس اقدامنا على العشب وتتمتع بخضاره
ايهما اسهـــل !!

وقفت عند التلفون محتاره تدق او لا رفع السماعه ودقت على الرقم
رفعته ناديه :الوو
خديجه:الو السلام عليكم الاميرة ندى موجوده
ناديه :وعليكم السلام ايه موجوده من اقولها
خديجه:قولي لها من القصر
ناديه :ثواني بس..بعدت السماعه وحطت يدها عليه وبضحكة:الاميرة ندى مكالمة لك
سمية ضحكت بسخرية:اميرة ندى
سميرة بدفاع:بس انتي وياها
قامت مستغربه اخذت السماعه وردت:الوو

سكتت خديجه فترة :الوو
خديجه:معك س سس ماقدرت تنطقها
انتظرتها تكلمت مجبره:سموك
توسعت ابتسامتها:خديجه تأخرتي بردك لي هذا والقصر كله تحت امانتك
خديجه:سامحيني لكن كان لازم افكر قراري ماكان سهل انا معك قلبا وقالبا
ندى بضحكة:حلوو حلوو معناته ابشري باللي تبينه اطلبي من الالف للمئة وزواج بنتك راح تكون تكالفيه علي
خديجه:ماتقصرين انا مضطرة اقفل
ندى بفرحه:الله معك..قفلت خديجه وعينها على عادله اللي ضحكت بأستخفاف
:اللحين راح تظن انك معها راح نطيحها بالحفرة اللي حفرتها

سميرة:فيه شيء صاير؟
ندى :لا ابدا وراح تفكيرها لبعيد ضحكت بداخلها "معناته مشت عليهم "
ضحكت بخفه وبنفسها تتمنى تشوف شكل عادله بهاللحظه وفرحتها وقناعتها بهاللحظه انهم قدروا يخدعونها

قلبت جوالها بالاستديو شافت له صورة وهو لابس بنطلون جينز رمادي وقميص ابيض طويل وفوقه جاكيت
جلدي اسود ونظارته الشمسيه ويشرب كوفي لقطتها بدون مايحس
طلعت رقمه بالاسماء مخزنته باسمه"سلمان" ومسحته

^^^^^^^^^^^^^^^^^^
بعـــــد يومـــــين...
بمكان بعيد كليا عن المدينة وحبيتوه من حبكم للشخصية واندماجكم معها بشكل
رهيييب..

عند الغدير
تلعب بطرف رجولها المويه والجازي جنبها متربعه:اللحين خالك متى بيجي ماكأنه تأخر؟
فاطمه بضحكة:ليه تبغين الفكه مني؟
الجازي بهبال:تبين الصدق ايه مو مصدقه متى بتروحين ضحكت هههه تعالي اخمك بس
دفتها:اولا اسمها اضمك وش اخمك ذي ثانيا اصلا انتي ماتقدرين تفارقيني واكبر دليل وين مارحت
لصقتي بظهري
الجازي بسرعه:افاا وانا بنت ابوي اسحبي كلمتس قبل اغرقك بهالغدير ويكتبون عنك البنت اللي بغى يجي ياخذها خالها
من القريه للمدينة لكن غرقت
فاطمه فرطت ضحك:هههههههههههههههههههههههههههه
ههههههههههههههههههههههههااي آآه يابطني وش هالعنوان المخيس مثل طولك
الجازي ضربتها على ظهرها بقوة وهي تضحك:اسكتي بلاك غايرتن من طولي ياميكي موس
شهقت فاطمه:انا ميكي موس
الجازي:ايه نفس اصبعي ذا وتأشر عليه صغير ونتفه مثلك
قامت صاحت الجازي وتجري وهي وراها تلحقها دخلوا القرية
فاطمة بصوت عالي نست نفسها:وين بتروحين مني
الجازي دخلت بيتهم بسرعه وتركت الباب مردود ودخلت الصاله وفاطمه لحقتها من الفهاوة ماحست نفسها الا بين اخوانها بالوسط
يتقهوون

وعينهم عليها بلمت وتصنمت مكانها وبغباوه:عمتي تقول عندكم ملح
الجازي ماسكه زاوية وفارطه ضحك كتمت نفسها:ليه مادقيتي الباب قبل ماتدخلين عيب ماتستحين
فاطمة بلعت ريقها وعينها عليه بين اخوانه اللي نزلوا فناجين القهوة
اشرت بيدها:شسمه ذاك آآآ
الجازي بضحكة:أي وشو ذاك علامتس مكلجه بالكلام
فاطمه خلاص طاح وجهها:بابكم مكسور عندكم ملح
كاتمين ضحكتهم والجازي فرطتها:هههههههههههههههههههههه
آآآه يابطني وتضرب الجدار
تمنت الارض تنشق وتبلعها ولاتنحط بهالموقف البايخ تبغى تخرج رجولها نملت عليها"تخدرت"
الجازي بنص عين:اقلطي تقهوي
عينها عليها تمنت انها تسدحها بالارض وتكفخها ببكيه:رجولي تخدرت
نزلوا عينهم وهو يكمل فنجان قهوته وعينه عليها شكلها صغير كيوت ماعندها طول
الجازي:يعننك اللحين مستحيه وطابتن لنص صالتنا
خزتها وخرجت بسرعه وجهها حمر وخضر وصفر صفقت وجهها من الفشله

:يالنتفه
لفت عليها بقهر:هين ياجازيوه والله لألعن قاطعتها حطت يدها على فمها وحضنتها بقوة وتضحك
قرصتها بظهرها صاحت :آآآآآآه ههههههههه عاد تبين ملح ههههههههههه
ماتحملت فاطمه حشرتها بزاوية وماسكه شعرها والجازي تحاول تفكها وتضحك ميته من الضحك
ضربتها بقهر:ياحيوانه وش يقولون عني داخله نص صالتهم كله منك

بصوته الجهوري:اتركي اختي لاتذبحينها ..
تركتها وعينها عليه الجازي راحت له وتضحك:ههههههههههه ودفنت نفسها بصدره تضحك
:تبي هههه ملح خشن
متعب بضحكة:ماعندنا غير الناعم تبينه؟
فورت منهم يستخفون فيها ويتريقون طلعت وصفقت بالباب ابتسم وضرب الجازي على راسها
:فشلتيها بين اخوانك زين اللي سويتيه

طلعت الجبل موصل حدها دخلت البيت لقت عمتها فارشه بالحوش :وينك كنتي فيه صايعه اسمعيني
خلاص اليوم اخر يوم بتخربها بتبن لفت:انتي اللي اسمعيني خلاص انا رايحه نهائيا من هالبيت وراح افتك
منه ومن كلامك ماراح تخربين فرحتي اليوم بكلامي هذا ودخلت غرفتها تجهز ملابسها حسب ماعرفت من الجازي
ان خالها تأخر لأن سيارته تعطلت ودخلها الورشة وراح يجي اليوم وبترجع للمدينة

تنهدت بفرحة هالمره فقدت جو المدينه والمولات وكل شيء صحيح راح تشتاق للقريه واهلها
اهلها!!
عقدت حواجبها وطلعت تحت ملابسها مسبحه سرقتها من سيارته مسبحته ماتعرف ليش سوت كذا
رمتها من يدها بسرعه عقدت حواجبها اخذتها وحطتها بشنطتها..

^^^^^^^^^^^^^^^^^
بنفس القرية ولكن ببيت اخر بيت الشيخ
العنود ام الجازي ومتعب:ليش متضايقه؟
الجازي بحزن:فطوم راح تروح اليوم من راح اجلس معه واضحك كانت مونستني
امها بأبتسامه:وهي ماتبينها تفرح اجل ادعي لها
نزل راسه سكت قام من عنده وقالهم يجهزون العشاء لصديق عمره وخالها

9 مســـاء
تعشوا الرجال قام:انعم الله عليكم
قام معه:بالعافيه
راحوا جهة المغاسل يغسل يده وفي خاطره كلام:خلنا نطلع شوي برا
متعب عرف انه بيكلمه بخصوص فاطمه خرج معه خرج دخانه ولع الولاعه ونفث الدخان
دليم:تعرف زين اللي بقوله لف عليه
تتذكر الكلام اللي قلتي لي عنه لما وصلت القريه وسألتك عن احوالك وقلت انك تحس ميال لبنت هنا من المدينة
لكنها مطلقه وتسمع كلام عنها غير لسانها المتبري منها على قولتك
هالبنت تيتمت وعمرها 13 سنه وامها خلصت العده منا وتزوجت ولاسألت عنها كبرت نفسها بنفسها واهتمت بأخوانها
كانت لهم اليد اللي يستندون عليها بالبيت لكن طلعوا اخوانها كلاب وعضوا هاليد خذوا منها ورثها وعشان يدارون حريمهم لايزعلونهم
رموها هنا مثل ما انت شايف
بيتكلم:دليم انا
رفع يده وقاطعه:كان لك شيء وتبيه تعال اطلبه بالاصول وعلى رقبتي هذا اضمن لك موافقتها
انصدم من كلامه وبعدم استيعاب:يعني اخطبها
دليم :ان كان لك نصيب فيها فهي لك حط يده على كتفه وفتح سيارته
رجع له وسلم عليه

الجازي بدموع:يهون عليك تروحين وتخليني
فاطمه تحاول تتماسك:خميني مثل ماتقولين
ضحكت الجازي بين دموعها وحضنتها بقوة :لاتنسيك المدينة صديقتك
بعدت عنها:وانا اقدر ..سلمت على امها وباست راسها
حطت يدها على خدها بحنان:الله يحفظك وحضنتها بهاللحظه دب بقلبها شعور غريب فقدت حضن الام من زمااااااان
ورجعت حست فيه مع ام الجازي بعدت عنها تلثمت وخرجت ماقدرت توادعهم زيادة

شافته واقف مع خالها اللي معطيها ظهره ويسولف هالمره ماقدرت تنزل عينها عليه اخر مره راح تشوفه فيها
صحيح ماهو بذاك الوسامه لكن رجال بكل ماتعنيه الكلمه حلييم درجة اولى وشهم وكريم لف جات عينه بعينها
لف خالها ومشى ناحيته وهي عينها عليه ابتسم:جاهزه؟
اؤمات براسها اخذ كيسها وحطه بالمرتبة اللي ورى فتحت الباب وعينها متعلقه بعيونه بتذكر:نسيت شيء لازم اجيبه من البيت
خالها:حاولي تعجلين ..مشت جنبه وبهمس:آسفه على كل شيء سويته وطلعت الجبل

لقت الباب مفتوح دخلت نادتها بصوت هادي:عمتي عمتي
دخلت لقتها منسدحه ونايمه على جنب وصافطه يدها على وجهها رحمت حالها قربت منها بهمس
:خلاص راح اروح ماعاد بيرتفع ضغطك مني حطبت لك اليوم بيكفيك لأسبوعين تقريبا شكرا لأنك تحملتيني وخليتيني اعيش
ببيتك ببلاش على الاقل كنتي اهون وارحم من اخواني بقولك شيء راح اشتاق لخصمتنا مع بعض وهوشاتنا
ههههه انتبهي لنفسك باست راسها وخرجت من عندها وقفت بالحوش وعينها عليه هالمكان كانت له ذكريات كثييره

خرجت من البيت بكبره بعد ماودعت صاحبته باللحظة اللي سلمت صاحبته روحها لربها قبل دقائق
من وداعها لها!!

نزلت مرت جنبه همس:الله يحفظك وين مارحتي يابنت المدينة ..ابتسمت بخفه وتعدته
ركبت السيارة ومشوا
التفت لخالها مبسووطه كثير تحس نفسها صارت عصفور يرفرف بحرية بعد ماكان محبوس بقفصه
دليم بأبتسامه:راح نرجع المدينه يابنت القريه
ضحكت:راح نرجعنا أي وش رايك بالقريه
رفع حاجب:اهلها ناس طيبين واجاويد ما اشتقتي لبيت جدك
فاطمه بفرحه:كثييير
دليم:معناته راح نروح له ونسكن فيه بعد ماراح تحتاجين احد وانا موجود
دمعت عينها ضرب راسها بخفه:فكينا من الدراما
ضحكت بخفه ومسحت دموعها:دفش كالعاده
دليم:وين الجديد هاا؟ وغمز
وعين فاطمه على الطريق حست بأنتعاش كأنها انولدت من اول وجديد ..

^^^^^^^^^^^^^^^^
بأمريكا دخل الفندق مع ابوه بعد ما انتهوا من حفل السفارة السعودية
شيك على جواله مافي أي مكالمه او رساله بايعتها ولاهمها شيء

ارسل رساله نصيه"حزري من قدامي بنت شقراء تقول للقمر واقعد محلك"

انتظر شوي ردت عليه"للأمانة ؟ عيوني فيها كمية فتنة تهلك قلبك لما تناظر فيها وماتقدر تشوف غيري مهما حاولت
أي اعتراض لاسمح الله "

فور من ردها خرج الشارع دق عليها تنشف شعرها قدام المراية ولابسه بجامه اورنجيه حرير
ضحكت بخفه حرق جوالها وهي منطشه حطته صامت بالاخير تكرمت وردت عليه
جاها صوته المعصب:بدرررررري ياهانم
ندى تكتم ضحكة:الوو اشششششششش ما اسمع شيء الوووو وقفلت بوجهه
رمت جوالها على السرير وتضحك عليه

اتشش وصلت معاه منها قفل الجوال وقبض عليه بقهر دخل اللوبي :عباس انا راجع السعودية راح اموت هنا
عباس سكت ماعلق:بروح اللحين ادور رحلات لدبي ومنها للسعودية ..
طلع جناحه رتب ملابسه بالشنطه اخذ جواله وقرأ رسالتها مره ثانيه ابتسم بخفه:طيب خلينا نشوف نهاية غرورك هذا
حست بنعاس دخلت بين لحافها حطت راسها على المخده تلعب بدبلتها فسختها وحطتها بكاس المويه اللي جنبها
لفت للجهه الثانيه دقائق حتى غمضت عيونها وسلمت نفسها للنوم

بأمريكا ..
طلع اللوبي شاف عباس بأستفسار:وين سلمان؟
عباس:طلع للمطار سموك
استغرب:للمطار يعني راجع ليه ما انتظرنا..عباس حرك حواجبه ضحك:ندى
عباس تنهد:راح تطير عقله
سعود بضحكة:الله يقويها ماعليه كل شيء يهون لكن هالبنت مشيته على الصراط المستقيم وسلمان فوضوي
يبغى من يدله على الطريق ويشد على يده تعال نتغدى ..مشى معاه ويشوف الرضا التام على ندى من قبل سعود

اليــــوم الثــــاني ..
العصـــر جالسين يتقهوون ويتابعون مسلسل دق الجرس
بتفتح ريماس مسكته ودفته:انا بفتح ونزلت جري
ريماس عبست:بزر وربي
فتحت الباب وشرعته مبتسمه معطيها ظهره لف ببطء نزل نظارته الشمسيه وبرفعة حاجب
:مساء الخير
تصنمت مكانها وماسكه الباب بيدها عدلت وقفتها عينه عليها ببجامتها الزيتيه العلاق ورافعه شعرها ذيل حصان
حطت يدها ورى رقبته بخجل منه ابتسم وبانت رصة اسنانه:مطول واقف؟
تنحت فتحت الباب واشرت يدخل دخل وقفلت الباب وراه بتقفل الباب بسرعه مسكها من خصرها وقربها له
وهي متجمده من حركته بلعت ريقها حط اصبعه السبابه على عيونها وبهمس:
مو قلتي عيونك فيها كمية فتنة تهلك قلبي لهالسبب ماقدرت اطول اكثر ورجعت لك لاحظ خوفها مرر اصبعه
على شفايفها واشر لها بالسكوت همس بأذنه:اذا ما انتي كفو وقد الشيء لاتسوينه مرر يده على رقبتها انتفظت بسرعه
وبعدت عنه ضحكت بخفه :معناته انتي بس لسان
تخصرت وبرفعة حاجب:ليش جاي؟
ضحك بخفه:جاي اخذ زوجتك
ندى بسرعه:بأي حق
سلمان بهدوء:بحق اني بيني وبينك عقد نكاح بحق اني قوام عليك فهمتي ياحلوه يلا انتظرك برا
بيخرج رفعت صوتها:ماراح ارجع لهذا القصر وهذولاك فيه
يحاول يتمالك نفسه لف:هذولا اللي موع اجبينك زوجاتي رضيتي او مارضيتي
تخصرت وبضحكة:الله يهنيك بركتهم انا قلت اللي عندي مع السلامه سموك قفل الباب وراك
طلعت الدرج مسكها من يدها ولفها:حيرتيني وش يرضيك انتي؟
ندى برفعة حاجب:يا هم بذاك القصر يا انا قرر سموك منتظره جوابك
جات عينه على يدها رفعها:وين دبلتك؟
نست منها :قرر سموك
سلمان بقهر:الذيب مايهرول عبث انتي وش مقصدك من هذا كله؟
مارست سحرها اللي تعرف يخير قواه امامه ابتسمت وشعت عيونها بالحب حاوطت رقبته بيدها الثنتين
وقريبه منه:طمعانه فيك لحالي سموك ولا ابغى أي مخلوق بهالدنيا يشاركني فيك لما اشوفك مع غيري
احس نفسي يختنق وقلبي حطت يده على قلبها ماعاد احس بدقاته هذا ذنبي الوحيد وجرمي
حركتها كهربت كل خليه بجسمه تنح بيتكلم حطت يدها على شفايفه:اششش
قربت لأذنه وهمست:لاتسمعني جوابك اللحين فكر همم بعدت عنه وطلعت الدرج
ورسمت اجمل ابتسامة

بلع ريقه وخرج..
سميرة باستغراب:من؟
ندى بضحكة:العصفوره
ناديه بسخرية:بالله تبي حب
رفعت كتفها وابتسمت وتدندن:لاتقولون ما اقدر اجيبه لاتقولون صعيبه اجيبه يعني اجيبه لو كان تحت
سمية كملت:الحراسة
ندى بضحكة:كفك..ضربتها بكفها
سميرة بأبتسامه:هالعصفوره فرحتك ..ندى همس لسميه:كان سلمان تحت وسولفت معها بهمس
سميه بشك:احسك تسرعتي
ندى بضحكة :راح يرجع لي ويختارني
سمية:هاذي ثقه كبيرة
ندى بضحكة:راح تشوفين خلاص صار هنا واشرت على اصبعها وعينها على التلفزيون
وسميرة عينها عليها صارت مثل النحله بالبيت وابتسامتها ماتفارقها والادهى من ذلك صارت تلمح
نظرات الخبث بعينها نسختها المصغره..

بالقـــصر..

من اول ماوصل للقصر حبس نفسه بجناحه
دق الباب بدون نفس:نعم
طلت عادله :سلمان جيت ياولدي
مطفشه معه:ماصار لي ساعه
دخلت جلست جنبه وباستغراب:وش صاير لك ليش رجعت بدري ؟
زفر بضيق:ولاشيء قام خرج ملابسه رماها على السرير وبملل لف عليها
:راح اطلق ليان ورزان
طلعت عين عادله:انت جنيت تبغى تخرب نظام صار له 80 سنه مو على كيفك
لف وابتسم:على كيفي ولاتحدوني اطلق جواهر
عادله بغيض:وندى؟
يحس شياطينه تطلع قدام عيونه لما ينذكر اسمها:راح تكون معلقه لامتزوجه ولامطلقه وبرجع اسافر بريطانيا برجع للعزوبية من جديد
ودبروا لكم الولد عاد ..دخل الحمام وانتم بكرامه وعادله تحس دمها يغلي منها

^^^^^^^^^^^^^^^^^^
بمكان اخــــر
واقف فوق راسها وعينه عليها وجهها صار شاحب مثل الاشباح زفر بعمق انحنى لمستواها
شد المسبحه على يده وبهمس:من انتي ؟ همم وليش طلعتي بطريقي الولد يكون ولدك ياليلى والا لا؟
فهميني ولد لؤي هو ولدك يعني انا اصير عمه

ليلى اصحي وتكلمي لاتخافين من أي احد فهميني هالولد يصير ولدنا والا لا؟
لأن زوجة لؤي تخونه وهو ماعنده خبر هالولد هو من صلب هالعائلة
مغمضه عينها وتسمع يتكلم كمل بغصه زفر بعمق:لؤي يصير اخوي من ابوي لكن امه صربيه ومو معترف بزواجهم
الكل لكن مع ذلك يحتسب من العائلة المالكه انتي بتكون ام حفيدهم ما احد راح يقدر يأّيك لكن تكلمي ليلى وش قصتك ؟

فتحت عينها وعينه عليها بغصه:قالوا لي مات
جسار بسرعه:كم عمره؟
ليلى عبست:6 سنوات
جسار بشك:فيه شيء يميزه؟
ليلى رفعت كتفها:ما اعرف لكن لما ولد شفت وحمه ورى كتفه

هز راسه وخرج وماعلق بكلمة نزل الدرج بوهن فتح الباب وخرج صادف اسماعيل من الصدمه ماقدر يتحمل
جلس على الدرجة قرب منه:سموك انت بخير؟
جسار بعدم تصديق:ولد لؤي بيكون ولد ليلى اللي خذوه منها واوهموها انه مات
اسماعيل بلع ريقه :متأكد؟
حط يده على راسه:آآآآه راسي راح ينفجر يارب رحمتك بس

^^^^^^^^^^^^
بهذاك اليـــوم ماعرفت افرح لليلى او ابكي عليها لأن طلع ولدها اللي شالوه منها عايش
وهي تظنه ميت او لأنها مربوطه بلؤي بعقد نكاح وزوجته وهالشيء يجهله الكل ماعدا ليلى ولؤي
وكأن الحياة رمت جسار بطريقها حتى يكون حلقة الوصل بينها وبين الحقيقة اللي مخبيه عنها من سنين ..

او افرح لفاطمه اللي تركت القريه ورجعت لمدينتها وصار عندها سند وظهر وماعاد صارت بحاجة الناس

او احزن لندى القوية اللي مثل النسر تحلق بعالم غير عن عالمها من الخبر اللي ينتظرها وراح يكسرها
نصين ..

بمطــــار هيثرو لندن..

النداء الاخير للرحله اثنان وثلاثة وخمسون والمتجهه لدبي الرجاء التوجه لبوابة 6 وشكرا
وقفت اخذت شنطتها وركبت الطيارة وعينها على الارض قبل الاقلاع

لكن في شيء واحد كنت متأكدة منه راح ارجع واجتمع فيهم من جديد "
ندى,فاطمة,ليلى
صديقات الطفوله بالروضه ومقاعد الدراسه لمرحلة المتوسطه ومن بعدها كل وحده فينا راحت وشافت حياتها
وانقطعت اخبارها وراح اسوي المستحيل حتى القاهم مهما كلفني الامر بعد غربة 6 سنين قضيتها بلندن
حياتي المثاليه كان فيه شيء ناقصها الا وهو الثلاثي المفقودين واول محطة بحثي عنهم هو عودتي !!

نكبروتصغر احلامنا وتضيع حلم تلو الاخر
نحزن فيقتلنا الحزن..واليأس ويقتل رغبتنا بالحياة
نفارق احباينا نبكي ونتألم كثيرا ونواصل حياتنا بدون سعادة وبدون امل
لكن الحياة ستستمر..لعلنا نجد دائما سبب للسعادة والفرح ودافعا للحياة

خرجت من شنطتها كتابهم بلون الابيض وعليه استكرات وحروفهم مهتري وقدييم قرأت سطور كل وحده فيهم
اكثر وحده مرحه هي فاطمه واكثر وحده شقيه ندى واكثر وحده حنونه ليلى..
مسحت دمعتها المتعلقه برمش عينها ..

عندما أقوم ببناء فريق فأني أبحث دائما عن أناس يحبون الفوز ، وإذا لم
أعثر على أي منهم فأنني ابحث عن أناس يكرهون الهزيمة

( روس بروت )
تكلمنا كثير عن جوانب كثيرة بفصول روايتنا "عابرات فوق السنة النيران"

وضعوا خطين عريضه تحت كلمة السنة النيران !!
واكبر صراع قومي شهدته الامة خلال السنوات القريبه وكان له وزنه الثقيل بالساحة

" العراك السيــاســي"
السياسه.. عملية صنع قرارات ملزمة لكل مجتمع تتضمن قيم ماديه ومعنوية وترمز لمطالب وضغوط وتتم عند تحقيق
الاهداف ضمن افراد اوجماعات او مؤسسات ..
هذا التعريف العام للسياسه خلونا نشوفها بين اقطار وطننا العربي او اقطار الاقليم الغربي

دول الربيع العربي او الثورة العربية^^^^
(تونس,مصر,ليبيا,اليمن,سوريا,المغرب..... الخ)

حدثوني عن تلك الدول ودعوني ارقص لبعضها واقدم عزائي لبعضها الاخر
دعوني ابكي على غفلة بعضها ..
مهلا لاتحكموا علي فأنا لست مع أي حزب ولست مع اوضد!!
انتم من يقرر فأنتم تبصرون وترون ..وتسمعون.. وتتكلمون وتتناقشون

هل لي مناديل امسح بها دموعي عن الشــام ..
هل لي بأعتذار اقدمه لكي ياسوريا ولأطفالك ونسائك وشيوخك
هل بأعتذار انني اقبع خلف الشاشه وليس لدي القدره ان افعل شيئا لكي غير الدعاء مثل الملايين غيري..

((جحـــافل من المــــوت))

بمكتبه الواسع بأثاثه الخشبي القديم منذ 33 سنه ولازال صلب ذو نزعة قتاليه تعكس
صاحبه وابنه الذي اصر ان يحتفظ بموروث والده وتقلد بعده الكرسي ودخل بقوة مجال السياسه وكان
الرجل الداهيه بين الصراعات لم يسمح للتصداعات ان تمر بين رجليه ويوقفها بخطاب يوجهه لخصومه
كفيل بأن يخمد رغباتهم ويقتل احلامهم..

بقصــــر الامير سعود وتحديدا بمكتبه..

جالس على الكنبه السواء الجلديه ونظارته الطبية البيضاء وعينه مركزه بالتلفزيون
على خطاب هيلاري كلينتون بخصوص تقسيم فلسطين دولة عربية ويهوديه
ضحك بخفه اخذ جهاز التحكم وقفله
وقف وتوجهه لمكتبه وبصوته الضخين:يا أمة ضحكت من جهلها الامم

دق الباب جاه صوته:تفضل
دخل وبأحترام باس راسه ويده اشر له يجلس:شفت الخطاب
سلمان هز راسه بالنفي كمل سعود بضحكة:كالعاده فلسطين وتقسيمها يبغون يعلنون عن دولة يهوديه لكن
ماعرفوا كيف يجبونها وحطوا قرار هالتقسيم ليرضون الجميع ونسيوا اصحاب الارض
سلمان :احنا اللي سمحنا لهم
سعود وعينه مركزه بعيد:اذا فسلطين صارت بين يديهم اليوم بسبب ضعفنا وتفرقنا امس قدمناها
على طبق من ذهب اللحين جاء دور مصر لكن مو امريكا لها يد هالمره ايران
سلمان بأستغراب:ايران!!
سعود كمل:اللي ما يعرف ايران ويستهين فيها بيكون غبي الى الآن يسمون مصر الفاطمية
وهم بطريقهم ليبنون امبراطورية فارسيه كبرى من جديد يعني بعد ماخلصت على العراق وسوريا
راح تتوجه للخليج عن طريق الاحزاب المواليه لهم وبعدها مصر والمغرب العربي يستغلون كل نقطة ضعف


تصير حتى يضربون ضربتهم ويحققون الخطة الخمسية لهم اما العرب تتحد والا ماراح نعرف اللي بيصير بكره
وويل لهم من شر يقترب ويزحف ببطء انت وش انطباعك باللي قاعد يصير بالساحه السياسيه؟

سلمان بعد تفكير:قرارا تعين رئيس مصر لصالحنا وصالح الدول الثلاث وغيرها لكن بالمقابل خسرنا
مقعد من مقاعدنا الستة ومقعد اختار انه يبتعد عنا صرنا اربعه
ابتسم سعود:وكسبنا امبراطورية مصر لم تنزل الشمس ميزانا ولاصعدت في عرشها الضخم واد مثل وادينا
"احمد شوقي"
سلمان بأعجاب بوالده ولسياسته:ماراح يقدروا يغلبونا
سعود برفعة حاجب:ولا يفكروا صرنا متلاحمين ..جمع اصابعه ببعض قرب منه
مايهم يكون عندك فريق يحب الفوز دائما ويرغبه المهم يكون عندك فريق يكرهه الهزيمة والاستسلام وقتها مافي أي قوى
بهالعالم كان من تكون تقدر تحبط عزيمتك وارادتك وتغلبك ومثل ماقال صلى الله عليه وسلم
" المؤمنون في توادهم وتراحمهم وتعاطفهم مثل الجسد اذا اشتكى
شيئا تداعى له سائر الجسد بالسهر والحمى"
سلمان:عليه الف الصلاة والسلام

سعود اشر بسبابته:بس ماتنسى من صديقك اللي مد يده لك ووقف معك وصديقك اللي عطاك ظهره
ومشى يقولون الاوقات الصعبه هي اللي بتظهر العدو والصديق لاتنسى
عينه مركزه عليه معجب فيه بقوة بسياسته يطمح يكون مثله او يوصل لربعه مابيقدر
لأن ابوه نحت اسمه بالتاريخ وله وزنه الثقيل فخور فيه لأبعد درجه

عينه عليه :سلمان وين ندى ماشفتها؟
عبس وسكت بعد ثواني تشجع:لهالسبب انا جاي ابلغك راح اسافر بريطانيا
بحده:سؤالي واضح وينها؟
سلمان بقهر:ببيت اهلها خيرتني يابينها يابين نظام صار له 80 سنه يطبق تبغاني اكسر هالقاعده
ياهي ياحريمي الباقيات بغيظ:بس ماعاش من يمشي كلمته ويخيرني مره بدالها الف مره
سعود بسخرية:روز مثلا !
رفع راسه سلمان ونزل راسه بسرعه من نظراته اللي تحرقه وجديته
بلهجة امر:ندى ترجع لهالقصر هذا مكانها
رفع راسه بصدمه كمل:مره وحده مثلها تغني عن ثلاث حريم فهمتني
يارجعة ندى لهالقصر ياوجود امك عادله والقرار لك والسفر ممنوع اتركني لحالي عكرت مزاجي

وقف باس راسه برا له وخرج مذهول من كلامه يعني عطاه الضوء الاخضر انه يطلق زوجاته ويخرب نظام صار
له 80 سنه ومستعد يستغني عن عادله كل هذا عشان ندى معناته جنت حصاد اللي زرعته بالهقصر
ماكان ابوه راضي عن زيجاته ابدا غير عن ندى اللي كان يشوف علاقتهم القوية ببعض وتعلق ابوه فيها

زفر بعمق:انتي وش سويتي فينا ياندى؟

^^^^^^^^^^^^^^
بالقـــرية..
جالسين يتقهوون العصر
الجازي :مو ملاحظين شيء خالتي فاطمه صار لها يومين مانزلت الغدير مثل عادتها او تزورنا
امها بخوف:لايكون فيها شيء ؟
جات عينه بعينها قام بسرعه:بروح اتطمن عليها
قامت امه:وانا بروح معك انتظرني البس عبايتي ..

بمكان اخر ارتبط به شخصية بالقرية وتحديدا بالمدينة..

جالس على التلفزيون يفرفر بالقنوات طفش رفع صوته:فاطمه تعالي سولفي معي
فاطمه تمسح الادراج بالمطبخ المغبر رفعت صوتها:مشغوله
زفر:دائما مشغوله اساعدك بشيء
طلعت من المطبخ جات عينه بعينها ضحكت:بالله عليك ههههه انت كاس الموية عاجز تشيله
طالع بالكاس اللي قدامه تفشل ابتسمت:ثاني مره لاتقدم عروض ها وغمزت
دخلت المطبخ رفعت شعرها وبدأت تفرز الاواني وتغسلها ..

بالقرية..
دقوا الباب ما احد فتح ..
متعب بخوف نط وفتح الباب لأمه اللي دخلت بسرعه تدورها لقتها بالصاله على نفس الوضع اللي تركتها فيه فاطمة
قربت منها نزلت لمستواها وحركتها اطرافها بارده واصبعها السبابه مرفوع
بكت:لاحول ولاقوة الا بالله
سمعها متعب دخل بسرعه غطتها بالجلال حق الصلاة ودموعها تنزل بصمت:ياويلي عليها عاشت وحيدة وماتت وحيدة
متعب بتأثر:لاحول ولاقوة الا بالله انا لازم اقول لعيالها
لفت وضحكت بسخرية:مااهتموا عنها طول هالسنين يهتمون اللحين فاطمه لازم نخبرها المسكينه ماتمت فرحتها

لف وجهه بأعراض:لو فيها خير ماراحت وتركتها وطلع
استغربت حمقه نزل وبلغ اهل القريه اللي قاموا بالواجب واعلنوا الدفن بكره والعزاء ببيت الشيخ

بالمســاء
حطت صينية الدجاج بالخضار على السفره وتربعت
شم ريحة الاكل:الله كم لي من اكل البيت تسلم يدك
فاطمه بابتسامه:بالعافيه نسيت الشطه راح اجيبها وقامت فتحت الثلاجه الا تسمع خالها يرحب ويقول ارحب يالشيخ
بلعت ريقها جات وجلست مدت له كاس الببسي
لاحظت تغير لون وجهه :بالله خير ان شاء الله
دب الخوف بقلبها انتظرته يكمل قفل منه زفر:فاطمه جهزي نفسك بنرجع للقرية بكره
فاطمه بخوف ممزوج باستغراب:ليش؟
دليم بكذب:لازم احضر جهزي نفسك
طاح قلبها ماعاد تقدر تتحمل شيء تجمعت الدموع بعينها:لاتكذب علي قول
نزل راسه وبأسف:عمتك راحت عند ربها
طاحت الخبزه من يدها وغصت نزلت دموعها مهما كان ماراح تنسى فضلها وجميلها عليها احتضنتها لما اخوانها رموها
بكل سهوله
دليم لف وجهه:لاتبكين قدامي ما احب اشوف الحريم يبكون
نزلت دموعها وبكت بصوت عالي لف بسرعه انفجع:فاطمه صلي على النبي
فاطمة:اهىىىى اهىى
قام عندها:مايجوز كذا تعذبيها ادعي لها بالرحمة
من بين دموعها:الله يرحمها اهىى اهىى
انسدت نفسه عن الاكل رغم جوعه زفر:قومي جهزي اغراضك لو نمشي بعد الفجر افضل ابغى الحق على الدفن
بحسرة ودموع:ما الحق اتنهى بشيء الا تخرب فرحتي ويروحون اللي احبهم مني لييش خالي
ليش يروحون ويتركوني اهىى اهىىى
تأثر بقوة من بكائها طيب بخاطرها:الله لاحب عبد يبتليه وهذا يومها لا انتي ولا انا نقدر نرده
قومي توضي وصلي لك ركعتين وادعي لها وادعي لنفسك عمر البكاء مابعد الحزن وغسل الهم قومي

قامت مكرهه وتحس قلبها يتقطع توضت وصلت لها ركعتين رفعت يدها تدعي ودموعها على خدها
وقرأت لها جزء من القرآن اللي راحه للقلوب وانشراح للصدر..

وعلى الساعه 6 توجهوا للقرية
عينها على الطريق اول ماخرجت منها دعت ربها ماترجع له مره ثانيه لكن ارادة ربي فوق كل شيء
ويمكن يافاطمة مقدر لك شيء وانتي ماتعرفينه وبرجعتك هاذي يمكن تبدأ فصول قصتك..

^^^^^^^^^^^^^^^

بقصر الاميرة النائمة ..
او خلونا نقول بقصر القاضي والجلاد والسجان ..
كانت ليلى مرميه بالارض مثل الجثة وجسار فوق راسها ويصرخ عليها
:مين هم جاوبيني هييي اكلمك انا رفع ذقنها بسرعه
ابتسمت وتكابر المها والسكاكين اللي تغرز بمعدتها:الدنيا دوارة تلقاها بخواتك يار
ماكملت الا صفقها تفل بوجهه:اخواتي اشرف منك
دخل اسماعيل ومعه صحون فيها اكل ابتسم بسخرية:شمييه شمي ريحة الاكل همم يشهي
تبغينه؟
عينها على الاكل بضعف واسماعيل منزل راسه مايقدر يتحمل اكثر حالة الظلم اللي قدام عيونه وانه يعين جسار على هالشيء
اشر له براسه يطلع برا صرخ بوجهه:ماتسمع براااااا
حط صينية الاكل وحابس دموعه بيخرج سمعها
ليلى بهمس:لؤي
عقد حواجبه قرب منها يبغى يتأكد من اللي يسمعه
همست مره ثانيه:لؤي
جسار قرب منها:ولد الصربية
جات عينها بعين اسماعيل اللي فهمها لف عليه رفع حاجب:انت اصنج ماتسمع
نزل راسه وخرج نزل تحت واول شيء سواه دق على الرقم المخزن عنده

رد عليه مرافقه وقاله ان الامر ضروري
خذاه منه لؤي اسماعيل بسرعه:ليلى محبوسه بقصر الامير جسار وراح تموت على يده الله يخليك الحقها
سكت فتره وقفل بوجهه استغرب اسماعيل..
جنبه وحده من البنات:حبيبي فيك شيء؟
تعكر مزاجه دفها وقام من عندها خرج برا وذكريات لاتنسى

قبـــل 6 سنــوات..
بعد عنها وهي مثل الجثه الهامده دموعها تنزل وتهمس وتدعي الله
بيدخل الثاني اللي كان معه دفه بقوة لبرا وبلهجة امر:ما احد يدخل هالغرفة سمعتوني
غاده وعينها عليه:ليييش خذيت دورك عط الباقيين
تفل بوجهها غمضت عينها وبقهر:عشانها هالكلبه عشان متعتك
رفع يده نزلها بسرعه:ما الوثها على وحده وسخه ..دخل وقفل الباب وراه وعينها عليها شاده اللحاف عليها
وترجف خوف حس بندم يقطع قلبه :انا آسف مستعد اصحح غلطتي مبين عليك بنت ناس ليش جيتي هنا؟
ليلى:..............
لؤي بقهر من نفسه:انا ابن كلب وحيوان واللي خلق سبع ونزل سبع لأصلح غلطتي يابنت الناس
ليلى:........

صحا على صوت الجوال اللي يدق بجيبه رفعه ورد
اسماعيل بترجي:الله يخليك اسمعني البنت راح تموت بين يده هي قالت اسمك
عقد حواجبه مع انه آذاها وهو السبب اللي وصلها لهالحاله وحرمها من ولدها بتشجع:وينكم؟
اسماعيل بفرحه:بقصر ....

قفل منه وقف لحظه ويتذكر لما جاب الشيخ اليوم الثاني وعقد عليها برضاهم الاثنين وكان الشيخ وكيلها
بعد ماشرح له اللي صار وتكتمت السالفه ..
كان يموت لما يشوفها بالحفلات وماقدر يفتح فمه بكلمه خوف من الفضيحه وحتى اسمه مايوصل للداخليه
وينفى برا السعودية..

جالس بالكرسي وياكل ويبتسم:تبغين؟
هههههههههههههه وقف واخذ كاس المويه انحنى لمستواها :خذي بلي ريقك خذي
مدت يدها بحركه سريعه نثره فوقها على شعرها ويضحك:هههههههههههههههههه
ههههههههههههههههههه
الدنيا تلف فيها وتدور ماتشوف غير مثل السراب والضباب بهمس:ابوس رجولك ارحمني
ضحك :ههه بدري بدري على هالكلام تكلمي كل شيء
ليلى بوهن نزلت راسها للارض بعد عنها وخرج دور اسماعيل بكل مكان مالقاه

واقف برا وعينه على البوابة نزل الدرجه:تنتظر احد وحط يده على كتفه
لف بفزع وبسرعه:آآ ابدا
جسار بضحكة:اول مره بحياتي استمتع لهالدرجه تصدق
اسماعيل نزل راسه بحزن:بس هذا ظلم سموك لايرضى الله ولا رسوله
لف عليه برفعة حاجب:نعم عيد وش تكرمت
رفع راسه بتشجع:هاللي تسويه ظلم والساكت عن الحق شيطان اخرس مالها ذنب بموت ابوك قضاء وقدر
ماتقدر ترده ذنبها كانت بالمكان الغلط بالوقت الغلط
قرب منه وصرخ بوجهه:ولما حللوه وش سبب وفاته هااا جاوبني؟
اسماعيل منزل راسه:اسألها لاتحط ذنبها بقربتك ليوم الدين اذا صار لها شيء راح توقف قدامك بالآخرة وتقتص منك
يمكنها بريئة سيماهم على وجوههم هالبنت قلبي يقول مالها يد بكل اللي يصير
جسار بسخرية:ومكان ال***** اللي كانت فيه وش يتسمى همم صاير محامي دفاع عنها ماشاء الله

قاطعه دخول السيارة من البوابة لف بأستغراب:من اللي جاينا؟
وقف لؤي سيارته ونزل همس باستغراب:لؤي!!
قفل باب سيارته وقرب منه
جسار بسخرية:خير ان شاء الله ياولد الصربيه؟
حس بقهر منه:قابل اكون ولد الصربيه اللي فضلها ابوك على امك
قربوا من بعض ومايفصلهم عن بعض شيء جسار بقهر:وش اللي جابك؟
دفه لؤي:اللي جابني عندك لي امانه وباخذها
ضحك بخفه:ليلى ههه ماعمري شفت اوقح منكم بحياتي بضفتك وش تاخذها العشيق والا الحبيب
لؤي مركز عينه عليه:ولا وحده من اللي قلتها بصفتي زوجها
جسار تغيرت ملامحه !!!
عبس ضحك:تضحك على من انت؟
رجع السياره خرج العقد قرب منه ورماه بوجهه:ماني مجبور ابرر لك بعد عن طريقي احسن لك ودفه
دخل لحقه جسار مسكه من قميصه ولفه له وضربه على وجهه وشوي اشتبكوا الاثنين مع بعض

اسماعيل استغل الفرصه طلع فوق بسرعه دخل عليها وهي تون :لاتخافين راح اطلعك من هالمكان شالها ونزل من الباب الخلفي
وما احد انتبه له اليوم اجازه الخدم ماعدا المدبره اشر للحرس اللي اتفق معهم ودفع لهم مبلغ بسيط
وساعدوه حطها بالسيارة تورط زفر:ما اقدر اروح معها راح يشكون لف على السواق
طلع لؤي رفع صوته:اسماعيل
لف بخوف قرب منه وعينه على فمه اللي ينزف تكلم:روح شوف الكلب حقك واتركها ..
فتح باب السيارة اللي ورى وشالها اشر له يساعده فتح له الباب اللي ورى حطها وقفل الباب

بخروج جسار اللي عينه تقدح شرر رفع صوته:باقي ماخلصت بينا
ضحك بخفه:اللي يطلع بيدك لاتقصر ياهتلر العائلة المالكه هاذي تربية طبقتك المخمليه تستقوي على مره ضعيفه هه على الاقل شوف
تربية الصربيه وش نتيجتها ..ركب سيارته وخرج
قرب اسماعيل من جسار:انت بخير؟
نفظ يده:برا اطلع انت مطرود
اسماعيل بسرعه:لا الله يخليك هذا قوتي وقوت عيالي
جسار ضحك بخفه:خله ولد الصربيه ينفعك
نزل راسه وهزه:ربك ياسموك ماينسى عباده ومايتقفل باب الا يفتح مئة باب
وخرج من القصر مطأطأ الرأس وحزن وتساؤل عن مصير بناته وكيف يعيلهم ..

^^^^^^^^^^^^^^^


بالقــــرية..
الساعه 9 ونصف صباحا
وصلوا وقف سيارته عند مدخل القريه ويشوفها منزله راسها بحضنها وتبكي زفر:فاطمه
ادعي لها بالرحمة راحت عند اللي ارحم مني ومنك
فاطمة ببكاء:ما ابغى اطلع البيت اهىى اهىى
طلع يشم هواء شاف سيارته عند مدخل القرية وقف شافه دليم قرب السيارة عند البيت ونزل سلم عليه وعزاه
عينه عليها منحنيه وتبكي لف دليم فتح الباب:يلا انزلي
فاطمة بعناد:ماراح انزل
زفر:يارب رحمتك تبغين تجلسين هنا
رفعت راسها شافته واقف مسحت دموعها ونزلت
شافت باب الحريم مفتوح مشت جنبه وعينه عليها لف بسرعه ويرحب بدليم
فتحت الباب ودخلت شافت الحريم مجتمعين
نطت الجازي عرفتها من شكلها بالعباية:فاطمه ..حضنتها
بعدت عنها:عظم الله اجرك
فاطمة بصوت مبحوح راح من البكاء:جزاك الله خير
قامت امه وسلمت عليها والحريم وعزوها

12 الظهــــر
وقفوا جماعة يصلون عليها
متثلم بشماغه نزل المقبرة ودليم يساعده بالدفن ..دفنوها وانتهوا
وقف ويدعي بصوت الجهوري: اللهم اغفر لـعبدتك و ثبتها بالقول الثابت عند السؤال اللهم
اغفر لها و ارحمها و عافها و اعفها عنها و اكرم نزلها ووسع مدخلها
, و اغسله بالماء و الثلج و البرد , و نقه من الخطايا كما نقيت الثوب الأبيض
من الدنس , و ابدلها دارا خيرا من داره و اهلا خيرا من اهلها و زوجا خيرا من زوجها
, وأدخلها الجنه و أعذها من عذاب القبر و عذاب النار


آمنوا وراه:آمييييين
عند الحريم جالسين بالحوش المظلل وممدته على طوله زل اللي تصب واللي تلف بكرتون المويه
واللي يبكون عليها بصوت عالي
سمعوا اصوات الرجال يكبرون ويدعون لها هنا ام عبدالله صاحت وتبكي بصوت عالي
شافتها والا ماشافتها بكت بقوة والجازي جنبها تهديها
العنود ام متعب بلؤم:استغفري ربك يا ام عبدالله الله توعد بالنائحه ادعوا لها
فاطمة ببكاء:اهىى اهىى آآه راحت من بقى لي اهىى
الجازي بحزن باست خدها وتهديها

جاء الغداء وقلطوهم..
العنود:يمه كلي لك لقمه
فاطمة بدموع:راحت بدون ما اودعها يمكن زعلت مني لاني رحت وتركتها لحالها
اكيد انقهرت قد ذقت هالشيء
الجازي بعقلانيه:فطومه ما احد يعرف يومه وماتقدرين تردين قضائها وقدرها

عند الرجال..
متعب بتساؤل:بتباتون ببيتها"العجوز"؟
دليم بحيره:والله مدري قالت ماتبي ترجع للبيت غصب هديتها ونزلتها من السيارة
ابتسم متعب وربت على يده:البيت بيتكم
دليم بفشله:تسلم يا ابو غازي ماتقصر لكن صعبه
متعب ينهي السالفه:لاصعبه ولاشيء كم لنا ماقعدنا مع بعض اييه ماتمنيت تكون بهالطريقه لكن الله يرحمها
دليم:آميين

9 مســـاء
تعشوا الحريم ومابقى احد غير اهل متعب القريبين
مشت من جنبها وبصوت عالي بسخرية:مسويه نفسها تبكي وحزينه عليها وهي اللي راحت وتركتها اول ماجاتها الفرصه
الجازي بسرعه:مناير امسكي لسانك احسن لتس
سكتت وتسمعها تكمل:ليش مو هي اللي طلعت روحها ماماتت الا من غبنها وقهرها
ماقدرت تتحمل قامت عليها ومسكت شعرها ومناير تصيح الجازي تفك بينهم ماقدرت
صاحت:يماااه
طلعت العنود وتشوف فاطمه اللي ماعاد تشوف من قهرها ونتفت شعر مناير وتضرب فيها ماهي بوعيها
بلحظه جاء بخيالها اخوانها طليقها اللي اذوها
العنود ماقدرت تفك بينهم صاحت:بتذبح البنت
الجازي دفت مناير والعنود مسكت فاطمه من كتفها
مناير تبكي ووجهها ممخش وحالتها حاله بصوت عالي:من تظنين نفسك يالمطلقه روحي نظفي سمعتك
يالمعيوبه بين المجالس
بتهجم عليها مسكتها العنود وبنهر لمناير:روحي بيتكم يلا اشوف
مناير بقهر:وين بتروحين مني بنتواجه يالتسلبه اخذت عبايتها وتغطت وخرجت..

شافها متعب خارجه تبكي ومعها اختها استوقف اختها الصغيرة بفزع:وش صاير داخل؟
اختها الصغيرة:هاذيك البنت اللي اسمها فاطمة ضربتها ومخشت وجهها ونتفت شعرها
طلعت عينه وعين دليم اللي وقف يدخن
متعب باستفسار:ليه وش صار؟
خرطت لها السبحه كلها
دليم بقهر: تستاهل ماجاها تعيب فيها بنت الل
عطاه متعب نظره سكت كمل ولف على دليم:امسحها بوجهي
دليم بقهر من تصرفاتها:الا انت امسحها بوجهي
بصوتها الناعم
:كلن يمسح وجهه الثاني وخلص الليل ومشت من جنبهم
طلعت عيونهم دليم بسرعه:وين رايحه؟
فاطمه وقفت وبقهر:بطلع بيت عمتي ابي انام
متعب عينه عليها تقهره من تصرفاتها وتقهره من داخل
دليم برفعة حاجب:وطالعه تظنين ماعندك حسيب ولاورقيب ادخلي داخل
فاطمه نست نفسها رفعت صوتها:ماطلبت رايك
صفقها كف متعب فز:دليم صل على النبي
دليم بقهر ماعاد يشوف اشر على الباب :ادخلي ما الومهم فيك
حست بتوجع مو من الكف من كلمته رمت الكلمه بوجهه:الله يغنيني عنك وعنهم ماني بحاجتكم ودخلت

طاح وجهه من متعب اللي ضحك بداخله وبخاطره"ماشفت وش سوت فيني هالشهرين طلعت روحي
وكرهت رجعتي للقريه"
ربت على كتفه:حريم لسانهم اطول منهم
دليم بقهر:اقصها لها تتعلم كيف تحترم الرجال ..هداه متعب ودخلوا المجلس
ومبتسم بداخله ويشوف دليم يغلي من القهر كلمة وسوت فيك كذا اجل لو شفت افعالها وش بتسوي؟

بغرفة الجازي..
فاطمة تبكي وبقهر:اصلا ما احد طلبه يطق صدره ويسوي لي فيها الرجال الشهم
طلعت عين الجازي حطت يدها على فمها :اششش لا احد يسمعك
تدرين لو اقول كلامك ذا ان متعب يحط راسي بالتراب مثل النعامه
فاطمه بقهر منهم:لانك جبانه ماتوقفين بوجيهم
الجازي تربعت :لا ياحلوه مو خوف لكن تربينا كذا الرجال مهما كان لهم احترامهم
انمغثت من هالسيرة:فكينا يرحم والديك كلنا سوا
الجاي بتنهيدة:ما اقول الله يعين اللي بياخذك يا بتذبحينه يابيذبحك
شكل الخطبه ببتاجل ماشفتي كيف وجه مناير قسم بردتي خاطري فيها
ضحكت بخفه وتتذكر ليش ضربتها من قلب ماكان قهرها من اخوانها والا اللي اذوها لا تخيلتها
مع متعب

وطلعتي يافاطمة مياله لمتعب وانتي تجهلين هالشيء وخايفه تعترفين..

الساعه 3 فجر
طل شاف دليم نائم حس بعطش الجيك فاظي زفر:ياليل لازم نروح للمطبخ
بالمطبخ جالسين ياكلون نواشف"خفايف"
الجازي تشرب الشاي :ورحت عند خالتي بالمدينة كملت الثانوي اما الجامعه كملتها انتساب
واللحين مقدمه على حافز ياطويلة العمر
فاطمه حطت يدها بالاكل ونست وجعها يمكن هاذي طريقتها تهرب من وجعها:يعني صرتي حافزيه؟
الجازي:هههههههه عجبتني هاذي حافزيه وانتي؟
غصت اللقمه بحلقها احساس يوجع يخنق : سجلت بالجامعه عن بعد لكن ماقدرت اكمل ماتوفرت لي الفلوس وتعرفين اللي صار جيت هنا
وقت اختبارات وراحت علي ياطويلة العمر
الجازي بحزن قلبتها هباله:تعوضينها يابنت الحلال السنه الجايه لاحقه على الغثا
فاطمة زفرت:هالغثا هي اللي كنت سانده نفسي عليها بعد الله الوحده بدون شهادة خرطي

واقف عند شباك المطبخ سمع اصوت لكن ميز صوتها وهي منفعله بالسالفه

تركت الخبزه من يدها:ابسألك متى زواج متعب؟
رفع حاجب تجيب سيرته استغرب
الجازي تبلع وتتكلم والاكل في فمها:امم ترا عندنا خطبة وملكة وزواج بنفس الشهر يعني الملكة والزواج بنفس اليوم
شرغت بالشاهي وتكح:كحححح كحححح
الجازي ضربتها بقوة على ظهرها:صحه جعله بمناير
فاطمه شرغت اكثر:هههههه كحححح كحححح
ابتسم بين نفسه ويشوف كيف الجازي رجعت حيوية من جديد مهما تنرفزه فاطمه الا انه ماينكر
عطت القرية جوو غيير ورجعت فيهم الروح والنشاط حتى لو كان سلبي المهم رجعته

الجازي حطت يدها على بطنها:الحمدلله شبعت نفسي وعيالي مستقبلا
فاطمة:ههههههههههه خبلله
الجازي بنص عين:ايوه ياطويلة العمر اسلمي وش علمتس؟
فاطمة بفهاوة:وش علمي صاحيه انتي؟
الجازي تلعب بشعرها:لاتلفين ولاتدورين وش عندتس تسالين عن الشيخ
فاطمة لوت بوزها:امحق من شيخ مهايطي بس
طلعت عيونه من كلمتها
الجازي قرحت ضحك:ههههههههههه وانا بنت ابوي
فاطمة تقلد لهجتها وتشدد على الكلمة:هييي
الجازي بنص عين:تعقبين وتخسين ماهو زاين لتس كلامنا بس تلايطي

حس على نفسه بعد ماسمع وكيف معهم بالسواليف رجع المجلس انسدح بفراشه اخذ جواله ويقلب فيه
ودقائق غط بالنوم وهو عطشان ..

الجازي:الا تعالي بقولتس على طاري وانا بنت ابوي ياطويلة العمر شفتي ام عبدالله ولدها الوسط درس
بجدة وتعرف على خويه حضري من اهل مكة
فاطمه متحمسه:ايوه
الجازي:المهم كلم امه وقال بيخطب اخت خويه وافقت وافرحت وسوت لنا صجه كأن ما احد اعرس غير ولدها المهم
الولد فيه عرق بداوة والبنت حضريه يقولون ان بشهر العسل البست له شورت لنص الفخذ وبدي متزبطه المره
عروس تخبرين انتي
ضحكت فاطمه من سردها للسالفه :ههه كملي
الجازي:ويقولون اطلعت قدامه بعد ماخلص صلاته قام يقولها وانا ولد ابوي المره تبي تختبرني انا رجال والا لا؟
فاطمة فقعت ضحك:ههههههههههههههههههههههههه
ههههههههههههههههه آآه يابطني لا مو كذا طيب يعني قد تعرفين دخل عليها
الجازي تشل الصحون من الارض:اييه بس الغبي غبي الولد ماتعود كل خلفة امه عيال يعني حتى اخته
ماكان بتلبس كذا بس مدري وش يحس فيه المهم وجاتك شهر العسل هنا عندنا بالقرية
فاطمة:ههههههههههههههههههههه لا لا خربها واجد وش سوت؟
الجازي:المسكينه دميعاتها مانشفت وتهاوشت معه رجعها بيت اهلها وطلبت الطلاق وخذا بنت عمه
اسمها صقره
فاطمة بأستغراب:صقره!!
الجازي:اييه علامتس مستغربه يالخكريه ياللي اسمتس اللحين انجلينا والا نيكول
فاطمة عصبت:على تراب بس يلا خلينا نلف اذن وانتي باقي تبلعين بهالاكل خفي هالكرشه شوي
الجازي بهبل:وين كرشتي تهبل غرتي يوم انتس مثل الخيزرانه
كشتها وراحوا ينامون ..

ومرت ثلاث ايام بالتمام والكمال انتهى العزاء وفاطمة تكابر على وجعها وحزنها وتخبيه
ولا اختلت بنفسها بكت بعيد عن اعين الناس حاولت تطلع للبيت اكثر من مره بس ماقدرت
ورفضت تشوف دليم رغم اصراره يمكن لانها من النوع اللي ياخذ موقف من اول مره

وبالليلة الرابعه قررت تتشجع وتطلع للبيت..
تلثمت وفتحت الباب بشويش طلت مافي احد الساعه 12 والكل نائم رفعت راسها للقمر المكتمل ومنور المكان
مشت ومشت سمعت صوت بسرعه راحت ورى الصخرة وتشوف الاثنين اللي واقفين مع بعض بالاحرى
المره والرجال..

مناير بدموع:عطني سبب واحد حتى ماتحبني؟
لف وجهه باعراض:مناير روحي لبيتكم احسن لتس دام الخاطر طايب عنتس
رفعت صوتها:ليه تعاملني بهالطريقه وانا بصير زوجتك رضيت والا مارضيت

زفرت بعمق وتسمع لهم..
ضحك بسخرية:ههه وحبيبتي بعد وش رايك؟
مناير بتصديق:والله تحبني!!

تحس شيء يمشي على رجولها صاحت بأعلى صوتها ونطت للجهه الثانيه وتصيح
:آآآآآآآآآآآآآآآآآآآآآآآآآآ
لف بسرعه وبفزع عرفها:فاطمة
تخصرت مناير :وش جابتس هنا؟
عبست وبدلع:فيه عقرب هنا
متعب بسرعه: جاك شيء؟
فاطمه بدلع ماتقصده لكن جاب راس متعب:لا يعني لو جاني شيء بقعد اخذ واعطي معك بالكلام
متعب بنرفزه:قومتس الدلع ماتعرفين تفرقين بين حشرة وعقرب ها شوفي شلها ورفعها قدام عيونها

صاحت وانتفظت:ييععععع الله يقرفك كبدك قرفتني
زفر بعمق رفع راسه للسماء وبهمس:ليه يارب بليتني وتعلقت فيها
مناير ماسمعته:وش قلت؟
متعب بنهر:روحي لبيتكم واخر مره تخرجين سمعتي اذلفي من وجهي وانتي وش مطلعتس تالي هالليل؟
رفعت حاجب تخصرت:انا وش مطلعني انت وش مطلعك لا ومعك ذي قاطعنا جلستكم الرومنسيه
مناير:وانتي وش عليتس بصير زوجته قريب وحبيبته
فاطمه بغيظ:حريقه وش دخلني انا
زفر بقوة:خلاااااص انتي اذلفي بيتكم
ضحكت فاطمة بسخرية وتأشر بيدها:يلا ماسمعتي ..بسخرية:الشيخ القدوه
مشت بقهر ودقت كتفها بكتفها ضحكت بخفه:الحمدلله والشكر
متعب بغيظ:وانتي لسانك اطول منتس
شياطينها طلعت يسبونها يقولون أي شيء الا يعايرونها بطولها وصغرها:وانت وش عليك ؟
متعب بضحكة:خالتس يدري انك طالعتن من البيت يالمطنوخه؟
بلعت ريقها كمل:ما اظن يلا اشوف انقلعي للبيت ولاعاد تطلعين تالي الليل
بهمس :لاتصرخ علي
فهى:هاااه
عادت الكلمه مره ثانيه بدلع:لاتصرخ علي ومشت

رفع صوته ونشد الشيله

يوم اقبلت والجمال يغازل ارجاها...وابصار الانضار سحر الحزن يسرقها
جت تمشي برفق تتبختر بممشاها...وقلوب حسادها بالثقل تحرقها
تبهر عقول الخلايق حلياها...من اخمس اقدامها لحد مفرقها
"سعد النومسي"

بلعت ريقها وتسمع صوته الرجولي وهو يهل ما انتبهت لعباتها اللي دخلت تحت رجولها طاحت
صاحت:آآآآآآآي
قرب منها بسرعه:اسم الله عليتس ياعين ابوي جاك شيء؟
فهت من كلامه نست وجعها وعينه عليه انحنى لمستواها:لاتخافين ماراح آذيتس لكن الشوك تعلق بعباتس
لايصيبك شيء
اول مره تشوف جانبه الحنون بلعت ريقها بسرعه قامت نفظت عباتها من الغبار وبسرعه
وبفهاوة:انت وش قلت؟
لف وعطاها ظهره بعد ماتذكر خويه وانه يغدره بهالطريقه بلهجة امر:روحي للبيت تحركي اشوف
رفعت حاجب وبسخرية من كلمته:طيب ياعين ابوي ومشت معصبه وتتحلطم ويسمعها
توسعت ابتسامته:يازينتها منتس راقبها لين دخلت بيتهم يتطمن عليها


نزل راسه بغيظ من العادات والامور الثانيه اللي تمنعه ان يتقدم خطوته بعد ما اعطاه متعب الاشارة...

^^^^^^^^^^^^^^^^^
بمكان اخر وبنفس التوقيت..

تركب لها الممرضه السيروم وهي فاقده الوعي لاحول ولاقوة وجهها شاحب وتحت عيونها سواد
وشفايفها بيضاء

قرب منها وبأبتسامة:وين راح تروحين مني ليلى
ههه لو تندسن بسابع ارض اطلعك واطلع روحك ..حط يده على رقبتها وخنقها بقوة
مسكت يده وتقاومه وطلع بؤبؤ عينها ومستمر يخنقها

صاحت بأعلى صوتها:لااااااااااااااااااااااااااا
فزت بسرعه وعدلت جلستها وتناظر المكان يمين ويسار
الممرضه:اهدي يابتي ماتخافيش انتي بأمان
تتنفس بقوة ومعرقه كان جسار مثل الشبح والرعب لها ما اكتفى بتعذيبها جسديا بل نفسيا
وروحيا وعقليا وكل شيء

جالس على كبوت السيارة وعينه على المستشفى ابتسم بخفه:معناته هي هنا
واحد من مرافقينه:هنا وش نسوي سموك؟
جسار بضحكة:مو اللحين بعدين ..ركب السيارة وبباله خطه راح تجيبها بنفسها لعند رجوله وراح تطلب منه العفو

بممر المستشفى ..
مرجع راسه لورى وذكريات جمعته معها لاتفارقه..
بعد ماعقد عليها لف عليها:هالشيء يكون بينا وما احد يدري عنه سمعتي
ليلى بتهكم:خايف أي صح نسيت انك بالنهاية ولد جاه مو حي الله لكن طبيعي احنا الضعوف
المغلوب على امرنا نسكت لأن لو تكلمنا راح نروح فيها واللي معنا بعد
لف وجهه باعراض:جاك اللي عندي وراح ارسل ورقة طلاقك قريب اعتقد سددت الدين اللي علي وخرج

ومرت الايام والتهى لؤي بملذاته وايامه وبقيت ليلى تنتظر هاذيك الورقة اللي كانت
بنظر لؤي تكفير عن ذنبه اما هي فكانت ورقة نعييها..

بالقرية
جالسه بالحوش وحاطه يدها على خدها
عينها عليها:علامتس من يشوفك يقول عاشقه
لفت عليها مبتسمه:اسمعي ذي القصيدة يوم اقبلت والجمال يغازل ارجاها ووو شسمه نسيت ههههه
الجازي برفعة حاجب:اعقبي طلعتي تعرفين تقصدين الشيلات يالخكريه منين سمعتيها

فاطمة بضحكة:عنتر قالها لعبله سمعتهم وانا عابرتن الغدير
صفرت الجازي:وبعد تحتسين مثلنا تدرين اني اكلمتس قد ما اقدر بالكاف عشان تفهميني

فاطمة بضحكة:فدا كلميني
الجازي بأنفعال:اقطعي واخسي منهو من اهل القرية وين شفتيه حلو يشتغل ومتى حبيتيه و ..
بسرعه حطت يدها على فمها بتتكلم الجازي اشرت لها:اشششششش ببعد يدي ولا اسمع سؤال سمعتي
موافقه
الجازي برضوخ هزت راسها بعدت يدها صاحت:لعنبوتس تحبين من وراي ولاتقولين لي
فاطمة صفقت وجهها لما شافت اختها الكبيرة مرت ومعها ولدها الرضيع وما انتبهت لهم
فاطمة:سمعتك اللحين؟
الجازي برفعة حاحب:ماعليتس اصلا مخططه تخطبك لحماها اخو زوجها محامي ويطيح الطير من السماء
ولا ابشرك عايش بالشرقيه


بلمت:هااا
الجازي ضربتها على كتفها:اسمعي شوري وافقي عليه وانسي عنتر حقك ذا الولد عنده شقه ملك من عمارة ابوه
ومحامي ويقولون انه وسيم يطيح الطير من السماء ويل حالتس تصبحين على وجهن يفتح النفس وين سعدك
فاطمة زفرت بضيق:ما ابيه لو انه توم كروز ما ابي الزواج اصلا
الجازي بنهر:اقطعي واخسي النصيب الزين مايجي الا مره وحده بالعمر
فاطمة بضيق من موضوع الزواج :ايه واكبر دليل زواجي المتعوس الاول
الجازي بنهر:اعتبريها دفعة بلاء وانزاحت عنتس لو انه ذا اللي قلتي عنه عايش ورجال كان تزوج
عادتس بنت وبكر بعد الكل يبيك
شهقت فاطمه بتفضحها حطت يدها على فمها:اشششش الله يفضحك بس

فتح الباب يبغى يتنحنح يطلبهم القهوة سمع كلامهم تصنم مكانهم تزوجت وباقي بنت!!
تنحنح:احممم ياولد ياولد
نقزت الجازي من عتبة الباب :سم
عطاها المصافي والدلال:عجلوا بالقهوة والشاي
الجازي:ابشر وقفلت الباب ..
رجع للمجلس جلس بصدره وجنبه دليم وفيه رجال القرية لاحظ ضيقه :فيك شيء؟
رفع راسه:ابدن

الجازي :تعالي شيلي معي المصافي وساعديني
نقزت وخذتها وبتساؤل:من هذا صوته غريب
الجازي :متعب يلا الحقيني المطبخ خلينا نخلص وابي احني شعرتس
صاحت فاطمه:والله مايمس شعري الحناء ووع ما احبه
الجازي:اقطعي واخسي بس الحناء زين للشعره يغذيها وشعرتس عدمتيها من هالصبغات
فاطمه بغيظ:مع نفسك ما راح احطه
الجازي بوعيد:قسم لا الحقتس بطاسة الحناء لو تشردين للمدينة
ضحكت فاطمه على هبالها:ههههههههههه جهزي القهوة والشاي بس
الجازي بهبال:ليتك زوجة متعب كان تكفيني من القهوة والشاي
خجلت وتشغل نفسها بشعرها
لفت الجازي والدله بيدها:شفتي قايلة لتس اطراف شعرتس مقصفه ازهليها علي انا يسموني جويل القرية ترا
ومشت تعطيه المصافي خذاها اخوها الصغير
رجعت لها ضربت كفها ببعض:بدأ الشغل العدل
صاحت فاطمه:والله لو تقربين مني لا اتوطاك ..قربت الجازي صاحت فاطمة
ودخلت بالصاله عند العنود اللي تضحك على خبالهم

^^^^^^^^^^^^^
بقصـــر جســـار
دخل القصر اللي من بعد وفاة ابوه يهرب منه بأي طريقه بلع ريقه تردد وقف بنص الصاله
بنزولها يجرون صاحوا:جساااار جيت
فتح حضنه حضنوه وتمسكوا فيه بهباله
اخته قمر:جسار لاتروح وتخلينا مثل ابوي
غصته العبره مسك نفسه ويلعن ليلى الف مره ومره
بعد عنهم دفهم بهبال:ليه مادامتوا؟
طالعوا ببعض بسرعه وضحكوا سوا:هههههههههههههه
جسار برفعة حاجب:وش اللي يضحك؟
قمر:لأن يا اخوي الحلو احنا باجازة نسيت احنا بشهر 8
زفر بعمق وبكذب وصار ينسى الايام :مانسيت وين امي؟
سكتوا كملت:حابسه نفسها فوق جسار امي ماتأكل ودائما تبكي
ابتسم :لاتشغلون بالكم روحوا يلا كملوا هبالكم انا بطلعها
جروا من جنبه وطلع لجناح امه يحس يتقطع الف قطعة كل ماقرب من المكان اللي كان ابوه فيه

دق الباب بهمس:قمر انقلعوا من وجهي انتي واختك احسن لكم
دق مره ثانيه فتحت وبعصبيه وصراخ:ماتسمعون انتم
تصنم من شكلها كانت مريم مهتمه بنفسها اول سيدة المجتمع المخملي وبعدها عادله كان الكل يحسدها
على اناقتها رغم انها باواخر الاربعين الا كانت مثل بنت 25 بأهتمامها

انفطر قلبه من شكلها شعرها غير مرتب ومحيوس على وجهها اللي تورم من البكاء ولابسه اسود بأسود
دخلت بحداد لانهاية له بالنسبة لها

بكت بتوجع مسحت دموعها المنسكبه على خدها وببحه تعب:جسا رجيت
قربت منه وحضنته وبكت على كتفه بصوت عالي :اهىى اهىىى
كل شيء الا دموع امه يضعف قدامه بيبعد عنها يمسح دموعها تمسكت بثوبه:خلني اخرج اللي بصدري يمه
تعبت وانا اكتمه قدام خواتك اهىىى وتشهق بين بكائها
تقطع قلبه غارت الدموع بعيونه وبرجاء:لاتبكين وربك من بكاك دمع لأبكيه دم"يقصد ليلى"
بعدت عنه طلع من جيبه منديل مده لها مسحت وجهها

ضحكت بخفه:مابغيتك تشوفني بهالحاله وسامحني ماكنت اعرف انك اللي كنت تدق الباب صدعوا راسي
خواتك من صياحهم وهبالهم متى جيت؟
مسك كتفها ودخل معها غرفتها مسك يدها رفعها وباسها لف عليها حط يده على وجهها ومسح دموعها
:ابدا الدموع ماتلوق عليك يا ام جسار
ضحكت بخفه:وش بقيت غزل لمرتك اللي مدري متى بنشوفها؟
ابتسم بذبول:بتاخذ منك ولدك تبين هالشيء؟
مريم تنهدت:خلني اشوفها بالاول وين كنت فيه الايام اللي راحت؟
نزل راسه وبداخله"كنت اطلع روح اللي سببت لنا هالوجع لكن راحت من يدي وبرجعها":شغل
مريم بنص عين:اتصلت علي زوجة اسماعيل تسأل عنه قالت من امس مارجع البيت
رفع حاجب بأستغراب:وين راح امس سكت كمل طردته
مريم بعتب:ليش ياولدي المسكين قوته وقوته عياله على هالراتب اللي تعطيه اياه

بدخول الخدامه:مدام فيه مره يبغى بابا جسار
استغربوا وقف ونزل ومعه مريم اللي وقفت عند راس الدرجه

نزل وعينه على البنات الثلاث لابسين طقم احمر واعمارهم متقاربه والمره منزله راسها وبدموع
:سامحني ازعجتك سموك؟
جسار:استغفر الله كيف اقدر اخدمك؟
رفعت راسها:انا زوجة اسماعيل
سكت كملت :وينه من امس مايرد علي خايفه عليه
بكت بنتها الصغيرة شلتها وتسكتها ماعرف وش يقول لاحظت سكوته
بخوف:اسماعيل صاير له شيء الله يخليك طمني؟
تربط لسانه:والله مدري وش اقولك اسماعيل ترك الشغل امس
بهدوء:قصدك طردته وبسخرية..
قولي لي كيف قلبك طاوعت تنام بالليل وقطعت رزق ناس غلبانه مساكين وقطعت عيشة رجال ماعنده بيت ملك
وبين الايجار ويالله يوفر لقمة عياله وملابس حتى تسترهم انت متأكده ماراح تحس بكلامي لأنك ربيت بين الدلال
وبين هالقصر وغيرك يالله يسدد ايجار بيته لانك تلبس الماركات حتى جزمتك تطلع ايجار بيتنا الصغير بالشهر
شلون هان عليك تتخلى عنه بكل هالبساطه وهي اللي كان معك بحزنك وبفرحك وكان يغيب عن بيته وعياله شهور عشان يرافقك
ويحمي رجال طول عرض مثلك لأنه مو قادر يحمي نفسه
طلعت عينه من كلامها اشر بيده:تغلطين من اليوم وانا حاشمك لهاللحظه عشان خاطر اللي كان بيني وبين زوجتك
ولأنك مره مابحط عقلي بعقلك
بحرقه:روح الله يسخر لك اللي اظلم منك الله يجازيك ولايكتب لك الفرح يوم

امه انفجعت من دعاويها نزلت بسرعه :استغفري ربك يامره
نزلت راسها بسرعه:سامحيني لكن زوجي وابو عيالي مدري وين ارضه اهىى
حست فيها مسكتها من كتفها:تعالي معي ومشت معها للصاله
عطت جسار نظرة اللي كره كل شيء وطلع برا القصر وقف عند البوابة بيطلع لمح لؤي واقف بعيد

استغرب خرج الشارع قرب منه وبحمق:انت وش جاي تسوي هنا؟
لؤي بهدوء:هدي انا موجاي ادور المشاكل
رفع حاجب بغيظ:لييش جاي؟
لؤي زفر فتح الباب الخلفي ونزل الولد مسكه بيده وجسار عينه على الولد نسخة جده في العيون

ابيض وشعره بني مموج وطوله قصير لابس بنطلون ابيض وتشيرت اورنجي
تمعن فيه نفس شعر ليلى واستدارة وجهها بتساؤل:من هذا؟
لؤي ابتسم بخفه:ولد اخوك ولدي سكت وكمل وولد ليلى
طلعت عينه راح للولد بسرعه انحنى لمستواه وشاف الوحمه رفع راسه بعدم تصديق وقف

وبغيظ:ليش لييييش كذبتوا عليها وقلتوا انه مات يعني هو وياشر علي ولدها!!
لؤي بجمود:كنت مجبور ابوك كان يدري
طالعه بعدم تصديق كمل:وهو اللي اجبرني اتزوج النيوزلنديه اللي الكل حاربني عشانها
جسار بعدم تصديق ررفع صوته وبحده:كذااااااااب ابوي مايسوي كذا مافي احن منه كذااب
ضحك بخفه لؤي:دائما كان يوريكم ان مافي احسن والمثالي ابوك ياجسار خربها لين شبع وتلوث
بالطين وكان يعرف عن ليلى وراح لها مخصوص هذاك اليوم واختارها من بين البنات تدري ليش؟
حط يده على اذنه مايبغى يسمع شيء:اسكتت
كمل لؤي بصوت عالي:لأن كان بيخيرها بين ولدها وبين تنام معه ليلة ابوك الشريف العفيف دمر هالبنت مو بس
انا ومات بنفس الليلة اللي راحت له القصر وتدري انه كان السبب بجلستها بذاك البيت
طلعت عيونه ابتسم:تبغاني اكمل لك قصة ابوك البطل والا اقولك روح ليلى هي تعرف اكثر من ومنك
صحيح ماتعرف شكله لكن تعرف اسم اللي نهاها من الوجود وكان سبب بدخولها هالمستنقع الوسخ

قرب ولده له:انا لازم اصلح غلطتي مع ليلى لكن مالازم تعرف حاليا ان ولدها عايش
راح تدمر الدنيا فوق راسي وراسك
جسار بسخرية:وش دخلني انا؟
لؤي بضحكة:مو انت ولد ابوك ليلى ماهي هينه مثل ماتظن بعد عنها والا بيلحق ضرر اقولك هالكلام
لأن بينا دم يربطنا رغم كراهيتك له ركب سيارته ومشى ترك ولده
جسار بعدم استيعاب:هيي انت اختفى من نظره

لف وعينه على الولد بكره:انت ولد هال استغفر الله قرب منه وبرفعة حاجب
:تعرف تتكلم زينا
الولد منزل راسه وساكت بقهر:طالع رخمه مثل ابوك وامك الحقني ومشى قرب من البوابة لف شافه واقف
لف بسرعه عقد حواجبه:ماتسمعني قرب ..قرب منه
ماعنده خبر ابدا بالعيال حياته كلها جلافه بجلافه:وش اسمك هاا انطق وش فيك ساكت
لاتستهبل معي
منزل راسه ودموعه تنزل على خده بأعراض:انت فعلا ولد امك ترا دموع التماسيح ذي حقتكم ماتمشي علي سامع
بوز ويبكي بخوف سواها بنفسه زفر وصاح:باقي بالمهد تسويها بنفسك تربية ابوك ولد الصربيه
لف وجهه تورط ويحس بقهررر بداخله كل ماقال مسك خيط طلع له الف خيط

^^^^^^^^^^^^^^^^

بالقريـــة..
جاء وقت رجوع فاطمة للمدينة ..
الجازي بعبوس:لاتروحين تكفيين
بوزت فاطمه:تدرين اول مره ما ابغى اروح واقابل ذاك الوجه"تقصد دليم"
ضحكت الجازي:هههههه يماه تحملين بقلبك اصلا شكله زعلان منك كل مابغاك مارحتي له
فاطمة برفعة حاجب:ياسلام من الغلطان صفقني كف وتبيني اروح له بعد
الجازي:حتى انتي غلطتي عليه ..
بتتكلم بدخول العنود ام متعب:يلا فطومه خالك برا ينتظرك
لبست عبايتها وتلثمت وادعتهم وطلعت ركبت السيارة سكرت الباب اقوى ماعندها ولاسلمت
دليم بغيظ:وعليكم السلام ورحمة الله وبركاته
لف وجهها بأعراض عنه شافته واقف ويكلم شايب من اهل القرية ماتدري ليش رفعت يدها بهاللحظه وكشته
نست من وجود خالها اللي طلعت عينها وشاف حركتها حست بعيونه اللي تولع شرار
لفت وبعباطه:فيه شيء؟
دليم بقهر:ليشت كشين الرجال ياقليلة الحياء؟
فاطمة تدخل بعينه:انا !! انا وتأشر على نفسها يتهيأ لك
دليم بصراخ شل اذنها:لا احسن ادخلي بعيني يعني ماشفتك
زفرت :اووووووووووووف
عض شفايفه من القهر:فطيم امسكي نفسك والا
رفعت صوتها:والا وش بتسوي بتنزلي وتتركني انا اوفرها عليك نزلت من السيارة وبصوت عالي
:ماني بحاجتك ولابحاجة احد ومايحق لك تصرخ علي
دليم بعصبيه ماعاد يشوف يبغى يمد يده عليها تمالك نفسه نزل يده:اعوذ بالله
فاطمة صدرها يطلع وينزل من العصبيه دفته من صدره ببكاء ممزوج صراخ:اصلا كلكم تشبهون بعض
كذااااابين ماني بحاجتكم روحوا ماراح اموت من دونكم انت واختك وعيالها عشان ابوي ميت تستقون علي وتفردون عضلاتكم

متعب لف من صراخهم ويشوفها كيف بدأت تخرج من طورها وتصيح وتبكي ودليم واقف متصنم من كلامها
كملت ببكي:ماراح اروح أي مكان بجلس هنا اصلا الناس الغريبه احسن منكم وش منكم ها وينك من زمان
اللحين طقتك الحميه وينك لما كنت اكلمك وابكي واقولك عن اختك اللي راحت وماصدقت تتركني والا عن عيال اختك
يوم كلوا حلالي وتقول لي اصبري هذولا اخوانك وينك هاا

تجمعوا اهل القرية وهي منهاره مره وحده تتكلم ويدها ترجف مسكها دليم دفته حاوطها ومسكها رغم عنها وهي تبكي
متعب بضيق رفع صوته:كل واحد يشوف نفسه يلا تفرقوا اشوف مافي شيء
دليم بهمس لأذنها وهي تبعده عنها:فاطمه خلاص
تضربه على صدرها وتحاول تدفه لكن بنيته رجحت الكفه مسكها من كتوفها وثبتها وبقوة:ماني مثلهم ماراح اتركك
لو على جثتي طالعيني
منزله راسها بالارض وتبكي رفع ذقنها بقوة وبجمود:طالعيني انا ماني مثلهم
نطقت ببحه توجع:كذاب كنت بتنزلني وتروح
دليم بتوجع:ماني رخمه مثل اخوانك يابنت سمعتي هذا انا خالك دليم ماتغيرت

متعب لاف وجهه تضايق من دليم كثييير من حركته فيه لما رفع يده يبغى يضربها وانقهر من صراخها
اللي جمع رجال القرية
هدت شوي قرب متعب وواضح الضيق من صوته:خلهم يدخلون داخل يهدون
زفر:ادخلي داخل
فاطمه تمسح دموعها بكم عبايتها وبعناد:ماراح ادخل بروح بيت عمتي مشت من جنبه وتعدته
لحقها وبغيظ:قص رجولك وين رايحه؟
رفعت حاجب:بعد عني بروح بيت عمتي ماراح اروح أي مكان
دليم بقهر:واتركك لحالك هنا تحلمين
فاطمة باستهزاء:ماطلبت رأيك
دليم يمسك نفسه:امسكي لسانك والا؟
فاطمه بسخرية:بترفع يدك مثل قبل ارفعها اصلا ماعاد صرت احس صرت متبلده من فعايلكم بعد عن طريقي وتعدته
استغرب القوة اللي طلعت منها انلجم لسانه وماقدر يتحرك من مكانه
ومتعب وده يذبحها لكن ماله سلطه عليها

يقولون الحياة تعلم بتجاربها لكن الحياة مااكتفت انها تعلم فاطمة دقتها وكوتها
وكل ما قلت راح تضحك الايام لها الا انها عبست ..فاطمة المرحه اللي تخبي صرخة وجعها خلف ضحكتها
المجنونة اليوم صرخت بوجه دليم وطلعت قهرها ..

اما امنا ليلى مثل ماكنا نسميها كانت على السرير وعيونها بالسقف وكأنه يعكس ذكرياتها
بدخوله وبأستغراب:ليلى
هالصوت اللي سمعته ليلى كان كفيل بأن دقات قلبها تزيد لف بعدم تصديق بلعت ريقها
وبهمس:سامي!!
نزل عيونه بسرعه:انا آسف لما شفت اسمك بالملف ماصدقت
لفت وجهها للناحية الثانيه ..
بدخوله رافع حاجب: وو تأخرنا بالزيارة الحمدلله على السلامة ياليلى
غمضت عينها نطقت اسمه بكرهه:جسار
وعين سامي فيه مستغرب منه

البــــارت الثــــاني+الثــالث عشر

قراءة ممتعه..

غمضت عينها نطقت اسمه بكرهه:جسار
وعين سامي فيه مستغرب منه تقدم لهم بخطوات بطيئة رفع يده وصفق
جسار:برافو برافو ليلى ماعندك وقت هه
سامي بسرعه:ليلى هذا مين؟
حطت الشرشف على وجهها تغطي نفسها وبسرعه:اطلع برا انت وياه مو من حقكم تشوفوني
ضحك بخفه جسار:ههههههههههههههههه لف على الولد اللي اسمه ريان وبضحكة
:غطي عيونك حرام يابابا ههههههه
سامي بقهر:من انت
تقدم ناحيته عقد حواجبه:انا من اكون ها بغيظ:انت من تكون وش علاقتك بهالزباله
سامي مسكه من ثوبه جسار نزل عيونه على مسكة ثوبه:نزل يدك لا اخليك تندم
سامي بحمق:انتي وش تبغى من البنت هاا؟
تكلمت بصوت باكي وبكذب:سامي اتركه هذا زوجي
ترك يده بصدمه لف عليه جسار وبضحكة:يحصل لك تلقين مثلي والله تبطين
سامي مو فاهم شيء تكلمت ليلى:اطلع برا سامي اطلع
جسار اشر بيده:سمعت حرمي ههه برا
سامي بأسف رمى عليها الكلمه:امك محترقه قلبها عليك وانتي هربتي مع هذا وش يكون ردة فعلها
لاعرفت
جسار جلس على الكرسي ومد رجله على السرير ضايقها:يكون افضل تختصر علينا الطريق وبحده يلا
اذلف من هنا
خرج مقهور بعدت الشرشف ولفت عليه وبنفخه:نعممم انت وش تبي فيني هااا باقي مارفست والا صفقت؟
رجع راسه لورى وضحك:هههههههههههه تصدقين عدل جلسته قرب منها مسك يدها اللي عليها السيروم نزع اللصقه
بقوة صاحت شاف الدم ريان بسرعه غطى عيونه بيده الصغيرة وشهق
ابتسم وعينه عليه:ماتحب تشوف الدم هاا قوي قلبك انت رجال؟

حزنت ليلى بس مو على نفسها متعوده ظلم جسار لكن حزن على الولد اللي تظنه ولد جسار وهو ولدك ياليلى
يآآآه كنتي تدعين له دائما ومبسوطه لما تتذكرين انه راح يكون شفيع لك هذا هو قدام عيونك

بقهر من بطشه:سو اللي تبيه فيني لكن حرام عليك حتى ولدك تخليه يشوف ظلمك وبطشك
عقد حواجبه:أي ولد آآه قصدك ذا اكرهه من كرهي لأمه
طالعته بحقد كمل:اكتشفت انها مثلك رخيصه نتنه
ليلى بضحكه:ما الومه اذا طلعت تدور الحرام لأنك ماتنطاق ولايتحمل العيشه معك لأن قلبك اسود

ما اهتم لكلامها لف راسه على ريان وبأمر:فتح عيونك انت رجال تعال
لازال على وضعه حاط يده على عينه رحمته تبغى تقوم تحضنه على صدرها
رفع صوته:قلت لك تعال..بعد يده عن عيونه وقرب منه صار قريب حيل عينه الواسعه عليه
مسك ذقنه وقربه له وبهدوء:لما اقولك تعال تجي فورا سامع
هز راسه وعينه بالارض رفع عينه على ليلى اللي عيونها عليه وقلبها يدق بقوة وكأنها حاسه بشيء
ماتعرف ليش طرا عليها ولدها

جسار رفع عينه:لؤي طلقك وبكره بيرسل ورقة طلاقك وراح يسافر هذا اللي كنت متأمله فيه طلع خرطي
همه نفسه وبس
عبست بكرهه له
كمل:لين ماتتعافين راح تطلعين معي
ليلى بكرهه:ماراح اروح معك مكان
قرب منها:هالمره راح تروحين بأرادتك
ليلى بغيظ:تحلممم
جسار رجع ظهره لورى وعينه على ريان:شفت معناته مافي احد يرعاك معناته بحطك بدار الايتام
طلعت عينها وبكرهه:انت وش نوعك من البشر هاا في احد يرمي ولده قطعة قلبه بدار الايتام؟
جسار رفع حاجب:الا في حاله وحده اذا رعيتيه
ليلى بكرهه:تحلممم بعد كل اللي سويته فيني ارعى ولدك

وقف رفع كتفه:بكيفك وانت يلا عشان احطك بيطلع ولحقه
غمضت عيونها وبكرهه:موافقه بس الله يخليك لاتسوي فيه كذا

نزلت دموعها وعينها عليه مثل الملائكة خايف وعينه بالارض
ابتسم وهو معطيها ظهره كمل طريقه وخرج ولحقه ريان

^^^^^^^^^^^^^

مرت اسبوعين وسلمان ماله حس ابدا وهي تفكر عينها على الجوال
على امل انه يدق او يرسل نزلت عيونها بحزن وعين ناديه وسميه عليها
سميه ماقدرت تشوفها كذا منكسره متعوده دائما على رجتها واستبدادها بالبيت نطت جنبها
:تعالي ابيك وسحبتها للغرفه
ناديه بصوت عالي:بجي معكم
سميه بصوت اعلى:تعالي ما احد ماسكك
دخلوا غرفة ناديه وندى شغلوا الابجورة وطفوا النور وكانت جلسه هاديه ورومنسيه

سميه بعتب:قلت لك لاتصيرين واثقه كثير زودتيها وتحديتيه ونسيتي من يكون بتخسرينه للأبد على هالحاله
ندى بهدوء ضامه رجولها لصدرها ويدها على رجولها:عوافي
سميه بقهر:مابتنفعك هالمكابره
ندى بهدوء قاتل:ما اكابر
ناديه بضحكة:حنا خواتك ونعرفك تكابرين
سميه بعقل:دقي عليه وطيبي خاطره
طلعت عينها:مفروض هو يدق ليش انا ادق!!
سميه:تنازلي هالمره
ندى برفض تام:مستحيييل لو يحب الارض ما اتنازل
سمية بطفش من تمسكها برأيها:طيب لاتتصلين بس ارسلي له مسج حلو يطيب خاطره
بنص عين:غير مباشر؟

ابتسمت سميه تعرف انها ندمانه بس ماتبغى تعترف:ايه يلا ناديه نسوي أي شيء ناكله
ندى بصيحه:بنات جوعانه وربي
سميه:راح نحسب حسابك لاتخافين وطلعوا

قلبت جوالها بجوالها مالقت شيء استقرت على مقطع فيديو لأغنية عبدالمجيد عبدالله
"قنوع" تذكرت انها مسحت رقمه
ضربت راسها بغباء:وش اسوي اللحين؟
خطر ببالها فكره دقت على مها :الو
مها:ياهلا ومسهلا هلا بندوي
ندى بأبتسامه:هلا فيك اخبارك واخبار العيال؟
مها:الحمدلله كلنا بخير اخبارك انتي وسلمان والله عتبانه عليكم اجل اعزمكم وتردوني

ندى بنفسها"بلاك والله ماتدرين انا وين وهو وين مانعرف شيء عن بعض من اسبوعين"

سلكت:على خير ان شاء الله امم مدري وش اقولك عندك رقم سلمان تفرمت جوالي واللحين عند اهلي
بغيته ضروري
مها:ابشري اللحين ارسله لك
قفلت منها وارسلته على طول

وصلها الرقم سجلته عندها بأسمه وارسلت له المقطع واتس اب قفلته بسرعه خايفه من ردة فعله

بالجهه الثانيه فتح الجوال يشيك عليه شاف اسمها ندى
فتح
سمع الاغنية..

ما ابي شيء انا جدا قنوع ..
ما ابي الا انت وكلك لو سمحت..
ما ابي اموال وثرى ما ابي اغلى الجواهر..
ما ابي قصور وتحف ولاتحكمني مظاهر..
انتي عندي اغلى من كل ناس انت اجمل مصيري وغيرك ما ابيه ..
كلك احساس وشعور وانت بالحب صادق..
ممتلي شوق في زمن ماصدق كل عاشق..

زفر وقفل المقطع وخرج رفعت جوالها شيكت عليه لقت اخر ظهور قبل شوي
تحطمت أمالها فزت لما شافته متصل وجاري الكتابه قلبها رقع وتحس بيطيح ببطنها

ارسل:مرحبا
صاحت بأعلى صوتها استوت بجلستها وكأنه قدامها ردت:مراحب
سلمان:شلونك؟
ندى بثقل:بنعمه عايشه انت وش اخبارك؟
سلمان بثقل:من الله بخير وش تقصدين بالمقطع
تورطت ماعرفت وش ترد
ارسل علامات استفهام :؟؟
ندى:عادي
سلمان:مافهمت وش عادي
معطت شعرها تعرف يستدرجها ردت عليه:اعجبتني وارسلتها جماعي
رد:اولا لاترسلين اغاني جماعي تكسبين اثم غيرك ثانيا هاذي خاص مو عام
تورطت ماعرفت وش ترد ارسلت:جزاك الله خير وخرجت على طول
مستحيل تتنازل وهو مستحيل يبادر اثنينهم ينتظرون من يعتذر اولا..

ارسل فيس يبكي..ردت :وش فيك؟
سلمان بتجاهل اللي صار:نفسي بكنافه
ندى:هههه روح اشتري محلات الحلويات كثيره
ارسل فيس يغمز:بس مو مثل حلاوة ثغرك وطراوته
هنا ماتت بأرضها وحمرت خدودها ردت عليه:تصدق نفسي بكنافه والله جد حقيقه ولا بعد مبرومه
امم والخشنه بعد كلها نفسي فيها ..خرج ولاعلق كرهت نفسها
نزلت عند البنات وتحوس معهم بالمطبخ سميه رفعت روبها وشغلت الاف ام جات اغنية تامر حسني يابنت الايه
صاحت ناديه:من زمان عنها

ندى بضحكة:وزمان على الا اف ام والمسجل تتذكرون لما كنا لانظفنا المطبخ نشغله ونشتغل ونرقص
سمية بغمزه وتتكلم عراقي:ولو اني ارقص واهز للصبح كله فدوه لعيونج يالاميرة ندى وبدأت ترقص بهبال

ندى طلعت فوق الطاولات وجلست وناديه صفرت بأعلى صوتها :اموووت انا يالسماوي اروح ملح اروح كمون اروح زيت عافيه
ندى بضحكة:ههههه خير وش هالغزل مقادير اكله
سميه وقفت فحمانه من الرقص كشتها:مدري عنها آآه تعبت يابنات ماصرت احتال بالرقص
ناديه بنص عين:طبيعي ترا انفرطتي بعد الولادة
سميه بتعب:وش اسوي آآه ياصدري بس جد لازم اخفف واسوي رجيم

شوي الا جاها مسج فتحته غريب ما انتبهت له:خذي الاغراض من برا
عبست:بنات فيه احد مرسل لي اخذ الاغراض من برا
سميه:يمكن امي مرسله من جوال احد وموصيه البقاله انا بروح
ندى قامت:لا انا بروح طلعت من المطبخ فتحت الباب استغربت كيسة حلويات طلت مافي احد اخذتها بتدخل جاها مسج
"هاذي حصتك من الكنافه بالعافيه"
ابتسمت لا اراديا بس استغربت ان له رقمين ارسلت:مشكور ماله داعي تكلف على نفسك
رد بسرعه:مابينا كلافه كلها كنافه..ضحكت على الوزن كلافه وكنافه دخلت المطبخ
شهقت ناديه وشلت منها الكيس شهقت:الله كنافه ..فتحتها منوعه المبرومه والخشنه والناعمه
فهت ناديه:من اللي جابه؟
ندى بخجل:سلمان
سميه بغمزه:اجل الرساله جابت مفعول ؟
انحرجت مادرت وش تقول..سميه تركت اللي بيدها: انا انسدت نفسي عن الاكل صراحه بسوي قهوة تبغون معي؟
ناديه:يب يب
سميه بهيام:فديته الامير ولد سعود آآه زوج الاخت ياجعلني ديرتي نظارة شميه أي شيء
ندى ضحكت بهباله:ههههههههههه هيي حدك
ناديه برفعة حاجب:تغارين عليه؟
سكتت ماتعرف هي تغار عليه اكييد والا ماخيرته يطلق زوجاته لا لا ياندى انتي من يومك متملكه لأي شيء
هزت راسها اعترفي انك بديتي تميلين له وحبيتيه ..ودخلت صراع عمييق بين عقلها وقلبها..

^^^^^^^^^^^^^^

بالفنــــدق..
جلست بملل على السرير وعينها على بجامتها الرصاصيه وبلوزه بيضاء

ورجعت من فتره للسعوديه هالمره انتظر ابوي اللي مشغول بس بشركاته وبزنس حقه وحتى تكونون بالصورة انا هنا
مجرد الروائية عن الثلاثي اما قصتي حياتي فما هي مستاهله اسردها لكم
و بداخلي هاللحظه لازم ابدأ ابحث عنهم
واول خطوة راح توصلني سميرة اللي لها صيتها بالاشراف لأوصل لندى
خلوني احكي لكم عن ندى..
اكثر وحده اختلف معها بالشله ودائما نتعارض بكل شيء هالبنت كنت اشوفها متسلطه لكن مو بخبث
بذكاء أي شيء تحطه براسها الا تجيبه مهما كلفها الامر وماعندها مشكله تنتظر المهم تجيبه!!

بيوم بثالث متوسط اخر يوم لنا بالاختبارات وكان اخر يوم نشوف فيه بعضنا
جلسنا نلعب لعبة حوجن خلف ساحة المدرسة وقتها كنا جاهلات ومانعرف حكمها وتحريمها

جلسنا على شكل قروب ومعنا بنتين زميلات لنا وبدينا نلعبها
وقتها انتفظنا من الخوف لما تحرك المؤشر على اسم ندى كانت تضحك وتسخر منا وتقول بالحرف الواحد
:هه تصدقون هالخرافات؟
ليلى بخوف:ندى شوفي بسرعه ندى قربت خذت الورقه سمت بالله ورفعتها قرأت

تدورن من كان اسمه موجود بالورقة راح تنصدمون

كان ســــعــود!!

خلونا نرجع للحاضر ونصيحة لا احد يلعبها ما احد يعرف الغيب غير رب العالمين ومانعرف اللي بيصير
البنات اللي كانوا معنا ماكانوا ينامون بالليل بعضهم قال خرافه وبعضهم قال انها سحر اسود لكن بالنهاية
حـــــرام وابتعدوا عن الشبهات مهما كان حكمها..

خلونا نروح لقصر الامير سعود..
جالس بالصاله ومجمع الكل من عياله 11 وزوجاتهم ماعدا ولده اللي مبتعث ببريطانيا
عادله بأستغراب:خير ان شاء الله
طالع بالمجلس الممتد اللي كانوا جالسين فيه على الكنب بعيالهم اكبر حفيد له عمره 18 سنه
من ولده الكبير زفر بعمق وعينه تتنقل بينهم..

عيونه بالارض وماسك عصاته وبصوت ثخين:سلمان
سلمان بسرعه:سم
رفع راسه:وين ندى؟
سكوت عن المكان وعادله انقلب وجهها الوان من سؤاله عنها
رجع يسأل:عادله وين ندى..عايشه وين ندى.خديجه وين ندى؟
رفع عينه عليهم سلمان سكت ضرب عصاته بالارض وبنهر:سؤالي واضح وينها؟
تكلمت عادله بقهر:ببيت اهلها عساها ماترجع
سعود بهدوء:عادله
عادله عينها بالارض وتفرك يدها بتوتر:سم
سعود رفع عصاته واشر للباب:اذا مارجعتي ندى بنفسك والا تطلعين من هالباب ولا لك رجعه
طلعت عينها وبأنفعال:تبغاني انا اتنازل واروح لها بنت سميره تخسي مو عادله اللي تروح عند هالاشكال
سلمان تضايق من كلامها مهما كان زوجته
سلمان بهدوء:ماله داعي هالكلام عنها
رفعت عينها بصدمه:تدافع عنها ضدي ياتربيتي
سلمان لف وجهه:هاذي زوجتي واحترامي من احترامها وانتي على العين والرأس
ابتسم سعود:واللي يقول لكم انه غير رايه
ابتسمت عادله كمل:اذا مارجعت ندى لهالقصر ولا واحد فيكم يقعد
طلعت اصواتهم وبداو يعترضون وحريمهم يتكلمون بقهر
ضرب عصاته بالارض وبصرخه سكتهم:بسسسسسسسس
جواهر بقهر:بس عمي انت تفضل هالبنت من العامه على عيالك وبنات اخواتك واخوانك حتى احفادك
من تكون حدها من الشعب
عطاه نظره سكتت كمل:جاكم اللي عندي قبل اسبوعين كلمت سلمان وقلت يبلغ امه بكلامي لكن
ماطلوا فيني الخير يخص والشر يعم ندى ترجع للبيت خلال هالاسبوع والا كل واحد يطلع من هالقصر

سكتوا بقهر مايقدرون يقولون كلمه وهو ابتسم بداخله مايقدر يسويه الشيء لكن بيحطهم تحت امر
الواقع لانه افتقد ندى كثير كانت تجلس معه وتناقشه بالسياسه صحيح على قدها بس تطلع على كل شيء وذكية
عكس حريم عياله اللي همهم وشغلهم الشاغل الحفلات والاسواق والمجوهرات ولأنها تذكره بحركاتها ونشاطها بشخصية حبها ومن بعدها
دفن قلبه معها بقبرها الا وهي مضاوي ام سلمان..

قام وخرج ومعه احفاد الصغار يخصص دائما يوم بالشهر يجتمع فيهم كلهم لأنشغاله بالسياسه
اخوه الكبير محمد:والله مسخره نتساوم عشان بنت من الشعب
سلمان برفعة حاجب:ماهي ماليه عينك؟
واحد من اخوانه:ياخي متع نفسك وطلقهـ ماكمل كلمته الا هجم عليه سلمان
صاحوا كلهم جواهر:لاااااااا
عادله تفك بينهم ومتشابكين رفع صوته سلمان بغيض:هالبنت اللي تقولون عنها زوجتي وام عيالي وما اسمح لأي كان
يجيب سيرتها بالشينه على لسانه فهمتوا
جواهر خافت من حدة صوته دائما تشوفه الحنون المروق هالمره مثل الاسد اللي يزجر
عادله تبعده عنهم:هدوا وتعوذوا من ابليس
نفسه اللي تكلم وقال متعها:اييه وانتي طيبي عليه اصلا ماتعترفين الا فيه بالبيت
عادله بحده:هذا ولدي
تكلم بسخرية:لا مو ولدك ولد مضاوي لاتنسين..سكتت وسلمان خرج برا
وسعود عينه عليهم من شباك الحديقه نزل راسه بأسف من حالهم هذا وهو حي اجل لو ميت وش بيسون ببعض

دخل المطبخ شاف كاسأت العصير مرصوصه على الطاولة شل الصحن اللي فيها ورماه بالارض
وتكسرت شهقوا الخدم بخوف بحده :عطيني مويه
عطوه شربها دفعه وحده وخرج من القصر بكبره متضايق من اخوانه وعيشتهم بهالقصر قلوبهم
مو على بعض كل واحد ينتظر الزله من الثاني عشان يثبت نفسه الكفو بمنصب ابوه

^^^^^^^^^^^^^
كان اليـــوم موعد خروج ليلى اللي نقلها جسار لمستشفى ثاني حتى مايوصلها سامي
تلبسها الممرضه العباية تحس كل عظمه بجسمها توجعها تحاملت على نفسها خرجت شافت واحد اسمر ضخم
كلمها:جاهزين؟
استغربت من عدم وجود اسماعيل اللي يرافقه بكل مكان هزت راسها با ايه وخرجوا من المستشفى

وصلوا الفله اللي شهدت تعذيبها عبست وقفت رفعت راسها للقبه وتذكرت كل ذكرياتها مع جسار
ابتداءا بلقائه بالفله اول مره وبالحفله ومسكته ليدها وحبسها بالسرداب وخوفها وجوعها
والفيديو اللي عرضه وصراخه عليها همست:يارب ساعدني


فتحت الخدامه الباب دخلت بخوف وقفت بالوسط بنزوله من الدرج ناسف شماغه وبضحكة:مريم الطاهرة وصلت!!

عبست وجهها بكرهه نزل وصل لعندها ابتسم:لاتخافين ماراح تنامين بالسرداب مع انه مستواك لكن
الولد لازم احد ينام معه فجأة قلب جديه:اسمعيني راح تنتبهين له وتكونين مثل المربية وانا ماراح اكون موجود

ليلى بداخلها"فكه" بغيظ:أي اوامر ثانيه؟
جسار برفعة حاجب:اتوقع انتي اللي تبرعتي ما احد جبرك صح ؟ "غمز لها"
خذت نفس وبلؤم:مجبوره حاله انسانيه قدامي اشوف طفل بريء قدامي ابوه يبغى يرميه بدار الايتام
جسار عرف يستغل نقطة ضعفها حنيتها ابتسم بيخرج لف:ايي صح نسيت اقولك ترا انا ولؤي نصير اخوان من اب
لفت بصدمه وذهول:اخوان!!
ابتسم:معناته اصير حماك يازوجة الاخ الموقره عفوا نسيت انه طلقك وسافر ياحرام بس انتي محظوظه
لأني انا هنا غمز وخرج
بقهر:روح ان شاء الله في ستين داهيه


عينها على الفله زفرت جلست على الكرسي اللي عند الدرج بنزوله يجري ويضحك ووراه الخدامه اللي تعبت معه

طاح وصاح نقزت بسرعه نزلت مستواه وبخوف:بسم الله حبيبي انت بخير؟
بكى مسحت دموعه وحضنته على صدرها تهديه رفعت راسها للخدامه:جيبي مويه

راحت الخدامه رفعته من الارض ومشت معه للكنبه حطته بحضنها ارخت ملامح وجهها وتمسح بيد
دموعه ويد شعره الكيرلي عينها على ركبته اللي تجرحت شوي من حافة الدرج باستها
بدموع:يعور
ابتسمت :اسيين حبيبي باست باطن يده:اللحين راح امسح الجرح همم
جات الخدامه وبيدها كاس مويه خذته منها وشربه كله
ليلى بحنان:بالعافيه اخذت مناديل حطت فيها شوي مويه مسحت على ركبته صاح
تهديه وتسمي عليه:آسفه ياماما وقفت تمسح وعينها بالارض
قلبها تقطع ماتعرف ليه خرجت منها هالكلمه حست بسكاكين تغرز بقلبها تحاملت على وجع قلبها
و رجعت تمسح له برفق نزلت دموعها فجأة ورى بعض وطاحت على يده عبس حط يده الصغيرة
ويمسح دموعها وبصوت طفولي بريء:لاتبكين عيب
رفعت راسها له وبتساؤل:لا حبيبي من قال عيب؟
ريان ببرآة:هذاك الوحش
ضحكت من قلب على تشبيهه لجسار :ههههههه حطت يدها على خده وبعبوس
:قال كذا عشان ماعمره بكى دائما يضرب ويبكي الناس بس لاتخاف انا معك

وبداخلها"حتى الطفل انتهكت برآته ومارحمته
الله ياخذك ياجسار"
:
وعلى طــــاريهم ترا حيل اوجعوني!!
لا ام تحن ولا اخ يترفق ولا زمان يجي على الخاطر ..

عينه عليها من بعد ما اجبرها ترجع معه للمدينه غصبا عنها ماتكلمت معه وشايله بخاطرها كثيييير
يبان عليها حبها للشخص وكرهها له بعد

دليم بطفش:فاطمة عاجبك هالوضع ترا ماصارت تأسفنا وعرفنا غلطنا
جالسه وعينها على التلفزيون وسافهته كمل :امك كلمتني راح تجي تشوفك
لفت بسرعه وبغيظ:وش يجيبها لاتكلف على نفسها
دليم بطولة بال:فاطمه عيب هاذي امك
ضحكت بخفه:بذمتك لاتضحكني كم لي ماشفتها امم لحظه 3 سنوات يعني اخر موقف جمعنا لما قعدت تلومني
على طلاقي وتقول اني تربية ابوي واني استاهل اللي صار لي وان الزفت اللي فطس هو الملاك اللي مايخطي
دليم زفر:استغفر الله الولد بقبره اللحين ولايجوز على الميت الا الرحمه
بعدين هي بالطريق
رفعت حاجب يحطها تحت الامر الواقع قامت وبعدم اهتمام:وش علاقتي انا بالنهاية هذا بيت ابوها مالي دخل ومشت
رمى الريموت بقهر منها ومن تصرفاتها :رحمتتك ياربي

دخلت غرفتها بالاحرى غرفة جدها انسدحت على السرير وتفكيرها كلها بحياتها اللي ضايعه وخالها اللي بدأ يطفش
من وجودها تحس انها ثقلت عليه بقوه جاء ببالها العريس اللي قالت عنه الجازي اشتاقت لها دقت عليها

مجتمعين بالصاله كلهم اخوانها وخواتها المتزوجات اللي جوا عشان زواج متعب
دق جوالها سفهته ..
اختها الكبيرة:ردي ازعجنا
شافت الاسم وتوسعت ابتسامتها ردت بسرعه وبترحيب حار:اررررحبي يالله حيها جعلها ترحب
فاطمة بضحكة بصوت عالي طلعت من السماعه:ههههههههههههههههههههه
الجازي بعقدة حاجب:علامتس يالخكريه تضحكين قايلتن شيء غلط؟
فاطمة بهمس:يختي احبك اموت فيك اشتقت لك
الجازي تمثل انها بتدوخ:ويل حالي بس اخبارتس يابنت المدينة؟
استغرب كلامها وترحيبها لكن لما قالت بنت المدينة عدل جلسته على المركى
فاطمه بهدوء:اخباري ماتسرك
الجازي بسرعه:افاا وش صاير لتس ؟
خاف بداخله يترقب وش تقول ..
فاطمه زفرت:ابدا لاجديد احس اني مشتته وضايعه امي راح تجي اليوم ومدري كيف راح اقابلها

"سكتت الجازي وتعرف علاقة فاطمة وامها المتفككه كملت فاطمه بتوجع ماعندها غير الجازي تفضفض لها"
:احس اني مختنقه يالجازي ودي ابكي بس نشفت دموعي ولاعاد لي حيله

رحمتها الجازي قامت من عندهم ولاحظوا وجهها المتغير اما هو يبغى يعرف وش اللي قالت فاطمة للجازي عشان انخطف وجهها
لكذا تكلمت بجديه:اجل مالك حل الا شيء واحد؟
فاطمه بملل:الا وهو ؟
الجازي بتهور:توافقين على اخو رجل صالحه
سكتت فاطمه وبغصه:هه شوفي حالتي صار الغريب خلاصي من اهلي ماعلينا اخباركم واخبار اهل القريه؟
الجازي بهبال:بخير كل خواتي جوا اليوم واخواني ايه نسيت ما اقولك زواج متعب بنهاية الاسبوع
راح تحضرين صح ياويلتس لو قعدتي

اعتدلت بجلستها وبصدمه وذهول:بعد اسبوع
الجازي بفرحه:اييه تعالي نرقص ونفلها سوا
حست بغصه بحلقها ماتدري ليش تحس قلبها يعتصر الم بكذب:انا بسكر اسمع خالي دليم يناديني يلا باي وقفلت
الجازي بأستغراب دخلت الصاله و جلست

امها:هاذي فطومه اخبارها؟
الجازي بهبال:ماعليها الا اقول صلوح عادك تبينها لاخو رجلتس؟
طلعت عينه تكلم:منهي؟
صالحه بفرحه:أي كلمت خالتي وهي متحمسه بعد عطيني رقم فاطمه عشان اخذ رقم امها واكلمها يبون الزواج بسرعه
قالوا لي ان الولد عنده دوره عمل 6 شهور على الاقل يبغى يملك
متعب بنرفزه:يدري انها مطلقه؟
استغربوا حمقه صالحه:البنت مايعيبها شيء وش فيها لاكانت متطلقه؟
متعب بنرفزه:مايصلح لها
الجازي برفعة حاجب:ليش مايصلح لها؟
متعب تورط وش يقول انه مايبغى يشوفها مع واحد ثاني بسرعه:مايصلح لها وبس البنت حضريه والولد بدوي
وتفكيره ماش ماهو مظبوط اعرفه

صالحه اخته حطت كفوفها على بعض:ماهو بعذر كل الشباب طايشين الولد يبغى يكمل نص دينه ويستر نفسه
متعب رمى الفنجان واحذفه على الصحن:سووا اللي تبونه شرهة من ياخذ ويعطي معكم وطلع
الجازي يدها على قلبها:يمه وش فيه ذا؟
امه بشك من اللي ببالها صحيح:متضايق شوي ماعليه رحتوا لبنت عمكم مناير شفتوا اللي ناقصها
لوت بوزها الجازي صاحت عليها امها:مايصير كذا عيب بكره بتجي تعيش معتس بنفس المكان
الجازي بكرهه:جعل امحق وتظنين خاطري ونيس على دخلتها لا بس عشان زواج متعب والا تعقب وتخسي

من قفلت منها جالسه مكانها مو مستوعبه تحس بغصه بحلقها زفرت:وش فيني ياربي وش يعني لا اعرس
اصلا انا مسكره قلبي من زمان وحالفه ما احد يدخله وش يعني لا اعرس انا بس معجبه بشخصيته لا اقل ولا اكثر
رمت نفسها بطفش على السرير

اما هو طلع يتمشى عقد حواجبه:انا وش صار لي فجأة اعوذ بالله لما سمعت انها احد يبغاها
وصل للغدير وتذكر لقائهم اول مره لما بكت وهي تدور على خالتها ودموعها اللي كانت الشمس تعكسها
وموقفهم الثاني لما قصد الشيله وكلمتها له
"عيــــون ابــوي"
جلس نص جلسه وحرك المويه بيده وبضيق:الله يجيبك يالنصيب

سمعت صوت برا الغرفه اطفال وخالها يرحب بصوت العالي فتحت الباب وخرجت
مع لفة امها اللي ابتسمت وبدموع:فطوومه
وقفت بمكانها مادرت تصرخ عليها وتعاتبها والا تحضنها وتسلم عليها
دليم بتصريفه:بروح ادخل شناطكم
جات عينها بأخوانها الصغار قربت منها امها رفعت يدها:لاتحاولين "دخلت الغرفه وسكرت عليها"
اما امها اكتفت بالسكوت وشلت ولدها الرضيع ودخلت

^^^^^^^^^^^


وقف سيارته عند البيت بأحتيار مابين كبريائه وحبه لأمه"عادله"
اللي ربته وكأنها ولدها وبقرارة نفسه يعرف ان ابوه ينتظر الزله عليها لتطلع لسبب يجهله
قرر ان يكسر كبريائه هالمره ويروح يرجعها للقصر بنفسه..

نزل من سيارته وقف عند الباب بيدق الجرس انفتح بخروج سميرة اللي تفاجأت من وجوده
كشر عادل:ووع
قبصت سميرة بيده ابتسمت:سلمان هلا ياولدي تفضل
سلمان بأفتشال منها:اعتذر دقيت على ندى بس ماترد علي
سميرة عرفت انها متعمده ترقع:يمكن ما انتبهت تفضل ادخل
دخل ورحبت فيه دخل المجلس فسخت شيلتها لأول مره يدقق فيها ندى ماخذه منها كثيييير خصوصا
انفها واستدارة وجهها ابتسمت:اخبار الاميرة عادله والامير سعود وهيا
سلمان:كلهم يسلمون عليك
سميرة:الله يسلمهم ..عم السكوت فجأة
قطع السكوت ابتسامته لعادل اللي كشر في وجهه ومد لسانه وبخاطره"ول نسخة اخته هالعائلة ماينمزح معهم"
بدخول شيء كله اسود بأٍسود

سميرة عينها عليها فهت:ندى ليش متغطيه مافي احد غريب هذا زوجك
ندى بلعانه:جاي بخاطري اكشخ له اشوف ماشاء الله من كثر ماهو مشتاق رجوله ماوقفت عتبة البيت
سميرة طاح وجهها من كلامها ضحكت:ههههههههههههه آآه يقطع شرها هالبنت خزتها بنظرة
ندى فسخي العباية والغطوة مافي احد غريب
ندى بعناد حطت رجل على رجل:مرتاحه ماعليك يمه ايوه وش سر هالزيارة سموك ما اشوف بيدك ورقة طلاقي
ههه يعني راح نلجأ للخلع
طلعت عيون سميرة وسلمان نار تشب بصدره ودها يسحبها من شعرها ويكفخها كمل:اعوذ بالله الله لايجيب هالامور
عادل بصوت عالي:للل لي شجيي جيت كلب
ضحكت ندى بقوة:ههههههههههههههههههههههه
سميرة خلاص وجهها حمر من العصبيه صرخت عليه:ولد عيب قول انا آسف
نزل راسه عادل معند تكلم سلمان ويتفهم الاطفال متعود على عيال اخوه ورحمه على التأتأه بنطقه:حصل خير بس ليش البطل مايحبني
عادل خربها:لأنك بب بكيت ندى
رفع حاجب وابتسم:أي جعلني فدا هالعيون
ندى بصوت واطي:والله من النصب
كمل:تعرفين ياخالتي كل شيء الا غضب ربي
سميرة تماشيه:اكيد

سلمان:لهالسبب انا جاي اليوم وحتى اقول لندى ماراح اطلق حريمي هي على العين والرأس بس بذي مقدر
لكن ان كان لها حق ..حط يده على شنبه:فتبشر بنت خالد وانا جاي وكلي امل انها ترجع لبيتها ولزوجها
سميرة عجبها كلامه بضحكة:زوجتك خذها
طارت عيونها بسرعه:ماراح اتحرك شبر الا لاسويت اللي طلبته منكط

سلمان بأستعطاف:طالبك "
وبكره" فسخ شماغه وطيحه عند رجولها كجاه طارت عيون ندى وبداخلها
"يالكلب تمسكني من اليد اللي توجعني"

فزت سميرة بسرعه شلت شماغه من الارض وبسرعه:محشوم ياولد سعود
ماهو انت اللي تنزل جاهك عند مره بترجع معك ورجلي على رقبتها لفت وبحده تكرهها ندى
سمعتي زوجك قومي جهزي اغراضك وارجعي معه ما اشوف سوا شيء تبينه يخالف شرع الله
عشانك والرجال ما اخطأ

بتتكلم رفعت يدها تنهي النقاش:الله يرضي عليك يلا تحركي اشوف
شافت سلمان اللي ابتسم ابتسامه جانبيه تعكر مزاجها
بعناد:ماراح اطلع من هالبيت الا بشروطي
رفع حاجب:وش شروطك؟
توسعت ابتسامتها ورمت الكلمه عليه:ماشي خلهم على ذمتك لكن ماتعترف فيهم الا بالاسم بس
سلمان بأستخفاف:مستحيل
وقفت:اجل الله يسمح امرك بتمشي
تكلم بعصبيه:راح اطلقهم
طلعت عين سميرة وندى توسعت ابتسامتها ومعطيته ظهرها كانت واثقه بالاحرى عرفت باللي صار بالقصر عن طريق سعاد
لفت رفعت كتفها:على هالحاله استبينا راح اروح ارتب اغراضي
سلمان بغيظ:بنتظرك برا وطلع موصل معه ضحكت ندى وارسلت بوسه لأمها اللي شوي وتذبحها لكن ماتنكر
انها اثبتت لها انها قد هالناس بعد ماكانت متخوفه