البارت33
.....
ميري بوناسه : مدام شنو هذا
عذاري: تبين الساعه ولفلوس بشرط
ميري : شنو ؟
......بعد فترة
ميري بخوف : لاامدام انا خوف من بابا يسوي مشكل مايقدر
عذاري: بابا ماراح يدري سوي اللي اقولج عليه بسسررعه
طلعت ميري وجابت تلفون البيت (لا سلكي ) لعذاري ودقت علا مبارك
مبارك: الوو
عذاري: مبارك
مبارك :انتي وينج ادق علا فونج ماتردين
عذاري : مو وقته مبارك الله يخليك تعالي لبيتنا ساعه 1 الفجر واصفط وراء بيتنا وانا اجيك
مبارك: شبتسوين ي الخبله
عذاري :سو اللي اقولك علي انت يالله
مبارك: ماشي اوكيه
...
1 الفجر بعد ماتأكدت الخدامه انه ابو عذاري وام عذاري ناموا راحت لعذاري اللي كانت لابسه وتنطرها
دخلت الغرفه
ميري: اوكي
عذاري : يالله تعالي الحين
وربطة الخدامه وسكرت فمها وطلعت من غرفتها وسكرت الباب واهي خايفه انه ابوها يطيح عليها وانزلت من درج وبسرعه طلعت برى البيت وراحت وراى البيت مكان مبارك , بالنسبه لمبارك اول ماشافها شغل السياره وراحت له ركض وركبت السياره
مبارك مصدوم: مجنونه انتي شلون تسوين جذي, تنحاشين من ابوج
عذاري : ابوي اعرفه ما راح يخليني ارجع لك وانا ما ابي جذي
مسك ايدها مبارك
مبارك: وانا ماراح اهدج بس مو جذي ي عذاري جنا حراميه
عذاري حطت رراسها علاكتف مبارك : اهم شيء اني معاك وماراح ارجع له لو شنو كيفه خل يسوي اللي يبيه
مبارك سكت وبالنسبه له عاجبه اللي سوته عذاري
وراحوا البيت منيره
دخلوا الشقه
قعد مبارك بصاله ويحس روحه تعبان
عذاري قعدت جنبه
وانسدح وراسه بحظن عذاري
عذاري مسحت شعرها : مستحيل اخليك ولا راح اضعف جدام ابوي مره ثانيه
مبارك طالع فيها : انتي اعيوني المركبه وكلي لج حبيبتي
عذاري ابتسمت :أحبك ........
...
بعد اسبوعين
بشقة محمد منسدح بالفراش وساره تطقطق بالفون
محمد بملل: ماكل قلبج الفون هديه اشوي وقعدي معاي
ساره مالها خلق له : انزين بعدين وانا عندك طول العمر بتشبع مني
محمد: انزين قومي حطي لي شيء اكله
ساره لفت عليه : انا ساره بنت مريم ادخل المطبخ واسوي اكل
محمد يطالع فيها : اي شفيج بتدشين المطبخ وتطبخين لزوجج فيه شيء
ساره : اي فيها انا بحياتي مادخلت المطبخ وطوول عمري الخدم حولي
محمد تنرفز : والحين شلللون
ساره : ماراح اطبخ ولا اسوي شيء
محمد: اشوف مو هذا كلامج قبل ازواج ولاتعانديني على شيء
ساره: ااوووه حموود شفيك اليوم الا ادور علي الزلّه
محمد: انتي اللي شفيج انا جوعان من وصلت من الدووام وماكو غداء خلص وطبعا حريم خواني يشيلون لرياجيلهم الا مرتي ععلى ايدها نقش الحنه
ساره برود: حبيبي انته تزوجتني مو عشان اطبخ لك وانفخلك اللي اعرفه انك تحبني وثاني شيء اذا تبي احد يشيل لك الغداء عندك هالسعلووه اللي تحت قولها اهي برووحها مو نافعه احد و كله بغرفتها ماتطلع
محمد: انا مالي شغل بشووق لي شغل فيج انتي شوق ما اخذتها الا عشان خاطر امي
ساره: خلاص طلقها
محمد بيغير السالفه: الحين شللون بتحطين لي اكل ولا لاء
ساره : لاء
محمد عصب :زززين يصير خير وقام وطلع من الجناح وكان مفوول معصب حيل
نازل من الدرج ورايح صوب المطبخ ولايصدم بشوق (توها طالعه معاها صينية كيك طبعا طاحت الصينيه) محمد مسكها من شعرها
محمد بعصبيه : انتي عميه ماتشوفين هاه
وصفقها طراق وعطها طراق ثانيه وقام يكمل طق عليها وشوق ماتقدر عليه اقعدت على الارض واستسلمت له
ومنيره (كانت معزومه عند رفيجتها )
البنات وحور وعذاري كانوا قاعدين بصاله ينطرون شوق ولما سمعوا صرااخ محمد ركضوا وحور راحت تنادي عزيز قبل لايذبحها
شهد تبجي: محمد وخر عنها بتذبحها
وهيا تخاول تدزه وماقدرت : محمد حرام عليك شفيك عليها شسوت لك
محمد مايرد بس اللي يعرفه انه كان معصب بس شاف شوق عصب زياده وطلع كل عصبيته اللي على ساره بشوق
عزيز دزه وخر عنها : انت شفيك اهبل عبالك لي صارت مرتك عادي تجرم فيها انت بديرة قانون مو سايبه الدنيا ترى
محمد طالع فيه وماتكلم وكان يرجف من عصبيته وطالع بشوق اللي قاعده علا الارض وتمسح الدم اللي بفمها وتطالع بمحمد بس ماكانت تبجي قامت بهدوء وراحت غرفتها ولحقتها هيا
عزيز بعصبيه : انا اكلمك
محمد طالع وطنشه وطلع الحديقه
بغرفة شوق
هيا تمسح الدم
شوق كانت هاديه وماتكلم
شهد واقفه عند الباب وتطالع فيها ( خايفة من اللي قاعد يصير بشوق بسبب محمد ان ينقلب عليها )
هيا : شوق تكفين لاتخرعيني فيج شيء
شوق ساكته
هيا : شوق
شوق بهمس : ابي اقعد بروحي
هيا بحزن وطلعوا بسرعه وشهد راحت غرفتها , هيا توها بتروح بتطلع الحديقه ولا محمد داخل
هيا : محمد مالك شغل بشوق تفهم
محمد يطالع فيها
هيا : لاتطالعني جذي انت شفيك عليها مو معنه انه خالتي ماتسأل عنها يعني خلااص ماعندها احد يدافع عنها وخرر عنها ومالك شغل فيها تفهم
محمد : لاا مو فاهم
هيا عصبت : انت شتبي منها انت متخاف الله يخسف فيك وحوبت هالمسكينه ماتعداك "واما اليتيمه فلا تقهر " تذكر هالايه ي خي خاف ربك فيها وراحت وخلته
محمد راح قعد بصاله واصلا اهو متحسف انه طقها وزاد عليه كلام هيا بعد فتره صعد شقته
ساره وكانت مراقبه للحدث وفرحاانه : ها حبيبي اكلت ؟
محمد طالع فيها وطنشها ودخل غرفته ونام
....
شقة مبارك
عند عذاري اللي سرحانه وخايفة من تهديد ابوها وانه ينفذه
مبارك يسحب شعرها : الحلوه شتفكر فيه
عذاري اضحكت : شفكر فيه بعد غير هالموضوع اللي شاغل بالي
مبارك : عذاري اذا انتي معاي مايقدر يسوي شيء عمي
عذاري دموعها نزلت : بس اهو قال راح يتبرا مني
مبارك : مجرد كلاام, باجر لي حملتي راح يغير رايه وبعدين الحمدالله نسبة العقم ضعيفة عندي وان شاءالله خير وقربت تخلص فترة علاجي
مسح دموعها وطقها علا جبهتها : يلاا عاد اضحكي مو لاايق ترى تبجين
عذاري: هههههه
...
بالوقت نفسه بس مكان ثاني
ابرار تكلم فون
ابرار : مثل ماوصيتك لاتزيد ولاتنقص
...:افا عليج جم ابرار عندي تامرين امر بس ابي الحلاوه
ابرار: 7 الاف زين
....: ههههه حبيبتي ترى السالفه مو سهله فيها حياه وممات ولا سويها انتي بروحجج
ابرار بسرعه : لالاللا خلاص امري لله بس شوف عبود ابيك تسبب له عاهه مو تذبحه
عبدالله: والله علا حسب سواقته الحبيب المهم ابي 30 الف
ابرار بصددمه : 30 الف شنو
عبدالله : ثلاثين الف دينااار بعد شنو هاه جنج هونتي
ابرار بقهر: لا شنو اهون بس بعطيك مقدم 10 والباقي بعدين
عبدالله: ماشي ي حلو بس هاه ترى انا عبدالله الــ مو تلعبين بذيلج والله اوديج وراء الشمس
ابرار: لا شدعوه العب معاك شمصلحتي
عبدالله : المهم ي حلوه باجر 9 بليل تجين شقتي تعطيني الفلوس
ابرار : وليش بشقتك
عبدالله : تبين ولا دوري غيري
ابرار استسلمت (لان عبدالله خبير بهالسوالف) : ماشي
عبدالله: اي تذكرت ترى كل اللي دار بينا مسجل سبحان الله تسوين شيء جذي ولا جذي ااوديج وراء الشمس بالبتسجيل وترى عادي انا عندي ادخل سجن ماتفرق عندي ادخل اليوم اطلع باجر هههههه
وسكر الخط
ابرار بصدمه (امبي شكلي بتوهق معاه )
عبدالله عمره 29 سنه انسان مستهتر حياته كلها لعب وبلعب صايع درجه اولى ومايهمه احد ...
....
محمد قام من االنوم ساعه 6 المغرب واخذ له شور وبدل ووجنطته (بيروح النادي ) ويددور فونه مالقا
محمد طلع برى وهو ينادي ساره وبلغلط : شوووق شوووق
ساره طلعت من المطبخ : منو شوق
محمد بلقبه ( وليه شيفكني منها ): يبا بلغلط
ساره : ترى صاير واجد تغلط بأسمي (واهي تخزه)
محمد : يبا شفيج سويتي لي من الحبه قبه توني قاعد من نوم مو مركز المهم تلفوني وينه ادوره مالقيته
ساره تطالع فيه بشك : حطيته عالشحن جنب بلاك التلفزيون
محمد راح ببسرعه وبقلبه ( شفيني اانا اقول اسمهاهذي مو اول مره )
بعد يومين
ساعه7 المغرب
بيت منيره
حمد نازل من درج وشاف عاليه وهيا
وصل عندهم
حمد يكلم عاليه: انتتتتتي هيي عطيني سويج سيارتج
عاليه : بس انا وراي شغل لازم اطلع
حمد : وشنو هالشغل
هيا : خلااص عطي السويج
عاليه : متواعده مع رفيجاتي بنطلع
حمد قرب منها ومسكها من شعرها : عطيني السويج احسن لج وماكو طلعه
عاليه بخوف : بس مبارك سامح لي
حمد بعصبيه واهو يشد علا شعرها :ماللي شغل بمباررك تفهمميين
عاليه تبجي : ان شاءالله
ولا دخلت منيره شافته شلون ماسك عاليه عصبت
منيره : حممد
حمد هد اخته اللي تبجي ولف لأمي : هلاا يمه
منيرة : بقى فيها يمه انت اشفيك علا خواتك
حمد برود : مافيني شيء
منيره تطالع بنتها : اسمعني ابي اروح البلوكات وابيك توديني
حمد : اي روحوا انتوا
منيره : ساعه 6 الحين واحنا حريم مانقدر نروح بروحنا
حمد : مانقدررر ؟ ليش منو اللي بيروح
منيره : انا وعاليه
حمد يطالع فيها
عاليه : يمه انا
حمد بعصبيه : قلت ماكو روححه تففهممين
منيرة : وين بتروحين
حمد :الحبيبه بتعشا مع رفيجاتها برى
منيره :اي شفيها
حمد :شنو شفيها وانتي ظامنه انها بتشوف رفيجاتها ولااا ....
منيره :حممممد
عاليه بصدمه : حمد ترى مصختها عاد انا اختك مو بنت شوارع انا تربية امي وابوي الله يرحمه
حمدصفقها كف : ججب اقول مو ناقصني الاانتي بعد
وطلع بسرعه واهو يقول : يالله انا انطركم برى
منيره : لاحول ولاقوة الا بالله الله يهدي سرك بس
عاليه تبجي : ماجني اخته والله لو عدوته ماسوى فيها جذي
منيره : ماعليه يمه تحملي ويالله قومي بدلي عشاني
عاليه مع انه بعد اللي صار مالها خلق قامت عشان خاطر امها
....
مبارك وعذاري بسياره توهم طالعين من العياده
مبارك : مادق عليج عمي
عذاري بحزن :لاء
مبارك : عذاري ترى انتي مو مجبوره تكملين معاي عمي صاج (بغصه )انا اكبر من بواااجد واظاهر اني صرت مراهق بثلاثين ههههه
عذاري لفت عليه : مبارك شهالكلاام انا احبك وما ابي غيرك والف مرة قايله لك انا مايهمين العمر اللي اعرفه اني احبك وبس وبعدين يعني موباقي شي علا فترة العلاج وتخلص
....
عند حور قاعده بشقتها تطقط بالفون وحسين وخلود عندها
بقلبها ( اوووف هذا مايشبع نووم قططع خل اقوم اقعده ) ودخلت غرفتها فتحت ليت
حور : عزييززز.... عززيز
مايرد
قربت صوبه وسحبت الكمبل
حور: قووم بسك نوم بس عاد ماشبعت
عزيز : اووو اول مرة ادري انج مزعجه بس خلااص خليني اببي انااااام حرام عليج
حور :بس عاد والله زهقت وانا قاعده بروحي اي قوم اقعد معاي يملغك كله نايم ماتشبع
عزيز قام من فراشه : افف بس بس اشتغلت المسجله قمت
مر جدامها
حور كفخته بكتفه : اقول قوم بس لو ثور امداه شبع نوم
عزيز قرب صوبها :شنوووو
حور اخترعت : لاا اقول النوم صحه بس ما يصير كله نايم
عزيز يحق اذنه : اي زين طلعت اسمع عدل ديربالج هاه
حور : شدعوا عزوووز انا حور حبيبتك تسوي فيني جذي
عزيز: ههههه يمه ي عيارتكمم يالحريم اخ منكم بس (وقرب منها ) انتي مو بس حبيبتي انتي قلبي كلله
وراح الحمام

البارت 34
......
بمطعم سوليدير
مبارك: شرايج ندش فيلم بعد العشا
عذاري تفكر : امممم ماقول لا ببس ابي باسكن اول شي
مبارك: ي حبج حق الباسكن كرهتيني فيه
عذاري : اااي مو حبيته عشاانك (وتحرك رموشها بسرعه)
مبارك : هههههه فديت انا ويني عنج من زمااان ووويني عنج
عذاري: منخشه هههه
ودق تلفون مبارك وباين انه وجهه انعفس وسكر الخط
عذاري: شفيك خرعتني
مبارك : لما اطلع اقولج
دفعوا الحساب وطلعوا
بسياره
مبارك : حمدد مسوي حادث ومعاه امي وعاليه
عذاري اخترعت : ي حسرت قلبي (قامت تبجي) عسى ماصار فيهم شيء
مبارك : عذاري لاتخرعيني بروحي مختبص الله يخليج
مبارك بلغ محمد يجي المستشفى بس ماقال شصاير
مبارك ومحمد وصولوا بنفس الوقت راحو قسم طوراى واسألوا عنهم
عند غرفة العمليات
دكتور يدخل ودكتور يطلع مو عارفين شيء
محمد شاف دكتور طلع وونادى الدكتور : دكتور الله يخليك طمني علا اهلي فيهم شيء
دككتور يطالع فيهم مايدري شيقول : والله حمد ليلحين بالعمليات ادعوا له
مبارك : وامي وعاليه
دكتور بتررد : اللي بقى براسكم
محمد : شقصصدك يعني انا امي قاعد معاه صبح مافيها شي
دكتور : ي خوي قدر الله وماشاء فعل هذا قضاء وقدر (و مايدري شيقول وراح بسرعه )
محمد نزل راسه وقام يبجي
مبارك ماكان قادر يتكلم قعد عالكرسي من صدمه ونزل راسه وقام يبجي بصمت عذاري نزلت له مسكت كتفه
عذاري بدموع : حبيبي (قل لن يصيبنا الا ماكتبه الله لنا )
مبارك ساكت مايرد منززل راسه ( مايبي عذاري تشوف ضعفه )
عذاري : مبارك الله يخليك عمري بحياتي ماشفتك جذي انت اقوى من جذي عندك خواتك محتاجين لك
مبارك بصوت مخنوق: شقوللهم اقولهم امي ماتتت ماقدر والله ماقدر ما اتحمل اشوفهم يبجون
عذاري : قول الحمدالله هذا طريق وكلنا ماشيين فيه
مبارك : الحمدالله
بعد ساعه وصل عزيز وكان اهو اكثر ايمان وهدوء وقام يهون عليهم وكل شوي يذكر الله
عزيز بهمس : اللهم لك الحمدالله حتى ترضى (غصبن عنه نزلت دمعته ومسحها ) الحمدالله علا كل حال
بعد نص ساعه طلع الدكتور وبلغهم انه حمد دش بغيبوبه وكسر بالحوض وايده اليمين ورجله اليسار مكسوره ورقبته مكسوره ومع رضوض (يعني حالته يرثى لها )
ماقدروا يدخلون عليه ممنوعه زياره
مبارك: دكتور بس بشوفه من بعيد
دكتور : صدقني حالته زينه بس انتوا الدعوه له و واذا دخلت احتمال يأثر عليه انا اوعدك باجر باذن الله اخليكم تدخلون عليه
اقتنعوا واستسلموا لأمر الواقع ورجعوا البيت
....
خلال ايام العزى
شهد وهيا منومين بالمستشفى معاهم انهيار عصبي حاد
ساره من صار اللي صارراحت بيت اهلها بنظرها هالاشياء تافها وسخيفه
فرح وجوري وحصه ( حصه من صار حادث المخيم زاد ايمانها بالله اللي صار اثر فيها حيل وبنظرها صارت الحياه مالها معنى ) كانوا قايمين بالعزا
حور وعذاري كانوا يتناوبون على هيا وشهد معاهم طول االوقت
شوق حابسه روحها بغرفتها ماتبي تشوف احد منيره اللي حبتها وتوقعت تبقى لها طول العمر بغمضت عين راحت
....
ثالث ايام العزا
9 بليل بعد ماراحوا الناس
دخلوا الشباب صاله
الشباب : السلاام عليكم
حصه وعذاري وحور وجوري وفرح : وعليكم سلام
مبارك : جوري وفرح رياجيلكم برى ينطرونكم
جوري وفرح : ان شاءالله وطلعوا
قعدوا بصاله
حصه : شلونكم اليوم ان شاءالله احسن
مبارك: الحمدالله على كل حال
حصه : اي والله قولوا الحمدالله
الكل: الحمدالله
عزيز : اللهم لاعتراض
محمد يتلفت جنه يدور احد
محمد: خالتي شوق وينها
حصه تضايقت : محمد لاتسألني عنها تفهم ولاتطري اسمها جدامي
مبارك: ولا جدامي لا اقوم اجرم فيها الحين
محمد: اي ليش شفيكم عليها مو تموتون فيها قبل
حصه : انت قلت قبل بس من خطبت لك وفرت راس منيرة وزوجتك ساره لا هي بنتي ولا اعرفها
محمد : الله كل هذا عشان دورت راحتي
حصه : انا زوجتها لك عشان تحميها مو عشان تاخذ عليها عدوتها واللخبله اللي شاركتك بهالشي
بالحظة مبارك طلع
ودق فونه
مبارك: الو
....: السلاام عليكم
مبارك: وعليكم السلام
...: معاك المحقق الـ ... ممكن تجي مخفر الــ...
مبارك: ليش عسى ماشر
... تعال واحنا نبلغك مافي الا كل خير
......
لما راح عرف من المحقق انه الحادث مقصود وسبب البريك معلق (احد قاصد يلعب بسياره تعبث بفرامل السياره )
بس الشخص مجهول محد يعرفه ولا قدروا يوصلون له ماترك له اي اثر وراءه وراح المستشفى يتطمن على خواته باين هم كبير عليه
دخل على هيا وقعد عند راسها واهو يمسح شعرها
هيا فتحت عيونها واهي متنفخه من كثر البجي
هيا : مبارك تفكى قولي اني احلم الله يخليك قولي حللم
مبارك : لاحول ولا قوة الا بالله هيا ي يبا هذا قضاء وقدر قولي الحمدالله
حور ماسكه نفسها : حبيبتي هذا طريق كلنا ماشيين فيها ادعي لهم يبون منج ادعاء موتبجين تبين تعذبينهم
هيا بدموع وتشهاق : لااء
حور : لاتبجين ادعي لهم حبيبتي
مبارك مسح دموعها
هيا : هاذي امي والله امي شفيك امي خلتني وراحت
وقامت تبجي
مبارك اخذها بحظنها
هيا لمت اخوها حيللل : لاتخلييني تكفى مبارك لاتخليني انت اكثر واحد متعلققه ففيه من خواني لاتخليني والله امو..
مبارك سكر فمها : لاتقولين جذي ي روح اخوج ماراح اخليج انا معاج طول العمر ان شاءالله
هيا بس تبجي
مبارك يمسح على ظهرها :بس يبا لاتبجين حبيبتي
بعد فتره هدت ونطرها لين تنام وراح شهد دخل
عذاري سكرت لقران ولفت عليه : هلاا مبارك
مبارك : هلاا حبيبتي ها بشريني عليها
عذاري : لا الحمدالله اليوم نامت طبيعي بدون مخدر خف بجيها اليوم قامت تقرى قران وتصلي لربها ارتاحت شوي
مبارك قعد عالكرسي :الحمدالله توقعت اهي اكثر وحده بتنهار واانا مو متحمل كلش
عذاري: شفيك فيك شي مبارك تكلم قول
مبارك بهم: الحادث طلع مقصود
عذاري تنحت: شقصدك.؟
مبارك :يعني في احد متعبث بفرامل سياره وقاصد الحادث بس لاسف ماترك له اثر بسيارة
عذاري دموعها تجمعت : اي ليش عاد شمسويه خالتي وعاليه
مبارك :الحادث مقصود لحمد اصلاا (بضيقه ) واللي زاد الطين بله دكتور توه قالي انه في مادة هيروين بدم حمد ويحاولون يعالجونه
عذاري شهقت : امبيه لا عاد الا حمد مستحيل
مبارك: انا نفسج مو مصدق بس جراح رفيجه يقول انه صار له فتره متغير عليه لدرجة انه يدق عليه يسد الخط بوجهه
عذاري: لاحول ولاقوة الا بالله ومتى دريت
مبارك: امس قالي الدكتور وبلغته انه ما ابي احد يدري بالموضوع ويتعالج بقرب وقت بس اللي قلت لج لايطلع برى
عذاري: ان شاءالله الله يشفيه ويقومه بسلاامه
مبارك: امين
شهد صحت من النوم
شهد ابتسمت :مبارك
مبارك ارتاح من شاف ابتسامتها : هلاا ابوي (وقام لها وقعد جنبها ) شخبارج اليوم ان شاءالله احسن
شهد :الحمدالله احسن
عذاري : ترى الدكتور بلغنا انه باجر يرخص شهد
مبارك :ماشي
...
بعد اسبوعين صحى حمد من الغيبوبه وانقلوا غرفة خاصه
عند حمد خوانه كانوا حوله
مبارك : الحمدالله عالسلااامه
محمد: شد حيلك ي بوحميد نبيك تقوم بسلاامه
عزيز: لا ان شاءالله طيب
حمد يهز راسه بس موقادر يتكلم يحس بألم فضيع عمر ماتخيل راح يكون عاجز ولاتخيل انه بيصير له جذي فجأه تذكر ربه وصلاته اسلوبه مع خواته وظل يبجي ويون مو قادر يتكمل بيذكر الله مايقدر ينطقها اشتاق لذكر رب العالمين ابن ادم ضعيف مايذكر ربه الا بأسوء حالاته يطالع بأخوانه اللي حوله مو ققادر يسوي شيء
دخل الدكتور بيفحص حمد طلعوا اخوانه برى
بعد فتره وصلوا شباب اثنين مغترين
...: السلام عليك
الكل: وعليكم اللسلام
...: معاكم المباحث وانا المحقق خالد
مبارك اخترع : عسى ماشر خير
خالد: ماشر ان شاءالله بس محتاجين نحقق مع حمد بخصوص اللحادثه اللي صارت له
عزيز: الشخص اللي سبب الحادث ماترك له اثر على السياره
خالد : لاسف مالقينه اي اثر له شكله حريف بهالسوالف عالعموم احنا نبي نحقق مع حمد اذا له اعداء
محمد: بس اخوي مايقدر يتكلم عاجز بس فتره بسيط ويرجع يتكلم
عزيز: بعدين توه طالع من العنايه
خالد: عالعموم احنا بنحط له حراسه لانه جريمة قتل مو حادث عادي
.....
بيت حصه
متجمعين لبنات
هيا وشهد وجوري وحور وفرح وعذاري
فرح طول الوقت سرحانه وتفكر
فرح وجوري لاعبه فيهم الوحام
حصه : بتروحون لحمد ترى طلع من العنايه
شهد : مادري خالتي
حصه : شنو ماتدرين اخوج هذا قوموا فيه اهو محتاج لكم مهما صار لاتخلونه عمر الظفر مايطلع من اللحم
هيا : خالتي انا اخاف اروح يطردنا ولا ميته واشوفه هذا اخوي (دمعت عيونه )
حصه : وانتي شهد
شهد :بروح له بس انتي معاي خالتي
حصه :خلااص من باجر نروح له واانا بسوي له شوربه مبارك يقول عايش علا المغذي مايبي ياكل شيء
حور: اهو درى بوفاة عاليه ووخالتي
حصه : لا والله ماقالوا له خل يقوم بسلامه اول بعدين نقول له
هيا : الله يستر انا خايفه عليه يصير شي فيه
شهد اخترعت :لا انشاءالله مو صاير الا الخير
الكل : امين
....
بيت منيره
بغرفة شوق
كانت مستلمتها ساره تعذيب وهالمره بخيزرانه شوق تعبت واهي تقاوم وين ماتروح تمسكها اخر شيء طاحت عالارض وتون من العوار وتبجي (ساره استغلت الوقت انه مافي احد واستلمتها بعد ربع ساعه طلعت ) وراحت الممر اللي بين قسم الضيوف والمطبخ واخره باب خلفي فتحته وقطت الخيزرانه برى وورد تاللقسم واهي تسمع صوت شوق تبجي ووتون من العوار عدلت شعرها وطلعت من القسم وقفت صوب الدرج
الا بدخلت محمد (انتبه لساره شكلها مو طبيعي وتبوسم وجهها معرق حيل جنه مكروفه )
ساره ارتبكت بس مابينت : هاه حمود وصلت
محمد يطالع فيها (اول مادخل شافها طالعه من القسم الضيوف ) : شفيج ؟
ساره : شفيني مافيني شيء
محمد: وليش رايحه قسم الضيوف
ساره : اي عادي كنت رايح الباب الخلفي اتمشى ورجعت
محمد: وجذي معرقه
ساره : شفيك اي وقبلها كنت اسوي رياضه
محمد: بعرف انتي شسالفتج كل ماشفتج معرقه جنج متسبحه تقولين لي اسوي رياضه
ساره بملل : اووووه عاد انا بروح اتسببح ومولازم ابرر لك وصعدت
محمد قعد بصاله وحاس بملل قام راح يشوف شوق من زمان ماشافها ولاتطمن عليها من فتره
طق باب الغرفه بس مافي احد يرد فتح الباب استغرب لقى الباب مفتوح مومثل العاده مقفل
ودخل لقى الليت طافي وسمع صوت شوق تبجي شغل الليت
شوق على السرير واهي لامه نفسها بالكمبل وتبججي بصراخ : لااااا تكفين الله يخليج تكفين لاتقربين صوبي تكففين
محمد صكر الباب وقعد على السرير وسحب الكمبل ووشوق تسحبه و مغطيه الكمبل على وجهها وسحبه بسرعه وانقزت وشوق والزقت بطوفه
....
عند فرح صعدت جناحها واهي تحس بضيقه حامل بشهر (الخامس )
بقلبه (منو هذا اللي يدز لي مسجات حب وغرام لو شافها ناصر يقلب الدنيا علي اه ي رب ارحمني )
شخص مجهول كان يدز لها مسجات بالواتس اب غراام وتهديد تقريبا اعرفت الشخص بس مو متأكده
(انا راجع لج حبيبتي ولهـان عليج )
(بيجيك وقتن تذكرني وتبكيني.. مايفيد دمعا على ماراح انهيته )
(احبـــــــج )
(يقولج ومابعد الهدوء الا العاصفه *_^)
(يهون عليج تخليني وتروحين لسحليه اللي عندج ) (ناصر عيونه عسليه ويسوي تان عشان جذي يسميه السحليه )
( ..كلمه و خليها في بالك اذا حطيت براسي شيء والله لجيبه )
( صحيح احبك بس كرامتي مايدوسها امثالك )
(احبج وخاطري بعذاابج ي ترى شنو اختار بسس اخاف البيبي يصير فيه شيء هههه)
عند فرح تبجي وخايفه من هالانسان المجهول ي ربي شسوي من اقوله
دق تلفونها وكان الرقم المجهول وظل يدق ويدق وفرح ماترد خايفه وصل لها مسج بس شنو هالمسجج هالمره
دزلها صورتها مفبركه (مصورها واهي بالمطبخ ووفبرك الصوره )وومقطع فيديو (مفبرك المقطع )
..: :شرايج ادزها ل نصورج , ردي احسن لج
فرح اخترعت ودق مره ثانيه وردت
فرح بصوت كله بجي : الو انت منو شتبي ي خي حرام عليك والله حراام اذا انت ماتخاف من الله انا اخاف منه
..: هههههههههههه مااهدج لو على موتي صج طلعت من السجن بس عادي ادخله مره ثاني ماعندي مشكله
فرح بصدمه :فــيــصــل

يهمني رايكم.. ^^
:")

ويتنق

روووعه ، بس ليش دايما شوق حزيينه حرام و الله اني اصيح علشانها 😭😭
و لو اتنزليين بارتات في اقرب وقت اذا قدرتي ☺️😍😍😍

ازين حددي الوقت اللي بتنزلين فيه البارتات لو سمحتي
ما اقدر اصبر 😔