ألف مبروك لأحلى هومي على أحلى ختاااااااااااااااااام
أنا جد سعيدة على النهاية الروعة للأبطال وفنفس الوقت كثير حزينة عفراقهم
بس راح أمني نفسي برواية جديدة من أناملك المبدعة بإذن الله
شكر كبييييييييييير وموااااااهاااااااات اكثيرة
مع حبي الخالص mary

مبروك علي النهايه الرائعه وشكرا علي المجهود المبذول امتعتينا بحق والسؤال الذي يطرح نفسه ماذا نفعل الاربعاء القادم

السلام عليكم رحمة الله ...


ألف مبروك يا ريمى ختام روايتك يا حبيبتى ... بجد ختام قمة فى الروعة ، عشت معاه لاقصى درجة واستمتعت بكل كلمة وهمسة فيه وحلقت معاه فى دنيا غير الدنيا خالص .... ربنا يزيدك تالق وابداع دايما يا حبيبتى يارب


سؤال بيطرح نفسه ... هو أنا بطيئه فى القراءة اوى كده !!!!!!!! أنا لسه مخلصة من ساعه بالضبط رغم انى موجوده من بداية التنزيل وغبت نص ساعة بس فى النص ... وافاجأ انه فيه ناس كاتبة ردود بعد ساعة واحدة !!!!!! طب ازاى ؟؟

يلا ماعلينا

نيجى بقى لأبطالنا الحلوين ونحاول نعمل الواجب معاهم كده قبل مانودعهم ..

نور وجاسر ... أولا نور تستحق وسااااام بل اوسمة بس على صبرها واحتمالها ومثابرتها مع جاسر وانها قدرت تتغلب على كل عقده دى واحدة ورا التانية .. مش عارفه اسميه وسام إيه ؟؟ هل وسام الصبر ... وسام الحب ... وسام العطاء ... وسام التفانى !!! تستحقها كلها بجد ... نور لما بتحب حد بتتحول لمقاتلة شرسة لاجل من تحب وماتحب .... شخصية ولا اروع بجد ... حبيتها لأقصى درجة ... هى المفضلة عندى فى كل البطلات رغم محبتى ليهم كلهم ..



" لم ينتظر أن يدله أحد على مكانها ، بل ساقته قوة مجهولة إلى حيث ترقد باستكانة غافلة عما يحدث حولها " لا والله يا عم الحاج ؟؟؟ كده أووووووووفر أوى يعنى .... ياعمى ارحم قلوب هنا مستنية نظرة بس منك ولا حتى بالغلط !!!

يا سلام عليكى يا ريمى ، حتى الدكاترة عندك فى الرواية غيييييير ... حلوة أوى اللفتة دى " فكرت أن بقاءها ليلة هنا سيجلب الزوج الغائب بشكل أسرع " دى دكتورة دى ولا مصلحة اجتماعية !!!


طبعا الثنائى الغير عادى نور وجاسر ، أكيد لازم يوم مايتواضعوا زى بقية خلق الله ويعترفوا بالحب لازم يكون فى مكان وزمان غير عادى طبعا ... أمال إيه ؟؟ يا بنتى احنا شعارنا نحن نتميز عن الآخرين !!


بس صراحة يا ريمى فاتتك دى فى التجهيز للحفلة ... كنا محتاجين عربيتين اسعاف عالاقل يابنتى ... طبعا انا كت مشغولة بمراقبة ايسو فماشفتش حاجة ، لكن واثقه انه مشهد الاعتراف النورسينى الجاسرى ده تسبب فى حالات اغماءات وهبوط حاد فى الدورة الدموية وربما ارتفاع ضغط بعضهم على حسب كل واحد وحالته .. مش عايزين خساير فى الارواح يابنتى !


آدم وهند ... أولا طبعا لفتته الرقيقة فى دعوتها للبس الحجاب كانت رائعة للغاية ... ثانيا امه والتغير الملحوظ فى علاقتها بابنها حاجة ولا اروع بجد ... نال جايزته أخيرا ، ومن كل النواحى ... سبحان الله " إنه من يتق ويصبر فإن الله لا يضيع أجر المحسنين "


ملك وكريم .... واااااااااااااااو كريم كان مميز لاقصى درجة فى حضوره لحفل خطوبته ... ومن هنا تنشأ الموضة يا سيدى !! هههههههههه يستاهل الصراحة ، وآدم ماشاء الله قام بالواجب زيادة ... يسلملى ذكائك يا دكتور ، بتلقطها وهى طايرة على طول ... حلوة التظبيطة دى بجد .


"بالنظر لكمية المدعوين هنا ، افكر جديا بإقامة حفل زفافنا على الطائرة فهو المكان الوحيد الذى يضمن بقاء كل هؤلاء بعيدا "

يا عينى عليكى يا ايسو يا حبيبتى !!! وقال محجوز محجوز محجوز قال ... ده الكابتن حتى مش هيسمحلك تحضرى فرحه أساسا !!! معلش يا حبيبتى .. ده احنا نجوزك سيد سيده ولا تزعلى يا قمرى



مصطفى وعنان ومفاجاة من العيار الثقيل ... كان لا يمكن اتخيلها ابدا ولا فى اجمل أحلام ، مما يضيف دليلا جديدا على ابداعك الغير عادى ريمى وتميزلك فى الافكار ... بجد تستحقى سبق ماشاء الله عليكى ... يعنى انه يتفق مع دور نشر عشان تنشر روايتها دى فى حد ذاتها مفاجاة ... لكن تقوليلى كمان بيستخدم روايتها كاسلوب فى معالجة المرضى .... لالالا كده كتير ... بجد ابهرتنى الفكرة لاقصى درجة ..

طبعا يا ريمى انتى طيبة لأقصى درجه ومش بتحبى تزعلى حد خالص .. عشان كده كان التواجد الحافل لاسرة عنان ورجوعهم لحياتها بعد الجفوة اللى حصلت بينهم فترة ... بس صراحة يا ريمى انا مش قادره اسامحهم بسهولة .. مش لشخصهم هما نفسهم لأنهم مجرد بشر ممكن يخطئوا ونلتمسلهم العذر ونسامحهم لما يرجعوا عن الخطأ .. لكن لأنهم بيمثلوا شريحة موجودة بكثرة فى مجتمعاتنا للأسف .. بكرههم لأقصى درجة وبتمنى زوالهم .. ناس قلوبهم مليانة أنانية وبيدوا نفسهم الحق انهم يوجهوا الاتهام لأيا كان وكأنهم هم معصومين عن الخطأ .. كائنات بتسمح لنفسها بالانتقام من الضحية والامعان فى التنكيل بها وفاكرين ان دى رجوله وشهامه .. ناس بتعمل حساب المجتمع واللى الناس هيقولوه عليهم اكتر مابيعملوا حساب للحرام والحلال وإيه الصح وإيه الغلط ... ماشاء الله أول ناس موجودة معاها فى السراء تشاركها نجاحاتها ومجدها وتألقها ، لكن مع أول كبوة هم أول من يتخلى عنها ويسنوا سكاكينهم عليها !!!


يااااااااااسلام ... رحمه وتألقها فى لحظات الولاده ... ههههههههههههه عصام أنا أكرهك فى هذه اللحظة .... يا شيخة اتقى الله الراجل هيروح منك من كتر عمايلك فيه .... وااااااااااااااااااااااااوو توأم .. ماشاء الله اللهم بارك ... لا عندك حق تعملى كده وزيادة ..
أما عصام فربنا بيخلص حق سارة منه ... وفى نفس الميعاد !!!

اوووووووووووه لا نور بجد هى اللى هتجيب لجاسر سكتة قلبية .. مش عارفه بتجيب نكهات الشيكولاته العجيبة دى منين !!! هى بتخترعها ؟!!! الحمد لله انى كلت نصيبى من الشيكولاته والتورتة فى الحفلة قبل ماترجعلها شهيتها !!!

************

هنا على حافة الأفق حيث لا يوجد مستحيل
حيث لا كلل
حيث لا حزن
حيث لا ظلام
حيث لا خوف .

ايوه كده تمام ... صراحة كنت عايزه اقولك انك من كتر الابداع فى الرواية وحرصك انك تطلعى الكل مبسوط من غير اى شائبة تكدر حياتهم ، هتخلينا كده نتمرد على حياتنا

بس صح كده ... الكلام ده فى الأفق بس مش فى الواقع ... وهاقد عدنا إلى قواعدنا سالمين

ماشاء الله الخاطرة ابداع يا أم البنات ومعبرة عن الرواية بدرجة غير عادية ... تسلم ايدك ومانتحرم من ابداعاتك يا قمرايه .

وكلمة النهاية أكثر من رائعة ريمى حبيبتى ... تسلميلنا دايما حبيبتى لتجددى الأمل فى قلوبنا انه الحياة ممكن تكون افضل يوما ما ، وتحمسينا دايما لنتمرد على التقاليد والسكون والجمود ونسعى للحياة والحركة والتغيير ..

شكرا ألف شكر حبيبتى بقدر ما اسعدتينا وامتعتينا ... شكرا بقدر الفائدة اللى خرجنا بيها من روايتك الهادفة كالعادة

شكرا ليكى بحد السماء يا أحلى ريهام فى الكون

سلامات ياقمر .

الذين يشاهدون محتوى الموضوع الآن : 56 ( الأعضاء 56 والزوار 0)
‏ريماس مصطفى, ‏سماالحب, ‏سراديب النسيان, ‏منى عزي 1, ‏samin2000, ‏elizabithbenet, ‏منو77, ‏nadia massa, ‏الحب الوحيد, ‏عيون السحر, ‏*moonlight*, ‏sunsat, ‏دكتوره سمسمه, ‏اميرة العصر, ‏رب انعمت فزد, ‏dodo 25, ‏hebahamed, ‏métallurgier, ‏جهاد الروح, ‏sara1411, ‏حزينة جدا+, ‏ايمى مشعل, ‏set abooha, ‏منه ايمن, ‏يوشتي, ‏زهرة الفلامنجو, ‏vida.rose, ‏هنودة22, ‏blackorchid, ‏مها هشام, ‏رناتي كوم+, ‏لست أدرى+, ‏زهره النار, ‏sweetsallo1, ‏nsns.mo, ‏قدس محمد, ‏fadi azar, ‏الزهرة الندية, ‏red moon, ‏ساحل المحيط, ‏hebaselawi, ‏رانيتا, ‏ملك خالد, ‏عشـق القــمر+, ‏m3nno, ‏الساحره الصغيره, ‏سوسو توتو, ‏shomokh, ‏مسززفيتا, ‏ساحرات, ‏غرام الدانتيلا, ‏emtalal, ‏دريشة, ‏ماما ميري


منورين يا احلى متابعي الافق