الله يسعدك ي شيخه ويوفقك بأختباراتك أحلى مفاجأه من اجممل كاتبه

ياليت فياض يطلقها ثم الشياب يوفوون بحلفهم ويزوجونها بصبي
أكيد فياض يعرف بقصه عمتها
فمتوقع نفس النتيجه لأنه يعرف تفكير الشياب

الا قهههر الرجــال ..الله يكون بالعون ..النبي أمرنا بالاستعاذه من قهر الرجال

لك تحيتي وكامل شكري لكك مشاعل

يالله قديش وجعلي قلبي على كايد [emoji174]

السلام عليكم تقبلونى متابعة معاكم للرواية الرائعة والكاتبة الاروع
عزيزتى مشاعل بعد قراءة روايتك العشق انفى للعشق عجبنى اسلوبكجدا فبحثت عن روايات اخرى لك وقرأت هن لباس لكم ولمحت سهيل فى عرض الجنوب صراحة اسلوبك روعة ووصفك لمشاعر ابطالك يجعلنى اشعر بانى جزء من الاحداث على الرغم من صعوبة اللهجة احيانا بالنسبة لى واختلاف مجتمعى عن رواياتك الا ان احساسي بصدق مشاعر ابطالك وحلو اسلوبك جعلنى اندمج بسهولة فى الاحداث وكانت فرصة رائعة لاتعرف على مجتمعات عربية اخرى تحمل رائحة التراث العربي البدوى
شكرا لكى جدا مشاعل وفى انتظار الجديد

مساء الخير ... يسلمو على البارت شعولة وموفقة بأختباراتك ... بصراحة بالرغم من ان البارت كشف شوي من الماضي لكن في مواقف ماقدرت ابلعها مهما كان الغرض منها

عذبى وفياض وكايد

عرفنا شوي من البيئة الي تربت فيها عذبى من البارتات السابقة ومن قسوة الاب والعمام وعرفنا ان ابوها مازال عايش .. وظروف زواجها مثل اغلب البنات الي رجال عيلتهم متحجرين وهي كانت بنت صغيرة ماعندها اي ادراك

لكن اللوم على فياض لانه مايفرق بالي سواه عن ابوها واعمامها بجد كرهته لو تزوجت عذبى صبي عمها احسن من هالفياض في رجال عنده حمية وغيرة يربط نفسه بحرمة وهو متخيلها لرجل غريب عنها ؟؟؟

وبعدين كيف بيزوجها لكايد لو مثلا طلقها وغرضه من زواجه يخليها لهالكايد ضامن ابوها يوافق ولا بيسوي فيها الشيخ الي كلمته مسموعة والاهم عذبى ورايها يعني بالاول تنغصب عليه والحين بيجبرها على كايد العلم والشهادة الي ماخذها مااشوف تفرق عن عقلية غيره هو خطط من كيفه وحكم ان عذبى تنحرم من العيشة كزوجة طبيعية الين يقرر هو يطلقها يعني زواجه من الاول كان بنية الطلاق واعتقد هالشئ مايجوز شرعا

لكن عذبى الي نعرفها في الوقت الحالي انسانة واعية وفاهمة ليش ساكتة لفياض وظلمه بأي حق يقرر عنها حياتها ومستقبلها كل الي قدمه مايسوى شئ قدام انوثتها الي انطعنت ليلة زواجها ولا سنين شبابها الي راحت ضامن هو او كايد انها بتعيش حياة اطول تعوض الي راح

موقف الطالب العماني ماعجبني نظراته لها المفروض عذبى بما انها متعودة على الاختلاط تكون حازمة ولاتعطي مجال لاي شخص يتجاوز حدوده معاها سواء كانت متزوجة او غيره هي جاية للدراسة لازم هالشئ يكون واضح لاي شخص


وموقفها مع كايد جد مااستسغته بأي حق كايد يمسكها ؟؟ ويمسك شعرها وهو رجل اجنبي عنها والمصيبة يبوسها يعني فياض يحرم الحلال على كيفه وخويه يحلل الحرام وكأنها زوجته يمسكها وياخذ راحته الظاهر الغربة نستهم ان في رب يراقبهم بصراحة لافياض ولا كايد فيهم حمية اذا كان كايد قريب لعذبى لذلك يعرفها المفروض يكون اكثر حرص من غيره لكن واضح ان الاثنين تناسو عادات بلدهم ولأي دين ينتمو

وحتى دخوله لغرفة كادي بدون استأذان وهو عارف انها بنت مسلمة هل كان يضمن اذا هي متحجبة ومستعدة لدخوله او لا تصرفه غلط وغير مقبول يدرعم على كيفه حتى ماخلى ممرضة تسبقه تشوف الوضع كونهم في بلد اجنبي مايعني ان الاشياء المحرمة بالسعودية حلال في بلد ثاني

وكادي الي كل مرة تشوف كايد فيها ماغير تتغزل بجماله وماهمها الا هالشئ يعني هي جاية تتعالج فترة معينة وترجع موجاية تقيم جمال الرجال وتغير الشكل من فترة لفترة

اعتقد في النهاية كايد بيموت وفياض بيعرف ان عذبى مكتوبه له ومايقدر يغير مشيئة ربه مهما فكر وحاول موحلوة 11 سنة مربوطة بأسمه يجي يستبدلها مع صديقه كأنها قطعة جماد مالها حقوق


اعتذر اذا صراحتي يمكن تضايقك بس هالاشياء مانقدر نتغاضى عنها في حدود وشرع كبرنا وتربينا عليه المفروض مايندثر بين سطور رواياتنا الي تمثل مجتمعنا الحلال يظل حلال والحرام حرام مانقدر نجمله ولانزينه لاي غرض والرواية تمثل مجتمع الكاتبة واصالته الي تسعى توصلها للمجتمعات الثانية بصورته الصحيحة

يعطيك العافية