لا يكون بيأخذ الغره لثلاب هو نظرته لسلطانه كانت احتقار يمكن بيقهرها لا تطولين مافينا صبر نبي نعرف وش بيصير

السلام عليكم

ابدعتي مشاعل

الغره هي عادة عند البدو بتزويج احدى بنات القاتل او اخواته

لاحد افراد القتيل. لتعويضهم عن القتيل

وعادة تعامل بمهانه وكره حتى تنجب طفل وعادة تعود لأهلها
بعد اخذ الطفل منها ...

يالهههههههوي اللحين لتصيرر الغره لثلاب ليشششش؟؟؟الله يستررر عساه يبتلي فيهااا جساررر نطلع عيوونه الثنتين....والا فياااض الصنم ذذ ماارحم الا عذبى راح عمرره عليه ليته يطلقه وتلقى اللي يحبه ويحترمه وهذا المرووح جسار ووش هالفكره اللي طرت عليه يب يقولون خذه انت...

صباح الخيرات .. صباح جميل كجمال حروف كاتبتنا المبدعة ... مازالت الاحداث ببدايتها ومازالت الشخصيات متخبطة بالماضي والحاضر

ثلاب وسلطانة

بداية للتقارب وللتعارف فيما بينهم هي تحتاج لرجل يرجع لها ثقتها الي فقدتها بسبب ماضيها وهو محتاج الي تعوضه قحط امه الي اثبتت انها تحمل من القساوة الكثير وهمها تنفيد رغباتها

اتمنى سلطانة تعوض ثلاب وتعطيه الحلول وقت الي يحتاجها اعتقد انها تملك العقل والرزانة وهو اكتشف ذكائها بجلسة بسيطة

اعتقد بعد رجوعهم هذا اذا ماتطور الوضع وتأخرو راح يرجع رجل مختلف بطلبات مختلفة ونظرة مختلفة والله يعينهم على تدخلات العجوز اعتقد هي بتكون مصدر الازعاج الدائم بحياة الكل


فياض وعذبى

الكل حط ان سبب سكوت عذبى الدراسة والمستوى التعليمي وانا مااتوقع هالشئ مستحيل عذبى تضيع 11 سنة من عمرها علشان شهادة مابتعوضها الي راح ولا بتكون رفيقتها لو راحت صحتها ولا بتحسسها بالكمال في انوثتها ولا بتغطي على غريزة الامومة

عذبى صرحت ان سبب صبرها ذكرى جميلة من بعدها كان هجران طويل يعني احتمال ان عذبى عاشت كأنثى وكزوجة لحد الان هي ماصرحت انها بنت او لا ؟؟

لكن حتى لو في ذكرى جميلة المفروض تستخدم اسلحتها كأنثى وماتصبر كل هالمدة لانه سكوتها مابيغير وضعها

اعتقد هي وحدة من الاثنين حتى تثور عذبى وتصحى من غفلتها اما معرفتها ان قلب فياض عاشق لغيرها رغم موت هالانثى او اصرار العجوز انها تزوج فياض للذرية فكرة وجود زوجة غيرها وهي مركونة في الزاوية 11 سنة مستحيل تقابلها عذبى بهالبرود

فياض مين يكون ؟؟ ايش تفكيره اذا ثلاب فقد الحنان من سنين فأكيد فياض نفس الشئ ننتظر ظهوره للعلن حتى نتعرف شوي على اسراره


العجيز

مابسميها ام ثلاب لانها ماتستحق هالاسم قلبها اسود همها تخاريف عقلها والتحكم في الناس اتمنى انتقامها يرجع ضدها طلب جسار اعتقد انه يكون له زوجة من بنات علي حتى تنجب بدل الي قتلهم هو والغرض اكد يذوقهم نفس قهر الجدة لكن لو تخميني صحيح اتمنى بنت علي تاخذ قلب جسار وبكذا العجيز ماتنال الي براسها

ماادري الثار والاحقاد بترجع عيالها ولا كيف .. كيف تشوف ثلاب شيخ وهي حرقت قلبه على بكره ولامهتمة عايشة حياتها بالطول والعرض الناس تتمنى حسن الخاتمة وهذي تركض ورى شئ لاديننا ولا ربنا يرضى فيه اما رضت بالقصاص مثل ماحكم الشرع ولا قلعتها ضامنة ربها ماياخذ روح جسار بسبب عقلها المخرف

الناس تدور راحة عيالها لكن هذي تدور راحتها هي اخر همها راحة ثلاب وفياض والدليل طول هالسنين كل واحد عايش حياة كئيبة وهي ولا حركت ساكن الدنيا دوارة وجاسر مابيضل على ماهو

العشق الي بيدخل قلبه اقوى من كل مشاعره لجدته وهي الي اختارت تتحمل اعتقد جسار جنى على حاله في انثى بتكسر راسه وراس جدته وبتعلمهم كيف يكون الثار اتمنى جد يكون في انثى قوية ماتهتز لاي شخص وتعرف تقلب موازين هالجسار وبنشوف هالحب الي براسه ينطحن او لا


يمكن بعد المقصد هو الولد الي توه مولود بغية انهم يحرقو قلب علي الي طول هالسنين ينتظر الولد لكن اعتقد بيكون البديل زوجة لجسار ومابتكون اي زوجة


في انتظار البارت القادم على نار

الغرة بتصير من نصيب جويسر لان لو تزوجها ثلاب مابيذلها ولا بيوجعها والعجيز مفكرة انها بتذل بنت الناس لكن هالبنت بتاخذ قلب جويسر الي العشق بيطغى على الافكار المصدية براسه لو تزوجها ثلاب مابتستفيد عجوز النار خصوصا هي متفاخرة بسلطانة كزوجة للشيخ مابتكسرها وهي تبغي العيال منها