لمشاكل التسجيل ودخول المنتدى يرجى مراسلتنا على الايميل [email protected]





|[ فعاليات منتديات ليلاس]|

.:: الفعالية 1 ::.

.:: الفعالية 2 ::.

.:: الفعالية 3 ::.

.:: الفعالية 4 ::.

.:: الفعالية 5 ::.

.:: الفعالية 6 ::.



العودة   منتديات ليلاس > قسم الارشيف والمواضيع القديمة > الارشيف
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

الارشيف يحتوي على مواضيع قديمة او مواضيع مكررة او محتوى روابط غير عاملة لقدمها


 
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 29-11-12, 03:17 AM   المشاركة رقم: 21
المعلومات
الكاتب:
اللقب:

البيانات
التسجيل: Nov 2012
العضوية: 248153
المشاركات: 33
الجنس أنثى
معدل التقييم: al9'bi عضو بحاجه الى تحسين وضعه
نقاط التقييم: 32

االدولة
البلدUnited Arab Emirates
 
مدونتي

 

الإتصالات
الحالة:
al9'bi غير متواجد حالياً
وسائل الإتصال:

كاتب الموضوع : al9'bi المنتدى : الارشيف
افتراضي رد: روايتي ( من غلاك أنسى الجروح المهلكه )

 

البارت السابع (7)


ان قلت مابيك....لاتبعد وكلمني
والله مقدر اعيش العمر من دونك
ان شفتني ظايق ...ارخ الصوت وافهمني
بس قل ..حاضر وحاولبي على هونك
بالعقل وقت الزعل مالله ملهمني
مجنون خلقه وكيف ان صرت مجنونك
ان رحت عني بقول الله يرحمني
والله اني طيب ومت بسبة اطعونك
ماتعرف الي يبيك ارجوك علمني
والله والله يموت لخاطر اعيونك
لاتقول احبك اذا به ناس واحشمني
اخاف بلسانهم عندي يطرونك
ان قلت كذاب عزالله تظلمني
كله على شان خوفي الناس يذونك
وان كاني اخطيت جعل الله يعصمني
بس الوكاد اني لو اخطيت ماخونك
يابلسم الروح بس اشوي بلسمني
لامن تبسمت تكفي ضحكت اسنونك
ارجوك في ميزة التجوال عممني
بضيع بالحب لامن صرت مفتونك
وان قلت مابيك .........اخذ اشوي......وازهمني
اقول لبيـــــــــه...والا اقول.......ياعونـــــــــك

إبداع*

( عبد الكريم الجباري )


بعد أيام*


زايد أمس قهرني صاير يتمادى بكلامه ، و يطالبني كل يوم أكلمه بعد ما قلت له شكثر احبه و هو ناشب في حلقي يبني يومياً اكلمه بما أنه مو بسهوله يقدر يكلمني*
لان الجوال اللي معه مشترك بينه و بين اللي معه في المهجع و مو بسهولة يقدرون يدبرون لهم رصيد ، و بصراحه آنا إنسانه مزاجية و ملوله و أحس أني مليت من أني كل يوم ادق عليه و نطول بالسوالف ، حتى مها صارت تتذمر مني لأني الطعها عند باب الغرف أخليها تستنى برا تراقب لي الاوضاع ،

و هادي فديته جاب مرته و بنته (موزة )اللي م كملت شهر من أنولدت ي ناسي عليه ودي آكلها تو أجرب شعور العمه خصوصاً ان زوجته اللي هي بنت عمي (سميرة) قعدت اغلب فترة النفاس عند أهلها*
نزلت موزه في حضن امها بعد ما بستها*

و التفت لهادي و قلت له : تتربى بعزك و الله يجعلها عبدة صالحة*
ابتسم لي بكل حب : اللهم آمين ،، ادعي ربك تصير مثلك بعقلك الكبير و أخلاقك و دينك ،، اذا طلعت مثلك أنا وش ابي اكثر من كذا*

تربكني نظرة اخوي هادي الواثقة اكره نفسي لأني استغفلته بمكالماتي لزايد من وراه ، و انا والله م صرت أكلمه إلا بعد ما دخل السجن ، كلمته مره اول ما دخل عشان اطمنة اني ببقى احبة و ببقى على وعدي لين يطلع و نتزوج ، بس اصر اني اكلمه دايم يقول ان صوتي يريحة من بين جدران السجن ، بس انا والله مو راضية عن نفسي ولا باللي أنا أسويه ، بس وش اسوي صوته و هو يترجاني اظل اكلمه يتعبني و يضعفني كثيييير ،،*

تقهويت شوي معهم و مشيت لغرفتي ، دخلت لقيت مها قاعده ع جوالها ، شافت وجهي المتضايق و
قالت : أموله شفيك ليه متضايقه ؟*
زفرت بضيق بعدها قلت : مها أنا دايم اتهرب من اني اطالع ابوي و هادي و احط عيني بعينهم و انا اغشهم و اكلم زايد من وراهم ، و اليوم هادي يقولي يبي بنته تطلع مثلي ، بصراحه كرهت نفسي اني مستغفلته !

مها قالت بحكمه : هو اللي تسوينه أكيد غلط و م فيه شك ،، بس أنتي تقدرين توقفين هالغلط و بايدك الحل ، ارسلي رساله لزايد و قوليله انك خلاص م راح ترجعين تكلمينه و لا تكذبين عليه و تقولين له اسباب واهيه لا قوليله الحقيقه ، و انك تعبتي من استغفال ابوي و اخوي*

رفعت عيني لها و انا منزله راسي : و اذا زعل ؟!*

قالت باندفاع : جعله يزعل ، بقريح !!*

تنهدت بتعب و قلت : طيب كذا بيحسب اني م عاد ابيه و اني تخليت عنه ..

مها : طيب سؤال ، أنتي بتوافقين لو جاك واحد احسن من زايد الف مره يخطبك*

قلت باندفاع : جاني من قبل واجد و رديتهم و برد اللي بيجون بعد*

مها : ايوا هذا هو ! ، انتي كذا و لا كذا م راح توافقين على احد غير زايد ، يعني ان ظليتي تكلمينه او لا ، انتي فكل الحالات رافضه كل الخطاب ، فليش تكلمينه ؟!*

قلت باقتناع : كلامك صحيح ، يعني حتى لو ظن اني بتركه و تخليت عنه ، لا طلع ان شاء الله بيلقاني قدامه انتظره عكس ظنه*

ابتسمت و قالت : اجل خلاص ارسلي له رساله و قوليله انك مراح تدقين عليه مرة ثانيه و ان ازعجك باتصالاته ، قفلي جوالك كم يوم لين يمل هو و لا طلعي لك رقم ثاني و افتكي*

ابتسمت ع فكرة مها اللي ناسبتني ، صحيح انا احبه و ابيه و متمسكه فيه بس انا مليت من هالوضع و ابوي و اخوي اهم عندي مليون مره من زايد ، تعبت و انا احس بنفسي اخون ثقتهم فيني ، أكيد بشتااق له بس خلاص انا لازم احط حد لهالشيء ...


.
.
.
.

اليوم آخر يوم امتحانات لي ،

اليوم بودّع صديقاتي اللي عشت معهم عمر و كبرنا مع بعض
صاروا قراب مني مثل قرب صباح و أمل و مها لي ...

بعد اليوم ببدا بمرحلة جديده في حياتي *..

بانقل للسعودية إن شاء الله إذا قبلتني الجامعة هناك و ادرس*

بخلي أهلي فديتهم مدري كيف بيقوى قلبي .. أنا إنسانة متعلقة بأمي بشكل فضيع*

ههههه اتذكر عمي ابو نايف لما يقول لأمي " بنتك هذي إذا متي م اتوقع تعيش بعدك من كثر ما هي متعلقة فيك "*
بسم الله عليها فديت قلبها و الله انه صادق ... اموت لو صار فيها شي بسم الله عليها*
لا والحين بفارقها و باسكن فالسعودية و الله كل م تذكرت هالشي تغصني العبرة .. حتى أمي تتجنب نذكر هالموضوع دايم اشوف الدمع يلمع بعينها و هي تعانده م يطلع لما نجيب طاري دراستي ... ي جعلني فدوه ي يمه*

صحيت من أفكاري على امي و هي تجلس جنبي ع الكرسي*

أم تميم : م جا الباص ؟*
التفت لها بتملل : لا م جا ، يمه شكله موهوب *جاي شكله يحسبي من الاعداديه اللي خلصوا امس ، عشاني قصيرة ، وش اسوي ؟!*
ضحكت امي علي ، و بعدها قالت : وش يسوي فيك ، المسكين *يحسبك بنت سادس *
قلت و انا أمثل الزعل :سادس مرة وحده !! الحين أنتو الواثق من نفسه ، تخلونه غصب يحس بنقص ، أي عادي شفيها انا قصيرونه و ضعيفونه ، خلقه ربي ، بعدين من أمي و من أبوي ، بالله من وين أجيب الطول يعني ؟!
أمي بتحسر : والله لو أن الطول يشرى كان شريته ..
ضحكت ع أمي اللي تتمنى تطول : تدرين يمه ، م عمري تمنيت هالشي ، مدري ليه ، يمكن لأن الابلات مع أني مطلعه عيونهم إلا أنهم يحبوني و يدلعوني ، يقولون لأني (كتكوته).. بس أبله صفيه جعل مابه صفيه تناديني (شبر ونص) !!
ضحكت أمي علي ووقفت و هي تمسك الجلال و تلفه ع وجهها : هذاتس بتفتكين منها اليوم ، انا بروح أشوف أحد من العيال فالمجلس عشان يوصلك ..*
قلت باستغراب : ليه هم جاو من دبي*
أمي : الحمدلله و الشكر انتي وين عايشه امس وصلو بعد صلاة العشاء*

شفت امي و هي تعطيني ظهرها متجها للمجلس*

ي رب ي رب ي رب م يكون هالغثيث واعي ي رب بندر هو الواعي ، عبدالله استحي منه مع ان له معزه خاصه في قلبي هالولد سمح حليلة و تحس أن قلبه قطعه بيضاء ، حتى بندر و الله آنه حليو*
أصلا أكثر واحد أتجرأ معه هو بندر غيرة لاء ،،*
و الغثيث حميدان ذا م كنت اقابله واجد يوم أني صغيرة لأنه يروح مع اهله كل صيفيه يتمشون زي الطايف و ابها و مكه و يقعدون اغلب الصيفيه هناك ، و تغطيت ولا اذكر لي مواقف معه*

*عشان كذا علاقتي معه مو مرة مثل بندر او حتى عبدالله بس كنت احترمه و احسه جنتل مان بس عقب م تطنز علي بصراحه فقع كبدي ، انا بموضوع التحاليل اكره احد يتطنز علي لأني م اقول الا الصدق أنا أكره المستشفيات و ريحتها و الانتظار الطويل ، و اللي أقوله كذا يقعد يتفلسف علي يقول لا انتي خيافه من الابرة*
وش خايف من الابرة بزر انا بزر !!*

شفت امي مقبله علي و هي تقول بصوت عالي : يلا ي العنود لقيتهم كلهم واعيين ، امشي بندر بيوديك*
ابتسمت بفرح: زين الحمدلله
*و شليت اغراضي و تغطيت عدل و مشيت باتجاه بوابه البيت*
شفتهم ثلاثتهم واقفين عند سيارة بندر مو منتبهين لي و يسولفون*

حمد *:دقيت ع سالم شفته وصل ولا لا ؟*
بندر : اي كلمته ،وصل و طمني عن ابوه الحمدلله بس ارتفاع *في السكر و ان شاء الله م عليه شر ، و حنا بعد لازم نمشي اليوم اجازتي بتخلص بعد بكره انا*

عند انتهاء كلمت بندر وصلت انا و سلمت عليهم بانحراج : السلام عليكم ..*
كلهم ردوا السلام*
بندر : اخبارك ي العنود ؟*
قلت و انا منزله راسي : بخير الحمدلله و انت شخبارك ؟*
بندر : بخير الحمدلله ، ترى عواطف موصيتني اذا قابلتك أوصلك سلامها تقولك انها مشتاقه لك*
ابتسمت من تحت الغطا : فديتها ، الله يسلمك وياها من الشر والله حتى انا مشتاقه و للبنات*
عبدالله : كم يوم باقي لك ؟*
قلت بحماس : اليوم آخر يوم*
عبدالله: أشوف معك حاسبه ، رياضيات صح ؟!*
ابتسمت وقلت : صح
ابو الهول اللي احرقني و هو يطالعني مع ان ما من شي طالع مني .. تكلم و هي يتبوسم : عاد الرياضيات انا ميح فيها*
قلت بمكر : عاد انا اعلى درجه عندي هي الرياضيات من حبي لها !

شفت نظرته و وجهه الغاضب و حسيت انه يغلي مني قهر ، بس يستاهل !!
م انكر اني خفت منه شوي بس مثلت انه م همني*
وش له يقزني ي مال العمى ،،امحق ولد عم !!

بندر باستامه : ما شاء الله عليك للحين دافورة ..يلا مشينا *
*
قلت : يلا تأخرت خويتي تبيني اراجع لها .. قبل ندخل الامتحان

.
.
.

وش يفتق *الصدر ويزيد *بتنهّاته ؟*
غير الذي *سارقٍ *قلبك *ولا عوّد /*

يا سارق القلب تكفى طالبك هاته •
ارجوك *ردّه *ورد الروح يا معوّد~



قلت بارتباك : بندر و العيال متى بيجون ؟*
عواطف : بكرة إن شاء الله ..
قلت : طيب دقي ع روان قوليلها امي كلمت ابوي و هو موافق ..*
عواطف بفرح و هي تحضني : احلفففي ، ي فديتك ي صبوحه ، مبروك ي قلبي*
قلت و انا ابعدها عني : توفي ووجع خنقتيني وخري ي الدفشه*
عواطف و هي ماده بوزها تمثل الزعل : افا من الحين عفتيني ، بكرة لا رحتي الظهران وش بتسوين بعد ، أخاف لا جيتس اسلم رفستيني بعيد ، ايا الجاحده ..*

كنت ماسكه ضحكتي و انا اشوف الخبله تمثل الزعل ،
بس قطع حديثها دخول ( اللولو )*

اللولو باستغراب : من اللي بيروح الظهران*
وقفنا نسلم ع اللولو بنت عمي*
و عواطف جاوبتها بارتباك : هلا اللولو متى جيتي*
اللولو : تو دخلت ، م قلتي لي من بيروح الظهران*
عواطف بكذب : صباح بتروح لمجمع الظهران و تحرني*
اللولو : أها ، طيب أمي وين ؟*
عواطف : تو قبل تجين دخلت تبدل توها جايه من بيت جارتنا ام احمد ..*

م ان طلعت اللولو حتى التفت لعواطف و مسكتها من ذراعها*
و قلت : ليش كذبتي ع اللولو ؟*
طالعتني بخوف : وش تبيني اسوي و الله ان درت ان تشب حريقه بينها و بين موضي ..*
رفعت حاجبي باستغراب ،،و قلت : تشب حريقة ، ليه حنا مسوين شي غلط ؟!*
عواطف و هي تفلت يدها من يدي : وجع عورتيني ، موضي منبهه علينا م نعلم احد ، اصلا هي بغت تذبح روان لما درت انها علمتني بالموضوع ، م تبي الموضوع ينتشر الحين ، تعرفين اللولو و احلام يحسبون ان بندر يبيك و ماخذين مقلب كل م شافوك ينادونك مرت اخوي و مرت اخوي ، و اخوهم م جاب طاريك و لا قال ابيها ، و موضي تبي تفهمهم ع رواق بعدين لما تضمن موافقتك على متعب ... عشان م يعترضون ... فهمتي !!*

قلت بخوف : اخاف تصير مشاكل حنا في غنى عنها ،، تعرفين اللولو انتي ينخاف منها ، اخاف تنبه بندر و تصير مشاكل بين بندر و متعب ...*

عواطف تحرك يدها بعدم مبالاة : لا شدعوى .. ههههههه اصلا هي م راح تسوي شي غير انها بتشيش احلام و احلام بتقط كم كلمه ع موضي و ينتهي الموضوع ،،، و بندر مستحيل يتناشب مع متعب عشانك ، هو ولد اخته وش بيقوله .. اصلا هو م قد جاب طاري انه يبيك .. لا تخافين*

سكت م رديت ع عواطف ، الموضوع فيه مشاكل و بندر طلع م يدري بالاساس عن خطبة متعب لي *، و الله أنا مو خايفه إلا من الحية اللولو ، و لا أحلام قلبها طيب يمكن فالبدايه تعصب شوي ، بس بعدين بتسكت لأن م عندها إلا لسان ، أما اللولو ينخاف منها ، ينخاف منها ...*

.
.
.
.

*ليتك تعرف تخون *وأقول:..[ خني ]
على الأقل ألقى سبب *وأتنآسآك

وليت الزمن فـ محبتك *مآ خذلني
وليت الهجر من طيب خآطرك ورضآك


*

----: آآآآه ي بطني آآآه*

نوف بعصبيه من حالتي : نوري قووومي روحي المستشفى حالك ذا م ينسكت عليه شوفي حتى بطنك منتفخه*

قلت و انا متكورة ع نفسي في سريري و ماكه بطني : وش تبيني اسوي يعني ، هذا الألم معي من ثالث ثنوي عادي التهاب خفيف يروح و يجي ، و اكيد النفسيه لاعبه دور هالمره بعد*

نوف بعصبيه أكبر : ي غبية حالك م ينسكت عليه تبين يجيك التهاب حاد و عاد وش يرقعك وقتها ، وبعدين انا اول مره اشوفك بهالحاله اكيد في شي ، قومي بس صحتك أغلى م عندك*

قلت بملل : طيب خلاص روحي شوفي سند موجود خل يوديني .. سند مو سعيد !*

قالت و هي معطتني ظهرها طالعه من الغرفه : اصلا سعيد فالدوام الحين ، و سند في غرفته توه دخل شفته ...*


م أبي أقابل سعيد أنا من دريت انه رافض يزوجني لفلاح و انا مو طايقة اشوف وجهه ،*
ليه رافض هو بعد*
ليه يصير عقبة زايدة ؟!*
م يكفي رفض عمي ابو فلاح ؟!*
هو م يخاف من عمي ابو فلاح ، طيب ليه م زوجنا ليه ؟!*
سند ادري فيه يحبني و يحب فلاح واجد ، و هو اكثر واحد يتمنى نجتمع ، بس م يتجرأ يوقف بوجه سعيد*
نواف البطل الصامت م يبدي رايه بشي ابدا ، رافع يده عن كل شي*

بس سعيد ليه رفض ؟ بس يعطيني سبب مقنع انه يرفض فلاح ،، بس ابي سبب يقنعني بس ..


.
.
.

*أنا راضي بكل شي لكن معك طماع /
أبي كلك وماغير كلك يكفّيني /

تشوف المطر وشلون يحيي هشيم القاع ؟/
كذا تنعش إحساسي بصوتك وتحييني ♡


مها بضجر : افففففف زايد و نشب عاد ...*

قلت بضيق : خل ارد عليه و افهمه يمكن يفهم ...*

مها بعصبية : خبلة انتي خبلة !! أمولة أنا أعرفك عدل ، بكلمتين منه و دمعتين كذابة منه راحت *علومك .. خلاص انتي ارسلتي له رسالة خلصنا !*

قلت و انا امد الجوال بوجهها : شوفي 20 مكالمه و 5 رسايل يترجاني فيها ارد*

قالت بتهكم : امحق عزم ، هذا و هو اول يوم حنيتي ،، احل وش بتسوين بعدين*

قلت بعصبيه و انا اطفي جوالي : يوووووه خلاص خلاص بطفي الجوال و ربي يعيني ،،، اكيد بيدق على ايمان اختي و يتشكى لها*

مها : ايوا شفتي ايمان بتصير صلة الوصل بينكم ، خلاص وش له تكلمينه !!*

قلت : هو اللي يبيني اكلمه مو من كيفي*

قالت بتهكم : صدقت !!*

ضربها بالمخده ع وجهها : عمرك م صدقتي الشرهه ع اللي يستأمنك أسراره زين !*

قامت بعصبيه : كم مرة قلت لك لا عاد تضربيني ع وجهي !*

و قامت الحرب العالمية في بيتنا بالشوش ، عاد انا و مها لا تهاوشنا الله لا يوريكم البيت كله ينتفض يفككنا*
ههههههه.....


.
.
.

قمت من نومي حزت الغدا العاده م اقوم الا العصر بس هالمره صحاني الجوووع ، لأني زي العاده رحت المدرسة و رجعت من غير لا اكل ولا شي ..*

كنت متجهه لغرفه الجلوس و انا افرك عيوني*
اول م دخلت الغرفه .. قلت و انا عادني افرك عيوني : يمممممه وين الغدا ميته جووع*

سمعت صوت تميم الغاضب : عودي وراك ي بنت*

فتحت عيوني بصدمه من نبرة تميم الغاضبة شفتهم يتغدون ابوي و العيال ع الارض حولين صحن الغداء ..وووو.. عيني طاحت في عينه .. لانه هو اللي مقابل الباب هو و ابوي و تميم .. اما الباقي *معطيني ظهورهم*
م نبهني من صدمتي الا صرخه تميم الثانيه : ي بننننننننت قلت عودي وراك*

م حسيت بنفسي الا و انا اركض متجهه للصاله و انا اسمع تعليقات ابوي و هو يضحك .... عاد ابوي وش يسكته الحين كل م بيشوفني بيعلق*

وقفت فالصاله قدام المراية الطويله اشوف شكلي ، شهقت اذا انا تروعت من شكلي اجل هو كيف !! قميص البجامه داخل جزء منه فالبنطلون ،،، و لا و البنطلون حكايه ثانيه .. رجل مكفوسه .. و الرجل الثانيه عدله ... لا ولا كشتي ،،، اه ي كشتي المنتفشه .. ولا وجهي الاصفر بروحه يروع ...*

اه ي الفشله اه .. اشهد ان الولد تروّع :(
.
.
.

*حبيبتي .. أنا العظيم الطفولي ..
اللي على تمييز نفسه .. تعوّد !!*

هنا حرس !! قولي لهم يسمحوا لي ..
أدخل ، بلا تفتيش .. ولاّ بعوّد !!


كنت اشوف وجه عبدالله المستحي و قالب احمر .. اه كان ودي اقوم اضربه ضررررب ... ليتني قعدت مكانه ليتني ... الكلب حظه يفلق الصخر ، اجل انا اتلكلك اليوم اروح اسلم ع ام تميم و لا ابي قهوه ، ولا اشوفها ، زود ع قهري اليوم منها تعطي بنيدر و عبود وجه و انا فشلتني الكلبة يوم بغيت اسولف معها زيهم ... آه ي القهر بكرة بنمشي ولا شفتها !*

عبدالله و هو يوقف : الحمدلله ، يعطيك العافيه ي عمي ، كثر الله خيرك*

ابو تميم و هو يضحك : ههههههه وش فيك ي ولد شفت عنيّد و كشتها و ضاعت علومك ههههه*
اقعد وش شبعك اكل بس اكل ي كود انك تطول *

بموووت انا بموووت ي بردك ي عم الحين بنتك شافها ذا النتفة عبيّد و جالس اتضحك لي .. عادي و لا كنه شي صار*

عبدالله يضحك ووجه محمر من الحياء : هههههه الله يهداك ي عم ، البنت استحت و هجت تركض لا تزودها عليها اكيد تسمعك الحين و انت صوتك ما شاء الله عالي ، انا شبعت والله توني صاحي الحين عشان كذا م كثرت .. الله يكثر خيرك*

كنت مركز نظري ع عبدالله معصصصب منه ، بموت من القهر احس اني كنت مولع قهر .. قطع تفكيري بندر و هو يهمس لي*

بندر : شفيك تطالعه كذا ؟!*

التفت له و قلت بهمس غاضب : عاجبك اللي صاير ؟!*

بندر : والله مو هوب عاجبني حتى شوف تميم معصب مو هوب عاجبه الوضع*

قلت : انا مو قاهرني الا عمك ي برده ي اخي هو ويّا تعليقاته اللي ترفع الضغط !

بندر : هذا عمك هادي كذا من زمان يحب يستخف دمه حتى بمواضيع زي كذا ..*

قلت : هذي اسمها ثقاله دم و سماجه !*

انهيت حديثنا الهامس انا و بندر و بوقوفي ... و قلت : يعطيكم العافية و كثر الله خيركم*

عمي هادي باستغراب : انتوا شفيكم م تاكلون ؟*
بندر و هو يضحك : م عليك منهم ذولا شفني انا اكل و لا احد يعيف اكل ام تميم الله يعطيها العافيه .. حميّد ذا يقال انه يبي يضعف زياده ، الحمدلله و الشكر يبي يصير جلد ع عظم ..*

تميم بصدمه : حمد صاحي انت تراك ضعفت واجد !*
قلت بعدم اهتمام : بس بوصل الـ 60 و خلاص ، باقي لي 5 كيلو و اوصلها*

دخل فهالاثناء عبدالله بعد م غسل ايدينه*

و قاله عمي و هو يضحك : و انت ي عبدالله م فكرت بشي يطولك ؟!*
عبدالله و هو يضحك كذلك : هههههههه ي عم والله محد بيعقدني بقصري إلا أنت ، كن الطول ذابحك ، وش نسوي بجينات النايف محد سلم منها إلا نايف و فيصل .. عاد نايف تعداها بشكل مو معقول هههههه

عمي هادي : هههههههه اقطع الله وجهك ي ذا الهيس الاربد ، وش زيني انا مو هوب انت تقل وتد*

هنا كلنا ضحكنا حتى عبدالله ، و بعدها انسحبت و رحت اغسل ايدي*

و لما دخلت مرة ثانية عندهم لقيتهم مغيرين الموضوع تماماً*

عمي هادي : عز الله عمك مو هوب صاحي لا هو لا بنته ، آحد يعيفك و أنت ما بك عيب يذكر*

عبدالله بابتسامه : نصيب ي عم نصيب*

عمي بجديه : شف ي عبدالله ي بوك هذي بنتي و اليوم خلصت دراستها ، كانك ودك بها تراني رجال شاري لي رجال مثلك و شرواك

انتفضت بجزع و قلت بدون شعور : مالك لوا ي عم ، بنت عمي ابيها انا ....*

.
.
.

نهــايــة الـبــارتـــ ...

 
 

 

عرض البوم صور al9'bi  
قديم 02-12-12, 07:31 PM   المشاركة رقم: 22
المعلومات
الكاتب:
اللقب:
عضو فخري

البيانات
التسجيل: Mar 2012
العضوية: 237614
المشاركات: 8,065
الجنس أنثى
معدل التقييم: نجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميع
نقاط التقييم: 11015

االدولة
البلدSaudiArabia
 
مدونتي

 

الإتصالات
الحالة:
نجلاء الريم غير متواجد حالياً
وسائل الإتصال:

كاتب الموضوع : al9'bi المنتدى : الارشيف
افتراضي رد: روايتي ( من غلاك أنسى الجروح المهلكه )

 

السلام عليكم

تسلمين يالظبي

اخيرااااا أموله عقلتي الحمدلله انك صحيتي وعرفتي انك قاعده تستغفلين اهلك وخاصه أخوك

زايد وعلميته انك بتحترينه. خلاص يكفي لو انك بعد غلطانه بس هه بطمنينه وتخففين عليه ثقل السجن لا تحنين وترجعين خلي عزومك قويه
كان الله كاتبه لك زين على زين. وكان حبال النصيب مامدت إلا ماهنا شي تحسفين عليه أو تخافين منه ........

العنووود الأبو غلطان غلطان حتى لو جايز لك عبدالله امسكه على جنب ليه ترخص بنتك والله لو ان الدعوى حرااااج

حمد. منتب هين على طول بنت عمي وابيهاااا المشكلة هي وش بتسوي لا درت انك خاطبهاااا

صبوحه وعبدالله ما يندرا وين الخيره حلو انهم مايبون يوقفون حياتهم

فلاح ونورة. بعذرك لو القولون هاج من هالي عقولهم متحجرة ويتحكمون بالجميع.

ننتظرك يالظبي بكل ود

 
 

 

عرض البوم صور نجلاء الريم  
قديم 02-12-12, 09:07 PM   المشاركة رقم: 23
المعلومات
الكاتب:
اللقب:

البيانات
التسجيل: Nov 2012
العضوية: 248153
المشاركات: 33
الجنس أنثى
معدل التقييم: al9'bi عضو بحاجه الى تحسين وضعه
نقاط التقييم: 32

االدولة
البلدUnited Arab Emirates
 
مدونتي

 

الإتصالات
الحالة:
al9'bi غير متواجد حالياً
وسائل الإتصال:

كاتب الموضوع : al9'bi المنتدى : الارشيف
افتراضي رد: روايتي ( من غلاك أنسى الجروح المهلكه )

 

اقتباس :-   المشاركة الأصلية كتبت بواسطة نجلاء الريم مشاهدة المشاركة
   السلام عليكم

تسلمين يالظبي

اخيرااااا أموله عقلتي الحمدلله انك صحيتي وعرفتي انك قاعده تستغفلين اهلك وخاصه أخوك

زايد وعلميته انك بتحترينه. خلاص يكفي لو انك بعد غلطانه بس هه بطمنينه وتخففين عليه ثقل السجن لا تحنين وترجعين خلي عزومك قويه
كان الله كاتبه لك زين على زين. وكان حبال النصيب مامدت إلا ماهنا شي تحسفين عليه أو تخافين منه ........

العنووود الأبو غلطان غلطان حتى لو جايز لك عبدالله امسكه على جنب ليه ترخص بنتك والله لو ان الدعوى حرااااج

حمد. منتب هين على طول بنت عمي وابيهاااا المشكلة هي وش بتسوي لا درت انك خاطبهاااا

صبوحه وعبدالله ما يندرا وين الخيره حلو انهم مايبون يوقفون حياتهم

فلاح ونورة. بعذرك لو القولون هاج من هالي عقولهم متحجرة ويتحكمون بالجميع.

ننتظرك يالظبي بكل ود


ي قلبي أنتي ي نجول

تسلمين ع ردك الجميل

سالفه ابو العنود هذا الانسان يستفزني جداً م يحسب حساب لا لكلامه و لا لأفعاله ابداً

و بصراحه عبدالله عريس لؤطه

حمد .. تنرفز من عمه كثير هو الحين يفكر كيف يقدر يشوفها و بعدها يقرر يبيها ولا

يقوم يخطب عبدالله كذا

بس تدرين هو غبي لانه سمع عبدالله يقول انه يبي وحده تدرس و م خلصت دراسه يعني م يفكر بالعنود و اكيد بيرفض

اصلا هو دايم متهور بقرارته لا تشرهين عليه > حاقده عليه ^^"

العنود ..الله يعينها ع البلوة اللي طاحت فيها و خل نشوف وش ردة فعلها

نوره ... ليته بتوقف ع القولون !

صبوحة ... المشكلة الحين مو بعبدالله المشكله بـ اللولو و شرها

أمولة > ي حبني لها هالانسانه مع ان زايد م يستاهلها بس بنشوف وش رايح يصير عليها
و هل راح تصبر و م تكلمه !!

 
 

 

عرض البوم صور al9'bi  
قديم 10-12-12, 12:40 PM   المشاركة رقم: 24
المعلومات
الكاتب:
اللقب:
عضو فخري

البيانات
التسجيل: Mar 2012
العضوية: 237614
المشاركات: 8,065
الجنس أنثى
معدل التقييم: نجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميعنجلاء الريم عضو مشهور للجميع
نقاط التقييم: 11015

االدولة
البلدSaudiArabia
 
مدونتي

 

الإتصالات
الحالة:
نجلاء الريم غير متواجد حالياً
وسائل الإتصال:

كاتب الموضوع : al9'bi المنتدى : الارشيف
افتراضي رد: من غلاك أنسى الجروح المهلكه

 

تغلق الرواية بطلب من الكاتبة

 
 

 

عرض البوم صور نجلاء الريم  
 

مواقع النشر (المفضلة)

الكلمات الدلالية (Tags)
للكاتبة الظبي, ليلاس, أوصى, المهلكه, الجروح, الغبي, روايات اجتماعية رومنسيه, روايات خليجيه, روايات طويله, رواية من غلاك أنسى الجروح المهلكه, روايه اماراتيه, روايه سعوديه, غلاك, قصص من وحي قلم الاعضاء, قصص و روايات
facebook



جديد مواضيع قسم الارشيف
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 03:36 AM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية