توجهنا للمستشفى ودخلت عند امي
لقيتها نايمه نزلت احب يدينها وراسها
سامحيني يمه
يدي تتلمس كدمتها اللي في وجهها
فتحت عيونها بشويش وبصوت متقطع هامس
: ياسر ودمعت عيونها
ياسر حبيبي انت هنا والا انا اتحلم
ضميت يدها و ابوس خدها وراسها :
يمه حبيبتي انا هنا جنبس
قمرا: ياربي لك الحمد احسبني اتحلم مثل دايم
ياربي لك الحمد
دخل الدكتور امي بوهن رفعت الشرشف
على وجهها ما تبي الدكتور يشوفها
الله يسترنا دنيا و آخرة
قال الدكتور : صباح الخير كيفك يا ست قمرا
امي بوهن : الحمد لله
الدكتور لازال لضغط منخفض كتير
من شان هيك بدك تضلي عنا كام يوم لحد ما يتعدل
وناظر ياسر
ما تخافش الست الوالده بدها تشووف غلاها
كتب في الملف تقريره الصباحي
وطلع وسحب ياسر معاه
اخ ياسر : انا من مسؤليتي ابلغك انو لازم تتسجل
حالة اعتدا بالضرب على الست الوالده
ابو عليان وقف معهم : قال ياسر وهو حريص
على سيرة وسمعة امه : ما يحتاج حنا بنتصرف
بدون تبليغ وارجو انك تتفهم انه حاجه عائليه
الله اكبر
كبرت يا ياسر وصرت تفهم وش تعني السمعه
والا تدق سلف لابو عليان؟
تبيه يشوف انك كبرت و ثقلت

تفهم الدكتور واستأذن وتركهم يكمل جولته الصباحيه
ابو عليان برضا من موقف ياسر : خير ما سويت
وابو ساري انا بتصدى له
اول جدتك واقفتن لنا ما تبينا نتدخل وبعدها
هو عزل امك عنا ولا سألنها عن حالها
تحمدت ربها وسكتت
الام ايشوف من المنخل اعمى يابو عليان
الا تاركن الزند و الفتيل
هذا بنتك قاعدتن بكبدك ماقلت شي
غرابيل و بس!
ياسر :يا عم الحين اهم شي امي ما ترجع له مهما كان
ابو عليان : يصير خير ياولدي انا الحين بروح وانت شف امك وحالها ووين بيحطونها وبعدها تجيب اغرضك وتجي للغدا

*********
: احلفي
:ماني حالفه يعني اكذب عليس مثلا
منيره بضحكه : وكيف شكله الشين تغير كبر
وش صار فيه
عليا وهي تزيت شعرها عقب السبراي مثبت الشعر
:تبين الصدق مناير ماكأنه هو
كش عليه واااحد ثاني تماما
الارحتي بالرجلين يوم شفتيه
كنه حجازي لابس غتره بيضا وعوارضه خفيفه
منيييره طاحت ضحك على السرير
: كل هذا شفتيه بلحظه ههههههه
ابليس مايخلي احد!!
عليا تفشلت : بلا بياخه هذا اللي شفته تبيني اكذب يعني
اقووول روحي تحت على ما اتروش وانزل
اكيييد عليان والريم على ووصول

******

يمه بموت من خجلي
ماسك يدي ودخلنا بيت اهله
استقبلتنا اخته منيره بحفاوه وبنت اخته نسرين
بعدها سحبني على غرفة عمتي ام عليان ترك يدي وتوجه لسرير امه
يا قلبي عليهم والله اني حزنت على عليان وامه
هو صار مثل الطفل يبوس بامه ويتودد لها
شفتي يا ام عليان؟
ماقلت لك؟
اتحداه ينسدح الحين !
ويضمها : يماااه اشتقت لس
ومد يده لي وانا قربت وحبيت راسها شلونس يا عمه
مسكينه والله
دخلت علينا نسرين بالقهوه وجلسنا في غرفة عمتي
وجت عليا وزانت الجلسه اكثر
بعدها تركني عليان رايح للرجل بعد ما همس بأذني : يا حلوس ذبحتيني
انا صرت حمرا من كثر الخجل تفشلت من خواته وبنت اخته
هذي رومنسية البندول؟!!

************
اتفقت انا ومناير نروح نزور خالتي قمرا
بالمستشفى ونسرين تجلس مع امي
تبين تشوفينه.............!

اذن العصر اخذنا عبد الله وعادل
الثنين يتكلمون عن ياسر وكيف انه كان ماخذ المجلس بسوالفه واسلوبه
وانا اقول بقلبي : مالت الا مالت
على مين!!
منيره تسألهم وتستفسر
: ما قال وش بيسوي
انا هنا مغصني بطني : " وش بيسوي بعد اللي لازم يسويه من زمان خله يطلقني ويذلف
والمغص و ش اسبابه؟!
خوف من؟
أو
خوف على؟


وصلنا للمستشفى وتوجهنا لغرفة خالتي
اللي فرحت فينا كثيير وخاصة انا
بس تمسك يدي وتبوسها وانا ارد لها البوسه
فرحتن بولدها الي هو زوجك
تحسب انه يبي يجمعكم بدار واحده
تقضين من مصالى امك لمصالى قمرا
ويستمر برنامج المصالى و الاجر على الله
تفاجأت بوجهها انا ومنيره بس ما علقنا
مسكينه فيها اللي مكفيها
فتحت شنطتي وطلعت المشط ورتبت شعرها
وربطته لها بجديله
ونزلت نقابي وسحبت منديلي
ولفيته على وجهها بترتيب وهي تتشكر وممتنه
: أي والله ياعليا استريني يا بنتي الله يسترس
الدكتور شبع من شوفة وجهي
قالت منيره الليله يا خالتي ارسل لس غيارات مع عادل
يالله عليا العيال اكيد نزلو للسياره
انفتح الباب فجأه ودخل ياسر
كخخخخخخخخخخخخخخخخ
ماتعود على الحريم
كل عمره مدافش وبس
بس من اول يدافش بطاقية زري و الثوب محزوم على الخصر
والسروال مسود من اللعب
و الحين يدافش بالغترة و العوارض يا بويا
بسرعه تخبيت ورا منيره ورفعت نقابي اتغطى فيه
فلتت مني كلمة : عمى بعينك ما تعرف تدق الباب
ابو طبيع مايخلي طبعه

قرصتني منييره بقوووه : وقالت هلا ياسر
هو تفاجأ بالحريم عند امه ما توقع فيه احد لان وقت الزياره انتهي
الله اكبر عليك
يعني ما مشينا الا على نظام المستشفى!!
نزل نظره بعد مالمح عليا بشعرها المرفوع
مدهن و مغسول و مسشور و يتلامع بالكعكعة
وش شعورك؟؟؟؟؟؟؟؟؟؟؟
وبشرتها الصافيه من أي تجميل
هالحين كل ذا من قزة!
وش بلانا حنا مانعرف نقز مثل امي تطلع اوامر من عيونها
والا مثل ياسر و نمسح المكان تقل ساهر!

وسمعها تقول عمى بعينك ما تعرف تدق اباب
ياسلام على الغزل السعودي!
قال : السموحه ما دريت ان احد عندس يمه
الا تخسى و تعقب
تبي تشوفها هي مثل البارحة او لا!
منيره هلا ياسر / قال بتردد هلا بك
قالت قمرا:هذي بنت خالتك منيره ام عادل
رحب بها وهي ما قصرت بالسلام والسؤال عن الحال
قمرا قالت لياسر : سلم على عليا يا ياسر

رفع نظره للي ورا منيره
اهلين عليا شلونس
عليا بجمود ورسميه : الحمد لله
دفت منيره من ظهرها
يالله بنمشي يا خالتي ونزلت حبت راس خالتها
ومرت من قدام ياسر طالعه من الغرفه
ولحقتها منيره
ياسر : يمه دقيقه
طلع معاهن ياسر : لحظه ام عادل
من جايبكم
منيره : عادل وعبد الله
طيب بوصلكم لتحت ومشى قبلهن
ومنيره تنغز عليا وبهمس: ماشا الله تهنيين يا عليا شباب
وطول وبسبابتها على خدها : ومزيووووون
عليا بكره : وع الحمد لله والشكر وتكفين
ترا كبدي حايمه لاتزيدينها علي
منيره بضحكه : اقول اص بس وامشي لا تحلطمين
.
.
ماشي ومبتسم سامع همسهن وحشهن فيه
وصلهن لتحت وتأكد انهن بالسياره وطلع لامه

عاد التخوة بدمنا يالسعوديين
وسماعنا للحش بنا نكته ماتتفوت
خاصتن اذا بغينا نرد الصاع صاعين
ياحزنك ياعليووووووووووون
عسى مايقوم يقدم لك نقل لجده و انت ماتدرين!
كني بالوكيلة تسكت ماتعلمت الا لما تجي البديله و انت ماتدرين وش سالفتها
و تعطين حصصصك الاربع ورا بعص
والانتظار مايهون بعد!
واذا مسكتي كاس الورق تشربين قهيوتك جت تعطيك اخلاء الطرف
يلله خلي مانبيك
اها الحين فهمت ليش كاس ورق!!
لو كاس قزاز كان طاح و انكسر و ابحلن عاد من ينظفه!!


قراءه ممتعه لكم
والله اول الوقت انغثيت و انت تنقلين تقل معك ريموت بين القنوات مره مصري و مره هندي و مرة خليجي
بس عاد يوم جت لابو عوارض و غتره
استانست حييييييييييييييل
وردود حلوه لي

وعسى ردي يصير حلو و سنع