لمشاكل التسجيل ودخول المنتدى يرجى مراسلتنا على الايميل liilasvb3@gmail.com






العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (2) أدوات الموضوع انواع عرض الموضوع
قديم 29-09-12, 11:53 PM   المشاركة رقم: 16
المعلومات
الكاتب:
اللقب:

البيانات
التسجيل: Dec 2010
العضوية: 209570
المشاركات: 108
الجنس أنثى
معدل التقييم: سمانور عضو بحاجه الى تحسين وضعه
نقاط التقييم: 35

االدولة
البلدSaudiArabia
 
مدونتي

 

الإتصالات
الحالة:
سمانور غير متواجد حالياً
وسائل الإتصال:

كاتب الموضوع : شبيهة امي المنتدى : القصص المكتمله من وحي قلم الاعضاء
افتراضي

 

هلا وغلا بام رنو نورتى المتصفح وشكرا لك بحجم السماء لعودتك الينا ف زهرة ضامية لا تزال في الاذهان كعبق من ماضي جميل ومن ناحية حبك للماضي واسترجاعه في كتاباتك فلا اقول سوى اسكبي لنا من ماتجود به سبحات افكارك فنحن في شوق للماضي لايام الحنا والديرم والشيله المنيخل والروز ابو ورود يالله الجنة ودمتي بخير

 
 

 

عرض البوم صور سمانور   رد مع اقتباس
قديم 04-10-12, 12:43 AM   المشاركة رقم: 17
المعلومات
الكاتب:
اللقب:
متدفقة العطاء


البيانات
التسجيل: Jun 2008
العضوية: 80576
المشاركات: 3,162
الجنس أنثى
معدل التقييم: فيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسيفيتامين سي عضو ماسي
نقاط التقييم: 7195

االدولة
البلدSaudiArabia
 
مدونتي

 

الإتصالات
الحالة:
فيتامين سي غير متواجد حالياً
وسائل الإتصال:

كاتب الموضوع : شبيهة امي المنتدى : القصص المكتمله من وحي قلم الاعضاء
افتراضي

 

السلام عليكم ورحمة الله وبركاته

ياحيالله أم رنا وياهلا بالحامل والمحمول منوره المنتدى يالغاليه
بدايه مشوقه وتعد بالكثير والأجمل

عليا
الله يجزاها خير على برها ورعايتها لأمها وواضح إنها عاقله وما أظن تطلع منها العيبه لكن هل متزوجه من ياسر أو مجرد خطبه أو ملكه وتركها بعدها

ياسر
ماعجبني في تركه لأمه وهي في عز الحاجه له ولا تصرفه مع عليا وعندي إحساس إنه ماغلطت عليا وإنه ظالمها لكن هو جبان ماقدر يواجه بندر وكذب عليه وهو ماعنده نيه يرجع مثل ماقال له لكن اللي مافكر في أمه بيفكر في غيرها

عليان
غلطان كان لازم يخبر عليا بسوات الخدامه والمفروض يسفرها اليوم عرضت نفسها عليه بكره تعرض نفسهاعلى غيره أو تعمل له سحر الله يكفيهم شرها

فايزه
العقل والعاطفه تخليها تتزوج زوج أختها خاصه لو مافيه شيء يعيبه لأن الغريبه ماراح تكون أحن على عيال أختها منها وهو مستحيل يجلس بدون زوجه صحيح هي صعبه على الإثنين وخاصه فايزه لكن ممكن تنجح حياتهم
لو عندهم الرغبه في إنجاحها وفي الواقع مرت علي حالات مثل فايزه

أبوساري
عسى يده للكسر مستقوي على الضعيفه ووقدام الناس مسوي ماله ذنب لكن الشرهه على قمرى اللي ساكته له وعلى أهلها شافهم ساكتين قال أسوي اللي أبغى ماحد راح يردني نسي إن كل قوي فيه أقوى منه

قمرى
الله يكون في عونها ويعوض صبرها خير وينصرها على ابو ساري
أم رنا تسلم يمينك منتظرينك يالغاليه

 
 

 

عرض البوم صور فيتامين سي   رد مع اقتباس
قديم 04-10-12, 01:12 AM   المشاركة رقم: 18
المعلومات
الكاتب:
اللقب:
كاتب متميز



البيانات
التسجيل: Jul 2010
العضوية: 179394
المشاركات: 1,372
الجنس أنثى
معدل التقييم: شبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالق
نقاط التقييم: 2673

االدولة
البلدSaudiArabia
 
مدونتي

 

الإتصالات
الحالة:
شبيهة امي غير متواجد حالياً
وسائل الإتصال:

كاتب الموضوع : شبيهة امي المنتدى : القصص المكتمله من وحي قلم الاعضاء
افتراضي

 

اقتباس :-   المشاركة الأصلية كتبت بواسطة النصف الاخر مشاهدة المشاركة
   هلا وغلا والله ماصدقت يوم شفت القصه

وتوقعت انها نازله من زمان بس الحمد الله توها ببدايتها


وانا اقراء القصه احس انى عايشه معهم وانسى نفسى وهذا مو بالقصه هذى دايما بكتاباتك ترجعينى وراء سنين واحلى سنين مرت وما تنعاد


اكيد ياسر متملك على عليا ورحل شكله مغصوب عليها


بنتظار ابداعك بكل شوق

النصف الاخر حيالله يا عسل
اسعدني تواجدس العطر اسعدس ربي


اقتباس :-   المشاركة الأصلية كتبت بواسطة روح تحب الحياه مشاهدة المشاركة
   انورت واسفرت ياهلا بالحامل والمحمول ايه بلي اكبودنا اليابسه للماضي وايامه وانا شاء من المتابعين لتس وعن التوقعات والله ماادري بس اكيد مشوقه ولي توقع صغير ان سعديه هي مرت ابو عليا وراح يكون لها دور ظريف تقريبا مثل خفت دم ام حسسسين الله يذكرها بالخير

هلا يا قلبي ياختي المشجعه الدائمه لا حرمني الله منس

اقتباس :-   المشاركة الأصلية كتبت بواسطة سمانور مشاهدة المشاركة
   هلا وغلا بام رنو نورتى المتصفح وشكرا لك بحجم السماء لعودتك الينا ف زهرة ضامية لا تزال في الاذهان كعبق من ماضي جميل ومن ناحية حبك للماضي واسترجاعه في كتاباتك فلا اقول سوى اسكبي لنا من ماتجود به سبحات افكارك فنحن في شوق للماضي لايام الحنا والديرم والشيله المنيخل والروز ابو ورود يالله الجنة ودمتي بخير

يا هلا بك يا سما والشكر لكم اللي تدعموني بكلامكم الروعه اتمنى يعجبكم الجديد واسعدس ربي

اقتباس :-   المشاركة الأصلية كتبت بواسطة فيتامين سي مشاهدة المشاركة
  
السلام عليكم ورحمة الله وبركاته

ياحيالله أم رنا وياهلا بالحامل والمحمول منوره المنتدى يالغاليه
بدايه مشوقه وتعد بالكثير والأجمل

عليا
الله يجزاها خير على برها ورعايتها لأمها وواضح إنها عاقله وما أظن تطلع منها العيبه لكن هل متزوجه من ياسر أو مجرد خطبه أو ملكه وتركها بعدها

ياسر
ماعجبني في تركه لأمه وهي في عز الحاجه له ولا تصرفه مع عليا وعندي إحساس إنه ماغلطت عليا وإنه ظالمها لكن هو جبان ماقدر يواجه بندر وكذب عليه وهو ماعنده نيه يرجع مثل ماقال له لكن اللي مافكر في أمه بيفكر في غيرها

عليان
غلطان كان لازم يخبر عليا بسوات الخدامه والمفروض يسفرها اليوم عرضت نفسها عليه بكره تعرض نفسهاعلى غيره أو تعمل له سحر الله يكفيهم شرها

فايزه
العقل والعاطفه تخليها تتزوج زوج أختها خاصه لو مافيه شيء يعيبه لأن الغريبه ماراح تكون أحن على عيال أختها منها وهو مستحيل يجلس بدون زوجه صحيح هي صعبه على الإثنين وخاصه فايزه لكن ممكن تنجح حياتهم
لو عندهم الرغبه في إنجاحها وفي الواقع مرت علي حالات مثل فايزه

أبوساري
عسى يده للكسر مستقوي على الضعيفه ووقدام الناس مسوي ماله ذنب لكن الشرهه على قمرى اللي ساكته له وعلى أهلها شافهم ساكتين قال أسوي اللي أبغى ماحد راح يردني نسي إن كل قوي فيه أقوى منه

قمرى
الله يكون في عونها ويعوض صبرها خير وينصرها على ابو ساري
أم رنا تسلم يمينك منتظرينك يالغاليه

فتونه يا هلا وغلا اسعدني جدا تواجد قارئه مثلس ويهمني رأيس قارئه مكسب لاي كاتبه اسعدس ربي

 
 

 

عرض البوم صور شبيهة امي   رد مع اقتباس
قديم 04-10-12, 01:14 AM   المشاركة رقم: 19
المعلومات
الكاتب:
اللقب:
كاتب متميز



البيانات
التسجيل: Jul 2010
العضوية: 179394
المشاركات: 1,372
الجنس أنثى
معدل التقييم: شبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالق
نقاط التقييم: 2673

االدولة
البلدSaudiArabia
 
مدونتي

 

الإتصالات
الحالة:
شبيهة امي غير متواجد حالياً
وسائل الإتصال:

كاتب الموضوع : شبيهة امي المنتدى : القصص المكتمله من وحي قلم الاعضاء
افتراضي

 

دقايق وينزل الجزء الثاني ان شاء الله

 
 

 

عرض البوم صور شبيهة امي   رد مع اقتباس
قديم 04-10-12, 01:18 AM   المشاركة رقم: 20
المعلومات
الكاتب:
اللقب:
كاتب متميز



البيانات
التسجيل: Jul 2010
العضوية: 179394
المشاركات: 1,372
الجنس أنثى
معدل التقييم: شبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالقشبيهة امي عضو متالق
نقاط التقييم: 2673

االدولة
البلدSaudiArabia
 
مدونتي

 

الإتصالات
الحالة:
شبيهة امي غير متواجد حالياً
وسائل الإتصال:

كاتب الموضوع : شبيهة امي المنتدى : القصص المكتمله من وحي قلم الاعضاء
افتراضي

 





2

مضى الزمن ولابد ترجعه الذكرى


شباب مثل الورد فيهم
رجوله وصلاح و خوف من الله
بندر وبدر وولد عمهم ياسر
بندر وبدر موظفين بندر بالجيش وبدر بالحرس
اما ياسر فهو توه تخرج من الثانوي وحلم حياته يدرس الجامعه


في جمعه عائليه يوميه اجتمعو الاعمام
وتكلم ابو بندر :يا خوي ان شاء الله الخميس الجاي بنتمم اتفاقنا و نملك لعيالي بندر وبدر على بناتك حصه ومنيره
تهللت اسارير ابو عليان : هذي الساعه المباركه ومتى تبي العرس ياخوي

ابو بندر : بعده باسبوعين

واستمرو في كلامهم ولا كأنهم قررو مصير عيالهم

من دون مايشاورونهم او ياخذون رايهم
بندر تقبل الموضوع عادي وابتسم برضا
اما بدر ما حب اسلوب ابووه بفرض رايه بهذي الطريقه على الاقل ما يفاجأهم فرضاً انا ماعندي نيه اتزوج الحين

وسكت على مضض وتمم كلام ابوه


اللي كان جالس ويتأملهم ياسر
بعد ماقامو الكبار وانفض المجلس فكها ضحك
ههههههه ياحليلكم بتعرسون ههههههههههههه
اكيييد انت يا بندر الدب بتاخذ حصه لانها الكبيره
وانت يالساكت بتاخذ منيره
ههههه صراحه ما اشوفكم
ابد لايقين لبعض فرق شاسع


انت بتاكلك منيره بلسانها
وانت بتاكل حصه بلسانك
بدر فز واقف واخذ شماغه ونسفه فوق متنه
وطلع بعد ما عطى ياسر ظربه على راسه


اما بندر ناظر بياسر : وقال ضحكت انت اليوم علينا تذكر انا بنضحك عليك ياا يسوور
ويالله قم رح لامك بقفل المجلس واروح انام



توجه ياسر لبيت عمه ابو عليان
وبنفس الوقت بيت خالته شيخه
اكييد امه عند جدته

سحب السلك وفتح الباب ودخل داخل البيت
للصاله لقى حصه تدهن رجول جدته بالفازلين
سلم على جدته
وسأل عن امه : وين امي؟
ردت ألقف خلق الله عنده
عليا : راحت تنام وانت هنا مزعجنا
فز بسرعه بيظربها
بس هي اسرع دخلت غرفة امها
وصكت الباب بقوه بوجهه
سدت جدته اذنها وقالت : ياربي سترك
انت وهالبنت كبريت وقاز اهبوو عليكم
ما تهجدون لا بليل ولا بنهار

قال :بغيض جده انتي شفتيها
ما قلت شي وهي اللي بس مناشبتني
ضحكت حصه : هههههه
بصراحه منظركم يفطس ضحك

قام ياسر وتمسخر
بضحكة حصه .:ههههه مايضحك
يالله جده انا بروح لأمي



طلعت راسها عليا : ذلف
الجده : عليا عويذ الله من شرس
وش لس وللولد ما تستحين بس مقاشرته

ردت وعلى فمها ابتسامة رضا
: جده هو اللي مناشبني وكل
ماشفاني ظربني والا اذاني
فقلت آأذيه قبل ما يأذيني



*********

بعده بيوم بلغ ابو عليان ام عليان
تتجهز وتبلغ بناتها بالخطبه

وبدت ام عليان التحضيرات

حصه قعدت تبكي لما بلغتها امها
: يماه ابي اكمل دراستي
ام عليان بإبتسامه : نشرط عليه تكملينها
وانتي في بيته لا تخافين

عمرها ١٨سنه وتدرس في معهد المعلمات
باقي لها سنه

اما منيره كانت وضع ثاني

عمرها ١٦كانت ما تحب المدرسه وتحب الزين
وتهتم لشكلها كثير
وتميل كثير لبدر وكانت تتمنى تتزوجه
وربي حقق لها امنيتها
لما بلغتها امها بغت تحب راس امها
على البشاره الحلوه
بس اضطرت تمثل الثقل والتمنع مثل حصه
بس ما قدرت تحس نفسها مفضوحه
فلتت منها ضحكه
وقرصتها امها برجلها : يا مهنى جاك ماتمنى
وضحكت ام عليان على ردة فعل بنتها
تفاجأت منيره ان امها كاشفتها

ام عليان : انتبهي لا يوقف قلبس من الفرحه
فزت منيره هاربه من احراج امها لها
.
.
.
.

دخل عليان

يماه جدتي وينها
شيخه :اكييد عند خالتك قمرا
عليان ابوي يقول ناديها
ولد خالتها جاي ويبي يقابلها

:طيب اصبر
وتوجهت لشباك بالصاله يفتح على صالة
ام ياسر

:ياقمرا
ردت بسرعه : هلا شيخه
شيخه : امي وينها
قمرا : هذي هنا تسمعس
شيخه : ولد خالتس جا عند ابو عليان وطالبس بيسلم عليس

الجده : وقامت وهي مستغربه زيارته في هذا الوقت


*****
دخلت المجلس واستقبلوها عيال اختها واحفادها
وسلمو على راسها

وسلمت على ولد خالتها خلف ابو ساري

دارت السلامات المعتاده
وبعدها تكلم ابو ساري
انه بيخطب قمرا وانه مايجوز تقعد
بعد ابو ياسر الله يرحمه من غير رجال
يستر عليها وانه اولى بها من الغريب
وهو مطلق زوجته
ويبي من تراعيه وعياله
سكتت الجده وسكتو من بالمجلس
بس نطق ياسر وبكل عصبيه :تخسى
ما تاخذ امي و انا حي
مسكه عمه ابو بندر
: بس يا ولد قدر الرجاجيل واحترم المجلس

نفض اكتافه من يدين عمه
ووقف عند باب المجلس :والله ما ياخذها
ولا يحلم بها


وطلع ولحقه بدر

ابو ياسر : انا عارف ومقدر مشاعره
والله ما تقولون له شي

وهو بقلبه " والله ان اخذ امك وانت تشوف يالبزر


تكلمت الجده : يصير خيرر وقامت وهي مضفيه غطاها وعصاها بيدها اليمين
: لاصار عندنا رد كلموك العيال
وطلعت عنهم


*************

راح ركظ لبيته ولقى عليا بوجهه لقى من يفرغ فيه غضبه
وصفقها كف وشد شعرها بقوه
: انقلعي عن وجهي لاعاد اشوفس بالشارع


طبعا عليا صاحت بعالي الصوت
وماخلت من السبات والشتايم ما سبته فيها
شافت بدر واشتكت ياسر وهي تصيح
:شف ياسر ظربني وقطع شعري

بدر حنون جدا ماقدر على دموعها

: معليش علوي امسحيها بوجهي

وناظر فيها : ليه حافيه و ين نعولس
انحرجت عليا ونزلت راسها وصارت تلعب بالتراب برجلها : اخر مره المره الجايه ألبس نعول
.
.
.
.


دخل مثل الثور الهايج يمااه يماااااه
ردت قمرا : هلا ابوي هلا حبيبي
: يماه ابيس هالحين توعديني
قمرا : بأيش
:ما تزوجين عقب ابوي
تبسمت قمرا : وقالت بــــس ابشر اوعدك
ما اخذ عقب ابوك الله يرحمه
اصلا ما يحتاج انا اوعدك لاني
ما عندي اية نيه للزواج بعد ابوك الله يرحمه

وفتحت ذرعانها تبي تضمه وهو اقبل يضمها
: تكفين يمه لا تقهريني
قمرا وهي تشد عليه اكثر
: ماعشت ولا كنت ان قهرتك
يا قلبي

***********



:يماه ابي اروح معس
ام عليان : لا اجلسي خلي منيره تروشس
شوفيها تستناس وتجهزي
بنروح للعشا في بيت عمس
عليا على وشك البكاء : لا بروح معس
الله يخليس يمه

تطلع حصه وعباتها طايره وراها
:اقعدي شلون بتروحين والحنا على شعرس
عليا بحده وطولة لسان : مالس دخل انتي
انا اكلم امي
وتمسك عباةامها وتترجى اكثر
: تكفيين يمه الله يخليس برووح وبدت تبكي
دخل ياسر وشاف البغيضه عليا
وهي تترجى خالته تبي تروح معاهم

قال : خاله اذا هذي تبي تروح
دورو احد غيري يوديكم للسوق
قالت ام عليان : لا مهي رايحه
ويالله ادخلي داخل
وطلعت ولحقتها حصه من باب البيت
وكانت بتلحقهم عليا
بس وقف لها ياسر بجسمه على الباب
: انقلعي داخل
هجمت عليه وهي تصيح
وشاتته بقووه على ساقه
: وخر ياكلب ابي اروح مع امي
تعوور بس كابر ومابين ألمه
ومسكها مع شعرها وغاصت يده
بالحنا
قرف منها ودفها بقووه وهو متقرف قلت ادخلي داخل
وده يكفخها شوفتها ترفع ضغطه
راح للمغسله بطرف الحوش
وغسل يده وطلع يوديهم للسوق




**********


بعد صلاة العشا
تجمعو في بيت ابو بندر

وكان عشا عادي كل اربعا يسويه يجمع فيه العايله

بس الليله ما كانت ابدا عاديه

الليله كانت ملكة العيال


بالاتفاق بين ابو بندر وابو عليان
وكالعاده ما بلغو احد




الشيخ جالس وطلب هوية بندر وبدر وتمم لهم الملكه
وسط تفاجأهم وابتسامة الشيبان
واكييد ياسر بعد كان مبتسم
نغز بدر وقاله مبروك عليك منيره
بدر بنفسيه : قسم بالله لو ماتنكتم لا وريك شغلك
سكت ياسر وهو كاتم ضحكته من شكل بدر

فجأه تكلم ابو بندر :اقوول يا ابو عليان
ما تعطينا بعد عليا
رد عليه ابو عليان : تأمر يا بو بندر

لمن؟؟؟؟؟
قال ابو بندر : لياسر خله يفرح مع عيال عمه


وبعدها وجه الكلام للشيخ
: يا شيخ املك له واشر على ياسر

على اختهن الصغيره


طلب الشيخ من ياسر اثباته

ومثل المنوم مغناطيسي نفذ وعطاه وتمم الشيخ له الملكه

صحى على صوت عمه



يقول : بالمبارك يا ابو عليان الليله ماشا الله
زوجت بناتك كلهن
عقبال ما تفرح بعليان

باركو له من بالمجلس
وقلطهم ابو بندر على العشا


وياسر مصدووم ومومصدق ماصار
حاس انه بكابوس

""وش ملكته وش زواجه هالحين
وبهذا الوقت بالذات ارفض
ارفض ولا عندي اية استعداد
وذاتا علياا
وطبعاً استلمووه عيال عمه تريقه وضحك بس هو سكتهم بنرفزه وطلع وخلاهم

************




ابتدت التحضيرات الفعليه للزواج

وياسر لازال مصدوم وبدر مكتم ومجبور وبندر مشاعره مشاعر عريس ممللك ينتظر ليلة الزواج




************

الجده صافنه وتفكر بعمق في عرض ابو ساري

فعلا بنتها صغيره توها
ومحتاجه لرجال ولازم تجيب لها
عيال وبنات غير ياسر
بكره ياسر يتزوج ويلهى في حياته
وهي تقعد بعده
لازم أقنعها بخطبة ابو ساري


وقامت رايحه لبيت بنتها وهي طالعه
تعلقت فيها عليا :جده ابي اجي معس
الجده تعالي يابنيتي



دخلت الجده على بنتها قمرا
وقالت لها ضبطي لنا براد شاهي
ابي اشرب معس فنجال

قمرا سوت الشاهي وجلست
عند امها وطبعا عليا بينهن

قالت الجده تصرف عليا : قومي يا عليا العبي هناك


وهناك عند عليا يعني بغرفة ياسر !!!!



بعد جلسه ماستمرت دقايق

طلعت الجده من بيت بنتها قمرا

وتركت وراها قمرا منهاره من البكا

وعليا بغرفة ياسر

دخلت قمرا غرفتها منهاره
بعد حلف امها عليها انها
توافق على ابو ساري
وشرطت رضاها بموافقتها
ولا عطت قمرا فرصه تتكلم
فرضت رأيها فرض


دخل البيت ولقى امه بغرفتها نايمه

وراح ينام وراه شغل الصباح

دخل الغرفه لقاها منكوشه فوق تحت
ومافيها شي في مكانه

وطبعا مستحيل يكون احد ثاني غير


عليا

والله لأربيس يا عليا

رتب السرير ونام وهو يخطط كيف يعاقبها

******


اصبح الصبح على قمرا
وهي ما غمض لها جفن
لبست عباتها وراحت لامها
ولقتها تفطر بالصاله ومشغله الراديو

الجده : ياساتر وش بلاتس يا قمرا
ميتن لتس ميت !!!!
نزلت لرجول امها وحبت عليها
: يمااه يرحم والدينس اعفيني
من السالفه كلها تكفين يا يمه
الجده :ياخبله والله اني ابي صالحس
وانا خلاص بلغت ابو عليان يبلغ الرجال
انتس موافقه

انهارت قمرا تبكي : يمه انا ما وافقت
حرام عليس تغصبيني
الجده : بكره لا صار عندس عيال وبنات
بتدعين لي
قمرا : يمه ياسر مابيرضى
الجده عصبت :رضه ا ن شا الله
انتي امه وانتي اللي تمشينه ماهو هو اللي يمشي رايه عليس وخلصنا

شيخه واقفه عند باب المطبخ وتسمع الحوار
بس عارفه امها لا يمكن تلين
اذا صممت على شي
وهي اليوم مصممه
*************

ياسر راح يقضي اشغاله وشاف ابو ساري
بطريقه وتميلح يسلم على ياسر ويستظرف سحب عليه ومشى تاركه بعد ما صرفه
انسدت نفسه ورجع للبيت متعكر المزاج

بس وصل لبيتهم تذكر غرفته
وراح لبيت خالته

يدور شينة الحلايا
بس مالقاها رايحه مع خواتها عند الخياطه


سلم على جدته وفاتحته بموضوع زواج امه
قال بغيض مكتوم : جده الله يرضى عليس
انا قلت رأي قبل كذا ماني موافق
مااااااني موافق
وطلع وصفق باب الحوش وهو طالع



********





العصر طلع مخنووق امه ما طلعت من غرفتها
ودخل عليها لقاها رابطه راسها
ومطفيه النور واشرت له اطلع ما اقدر
اتكلم مصدعه

وقف قدام باب البيت
ويتابع السيارات
سمع صوت عليا بالحووش
راح لبيت خالته ودخل عليها

:تعالي هنا يا حيوانه
وقفت بكل ثقه ومتخصره : انت الحيوان
مسكها مع شعرها
:ليه يوم تخربين غرفتي ليييه

وصفقها كف
طبعا عشانها مذنبه ما بكت
ظربها مرره ثانيه
وهي ياجبل ما يهزك ريح
تنرفز يبي يبكيها
كفخها لين بكاها
وتركها بعد ما خلى خدودها حمرررر


عليا شافت ابوها داخل : وركظت له ابويا
شف ياسر ظربني كفوف
ناظر ابو عليان نظرة عتاب : افى يا ياسر
ليه كذا يا ولدي
انحرج ياسر : يا عمي امس داخله غرفتي
وقالبتها فوق تحت متعمده تخرب
ابو عليان : ولو يا ولدي اجل لصارت في بيتك
وش بتسوي فيها
ماتحملها والحين هي بزر
الله يصلحكم

الله يصلحكم


ياسر طلع وزااد كررهه لها اكثر الي حطته بموقف المذنب. قدام عمه ابو عليان







قبل ليلة الزواج
بلغت الجده قمرا ان زواجها بكره وانها بتروح لبيت ابو ساري
سألت امها : وياسر ؟؟

الجده بكره يدري ومصيره يرضى


قمرا : يماه والله ان يجن الولد ويهج

الجده: لا بيزعله يومين وبعدها بينسى

.
.
.
.
.

ليلة الزواج كانت مختلفه باختلاف مشاعر العرسان والعرايس
الزواج كان في بيت ابو بندر في حوشهم الواسع وفي ساحة المسجد بنو بيت شعر كبيير للرجال واضااءو ماحوله بعقود اللمبات
وتجمعو الحبايب من اقارب وجماعه واصدقاء وجيران
كانت ليله صيفيه جميله و مزينه بعقود الانوار والمكان ممتلي بالحريم الكبار والشابات والصغار الكل. يجي. ويجيب. عياله
واللي مايجيب. عياله. ينزعل منه وينشره عليه




وكان المسجل بعالي الصوت
ونوره مبارك تغني


انا البارحه مامسيت والمسلمين رقود
حسبي على من كان هذا من اسبابه



الوحيده اللي كانت بحالتها الطبيعيه

عليا بفستانها السكري المنفوش
مع حلقها اللولي على شكل دمعه
وشعرها اللولبي الطويل
وعيونهاالمختفيه من الكحل اللي اصرت على امها انها تحطه مع انه شوه ملامحها
الا انها تحس انها اجمل من الاميرات

اتعس انسانه كانت قمرا
تحس انها منقاده للموت
تمت الملكه العصر وبدون علم ياسر
وامها حلفت عليهاما تعلمه
الى ان تكون في بيت ابو ساري
جدته بتعلمه
وكان هذا القرار هو سبب بعد ياسر عن امه ١٨ سنه


قراءه ممتعه لكم وردود حلوه لي

 
 

 

عرض البوم صور شبيهة امي   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكاتبة شبيهة أمي, ليلاس, منتدى قصص من وحي قلم الاعضاء, ام رنا, الأ ليت, الماضي الأصيل, الزمن, بنت المطر, ياسر, يرجع, روايات اجتماعيه رومنسيه, روايات خليجيه, روايات سعوديه, روايات طويله, رواية الا ليت الزمان يعود, شبيهة أمي, علىا, عليان, قصص و روايات
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t180662.html
أرسلت بواسطة For Type التاريخ
Untitled document This thread Refback 24-09-16 09:27 AM
Untitled document This thread Refback 01-10-15 04:17 AM


الساعة الآن 08:50 PM.


 



Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية