بدا الجد وبدت الفوضى
الشيخ ياسر كلم ابوي يبيني اتزوجه
يبي عروسته اللي انجبر ياخذها وهو صغير
واكيد انه مجبور بياخذني عشان ما يكسر خاطر امه وابوي
بس انا ويني من قراره

ابوي جاني مبسوط مع انه يحاول يدس عني فرحته
بس انا اعرفك يا ابوي من عويناتك
قلت له انا بفكر بس محد يجبرني عليه
وتذكر يابوي اني طلبتك تطلقني منه
بس انت موت السالفه وقتها وانا برجع احييها
يا بوي مااا ابيه ما ابيه


تغيرت ملامح ابوي
عصب بس تعوذ من الشيطان ونزل شماغه وحرك طاقيته لورا وصار يمسد راسه
(كخخخخخخخخخخخخ
رهيييييييييييبه يا ام رنا
مت من الضحك
كلهم كذا
مرة قلت لاخوي الله يقومه بالعافيه وش يعني؟ الفكرة تبي تطلع اذا حكيت الصلعه بالطاقيه؟ يعني تنفه لها)
:شوفي يا عليا لا تتسرعين استخيري
وخذي وقتس هو الحين سافر والله اعلم متى يجي
قلت بقهر وبحده
:قصدك هج هذا وجهي ان رجع مره ثانيه
(لا تحدين يالخبله .. تراه خابزك وعاجنك)
بيغيب سنين وانتو بتسامحونه مثل اول مره
ابوي ساكت مارد علي عرفت بوجهه الزعل
قام وخلاني
وانا جلست اصيح اول مره ارفع صوتي على ابوي
بس والله مقهوره

التزمت غرفتي باقي اليوم
(طيب؟ عسى الريم فيه!! الشغاله وسفرتوها مين يخدم ؟)
بس ما اقدر اترك كل شي وانسحب
امي هي الزم ما علي
بعد ما صليت العشا نزلت عند امي
ولقيت عندها ام احمد وخالتي ومنيره
دخلت وبوزي عشره شبر
مالي خلق اتكلم او اسمع أي صوت
يالله سلمت عليهم و حبيت راس امي وتفقدتها
وتفقدت حاجتها
وجلست مثل التمثال عند رجول امي
حاولت منيره تستفرد فيني
: ياساتر ليه هالبوز يختي استحي على وجهس
وجاملي خالتس وام احمد
(ماتت يامنور وهي تجامل .. قضى عمرها وهي تدمح!!)

ما فيني والله اتكلم وارد عليها
غير اني حاسه بغصة قهر وخوف
(قهر و خوف؟؟؟؟؟؟؟؟؟؟؟؟
قهر أنه ما عطاك وجه و قام يهاوش ويتأمر ولا كأنه غايب وتوه راجع
وخوف أنه يصدقك و يطلقك بعد ما حبيتيه
والا خوف من ان ابوك يتغير عليك بعد مافشلتيه؟
والا خوف على امك ما حد يشوفها
يابنت الحلال اركي حجاجك على ربك
ماخلق الا ودبر)
انا ابي امي ما ابي اتركها
كل هالسنين وهو مختفي وغايب
وكنت بيني وبين نفسي اقول
واسأل لو رجع ياسر وش بتسوين ؟؟
كنت ارد على نفسي بدون تفكير اكيد اني بطلب الطلاق
انا لايمكن اتزوج واحد مثل ياسر
واليوم سألت نفسي وش بتسوين
اختلفت اجابتي لنفسي
ترددت وهذا اول تغييير
انا من كلمتني خالتي وخلتني استخير
وانا تعبانه
انا كارهه ياسر كارهته ما ابيه
بنفس الوقت ابوي يبيه
وخالتي ماودي اكسر فرحتها ورجاها لي
وانا في جزء مني مرتاح او نقول بديت افكر جديا
بإتمام الزواج
بس ارجع واقول لا خليه يولي
امي اولى فيني اصلاً انا رفضي اغلبه
عشان ما ابي اترك امي
وهو الله يرزقه اللي تسعده انا
ما ابيه ما ابييه
(علينا يا عليون؟
الا منقهررررررررررره و مايته قهررررررررررر
انه ما صار مثل هالحجز رومنسي و حبيبي
توقعتي يصير سمكه بعد عكرة الضب
تراه كله حراشيف
ماتفرق!
*********************

تقابلت انا وسلطان بالليل
انا من العصر ادور على شقه عشان اجهزها
اسكن فيها انا وعليا
(ثقه يعني؟
و الا مكايد!!)
جبت عشا من برى وتعشيت انا وسلطان
وسألني : ما شفت ولا شقه تعجبك
رديت عليه : لا بصراحه ابي شي قريب من العمل واللي لقيته كله بعيد
سلطان : طيب جاك رد من عمك
تنهدت : بصراحه ما سألته ولا ابي اسأله
انا سويت هالخطوه لانها متوقعه مني
امي وعمي واكيد هي بعد كانو ينتظرون
مني هالشي وبكذا اكون سويت اللي على
سلطان حط عيونه بعيون ياسر
: طيب افرض انها رفضت وما تبي تكمل
وتمم كلام مضى عليه 18 سنه
( حلو يا سلطان واجهه مع نفسه)

قلت بعدم اهتمام مصطنع
: عادي مع السلامه والقلب داعي لها
شف يا سلطان انا متزوج متزوج ان شالله
ان كانت بنت عمي خير على خير

ما حصل بيننا نصيب يامكثر البنات في البيوت
(تخسى والله مافكرت بغيرها من يوم سمعت بنيدر يرسم عليها
ومن عاد تلقى تتحمل قمرا )
سكت عني سلطان وانا قعدت اقلب كلامي
بيني وبين نفسي
لقيت نفسي رافض فكرة الطلاق نهائيا
مستحيل يا عليا ان شالله إنا لبعض و
ياليت ما تعقدين امورنا
(والي قافلن بابه 18 سنه ما عقد شي
نعن ابوك الخبز اذا قعد يومين عفن
واش عاد هالسنين؟ اكيد تحجر!!)
****************************

اسبوع مضى


دخلت للبيت وتراكظو علي الاولاد
ضميتهم بحب يا حلو بيتي فيكم يا عيالي
احييتوه بعد ما ماتت فيه الحياه عقب امكم الله يرحمها

قال ماجد : جدي وجدتي عندنا
تبسمت و قلت : الله يحييهم
(بدت الحيلة تشتغل يا فايزه
الا وراك ماتسوين كذا مع الوكيله و تفتكين ولو من الانتظارات؟؟)
دخلت للصاله لقيت عمي وعمتي جالسين
ومنوله بحضن جدها
سلمت عليهم وجلست
بعد السلام والسؤال عن الاحوال سكتنا شوي
عمي نادى فايزه بس ما ردت عليه
رجع ناداها مره ثانيه
طلعت لنا من المطبخ وعيونها حمرا
باين انها باكيه مو بس باكيه الا متنكده من البكا
قالت بصوت مكتوم: نعم يبه
قال ابو فهد : تعالي اجلسي وشوفي زوجس كان يبي شي
قلت و انا اخذ منول لحضني : تعالي اجلسي ما ابي شي
قامت عمتي بتقهويني لكن فايزه اخذت منها الدله وصبت لي فنجال ومدته لي
وضلت لثواني ماده يدها
مدري وش اوصف احساسي
غصب عني عيني تغض بصرها
غصب عني ما اقدر اشوفها
احس انها لازالت اخت زوجتي المحرمه علي
(ما اظن!!
ما صدقت يا سند!
المسأله انك عرفت مقصد اهلها و شفت دموعها و لا تبي تغصبها تحس أن معروفها مقيدك ولا تبي تغثها)
اخذت الفنجال منها بعد ما قالت عمتي : تقهو ابو ماجد
شربته كله مره وحده
حار يلطع حسيته حرق لساني
وغطيته بكفي وقلت : بس
( بس وشو؟ تتفكر بخطة هالشيبان و تجزم .. يلله عاد تراه حامت كبدي و انا احتري!!)

هي جالسه جنب امها وانا جنب عمي
عمي وعمتي حاولو يدخلوني جوهم وسوالفهم
عمتي همست بإذن فايزه شي وقامت فايزه
عمتي وعمي كملو كلامهم ومنوله نايمه بحضني
قمت ووديتها على سريرها

ومريت المطبخ الا فايزه تجهز العشا
قلت لها وبعد ما سمعت نشيجها : وش صاير فايزه في شي
نزلت راسها : لا مافي شي لا تهتم
قلت لها : طيب ليه الدموع امنتس بالله يا اختي لا تبكين
انا قلت لها هالكلام ارتفع صوت نشيجها وصار بكا وغطت وجهها بيدينها
(هالحين يبي يقضي شهر العسل و هي اختك
الا سؤال سند؟
وشلون جبت هالعيال؟ بالريمونت كنترول؟!!)
مدري وش صار بس ما قدرت اقعد اكثر واسمعها تبكي
طلعت للصاله وجلست جنب عمي وناديت ماجد
همست له: رح لخاله ساعدها
قالت عمتي : ابو ماجد
قلت لها هلا يا عمه
قالت : عساك مرتاح مع فايزه
تبسمت لعمتي وقلت : الحمد لله
قالت برجا وعين دامعه : الله يعافيك ويخليك لعيالك استحملها
ترا ها المدلـله
(دودلوك بنار جهنم ياشايب الغبرا )
قلت : تعلميني يا عمه على يدي وشوف عيني
ولا يهمس من ناحيتي ارقدي وامني فايزه فوق راسي
وما اطلع من جزاها
(ما يبونها فوق راسك يبونها فوق فراشك ... افهم و اجزم ... اويلاه من يلاقي ربموته ويعيد برمجته!!)
دخلت علينا ومدت السفره
ونزلت العشا وجلست معانا بس ما مدت يدها
ابد ماسكه لها خبزه وتنتف فيها
(تذكرت ذيك الزهرة الي ننتفها ااروح ما اروح)
اسمع عمتي تقولها : ليه ما تاكلين
ردت بهمس لعمتي : ما ابي
قال عمي : كلي يافايزه احسها بتنفجر
قطعه خبزه صغيره جدا واكلتها وقامت : الحمدلله شبعت
واتجهت لغرفة منوله
ناداها عمي وبحده : فايزه
رجعت وهي تحاول ما تبكي
تقاوم لين قالها عمي : انتي وش فيس هااه
قالبه وجهس علينا وعلى زوجس
ترا ان ما تعدلتي لا تشوفين شين ما شفتيه ابد
قلت بهدوء: عمي انا ما اشتكيت وفايزه ماسوت شي
خلها براحتها اكيد ماهي جوعانه
(الا جوعااااااااااانه وميته جوع بس........)
صاحت منال وهي في غرفتها
قلت لها : روحي شوفيها
ودخلت فايزه وانا احب راس عمي
واقوله : اهدا يا عمي اهدا
ولا تلومها ترا حالتها ووضعها صعب عليها
انا وانارجال صعب علي هالوضع خلوها
لا احد يكلمها وربي بيصلح الحال
قال عمي: انا متفشلن منك يا سند
(اجل اكيد انك صرفت الشيك!!)
قلت : لا تفشل ولا شي بالعكس
ارفع راسك ياعم ربيت واحسنت التربيه
والله فايزه تنشرى بالغالي والنفيس
وانا الحظيظ يوم وافقت تاخذني
بس ارجوك ياعمي خلوها وتراني مرتاح وهي بعد

سكت عمي وقال : يا ولد ي دامكم متراضين
ما نقدر نقول شي
(ومن تخلون اللقافه له؟)
وقام وقال يالله يأم فهد
تصبحون على خير
***************
رحت لابوي ابي استسمح منه واعتذر وبنفس الوقت ابلغه عن قراري

حبيت راس ابوي : تكفى يا ابوي سامحني واعذرني

ساكت ابوي مارد علي بس بعيونه عتب علي
قلت وانا ابكي يا ابوي والله ما اتحمل نظرتك
تكفى سامحني
قعدت اشاهم واحس بكاي قطع قلبي
أليم ان يكون ابوك زعلان منك
وحتى عتب ما يعاتبك ولا يشره عليك
قال ابوي بعد ما رحم حالي : انتي ظنس انا ارخصتس يا عليا
ابد والله ياسر انا اضمنه ماهو الرجال اللي يتفوت
بس انتي مالس الا اللي براسس
ناظرني وقال بحزم هالحين تعطيني اخر كلام
قلت بصوت مكتوم عارفه انه بيزيد زعله مني
: سامحني يا بوي ما ابيه ما قدر اوافق
(قويه عليون خلك كذا)

قام وهو عاقد جبينه نفض شماغه ولبسه وقال : يصير خير
(يبي يشغل موجة تحسيس بالذنب اعرفها بس ما اعرف اعزفها)
قمت عند امي وانا اكتم بكاي عنها
بس ما قدرت انفجرت ورميت نفسي بحضن امي
:يمه يماااااه
حسيت احد يمسح على ظهري
رفعت نفسي لمن شفت خالتي قمرا
: بسم الله عليس يا قلبي وش فيس
بكيت وهي تحضني
حضنتها بقوه وهي تسمي وتقرا علي
: اهدي يا قلبي اهدي يا حبيبتي
كل شي بهالدنيا يهون
وهمست: بس بكا شوفي خوفتي امس
ناظرت على امي وعيونها علي وتبكي
مسحت دموعي بقووه وقلت لامي
وانا احب يدينها يمه تكفين الا دموعسس
تكفييييين انا اتدلع عليس مافيني شي
وحاولت اهدا عشان اريح امي حبيبتي
(الا يا عليا ليش ماتخذون من بندر شي و تغسلونه و تكبونه على امكم يمكن تطلق اعصابها
عندي انها ما تحرولت من الشاحنه بس لا من صدمة بندر وهو يهمزها قسمن بالله قريت العباره 5مرات ابتأكد وش قريت!!)
*************

تو انهيت مكالمتي مع عمي ابو عليان
بلغني فيها برفض عليا
عمي يالله نطقها حسيته متفشل مني
(يرسم هالشويب على بعيد
يقولك مابين السطور انقز وتعال تصرف)
طمنته وقلت انا اصلا متوقع انها بترفض
بس اسمح لي ياعمي انا ابي اسمع رفضها لي بنفسي واسبابها
عمي ما استوعب بسرعه طلبي
: هااه شلون تبي تكلمها بالتلفون يعني ؟!؟!؟
(ماصدق الشايب ان حيلته تنطلي على ياسر
مادري ان كل هالحوسه من تخطيطه الجهنمي)
قلت :لا ياعمي انا ان شاء الله خلال اسبوع بحاول اجي
واذا جيت ابيها تقولي اسبابها
انا يا عمي شاري بنت عمي وما افرط فيها ابد
(الا مير هو دافعن مهر والا كذا بلوشي!!)
أنبسط عمي من جوابي : على خير يا ولدي والله يصلح الحال
قلت لعمي : ياعمي لا تقول شي لاني مدري عن جيتي هي اكيده او لا
انهيت المكالمه مع عمي
وانا اقول بنفسي اجل رفضتي يا عليا
هين يابنت العم نشوف كلام مين بيمشي
(مو مهم من كلامه يمشي المهم من خشمه يبي ينزل الاول)
وخلصنا؟
لا باقي بعد... اصلي و ارجع اكمل مو لازم عشاء الليلة

التاسع
نفسيتي تعبانه
امي حبيبتي ما تناظر فيني
لها كم يوم ما تبي تناظرني ولا تتقبل حتى مساعدتي لها
من ذاك اليوم اللي دخلت عليها وابوي يتكلم معها
(اخخخخخخخخخخخخ بسسسسسسسسس
هالشويب طاح من عيني
ياحسافة الشاهي المنعنش الي شربته معه ذيك العصرية!!
وهالحين يالعجوز الطايحه بعد كل الي سوته لك لك وجه تزعلين؟
لا .. خلاص .. لا تصيحين .. ادرى و الله ادري
تبينه تعرس و تروح عشان تموتين و انت مطمنت عليها ولا تقعد بحلق ريموه
ادري ياوخيتي ادري العرس ستر و غطى
هو حنا وش ضيعبنا و دمر مجتماعاتنا الا هالمثل
لا حصلوا ستر و حتى الغطى قمنا نكد عليهم ولا عاجبهم)


: والله يا وضحى اني تعبت من هالموضوع
بنتس عنيده تبيني اطلقها من ياسر
(اوفففففففف ليت معي عصا
هالحين ما تعلمت من قمرا شي
تراه اللعن من ذاك اذا بغى الغثى
هذا زودن على ورثه الصحراوي من الجلافه رايحن يدرب عند الحجز الا مايعرفون يتفاهمون الا بالكفوف)
تشجعت ودخلت عليهم
وحبيت راس ابوي وراس امي
ابوي قام و طلع من الغرفه وماعبرني ولا بكلمه
(افتكي!!
عشان ماتقهوينه بعد)
وامي عرفت من نظرتها عدم رضاها علي
وبقلبي : اه يا يمه لو تدرين ان رفضي كله عشانس
ما ابي اتركس تتلتهين عقبي
اخاف كلن يلهى بحياته والا يغفلون عنس
(تدري يا عمري وهذا الي مضيقن صدرها مايخلي الذرة تنفس فيه!
تلاقينها الحين تمنى الموت عشان تعرسين و تنقطع حجتك
بس .. قربي شوي .. لا تنسين وصي سعديه تجيب لك شي من بندر
وش فيكم تطالعوني ... ما قلت شي)
جلست جنبها بعطيها غداها رفضت تفتح فمها
بكيت : يمه تكفين لا تكونين بعد ضدي
وانهرت اصيح وحضنت امي بقوه ابيها تحس فيني
(عاد تراك مصخيتها ياوضحى .. ان متي هالحين تصيرين منتحره و تموتين البنيه بحسرتها لا تطول عرس ولا حياة هنية)
دخلت الريم : يووه ووش فيس عليا
رفعت نفسي عن امي
وقلت للريم: تكفين غدي امي انا تعبانه
" ما قلت لها ان امي رافضه تاكل من يدي
ولا ان امي ما تناظرني
وهربت برى الغرفه ابكي من زعل امي علي
(هه جربي ياوضحى مصالات حريم العيال..
الا الحقي عمرك وقدمي شغاله قبل لا توصل ام رنو لغلاق باب الاستقدام و تقعدين مثلي)
********

يمه انا ا ن شاء الله جايكم بعد اسبوع
وبقعد بس 3 ايام وابي تجهزون لعليا
(18 سنة يعني 216شهر يجن؟6480يوم
اذا نقصنا منهن 3 ايام كم يبقى يابو عوارض
منين نصرف الباقي!!)
قمرا بذهول : بس البنت رفضتك وشلون تبينا نجهزها
(وانت كنت رافضه بعد مين جهزك!)
ياسر : يمه خليها ترفض من هنا لمية سنه قدام
انا طلاق ماني مطلق
جت معي بالرضا الله يحيها والا الغصب يمدحونه
شهقه كبيييييييرة و عيوني نطت وبنتي توحشت تحسبن ابهبل فيها

قمرا بإستهجان : لا يمه الامور ما تصير غصيبه
ياسر يقطع كلام امه : يمه لا تخافين ماهو غصب
بس انتي عارفه عليا كل شي تسويه عناد معي
(ومادامك دارين أنه عناد تقوم تعاند ليش!!)
قمرا بدعوه صادقه : الله يصلح حالكم
انا اخاف بس تزعل عمك ابو عليان

ياسر : من ناحية عمي ابو عليان
تطمني هو معي
قمرا : اجل الله يوفقكم
(تطمني ياقمرا كل العالم لافزه ببطه)

يالله حبيبي مع السلامه اذن العشا بقوم اصلي
ياسر : لحظه يمه
قمرا : هلا ياسر
ياسر :انتي بعد يمه جهزي حالس بتجين معي لجده
تكدر خاطر قمرا وقالت بكدر : أي يصير خير
اجل وش تبين؟
تقعدين الحالك
الا روحي و شوفي و ش يبي يسوي بعليا و تذكري شين الحلايا ويش يسوي فيك )
********

عليان جالس مع عليا
:سمعت انتس طالبه الطلاق
تدرين عاد يا عليا اني عتبان عليس وبالحيل بعد
قالت عليا وهي عارفه وش بيقول
: ليه يا عليان عتبان علي
عليان : رفضتي تتممين الموضوع
ولا حتى سألتيني او شاورتيني
عليا: تكفى عليان اللي فيني مكفيني
كافيني اللي فيني
محد حاس فيني من حقي ارفضه ومن حقي اعافه هو عافني 18سنه
عليان : هدي وانا اخوس صح كلامس من
حقس ترفضينه لو منتم مملكين
لس حق ترفضين لو ماكل الناس
عارفه انكم متزوجين وهم الان متوقعين
نعزمهم على زواجكم مو نعلن عن طلاقكم
الحين اسمحي لي بهذي الكلمه
اكيد بيقولون عافها ولد عمها اكيد ان فيها بلا
(وهذا الي هامك؟ تلاقيك تفكر بحمدا وش يبي يقول؟)
عليا دمعت عيونها بقهر : ماعلي من احد ابدا سمعتو
وطلعت من المقلط اللي جمعها بعليان
(الحين ودي ادري بس .. وشلون تشرحين للبنات وانت بهالنفسية!!)
***********

صباح مدرسي بارد تتخله غيوم داكنه
تبشر بأمطار الخير
رياح خفيفه تحمل معها ريحة الحيا
(هذا جو كشته مو مدرسه)
فايزه صاحيه من صلاة الفجر
واشرفت على تجهيز الفطور لسند والصغار ماجد وفارس
اما منوله الصغيره فكانت نايمه
مشطت لماجد شعره : ها حبيبي يالله نراجع النشيد
ماجد : خالتي اخاف اني اغلط
فايزه :لا ياحبيبي يالله انت امس حفظتها تمام
بدا ماجد يسمع
باسته على راسه : ماشا الله عليك هذاك حافظ
فارس جالس معاهم بس نايم على الكرسي
طلع سند من غرفته لابس ومستعد للدوام
:صباح الخير
ردت بهمس وماجد راح وحضن ابوه
وجلس يفطر بصمت
(الريموت محطوط على الصامت
تراه عا يا فايزه الغالب الغالب من كثر ما غيرت بهالريوتات
تلاقين زر كتم الصوت على اليمين و زر التشغيل على اليسار
تقل انك قربتي)
قالت بخجل بعد محاولات : احم اقول ابو ماجد
ممكن توديني للمدرسه
سند من دون ما يرفع نظره : ابشري
اذا جاهزه مشينا
باغتها بعدها مباشره : افطرتي ؟
هزت راسها بلا
قال وهو يناظرها : ها افطرتي
قالت : لا شربت بس شاهي
قال سند : لا تعالي على الاقل شابوره
(والله من الحمو!!)
قالت فايزه وهي تغطي فمها : لا مشكور
ما اقدر احط أي اكل بفمي الصباح
تقلب معدتي علي طول اليوم
وراحت تلبس عبايتها وتوصي الخادمه
اللي لها كم يوم واصله
(ياربيييييييييييه
تاركين البنية عند الشغاله وهي جديده!!!)
********

في غرفة المعلمات
امنه وفايزه وعليا
بعتب من امنه : ليه يا خبله رفضتي
على ماسمعت عنه انه فيه خير وانه بوظيفه زينه
(ومنين سمعتي.... نعنبو هالاخبار الي تنتقل ولا اقمار صناعية!!)
عليا بزهق من الموضوع : ومع هالشي ما ابيه


فايزه عارفه ليش رافضه عليا : لا تتعبين نفسس امنه
هي ماتبي تتزوج ياسر ولا غيره
هي تبي تجلس عند امها
امنه : صدق عليا؟!؟!
امتس في من يراعيها ابوتس اول
واحد بيراعيها واختس منيره وعليان وزوجته
اجل مسويه امتس حجه بلا دلع
بس والله لااقول لمنيره واشيشها عليس
راح عمرتس ألحقي عليه ياغبيه وجيبي لتس عيال
لا تسوين سوات ابلا مزنه
شوفيها لا ولد ولاتلد والرجال هج يدور العيال
(والله اني احسبك تكانه يا امنه!!
طلعتي مثلهم خرطي
هالحين ماهمك الا انها تجيب عيال
الاستقرار و راحة البال الزم
وهالمزنه اكيد ربي يبي يعوضها الي هو خير من الولد و التلد.. الا وشو التلد؟)

كثر اللوم علي وكثر العتاب من الكل وانا زهقت من هالسالفه

ابو عليان في نقاش مع عليا
:تقدرين تعيبين ياسر في دينه او خلقه
هزت راسها عليا بصمت بلا
قال :اجل ما لتس حجه ترفضينه
انا ادرى بمصلحتس
(قاموا يقصون و يفصلون الدين على الكيف؟!
رأيها اهم من كذ يا بو عليان .. اركد ترى المسأله به جنة و نار)

منيره بعد حوار مطول مع امنه بالتلفون
(امحق تكانه!!
ما امداك تاصلين .. قيلي و تقهوي همين زهمي على الخلق
اييييييه توي ادري وش قصة اقمارنا الصناعية في ايصال الاخبار الفورية)
توجهت لعليا في بيت اهلها

وبدت معاها بهجوم
:قسم بالله انس مدلعه شوفي ان تطلقتي منه
مالس عن بندر
شهقت عليا من كل قلبها :وع وع الله لا يقوله
ردت منيره بكره لبندر : شوفيه مثل الكلب يتصيدس
وانتي عارفه عقليات ربعنا ماللمطلقه جلسه
الا يزوجونها وشفتي مأساة خالتي قمرا مع ابو ساري
تنهدت عليا " طفشت طفشت من هالسيره والله ملييييت
منيره سكتت عارفه الحين لايمكن تسمع منها طلعت وخلتها
(اوجعن قلبي ... لا ياسر ارحم هجي!)
***********

ليل الخميس
وصل ياسر في وقت متأخر من بعد صلاة العشا
راح لبيته نزل اغراضه طلع مع باب بيتهم بيتوجه
لبيت عمه وشاف منظر فجر الدم براسه
(الا والله هو ناوين الشر من اصله)


قبلها بدقايق
ام احمد كانت سهرانه مع قمرا عند ام عليان
وخلاص بتروح لبيتها وهي طالعه مع باب الصاله ظربت
رجلها بالباب وتعورت جدا
لدرجة اصبعها انجرح وانكشط الجلد
ركظت لها عليا
:بسم الله عليس يا خاله ونزلت تشوف الجرح
جلست ام احمد المسكينه و بعدها ضمدت لها اصبعها
قالت قمرا: خليس هنا يا ام احمد
شوفي منتي قادره تمشين
قالت ام احمد وهي تتألم
:لا يا وخيتي بروح بيتي ما اقدر اخاف يرجع احمد ويفقدني
قالت قمرا لعليا: امرنا لله خلاص وصليها ياعليا

لبست عليا عبايتها وطرحتها وبطرف الطرحه الخفيف
غطت وجهها
(ليش؟ يعني الليل ماله عيون!!)
بما انه ليل وماحد بين البيتين المتلاصقين
وصلت ام احمد وفتحت لها البيت
البسيط اللي هو عباره عن حوش اسمنتي
داير مايدور احواض زرع وعلب وتنك مزروع
ووبيت بسيط عباره عن اربع غرف
بمدخل كبير باب ألمونيوم فضي بطرف زجاجي
يفتح على الصاله

دخلتها لغرفتها وجابت لها مويه
وتطمنت عليها
:تبين شي يا خاله
ام احمد : الله يرضى عليس ويوفقس يا بنيتي
تبسمت عليا على الدعوه الحلوه وطلعت
(امين

كان احمد توه واصل وسكران طينه
يوم دخل مع الباب وشاف عليا وبلسان ثقيل
:اووووه وين وين ياحلو
(هذا الي مايتغطى)
كانت عليا للآن ماغطت وجهها بما انها في حوش ام احمد
تفاجأت فيه انرعبت من طلعته فجأه بوجهها

كان مرره قريب
غطت وجهها بطرف العباه وقالت بصوت يرجف : وخر
قال وهو مبتسم ويهز راسه : وإن ما وخرت وش بتسوين

ما توقعت رده ابدا وعرفت انه اكيد ماهو بوعيه

فاجأها مسك يدها وجرها له
هي شهقت ودفته بقوه : يا حيوان
بدى يفقد احمد اعصابه : من الحيوان
وعطاها كف فاجأها فيه صرخت عليا
بسرعه فكرت تهرب منه ما تضمن ردة فعله الجايه

وبسرعه فتحت الباب خطت خطوه برى للشارع
سحبها من يدها بقوه بيرجعها للبيت
وهو متمسك فيها بقوه وحشيه
صرخت فكيني يا كلب فكني
رفعت عينهاوطاحت بعين ياسر
اللي هجم على احمد بقوووه يا خسيس
ياحقير
(اشوى الي بهالسكير النكير ولا بعليا)
ووجه له ظربه رمته في الارض وعليا معاه
عليا من خوفها قامت بسرعه

سحبها ياسر بقووه ناحيته

ودفها على البيت انقلعي للبيت يالله
(ياربيه على النعومه و الرقه
سحبها و عانقها =× سحبها و دفها
دفها يعني دفعها
حشى زنبرك)
وركز انتباهه لأحمد
بشراسه بدون رحمه مسكه من ياقة ثوبه وسحبه لداخل حوشه
وصك الباب بقوه ورصه على الجدار بعنف
: شلون تحط يدك عليها ياحقير
وعطاه بوقس على فمه ادماه
: كيف تسمح لنفسك تتعدى على محارم جييرانك يا رمه
قال احمد بلسان ثقيل : هي اللي جتني وهي اللي رمت حالها بين ايدي
(هي الحين ناقصتن بلاوي ..)

لكمه بقوه افقده وعيه و تر كه مرمي في حوشهم
(يا قلبي يا اميمته.. وش تبي تسوي فيه)
تفو عليك يا رمه تفوو على اشكالك
وبهيجان راح لبيت عمه
.
.
.
.
.
.
(هذي النقط الي فوق عدد خطواته من بين احمد لبيت عليا؟)
عليا مسكينه بعد ما وصلت لبيتهم وانهارت
بالصاله ماتقدر تمشي خلاص
وعبايتها مغبره ووجهها وارم من كف احمد

ودموعها تحرق خدودها مسوده من غبار الشارع


شافتها خالتها

:ياويلي وش فيس بسم الله عليس
عليا بدت تبكي بصوت عالي
مرعوبه من اللحظات اللي مرت فيها قبل شوي
ما تخيلت في اسوأ كوابيسها
انها ممكن تتعرض لموقف مثل هذا
وزاد عليها ان ياسر هو اللي انقذها من هالمصيبه

: اااااه ياخالتي. تكفين
ألحقي على ياسر يتضارب مع احمد

قمرا انفجعت وشو ؟؟
يا ويلي ولدي
وطلعت من دون عباه بس طرحتها عليها
الا ياسر في وجهها وضمها بقووه
هي تتلمسه :وش صار وش فيك
( ياميلت بختك يا عليا .. كذا اتوقع تقول سعديه لو هي مكاني)
تنفس بقوهووجه احمروعروقه نافره
: ابي اعرف هالحين وش اللي موديها لبيت هالسكران
في هالحزه
قالت قمرا :راحت توصل ام احمد
تعورت عندنا وانا قلت لها توصلها

يبي يهدا مو قادر منظرها وهي احمد يجرها لبيته
يزيد بعصبيته وغيضه
اعوذ بالله من الشيطان الرجيم وراح للمغسله وتوضأ عشان يهدا

قمرا راحت تجيب له مويه تبيه يهدا



جا ابو عليان ياسر متى جيت
رد ياسر وهو يتنفس بهدوء يحاول يهدي نفسه

:من شوي ياعم ي واقبل على عمه وحب راسه
نزل عليان وشافهم وتوجهو للمقلط

قمرا دخلت داخل وطمنت عليا
وانتبهت لخد عليا الوارم
:وش صار يا حبيبتي
علمتها عليا وهي ترجف لازالت تعيش الموقف
قالت لها قمرا اطلعي تروشي
وانا اجيب لس كمادة بارده
عندي خبره بالكفوف ما يبرد حرها الا الثلج
(اهيء اهيء اهيء)




جالسين بالمقلط وابو عليان ملاحظ على ياسر انه متوتر
بها ما درى عن الموقف اللي صار
(ابرك لا يدري .. ترة لو دري من شوشتها بيقضبها ياسر)
وياسر سكت ماله داعي يحرق دم عمه
(الا والله يخطط و يبي يبتز)
ابو عليان: ياسر انا والله معاك وابيك زوج لبنتي
وقادر على اني اغصبها بس ابي لا بدت حياتكم
ما تبدى بالغصب وكسرة النفس

سكت ياسر شوي وقال :
ولا انا ارضى اني اخذها مغصوبه
انا بس ودي اتكلم معها واعرف اسبابها
يمكن اني اقدر اطمنها او اقنعها
(هالحين؟... وبعد هالموقف!!
وش تقنع الا تقنع)

ابو عليان ناظر بعليان وقاله :رح ناد اختك
قلها ابوي يبيتس
(التحقيق و الايضاح فيما جاء في بيان احوال غصب االملاح)