مضى الوقت وانا قاعد بالسياره
دخلت الصاله وهدووء شديد في البيت
شكلها نامت هي والعيال
طفيت الانوار وجلست في الصاله
مافيني ادخل غرفتي
تمددت على الجلسه الارضيه
( الا يا ام رنا ... الطبايع تتوارث؟ والا هي تبع السعودة نتجنس فيها كشعب!!)

قمت افكر بفايزه وحالنا سويه
انا اكيد انها مو من خاطرها وافقت عالزواج مني
مثل ما أنا مو من خاطري هالزواج
بس عيالي هم اهم شي اشتقت لوجودهم حولي
ذاتا منوله شبيهة امها
غطيت عيوني بذراعي ونمت حول ساعتين
(يعني صراحه ....... ذابحك الهم بالحييل!! نومت العوافي!)
ووعيت على بكا منول في غرفة العيال

قمت ودقيت الباب وفتحت الباب
تفاجأت فيني فايزه
(الله اكبر عليك!
تفاجأت
اجل وشوله تدق الباب)
مسكينه بسرعه اخذت شرشفها ولفت فيها شعرها
اخذت منول ومن دون ما اناظر فايزه
:منول منولل ها بابا ليه ليه تبكين
منوله بابا
منوله زاد بكاها وما تجاوبت معي

قالت فايزه : دقيقه بسوي لها رضاعه الحين
وطلعت رايحه للمطبخ

لحقتها للصاله وانا شايل منال حتى ما تصحي اخوانها

استمرت منول بالبكا وما مسكت الرضاعه ابد
تصيح بشكل متواصل
قالت فايزه :يمكن مسخنه او اذنها تعورها
قلت :يمكن
ولمست جبينها ما كان عليها حراره

غابت فايزه دقايق في غرفة العيال
ورجعت جايبه خافض ومسكن للحراره

:ممكن تمسكها لي بعطيها هالعلاج يمكن ترتاح
حضنت منول في حجري وانا جالس وجلست فايزه مقابلي
وصبت كميه من العلاج في ملعقه صغيره وشربتها منول
واخذتها مني وشالتها
قالت وهي متوجهه للغرفه : هالحين ان شالله بتسكت وتنام
دخلت وراها الغرفه
قمت اناظرها وهي تهد هد منوله وبنتي تصيح عيونها حمر وشفايفها ورمت من البكا
وفايزه تطبطب عليها بحنيه : بس ماما بس حبيبتي
شفت فراش فايزه بين سرير ماجد وفراس
سألتها :ليه نمتي هنا؟
وكملت : فيه غرفه لمنال تعالي شوفيها
وما انتظرتها طلعت برى الغرفه
وتوجهت لغرفة منال
فتحت الانوار والتفت لقيتها واقفه وراي
: تفضلي هذي غرفة منال
كانت غرفه صغيره مأثثه لشخص كبير سرير ودولاب وتسريحه
باللون الابيض والموكيت باللون العشبي المنقط باللون البني
(وش قصتك مع هاللونين ... تقل داخلتن مفروشات المطلق!!)
قلت : المفرش واللحاف بالدولاب
و أي شي تحتاجونه انتي والعيال قولي لي وانا اجيبه
وان شاءلله كلها كم يوم والشغاله بتكون فيه
ناظرت منال بين ايدينها نايمه
تبسمت بتعب : حبيبة ابوها نامت
يالله اخليكم ترتاحون وطلعت وتركتهم وتوجهت لغرفتي

********
بس طلع من الغرفه نزلت للارض ومنول بحضني
جلست ابكي واصيح
يالله تصبرني يالله تصبرني
والله من اصعب اللحظات علي
مدني بالقوه ياربي
اول ليله وكذا صعوبتها
(ودي احكي و اقول ..... بس اخاف عندنا عزوبيات و اتورط)

جالس مع امي
:يمه اسمحي لي بكره ماشي على جده انا الحين
تارك وراي الشغل ومارضو يعطوني اجازه
اضبط اموري وارجع لس يمه
(ضفها معك يالي ماتستحي ... وشلون تتخليها كذا)
دمعت عينها وحاولت تداريها
(ياقلبي قلبك .. تخافين يروح وهي الروحه)
: لا تبطي علي انا ما اطيق بعدك ذاتا بعد مارجعت لي
مسحت دموعها وحضنتها بذراعي : يمه شرايس تجين معي
قمرا : لا رح انت الله يسهلك وش يوديني عند الحجز
ضحك ياسر : ايش بهم الحجز ياأمي
قمرا :بسلامتهم بس ما اعرف لكلامهم
ياسر : احلى كلام والله بس تتعودين عليه
يالله تعالي معي بتنبسطين عليهم
(أي والله انا اشهد ... الله من الطيابة و السماحة حتى وهم يلعنون!!)
قمرا: لا يا حبيبي خلني هنيا عند اختي وعيالها
وانت ارجع بسرعه مو تروح وتقول عدو لي

تبسمت اطمنها :لا تخافين يا غاليه بإذن الله راجع
قمرا : ومتى بتمشي ان شالله
ياسر : بكره الفجر ان شالله
الليله بودع عمي ابو عليان والعيال
بيجتمعون عند عمي بمجلسه
وقام : اصلاً يمديهم هناك الحين
يالله اجيس الصبح ان شالله اسلم عليس
وتنحنح وطلع
(الله يجركم على هالجمعات)


********

جالسين في مجلس ابو عليان
ينتظرون ابو عليان والشباب عليان وياسر
جالسين تحت الشباك وفاتحينه حتى تدخل نسايم الليل البارده
(وراه؟
مابعد اخترعوا المكيفات بعد!
ولا مروحة قعادية!)
قال بندر لبدر : اقولك ما تدري اذا ياسر بيطلق عليا
بدر بضيق : وانت للحين هالفكره معشعشه بعقلك
يا خي استح الحرمه بذمة رجال وهالرجال ولد عمك
بندر :ياخي ابيها من شفتها وهي في بالي
بدر متقزز من تفكير بندر: اخص عليك
والله يا بندر ان ماشلت هالفكره من راسك
وتعوذت من الشيطان ما تلوم الا نفسك
بندر فقد اعصابه وبدى ينسى هو وين وصوته يعلى
: احبها يا خي افهم
احب عليا ومن تتطلق من ياسر باخذها
عليا لي وانا لها
بدر : ياخي انت اللي افهم
اللي قاعد تسويه ما يجوووز مايجوز
و اسكت لاحد يسمع اسكت خسك الله
وخاف الله انت في بيت ابوها
وقمت ابطلع خنقني بندر بتفكيره
وبرى المجلس لقيت يا سر برى واقف
قلت بإرتباك كأني انا المذنب : هلا ياسر حياك اقلط
تبسم وقال الله يحيك
ناظرت وجهه اشوف فيه لو سمع شي من الكلام الخطير
الي قاله بندر
بس ما شفت عليه أي تعبير ممكن يقول انه سمع
(عاد يابدر تراه مثلك .. عنده مبادئ معرفرة بالاحاسيس لكنها انانية جدا هو الحين قاعد يدور هالحكي براسه و شلون احد ياخذ شين يخصه و لو هو مايبيه)
ودخلنا عند بندر اللي رحب ببرود بياسر
ودارت سوالف عاديه عاااديه جدا
لين حضر عمي وبعده عليان واجتمعو العيال
عادل وعبد الله
لعبنا بلوت وتعشينا من يدين ام عادل
وعلى الساعه 11 بلغنا انه مسافر بكره راجع لجده
واعتذر منا لانه لازم يروح ينام بدري

سلمنا عليه ما ندري نقابله والا بيمشي قبل الصلاه
وانتهت هالليله بعد ما حاسني بندر بكلامه
وخوفي من ياسر سمعه
(ماعليك منهم ... كلهم ذيابه)
***********
من سنين وعليا ما تشكل لي ولا شي
(ندري)
مجرد بنت ملقوفه مزعجه تدبست بزواجها وحنا صغار
اكثر ذكرياتي معها ظرب وسب
(ونسيت طبعا من الي يضرب وليش يسب؟)
مدري ليه ماكنت احبها
(امممممممممممم
خلن افكر لك
يمكن هو حب يتسلل فيك و الانانية اليم تشبعن فيها تقاومه؟!!)
الاكيد اني نسيتها تماما بمجرد ما طلعت زعلان من الديره
سلامتك يا الاثول .. مانسيتها
الا حليتها معلقة نكاية ببوها الي زوج امك بلا علمك
خبز ايدي اعرفك)
رجوعي هنا كان بسبب انهاء وضع امي المهين لها
جيت بس ابي ارجع امي وارجع اكون ولدها البار
ما فكرت للحظه بعليا واني مطالب
بإتمام زواجنا لاني ناسيها ناسي انها زوجتي
(تخسى .. الا ببالك و عقلك الباطن تجي تشوف وشلون يبي يسوي ابو عليان
الا ساكتن عنك كل هالسنين
بس لا تحسبه ساكتن عنك رجوله الا بس عشان تخدم امها الي طايحتن بفراشها
وشوله يروح يدورك و يغثها زود
الا السكوت هنا بصالحه 100%
عمي ابو عليان ما جاب لي نهائيا أي سيره عن هذا الموضوع
وامي كانت تلمح بس لها كم يوم سكتت تماما
بكل صراحه انصدمت من عليا اول مره شفتها
تغيرت كثير وتبسمت تغيرت واحلوت
بس لازالت هي عليا ام لسان سليط
والظاهر لولا العيب كانت بعد يدها طويله بالظرب
ضحكت تذكرت يوم تخبطني بشنطتها وحنا بالمصعد
ههههههه ما في فايده عليا هي عليا
(شفت انها بدمك ما نسيتها .. لكن الانانية بداخلك تحولت لتملك تجاهه خاصتن بعد ماجدعت اذنك لبندر)
بس والله ما تفرح فيها يا بندر
عليا زوجتي وانا ما اتنازل بسهوله
***********

ازيك يا بت يا عليا وازاي الست الحجه
(سعديه!! ازيك يا ضنايا الف الحمدلله على السلامة .. ازي مصر و اهل مصر؟ انشالله شربتي من النيل و جبتي لي حبه معاكي!!كلولييييييييش)
عليا بفرحه لشوفة سعديه : اهلا اهلا يا بت يا سعديه
دا انتي نورتي الحته
سعديه بضحكه : هههههه منوره بيكي يا ألبي (قلبي )
(عاد لا تصدقين بالحيل ياسعديه كله مجاملات ربعي و اعرفهم)
ومدت لعليا صحن دائري مغطى بتغليف ورق مشرب بالدهن ومربوط بفيونكه بلاستيكه : تفضلي بسبوسه مصريه من اللي بيحبها ألبك
عليا : اللــه
تسلم يدس وكثر الله خيرس

دخلت الريم وهي تتسائل من هذي بنظراتها
عليا : تعالي الريم شوفي اطيب قلب
سعديه زوجة بندر ولد عمي وسلفة منيره
قامت سعديه وضمت الريم : اهلا اهلا بعروستنا الكتكوته
ماشاء الله ماشاء الله ايه القمال ده كلوه
كاان منظر يضحك الريم نحيفه قصيره او مربوعة الطول
بعكس سعديه اللي كانت طويله جدا وعريضه لكن مو سمينه
متناسقه سبحان الله
جميله جدا بشره بيضا وعيون عسليه جدا وشعر اشقر غامق اجعد لكنها تتفنن في استشواره ولفه بطريقه انيقه
دائما انيقه ببساطه
(مهما كدا حبايبي المصرين حلوتهم ببساطتهم .. النبي داعيلهم ياختي)
كانت لابسه تنوره جينز سودا مع قميص ابيض حرير مزينته بوشاح حرير ملون بالوان الطيف وتلبس معاه حلق ذهب صغير بفص لولي
حبتها الريم جدا الجلسه مع سعديه ممتعه
(والله انك صادقه .. اذا قاموا يحكون ماودي يسكتون)
قالت لها الريم
: سعديه ممكن اعرف كيف تزوجتي ابو عبد الله
(عمى!
ما امداها المراه .. توك تعرفينها .. وش هالسؤال؟)
ضحكت سعديه بانبساط : ههههه اتقوزته زي ماكل الناس بتتقوز
( لا ياضنايا متفهميش البت ريم غلط .. هي بس عايزه تعرف ازاي المدهول بندر حصل بت حليوه لقطة زيك في مكان زي دا)

منيره بضحكه وهي داخله عليهم بصينية القهوه وصحون البسبوسه المصريه : هههههه قولي يختي لازم هالمقدمات
سعديه : امال ايه دي حكايتنا حكايه ياستي
هي الحكايه ابتدت من تقريبا خمس سنين
(اشوى مو مع حرب اكتوبر؟)
اصل انا كنت بشتغل ممرضه في المستشفى
وفي يوم كنت هلكانه من التعب وكان نهاية الدوام
كنت في قسم الطوارئ انتظر الوقت يمشي
دخل علينا واحد طويل واهبل
وهوو بيجري وشايل ابنه في ايده
كان ابنه بينزف دم كتيير اوي
قلت لو : هاتو هنا وانا بأشر على السرير
ايه مالو وباشرت اسعافه وقفت النزف
وانا بشتغل ابنه كان بيسرخ
شخط لي وقال : بشويش عالواد
ضحكت الريم وعليا ونسرين
ومنيره قالت ايييوه اكييد حبيتيه من شخطته
ضحكت سعديه :حبك برص احب فيه ايه حد يحب حد بيشخظ فيه
(يمكن افتكرتي سي السيد و ادهولتي)
لسه ما حبيتهوش وقتيها
(كنت بترسمي عليه ساعتها؟)
وكملت حكايتها :رفعت ايدي وقلت له لو سمحت سيبني اعمل شغلي ابنك طبيعي حيسرخ ويتألم
ورجعت اكمل خياطة الجرح
عبادي سررخ قاامد وابووه سي بندر ما تحملش قام ومسك ايدي
عاوز يمنعني
(الله يا عبدالله من عبدنه إلى عبادي!!)
اديته نظره : ايه اللي عملتو ده
ازاي تمسك ايدي
(ياخراشي .. يامصبتي .. الراجل اتجرأ ومسك ايدك.... موش معقوله ياسعديه؟... مصرختيش .. مكلامتيش السكورتي يمسكه .. مكلمتيش الادارة تجي وتبهدله!!)
هو يا عيني ماكانش واخذ بالو من اللي عملو
(عليا يا سعديه!
اكيد انت الي وجعتي الواد جامد عشان يصرخ و يعمل الراجل عملته المهببه دي)
سحب ايدو وقال لي : ما تعوريش الواد
(والله من قل ما تعذر )
قمت رديت عليه : ما تجي تكمل احسن يا حضرة ممكن تسيبني اعمل شغلي
كملت خياطة الجرح والواد يا عيني بيعيط
وابوه ماقدرش يستحمل وقال ما ابي حرمه تعالج ولدي ابي دكتور وكانت تقلد صوت بندر ولهجته
فكن البنيات ضحك عليها
خلصت شغلي وضمدت الجرح وهو لسه بيدور على دكتور راجل يكمل شغلي بس اييييه ربي خد حقي منو
دخل علينا الطبيب را جيف الهندي
(الا يا ام رنو وين عيالنا الي يتخرجون من هالجامعات
كل ديرتن هالحين به كلية طب و لا اشوف الا هالهنود؟)
وتكلمت معاه وهو طمن سي بندر اني احسن ممرضه وان خياطة الجرح ممتازه
(امال عايزاه يقول ايه؟
وحشة ويدبس بالخياطة)
انتهى شغلي وخرجت مع اخويا ونسيته تماما
(كدابه بأصل وجهك .. الا انا سمعاكي تحكي للكل عربي وانجليزي عن الراجل الي مسك ايدك)
بعد يومين رجع مراجعه مع ابنو عبادي ولما شافنيي تبسم واعتذر
وقتها اخويا كان موجود ولما شافو جه جنبي وسألني فيه ايه يا سعديه
قلت له الموضوع
(للمره الكام؟)
وتعرف عليه بندر و تصاحبو وبعديها بفتره طلب بندر ايدي من اخويا وانا كنت رافضه خالص ما تخيلتش اني اتجوز سعودي بس تقولي ايه القسمه والنصيب يختي
(ايون ياختي اهو احسن من بلاش جواز)
*************
صليت الفجر وطلعت انا وعمي ابو عليان قلت له يا عم ا ن شا الله لا رجعت ابي اتمم موضوع زواجي انا وعليا
(على فطنه يا ياسروه والا انك صرت صعبانوه)
تبسم عمي وقال : يصير خير الحين انت روح وارجع لنا بالسلامه
( فرح هالشويب ماراح هالسكوت كل السنين هدر !)

وانا بكلم البنت وارد لك الخبر
(قصدك بتغصب البنت)
طلعت من عند عمي وسلمت على امي وهمست لها : يمه توسطي لي عند بنت اختس لا رجعت ابي اتزوج
(دارين بالي يبي يصير؟
توقعت انها لو قابلتك مستحيه بتكون الامور تمام و شاريتك وهي ناسية الماضي و ماسحته
وان كانت مثل ماشفت فهي كاتبة الماضي بقلم حبر و انت كبيت عليه مويه وساح الحبر بدماغها فتطلب واسطه
اخ منكم!!
لا منكم ولا كفاية شركم
راجعه ام رنو للبقيه

نلتقي على خير في الجزء8

مرااااااااااحب ...... muslema13..
وحشتينا كثير ...... بس بصراحه تعليييييييييييييقك خطير ياليت تكثرين الجرعات
أضحكتيني اضحك الله سنك ........

كنت سهران وضايق صدري
تذكرت ان بدر زعلان مني
بس والله ماهو بكيفي انا من شفتها
وانا متغير حتى انا ناقد على نفسي
هذي اختي الصغيره المفروض اني ما افكر فيها
وهي على ذمة ياسر
اعوذ بالله من ابليس اللي زينها بعيني
صورها حصه قدامي
كأنها اختها الله يرحمها
من ذيك الليله وانا اتصيدها ودي بشوفتها
من توفت حصه الله يرحمها وانا اتمنى اتحلم فيها
والا يجيني طيفها او اتخيلها
بس ماش كل مالها وطيوفها تختفي
وملامحها تصير ضبابيه
(عوايدكم الشينه!!
اذا اقفيتوا اقفيتوا
زين الي ما اعرست قبل ماتدفنها)

وشفت عليا بذيك الليله
والله بغى يوقف قلبي احسبنها حصه وانها ما ماتت

مسحت وجهي وتجددت الذكرى الاليمه
تذكرت ليلة الحادث اللي توفت فيه حصه
وتعبت فيه عمتي الله يشفيها
كنا راجعين من العمره اخذت حصه وعمتي
وانتهينا من عمرتنا و اخذنا عشا
ووقفنا بطرف جبل من جبال مكه
بجنب الطريق بين مكه والطايف
وتعشينا وسولفنا كانت جلستنا كلها ضحك
(نعن ابو داركم هالحين ليش انتم بس تلزقون بالشوارع و البران!!
مافيه مكان حلو يتوقفون فيه الاوادم و يرتاحون فيه
عليان كاشت بزوجته و انت راكن بطريق سريع!
يعني المشاعر و لا تعرفونها مشيناها
الامن ماتدرون عنه بعد
ماتخافون يجيكم شي بهالطرقات)

بعد العمره حسيت بصفاء وراحه نفسيه
وحصه بعد كانت تقول
:احس اني خفيفه وان تعب العمره تعب حلو
(الا والله يكسر الرجلين !!
مادري ليش ؟
هالحين نروح نوجوج بهالاسواق بالساعات ولا نتعب
واذا حسبتي العمرة ماتجي ساعة وربع طواف و سعي
ومع لك تنهدين
هو ماهنا غيره!!
ابليس الله يدحره )
يا عسى ربي يتقبلها
وعمتي ام عليان مسكينه كانت مرره تعبانه من رجولها
جلست اهمز رجولها وهي مستحيه مني
قلت لها : يا عمه تراني ولدس تستحين من ولدس
جلسنا ساعه بمكاننا
مسترخين ونشرب شاهي اللي سويناه بمعاميلنا
اللي ما تنزل من سيارتي
(اكيد ماتنزل دامكم على كل راس طعس)

كنت جالس مقابل حصه وعمتي
هن معطيات الطريق ظهورهن
وانا عيني على سيارتنا
وفجأه قدر الله تنحرف شاحنه كبيره
ويفقد السيطره عليها السواق
بثواني ثواني كنت اصرخ بحصه وعمتي
واسحبهن معي ابيهن يتفادن الشاحنه
اللي بسرعه كبيره تتجه لنا
(اكيد انه شافك تهمز المراه وماصدق
قام اطلق التركسون
والا ان حصه او امها نحتوا انفسهن على هالنعمه!
ترى مايحسد المال الا اصحابه)
وبعدها ما اذكر الا اني فقت بالمستشفى
قمت وانا ثاير ابي اشو ف حصه
اخر عهدي فيها يوم اسحبها معي
قعدت انادي انادي
بس محد رد علي
شوي دخل علي واحد بثوب وشماغ وقالي
:اخ بندر
قلت له : نعم انا بند ر
وبرجا حار : تكفى ياخوك صار علي حادث
وزوجتي معي وامها وش صار فيهم
تكفى ابي اشوفهم
سكت وعيونه تتهرب من عيوني تنحنح
وحاول يستجمع نفسه وقال
: وحده من الحريم اللي معك توفت الله يرحمها
والثانيه بالعنايه هالحين تحت رحمة ربي
قلت وانا متشنج وودي اقوم
بس رجولي توني انتبه لها مجبسه
: تكفى منهي اللي بالعنايه
قالي : يا خوي والله مدري
عندك احد اناديه لك
قلت له: ايه لازم ابلغ اخوي
قالي : خلاص عطني رقمه وانا اكلمه
وفعلا صار
وبعدها نمت وانا ادعي ان حصه هي اللي بالعنايه
ياربي لا تفجعني فيها
(والا عادي هي تنفجع بأمها!!)

قمت من النوم على صوت همس عندي
فتحت عيوني وشفت بدر وعمي ابو عليان
بدر متلطم بشماغه وعمي وجهه منصفق
قرب مني عمي ومن شفته همست بصوت مبحوح
:عمي بشرني عن حصه
سكت عمي ودمعن عيونه
واحمر وجهه وبدت شفايفه تهتز
يحاول يتماسك بس ما قدر
نزلي وحضني بقوه وقال وهو يبكي
: الله يرحمها يا بوك الله يرحمها
وتمسكت بعمي ماني مصدق اهز راسي
رافض رافض اني اصدق راحت الحبيبه راحت

رااااااحت حصه
(راحت حصة وجت سعديه بس ماينفع بك عيونك زايغة على اوخيتها)
****************
في غرفتي
جالسه اذاكر لماجد وفراس يلاعب منوله
فارشين الكتب بالارض ماجد مركز معي
اشرح له مسألة رياضيات
سمعنا جرس البيت راح ماجد يفتح الباب
وقفت بالصاله اشوف من جاينا وانا شايله منوله
(شهر عسل ذا!!!!!!!
ورى ما كملتيه وخليتيهم يا ام رنو بحوش المدرسة!!)
دخلت امي علينا وشايله اكياس واكياس
هدايا والعاب للعيال
استقبلتها وسلمت علي
جلسنا في لصاله
امي تسأل وش اخباركم وانا ارد عليها الحمد لله
امي : أي وبعد وش اخباركم
قلت لها: يمه طيبين لا تفكرين وتحاتين
ناظرتني امي بتأمل كنت لافه شعري الطويل كعكه
وغرتي مثبتتها بمشابك ولابسه قميص طويل
سماوي فاتح بأكمام طويله

قالت بهمس: كيف سند معاس
عقدت جبيني وقلت لها : سند معي ؟؟
شقصدس يمه ؟؟
تكفين يمه خلينا بحالنا
الرجال ما قصر
وانا اكثر من كذا رجاءً لا احد يطلب .
بغيتيني مع عيال فوزه هذاني معاهم وفي بيتهم
وبس بــــــــــــــس يمه
اعرف امي اذا ما عجبها الكلام
وهالحين اكييييد ما عجبها ابد

(ايييييييييييييييه !!!!!!
فهمتك الحين يافايزه!!
تبينه هو يجي و هو مايقدر مستحي و الماضي حاجزن بينكم
هالحين ترسمين المخطط على امك عشان ........ززز تدزه عليك!!
كيد حريم!!)
امي نادت العيال ووزعت عليهم حلويات والعاب
تصدد عني ادري اني زعلتها
وانها تغالب دموعها بس والله هذي مقدرتي ما اقدر اضغط على نفسي اكثر
(والا بعد!! تبين تتكشخين و تدخلين غرفته
والله اذبحك)
رحت جبت القهوه وجلست مع امي
بحاول اخذ بخاطر امي وما اطلعها من عندي زعلانه