كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
رد: ثرثرة أرواح متوجعه
صباح الخيرات ......صباح الاشواق لك ولابداعك الغير متناهي ......جد من طول الغيبات جاب الغنايم بارت رائع مليء بالمشاعر والشجن لكل شخصية دواخلها واوجاعها الخاصة ......فعلا نستطعم هالمشاعر مع انها اكيد نقطة ببحر من الي بدواخل اصحاب هالمواجع ...
قايد وجموح
بصراحة هالاثنين اوقف متحيرة بينهم يعني وانا اقراء مواقفهم قبل اخلصها يجيني اكثر من شعور مرة اكون مع ومرة ضد ساعات اتعاطف مع الجموح وايدها وبعض الاحيان اكره تفكيرها والحال نفسه لقايد .....
الاثنين يحملون مشاعر عشق قوية لبعض مهما ادعت الجموح تصرفاتها وحقدها على قايد لانه كسر غرورها وثقتها فقط لاغير والا هي تحبه والصورة الي تحت مخدتها دليل الي يكره مايحتفظ بزول الي يكرهه ويناظرها بكل الاوقات وكذابة لو قالت انو لو تركها بعد قرارها وماحيرها وتزوج غيرها ماراح تتأثر وبسهولة وبساطة بتتزوج غيره
هي عارفة مقدار عشقه لها مثل ماهي عارفة انو رجل بيتوتي ويحب حرمته تجلس بالبيت ......ومع ذلك كانت موافقة عليه وتبغي تتزوجه لولا فرصة الدراسة الي قلبت موازينها ........ومتأكدة انها لما درت انو قايد حجرها طارت من الفرح واعتبرته انو عهد منه لانتظارها ورجعتها ......ماتوقعت انو بيكسر ثقتها ومابيجيب خبرها بعد رجوعها ولا فتح موضوع الزواج اصلا .......الجموح غلطانة ناسية انو قايد رجال ومافي رجال يمشي ورى شور حرمة وهي الي تحدد وتتحكم بحياته الا الرخمة ......اتحداها اذا كاكانت حاطة براسها انها بمجرد ترجع بشهادتها قايد بيتمم الموضوع الي هي قطعته بدون ماتفكر بردة فعل الانسان الي رفعته بموافقته ورجعته للقاع بعد اختيارها للدراسة يوم قربت الملكة .........انا اشوف فيها الكثير من الانانية تبغي تاخذ بدون ماتبادر وتعطي كذا المركب مايمشي لازم هي بعد تقدم تنازلات ......
اما انها تشوف كايد ترك نوف لغيره من حبه لها ليش بعد ماناظرت لنوف ومصيرها لما تزوجت غير كايد والندم الي جاها بعد عنادها وقرارها واستهانة الي تزوجها فيها
ويوم انها واثقة انها مسوية صح ليش خافت من تهديد قايد المبطن عن الشرط .......ليه يعني ضامنة انو ماراح يتكلم هي مااشترطت عليه مايخبر احد ولو سوت الي براسها من جنون الكل بيعرف يعني متوقعة ساعتها بتتغير نظرتهم لها ومابتسمع كلام موجع ويمكن ردة فعل من ابوها غير متوقعة ........لذلك انا اقول تفكر بعقل لاتخلي الشيطان يزين الشر براسها لانها ممكن بفعلتها تخسر قايد الي حذرها وخبرها بمعرفة نواياها وحطها امام الصورة من ردة فعله وبتخسر ابوها ويمكن حتى وظيفتها بتنجبر على تركها ........والكل بيكون بصف قايد وجموحها مابينفعها اذا كان ابوها هو المتصدي لها وحتى ماهر الي كان معاها قبل بيكون ضدها شراح تستفيد ....
كل شي ولا اللعب بأرزاق الغير لو كان الشي ارض او فلو او اي شي ثاني بيكون الامر اخف .....اذا هو ضيع سنين عمرها الاولى فهي بتضيع باقي سنينها يعني متوقعته بيجيها راكع ودموعه بعينه وهي هادمة مستقبلة ...وبياخذها بالحضن وهي قاطعة رزقه ورزق عياله ..........لو بس تفتح عيونها لهالاشياء بتفكر بعقلانية ....تبغي تقهره وتنتقم تفكر بشي ثاني يضره هو وحده مو يضرها حتى هي ......
اما قايد صح بداخله عارف نواياها وصح اعترف لها بعشقه ......بس الجموح على نصايحها وعقلانيتها عند طالباتها الي حتى هم ممكن تفقد احترامهم لها لانها مابتضر قايد بس الا الموظفين بيتضررو اكثر وبينتشر الي سوته وماراح تجني الا الندم ولا تحط اي مبرر لانو الحق مو معاها ........لاحظت عليها انها ابد ماتغلط نفسها وانها دايم صح وقايد وحده مذنب مثل ماهي شايفة انو لها حقوق غيرها نفس الشي ....
ننتظر الى وين توصل الحرب بين الاثنين وهل جموح بتنفذ جنونها ولا الزين الي صايرة اعقل منها بتنبهها لشي ماجاء ببالها او تتحرك وتنقد الوضع قبل ماتتهور الا الجموح اذا راحت تعرض العمارة للبيع كيف بتروح وتبيع بتسوي وكالة لمحامي مين بيوديها اذا مشاويرها اخوانها الي يودوها ويجيبوها ... بنشوف اخرتها
ماهر ودانة
ماهر يعل القلب بصراحة مافي زوجة تتحمل تصرفاته كله طالع وهايت وزوجته اخر اهتماماته مايصير هالشي الزواج مو بس اخذ حاجته من الزوجة والباقي ماهو في القائمة وبعدين ليش بخلان عليها ببيت بصراحة من يوم دخلت الزين لغرفة نوم الدانة وهالشي مو مقبول ..........مافي خصوصية ابد وفعلا الزوجة تبغي تكون حرة ببيتها لامطبخ عندها لامكان تستقبل فيه ضيوفها الخاصين .......انا معاها واعتقد بيوم بتنفجر في ماهر وهو بيندم على تصرفاته
نجد
اعتقد انها هي الي بتدخل دائرة العشاق مع الباقي بس كيف وهي مو عاطية حالها فرصة ومين الي ممكن يطلعها من الي هي فيه ويغير رايها واعتقد محمد مابيتركها في احلامها الين تفسر حلمتها وبتكون ساعتها في خطبة جديدة
الزين
او يمكن هالمطفوقة من كثر ماترمي كلام يتنفذ وتطيح بالعشق من خلال موقف محرج ويفشل .......مااستبعد اي شي منها
ميوه ووصايف
يعني اذا هي مالها ذنب بزواجها وصايف الي لها ذنب بعد هلعمر ونايف مو معذور خير كل واحد رمى بنته عليه يقبلها يقدر يردها وانا متأكدة لانها مو اول هدية تنعطى له والي مجبورة تهدي قدام الخلايق للشايب وترقص وتفك خشتها من الفرح مستحيل وحدة ماشافت خير مثلها ترفض ولا ندمت والدليل طلباتها الي مالها داعي من قايد وكأنه ملزوم يصرف عليها .......
ونايف الظاهر مثل ماسفه وصايف بحياته ومااهتم لزعلها وهجرانها له ...حتى بموته مااهتم ولا وحدة عندها اخوان ماله داعي يبلش ولده فيها ....... هو ملزوم بأخته بس وياليتها وحدة تستاهل الا حتى بنتها كلام مثل الناس ماعلمتها واهتمت فيها وعدلت اغلاط حكيها ماعندها كلمة عدلة .......بعض الاطفال يكون نص الحكي مو مظبوظ بس اميرة ولا شي مستغربة منها الاطفال عادة يلقطون الحكي من الي حولهم هذي من وين لاقطة الحكي
وحتى الدلع الزايد وتلبية طلباتها مو عدل هالشي لانو يعود الطفل على انو طلباته لازم تتنفذ وياخذها عادة للكبر ...لايقول يتيمة ومايبغي يحرمها يعطيها بس بحدود ....وحتى الفوضوية الي مي مخلية بنتها عليها ابغي افهم فايدتها كأم وينها ........لا والاخت متوعدة لوصايف لو قالت لها شي مفكرة قايد الثور الي الحين مطاوعها بيسكت لها وهو سبق وعطاها بوجهها انها ماتوصل مواصيل وصايف ايش جاب لجاب ...
وصايف الله يعينها ماحد حاس بحرقة قلبها والي يقهر لما يجي الضرر من اعز الاشخاص واقربهم للقلب ....لو قايد مقدر الي بقلب امه لو شوي مااعتقد بيكون تعامله معاها كذا ولا بيستهين بزعلها ودموعها ماحط بباله انو هالزعل يأثر على صحتها وبعدين حياتها مايقول لي وصية ابوه بأيش راح تفيده وامه ماتت شايلة عليه بقلبها ......ماحط بباله زعل امه بيجيب له عدم التوفيق بحياته للاسف اهتم بوصية لاب والام الي تحت رجولها الجنة ولا شي عنده ..
او انا من وصايف اسوي فيه نفس ابوه وحتى شوفتها تحرمه منها لانو دامها تقابله وتكلمه مابيجيب خبر ولا بأذنه ماء وبيجيب مي عنده واذا تبغي تكسره بمجرد معرفتها بجيتهم لبيتها تسبقهم بالطلعة ........بنشوف بيرضاها لامه وهل بيهتم لكلام الناس طلعت امه من بيتها بعد هالعمر .......وهل بينام ليله براحة مثل الحين
الثريا وحاتم
اما الثريا ماعرفنا لها مرات تبغي تقهر فهيدان بزواجها من الي احسن منه واذا جاتها الفرصة طلعت لها اعذار ولا يوم خطبها صفوق حتى ماقالت وفكرت انها بتوجع غيرها مثل ماانوجعت ولا انها بتخرب بيت وحدة ثانية وبتحرق قلبها
بس يوم جاها الي ماعنده شي على طول الاعذار جاهزة .....يعني المتزوج والي عنده عيال ماتشاركها غيرها في نفس الرجال ويمكن يكن لهذيك مشاعر عشق ......وحاتم لانه عاشق على قولتها ماتبغي تتوجع من مشاعره مو نفس الحكاية اعتقد مابيتركو الثريا بدون تغيير رايها حتى لو كانت مو مقتنعة بس اذا تم الزواج ومع العشرة هي الي بتكتشف هالمعشوقة وبتنصدم ......قايد ووصايف مابيتركو لها فرصة ترفض ويمكن خالد ولدها يعرف وهو الي يغير كل افكارها ..........بس الخوف من ام حاتم لاننا تعودنا نادر ماام ترضى يكون اول بخت ولدها البكر مطلقة واذا رضت بدانة وعلتها بس الثريا احتمال كبير يكون ردها عنيف شوي واكيد العم كايد بيكون له دور
في انتظار الثرثرة القادمة
|
08-11-12, 06:37 AM
جديد مواضيع قسم القصص المكتمله من وحي قلم الاعضاء
العرض العادي
