كاتب الموضوع :
مشاعل السعودية
المنتدى :
القصص المكتمله من وحي قلم الاعضاء
رد: رواية بردان يا حضن الدفا .. عطشان واظماني الجفا / بقلمي
صباح الورد ......تسلم ايدك ميشو على البارتات الحلوة وماتشوفين شر يالغلا لاانتي ولا دندونة الحلوة ........وياقلبي اخذي راحتك لو تنزلي بارت بالشهر الرواية لها مسار انتي تمشين عليه وانتي ماتبغي مستواها يتدمر بسبب الحاح البعض على البارتات الي مايقدر يصبر ينتظر الين تنتهي الرواية ......ظروف الانسان مو بأيده ولا احد يضمنها .... والمرض والصحة بيد رب العالمين يعني نقدر نتحكم بمدة التعب والا في انسان يقدر يركز في شغله وهو مجهد وتعبان ...... متى ماربي كتب انو الرواية تنتهي بتنتهي حتى لو نزلتي كل يوم بارت القلم المميز يحتاج لهدوء وتركيز ونفسية حلوة ...وانتي مامنك قصور ياقلبي ومالنا غنى عن مشاكساتك الا ادخلي ووسعي صدرك وانسي همومك شوي .......نجي عاد للبارتات
عنودوه وبتال
اللهم لاشماتة غيبوبة وبوقت الي قاعدة تحفر فيه لاهلها ......مقهورة انو انغدر فيها على قولتها وهي ايش الي قاعدة تسويه لاهلها الي مافيها خير ام وجهين تتبوسم بوجههم بينما شغالة على دمار شركتهم ......جعل الخير الي عندها كله يروح ماكبر راسها واغترت واسود قلبها الا من فلوس الظبي الي لو فيها خير هالفلوس مازرعت كل هالحقد بقلبها
يعني كل الي بالعيلة غلط والي برة العيلة وهي بس الصح ليش هي من وين جابت الخبرة الي مخليتها واثقة انها على صح .......ياختي بدل ماتسجدي لربك سجدة شكر انو اختك ماراح من ايدك وتطلعي صدقة وتفكري بالي يصير في عيلتك بس قاعدة تخططي الظاهر العنود مابتعقل الا اذا ماتو عيالها او انحرمت منهم
وبصراحة بعد العيال عن العنود افضل لانها راح تربيهم نفس تربيتها وبتال على ايش يبغي يرجعها اصلا نعمة من ربي انو بعده عنها باقي ياخذ عياله منها مو من صالح العيال يتربو عند وحدة مريضة نفسيا ماكفاها انها ضعت اعمار اخوانها سيارة ونايف هموم ماتحترم احد ولا تحب الا نفسها يااخي لمتى بتضل على هالاخلاق جعلها تطول بغيبوبتها ولو ماتقوم احسن لاعت كبودنا منها ومن نفاقها على اتفه الاسباب تعصب من حقها تزعل وتتأمر وتقلل من قدر الغير بس ممنوع انها تتعامل بالمثل
يعني شراح تنفعها الفلوس لو الكل كرهها حتى اخوانها وابتعدو عنها واخذو عيالها اذا هي ناسية انها من الفارس تذكر ابوها من الفارس وعيالها الي تقول تحبهم من الفارس مع اني اشك انها تحب اي احد غير نفسها الانتقام عامي بصرها وبصيرتها وهذا ربي جازاها
مقومة الدنيا على راسها ابتلت بالضغط ومافاد ....خليها تخمد لها كم سنة ولما تصحى يكونو الفارس عاشو بخير بعيد عن مصايبها مافرقت عن شرفوه الي مابين بعينها الحليب الي شربته ولا التربية وبالاخير طعنت خواتها وهي نفس الشي تاكل وتشرب ببيت جدها وهي قاعدة تحفر لعمامها وماتبغي احد يوقف بوجهها والله لو يدخلوها المستشفى النفسي احسن لها خليها تتعالج عن عقدها وعقد الظبي الي ورثتها اياها
اما بتال الي مو عاجبها ماتبلى عليها من الباب هي الي تعمدت تخفي الحقايق عنه وياليت حطت ببالها انو الي صار بمناروه اول مرة والحادث هذا عقاب ربها يوم ادت سمر بدون وجه حق يعني يخافو من شرفوه اكثر من خوفهم من ربهم ......
انا مو شايفة انو بتال سوى شي كبير ومعصية هي كانت تستاهل الضرب ومازالت لانها ماتربت مين ربها ابوها المريض ولا الشايب جدها ولا شرفوه حمد لله والشكر
على الاقل لو رجعت لولد عمها استر لها ماغير رايحة جاية ومذوبة قلب هذا وذاك طويرق من جهة ولطاموه من قبل تنستر وتجلس تربي عيالها وتعيش باقي عمرها يعني لوين بتوصل لايكون تبغي طارق خليه يتزوجها اذا هو معقد مثلها بس بتال لازم ياخذ عياله غصب عنها لانو الحضانة بتكون له
واصلا واضح ليش ماتبغي تتزوج وتنحكم عند رجال علشان تاخذ راحتها بالتخطيط ومكالمة موظفيها على قولتها لاحسيب ولا رقيب
ميشو لاتقولي ظالمتها بناتك اغلبهم دايرين على حل شعرهم كل وحدة تبغي تحط رجلها خاتم في اصبعها وتخليه خروف وراها
رنيموه وسند
وهذي الثانية يعني ابوها معقدها الى متى قلة ادبها مع سند على ايش نافخة ريشها على سمعة ابوها ولا على جمالها الخارق الحمد لله والشكر تحمد ربها على بلاوي ابوها في مين تزوجها هي وخواتها في ناس حتى اقاربهم يعيفوهم ومايبغون جد عيالهم سكير وداشر وهي عندها ولد ومازالت ماتحترم سند كم صار لها بس مو منها وربي من سند لو هو رجال عرف كيف يمشيها على الصراط المستقيم
مو ذايب عليها وهي بهالاخلاق ترى الحب مو كل شي بالحياة الزوجية اذا الزوجة ماتحترم زوجها وتقدر الي يسويه لها ولا تتنازل عن الي براسها ماتستحق الاحترام ولا المعاملة الحسنة بس العتب على سند الي يحاسب بتال على تصرفاته مع العنود اجل يبغيه مثله تشتمه حرمته وتتقزز منه وتحسسه انو شي حقير وهو لاصق فيها ومتمسك فيها لاكرامة ولا احترام للنفس شي يبط الكبد بصراحة اذا حرمته مو قادر يحكمها اجل كيف بيخلي رجاجيل تحترمه وتعمل له حساب
عنادوه وغرام
الحين هو مبسوط انو ريهام ماصارت من نصيبه وعسى غرام ماتتوافق تحاليلها معاه خليه يعقل ويبطل ثقة مالها داعي لاني متأكدة لو خطب غرام ورفضت الجد والباقي بيجبروها مثل غيرها البنت عندهم مالها راي اهم شي الولد يختار وهم يلبوه ويعطوه طريقته صح او غلط عادي لذلك اتمنى التحاليل ماتظبط وغرام تتزوج واحد من برة عيلتها
سعودوه ونوالوه
لهالدرجة نوالوه خلته ماعنده كرامة لدرجة يقبل فلوس صدقة من العنود وغيرها ليش ماهو رجال يروح عند عمه ورياجيل العيلة ويكون رجال ويقول لهم انو اذا ماخلو مهر نوالوه مثل غيرها من بنات العيلة في كذا خيار يخليها الين تتجمع الفلوس لو طول عشرات السنين وماحد بيخسر غيرها لانو لو ماقدر او مل منها بيطلقها وبيتزوج وحدة تراعي الله في المهر وفي طلباتها وحدة اهلها ربوها على القناعة وحدة تدور الستر شفايدة المهر الكبير والبيت والسيارة اذا الزوج فقد اهتمامه فيها بأيش بينفعوها وزوجها نافر منها ومثل ماجمع هالمبلغ الكبير قادر يجمع مبلغ اقل ويتزوج غيرها ماتقول لي البيت والسيارة بيجيبو لها السعادة ولا الحب
الزوجة الي من الاول ماتراعي ظروف زوجها مافيها خير ولا اهلها فيهم خير وبعدين يقولو ليش بناتنا عنسو ...والله هالعوبة الوقحة ايش فيها زيادة عن بنات العيلة
ولا ايش تفرق عن شجونوه هي بعد كانت تتعمد تلفت انتباه سعودوه الرخمة لها وفي نفس الوقت لفت على ايمن يعني وحدة لعابة تلعب على الحبلين بس ليش نلومها دامها حصلت مبتغاها وفوق كذا شايفة سعودوه مستذبح على رضاها واهلها موافقينها ونعم التربية ماشاء الله
سويرة
تحمد ربها انو الحرق ماشوه جسمها كله جزء من وجهها وحرق بسيط ماله داعي العزلة الي مسويتها بس مين اختها العنود ام العقد غرام الي مرت بشي اعظم منها نفر الكل منها بسبب ريحتها وشكلها ومع ذلك ماطلبت البعد بالعكس كانت تتمنى لمة احبابها وقت حاجتها ماخجلت من شكلها ولا مرضها وهالدلوعة مو قادرة تتحمل الناس تشوفها لانها معدومة الثقة تربية العنود الي فالحة بالخطط والانتقام
ميشو احلى حاجة بالبارت هو غيبوبة العنود وياليت تفكينا منها ومن حقدها كم بارت يمكن لما تصحى تحط ببالها انو رب العباد يمهل ولا يهمل .... وتتعلم شي واحد اذا ربي ماكتب للشي انو يصير مستحيل يصير لو ايش ماخطط الانسان وهي شهور وسنين تخطط بس بلمح البصر طاحت وانهدت قوتها ....
مثل شرفوه سحرت ناس وارتكبات كبائر مو بسيطة والنهاية مات ولدها المدلل وماتت هي وراه ايش اخذت من الدنيا الي سعت لها وين الزاد الي تزودت فيه لاخرتها مثل العنود ايش بينفعها ضياع صحتها ورى مراكض على رغبات ناس ماتو واندفنو ومابقى الا ذكرهم لابيكون لهم صدقة جارية ولا بينفعهم بيوم الحساب علشان تحط طاقتها في وصية دنيوية سواء فيها خير او شر للفارس مابيصير الا الي ربي كاتبة رضت ولا انرضت وهذا درس لها ولغيرها
ميشو في انتظارك
|
24-02-13, 08:18 PM
جديد مواضيع قسم القصص المكتمله من وحي قلم الاعضاء
العرض العادي
