كاتب الموضوع :
♫ معزوفة حنين ♫
المنتدى :
قهوة ليلاس
السلام عليكم جميعا ^^
مرااااحب ... الموضوع جميل جدا و الله
طيب ممكن احكي نكبة طفولة ؟
انا جدتي كانت تعيش في الريف
طبعا تعرفوه الريف .... مو هيك ؟
المهم كانوا زمان بيعملوا العيش الفلاحي في فرن بدااااائي
و هو عبارة عن طوب احمر و بيوضع بداخله ( قش ) و ( حطب ) و تشعل فيه النار
و بعد كده يعملوا العجينة على شكل عيس و يستوي
المهم اخدت حتة عجينة من عمتي و جدتي و سألوني هتعمل بيها ايه قلتلهم هعمل عيش فلاحي
اخدت العجينة و رحت عند مخزن الحطب و القش و اخدت شوية قش و حطب
و جبت الكبريت و رحت اعمل الفرن فيييين بقى ؟
عملت الفرن في حفرة تحت القش و الحطب بتاع السنة كله
يعني حجرة كاملة من القش و الحطب
و لسه بولع عود الكبريت
و الحجرة تحولت لنار و كمان الباب كنت قافله ورايا علشان محدش يقاطعني و انا بعمل العيش الرااائع بتاعي
فجأة تحولت الغرفة لنااار
و بدأت اصرخ و اكتشف اني مش هولع في العجينة لوحدها
ماشاء الله اهل الريف عند اول كارثة بيكونوا حاضرين علطول
في ثواني لاقيت الباب اتكسر و حوالى تلاته قفزوا جوه الغرفة و شالوني بره
و تم اخماد الحريق الحمد لله
بس الحاجة الوحيدة اللي كنت مستغرب ليها
ليه والدي ضربني في اليوم ده و ليه الكل كان متضايق مني
مع اني يادوب كنت بعمل عيش فلاحي !!
^^
بس
بكرر شكري على موضوعك حنين
تسلم ايديكِ
|
20-01-12, 08:02 PM
جديد مواضيع قسم قهوة ليلاس
العرض الشجري
