تاتاتاتااتاااااااااااااااااااا
حلوة الدخلة والفجاءة دى ؟؟
مساء الفل على احلى سولى

بصى طبعا انتى عارفة انا قرات الرواية دى على فترات زمنية ربنا وحده اللى عالم بيها والله يااوختشى ما انا عارفة انا بداتها امتى بس الحمد لله ربنا كتبلى عمر وخلصتها ههههههه - طبعا انا بهزر معاكى .. انا عارفة قد اية ظروفك ملخبطة وكمان مشغولة فى البيت والاولاد ربنا يعينك - بس احنا بنحب نتدلع عليك ياجميل

نجى بقا للرواية الجامدة دى وابطالها المززز يعنى عندك مثلا اميرنا الغالى والله ياوختى مش عارفة فى راجل صبور وحنين اوى كدة زيه ولا هو اللى خيالى و كائن مش موجود فى الوجود اصلا .. هو فيه كدة ياناس ولابلاش اصلى لو بدات مع امير هنجى لسيرة الست النرفوزة بتاعته ست ليلى يختتتتتتتى وانا كل ما افتكرها ضغطى يعلى

المزز ابو عيون زرقة الخواجة الحليوة اللى مدوخنى ومدوخ كل بنات ليلاس فى الوطن العربى .. ياخواتى على التقل والعقل ولا الكاروهات يختتتتتتتتى هههههه اموت انا واعيد السنة ... بس مش عارفة حظه مهبب اوى مع منال لية حتى من البداية وانه مخدش باله منها وكمل عليه اخوه اللى مش عارفة اشتمه ولا يصعب عليا كونه عاش طول عمره فى غيرة وحقد من خالد ولا اشوفه الطفل الصغير اللى كان بيدور على حب واهتمام امه وابوه وكل اللى حواليه والكل مش شايف الا خالد وبس حاجة صعبة اوووى بس دة طبعا مش سبب ولا مبرر يخليه يخون نفسه ولا اهله ولا بلده وجه كملها فى الاخر بكلامه لخالد علشان ينغص عليه حياته اللى يدوب بدات تستقر

وليد السكر العسل 0طبعا مع الاعتذار لرفيقة الكفاح دودو 0بس الواد عسل بزيادة يااوختى ولو ان فى الاخر كدة شايفاه بدا يقلب ويتحول لزوج مصرى اصيل يغضب وينكد على اللى جابونا هههههه.. بس التغيير اللى حصل لوليد ادهشنى الصراحة طبعا انا شايفة ياسمين غلطانة جدا لانها مش استاذنت منه قبل ما تخرج وكمان اتاخرت جدا وكمااان مردتش على تليفوناته لها لااا والمصيبة انها مش حاسة انها غلطانة وعموما عايزة اقول لياسمين انه رغم الطبع بيغلب التطبع وانك مكنتيش متعودة على دة فى بيت بابا بس بيت بابا حمادة وبيت جوزك حمااادة تانى خالص هههه

بلال الموكوووووس مش هاسميه حاجة الا الموكوس يعنى مش كفاية اخته لاا جاى هو كمان يكمل عليا ..الواد دة غيظنى جدا تحسى كدة انه مليان عقد وكلاكيع نفسية يعنى بيغير على اخته من جوزها وقولنا ماشى اهو حمية الراجل الشرقى على اهل بيته ولو انها غيرة اوفررر بس معلش هنعديها المرة دى .. يجى عند سوز وعرق الرجولة والغيرة يشتغل علشان اللى حصل مع وليد وقولت ماااااشى بيغير على حبيبته انما يتهجم عليها ويكسر روحها وقلبها وفى الاخر يسيبها ويروح يخطب واحدة تانية ال اية علشان مصلحتها لا بقا اسمحللى الواد دة موكوووووس اوى

وائل ياويلى نفسى ارسى على بر معاك انت بتحب تامى ولا لا ..بتخاف عليها بجد ولا بتعلب بيها شوية وهتضيعها معاك .. بالمناسبة قفلة البارب مهببة ومنيلة وربنا يستر مش عايزة افكر فى افكار سودواية

هشام ومحمود وماهر ابناء العم اية يارجالة المنصورى مالهم مراتتكو مش طايقينكو لية كدة مع انكو رجالة زى الورد وخصوصا محمود وماهر دمهم شربات هههههه

نجى بقا لبطلاتك الرخمين الغلسين نفسى افهم يعنى المفروض تكون منصفة مع البطلات اكتر من الابطال ياسولى مالك قالبة الاية لييييىة ها لييية ؟؟
يعنى ليلى ان شاء الله هجيبها من شعرها استنى عليا بس يخرب بيت نكدها ورخامتها اية مش بتزهق من الغم والنكد دة والواد مستحمل من اول ما عرفها وهى ابدا مش بتهمد على طول نكد وقرف ..

الست ياسمين اللى بتشك فى وليد بذمتك حد يشك فى النسمة دة دى البراءة كلها هههههههه وبعدين بقالك قد اية معااااه مش عارفة لغاية دلوقتى طباعه واية اللى يزعله او يفرحه ..

هنادى اية حجة اللى بتفكرى فيه دة سواء عايزة تنزلى البيبى او تسيبى جوزك اية الهبل دة بقا بعد دة كله وصراعاته معاه ومع امه هتهدمى دة كله وفى حاجة بتاعت ربنا كمان ..

منال مش عارفة ازعل منك على كل النكد اللى كنتى معيشة خالد فيه قبل كدة واللى كان ممكن يتحل بالمواجهة والاعتراف زى ماحصل فى الاخر وكنتو وفرتو على نفسكو كل البعد والجفا دة ولا اقولك ربنا يعينك على الجاى لانى مش عارفة خالد ناوى يتصرف ازاى بعد الحاجات اللى عرفها ..

فاطمة خدددددى بالك ياتامى وربنا يستر من النهاية انا بحاول اتفاءل بس مش عارفة سولى ممكن تعمل معانا اية ..

سوزان اتعرضتى لحاجات كتير بس شايفك فى الطريق الصح جوووو اون جيرل وحتى لو مكنش نصيبك تكملى مع الموكوس بلال انتى اللى هتكونى كسبانة برضو

سووولى ياراااائعة استمتعت جدا جدا بكل فصول روايتك وشخصياتها وعقبال الختاام
فى انتظاااارك يارائعة يااسرة المشاعر

والله ..تعليقك يجنن يا مانو ..وخصوصا الموكوس بلال افندى ..وليلى اخته اوووووووووووووفر النكد بصراحة ..بتفكرنى بأمينة رزق تعشق النكد زى عنيها :))

السلام عليكم و رحمة الله

هلا و غلا آسرة المشاعر .. يسعد كل أوقاتك حبيبتي
المره دي مش هتناول الأحداث بالتفصيل لأننا قتلناها بحثا لايف (:
لكن هنشوف كل زوجين بشكل إجمالي مختصر، هنسلط عليهم الضوء زي ما بيقولوا

نبدأ بخالد و منال ... كليهما مرا بالكثير الكثير من الأحداث المشحونة على الصعيدين العام و الخاص ، وجود باسم بينهما خلق العديد من القلاقل و السلبيات حتى عرفنا في النهاية انه كان يعلم و يقصد ما يفعله عامدا
ربما تفهمت دوافعه قليلا بعد رسالته لخالد و لمست الازدواجية و الشتات الذي عاشه كل منهما على حد السواء بين الشرق و الغرب مع محاولة مستميتة لإثبات الذات
لا التمس العذر لباسم رغم ان طبيعته تغلبت عليه في النهاية ما أدى لقتله و لكني تفهمته و صرت أكثر تقبلا له
خالد و منال يخطوان حثيثا نحو الاستقرار أخيرا بعد حياة زوجية عانت الويلات في البداية وقت رفضها الاعتراف لنفسها و عتابها الصامت له بالبكاء كلما اقترب منها حتى علم بحقيقة مشاعرها و هاله ذلك بينما تتوالى الاكتشافات عليه الآن
كل ذلك و لا نغفل الجانب الآخر من عمله الحساس الذي قد يكلفه حياته و حياة كل عائلته مع قلقه المتزايد على فاطمة التي تتصدر قائمة الخطر

هشام و هنادي ... التغير الرهيب في علاقتها مع والدته جعلنا نحول اتجاه الصراع لوجهة مختلفة لدينا هنا مفترق طرق إما يجمعها للأبد او يفرق دروبهم للأبد أيضا
لقد سبق و ناقشتك بشأن العلاقة المذبذبة التي تجمع هشام بزوجته و التي ترفض التصرف على انها في كنف رجل قادر على احتوائها و حمايتها بل تؤثر دوما اخذ المبادرة باعتبار انها الأكبر و الأكثر نضجا كما يخيل إليها
المشكلة هنا داخل هنادي التي بكل تفتحها و وعيها ما زالت ترسخ تحت وطأة نظرية ان زوجها يصغرها في العمر لهذا دائما تجعله في المركز الثاني بعدها و تأخذ هي القرار بل و تبدأ التنفيذ
المشكلة الأكبر تكمن في شخصية هشام الذي يعلم كل شيء و لكن يؤثر الصبر حتى النهاية علها تذهب إليه بمفردها و تعترف بقوامته عليها دون ان ينبهها ، لكن هل تنتبه لذلك و تفعل قبل فوات الأوان ؟ هذا ما سوف نعلمه عاجلا
يلزمهما وقفة حاسمة لوضع الأسس الصحيحة لزواجهما و لتفهم لما يطلب منها دائما ان تعده بعدم الإقدام على ما يغضبه فهو لا ينطق اعتباطا

ياسمين و وليد ... هما أيضا يلزمهما وقفة و مصارحة
هناك حاجز لازال مرتفع بينهما يحاول وليد اجتيازه لكن ياسمين بكل جرأتها تخشى ان تفعل و تقنع بالبقاء خلفه عوضا عن المواجهة
لم تنسى ماضيه و تجعله ماثلا أمامها طيلة الوقت لهذا تحتل دور المدافع باستمرار
لا استطيع لومها على موقف الجاليري لأنها لم تعتد على خلاف ذلك فمن أين تعرف كما ان وليد محق في استخدام حقه الطبيعي بصفته زوجها ، و حتى يصلا لنقطة اتفاق عليهما فتح قلبهما و الفضفضة

أمير و ليلى ... هييييييييح أظن أمير اثبت انه فارس في زمن لم يعد لهم وجود
من البداية للنهاية و قصتهما أشبه بالأساطير الخيالية ، فراق و لقاء لكن الحب انتصر و جمعهما أخيرا سواء اقتنعت ليلى أم لم تفعل بعد أنا واثقة من قدراته
كل منهما يرى في الآخر نصفه المفقود ، هو ينعش روحه بضعفها و هشاشتها مع حاجتها الدائمة إليه و هي وجدت حصن الأمان الذي طالما تاقت إليه

محمود و مديحه ... بينهما لعبة قط و فأر دائمة ، لا جدال في حب محمود الواضح لها و منذ زمن بعيد لكنها لازالت مغلفة بوهم الماضي الذي زرع داخلها عميقا حتى انها رغم تجاهلها الظاهر لم تنجح في اقتلاعه من داخلها بعد و هذا لا يبشر بالخير لمستقبلها القادم مع محمود لأنه بالتأكيد يعلم بحدس العاشق الذي يشعر بما يخفيه نصفه الآخر و إذا أيقن من ذلك سترى وجهه الآخر دون شك

ماهر و منه ... الوجه الآخر من علاقة كل من شقيقيهما لكن الملاحظ بوضوح ان كل منهما اخذ من صفات شقيقه الكثير ، ماهر يماثل مديحه في العناد و حدة الطباع مع الفظاظة و منه تشبه محمود في الدماثة و الرقة حتى الآن على الأقل ناهيك كونها الأنثى المغلوبة على أمرها و المتجبر الآخر يحملها مسؤولية ارتباطهما الغير مرغوب فيه !

بلال ، اسما ، سوزان ، إيناس ... جمعتهم معا لأنهم يمثلون حلقة واحدة تدور حول بعضها و هم داخلها مترابطين رغما عنهم
بلال نسخة مكررة عن والده و رغما عنه حمل كل صفاته السيئة من تملك مرضي و عصبية مع صلابة رأي و ما خفي كان أعظم ، فقد سوزان و سياسته في معالجة ذلك هي الخطأ بعينه و لا يبدو مسلسل الفقد سيتوقف عند هذا الحد
لازلنا نجهل الكثير عن اسما و قدرتها على التحمل لكن الأكيد ان ما بني دون أساس يهوي إلا بتغيير حقيقي يدعم أركانه
أما إيناس فهي تمثل شعلة التمرد في العائلة و مواجهتها الدائمة مع شقيقها تجعله يخاف من نفسه لأنها تخرج أسوأ ما فيه

وائل و فاطمه ... و أخيرا مسك الختام و الثنائي الأكثر إثارة للفضول و التساؤل في الرواية ، فتارة أراهما متحابان متفاهمان و أخرى يتحولان للاستفزاز و المشاكسة بشكل محبب لا يمل مع الكثير من الوقاحة اللذيذة المذاق
كأنها تجعل الدماء تتدفق لحياة وائل و تزيدها حركة و مرح ، معها أشعره شخصا مختلف عن وائل ابن الوزير الذي عرفناه و داخله حقدا و غيرة من أخيه الذي يظنه سرق موقعه
بالرغم من التحسن الظاهر في علاقته مع وليد لكن يبقى هناك رواسب داخلية لم يستطع التخلص منها أو ربما لا يريد
فاطمه تتجه إليه بكل قوتها و تمنحه كل مشاعرها المكبوته داخلها لسنوات ، حتى خالد فقد مكانته و بات وائل يحتلها شيئا فشيئا لكنهما لم يصلا لبر الأمان حتى الآن و لا زال القادم بينهما سيحمل الكثير

بشكل عام مسار الأحداث متقن و ترتيبه مدروس
لديك قدرة فائقة على لمس دواخل الأمور و الشخصيات دون الإفصاح المباشر و لكن من خلال تلميحات إيحائية و تشبيهات تربط الواقع بالخيال
حتى جانب المغامرات و الإثارة لم تغفليه و احتفظت بالمدعو آرون و كل ما يحيطه من خطورة تشمل الجميع للنهاية يقابله شكوك أمير و غموض خالد و ما يحدث مع فاطمة ، الحلقة تضيق و نحن نلهث و نترقب الي أين ترسو السفينة
استمتاع لا حد له تقدمينه باحتراف و ثقة تستحق ان ترفع لها القبعات


تســـــــــــلم أيــــــــــدك يا رائـــــــعة

ربنا ييسر لك كل أمورك و يزيدك من فضله
دمتِ بكل الحب و الود

السلام عليكم وكل عام والامة الاسلامية بالف الف خير الرواية رووووعة ونحنا بانتظار التكملة بليز بليز كمليها وعاشت الاياااااادي

بليز واين تكمله اليوم الاحد
الوالو