السلام عليكم و رحمة الله

مرحبا سولي .. يسعد كل أوقاتك حبيبتي
أنا جيت بعد ما تهت شويه كثير كده مش عارفه ليه و لا ازاي إنما أهو ده إلي حصل
ندخل في المفيد لأني قلبي ناغزني إن المنيل على عينه بلال عامل مصيبه كحلي و أنا بصراحة لساني بياكلني عشان اشتمه
سوري يعني يا اوختي انما لو كنتوا اخوات اتحاسبوا ، دا غير إن ديدو خلاص كبر و اتجوز و لازم اطمن عليه ..

توكلنا على الله

كدا صد رد من أول مشهد مع السيد الغيور بسلامته ، أهلا يا سيدي مالك بقه فيه ايه ، اتعدل أحسن ما اقلب لك على الوش التاني ، ديدو و أمير دول خط احمر منقط بكل الألوان يعني الخطر الشديد أوي فصحصح كدا و لم الدور
مش طايق كلام أخته و خصوصا أن طرف المعادلة التاني موجود و هو خلاص هيموت من الغيظ ..
يا سلام على الست ام ليلى دي ، حبيبتي حبيبتي
عرفت ازاي توصل له و تسكته ، لكن لا أظنه يتغير لأنها وراثة ، عبارتها عن والده أظهرت حاجات كثير و واضح إنها عانت من تملكه و غيرته و هو عارف و إلا مكنش تأثر بتشبيهها له به
دا غير إنها ناويه تعزم أمير أيام و بتدافع عنه ، تبقى حبيبتي من غير كلام طبعا ((:

يا عيني يا عيني على الأمير ، مبدع من يومه و اهلل لرومانسيه
مشهد خاطف للأنفاس و طبعا فعل أكثر مع ليلته التي رفعت راية الاستسلام مؤقتا على الأقل لكن شهادة حق مكنش ممكن تعمل غير كدا
أول ام رفضت الهدية كنت خلاص همد أيها و اخبطها على نافوخها اعدل لها دماغها و اضبط لها مراكز الذاكره
إنما الحمد لله جت سليمه و ربنا هداها و أمير لبسها السلسلة كمان
احم خلاص يا عم كفايه كدا الرحمة حلوه
ايوه الكلام كويس خلينا في الهمس و بلاش اللمس
مشهد راائع تسلم ايدك سولي

وااااااااااااااااااو وااااااااااااااااااااو وااااااااااااااااااااااااااااو
ثلاثة وااااو لمشهد خالد باشا و منال العاقلة الكاملة ، يا سلام فين دي من منال بتاعة أول الرواية إلي كنت ببقى عايزه اخنقها
إحساسه بها خرج صادق مثالي عفوي رغم إصراره على التمهل ،
أخيرا حصل بينهم تواصل من نوع جديد مبين على التقارب و المصارحة ، وصفه لوالدته اظهر كم كان يحبها و أراد اهتمامها و دفئها الامومي لكن استرساله في سرد مراحل طفولته و معاملتها له و تصرفات باسم الغبية دخلنا في جانب مختلف خالص ، فهمته منال و منحته ما يتوق اله من حب و اهتماما غير مشروط
سوووووووووووبر لايك للمشهد العالي جدا ده ، حبيته بتدرجه و وصفه حتى وصلنا لأروع نتيجة مع وعده لها

بلال الفظ النكد يبدو إني لن اصبر عليه حتى تحل الكارثة لأنه راكب معايا شمال مش عارفه ليه
أحسن روح نام يا أخي نوم الظالم عباده
حديث ليلى و والدتها خلا قلبي يرفرف فرحان ، كلن رائع جدا و بغاية الحساسية و الحنان
شفت ليلى الصغيرة بمرحها و براءتها و خلوها من المشكلات
و عادت ليلى للحماقة من جديد ، ملحقناش نفرح و نتهنى بالراية إلي ارتفعت رجعت تنيل الدنيا تاني ، عععععععع يا دي المصيبة يا بنتي فكري قبل ما تتكلمي
لكن عزاءنا أنها تغار عليك يا أبو الكباتن خلاص بقه متزعلش
يا سلام على ابتسامة العيون دي << فيس القلوب
يا حلاوه يا ولاد طب هاتي عيني في عينك كدا يا يختي ، قال يبتعد قال
إلي خايف عليها يحوشها من قدامي يا جماعه لأني متغاظه منها و احتمال كبير احدفها بحاجه تقيله تفتح لها نافوخها
علاقته بايني جميله جدا و تعجبني للغاية ، هي تعامله بعفويه و بساطه كبلال تماما ، لكن ليلى تغار بقوه رغم إنكارها و تشبثها بأمر الإجبار و الكلام الفارغ ده كله
حتى فاكره معجباته و هو أمير الخيال الكاتب ، أنا كمان بقه عايزه اقرأ روايته اشمعنى هما يعني اه و بحبها بالعربية يا ست ليلى بلاش النظره دي لانا مش خايفه منك يا عبيطة يا لي مش عارفه أنت عايزه إيه ؟

بلال الرخم رجع تاني ، لااا أنت مصر تتعور الليله دي ، دخيل ايه يا محترم دا أنت إلي دخيل ، أمال لو كان وافق على البقاء كنت عملت إيه !!
اوووووووبس
إيه إلي بيحصل ده ؟ إيه إلي أنا شايفه ده
البت دي هبله و لا ايه ؟ عنه ما فهم
لأ صريحه قوي يختي تحملي بقه اهه اتجنن رسمي
دلوقت انا فهمت أكثر قصد والدته لما قالت إنها مش عايزه نسخه تانيه من سليم لكنه أصبح كدا فعلا ..
فوالده او هو كلاهما لديهم نزعة تملكية لأي شيء يخصهم و يرفضا لأي شخص دخيل من وجهة نظرهم أن يشاركهما فيه ، و إذا حدث كما خيل إليه عقله الآن فقد يقدم على تدمير هذا الشيء على أن يأخذه أحدا منه
المشهد كان قوي و مؤثر ، وددت من سوزان أن تعبر عن غضبها بصورة اشد تصفعه ربما مع قوتها في إعلان انسحابه من حياتها و المغادرة
أنا سعيدة لأنها نفته من قلبها( هذا إذا استطاعت) بعدما حاولت معه كثيرا و هو أمعن في إذلالها ، لا يستحقها فلينعم بوحدته الآن
عجبني المشهد رغم صدمته ، تسلم ايدك يا مفتريه خخخخخخخخخخخ كنت عارفه انك مش هتعديها معاهم على خير

هههههههههههههههه فعلا طائري الحب إنما و هما بينقروا بعض طول النهار
احم سيد أمير بلاش تزودها معاها ، بصراحه انا ما صدقت تقول كلمه عدله مفيش داعي للاستفزاز و الرد على كل سؤال بدستة اسئله يا خويا انت كمان ، مش لازم تعترف دلوقت ما أنت عارف إنها بتتنيل تحبك ، متغظهاش بقه
ايوه بلال خرج و لوحده ، أحسن و محدش يجيب سيرته رجاء و اطلعي نامي يا ليلى

فعلا صدق أمير ماذا يحدث بحق الله !!
أعجبني جدا ذلك المشهد الصامت الذي نقلته لنا عيون أمير باحتراف
حتى خيل إلي إنني استمع الحوار المتبادل بين بلال و أخته و تصاعده حدة وتيرته حتى الصفعة ثم الندم عليها
المهم انه أخد الصفعة إلي تمنيتها ، شكرا يا ليلى
مشهد عبقري حبيته جدا بكل ما فيه

ههههههههههههههههههه يعيني عليك يا ديدو يا جامد ، عد يا حبيبي محدش له عندك حاجه
هش يا جماعه اسكتوا مش عايزين حد يلخبطه ، اووبس اهه هبيدأ من الأول ههههههههههههههههه
يا صباح الفل يا عرسان انتوا إلي فيهم بحد دلوقت و بعدكم خالد و منال

أمير يتألق يا بشر ، فيه كدا في الدنيا ، أتعلم الرجولة يا سيد بلال و لو ان لسا بدري عليك
طبعا مش هيقدر يواجه الاثنين ، و السفر أحسن حل ، لكن التقارب إلي حصل بينهم عجبني و جه في وقته ، دا غير تفهم أمير و حسن تصرفه في الموقف الحساس ده
أحسنتي رسم تأثر كل شخصيه بالموقف على حدا

وااااااااااااااااااااااااااااو كل مشاهد ليلى و الأمير خطيرة لكن هذا له وضع خاص بكل عناصره ، حيث أرخت حبل العناد قليلا و اعترفت بما يدور بخلدها له و قد استشعر هو ذلك و بدا خطوته التالية مع سيطرة تامة على النفس حتى لا يجفلها او يفعل شيء ضد مبادئه

منال و خالد يكملا تقاربهما الحثيث بخطى ثابتة تروق لي جدا ، موضوع باسم سيظل حاجز مرير بينهم إذا لم يتجاوزاه بالمصارحة فقد آن أوانها

مرحبا بنودا و هشام ، وااااااااااااااااااو موقف رجولي بحق لكنه كان دائما هكذا لم يكن يضعف إلا أمام والدته بحكم إنها أمه فقط ليكن ليس تخاذلا منه
هههههههههههههههه حلو جدا التكتيك الجديد الذي يتعامل به هشام بك
امممممممممم استغلال متبادل إذن ، ذلك يعني انه كان يعلم بخطوات هنادي و مكانها

ععععععععععععععع يا دي النيله ، الصور إلي اتنشرت دي مخلتش حد محكتش قصة حياته
و لسا حاطط تومي في دماغه !!!
دي انعقدت على الآخر ، خالد و أمير و اللعبة كبرت قوي
دام كنش حفل زفاف دا كان فضيحة علنية

تسلم ايدك يا رائـــــــعة
كان هيفوتني كثير لو ملحقتش الفصل الناري ده دلوقت
الحمد لله رب صدفة خير من ألف ميعاد
كان جمييييييل جدا و اشتمل على تطورات على كافة الأصعدة و دخلنا متاهه كبيره قوي
هي مكنتش انتهت أصلا إنما وسعها ، أحسنتي رغم القفله إلي ترفع الضغط ((:
مووووووووووووووووووووووواه

الله يزيدك من فصله و ييسر كل امورك
دمتِ بكل الحب و الود

لا تفوتوا مشاهدتنا في المؤتمر الصحفي الخاص بابطال امير ليلى
هلمووو لتوجهو اسئلتكم




Sent from my iPad using Tapatalk HD

مرحبا أرجو تنزيل رابط الرواية فأنا أنتظرها منذ زمن وشكررررااااااااااااااااااااااااا