لولي بوب<< فيسي اللي يالف اسامي السويت خخخخ


المقادير



كيكة كويكر..

2 ملعقه كبيرة زبدة

ظرف دريم ويب

6 حبات كيري ولا علبه جبنه فيلادليفيا

كوبين شكر ناعم

توفي ولا كاكاو للطبقه الخارجيه





الطريقة

نبدا بالكيكه .. نتبع الطريقه الموجوده ع البوكس وندخلها فالفرن لين تستوي..

وفي هالوقت نبدا بالكريمه.. ناخذ المقادير اللي عندنا "الزبدة , الدريم ويب, الجبن , الشكر" لين تستوي لنا عينه شرات اللي ف الصورة ..










نطلع الكيكة من الفرن ونفتتها.. ونحط عليها الكريمه اللي سويناها .. ونعينها..





بتستوي العينه شرات الصورة اللي عندنا فالصورة..



الحينه نبدا نكور الكيكه كور صغاارونحط لها اعواد الشوي اونها حركات خخ .. وندخلها فالثلاجه لمدة 40 دقيقه..







نذوب الكاكاو ويا القشطة والا نستبدلها بالتوفي .. ونطلع الكيكه اللي كورناها ونغمسها فالكاكاو اللي عندنا..



ونكرر العمليه على كل الكور اللي عندنا..

نرش عليها سباريكالز ولا شكر ناعم للتزيين قبل لا يجمد الجوكليت ..

ونصيحه لويه الله لا تخلون خواتكم الرزة حذالكم لانهم بيخربون شغلكم<< فيس يجوف خوالي بطرف عينه

وهاي النتيجه من ايد خوالي.. هي اللي غمستها فالجوكليت وزينتها<< فيسي اللي ينصحكم فوق..

وفيس يهز راسه باسى ع شكل الجوكليت المفلع

خلـــــــصـــت

يلا وصلنا للنهايه..

اتمنى ان السويتات تعيبكم.. وتستفيدون منها.. واي هب وااضح مايردكم الا كيبوردكم..

مشرفات المطبخ.. ما شاء الله عليكن.. شقايل تنزلن مواضيعكن وكلها صور<< فيس تعب من الرفع والكوبي والبسيت..

حتى انيه نسيت.. فيس بوحه العالم خخخخخخخخ

هني وعافيه..

الله يعطيج العافيه ،،

بووووحه العالم >> اذا انتي نسيتيها ،، انا مانسيتها ،، من تدخلين القسم عندنا اتذكر فيس بوحه العالم ،، *_*

حلو يااات روووعه ،،، وطرقها سهله جداً ومايبي لها تعب ،،

شفتي شلووون بوووحه ،، التعب ،، بس صدقيني ردودكم اللي تسر الخاطر تنسينا تعبنا كله ،،

نورتي القسم بوووحه ،،،

تستاهلين بوكيه ورد >> ههههههههه

روووووووووووووعه السويتات

تسسلم ايدج بووحه


عوافي