لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 07-06-12, 11:46 PM   المشاركة رقم: 941
المعلومات
الكاتب:
اللقب:
عضو راقي

البيانات
التسجيل: Mar 2012
العضوية: 239501
المشاركات: 9,417
الجنس أنثى
معدل التقييم: Q.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسيQ.miiro عضو ماسي
نقاط التقييم: 5980

االدولة
البلدSaudiArabia
 
مدونتي

 

الإتصالات
الحالة:
Q.miiro غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
Help

 

.. الســـلام عليكم ورحمة الله..


عــــــبووقه جهزت ردي على البارت اللي فات لقيتكم خااينين ومنزلين بارت اليوم من

غير ماادري< فيس مايحبكم..


ســــــــــهوومه وربي زعلت لانك رح تنهين روايه من اجمل ما قرأت...

ولكن ننتظر روايتك القاادمه بكل شووق ولهفه لنتعرف على عائله وأحداث جديده..

...

أحــــــــداث البارت.
.

شيخه وصقر..


للحين كل حاجه عنهم مفهومه مافهمت وش تقصد سهوومه انه ما أكتشفنا وضعها؟

شيــــخه بردت قلبي شوي في هالعمشاء اللي ما تخاف الله..

حلو المد والجزر اللي بينهم .

...

نوره وسلطان..



عمته حصه شكل وراها سالفه. اللحين يقول زوجها متوفي

ويهدد لاتسأل عنه ليش؟

ميين هاللي كان يكلمها بالجوال وراحت تشتري أغراض معه معقوله

وحده كانت تحبه لاتقولون أخته بالرضااع مايصير كيفي..

..

ساارونه ونايف..



سبحان الله كم مره قارن هالجسيكا بساره وأنها ماتسوها..

مااتوقع تنحل مشكلتهم لانها بقووه عايفته وموطايقه حتى اسمه..

ان شاء الله يقدر يلاقي احد من شيخه او وضحى تساعده في تغير ننظرتها عنه..

والله مو تأييدا للي سوى أو مجرد شفقه لكن هو تااب وعرف ذنبه" وخير الخطائيين التوابين"..

..

فارس وهند..


مسكينه على صغرها إلا ان عقلها اكبر من هالموضي الزفت.

والفارس المغواار والدفاع عن هنووده ماأقدر انا من اللحيين بدينا^ــ*

...

تسلم يميـــــــــــنك عــــــــبووقه رح اشتااق لاسمك في ردودي...

وســـــــــــــلاامتك يَ قلبي وربي معذووره من غير ماتعذرين^^

أهم حااجه تكوونين بخير ولاتشيلين همنا حن وسواليفنا الوااجده...

ودمووع الماضي يرحم والديك مااطول أسمي / عااتي قولي مــــيروو .


ودمــــــــــــــــتي..

 
 

 

عرض البوم صور Q.miiro   رد مع اقتباس
قديم 08-06-12, 09:48 PM   المشاركة رقم: 942
المعلومات
الكاتب:
اللقب:
ليلاس متالق


البيانات
التسجيل: May 2011
العضوية: 224636
المشاركات: 1,567
الجنس أنثى
معدل التقييم: Rayma عضو على طريق الابداعRayma عضو على طريق الابداعRayma عضو على طريق الابداعRayma عضو على طريق الابداعRayma عضو على طريق الابداع
نقاط التقييم: 442

االدولة
البلدSaudiArabia
 
مدونتي

 

الإتصالات
الحالة:
Rayma غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

السلام عليكم ورحمة الله وبركاته

تسلم يمينك سهومه عالبارتين واناكنت برد عالبارت السابق بس توني دريت من ميروكالاينالا اول ماقريت ردها

اخيرا بتصفى النفوس بين شيخه وصقر عقبال وضحى وفهيد وساره ونايف

والله يعين نوره لاتكون العمه مثل المثل اللي يقول <ياما تحت السواهي دواهي>

يارب المفاجأه تكون روايه جديده

والله بنفقدك سهومه انتي وعبوقه الله يحفظكن يارب

ننتظر السبت على ناااااااار

 
 

 

عرض البوم صور Rayma   رد مع اقتباس
قديم 09-06-12, 01:15 AM   المشاركة رقم: 943
المعلومات
الكاتب:
اللقب:
ليلاس متالق


البيانات
التسجيل: Oct 2008
العضوية: 102007
المشاركات: 1,237
الجنس أنثى
معدل التقييم: وردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييموردة الزيزفون عضو جوهرة التقييم
نقاط التقييم: 1356

االدولة
البلدSaudiArabia
 
مدونتي

 

الإتصالات
الحالة:
وردة الزيزفون غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

صباح الخير .......تسلم ايدك سهومة بارت رائع جدا ابتدت النقاط تنحط على الحروف مع انو يعز علينا فراقك بس على امل تتحفينا بمولودة

جديدة وفكرة جديدة


عبوقة ماتشوفين شر ياقلبي ماقصرتي لاخلا ولا عدم

صقر وشيخة

تقريبا بدت حياتهم تستقر بعد توضيح اغلب الامور بس صقر ماوضح لشيخة سالفة الولد ولا ادري اذا هي فهمتها او لا ....بس اتمنى ماترجع

تبعد عنه وتلتهي بمشاكل خواتها اعتقد قبل ماتدور راحتهم لازم تريح زوجها مافيها شي لو طاعته بالعكس بدل ماتهم روحها تشتكي له الي

مضايقها يمكن يشيل عنها كم صار لها وهي تتحمل الهموم لحالها وترى صقر مابيقصر بالحلول ...واتمنى تلقى حل عقلاني لسارة


نويفان وسويرة


سارة مازالت حاقدة على نايف بس اتمنى ماتنسى انو لولا تهورها هي ماوصل نايف لها يعني لو ظلت بالملحق بدون ماتراقبه علشان

تلفت انتباهه ماكان بيقرب لها ........يعني قبل ماتلومه لحاله تحط مليون لوم على حالها ......لو سألوها خواتها تفاصيل

قصتها مع نايف هل بتقدر تحكيها هنا مربط الفرس .......الكل بيرفض طلاقها لو عرف انها تعمدت تنتظره وهو ماهو حلالها بأي صفة

تجلس من نومتها تنظر رجوعه وبعدين تروح له لو تشوفه بيموت ماهو عذر لذلك هي اختارت مصيرها ...فتكمل حياتها معاه وين بتروح

اذا كل خواتها استقرت حياتهم بتجلس بالملحق ونايف بنفس البيت مو عدلة اصلا .......تصبر وتنتظر نايف شبيسوي اذا طاب مو بالضرورة

تحبه ولا تعطف عليه بس لاتصير نفس شيخة حقودة وتندم بعدين ربي اخذ حقها من نايف بعدة طرق وهي الي انتصرت في النهاية خلاص قبل

ماتقرر اي قرار تستخير ربها مثل ماكانت تلجئ له يوم هي بمصيبتها ..


اما نويف ربي جازاه بكل الي سواه سواء على علاقته بهالخاينة الي جاية نافخة ريشها بدون صفة نست انها تنازلت عند نايف من شافت

صقر والحين بكل وقاحة جاية له بس خاطري نايف يبرد قلبي ويطردها ولا صقر يدبر لها مصيبة يسفروها ويمنعوها الدخول للمملكة

اما هذاك المتخلف انكشف خلاص وخلي حقده ينفعه ....وكل الي سواه خلاص انتهى وماله داعي يرجع يخطط من جديد




مويضي ومحمد

هذا الي فالحة فيه بنت عمشاء هي الي من الاول ماكانت مهتمة لنجاح زواجها من محمد والحين جاية تحط اللوم على غيرها لو هي حرمة

سنعة ماكان لليوم تقارن بين محمد وطليقها وتحتفظ برسايله ببيت زوجها ......بس اتمنى محمد يرجع بقرار يربيها لايطلقا علشان لاترجع

لعويس وتفرح قلبها لا خليه يخيرها بين وجود عيالها عنده وبين تعدلها وهو قبل مايعامل عيال مويضي زين لاينسى بنته الوحيدة وتكون

راحتها هي الاولى حتى من سعادته هو .......لو مريموه سنعه وماظلمت عيالها كان تمنيت يرجعها بس ماتستاهل لانو حتى بعد موت ولدها

ماشفناها اهتمت لبنتها ولا لشوفتها


فهيد ووضوح

احسن شي انو وضحى تركت بيت عمشوه ولا ترجع له الا اذا طلع فهيد ولا تسكت لاحد منهم لانو ماينفع معاهم السكوت والاحترام مثل مايجرحون

الناس لازم يذوقو نفس الكاس ...وهذا هي علمت مويضي قدرها


اما عمشوه اتمنى غيبة شايبها تكون لشي يكسرها ومايرجع الا بحرمته واذا هي انكسرت بينكسرو بناتها وبيبلعو لسانهم



نورة وسليطين


سليطين مسوي فيها الرومانسي مالت بس .. المهم يكون الي يقوله من قلبه مو بس قدام عمته ...ونورة بترتاح شكلها اذا كل

اهله نفس اخلاق العمة ...بس صعبة تجل ببيت في رجال غرب مثل ولد عمة سلطان وبدر ماادري شسمه الي قال عنه مابتاخذ نورة

راحتها لازم يأمن لها سكن مستقل افضل واريح ....ونورة بعدها عن خواتها احسن لانو كل وحدة ماوراها الا مشاكلها وبكذا ينكدون

على بعض خليها تعيش بعيد عنهم بس غريبة ماكان لخواتها اي ردة فعل على بعدها عنهم


سهومة في انتظارك وان شاء الاحداث الجاية

تكون حلوة

 
 

 

عرض البوم صور وردة الزيزفون   رد مع اقتباس
قديم 09-06-12, 05:20 PM   المشاركة رقم: 944
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

السلام عليكم ورحمة الله وبركاته
كيفكم يالغوالي حبيت اشكر كل من مر وعلق
الله لايحرمني منكم.....
.صورة الاحزان.... LiLi2010نجلااء الريم.......ميروكالاينالا...........دموع الماضي.....ورده الزيزفون
Lili2010لكم خالص ودي اعذروني ما قدرت ارد على كل وحده

 
 

 

عرض البوم صور عبق الرياحين   رد مع اقتباس
قديم 09-06-12, 05:23 PM   المشاركة رقم: 945
المعلومات
الكاتب:
اللقب:
ليلاس متالق


البيانات
التسجيل: Mar 2011
العضوية: 218843
المشاركات: 1,539
الجنس أنثى
معدل التقييم: عبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييمعبق الرياحين عضو جوهرة التقييم
نقاط التقييم: 1594

االدولة
البلدSaudiArabia
 
مدونتي

 

الإتصالات
الحالة:
عبق الرياحين غير متواجد حالياً
وسائل الإتصال:

كاتب الموضوع : عبق الرياحين المنتدى : القصص المكتمله
افتراضي

 

بسم الله الرحمن الرحيم .. السلام عليكم ورحمة الله وبركاته
والحمدالله والصلاة والسلام على رسول الله (صلوا عليه وسلموا)
..
فهمتوني غلط في المفأجاه اللي فهمتها أختي نور الإمارات اظاهر
والمفأجاه اللي كنت اقصدها هو نزول هالبارت
لو بيديني اقدم لكم شي جديد والله ماني مقصره .. واتمنى من كل قلبي ماجبرت ولا وحده فيكم تكتب وهي تجامل
والله العلي العظيم والكل يعرف شخصيتي واللي متابعني من أول
اني ماضربت يد إي وحده فيكم وقلت غصب تجامليني .. وماحطيت هالشرط اساسي عشان تمدح وتلمع صورتي .. وقلت
اتقبل النقد وليس الذم قبل اي مدح او مجامله
..
((ودي أقول رايي بكل صراحه بس عارفه أن ردي بينحذف
لان لازم نجامل ونمدح
عشان ماتعب نفسي بس أبغى شي (طووولي البارتات)

وشكرا
مو عيب هالحكي في حقي .. مو عيب عقب كل مجهود بذلته
ووقت من فراغي قطعته ..عشان اكتب وماأحد يجبرني أكتب
انهان بهالصوره .. والله عيب في حقي .. قسم بالله عيب .. والله
ماضربت اي وحده وقلت لها .. لمعيني وقولي فيني المدح .. معقوله اوصل لهالمستوى .. في ذمة إي مشرفه عقب كلامها
ماتحذف اي كلمه بيقولونها في حقي .. خليهم ينتقدون بس بطريقه ماتهيني ولاتقلل من صورتي .. انقدوا بس انقدوا صح على الروايه .. قسم بالله وصلتني انتقادات وش كثرها اسألوا زهر ابيض والله اني اسمع كلامها .. وهي تنتقدني على الخاص .. واشكر فيها .. اسألوا فيتامين سي .. اسألوا بنات كثير .. هنا ومتواجدات بينكم .. انتقدوني بطريقه حلوه وعلى اي كلمه كنت اقول لهم جزاكم الله كل خير .. واشكرهم في مقدمة كل روايه


عموما .. اصبروا علي ياللي مو قادرين تنتقدوني بطريقه حضاريه
وتبون تذمون في شخصي .. كلها كم بارت وتفتكون مني .. والله
يسامحكم




مع اطيب الإمنيات بقراءه ممتعه
.
سهم المملكه
.
لاإله إلا الله





( البارت الواحد والسبعــ 71 ـون )









بيت سعد بن فهيد \ الصباح

تحنحن قبل يدخل – احم احــــم فيه أحد

سمع صوت ريم وهي تقول – اقلط اقلط يافارس دربك سمح

دخل ودخلت وراه هند ووضحى اللي طلعت بسرعه على فوق

ألتفت عليها فارس وهي تطلع الدرج– خذي راحتس ماني مستعجل

وقفت ريم لهند وسلمت عليها – اخبارك طيبه

سلمت عليها هند – الحمدالله أخبارك انتي

ريم – بخير

قاطعهن فارس وهو يقول – اجل وينهي جدتي

ريم – في جناحها

مشى لها للجناح

فتحت الباب بشويش .. ناظرت في جدتي اللي تسنن الضحى وباين

انها تدعي وتبكي .. انحرق قلبي عليها .. تحب جدي حب شديد

ياليت ربي يرزقني مثلتس ياجده وفيه وتحبينه .. لفيت رقبتي

على اللي جلست عند ريم وهي ساكته واضح انها شايله في

خاطرها كثير من موضي .. مدري ليش توترت علاقتهن .. عاد

موضي كانت حبيبه وأم للجميع .. أكيد ان محمد يضغط على

اعصابها .. ياليتها فشت خلقها فيني ولا فيها ( وانتبهت

لها تناظرني .. مستغربه نظراتي لها )

بسرعه صديت .. ودخلت لجناح جدتي .. اللي سلمت من صلاتها

وناظرت فيني – ابوي فارس

قربت لها بسرعه وحبيت راسها ويدها وجلست جنبها – ياعيني

اللي أشوف إبها .. وشلونتس جعلني فدى خشمتس

كنه ابتسمت وهاذا المطلوب اغير نفسيتها – بخير جعلني افداك

والله وانا امك مو محسفني على اللي انا فيه غير بيت ربي ياليتني

وسطه واصلي فيه .. والحمدالله هاذا قضاء ربي

ابتسمت وحبيت يدها وغمزت لها – انتي خلصي حدادتس

واوعدتس تشاركيني وانا الهبله مرتي العمره

اضحكت جدتي وانبسطت فيني .. وتوسع خاطرها – من هالحين

بتعرس .. لا وهبله .. الله يستر بس ماتدرون عني معكم

عصبت وقلت – تخسي انتي المبداه ياأم ضاحي

تنهدت وقالت – وشلونه ابوك .. مبطية عن علومه

قلت لها – الله العالم ان بكره بيغديتس ابو محمد وبيزورتس

قالت – وعلومه اخوك نايف

قلت لها – لا ابشرتس اليوم مستقره حالته

قالت لي – فهيد اليوم بيطلع

كأنها صفعتني .. اجل ليش وضحى بترجع معي .. ليش ماهب

قاعدة في بيتها .. معقوله بينهم شي

سكت وغيرت السالفه .. سولفت عليها شوي

دخلت علينا ريم وهند ووضحى يسلمن على جدتي ,, وواضح

ان جدتي انبسطت على هند .. مادري وش هالمحبه

جدتي واضح انها ماهب خاليه يوم طلبتها .. معقوله جايها معرس

وجدتي بتشاورها فيه

ناظرت لهند مثل المرتاع .. وناظرت في جدتي اللي مبسوطه فيها

ومجلستها جنبها

سمعت وضحى وهي تقول – يالله فارس

وقفت وحسيت اني بطيح – تأمرين على شي ياجده

قالت لي – مايأمر عليك ظالم وانا امك

طلعت وضحى وانا بلعت ريقي .. لايكون صدق بس اللي أفكر

فيه .. معقوله هند تأخذ واحد غيري

وانا اللي طلعت ساره من راسي بكبرها .. الله يستر

طلعت ورى وضحى .. وانا صار القلق يلعب في راسي لعب


شفته نزل من السياره وواضح التعب فيه .. جت اللحظه اللي

من امس احتريها .. مشيت له وانا ماطب عيني النوم من البارح

كنت افكر واعيد حساباتي .. زواجي منه أعظم من اللي سواه لي

وقفت عنده وحبيت راسه .. تفأجا فيني ثم ابتسم لي ومسك يديني

وقال – صحى يابنتي .. الحمدالله صحى وينشد عنتس بعد

ناظرت في الشيبات اللي تزين لحية عمي .. ووجهه الوقور

وفرحته ووناسته اللي متأكده بس عشان نايف سأل عني

وتنهدت – الله يقومه بالسلامه لك ولعمتي

قال عمي ببرأه – ولتس يابنتي

هزيت راسي بالرفض لالالالا وقلت – لا الله يقومه لكم لاني

جايه وابنخيك ياعمي

ناظر فيني عمي بإستغراب وقال – وش بلاتس يابنتي

قلت له ودمعتي تنزل وانا امسك يدينه واضمها لصدري – تخلصني

منه ياعمي .. ان كانك تحبني وتعزني تخلصني منه

ناظرني بصدمه – ليه يابنتي .. هو تغير ويحبتـ

قاطعته – دخيلك ياعمي .. ان كانك تعزني وتعدني بنتك

تكفى ياعمي خلصني منه تكفى ياعمي تكفى

وحبيت يدينه اترجاه وابكي .. وخر يدينه عني ورفع راسي

وناظر فيني وهو يمسح دموعي وعيونه معقده – هاذا اللي

تبينه اخر قرارتس يابنتي

قلت له وبعيوني ترجي – ايه ايه ياعمي اخر قراري .. معاد

أقدر أكمل معه .. وهو يناظرني بذنبي القديم .. هاذا أفضل

حل لي وله

سكت عمي شوي .. ثم ناظر فيني فتره .. وهز راسه

وقال – ابشري يابنت ناصر والله ان ماخليها حسره فيتس

الحمدالله ارتحت .. مشى وألتفت عليه – كلمه اليوم

ألتفت علي – اللي تبينه بوصله العصر وأبلغه قرارتس















في الدمام

حسيت بالصدمه والفشيلهوانا ادخل غرفة الأكل .. واشوف

حصه عمة سلطان جالسه ومعها واحد

شافوني يوم حاولت ارجع ونادت علي – نوره تعالي تعالي

يابنتي تعالي

حسيت جسمي احتر من الفشيله .. وانا ألتفت عليها وتطيح

عيني على الشاب اللي أول مره في حياتي اشوف شاب بهالجمال

جنبها .. من حسنه بلعت ريقي .. ووقفت مكاني مسطوله

ياليته ماأبتسم وتبين غمازته ويقول – اجل هاذي هي نوره

اللي خذت عقلتس

انصدمت من جرأته .. ورحمني سلطان وهو يدخل ويضحك

وقال – ايه هاذي نوره .. اه ياعمه رحتي تعلمينه بحرمتي هاه

بسرعه قربوا من بعض وهم يضحكون ويضمون بعض بقوه

استحيت ادخل .. قالت العمه حصه – تعالي يابنتي يانوره

هاذا ولدي طلال رجع تعالي

ألتفت علي سلطان – تعالي ليش واقفه

دخلت لهم وسكت .. احس اني بموت من الفشيله .. زين اني

قبل لأطلع لبست برقعي وجلالي .. الحمدالله اللي ماسمعت كلام

سلطان وهو يقول .. مافيه إلا عمتي

ضربه سلطان على صدره – اجل تقول لي يالكذاب بتجي بعد

اسبوعين

ضحك وقال – وش اسوي ابيها سبرايز ياولد ( وضحكوا )

اما العمه حصه دمعت وقالت – ياينه من دخله يوم حب

على راسي وانا نايمه .. افتح عيني مصدقه ومكذبه إلا اشوفه

ويل قلبتس ياحصه .. صب قلبي يوم شفته ( رجعت تضمه وتبكي)

ضحك منها طلال وهو يضمها وناظر في سلطان – هاذا حاله

من صحصحت وشافتني تبكي وتضمني

ابتسم سلطان – ماهب مصدقه .. الحمدالله اللي جمعكم ابعض

ناظرت العمه حصه لسلطان وقربت منه وضمته – واللي جمعني

فيك ياولدي

ابتسم طلال – ترى امي توزع حنان علينا .. امي كانت فيها

طاقات والحمدالله اللي فجرتها فينا

ألتفت عليه حصه وضربته على بطنه .. ومسك بطنه وهو

يضحك – اييييي

خافت حصه – ويلي يمه عورتك

قرب لها وحب راسها – لا ابدن يالغاليه

جلسوا كلهم .. وجلست جنب سلطان وانا مدري ليش خايفه

ومتوتره

سلطان – على البركه وينهي الشهاده عاد

قال طلال – فوق في الشنطه .. ماصدقت اني افتكيت من بريطانيا

يازين هوا الدمام وجوه

ضحكوا جميع .. وانا استحيت اجلس معهم ووقفت

ناظروا فيني وقال سلطان – على وين

قلت له – بس شوي وبرجع

رحت عنهم .. واقول في خاطري مستحيل ارجع واجلس معكم

طلعت لجناحي

ودقيت على جوال شيخه .. اللي واضح اني صحيتها

سلمت عليها .. وتكلمنا شوي وسكرت .. حطيت راسي ابي ارقد

مدري ليش تذكرت هالطلال .. وجلست جالسه لازم اقول لسلطان

نطلع من هالبيت .. واضح ان هالطلال وسيع وجهه ويحب

الضحك والدليل يوم قال .. اجل هاذي نوره















المستشفى

فتحت الباب ودخلت عليها .. شفتها جالسه .. وعبايتها عليها

وحاطه طرحتها على كتوفها .. وشنطتها جنبها

تفأجات وقلت – كتبولتس خروج

ناظرت فيني – لا انا طلبت من الدكتوره اطلع .. واقتنعت

قربت منها – وليش مستعجله .. ليش ماقعدتي لين يعاينون

حالتس اكثر

وقفت وحطت طرحتها على وجهها وشالت شنطتها ومشت

وهي تقول – ابي اوريك اللي عرفته .. هاذا المهم عندي

مشيت جنبها وأخذت الشنطه من يدها .. وطلعنا .. دقوا

لي العساكر تحيه وقلت لهم – خلاص ماقصرتوا تفضلوا

انا هالحين معها

مشوا وانا وهي مشينا .. حسيت فيها ثقه .. ناظرتها بطرف عيني

تغيرت كثير ماهب نور اللي اعرفها

وصلنا السياره وركبنا

تفأجات فيها وهي تسكر بابها وتقول – خذني على بيت ابوي

القديم

ألتفت عليها بإستغراب – بس بيت ابوتس هدمناه

ناظرت فيني وقالت بغموض – اها .. اجل ماتعرف المخبأ السري

وبيتنا القديم

انصدمت من المعلومه الجديده – وليش كنتي ساكته طول المده

اللي راحت .. وحنا نبحث عن خيوط جديده

قالت لي وبثقه – لان هالمكان مايخدمكم ابد



صحيت وانا اتلفت .. ادور على خواتي .. اتصال نوره طمني

عليها .. وهاذا المهم .. واضح من صوتها انها مرتاحه .. وعمة

سلطان مريحتها .. الحمدالله أهم شي وحده فينا تنبسط

غسلت ولبست .. وطلعت من الملحق .. إلا صقر طاب علي

وهو يبتسم ويناظرني نازل من سيارته .. وقفت انتظره لين

قرب مني – صباح الظهر يالنوامه

ابتسمت له وانا اتمغط – ايوالله .. نمت كثير .. نمت ولادريت عن

نفسي

ناظرني بعصبيه – ايوالله انتي نايمه مرتاحه .. وانا الله اعلم

بحالي مغير اتقولب مثل المقروص

حسيت اني استحيت .. وشفته ابتسم من حياي .. استحي من

هالأمور كثير .. والزين انه يفهم ولايحرجني كثير

قرب مني وضمني وهمسلي بكلمات ذوبتني في مكاني .. يوم

سمعنا صوت سياره داخله البيت .. بسرعه ابتعدت عنه .. شفنا

سيارة فارس داخله ومعه وضحى

نزل فارس وهو يبعد النظاره عن عينه وينزله لخشمه ويناظرنا

بنص عين وقال – تغازلون في حوش ابوي يالوسخين

حسيت اني بطيح من كلمته

صرخ عليه صقر – اقطع واخس .. من وين جاي انت

ناظرت في وضحى اللي جت للملحق .. وواضح ان خاطرها شين

اظاهر هالروحه فيها مشكله كبيره .. وكالعاده عمشوه يبي لها

من يوقفها عند حدها

حاولت ابعد عن صقر .. وهو إلا يعاند فارس على حسابي

ويقربني له بقوه .. حاولت ادزه وفارس يضحك مكانه

في النهايه دزيته ولحقت وضحى .. واضح ان وراها شي

بسرعه دخلت الملحق .. وشفتها في الحمام وتغسل وخاطرها

شين بالمره

وقفت على باب الحمام اناظر فيها – صاير شي

ألتفت علي – لا

وضحى ماتقدر تخبي .. ملامح وجهها تفضحها – قولي وش

صاير بس لاتكتمين ياوضحى

وكانها ماصدقت اقول هالكلمه عشان تنفجر تبكي .. عرفت انها

ماهب خاليه .. ويلي عنها

دخلت لها في الحمام وحاولت اطلعها .. وسحبتها منه وطلعنا

للغرفه وجلستها جنبي – وش صاير وش قالت لتس عمشوه

ضمتني وبكت – معاد اقدر اتحملها ياشيخه .. ضغطت ضغطت

وبنفجر منها .. صعب ينعاش مع حرمه مثلها

قلت لها – مكانت حليوه وش غيرها .. وش قالت

رفعت راسها وهي تمسح دموعها – هزتني بكلامها .. وتعايب

فيني وتقول ماتجلسين في البيت .. ورجلتس بيطلع

ناظرت فيها – اجل بيطلع اليوم فهيد

ناظرتني وعيونها حمراء – ايه ليتهم ضفوه شوي عندهم

قربت منها ومسكت كتفها – قوليلي وش مسوي الحيوان ولد

أمه

تنهدت – ضعيف شخصيه .. يسمع كلامها .. مسيطره عليه

بعد مازارته امس .. ماقدرت اعلمكم انه دق علي يهزئني

ويتكلم عن بره لأمه .. اللي واضح انها محرشته وماليه راسه

زين علي

وقفت وضربت فخذي بقهر – ثرها منتفخه علينا بقوه .. وهي

امس تحارش فيني وفي ساره مسودة الوجهه

ناظرت فيني وضحى – ليه وش مسويه امس

قلت لها وانا امشي لجوالي – خليها علي انا أدبها لتس

وقفت وضحى وقربت مني – دخيلتس ياشيخه فكيني منها

ماني براده له إلا بشروطي .. خليها والله ان ادفعها هي وولدها

الثمن غالي .. اللي سووه فيني ماهب مار بسهوله .. تكفين

لاتعقدين الموضوع

فكرت في كلامها اللي شفته صحيح – صح .. اجل اجلسي اعلمتس

لاجاء ولد أمه يدورتس وش تقولين له



شلت فرشة اسناني .. وحذفتها في الزباله .. هاذا الشي

الباقي في جناح نايف لي

طلعت من الحمام .. وناظرت في شنطتي اللي ماهب كبيره

اصلا مو من كثر ماشريت .. شلتها وانا ألتفت .. معاد بقى

شي ابد

كل شي شلته .. نزلت لتحت .. وشفت عمتي منيره جالسه

في الصاله هي وعمي ويناظرون فيني

حطيت الشنطه على الأرض وقربت لهم .. وانا أشوف عمتي

تبكي وعمي وجهه أحمر واضح انه بكى قبل أنزل

جلست جنب عمتي وحبيت يدينها – لاتبكين ياعمه والله اني

بنتكم ووحده منكم .. انتي تحبيني وانا متأكده من هالشي

وتعرفين ان راحتي هو طلاقي منه .. وتعرفين ان دربي مسدود

معه

ناظرت فيني ثم ضمتني – والله اني مابغيت طلاقتس منه .. وانا

متأكده ماهب موافق على الطلاق

فكيت نفسي منها – حتى لو ماوافق بروح للمحكمه .. طلاقي

منه منتهيه من أمره

سكتت شوي .. ثم ألتفتت لعمي – قل شي ياضاحي

ناظر فيني عمي ودموعه في عيونه – اللي متحسف عليه

اني ماقدرت احمي بنات ناصر من عقبه .. اللي مرتاح منهن

قليل

سكتت عمتي منيره فتره وقالت – الله يوفقتس يابنتي ويرزقتس

الرجال الصالح اللي يسعدتس

رجال صالح .. تجربه جديده .. صعب .. نايف حطمني وكسر

معنى الرجوله والزوج الحقيقي في عيني .. كل الريجيل اشوفهم

نايف في عيني .. صرت اخاف من بكره قبل اليوم .. من كثر

مامزورع جواي خوف وغدر وخيانه

وقفت وانا اتمتم لعمي – عمي لاتنسى تقول له العصر

نخيتك ياعمي .. خله يطلقني بالمعروف .. لايصير طلاقي

إجباري

سكتوا .. وانا مشيت اسحب شنطتي وطلعت فيها .. توجهت

للملحق .. وانا متأكده اني أنفذ أفضل قرار أخذته في حياتي

قرار طلاقي منه
















العصر \ المستشفى

مطيت عيني وانا اسمع كلام ابوي اللي يصدمني فيه عصبت

وحسيت ان دمي يغلي وابوي يقول لي قرارها – تخسي والله ماهب

على كيفها .. لوالله تخسي

قال ابوي لي بأمر – لا هالمره بتطلقها وغصب عنك

ثرت وحاولت اوقف من العصبيه – والله ماتشم الطلاق تخسى

ماني بمطلقها

ذكرني ابوي – بس انت قلت شروطك قبل تتزوجها وكان هالقرار

من ضمنها

حسيت اني بنجن – هذاك اول ماهب هالحين

عصب ابوي علي – بس هاذا قرارها وغصب عليك تحترمه

البنت عايفتك

نزعت المغذي من يدي بعصبيه .. وكسرت المكان من العصبيه

وصرت اضرب كل شي تطيح عليه يدي .. حسيت ان ابوي خاف

مني واصرخ مثل المجنون – والله ماطلقها .. تخسي اطلقها تخسي

ماهب على كيفها .. هي حرمتي .. ماهب من حقكم تحرموني منها

حسيت ان ابوي انصدم من كلامي .. ومن اللي اسويه

ضغط الزر وانا ابي اغير ملابسي ألحق عليها .. دخلوا علي

الممرضي والممرضات يحاولون يمسكوني .. وانا ادزهم بقوه

لا مستحيل اطلقها .. ماهب على كيفها .. تخسي .. ضربت اللي

أقدر عليه .. قبل يسيطرون علي .. ويحطوني في السرير وانا

اصارخ مثل المجنون .. وعيوين في ابوي وابكي – تكفى يبه

ماني مطلقها .. قلها لاترفع الدعوه .. يبه تكفى ابيها يبه تكفى

لاتحرمني أفضل شي حصلي في حياتي .. دخيلك يبه دخيلك

شفت دموع ابوي نزلت وشوفي ضبابي .. صرت اصيح وابكي

مستحيل اتخلى عنها ووتتخلى عني .. صحت باسمها

والنوم يداعب جفوني قلت لأبوي ودمعتي تنزل – قل لها

تجيني تكفى يبه خلها تجيني ( همست باسمها ) ساره

وحسيت اني غبت عن العالم .. وعيونها ورموشها .. ومداعب

الهواء لشعرها .. ولمعة خدودها .. وأزهر ثغرها .. مغاب عن

عيوني .. رقدت وصورتها تملكني .. هي أفضل شي في الدنيا

صار لي .. لو راحت عني ساره وش ابي هالمره بحياتي


















( انتظروني بإذنه تعالى .. يوم الثلاثاء القادم )

 
 

 

عرض البوم صور عبق الرياحين   رد مع اقتباس
إضافة رد

مواقع النشر (المفضلة)

الكلمات الدلالية (Tags)
القسم العام للروايات, الكاتبة سهم المملكة, روايات, رواية مميزة, رواية لا صد قلبي, رواية لا صد قلبي صد من دون رجعة, رواية لا صد قلبي صد من دون رجعة كاملة, رواية خليجية, رواية كاملة, سهم المملكة
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:30 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية