كاتب الموضوع :
♫ معزوفة حنين ♫
المنتدى :
القصص المكتمله
الجزء الرابع عشر
نزلنا الفندق واستأذن ينزل يجيب لنا عشاء
قبل ننزل الحرم
تعشينا وأول ما سمعنا الاذان نزلنا الحرم
نصلي ونعتمر
بعد ما صلينا جاني خالد
خالد:تبين نعتمر الحين ولا بعد صلاة العشاء
منى:لا الحين احسن
خالد:طيب يالله نطوف
طفنا وانا كنت ادعي من قلبي لدرجة ما حسيت
الا و احنا مخلصين الطواف بعدين زرنا مقام
إبراهيم عليه السلام وسلمنا على الحجر
شربنا من زمزم ورحنا المسعى
تعبت كثير وانا اسعي ما عد حسيت برجولي
من التعب لما خلصنا رحنا نقص شعرنا
جلسنا نقرا قران الين أقام لصلاه
صلينا ورجعنا الفندق
دخلت الحمام تسبحت وبدلت
ملابسي طلعت لقيت خالد جالس ينتظرني
خالد: كنت انتظرك بدخل أتسبح على ما يجي
العشاء
منى: خلاص بنتظرك
دخل خالد وانا رحت انسدحت على السرير
انتظره ما حسيت بنفسي الا وانا في سابع
نومه
في بيت ابو عبدالله
عهود: حنان كلمتي منى
حنان: توي دقيت لها ما رد
عهود: غريبة ما دقت قالت لنا اذا وصلت
ولا لا
نهى توها تجي من غرفتها تجلس معهم
نهى: دقت على المغرب قالت لي انها وصلت
حنان: ليش ما قلتي لنا
نهى: ما شفتكم بعدين دخلت داري أذاكر وتوي
اطلع
حنان: ما علينا ذكرتيها تدعيلي
نهى: ايه ذكرتها اصلا تقول ما نسيت
دعت لنا كلنا
عهود: طفش البيت من دون منى كانت
تسوي لنا جوا في البيت
حنان: الله يوفقها
نهى: احسن شي سوته من زواجها
انها فضت لي غرفه لوحدي
بس والله لها وحش
حنان: انتي ما همك الا ذا الغرفه
نهى:اكيد ابي استقل بروحي
عهود: الله ولاستقلال سكتي بس
نهى: خلاص سكت وين الريموت
حنان: عندي
نهى: حطي على دبي الحين بتجي
لعب النجوم
في بيت ابو سالم
كانوا مجتمعين في الصالة
كلهم ما غير ابو سالم ويوسف ما كانوا موجودين
ام سالم: مدري ليش أبوكم تأخر
ناصر: تلقينه مندمج مع الشيبان ونسى نفسه
هاجر:غريبة انت اليوم هنا مو معا عبدالله
ناصر: وانتي وش دخلك
مريم:جد ناصر غريبة اليوم ما طلعت
ناصر: ما فيني بعدين بكره عندي دوام بدري
أبى أنام من وقت
فتكفي يمه لا تنسي صحيني من الساعه5 الفجر
هاجر: ليش ترد اذا سألتك مريم وانا ما ترد علي
ناصر:كيفي مزاج أرد على الي ابي لك شي عندي
هاجر: ايه لي عندك ميه ريال
ناصر بتكشيره: يا ثقاله دم البزارين
لفت عنه هاجر تعرف انه يبي يقهرها
دق جوال سلوى بنغمة رسالة
قرت الرسالة ولفت على امها
سلوى: يمه هذي عايشه بنت خالتي شريفه
تقول جواهر ولدت
ام سالم:جد خلاص بتصل بهم عقب أبارك لهم
ما قالت اش جابت
سلوى: ولد
انتبهت سلوى على سالم الي تبدل حاله
ولف الكرسي رايح لغرفته
لما دخل الغرفه وسكر الباب
لفت مريم على سلوى بعصبيه
مريم: ما قدرتي تنتظري ليما يروح سالم بعدين
تزفي الخبر
الحلو هذا أعجبك يوم ضايقتيه
سلوى: والله ما كان قصدي
وانا كنت مفكره خلاص نسي هذا الموضوع
لان مر عليه سنين ما توقعته بياثر عليه
مريم بحده: تدرين ان دايم نتجنب ذكر جواهر
قدامه عشان ما يضايق تجين انتي تقولي ولدت
ناصر بهدوء: سلوى ما غلطة لمتى بيجلس
كذا خلاص سالفة وانتهت من سنين
ليش لسه مو راضي يتجاوزها
ام سالم بحزن: أخوكم شايل بقلبه هم كبير
ومحد حاس فيه
ناصر: انا اقول يمه دوري له عروس يمكن
تنسيه الي هو فيه
هو دام بيحط يبنه وبين الناس حاجز ما بيتغير
شوفي له الحين ست سنين نفسيته ما تغيرت
لأنه حابس نفسه ومن البيت الى الشغل والعكس
حتى حنا نادر نشوفه بس مسكر عليه الغرفه
يمكن اذا تزوج زوجته تغير الي ما قدرنا حنا
نغيره فيه
ام سالم: وانا رفضت يا ما قلت له خلني أزوجك
مو راضي
ناصر: انا من رأيي اخطبي له وفاجئه اكيد بعدها
بيتقبل ويوافق
مريم بضيق: اش ها الأسلوب تعرف ان سالم ما
يمشي معه الأسلوب هذا
ناصر: نجرب ونشوف
سلوى: لا والله وبنت الناس الي امي بتخطبها
نقولها اذا ما وافق آسفين اختي بس كنا نجرب
اخوي يوافق نجبره يتزوج ولا لا
ناصر: يا ما أذكاك يا اختي
امي تقول له انها خطبت له بنت وخلاص كلمت
أهلها وانه اذا رفض بيحرجها قدام الناس
واذا وافق تدور له عروس صدق
ام سالم أعجبتها الفكرة:يصير خير
في الفندق
صحيت وانا احس راسي بينفجر
طالعت الساعة شفتها 9 الصبح
طالعت مكان خالد كمان مو موجود
شكله قام بدري لأنه قومني صلاة الفجر بعد ما رجع من المسجد ورجع نام
طلعت أشوفه فصاله ما لقيته
بس شفت باب الغرفه الثانية مفتوح
قربت اتاكد اذا هو موجود بس سمعت صوته يتكلم
شكله يكلم احد في التلفون
سمعته يقول: والله ان لسه على وعدي ليه مو راضيه
تصدقيني
من يكلم هذا على الصباح
قربت فتحت الباب
بس كان لاف وظهره لباب
شكله ما حس بوجودي
سمعت يقول
خالد: يا بنت الناس والله ما نسيت
خلاص اذا جيت نتفاهم
شفته يلف علي
طاحت عيني بعينه
انتهى الجزء الرابع عشر
|
07-07-11, 05:38 PM
جديد مواضيع قسم القصص المكتمله
العرض العادي
