كاتب الموضوع :
منصور السديري
المنتدى :
الحوار الجاد
اقتباس :-
المشاركة الأصلية كتبت بواسطة ŜăƦƌ  |
ههههههههههههـ لا والله بالعكس موضوعك حلوو
وبالنسبه لـ جارك انا اشهد انه مايعرف السلوم :)..~
اجل افتح الماخوذ بدون سلام ولا كلام >>فيس يهز راسه ><"...
حن جيرانا في بيتنا الاول كانوا خوالي وبيوت خالاتي يعني جيران الهنا :)
وذا الحين بالبيت الجديد على يمينا جار عياله عقووبه ><"
اول شي يطلعون الجبل الّي يطل على بيتنا ويتجسسون علينا اذا كنّا بالحوش
والاب بكبره وعياله يجون جنب بابنا الّي صوبهم وبدون استئذان يشغلون رشاشاتهم وبنادقهم
وايش عذرهم "الكلاب الّي بالجبل ازعجتهم"
كثير من المرات يجيني ارق ومااقدر ادرس او ارقد من ازعاجم..يعني جيران بلا :)..
يعطيك العافيه اخوي عـ الموضوع ...~
|
سارا
والله لا سلام ولا كلام مومعي بس مع الجيران كلهم الله يعينه
على نفسه ماعنده أسلوب
سارا
الله يعينكم على جيرانكم فيه جيران كذا يحبون المشاكل ولو حصلت لهم دوروها
تسلمين تواصلك أسعدني
|
اقتباس :-
المشاركة الأصلية كتبت بواسطة ام الشهد |
السلام عليكم
الحديث عن هالموضوع يطول
المواقف كثييرة
انا ساكنه بعماره فيها 8شقق
والجيييران اشكال وانواع
عندنا جاره كبيرة بالسن وساكنة لوحدها ومره جا ولدها الكبير عمره تقريبا 50وجلس عندها متخاصم مع مرته وحنا صرنا الضحية
المهم مره من المرات دق علينا الساعة 2 ونصف تقريبا الظهر والناس توهم طالعين من الدوام ومستمر في الدق مما ازعجنا بشكل كبير وخفنا ان في العمارة شي بصراااحه وزوجي قام من النوم بيشوف وش السالفه وقال بلهجته الحجازية يابو فلان ادينا مفتاح الحوش الي لمك خاتمي طاح بحوشك انا غسلتوه ونظفته وخليته على الشباك وطاح بالحوش ,,,,, زوجي ارتفع ضغطه يعني ضاقت الاماكن تحطه بالشباك وقال حصل خير وعطاه المفتاح وخذ خاتمه المرصع بالاحجار الكريمة على قولته
والمره الثانية نفس الضرب ورديت عليه نعم بنزره قال شرابي غسلته وطاح بالحوش حقكم قلت ابو فلان نايم بعدين ان شاء الله
ولما زوجي شافه على هالحال مايستحي ولا يحترم وقت راحه الناس عطاه بالساخن وقال تراك ازعجتنا مره خاتم ومره شراب ماعندك الا هالشباك تنشر قشك فيه وعقبها تأدب
وغير ان عيال الجيييران يستمرون بضرب الجرس ومافيه احد عند الباب بس عشاننا بالدور الارضي
وغير المضاربات الي تحصل فيما بينهم ويجون يستفزعون بنا
والادهى والامر كان ساكن واحد قدامنا وراعي شراااب عفانا الله واياكم منهم وتعالوا اسمعوا الضرب والضريب على مرته مسكينه وقدمنا عليه شكوى وطلع من العمارة
كنت عايشه بخوف شديد وخاصه لما يسافر زوجي
مره كنت عند اهلي وجمبهم عيال جيران اعوذ بالله شر منزل جو عند باب اهلي وضربوا ولدي وكان عمره 5سنوات بحجر على وجهه وجت الضربه عند عينه وصارت تخوف انتفخت ولونها تغييير
ويروح ابوي ياجعله في جنااات النعيم ويمسك ولدهم ويضربه ضرب الا احفاده مايرضى عليهم والجار الله يهديه مسيب عياله بالشوارع ولا همه
بقولكم سالفه غريبه جدا حصلت لامي الله يحفظها
جنب بيت اهلي فيه شقق وكاان شباك امي يطل على هالشقق وتشوف الحوش حقهم وحنا ماشاء الله مجموعه من البنات واولاد الله يحفظهم بس كنا صغار فصارت امي تلاحظ حركه غير طبييعية في حوش الشقق من الساعة 2ليلا وتشوفهم يحفرون في هالحوش ولا تدري وش السالفة وبعد تقصي حست الامر مو طبيعي وناس مهوب صاحيين يطلعون من العمارة فشكت وبلغنا عنهم وصارت عصابة مخدارت وكان يضعون هالسموم تحت التراب الله يكفينا واياكم شرها وتم القبض عليهم والفكه من شراراهم الله لايردهم
لكن فيه جيره بالمقابل تشترى جيرتهم بالذهب الله يحفظهم ويذكرهم بالخييير
والا الان مستمرين معاهم رغم بعد المسافة لكن القلوب اجتمعت على المحبة والاخاء
اما ذكرياات الطفولة لهم في القلب مكان كنا نجتمع معهم بالاعياااد ويوزعون علينا الحلوى والهدايا
والبعض منهم يدرسون معنا في المدرسة ونسوي حفلة فيما بيننا وتجي عاد راعية العزيمة البنت الي معنا وتطق على كل بيت وتلزم علينا وهالكلام يكون الظهر وبعد العصر حنا مسنترين عندها وتعالو شوفوا الحفلة البسيطة فشافيش وحلويات بسيطه وان كشخت الوحده جابت ايسكريم
بس كان لها طعم مميز
ذكريات مؤلمة واخرى جميلة
الله يرزقنا واياكم يالجيرة الصالحة
اثار شجوني هذا الموضوع الرائع
|
أم الشهد
ياكثر الجيران اللي يحبون يتلصصون على جيرانهم ويعرفون كل صغيرة
وكبيره أذكر زمان يوم كنت تقريبا بالابتدائي كان عندنا
جاره تسير على أمي الساعة 2 الظهر ولان أمي بيتها بجنب بيت الحرمه أخر بيت
تمره بيتنا بعد ماتمر بيوت الحارة كلهم
وعاد ماتخلص سوالفها فلان جاب لاهله فلان مات ابو وفلانه
متمشكله مع رجالها وعاد حنا بس نحتريها متى تروح علشان نتغدى
مره أبوي لقاها عند الباب وعطاها زريه كبرها قال انتبهي يام بدر
لاتاكل الرمضى رجلينك من كثر ماتدوجين بالشموس وكانت
ماداني طاري ابوي ودايم تحرش امي عليه بس أمي كانت تعطيها
على قد عقلها اذكرها هاذيك والله جار بلاء
أم الشهد
تسلمين ع التواصل وآمــــــــــين ع الدعوة
|
10-06-11, 10:07 PM
جديد مواضيع قسم الحوار الجاد
العرض العادي
