بســـــــــــم الله الرحمن الرحيم



السلام عليكم ورحمة الله وبركاته




مساء الخير للجميع



قبل البداء اولا اشكر كل من مر مكاني وعلق وكل من افتقدني وكل من تابع "
فيه ناس افتقدتهم البارتين الماضيه اتمنى يكون المانع خير



تنبيه صغير قبل ابداء البارت حبيت انبه اني غلطت في ترقيم البارت الماضي كتبت البارت 19والمفروض انه البارت 20
واشكر الاخت كلآسيكيشن الي نبهتني للموضوع هذا




البارت ليس طويل في الكم لكن عميق










ماراح اطول اكثر



اتمنى لكم قراءه ممتعه




بسم الله نبداء














البــــ 21ــــــــــــــارت























جواله بين يديه مفكك عن بعضه وينشفه بقطعه من القماش

وخالد يراقبه وتلمع عيونه بشر وعلى طرف لسانه كلام


..خلاص طمست معالمه من كثر مانشفته ترا طيحه خفيفه بشوية مويه من زينه عاد



تمتد يده شوي ومستمر ينشف ويناظر لخالد على جنب



..لو انت بس مستريح وفاكنا من فزعتك بلا غسل سيارتي انا ماطلبت منك


..ياخي سيارتك مغبره قلت اسوي فيك خير واغسلها وموذنبي ان جوالك طاح عندها "صدق خيرا تعمل شرا تلقى



بدا يركب الجوال ومازال خالد يراقبه وهو لاهي بشغله
ونطق بعد تردد كبير له كم يوم يستعين بشياطين البشر يساعدونه لكن مااصاب الهدف الموجع لكن عنده مايهدد فيه طلال


..اقول طلال


اهداه سؤ الحظ شغله ينشغل فيها لدرجه انه رد على خالد بضجر



..نعــــم



وقف عن الكلام لحظه لكن طلال ملتهي وناسي حتى يتعجب من تردده صارت صورة طلال الي يوقف له بخياله ودفعت الجمله على لسانه




..ااانت تعرف وحده اسمها دانه سليمان الـ ..










بداية ماانتبه ورفع عيونه وكأنه يتذكر "وفجــئه ومثل الملسوع رمى الجوال على الارض وقفز متجه له
ومسكه من جيب بلوزته




..وانت منين عرفتها ؟




ابتسم بمكر رغم اطباق طلال على رقبته ودفعه من صدره لكن طلال ماكان حاس بنفسه




..يعني تعرفها ؟




نفضه بيديه الاثنين حتى ان خالد ماكان قادر عن تثبيت جسمه على فارق الحجم بينهم




.. منين تعرفها "تكلم قبل ارتكب فيكـ جريمه




احمرت عيونه من قساوة ضغطه على صدره وبدا يقاوم الاختناق




..اتركني وانا افهمك الموضوع





برزت عروق رقبته واشتعلت عيونه وصك على اسنانه ورفع قبضته على رقبته





..اي موضوع تفهمني كلمه ورد غطاها منين تعرفها ؟





ادرك ان القلب اقوى من الجسد وان اشتد القلب وقسى قسى معاه الجسد وان ارتاح وارتخى اراح الجسد معه لكن مازال للدرس تكمله




.. اعرفها ووواذا تبي اجيب لك صورتها




مسك بيده رقبته وبيده الثانيه كف حامي صفع خالد فيه حتى انفلت منه وتلقته الارض "وقبل يوصله طلال وقف وهو يعدل ملابسه ورفع كفه بوجهه



.. اهد وخلني افهمكـ "السالفه مو مثل مافهمت



قرب لكن خالد كان هالمره متمكن من نفسه ومستعد له



..اي سالفه تعرفها وعندكـ صورتها وش تفهمني




طلال كان يلهث وياخذ نفس وهو يتخيل ان رقمها بجواله وبجوالات غيره "استنكرت منه وزعلت لانه عرف رقمها وهي على علاقه بواحد مثل خالد"سهد بعينه يتجهز للمصيبه الي يلقيها خالد عليه ممكن يكون عنده اكثر من الاسم والصوره
بدا خالد يستعيد توازنه ويضبط انفاسه



..انا كنت قاصد على وحده من خواتك بس للاسف هي قدرت احصل اسمها وحده من الي اعرفهم تدرس معها بنفس الكليه السالفه بدت مطابقة اسماء بس
اولها بدت اني احط اسمك بالنت وابحث ويطلع أي اسم يطابقه



انقض عليه مثل الصقر واعاد خنقه الموضوع سخيف وغير مقنع " انشطر قلبه جهه بردت وصارت مثل الصقيع وجهه صارت نار تصطلي ولانه غير مقتنع ماسأله ليش ولا متى ولا كيف




..تحسبني صدقتكـ "وصورتها منين لكـ




كان يحاول يكمل كلامه لكن طلال يمنعه ويضغط على حنجرته حتى تحول للون الازرق لولا ان طلال قبل يخنقه كان حريص يعرف وين الصوره او الصور
ورفع يده




..وين الصوره عطني اياها





من حلاة الروح قدر يخلص نفسه بصعوبه ويبعده عنه وهو يتحسس عنقه




..مالها عندي صور بس لو ابي باجيبها




ضغطه على الجدار اكثر واكثر وهو ينتفض كان بقدر ضيقه يضغط على خالد




..ليه ليه حقير نذل وش تقصد من هالحركه البايخه




اخيرا ومن مكان ثاني جاء من يخلص خالد من يد طلال الغايب عن نفسه خلصوه بصعوبه قبل يخلص عليه لكن سبب خالد الفعلي حتى الآن غير معلوم



يعني صارت سهله يستعين بمن هم مثل نوعيته ويشوهون سمعة الناس وش هدف خالد شي يدوخ لحظات كانت مثل الكابوس الغير مفهوم


وش تنتظر ياطلال من رفقة خالد واشباهه الي ابسط شي عندهم العبث بالعرض والسمعه





..........................




..مافيها شي الرجال رايح رايح وبنته معه روحي معهم وجهزي الضروري واذا رحتي هناكـ كملي الباقي



الفكره مغريه وعرض قد لايتكرر الاسواق الموجوده في القريه صغيره ومختصره ومافيها مايصلح لتجهيز عروس وغاليه تتبع مخطط تحب انها تنفذه لكن العوائق كثيره



.. والله استحي رايحه مع رجال مايصير لي وبعدين من اخليك له



ام غاليه كانت تشوف رغبة غاليه وامتناعها وتحب انها تفرح بقدر المستطاع مادامت ناويه تفرح



.. قالت لك ام فهد انها بتجلس عندي لين ترجعين ان شاء الله ترا كلها يومين" والرجال ماقصر هو الي عرض علينا




حكت راسها تفكر هي شبه مقتنعه بفكرة امها الي طرحتها عليها بعد ماعرفت ان واحد من جيرانهم الكبار بالسن ناوي يطلع للمدينه لشغل يستمر يومين وزوجته هي من طلبت منها تساعدا مع غاليه وهو بالطبع رحب بسبب العلاقه القويه الي كانت بينه وبين ابو فيصل
كمشت عيونها الواسعه وبنظره لاامها




..يعني عادي مافيها شي




تهلل وجهها وابتسمت بمحبه




..مافيها شي يايمه توكلي على الله وروحي




ردت الابتسامه لها وحبت خدها



.. خلاص قولي لهم اني معهم



نطقت بمالاتحبه غاليه وتحرص على ان لايكون



..بس لازم تستأذنين من زوجك اول



لااول مره تكره شي تقوله امها ولااول مره تخشاها كانت معها دائما ليش اليوم هي ضدها "


..ماراح يوافق



هزت امها راسها بثقه وتأكيد



.. ماراح يقول لا" انا اعرف منك فيه



كيف الخلاص وهي تعتزم انها تبلغه وغاليه تحب تتحفظ على الموضوع



..يمه انا ماابيه يعرف




يمكن ام غاليه عندها بعض التصور عن بنتها وتعرف بعض ماتطحم له او تفكر فيه لكن في مثل هذا الموضوع ماكانت حتى الآن غاليه قادره على اقناع امها بنسيان الفكره




..بس مايجوز تسافرين بدون اذنه



بالفعل قررت غاليه ان كان السفر مشروط بأذن فيصل ان ترفضه



..خلاص اذا لازام اذن بلا هالروحه



كانت هذي المره ضعيفه قدام اصرار غاليه تحب انه تفرح اقل شي بتجهيز نفسها يكفيها الكبت والحبس ضعفت ام غاليه وسمحت لها تروح بدون شروط ووافقتها على الغلط