السلام عليكم ورحمه الله

ابداااااااااااااااع ابدااااااااع ما شاء الله
عليك الله لايضرك في كل مره احس
ان الروايه تاخذ حماس اكبر
الله يقويك

همام ومنى
الله ياخذك حسبي الله عليك جالس تلومها انها
حافظت على سر سلام ولا فظحته هذا يعتبر كرم اخلاق منها
ونقطه تحتسب لها موضدها
وانت وش تبيها تقولك انا كذا وانت فارض نوع معين من العلاقه بينكم
فما احتاجت تقوله لك لانك مومهتم
يعني هذا النقطه المزعلتك عليها وما شفع لها اهتمامها بعيالك ولا حفاظها على بيتك ومالك
وانت مالك اي حق تحاسبها على حياتها السابقه
مواحسن منك ومن زواجاتك وفضايحك الي مفشله عيالك واهلك
هذه الزوجه الي يقدر الواحد يامنها على بيته وعرضه وعياله
عمري ما شفت انسان يتحاسب بس لانه وفي ومخلص
وانت يا همام شكلك مايصلح لك الا المراءة اللعوب الي توديك البحر وترجعك عطشان
واتوقع تهورك في طلب زواج علني ثاني راح يكون سبب في هدم بيتك وخرابه
عاد بعدين راح تدور على من ماراح تحصلها

همام وعلي
اثنينهم انانين ولا همهم الا مصلحتهم وراحتهم
وهمام تخيل منى بشكل علي وصب غضبه عليه
بس علي ولا همه لانه يوم انه تخلص من زياد التفت الحين لمستقبله
ولا همه اخته وشو هب تبي

صفا ومناف
العب بالنار
وكما يقول المثل ماهنا حب الابعد عداوه
مدري ليه حاسه ان صفا راح تكون من نصيب مناف وتقدر تروضه
وتخليه يحبها
وكله كوم وعنادكم لبعض كوم وخاصه لمن راح مناف يشتكي
لثامر منصفا حسيته منقهر حيييييييل
دجله وام علي
حلو لعب الكبار
الله يقويكم ويقدركم انكم تجمعون بين زياد ومنار
منى وصفا
ياليت يامنى تسمعين نصيحه صفا
وتنفذين الي طلبت منك عشان تعرفين كيف تحافظين على بيتك
وتكسرين غرور همام وجبروته

وياليت تكونين السبب في الجمع بين مناف وصفا
تسلمين يالغاليه وننتظرك

صباح كل شي حلو على مبدعتنا ام احمد

بارت خطيرورائع

انفجارات متلاحقه في حياة الابطال
همام ومنى

كل واحد فيهم يظهر غير ما يبطن

كل واحد فيهم يحب الثاني وعنده استعداد يعيش مع الثاني بسلام لكن التخاذل والانهزاميه من الاثنين عيشهم بدوامه منى يمكن برأي تتحمل الجزء الاكبر من الملامه لأنها با امكانهاتطلع نفسها وهمام من الوضع الي هم فيه

والفرصه وصلت عندها على طبق من ذهب لكن هي ما استغلت با العكس واجهت همام الند لند وانها هي ضحت على شانه ومدح بزوجها المتوفى امام زوجها الحالي وهو بحالة مضطربه من وضعهم

وردت الفعل من الطرفين ان كل واحد منهم بدى يبني حاجز جديد يزيد من البعد بينهم

احيان الرجل ف ي حالة الزعل على زوجته يسخط على كل شي يتعلق فيها ويدور عيوب تبعده عنها وتقنعه انها ما تستاهله وهذا با الضبط

الي فكر فيه همام اخذه الخيال حتى انه يكون عنده اطفال منها ولكن هو مايبي ها الاطفال الي امهم منى ضعيفة الشخصيه المستسلمه

كان ينتظر ان منى تفتح معاه صفحه جديده بدون نقاش او تقليب دفاتر حياة استمرت 6سنين

همام كثرت زواجاته خلى عنده ثقه زايده بنفسه انه رجل مرغوب وهذا شافه بعيون كل النساء الي تزوجهن با السر

لكن منى خالفت ظنه وكانت انثى مختلفه لذلك قررانه يتزوج زواجه مختلفه عن زواجاته السابقه
عكس الحرمه اذا في خلاف مع زوجها تتذكرحسناته اكثر من سيأته
منى عندها فرصه اخيره وصفا وضحت لها الطريق الي هي تشوفه لكن خايفه تسلكه

اتوقع ان منى ماراح تضيع الفرصه الاخيره الا اذى همام استعجل وصدم منى بخبر زواجه الجديد

وقتها بيكون ها الزواج هو الشعره الي قصمت ظهر البعير ونهايه حتميه في العلاقه بين همام ومنى ننتظر ونشوف مع ابلا اراده


صفا ومناف
اليوم حاله خاصه اللقاء كان بمدرسة مناف واعجاب خفي من الطرفين من مناف لصفا وجديتها بعملها

ومن صفا والجانب الانساني لمناف وحتى لو ما وضحت

صفا انسانه واضحه وحاطه النقاط على الحروف بمسيرة حياتها عقلانيه اكثر من ماهي عاطفيه والدليل انها مارفضت فكرة الارتباط بمناف

مهماكان اسلوبه معاها متصالحه مع نفسها واثقه من قدراتها بتذليل الصعاب من اجل نفسهاواقعيه وعندها ميزان ذاتي توزن كل ما يحيط ويتعلق بحياتها

مناف اتوقع بيقدم على خطبة صفا مجبور

وصفا بتوافق على الخطبه راغبه


علي وحقق ما تمناه خلاص الخطوه القادمه التخطيط لحياته القادمه

والاخت الي بدت با اول خطوه لهدم حياتها لا يهم

مثل ما زينه توفقت مع ماهر

منار بتتوفق مع اي شخص اخر

اتمنى ان العمه دجله تحسم الموضوع وتسرع بزواج علي قبل زياد يمكن تخف الصدمه على علي اذا اكتشف ان الكل ضده مع زياد


مميزه من اول حرف الي اخر حرف

ننتظر القادم بشوق

مساااااء الخييير على الغالية والمبدعة ام احمد

سامحيني على القصور ياعمري والله الفتره الي راحت موقفه عن قراءه الروايات بشكل عام ماعاد لي نفس لها وهاليومين الي بديت ارجع

احداث رائعة وسرد جميل ومشوق

نبدا بهمام ومنى مشكلتهم مو حابين يفهمون بعض وواضعين حواجز بينهم وعقبات

اولها هالشروط الي حطوها على بعضهم واستمروا عليها كل هالسنوات وكل واحد انشغل بحياته هو بزواجاته الفوضوية وهي بمدرستها وعياله وبيتهاولم تلتفت له او تشعر بالغيره ولكن شعور حرقه القلب موجود طبعا


وفرحت بهدوء الاوضاع بينهم وانتهى عصر الزواجات المجنونة لكن المفاجاءة في هالبارت الاخير ماتوقعت تكون لم تلمس من قبل وشلون كتمت هالموضوع كل هالسنين وهو رده فعله كانت جدا قوية المفروض عذرها يعني وش يبغها تقول اني بكر او ابغى اطفال مره صعبه وكرامتها ماتسمح لها لكن الطامه الكبرى بهالزواج الي ناوي عليه ان شاء الله مايتم
وان شاء الله تتطبق تعليمات صفا لها من اليوم ولا تتنازل عن البقاء بغرفتها وهذي اول خطوة لاسترداد هذا الزوج والبقاء على الحب الي توه انولد

تفكيير همام مره عجبني بالنسبة لمنى وانها امراه متخاذلة وضعيفه ترضى بكل شيء يصير لها
الرجل يحب المراه تكون قوية مايحب الضعيفية يحب الي يكون لها راي مستقل مهما انكر

انا عندي جاره شخصيتها جدا ضعيفه وكل شي يقول لها زوجه لو ماعجبها تسايره وكثيير السفر وهو رجل ملتزم بدينه بس طبيعة عمله كطبيب يحتم عليه السفر ومرات هو من يسعى اليها ولا تعترض ابدا ولا تناقشه في شي خوف منه ومن عصبيته وعلى قولها اخاف لو اقول شي يرجعني لبيت اهلي وانا واياها دايم في خصام حول هالموضوع ومره لزمت عليها انها تواجهه في موضوع بينهم وتفاجاء بردها وتجاوب معها على طول وقعدت الومها شوفي كيف بس موقف زي هذا ولزم حده

بعض الرجال يسوي هيلمه وهو ولا شي اكره هذي الفئة منهم

منار وزياد ان شاء الله هالزواج بيستمر بينهم واكيييد ان علي بيراجع نفسه وبيحس انه بيظلم اخته بهالطلاق لكن لين تهدا نفسه شوي
ومنار رحمتها وهي تفكر بزواج هديل وزياد متحسفه فيه الضعيفة بس اعجبتني حميتها لاخوها ووقفتها معه كبرت في عيونه

مناف وصفا ومابعد العداوة الا محبة
اعجبني منطقها ومبرراتها لحياتها السابقة وتقبلها لمناف لو خطبها بس هو الله يعينها عليه
وهو نعم فيه يكفي خطوته المباركه بترك الشراب وان شاء الله يتقبلها بموقف قوي بيحصل بينهم


ام احمد مشكورة ياقبي على هالابداع المستمر

وان شاء الله تلاقيني في الصفوفو الاولى دائما


موفقه عزيزتي