لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > المنتدى العام للقصص والروايات > القصص المكتمله
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله خاص بالقصص المنقوله المكتمله


إضافة رد
نسخ الرابط
نسخ للمنتديات
 
LinkBack أدوات الموضوع انواع عرض الموضوع
قديم 02-12-10, 08:54 PM   المشاركة رقم: 6
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 




الجزء الخامس



الأحد
جده الساعة الـ 8:00 صباحا

يوم جديد و اشراقة جديد للأحلام بكل عنفوان الأمل و حب الغد و الكفاح بطموح للأفضل اليوم بنروح تشوف دوامها و حياتها الجديدة من اليوم كل شي بيتغير حتى نومها و صحوتها من اليوم بيكون لها دور اكبر في البيت و مصروفة راح تفرش لجدتها غرفتها مثل ما و عدتها و تشتري لمنال و فهد كل اللي يتمنونه و تجيب شغالة تساعد أمها بشكل يومي بشغل البيت حتى نواف ماراح تنساه بتحول له فلوس كل شهر كل هذا و هند ما فكرت بنفسها كل اللي تتمناه تسعد إلي حولها و تشوف بوجيهم البسمة كل هالاماني و هي ماتدري شو ينتظرها لكنها تتمناها وهذا حقها ما دام الأحلام ببلاش ......

نازلة مع الدرج و عبايتها و شنطتها بيدها لان أبو منذر له خمس دقائق واقف عند الباب و هي مرتبكة و متردده تنزل تتطمن على لبسها و أغراضها بالشنطة يمكن نست شي استعجلت خطواتها باتجاه الباب الخارجي و هي تشوف أمها و جدتها جالسات بالصالة
هند\ ادعولي
أم نواف\ الله يوفقك يا بنيتي انتبهي لحالك
هند\ ان شاء الله يمه يالله أشوفكم على خير
أم نواف\ هند يمه شلتي الجوال معك أكيد تحتاجيه
هند وهي و أصله عند الباب\ إي يمه أخذته معي
( هند ما عندها جوال خاص فيها هو جوال أمها من زمان وتستخدمه هي و فهد لما يطلعون مشوار )
في الطريق أبو منذر والي يعتبر هند و حده من بناته
أبو منذر\ هاه يا بنتي تبيني انتظرك عند الباب و إلا أروح كم مشوار و ارجع لك
هند و ببالها وانأ وش عرفني بطول أو لا\ والله مدري يا عمي اليوم ما راح أداوم عندهم بس اخلص أوراقي و من بكره أداوم لكن مدري كم اجلس لين اخلص أوراقي
أبو منذر\ اجل بروح لي مشوار قريب منك و لا خلصتي دقي علي
هند\ أن شاء الله عمي
نزلت هند وهي تطالع المبنى قدامها كانت عمارة من ثلاث ادوار و باين عليها جديدة لسى ما تهالكت من الزمن سمت بالله وطلعت الكم درجة عند الباب دخلت لكن ما عرفت وين تروح رفعت رأسها ممكن تشوف لوحة ترشدها لكن خاب ضنها انتبهت لباب مفتوح على يمينها و داخله مكتب قربت من الباب و دقت عليه دق خفيف لكن ما في رد رجعت دقت بقوة أكثر و برضوا ما في أي إجابة تقدمت بخطوتها و دخلت المكتب كان مكتب واسع شوي و في مكتبين و كأنه الاستقبال لكن المشكلة ما في احد هند بخاطرها الله ييسرها .
مرحبا اختي أي خدمة
التفتت لصوت البنت اللي ورآها و بخاطرها الحمد لله ما هو رجال \ هلا إيه انتم كلمتوني أمس بخصوص وظيفة مقدمة عليها
الموظفة \ هلا فيك تفضلي لحظه بس أعطي سكرتيرة المدير خبر بوصولك
هند\ شكرا
رفعت الموظفة سماعة التلفون تعطي الطرف الثاني خبر بوصول هند اللي كان كل تفكيرها كيف بتدخل عند المدير لوحدها بحياتها ما قابلت رجال بمكان بدون فهد أو نواف بسرها دعت ربها أن المدير يكون ما هو سعودي يمكن يخفف عليها شوي <<<<<ما هو كلهم رجال ؟
الموظفة\ تفضلي نهاية الممر في باب على يدك الشمال فيه مكتب السكرتيرة و المدير
وقفت هند \ مشكورة اختي
مشت مثل ما وصفت لها الموظفة و كل الأماني تمشي معها في طريقها و تزينه لها بالأمل و الفرج من رب العالمين شافت الباب المقصود وقفت و سحبت نفس عميق تهيئ نفسها للي جاي دقت الباب و ها المرة وصلها الرد بسرعة \ تفضل
دخلت بخطى بطيئة و هي تشوف السكرتيرة اللي كاشفة وجهها تبتسم لها تطمنة هند و تقدمت لها \ السلام عليكم
السكرتيرة\ و عليكم السلام هلا تفضلي
جلست هند و كان رجولها محتاجه ترتاح من الرجفة اللي بدت تسري فيها بمجرد ما حست أنها بتكون بعد لحظات جالسة مع رجال لوحدها \ شكرا
السكرتيرة\ أنتي هند صح ؟
هند\ إيه أنا
السكرتيرة\ الآن تدخلين على المدير ما شاء الله عليك معدل تخرجك ممتاز أكيد شغلك بيكون حلو معنى
هند\ بأذن الله
رفعت السكرتيرة سماعتها تطلب من المدير إذن لدخول هند اللي ما سمعت منها إلا حاضر و أن شاء الله \ تفضلي المدير ينتظرك
وقفت هند وسالت السكرتيرة ببراة \ وأنتي ما راح تدخلي معي ؟
السكرتيرة ببالها شكل هالبنت ما هي متعودة تخالط مجتمع رجالي \ ترى المدير إنسان ما يخوف وكبير بعمره شوي اعتبريه مثل أبوك
هند ببالها و هو وينه أبوي لكنها تطمئنت شوي مجرد ما سمعت انه كبير بعمره \ اوكيه مشكورة
باب المكتب مكان بعيد كلها خطوتين و هي عنده دقت الباب و وصلها صوت رجولي غليظ و مربك بالنسبة لهند اللي ما تعودت تسمع غير صوت أبوها و أخوانها وإذا مرة سمعت صوت أبو منذر سمت باسم الله في سرها و دارت مقبض الباب و دخلت المنظر قدامها كان شبه مريح رجال واضح من الوهلة الأولى انه شامي و الشيب مغطي شعر رأسه بالكامل
هند\ السلام عليكم
المدير\ وعليكم السلام تفضلي اجلسي
جلست هند و بخاطرها يارب ثبت على قلبي و يسرها لي \ شكرا
المدير والي كان يطالع هند بعيونه من فوق لتحت و كأنه يتفحصها من تحت الغطاء و العباية \ شوفي ياهند أنا اخترتك له الوظيفة ما بين عشرين متقدمة من شان درجاتك كتير منيحه و باين هلا انو أدامي بنت خلوقه و محترمة كتير
هند\ تسلم أن شاء الله أكون عند حسن ضنك
المدير\ اوكيه هلا أنتي عم بتعرفي طبيعة شغلك شو حاتكون عنا صح ؟
هند\ إيه تقريبا
المدير\ حلو كتير و قسم النساء بالدور التاني تقريبا عنا أربع مريضات كبار بالسن عندهن جلطة و مسببه ليهن شلل جزئي بتكوني مشرفة عليهن و تراعينهن وقت دوامك
هند\ أن شاء الله
المدير\ و في شغله تانيه بدي أخبرك فيها هلا أنتي راح تشتغلي معنا شهرين بدون ما نعمل معك عقد لبين ما نشوف شغلك منيح وإلا لا بس طبعا ايلك راتب 2800 ريال و 200 تأمين ما تخافي
هند\ زين أن شاء الله
المدير\ هلا فيك تروحي تتعرفي على مكان عملك و زميلاتك فيه و من بكرة تبدي تداومي هون من الساعة 8 إلى 4 لانا محتاجين موظفة هلا
هند\ أن شاء الله
المدير\ في عندك أي سؤال ؟
هند و هي توقف \ لا شكرا
المدير\ على العموم بابي مفتوح لئلك أي وقت ما تحملي هم كم هند عنا
الجملة الاخيرة ابد ما عجبتها توها تقول برتاح له\ شكرا اقدر أروح الآن
المدير\ إيه طبعا أتفضلي

*************

الخبر الساعة الـ 11:30 صباحا

من وقت وصل الصباح وباله مشغول على يوسف يبي يشوفه و يطمئن عليه وشو صار معه أمس لكنه من وصل طلبه المدير في اجتماع دخله من الساعة 8:30 و ما قدر يشوف يوسف قلب الملف بين يديه و فكره مشتت ما بين يوسف و المشروع اللي بيده والمدير اللي كلفه بالإشراف الكلي عليه \ خلاص خلصنا كذا طال عمرك
المدير\ إيه خلاص عاد أبيك ترفع راسي و تباشر في الموقع من الأسبوع الجاي
سعود\ لك اللي يبيض وجهك طال عمرك
المدير\ والنعم فيك تقدر تروح و لك باقي الدوام إجازة مني
سعود\ تسلم والله لكن في كم شغله باقي على مكتبي لازم أخلصها قبل آخر الأسبوع
المدير\ معك ثلاث أيام لأخر الأسبوع يمديك تخلص شغلك الان روح ريح و خذ الملف معك و أشوفه بكرة جاهز أبيه شغل سعود اللي اعرفه
سعود وهو يوقف\ أن شاء الله على خير يلا فمان الله
المدير\ مع السلامة
طلع سعود من مكتب المدير و سحب كمية اكسجيين كبيرة ملئ فيها صدره من ثلاث ساعات و هو جالس و يحس نفسه يتنفس بحذر مديرهم شخص صارم و جدي جدا في عمله و ما يتهاون لي أي زله أو نقص من أي موظف مشى باتجاه مكتب يوسف و في طريقة شاف زميلهم سيف طالع من مكتبة والي يشاركه فيه علي ( سيف و علي كانوا يشتغلون بقسم التخطيط و الإدارة لن تخصصهم يختلف عن يوسف و سعود اللي كان تخصصهم هندسة بترول و عملهم يكون أغلبه في التنقيب عن النفط وفي أباره و فترات بسيطة يداومون بمقر الشركة )
سيف\ سلام وينك أنت لي ساعة أدور عليك
سعود\ وعليكم السلام خير أن شاء الله بغيت شي كنت عند المدير
سيف\ مهمة جديدة
سعود\ إي والله و هالمرة بصحراء أسبوع لا ومن غير يوسف
سيف\ الله يعينك إلا في أوراق حطيتها لك على مكتبك فيها كم شغله ضروري تشوفها
سعود\ اليوم لازم أخلصها ؟
سيف\ لا محتاجها يوم الأربعاء تكون عندي
سعود\ اجل خلاص اخلصها لك بكرة اليوم باقي الدوام عندي إجازة بمر أشوف يوسف واطلع
سيف\ الله معك
وصل سعود لمكتب يوسف و شافه ساند رأسه على الكرسي ومرجع شماغه والعقال لورى و عيونه مغمضه و باين على وجهه التعب تنحنح وهو يدخل لجل ينتبه لوجوده \ سلام
فتح عيونه اللي كانت حمراء وشكله ما نام طول الليل عدل جلسته \ وعليكم السلام هلا سعود اجلس لك مده واقف هنا ؟
جلس سعود على طرف الطاولة \ لا والله توي واصل
يوسف\ سلامات اجلس على الكرسي طيب ترى منت خفيف
سعود\ هههه قل ماشاء الله مستعجل والله طالع أنا
يوسف\ ماشاء الله هاه وترى مني عيان طالع على وين ؟
سعود\ الشقة اعطاني المدير باقي اليوم أجازة
يوسف\ حركات من ورآنا وش مسوي للمدير أنت ؟
سعود\ إلا قول وش مسوي لك هو راميني الأسبوع الجاي كله بربع الخالي
يوسف\ أوف تكفى لا تقول اني معك والله ماني ناقص
سعود\ لا لحالي والله ربك يعين إلا ما قلت لي وش صار معك أمس ؟
يوسف\ خلها على ربك يا اخوي زي كل مرة يتمشكلون على شي ما يستأهل و يكبرونها والمشكلة كل واحد فيهم اعند من الثاني قسم بالله لو لا أخواتي و محمد اني أقدم على بعثه و سافر ادرس ابرك لي من ذا الحال لكن الشكوى لله ماقدر أخليهم مالهم ذنب
سعود\ زين و إخوانك احمد و عبدالعزيز وينهم عنهم ؟
يوسف وهو يتنهد\ لاهين ببيوتهم و عيالهم ولا يسالون زين كان شفناهم من الجمعة للجمعة والله كل شي فوق راسي وانأ ساكت
سعود\ الله يصلح بينهم بس
يوسف\ أصلا خلاص أنا تعودت على ذي الحالة و ماراح ارتاح لين أزوج أخواتي وطلعهن من ذا البيت ومشاكله و محمد مرة بس يخلص ثانوية هالسنه بسفرة يدرس برى وأريحه
سعود\ شكلك ما نمت أمس جالس تخطط ؟
يوسف\ والله جاي الدوام مواصل
سعود وهو يوقف و يأخذ الملف معه\ باين من عيونك أصلا اجل أنا رايح الشقة بتجي بعد الدوام عندي وإلا بتروح البيت ؟
يوسف\ لا بجي عندك تعرف لو رحت البيت ما نمت وأنا ما غمضت لي عين أمس
سعود\ زين يلا نشوفك على خير
يوسف\ حياك
طلع سعود من الشركة وراح اخذ له غداء و مشى في الطريق لشقته رن جواله طالع الشاشة و هو يبتسم فديتها والله
سعود\ هلا والله بكل الغلا
أم سعود\ هلا بك يمه السلام عليك
سعود\ وعليك السلام يا الغالية شخبارك ؟
أم سعود\ الحمدلله بخير وأنا اسمع صوتك يمه طمئني عنك أنت وش علومك ؟
سعود\ الحمد لله بخير و نعمة و هذاني رايح لشقتي
أم سعود\ و عليه يمه ما خلص دوامك ليش طالع بدري لا يكون انك تشكي شي
سعود\ لا يمه ما فيه إلا العافية بس المدير عطاني باقي اليوم إجازة و يوم الأربعاء ماعندي دوام يعني بتلقيني من صبح الله خير عندك
أم سعود\ وش ورى الرضاء ذا كله عليك
سعود\ هههههه افى لا تكونين ما تبين تشوفيني بس ترى اطلع البحرين و اجلس فيها آخر الأسبوع كله
أم سعود\ كان تبي قلبي يغضب عليك يا سعود روح البحرين أشوف
سعود\ لا عاد كله إلا غضبك علي قسم بالله طول ما أنتي ما تبيني أروح اني ما اكسر كلمتك لكن أقولك بجي لك من بدري ها الأسبوع وأنتي الله يهديك كأنه ما هو عاجبك
أم سعود\ و الأسبوع اللي بعده ما أنت نازل صح ؟
سعود و بخاطرة حشى يا أم سعود منتي هيئنه طلعت عندك الحاسة السادسة \ تبين الصراحة إيه عندي الأسبوع الجاي عمل في بئر للبترول بالربع الخالي
أم سعود\ إيه أنا أقول
سعود\ عاد يايمه هذا شغلي لو ما سويته بيحطون موظف مكاني و اجلس أنا بلا شغل
أم سعود\ الله يعينك يمه عاد هذا رزقك بتاخذه لو من نص البحر دام ربك كاتبه لك
سعود\ ونعم بالله يا الغالية
أم سعود\ زين يمه بعد ما تطئمنة عليك خلني أقوم أصلي الظهر هذاني اسمعه يأذن وأنت يمه روح تغداء و ارتاح و خل كل شي بيد ربك
سعود\ الله كريم يا يمه هذا غداي معي بسيارة لا تشيلين همي ريحي بالك و رضاك هو اللي أبيه بس
أم سعود\ الله يرضى عليك دنيا وآخرة يا ولدي
سعود وهو يوقف سيارته بباركنات العمارة \ الله يطول لي بعمرك يلا يا الغالية هذاني وصلت شقتي توصين شي
أم سعود\ سلامتك يمه
سعود\ يلا اجل فمان الله
أم سعود\ فحفظ الكريم يمه .....

**************

جده الساعة الـ 12:30 مساء

دخلت هند البيت والي كان مفروض تكون موجودة فيه من ساعة لكن أبو منذر تأخر عليها و اضطرت تنتظره شافت الصالة هادية و ما فيها احد ببالها أكيد جدتي تصلي بغرفتها و أمي بالمطبخ من اليوم شغل الغداء كله بيكون عليها و محد يساعدها الله يعين بحاول اخذ عنها العشاء و أريحها خل أروح أشوفها قبل اطلع أبدل مشت هند باتجاه المطبخ و هي تسمع صوت أمها تعطي توجيهات غريب من عندها أمي؟؟ ,,, المنظر قدامها حلو و مضحك بنفس الوقت منوله عافسه الدنيا بالمطبخ بزعم أنها تساعد وأم نواف مبتلشه معها تبي تخلص الغداء و منال كل شوي تطلع لها شغله ابتسمت هند لهم \ سلام
أم نواف\ وعليكم السلام هلا يمه
هند\ وش ها الريحه الحلوة وش طابخين أنتي و بنتك من باب الصالة الروائح استقبلتني
أم نواف وهي تفتح الفرن وفيها الضحكة\ كل خير و بنتي ما خلت شي إلا سوته لك تقول هند بتجي جيعانه يا حرام
هند\ يا حرام إي والله اني على فطوري معكم
أم نواف\ اجل روحي يمه بدلي و صلي فرضك و تعالي تغدي هالحين يجي فهد و بعد الغداء حكيني وش صار معك
هند\ أن شاء الله يمه هاه منوله سويتي لي حلا ؟
طالعت فيها منال ببرأه و هي تهز رأسها بمعنى لا \ بس معي جالكسي جبته لك من المدرسة
هند\ زين حلو بروح أصلي و ارجع لكم ......

***********

الخبر الساعة الـ 3:00 فجرا

الأوراق في كل مكان بالصالة على الكرسي و الطاولة وحتى بالأرض وين مكان سعود جالس أصلا بين أوراقة و أكواب الشاي وأكياس الوجبة اللي طالبها من المطعم للعشاء بمعنى كان المكان حوسه عنده لكنه لازم يخلص الشغل اللي معه و يسلمه المدير الصبح طلع يوسف من غرفته بعد ما نام تقريبا 12 ساعة من ثلاث الظهر وهو نائم بعد ما استأذن آخر ساعتين من الدوام بحكم انه تعبان
يوسف وهو يتثاب \ وش ذي الحوسه ما نمت أنت ؟
سعود\ لا ما خلصت باقي لي شوي
يوسف\ الساعة ثلاث الحين متى بتخلص و تنام ؟
سعود\ أقلك لا تقعد تسال فوق راسي بروحي مصدع خلني اخلص
يوسف\ أوف السهر مآثر على الأخلاق كمان
طالعه سعود بنظرة وكمل شغله بدون ما يرد عليه ( سعود طبعه لما يواصل أو مايخذ كفايته من النوم يصير عصبي و نفسه ضيقه )
يوسف \ ههههههه زين زين سكت خلاص بس آخر سؤال فيه ي عشاء أو لا ؟
سعود\ لا روح سو لك شي من المطبخ و فكني
دخل يوسف المطبخ دقائق وطلع بتفاحة بيده اخذ الريموت وجلس يقلب التلفزيون \ يقترح عليك تروح تقدم بجمعية خيرية
سعود\ وليش ؟
يوسف\ مطبخك فاضي يصفر حتى اندومي ما فيه الواحد يصبر نفسه به
سعود\ وش أسوي أنساه وأنت ما تشتري لو ملح
يوسف\ الأسبوع اللي راح حاط فيه مئة ريال لكن ما تجلس ما عليك بعد بكرة الراتب و انزل لك كارفور و أعبي لك الثلاجة
سعود\ تطنز
يوسف\ افى والله أقول الجد
سعود\ الراتب يوم الأربعاء و أنا نازل جدة الثلاثاء في الليل وراجع الجمعة والسبت من فجر الله طالع مقر البئر الجديدة ليوم الجمعة يعني لمن بتشتري غير لنفسك
يوسف\ أوف ذكرتني أصلا الشقة بتكون كئيبة بدونك يمكن ما أجي هنا لين ترجع أنت
سعود وهو يمد الملف ليوسف\ خل عنك بس وشف لي المخطط وقول رأيك
يوسف بعد ما قلب الملف شويتين\ شغل عدل والله أنت لو يقولون لك خطط الربع الخالي شبر شبر خططته ما هو كم كيلو ماشاء الله عليك
سعود\ مكانك ناجح بمعدل أكثر مني أنت ووجهك
يوسف\ ههههههههه غاش منك طال عمرك
سعود وهو يجمع أوراقة \ يا شيخ بس قصر على صوت التلفزيون أنا رايح أصلي وأنام لي ساعتين قبل الدوام ابرك لي
يوسف وهو يسكر التلفزيون\ ابشر أنا بروح أصلي بالمسجد و أمر بيتنا و أجيب معي فطور سنع واجيك
سعود\ ما تقصر والله
يوسف\ يلا فمان الله .......

************









 
 

 

عرض البوم صور بياض الصبح   رد مع اقتباس
قديم 02-12-10, 08:55 PM   المشاركة رقم: 7
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 






الجزء السادس


الاثنين

جده الساعة الـ 6:30 صباحا

صاحية اليوم من الفجر بكل نشاط وحيوية كيف و اليوم أول دوام لها و أمل جديد انفتح بابه قدامها لبست ملابسها وأخذت عبايتها و شنطتها و نزلت تفطر لازم تكون جاهزة قبل 7 لان أبو منذر بيوصلها بطريق ما يوصل بنته الجامعة والي تبدأ محاضراتها الساعة 8
هند\ صباح الخير
أم محمد و أم نواف\ صباح النور هلا يمه
جلسة على السفرة والي كانت مفروشة تحت على الأرض لام محمد إلي تتعبها جلسة الكرسي بعد ما باست جدتها و أمها على رؤوسهم \ اليوم أول يوم دعواتكم لي لا تنسوني
أم محمد\ الله يوفقك يا يمه حنا ما ننساك لكن أنتي انتبهي لشغلك إلي يعطوك و لا تفكرين بشي ثاني
أم نواف\ صادقة جدتك انتبهي تراك بتعامليين مع حريم كبار يعني طولي بالك و لا تتراددين معهن بالكلام
هند\ ابشروا من عيوني
أم نواف\ الله يحفظك يا يمه يلا افطري زين قبل يجيك أبو منذر
أم محمد\ الله يجزيه هالرجال كل خير ما يقصر معنى
أم نواف\ إي والله انه أحسن من أخواني إلي أشوفهم من عيد لعيد و لا حتى يرفعون السماعة و يقولون نشوف اختنا و عيالها يمكن محتاجين شي
أم محمد\ اذكري الله يا بنيتي و ادعيلهم الله يهديهم و يحنن قلبهم عليك و يرجع لك رجلك و يعوضك صبرك خير
أم نواف\ الله يسمع منك يا خالتي و يهدي لك عيالك و يبرون فيك
أم محمد وعيونها بدت تلمع من الدمع \ الله كريم ما ينسى احد
كانت تطالعهم و كل تفكيرها كيف ترجع له الوجهين البسمة لكن صعب يا هند صعب تصححين أغلاط غيرك و تفكيرهم خوالي إلي يحاولون في أمي تطلق ولا تبقى معلقة و لما رفضت قاطعوها وإلا أعمامي إلي قاطعوا أمهم جنتهم و نارهم بسبة فلوسها و أملاكها إلي تنازلت عنها لنورة وأعمالها عشان تحافظ لنا على هالبيت بزعم انه لهم حق فيها مثل محمد غريب أمرهم يبون يورثونها حيه أخذت نفس عميق تسترخي فيه \ جدتي يالله معي الحوش نمشي لين يجي أبو منذر
أم محمد و هي تمد يدها\ يالله يمه ساعديني أقوم
هند\ يالله بسم الله .....


*****************

الخبر الساعة الـ 7:00 صباحا

جالس يسوق وهو ميت ضحك على شكل سعود إلي كان فاتح عين و مغمض الثانية و ممكن ينام في أي لحظه و إلا النفسية إلي صايره عدم من قلة النوم سبحان الله الدنيا دواره قبل يومين كان هو بوضعية سعود ألان
يوسف\ أنت بتروح المدير اليوم ؟
سعود\ أكيد بودية الملف
يوسف\ وبتناقشه في المخطط ؟
سعود\ لا برميه عليه وأروح
يوسف\ انتبه بس ليطردك أنت و هالاخلاق ههههههههه
سعود\ اسكت بس وشف طريقك
يوسف وهو يلف على محطة البنزين\ عارف أنت ينطبق عليك المثل إلي يقول اتق شر الحليم اذا غضب
سعود\ وليش داخل المحطة البنزين عندك فل ؟
يوسف\ بشتري لك عصير ليمون تروق شوي قبل ترتكب جريمة في احد ماله ذنب
سعود\ لا مآبي ليمون جب لي كابتشينو أصحصح راسي شوي
يوسف وهو يفتح نافذة السيارة \ ابشر اثنين كابتشينو سكر وسط
العامل\ اوكيه
دقائق و جاب لهم العامل طلبهم أخذوه واتجهوا لعملهم و كل واحد يفكر بروتين حياته و متى يتغير .......


**************

جده الساعة الـ 7:45 صباحا

دخلت هند المركز قبل موعد دوامها بربع ساعة كانت متأكدة إن المبنى بيكون فاضي العالم تتأخر ربع ساعة ما هو تتقدم ربع ساعة لكن وش بيدها سمت بالله و طلعت الدور الثاني شافت الخالة أم عبدا لله إلي تنظف المركز جالسة تمسح الطاولات
هند\ السلام عليكم
أم عبد الله\ وعليكم السلام
هند\ حمد لله اني حصلت المركز فاتح و فيه احد
أم عبد الله\ ايوا أنا أجي هنا من سبع ونص ارتب و امسح لكن أنتي جايه بدري اليوم
هند\ وكل يوم بجي كذا لان إلي يوصلني يوصل بنته الجامعة
أم عبد الله\ يالله حصلت إلي يسولف معي روحي نزلي عبأتك وتعالي اصب لك قهوة
هند\ تسلمين ياخالة ما اشربها الصبح أنا اذا فيه وفريها لي الظهر
أم عبد الله\ ما عليه أسوي لك الظهر أنا أصلا أسوي للموظفات هنا شاي و قهوة
هند\ مشكورة والله ما تقصرين خالتي ......
راحت هند تحط أغراضها بالمكتب المخصص للموظفات جلسة على واحد من المكاتب وأخذت ملف المريضة إلي راح تشوفها بعد ساعة تقرا فيه حرمة كبيرة عمرها 58 سنه يبدو إن حالتها صعبة شوي لان عندها شلل رباعي هند بخاطرها الله يعينها و يعين أهلها ..


********

الخبر

الساعة الـ 9:30 صباحا

جالس بمكتبة يخلص أخر أوراقة لذ الأسبوع كان المفروض يكون ألان عند المدير يسلمه الملف و يناقشه فيه لكن طلع عنده اجتماع و اجل جلسته مع سعود لساعة 11 اخذ الملف إلي سلمه له سيف أمس و راح يوصله له بعد ما خلص شغله فيه مكتب سيف وعلي كان مقابل لمكتب سعود
سعود\ السلام عليكم
سيف و علي\ وعليكم السلام
سعود\ هذا ملفك جاهز تفضله
سيف\ تسلم عاد عندنا أمر ألان ما نعطيك شغل
علي\ و إلا خاطري أسلمك كل ذي الملفات
سعود\ تكفون عاد مسافر لبنان سياحة أنا منب أصلا رايح الصحراء شغل وإلا يمكن قالوا لكم رايح اكتسب لون برونزي و ارجع
سيف\ تبي اطلب لك شي ؟
سعود\ ليش قالبين كوفي وأنا مدري
سيف\ لا بس شي يهدي لك أعصابك روق شوي
سعود\ استغفر الله بس شارب اثنين كابتشينو من الصبح فكني خل ارجع مكتبي واهدءا شوي قبل أروح المدير
علي\ ترى ماراح اكتب لك ورقة فصلك لا تخاف
سعود\ تكفى يا سكرتير المدير من ورآنا خلك فشغلك لا تنطرد أنت هذرتكم انتم الاثنين زايده
غلطوا يوم حطوكم بمكتب واحد
يوسف إلي كان واقف على الباب من أول و علي بس إلي كان يشوفه \ وأنت ما عندك إلا تدور من مكتب لمكتب ما عمري جيت أبيك و حصلتك بمكتبك
سعود\ كملت وش تبي بعد أنت ؟
يوسف\ هههههه أتطمئن بس انك لسى بالشركة معنى
علي\ هههههههه لسى ما دخل للمدير تراه
سعود\ تكلم سكرتير المدير الجديد
يوسف\ وليش لسى ما دخلت ما هو مواعدك الساعة تسع ؟
سعود\ عنده اجتماع مع شركة فرنسية وقالي سكرتيرة أجي الساعة 11 أقوله لا يعني !
يوسف\ وليش تقول لا تكفى خلك ساكت
سيف\ أقول على مكتبك أنت و هو ورأي شغل
سعود وهو يقوم لمكتبة \ من كثر شغلك عاد كلها كم ورقة
سيف\ بس مرتاح بالمكيف ما هو زي بعض الناس من صحراء لصحراء
سعود سفه ولا رد كمل طريقة لكن يوسف استلمه وياويله من لسانه\ صحراء في عينك الصحراء هذي إلي مستهين بها ذهب مغني السعودية كلها لو لاهي تلقاك صياد سمك في الخليج الحين
سيف\ لا اله إلا الله وش قلت أنا يا أبوي الحمد لله على النعمة خلاص روح مكتبك أبي اشتغل ورأي عرس ما اني أكل حرام و آكل أهلي
يوسف\ يازين طاري العرس على ذا الصبح متى ربي يكرمنا يا علي ؟
علي\ اسكت بس قسم بالله أمي لها أسبوع فوق راسي أتزوج و أتزوج وشف فلان اصغر منك متزوج وعنده عيال وأنت لسى هالمرة شكلها ما بتحل عن راسي إلا خاطب
سيف\ وش فيها ترى أحلى شي فترة الخطوبة حياة حلوه والزواج لابد منه وهو سنة الحياة
علي\ أحلى يا عريس كلك مفهوميه
يوسف\ أقول يا علي ما تحس مثلي إن سيف بعد ما خطب صار عاقل أكثر شكل الحرمة مسنعته
علي\ هههههههه يمكن إلا أكيد
سيف\ الله يهديكم بس
يوسف\ أمين يالله بروح أكمل شغلي سلام
سيف و علي\ وعليكم السلام ......

**************

جدة الساعة الـ 30 :12 مساء

طلعت هند من دورة المياه ( أكرمكم الله ) بعد ما توضأت لصلاة الظهر دخلت المكتب وفرشت سجادتها بتصلي كبرت و بدأت صلاتها بخشوع أول مرة تصلي برى البيت قريت الفاتحة وسورة المسد كبرت لركوع بركوعها جأت وحده من الموظفات فرشت سجادتها وركعت معها و كملوا صلاتهم مع بعض بين ركوع وسجود وصلت هند لجلست التشهد الأخير سلمت على يمينها و شمالها وجلسة بمكانها تستغفر ربها لفت على وجه إلي صلت معها وابتسمت لها ..
هند\ تقبل الله
الموظفة\ منا ومنك يأرب جديدة هنا ؟
هند\ اليوم أول يوم لي
الموظفة\ وإن شاء الله أعجبك المكان
هند\ يعني أول يوم صعب تحكمين من أولها
الموظفة\ معك حق معك رؤى لي هنا تقريبا سنه
هند\ تشرفنا وأنا هند ماشاء الله سنه أكيد عندك خبره بتعلم منك
رؤى\ يعني مو كثير وأنا جاهزة في أي وقت ولا يهمك
هند\ تسلمين والله
رؤى\ خلاص قومي نتغداء و احكيك عن كل شي من اول يوم لي هنا حتى اليوم
هند\ يلا بسم الله ....


***********

الخبر
الساعة الـ 7:00 مساء

في احد شوارع الخبر الرئيسة يمشي بسيارته ما هو عارف وين يروح سعود من جاء من الدوام نام وتركه لوحده وماله خلق يروح البيت حتى سيف اتصل عليه واعتذر منه انه رايح يشوف امور القاعة مع اهله سمع صوت المسج وابتسم وهو يفتحه (( أسفه الغالي كنت نايمه لما دقيت توي صحيت )) يا حبي لها يا ناس فتح كتابة الرسايل وكتب لها (( نوم العوافي يا قلبي اقدر اسمع صوتك الحين )) ثواني وكان الرد واصله (( أكيد حبيبي دق الحين )) وقف سيارته قدام البحر وضغط على زر الاتصال بعد رنتين بس جاه صوتها الهادي إلي تعود عليه يوسف وصار يعشقه لحد الجنون ..
ساره\ الوو
يوسف\ هلا والله حيا الله الصوت
ساره\ بس الصوت ؟
يوسف\ هههههه الصوت من غير راعيته ما نبيه شخبارك يا قلبي ؟
ساره\ بخير والله أنت شخبارك ؟
يوسف\ بخير دامك بخير حبيبتي عسى ما أزعجتك وأنتي نايمه ؟
ساره\ لا أصلا مصمت الجوال ما توقعتك تدق العصر غريبة ما نمت ؟
يوسف\ لا والله ما جاني نوم ولا لقيت احد اطلع معه دقيت لك وكمان مارديتي وشوفيني من ساعتين أدور بشوارع الخبر والحين موقف قدام جسر البحرين شكلي بكمل واخذلي لفه بالمنامة لين 10 وارجع
ساره\ والله بس روح وشوف كان ما زعلت منك ولا عاد كلمتك
يوسف\ هههه نفسي اعرف ليش تكرهوني بالبحرين أنتي من جهة و سعود من جهة
ساره\ لنا نحبك ونبي مصلحتك
يوسف\ يعني أنا جاهل ولا اعرف مصلحتي ؟
ساره\ لا يا قلب ساره أنت رجال والنعم فيك بس نتكلم بصراحة أنت مستعد تحرق نفسك قدام إخوانك وتنسيهم المشاكل بدون ما تفكر بنفسك يوسف وحقها عليك تضل تراكم على قلبك لين ما عاد تعرف وش تبي إلا انك تنسى وعشان تنسى بتسوي أي شي لو غلط بس المهم انك تنسى وخلاص
يوسف\ أنتي متأكدة انك من الخبر ؟
ساره\ هههههه إيه وش دخل ألان هالسؤال ؟
يوسف\ شاك انك من جدة وأخت سعود الدب أسلوبكم في الإقناع واحد
ساره\ هههههههه لا والله من الخبر ولا عندي اخو اسمه سعود إلا على طارية وينه عنك اليوم
يوسف\ نايم من جاء من الدوام كان مواصل أمس
ساره\ اهاا قول كذا عشان كذا داق علي من بدري وسال عني
يوسف\ افهم إن هذي غيرة سوير
ساره\ هههههه لا تقول سوير يادب بعدين أنا واثقة من غلاتي عندك صحيح هو يشاركني كل شي بس يالله أنا سامحه له بمزاجي
يوسف\ ساره بطلبك طلب ولا ترديني
ساره\ اممم اذا غير الشوفة أمر
يوسف\ لا الشوفة خلاص حفظنا ردك شي غير
ساره\ تأمر يوسف إلي تبيه
يوسف\ بحط لك هدية بمحل الهدايا وخذيها شي بسيط مني أبيك تذكريني فيه
ساره\ يوسف وش براسك ؟
يوسف\ خليها ليومها وأقولك المهم تروحين تأخذينها يوم الأربعاء الليل اتفقنا
ساره\ زين لكن توعدني تقولي وش براسك
يوسف\ وعد يالله سوير بخليك الحين بروح أتعشى وأروح الشقة أنام
ساره\ اوكيه انتبه لنفسك
يوسف\ وأنتي بعد يالله فمان الله حبيبتي ..


*************

جدة
الساعة الـ 8:30 مساء

تمدت على فراشها بعد ما صلت العشاء اليوم مارجعت نامت الظهر عشان كذا تحس بصداع بيفجر رأسها سمعت الباب يدق بخاطرها اللهم اجعله خير
أم محمد\ ادخل
دخلت أم نواف و بيدها كاسة حليب \ تفضلي خالتي شفتك ما تعشيتي زين و سويت لك الحليب تشربينه قبل تنامين
أخذته أم محمد\ ليش تعبتي نفسك يا بنيتي الحمد لله شبعانه
أم نواف\ والله عيني عليك يا خالتي على السفرة ما كلتي شي
أم محمد\ الحمد لله إلا فهد و البنات ناموا ؟
أم نواف\ فهد راح غرفته يذاكر والبنات منال نامت من ساعة وهند توي نازله من عندها صلت و بتنام
أم محمد\ إلا ما قالت لك كيف شغلها عسى ارتاحت فيه ؟
أم نواف\ إيه تقول تعرفت على وحده معها لها سنه تشتغل وتقول طمأنتها
أم محمد\ الحمد لله عسى الله يكتب لها الخير فيه يأرب
أم نواف\ أمين يأرب ما ترتاح عيني لين أشوف هالبنت في بيت رجلها و أشوف عيالها حولها
أم محمد\ إن شاء الله بتشوفين عيالها وعيال إخوانها وقولي يأرب
أم نواف\ يأرب
أم محمد\ بس عسى ما قلتي لها عن إلي صار اليوم ؟
أم نواف\ لا يا خالتي هند ما هي ناقصة و الحمد لله إنها ما كانت فيه اليوم ......


**************








 
 

 

عرض البوم صور بياض الصبح   رد مع اقتباس
قديم 02-12-10, 09:01 PM   المشاركة رقم: 8
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 





الجزء السابع


الثلاثاء
الخبر
الساعة إل 4:00 عصرا

طالعين من الدوام إحساسهم اليوم مختلف لا تعب و لا إرهاق و لا ملل يوسف تفكيره كله وش الهدية الي بيختارها لساره بكرة و سعود و هواء جده و شوقها يسري بجسمه بحرها و شوارعها و حتى زحمتها اشتاق لها جده غير بكل شي تسع سنوات له بالشرقية ما بين دراسة و عمل لكن ما نسته جده و أهلها تنهد من قلب \ وربي مشتاااااق لجده
يوسف\ ههههه قول مشتاق لامك يا النون عادي بفهمك
سعود\ هههههه إيه شوقي لها اكبر من شوقي لجده حرام يعني
يوسف\ الله يحفظها لك و يعوضني يأرب
سعود\ ما في أم إلا تحب عيالها وتخاف عليهم من الهواء الطاير بس يمكن أمك ما عرفت تحسسكم بحبها بسبة مشاكلها مع أبوك
يوسف\ يا شيخ أي حب وأي هباب أنام عندك بشقة ليالي ما تدري عني ولا تسال كان زين عرفت رقم جوالي فكنا بس ترى مزاجي رايق اليوم ولا أبي أعكره بشي
سعود\ غريب وش الي مروقك ؟
قالها يوسف بمزحه\ بفتك من وجهك ثلاث أيام شلون ما تبيني أروق
سعود\ ههههههههه اجل كذا إلا والله أنا الي برتاح منك و من حنتك على راسي
يوسف\ تكفى بس عاد لأرحت ماهو تنساني طمني عنك
سعود\ إن شاء الله بابا
يوسف\ هههههههههه بابا في عينك
سعود\ إلا ما قلت لي وش الي باسطك اليوم كذا بجد عاد ؟
يوسف كان بخاطره يقول ساره لكن ما كان يبي سعود يزعل فتذكر شغله مستأنس منها أكثر\ تعرف اختي الكبيرة محجوزة لولد عمتي من فترة وأمس كلمني يقول بعد رمضان يبي العرس باقي الثانية بس و محمد كلمت له واحد اعرفه قالي مرة اعتبر أوراقه جاهزة بس جيب لي شهادته لتخرج و ما يهمك بالباقي وساعتها عاد بتفرغ لنفسي
سعود\ أخبار حلوه والله وبتفرغ لنفسك بالعرس إن شاء الله
يوسف\ لا شي أهم
سعود\ وش الي أهم من العرس عندك خابرك مستقطع عليه ؟
يوسف وهو يوقف قدام المطعم\ بتعرفه بوقته لا تهتم أنت انزل بس جب لنا غداء و جب لي بيبسي معك
سعود\ ابشر دقائق بس.....

************

جده
الساعة إل 6:30 مساء


صلت صلاة المغرب و تمددت على سجادتها اليوم ثاني يوم دوام لها لكنه كان متعب أكثر من أمس أربع حالات تشرف عليها هند كانت اغرب حالة شافتها لبنت لسى ورده بشبابها عمرها 25 سنه ما رحمتها الدنيا سكر و ضغط و النهاية جلطة شلت حركتها الدنيا حقيرة لمن تشوف شخص يعجز عن ابسط الحركات اليومية البسيطة يعجز عن الأكل و البس وحتى قضاء الحاجة لوحده ( أكرمكم الله ) حمدت ربها على نعمته عليها وشكرته على فضله قامت ولفت سجادتها و حطتها بالصندوق ونزلت تحت تساعد أمها وتشوف جدتها اليوم الصبح حست أنها ما هي طبيعية و مخبيه عنها شي لكن ما هو على هند يا أم محمد جايتك و صلت عند باب غرفتها دقته وسمعت صوتها المبحوح و الواثق مع كل حرف تقوله جدتها تحس بثقتها بربها و بنفسها و قوتها و الي تعودت عليها من صغرها \ سلام يا نور البيت
أم محمد\ و عليكم السلام هلا يمه تعالي
كانت أم محمد جالسة على سجادتها و ماده رجولها الجلسة ذي تحبها هند تعودت كل ما حست بتعب و ضيق من الدنيا تحط رأسها على فخذ جدتها و هي تمسح على رأسها و تخفف عنها بحكمة الحرمة الكبيرة الي شافت من الدنيا أكثر من مما تتوقع هند.. حطت رأسها على رجولها و تمددت بجنب جدتها\ شخبار رجولك اليوم جدتي ؟
أم محمد\ لا الحمد لله بعد ما صرت البس الشربات خفت شوي علي
هند\ إيه الحمد لله
أم محمد\ هاا طمنيني كيف شغلك عسى مرتاحة فيه بس ؟
هند\ لا الحمد لله زين ما عليه
أم محمد\ الحمد لله يا بنيتي
هند\ إيه يا أم محمد ما تبين تقولين لي ؟
أم محمد\ وش أقولك يا يمه ؟
هند\ الي مخبينه عني ؟
أم محمد و الي بدت ترتبك\ ما اني مخبيه عنك شي يمه
هند\ علينا يا أم محمد غمزاتك أنتي و أمي من أمس ما راحت عن بالي و حاسة إنكم مخبين عني شي قولي بس قولي
أم محمد\ لا يمه هو ما في شي يستأهل
هند\ اهاا يعني فيه شي قولي و أنا اعرف اذا يستأهل و إلا لا ؟
أم محمد\ و الله يا بنيتي أنا بقولك لكن لا تزعلين وتحطين بخاطرك إحنا ما أنا متأكدين
هند\ متأكدين من شو ؟
أم محمد\ أمس الضحى دق على تلفون البيت واحد و قال انتم كم تبون في البيت ؟
تعدلت هند بجلستها \ أي بيت ؟
أم محمد\ هذا البيت يا يمه لكن أمك قالت له ما نبي نبيعه قال يمكن هو غلطان بالرقم
هند\ سبحانك لا اله إلا أنت أي غلطان و هو داق على البيت تلقين أبوي حاط البيت عند واحد من مكاتب العقار و ناسين السعر الي حدده لهم ودقوا يسالون
تكلمت أم محمد بحكمه \ يا يمه أبوك صح غائب عقله و لا يدري وش يسوي لكن ورآه وحده داهية ما راح تحط رقمنا عند مكتب العقار بتحط رقمها هي عشان تبيعه من غير حنا ما ندري بشي اذكري الله و إن شاء الله انه واحد غلطان زي ما قال
هند\ و الله مدري يا جده ما امن هالانسانة ابد
أم محمد\ قولي يأرب و خليها عليه أهم شي إخوانك لا يدرون تعرفين نواف و فهد ما بقى على اختباراتهم شي و قومي يمه هوني على قلب أمك تراها ما ارتاحت من أمس
هند\ إن شاء الله جدتي ....

*****************

الأربعاء
مطار الملك فهد بالشرقية

الساعة إل 1:00فجرا

يوسف\ يالله سعود خلصت لك الأوراق كلها بعد نص ساعة بتطير الطيارة
سعود\ تسلم والله اجل خلاص ارجع الخبر يمديك تنام كم ساعة قبل الدوام الله يهديك لو انك مخليني أجي بتاكسي كان يمديك مرتاح بفراشك الحين أو على الأقل جاي بسيارتي و موقفها بالمواقف
يوسف\ خل عنك بس وش أخليك تجي بتاكسي وأنا فيه قسم بالله لو تعيدها لزعل منك بعدين تحط سيارتك بالمواقف وش أنت فلوسك زايده تظمن إنها تبقى سليمة ثلاث أيام خلها بمواقف العمارة والجمعة أجي أخذك والسبت بنفسي اوديك المحطة الي بتحركون منها وهي خلها تنتظر العروسة خخخخ
سعود\ هههههههه يسمع منك ربنا
يوسف\ أي والله الله يزوجك و تفكني
سعود\ وأنت معي يأرب
يوسف و عيونه على صالة المغادرين للخارج\ بدري على العرس أنا حلمي ذيك البوابة تشوفها هناك
سعود\ تبي الشهادة ؟
يوسف و بعيون حالمه\ إيه أبي ارجع بدكتوراه في الهندسة أبي اثبت للكل من هو يوسف أبي أقول لعبد العزيز و احمد شوفوني نجحت و ما قصرت على إخواني الي اصغر مني مثلكم شوفوني رغم كل المشاكل سرت دكتور بشهادة من الخارج
ربت سعود على كتفه\ بأذن الله بيجي ذا اليوم و أنا بنفسي استقبلك
يوسف\ لا إن شاء الله أنت معي و خل ولد أختك الجداوي ذاك يستقبلنا
سعود\ ههههه فارس أيه والله ذا الولد من دخل الجامعة قلب هرجه جداوي أول ما كان كذا أنت عارف حلمي كمان أكمل دراستي لكن أم سعود من يقنعها ؟
يوسف\ تقنعها العروس طال عمرك تأخذها معك
سعود\ والعروس من وين نجيبها ؟
يوسف\ من بيت أبوها
سعود\ وينه بيت أبوها ؟
يوسف\ جمب بيت جدها
سعود\ ههههه الله يرجك بس اسمع نداء الركوب و أنت تهذر يالله نشوفك على خير
مد له يوسف يده يصافحه وسعود ما قصر سحبه لحظنه و تعانقوا \ وأنت بخير عاد طمني عنك
سعود\ إن شاء الله .....

,,,,,,,,,,,,,,,,,,,,

جدة
الساعة إل 04:00 فجرا

تتقلب في فراشها من ساعة ما هي قادرة تنام البيت كبير عليها ما فيه غير الشغالة و الي أكيد تكون نايمه الحين أخذت شيلتها و طلعت من الغرفة ومشت بصالة من جمب الدرج الدور الثاني بالنسبة لها شي مهجور من غير قرة عينها سعود بحكم كبر سنها معاد تقوى تطلع الدرج و جلسة بغرفه بالدور الأول هي و الشغالة بجمبها و صار الدور الثاني كله لسعود على أمل انه يتزوج و يسكن فيه وقت إجازاته جلست على كنبه مقابله للباب الرئيسي ثواني و سمعت صوت المفتاح النور كان خافت بالصالة و أم سعود نظرها على قدها كان كل خوفها الي جاء تكون أم عزام متمشكلة مع زوجها و مطلقها حطت يدها على قلبها و هي تشم ريحة عطره صارت تميزها من بعيد \ سعود
التفت لوراه هذا هو الصوت الي مشتاق له لكن وش صحاها الحين معقول يكون فارس خبرها اني بجي الحين لمحها جالسة بظلمة يأرب تكون بخير فتح النور بطريقه و رمى بكل جسمه على رجولها و جلس يبوس يدينها و يشم ريحتها \ إيه سعود يالغالية
أم سعود\ الحمد لله على السلامة يا يمه ما قلت لي انك جاي الحين
سعود\ عشان ما تقلقين و تهوجسين لو تأخرت عليك إلا أنتي وش الي مصحيك هالوقت ؟
أم سعود\ ابد يمه بس ما جاني نوم و الحمد لله يوم اني شفتك إلا أنت من وصلك ؟
كان واقف و ماسك الشنطة بأول الصالة\ سواقكم من غيروه ؟
أم سعود\ ههههه هلا يمه تعال اجلس
فارس\ فين اجلس هدا البزر الدلوع جاء و أخد مكاني ؟
سعود\ البزر هذا خالك يالي تستحي على وجهك
أم سعود\ تعال يمه مكانك محفوظ أنت الغالي تعال جمبي هنا
فارس وهو يحط الشنطة على الكنبة \ الله يخليك جدتي بس ورأي محاضرة الساعة تسعه ولسى ما نمت و كله من ولدك هداا
سعود\ لا قول يا ستي أحسن ترى لهجتك يبي لها تعديل من الصفر
فارس\ و هي على راسك يالله أشوفكم على خير
أم سعود\ تلاقي خير يمه إلا قول لامك إن أخوها جاء و تتصل على خالتك تقولها كمان
فارس\ طيب أقول لها بعد ما ارجع من الجامعة عشان ما تبلشني أجيبها من الصبح أنا مدري ليش يحبوا ولدك كل هادا الحب ؟
سعود\ تغاريا دب ؟
أم سعود\ يا يمه هو أخوهن الوحيد مالهن بعد الله سند غيره الله يخليه لهن و يحميه يأرب
فارس\ و تزوجوه و تفكوني هادي أخر سنه لي و كل ما قلت لامي اخطبي لي قالت ولد خل نزوج خالك أول و بعدين أنت
سعود\ هههههه اجل بأجل زواجي ثلاث سنين كمان
أم سعود\ الله لا يقوله إن شاء الله ما يخلص الشهر إلا وأنا خاطبه لك
سعود\ والله شكلك محصله لي عروس ؟
فارس\ ههههههااااي و عروس يحبها قلبك على ما سمعت من أخواتي إن خالتي أم عزام مختاراتها لك
سعود و هو يكتم ضحكته عشان أمه ما تنتبه\ و النعم والله أم عزام اختيارها ما يتعوض
أم سعود و هي فاهمه غمزاتهم\ الله يهديكم تتطنزون على بنتي هين كان ما قلت لها عليكم
فارس\ وي ايش تقولي لها أروح جامعتي ابرك سلام
أم سعود\ و عليكم السلام فارس يمه لا تسرع و صل الفجر قبل تنام
فارس\ ابشري
بعد ما طلع فارس تمدد سعود على الكنبة توه يحس بالتعب بجسمه خاطره ينام يوم كامل لكنه مشتاق لامه و بخاطرة يسولف معها لليوم الثاني قلب ألام دائما يحس بعياله قبل يتكلمون و كيف بأم سعود ألام الي كانت ألام و الأب و الصديق لولدها \ قوم يمه ارتاح بغرفتك أكيد انك ما نمت من أمس ؟
سعود\ أي والله يا يمه اني مواصل لكني بقوم أصلي الفجر و أبي ارجع من المسجد احصل فطور مشتهيه من يدين أم سعود الي اعرفها ما أبي الشغالة تحط يدها فيه
أم سعود\ بس كذا ابشر يا يمه ما تجي من المسجد إلا كل الي نفسك فيه جاهز كم سعود عندي أنا ؟
سعود\ واحد بس فكيه من بنتك و الي تبي تبلاني بهن .....

********************




 
 

 

عرض البوم صور بياض الصبح   رد مع اقتباس
قديم 02-12-10, 09:02 PM   المشاركة رقم: 9
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 





الجزء الثامن



الأربعاء
جده
الساعة الـ 09:30 صباحا

دخلت هند لغرفة العلاج الوظيفي ( هالغرفة بيعلموا فيها المرضى كيف يعتمدوا على أنفسهم بالإعمال اليومية الي المفروض يقوموا فيها بأنفسهم مثلا في الأكل كيف يمسكوا الملعقة و الشوكة و كيف يعتمدوا على أنفسهم بخلع الملابس و فتح الازارير و كذاا .......) و بيدها مخدة كانت بتحطها خلف ظهر نوره تسندها فيها ( نوره البنت الي قلنا عمرها 25 سنه ) \ كذا تمام مرتاحة ؟
هزت نوره رأسها بمعنى إيه ( للمعلومية نسبه كبيرة من الأشخاص الي يتعرضوا للجلطات يفقدوا القدرة على النطق أو يصير الكلام ثقيل عليهم و فيه تاتاها مع الوقت يرجع للبعض النطق شويه شويه و البعض يفقدوه بالمرة حسب قوة و سرعة مرور التجلط عليهم و يترتب عليه كمان قدراتهم الحركية بعد الجلطة )
هند\ تمام يالله نبداء هذي الملعقة أول شي نتعلم نمسكها باليد اليمين يالله نوره أنتي تقدري تحركي يدك امسكيها أشوف قولي بسم الله ايوا تمام عليك
أم نوره والي تعودت هند تشوفها مع بنتها كل يوم \ الحمد لله يابنتي ايواه أنتي تقدري لكن حاولي اكتر من مره تدربي لازم ترجعي زي أول
هند\ إن شاء الله يا خالة بترجع زي أول و أحسن سمعتي يا نوره لازم تحاولي أكثر من مره ألان أبي منك تنزليها على الطاولة و ترجعي تأخذيها عشر مرات تعدي يالله ابدي أشوف واحد .. اثنين .. ثلاث .. قطع على هند صوت أم عبد الله تدور عليها \ هلا يا خالة أنا هنا
أم عبد الله\ المدير يبيك يا بنتي
هند\ خير يأرب وش عنده ألان ؟
أم عبد الله\ و الله مدري يا بنتي قالي خليها تجي دحين
هند\ زين مشكورة خالتي الحين أروح له شوفي نوره لما تخلصي عشرة ابدي خذي الملعقة من الصحن هذا لفمك كأنك تشربي شوربة عشر مرات كمان أنا ألان رايحه و راجعة ما اتاخر عليك زين
طلعت هند و أخذت عبايتها معها لبستها و نزلت تشوف المدير وش يبي منها على الصبح وصلت مكتبة وما حصلت السكرتيرة بمكتبها كانت مستعجلة ورآها حالتين لسى ما بدت فيها غير نوره الي تنتظرها سمعت صوته من ورى الباب يتكلم دقت الباب و جاهاء رده سريع و كأنه معصب من شي فتحت الباب وشافته يكلم بالتلفون دخلت وهالمره خلت الباب مفتوح و وقفت بجهة قريبه للباب المدير لما شافها سكر السماعة على عجل و ابتسم لها \ آهلين يا هند تفضلي لهون
هند\ مشكور أستاذ لكن مستعجلة خير طلبتني في شي ؟
المدير\ حلوه هاي استاز ليكي أنا اسمي نزار من هلا بتقولي نزار إيه طلبت ورآك من شان أسالك شو مرتاحة في العمل عنا ؟
هند\ إيه الحمد لله ماشي الحال
نزار\ حدا مضايقك عم بتحسي انه الشغل كتير عليك ؟
هند ببالها وش هالحنيه\ لا كله تمام مرتاحة
نزار كان شخص خبيث و عيونه زايغه على أي بنت سوى تشتغل عنده أو حتى بالشارع و قدام هند كأنه حصل ضالته و بداء يرمي شباكه فتح الدرج و طلع منه ورقة و قلم وقام من مكتبة و اتجه لهند \ إيه منيح بفهم انك مرتاحة عنا شو رأيك توقعي العقد من هلا نحن كمان مرتاحين لشغلك ؟
لأول مرة تشوفه هند واقف قدامها و تفصله عنها أمتار بسيطة كان نزار يقلصها مع كل كلمة يقولها شكله و وزنه المتجمع في البطن كان مقزز بالنسبة لهند لدرجة إنها حست بالغثيان منه و من قربه منها\ لا التوقيع صعب ألان
قرب نزار أكثر\ وليه ما تخافي لو عندك شروط بوافق لك عليها
رجعت بخطواتها لورى واجتمعت قواها \ راح أوقعه بعد شهرين مثل ما قلت أنا توي لي ثلاث أيام ما قررت اذا راح استمر أو لا
نزار و الي كان مركز على عيون هند\ أنتي ما عم تتعبي من العدسات كل يوم ؟
هنا وبس !! يطالعني بعيون ذئب جايع من أول ما وصلت و أنا الي قلت كبير بالسن له احترام و تقدير لكنه واحد واطي و أنا مستحيل استمر على هالوضع عفتي و كرامتي عندي بدنيا طالعته هند بنظرات احتقار من فوق لتحت \ لا و عن إذنك عندي شغل ....

جسمها صار كله يرتعش و أنفاسها سريعة من الغضب بحياتها هند ما تعرضت لموقف مثل كذا واحد قد أبوها يتحرش فيها و يستغل و حدتها و قسوة الزمن عليها كانت طالعه مع الدرج بدون ما تنبه للي قدامها كل الي حسته خبطه بكتفها خلتها تنتبه و ترجع لورى و هي تحس إنها بتطيح لكن يدين رؤى كانت أسرع و مسكتها \ الي أخد عقلك يتهنا فيه
تنهدت هند\ أسفه ما انتبهت أذيتك ؟
رؤى\ لا ايش فيك أحسك ما أنتي على بعضك ؟
هند\ لا أبدا بس سرحت شوي
رؤى\ كنتي عند المدير ؟
هند\ إيه
رؤى وهي تمد يدها و تلمس خد هند الي كان لونه احمر\ بنت عمل فيكي حاجة أتكلم عليك كلام وسخ ؟
هند\ كنتي تعرفي انه واحد حقير ؟
رؤى بتردد\ ايواه لكن أنتي ما لك إلا تلات أيام هنا لحق عليك من بدري ما قصر الحقير الله ياخده
هند\ ليش يسوي كذا و هو واحد قد أبوي ؟
رؤى\ الله يعز ابوكي عنه هدا واحد حقير ما خلى بنت إلا أتحرش فيها عارفة انه متزوج من وحده سعودية مطلع باسمها مركز غير هدا و فلوسه في جيبته غير البنات الي طلعوا من هنا و يقولوا انه الي أتزوجها بالسر و الي أتزوجها مسيار و غيره ربك يستر
هند\ استغفر الله يعني عايشين ببلدنا و مخلين شبابنا بلا وظائف و كمان عيونهم زائغة علينا
رؤى\ شفتي كيف وربي لو لا الحاجة كان تركت العمل هنا لكن وش بيدي مضطرة اصبر
هند\ الله يعينك لكن أنا ما أظن اقدر أبقى هنا على هذا الوضع
رؤى\ ايش بتتركي العمل ؟
هند وهي تهز رأسها \ مدري والله مدري أنا بديت أخاف منه
رؤى\ شوفي الأفضل ليك و اعمليه أهم شي راحتك
هند\ أكيد
رؤى\ يالله عن إذنك بروح اخلص الأوراق دي بقدم على إجازة
هند\ تفضلي و رقمي عندك راح نتواصل عليه
رؤى\ أكيد
كملت هند طريقها لفوق و هي تمسح دمعة قهر طلعت منها يترى لو كنت يبه معي لما قابلته كان قدر يتطاول علي كذا ؟ .....

**************

جده
الساعة الـ 06:00 مساء

صحي من نومه بعد ما نام 12 ساعة تقريبا حس بعدها انه نشيط و أهم شي مرتاح لأنه بجده و جمب أهله و ناسه قام من فراشه و دخل الحمام ( أكرمكم الله ) توضاء و صلى صلاته الي فاتته الظهر و العصر و لبس ملابسه و نزل يبي يشبع من سواليف أمه قبل يرجع أيامه هنا معدودة و الوقت الي أخذه بالنوم كان طويل الأصوات بالصالة كانت مزعجه ما بين صريخ أطفال و بكاءهم وصوت أخواته منسجمين في سوالفهم حس انه يفتقد لذا الجو الأسري بالشرقية هدوء الشقة قاتل بالنسبة له لكن هنا كل شي غير ابتسم و دخل الصالة \ السلام عليكم
قامت أم فارس و سلمت على سعود و تحمدت له بسلامه و أم عزام الي بادلته الابتسامة و سلمت عليه سعود و هو يسلم عليها تذكر أمر الخطيبة الجديدة فضحك و بادله فارس الضحكة \ خير وش الي يضحك أنت و ياه ليكون فيه شي ما هو عاجبكم ؟
فارس\ لا خالتي سلامتك والله انك زي القمر بس أتذكرنا منظر شوفناه اليوم الفجر بالمطار
أم عزام\ وش هو المنظر ذا ؟
سعود\ خليك الحين من المنظر و قولوا لي شخباركم ؟
أم فارس\ الحمد لله نحن بخير أنت قلنا شخبارك؟ و كيف دوامك ؟
سعود\ الحمد لله أموري كلها زينه أهم شي عندي اني شفت الغالية و شفتكم و تطمئنة عليكم
أم سعود\ الله يطمئن قلبك يا ولدي
أم عزام\ إلا غريب ما عندك دوام اليوم ؟
سعود\ لا والله ما عندي طالع السبت عمل و أعطوني اليوم إجازة
أم فارس\ و كم يوم عملك لا يكون بس في مكان ما فيه إرسال جوال زي أخر مره ؟
سعود بباله الله يهديك ما لقيتي تسالين إلا ذا السؤال قدام أمي \ لا ذيك المرة كان في البحر ما فيه جوالات الحين بالربع الخالي احتمال في إرسال أو جوال الثريا أنا أدق عليكم اطمنكم و لا يهمك
أم فارس\ إيه الحمد لله
أم عزام\ مدري وش حادك على كذا لو انك داخل قسم غير و متوظف هنا بجدة أحسن لك
سعود\ عاد هذا حلم ست الكل تبيني مهندس و الحمد لله يوم اني رفعت رأسها
أم سعود\ الحمد لله يمه
أم عزام\ أظن أمي عندها حلم لك غير انك تصير مهندس و إلا مو كذا يمه ؟
أم سعود\ والله يا يمه ما ناقصني إلا أزوجه و أشوف عياله بس
أم عزام\ و العروس جاهزة
سعود\ على البركة خاطبين لي من ورأي كمان ؟
أم عزام\ لا ما خطبنا ننتظر رأيك عشان ما نتفشل مع الناس
أم فارس\ و ليش نتفشل نقول لهم ولدنا معاد يبي بنتكم وين المشكلة ؟
أم عزام\ كيف نروح لناس نخطب بعدين نقول والله خلاص و لدنا معاد يبي بنتكم لعبة هي
أم سعود\ و انتن هذا حالكن ما تفتحن موضوع إلا تهاوشتن عليه هذا أخوكن قدامكن اسألنه لو يبغى البنت بكرة أروح أخطبها له
سعود\ بنت من هي ؟
أم عزام\ بنت خلف الـ.... جيراننا من زمان ونعرف أهلها ناس طيبين و ما عليهم كلام البنت تخرجت ذي السنة و جالسة بالبيت و سمعت أنها ماتبي تشتغل
سعود\ إيه اعرف أبوها و أخوانها من زمان ما عليهم كلام و الله
أم سعود\ اجل على بركة الله بكرة دقي يمه على أهلها و قولي لهم إنا بنزورهم
سعود\ الله يهديك يمه أنا بس قلت ما عليهم كلام لسى ما وافقت اصبري أفكر و أرد لكم خبر
أم عزام\ و متى بترد لنا بكرة أنت راجع وإلا يمكن بترسل علينا جمل من الصحراء تقولنا فيه
اللهم جيبك يا طولت الروح قالها سعود وهو يقوم من مكانه\ أقول قوم يا أبو الفوارس خل نلحق على صلاة المغرب اسمعها قامت
فارس\ إيه والله و بعدها بلفك كم لفه على جده شوف الحياة قبل تندفن في الرملة هناك
سعود\ إيه والله يالله مشينا واحشتني شوارع جده
أم سعود\ يا يمه لا تتأخرون عشاكم عندي الليلة

بعد ما تأكدت إن أخوها و ولدها طلعوا\ الله يهديك قالك أفكر وارد ليش تسمعينه ذا الكلام هذا هو زعل
أم سعود\ هذي أم عزام ما ترتاح لين تزعل الناس منها و تقول كلام ماله داعي خلني أقوم أصلي قبل ترفعن ضغطي
تركتهم أم سعود و راحت تصلي هالبنتين لا يمكن يكبرن من يوم هم صغار ما يتفقن على شي مع بعض .....

***********

جده
الساعة الـ 09:00 مساء

من رجعت من دوامها و هي بغرفتها ما طلعت و لا حتى أكلت شي قالت لامها إنها تعبانه و تبي تنام لكن من وين يجيها النوم اليوم حلمها وأملها أنقتل قدامها حتى الأماني الي أهدتها لجدتها بالفرش الجديد و إلا لمنوله بالعاب الجديدة الي تتمناها ماتت قدامها هند قررت ما ترجع لشغل مهما كان اذا سلمت من ذا الشخص مرة ماراح تسلم مرات خافت تضعف و تضيع نفسها وأهلها قدام نزوات واحد مثل ذا الإنسان السافل دفنت رأسها بالمخدة و صاحت الم و قهر و وحده تعيشها محتاجه سند بالدنيا اليوم بس حست بمعنى وجود رجل بحياتهم يحميهم و يسندهم اليوم عرفت إن قوتها لها حدود قدام المجتمع الخارجي حست بحاجتها للأب للأخ لكن و ينهم و ين الدنيا عنهم ....

هاهي عقارب الساعة تدور وكذلك الحياة تدور لكن دون توقف
تمر الأيام وتنقضي أيام ونحن في ذهول وصمت من موقف الزمان لنا
ماذا نقول ؟ أنقول إنها تريد منا كسب ثمارها!؟


كيف؟؟؟؟
وكل يوم ٍعن يوم تزداد الحياة قسوة وألم فكلما يحين وقت نومي ارسم أملاً للغد
وعندما استيقظ يكون التفاؤل قد اكتمل رسمه لكن ..

أرى الألم هوا الذي يملئ صفحتي
و يا لها من صدمه قوية تهز كياني وتخدش بقايا أحلامي .

أين أنا من هذه الحياة وأي جزء ألقى به أملي..






 
 

 

عرض البوم صور بياض الصبح   رد مع اقتباس
قديم 02-12-10, 09:04 PM   المشاركة رقم: 10
المعلومات
الكاتب:
اللقب:
ملكة جمال ليلاس وملكة سحر الخواطر



البيانات
التسجيل: Aug 2010
العضوية: 183892
المشاركات: 11,135
الجنس أنثى
معدل التقييم: بياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالقبياض الصبح عضو متالق
نقاط التقييم: 2930

االدولة
البلدKuwait
 
مدونتي

 

الإتصالات
الحالة:
بياض الصبح غير متواجد حالياً
وسائل الإتصال:

كاتب الموضوع : بياض الصبح المنتدى : القصص المكتمله
افتراضي

 




الجزء التاسع



الجمعة
الساعة الـ 02:30 مساء

لحظة الوداع لابد منها مثل ما استقبلته قبل يومين راح تودعه بعد دقائق بدموع شوقها له هالمرة ما راح تشوفه إلا بعد أسبوعين و احتمال ما تسمع صوته أسبوع كامل مسحت أم سعود دمعتها بطرف شيلتها و هي تشوف فارس داخل البيت عشان يأخذ سعود للمطار\ وي ياجده ايش الي يصيحك دحين ؟
أم سعود\ هالحين أنت متى بتكلم زينا و زي اهلك جايب لي لهجة ما اعرف من وين حتى ما تنفهم تقلب لي بالحروف
فارس\ أنا فاهم شعورك من تشوفي وجهي قلتي هدا جاي ياخد ولدي و عصبتي لكن لا تخاصميني لان ولدك هو الي دق عليه و قالي تعال دحين إلا هو وينه ؟
أم سعود\ فوق يجيب شنطته و بينزل
فارس\ و المسلسل خلص وإلا لسى ؟
سعود و الي كان نازل و سمع فارس\ لا لسى هو أنا اقدر ما أخليك تشوفه من أوله ؟
أم سعود\ بسم الله عليكم أي مسلسل الي تشوفونه الحين ؟
سعود\ ههههههه قصده مسلسل الوداع يمه
أم سعود\ قوم من وجهي أنت و هو الحين أنا من الصبح ما جفت لعيني دمعه ادعيلكم وانتم جالسين تتطنزون
فارس\ هههههههه طيب ولدك مسافر و تدعيله بسلامه هدي فهمناها أنا ليش تدعيلي وربك خايف انك تدعين عليه ما هو تدعي ليه
أم سعود\ لا يا يمه أنا من لي غيرك بعد سعود من شايلني و شايل البيت في غياب خالك أنت ما أنت ولد بنتي و بس أنت ولدي الثاني
فارس وهو شاق بالابتسامة\ الله يخليك لي يا الغالية أنتي كمان عارفه انك أمي التانيه و عايش عندك اكتر من أمي
سعود\ إيه الطيارة بتروح علي و أنت قالبها غزل في أمي امش خذ الشنطة و اسبقني السيارة
لف سعود على أمه واخذ يدها يبوسها و باسها على رأسها \ يالله يا الغالية ادعيلي و أرضاك عني و أهم شي صحتك انتبهي لها و خذي حبوبك على وقتها
أم سعود\ إنشاء الله يمه و قلبي راضي عنك وين ما رحت لكن طمني عنك لأرحت الصحراء يمه قلبي ما يقدر ما يسمع صوتك أسبوع كامل
سعود\ إن شاء الله يمه و لا يهمك لك الي يطمنك حتى لو ما قدرت أدق اخلي يوسف يطمنك عني
أم سعود\ إلا هالولد شخباره ما سولفت لي عنه
سعود\ بخير ما عليه أمس الليل مكلمه و بيستقبلي في المطار بعد شوي يلا يمه الحين فارس تلاقينه عصب طولت عليه أشوفك على خير
أم سعود\ و أنت بخير يا قلب أمك اتصل علي أول ما توصل
سعود \ أكيد يمه
أم سعود و هي تمشي مع سعود للباب\ إلا يمه ما رديت لي خبر نروح نخطب لك من عند الناس وإلا لا ؟
سعود وهو مستعجل لبس نظارته الشمسية وطالع\ الي تشوفينه يمه اذا البنت عاجبتك توكلي على الله
أم سعود\ و النعم بالله الله يفرح قلبك يا يمه زي ما فرحتني...


***********

جده
الساعة الـ 04:00 مساء

سحبت نفس قوي اوووف أخيرا خلصت صاير متعب الكوي و أحس بألم في ظهري منه خل اخذ ملابس جدتي و أرتبها لها الحين أحسن .. نزلت هند لغرفة جدتها و دخلتها و على بالها أنها بالصالة \ جدتي أنتي هنا اسمحيلي ما دقيت الباب أحسبك في الصالة
أم محمد\ تعالي يمه ما عليك حطي الثياب عندك و تعالي هنا جمبي أبيك
هند\ لبيه جدتي بغيتي شي ؟
أم محمد\ كيفك الحين يا يمه عسى ما عاد تحسين بتعب ؟
هند\ لا الحمد لله بخير
أم محمد\ وش الي جاك أنتي يمه طلعتي من عندنا بوجه و رجعتي بوجه ثاني ؟
هند\ مدري جدتي يمكن من الشغل و الشمس يوم الأربعاء كانت حاره
أم محمد\ بس ؟
هند\ إيه بس جدتي ما فيه شي
أم محمد\ وليش صبح الخميس عيونك و خشمك كانت حمر و كأنك صايحه طول الليل ؟
هند\ لا ما صحت أنا وليش أصيح
أم محمد\ قول لي يمه حد مضايقك تخبين عن جدتك ؟
يا ربي هما راح يعرفون اليوم وإلا بكرة بيعرفون لكن وش أقول لهم هند\ جدتي بصراحة أنا معاد برجع للمركز
أم محمد\ و ليش يمه ؟
هند\ أنتي علمتيني إن الشي الي نبغاه اذا كان فيه ذل لنا نتركه حتى لو كنا محتاجينة صح ؟
أم محمد\ صح يمه
هند\ و أنا ما ارتحت فيه ولا لمديرة
أم محمد\ تعرض لك بشي يمه ؟
هند\ لا لا يا جدتي أنا تربيتك محد يقدر يغلط علي لكني ما قدرت ارتاح قلت اترك الشغل من أوله
أم محمد\ أهم شي راحتك يا يمه الله يعوضك با أحسن منه
هند\ أمين يأرب يالله عاد أعطيني يدك و تعالي معي الصالة نجلس هناك
أم محمد\ يالله يمه .....

****************

الخبر
الساعة الـ 05:30 مساء

بمواقف المطار منظر مضحك للمارة يوسف كان مغطي عيون سعود بيد و بالثانية ماسك يده و يمشيه معه و سعود متعجب تصرفه عليه حركات طفوليه هالانسان\ يا أخي ضحكت علينا الناس وش عندك ؟
يوسف\ خلاص وصلنا فتح عيونك
فتح سعود عيونه و طلعوا علي و سيف في وجهه من ورى السيارة \ سبرايز
سعود\ بسم الله مستخفين انتم
علي\ هههههه لا نحاول الحمد لله على السلامة
سعود و هو يمد يده و يصافحهم\ الله يسلمكم ايش هذي الحركات جايين المطار و متعبين أنفسكم
سيف\ هذي مخططات خويك
يوسف\ يستأهل سعودي
سعود\ من هذا سعودي ؟
يوسف\ ههههههه أنت من غيرك يا عريسنا
سيف\ يا أخي كان انتظرت لين أعرس و بعدين خطبة لازم تحرق الجو علي يعني و أصير المعرس القديم
سعود\ الله يهديكم وش معرس أنا توي جايكم و أهلي ما خطبوا لسى بس كلام مدري البنت توافق و إلا لا
يوسف\ و هي وين بتحصل أحسن منك إلا بتوافق و غصب عنها بعد
سعود\ و أنت مرة محد يقولك شي إلا وزعته و أشهرته بتصرف تقول رويترز
علي\ افى بس يعني حنا غرب عنك يا سعود ؟
سعود\ لا والله انتم من العين و الرأس لكن أنا مدري وش راي الناس ولا حتى متى أهلي بيرحون يكلمونهم و يمكن البنت تكون مخطوبة يعني لسى بس كلام بينا الناس ما يدرون
سيف\ الله يقدم لك الي فيه الخير و اذا أنها من نصيبك ربي يبارك لك
يوسف\ المهم إن فيه خطبة و أنا متأكد إن اهلك بيكلمونهم اليوم يا أخي افهم يبون الفكه من موضوع عرسك هذا
سعود عرف انه ماله فكه منهم\ زين ماراح تأخذوني الشقة وإلا عاجبتكم الوقفة في ذا الغبار
علي\ أحلى يا الي جاينا من باريس بتفهمني إن جده ما فيها غبار الحين
سعود\ لا والله يومين ولا شفته أصلا جده حتى لو يجي فيها غبار ما يجي زي هنا شي بسيط و بس لكن هنا أعوذ بالله تتنفس تراب
يوسف\ امش بس اطلع و احلم بالنقل بتعيش طول عمرك أنت و عيالك هنا
سعود\ الله كريم سجلت طلب نقل لفرع ينبع قبل سنه يمكن ربك يشملني بفضله
سيف\ يا الخاين و بتتركنا ؟
يوسف\ لا و حتى أنا ما يقولي إلا الحين اطلع بس و بعدين نتفاهم على ذا الموضوع لا تخرب علينا الجو الي مسوينه
علي\ اطلع مع سيف ورى العرسان و العزاب قدام
يوسف\ هههههه أحلى كفك يا العزابي
سعود\ أي جو لا تكونون قالبين الشقة بالونات و هدايا
سيف\ و من قال لك أنا بنروح الشقة حنا عازمينك الليلة برى
سعود\ و الله ماله داعي تكلفون على أنفسكم
يوسف\ اسمع هذا يا أخي أسبوع ما راح نشوفك خلنا الليلة نفلها معك
سعود\ أنت ناسي إن ورأي قومه من الفجر
يوسف\ ههههههههه لا تخاف بنرجعك بدري حنا كمان خايفين على مستقبلك الوظيفي و الأسري ما راح نشرد بنت الناس معك من أولها
علي\ هههههههه الله يرجك والله اني خايف إن المدام ما تصبر عليك يا سعود لكن مهد لها الموضوع من بدري
سعود\ ههههههههههههه أكيد لازم تعرف هذا الشي أول حاجه لمستقبلها
سيف\ ههههههه الله يعينها
كملوا الشباب طريقهم للمطعم الي كانوا حاجزينه للعشاء وداع مؤقت لجلسة سعود و سوالفه أسبوع كامل.......


على الساعة 09:30 رجع سعود مع يوسف الشقة بعد عشاء و سوالف مع شباب ما راح تنسي بسهولة دخل و شاف الصالة مقلوبة فوق تحت جرايد فكل مكان و أكياس و علب بيبسي على الطاولة و الكنب حتى على الأرض \ أوف قالب الشقة زبالة أنت ؟
يوسف\ ههههه لا ما عليك هالحين أرتبها لك
سعود\ أكيد بترتبها أصلا أنا بدخل أنام
يوسف\ خذ راحتك
مشى سعود لغرفته لكنه انتبه لوجود شي غريب بين الجرايد غلاف هدايا و أشرطة و ورد مجفف اخذ الغلاف بيده و لف ليوسف\ وش ذا ؟
يوسف وهو يبتسم لذكرى\ غلاف هدية وش يعني أول مرة تشوفه ؟
سعود\ لمن ؟
يوسف ببلاهة\ للحارس وش قالوا لك لي طبعا
سعود بحده\ و من مين ؟
يوسف\ ساره ؟
قرب سعود من يوسف و حط وجهه بوجهه\ جبتها هنا ؟
يوسف\ وش تقول أنت مجنون مستحيل اخذ بنت لشقة أنت عارف حدي معهن لفة بسيارة و إلا جلسة بمكان عام قدام الناس و عمري ما تعديت شي غير كذا
سعود\ يعني أخيرا شفتها لست الحسن و الدلال ؟
يوسف\ لا ما شفتها
سعود\ و الهدية كيف و صلتها لك ؟
يوسف\ حطيت لها هدية بمحل الهدايا الي بفينيسيا مول شفته و حطت لي هي كمان و رحت أخذتها لا شفتها و لا شفتني ارتحت
سعود\ اهاا يعني تأكدت أنها من الخبر الحين ؟
يوسف\ يس
سعود\ و بتستمر معها كذا على ذا الحال ؟
يوسف\ مدري يا سعود أنا مرتاح معها والله لكن هي مدري وش ورآها من أسلوبها و كلامها معي أنها بنت ناس و ما هي حقت طلعات و سهرات و متأكد اني أول واحد بحياتها
سعود\ وش الي يخليك متأكد ؟
يوسف\ لا يغرك البنت الي ما عمرها كلمت تنعرف ترى خويك صار خبره فذا الحركات
سعود\ إيه زين يا الخبير انتبه بس لا تخونك خبرتك ذي المرة خلني أروح أحط راسي ابرك لي
يوسف\ متى بتصحى أنت ؟
سعود\ ستة و نص لازم أكون عند المحطة الي على طريق الإحساء قبل اللفة
يوسف\ زين يعني على خمس و ربع نمشي يمديك تنام .......


***************





 
 

 

عرض البوم صور بياض الصبح   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أرواح تسكن مشارق الشمس لا تحجبها سحائب اليأس ...كاملة, رواية روووووووعه للكاتبة .. شمس روى غيم
facebook



جديد مواضيع قسم القصص المكتمله
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 04:51 PM.


مجلة الاميرات 

 



Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية