المنتدى :
قهوة ليلاس
يامال الصلاح ......... موضوع خونفشارى ........ قاموس العرب
كنا زمان نفتح القاموس ونفضل ندور ندور على الكلمات الفصحى اللى مدوخانا
زى بيت الشعر اللى فيه كلمات الهيكزوب والعيكزوب والفشحاط
لكن دلوقتى جه عصر النت وبقى البحث سهل جداااااااااااااااااااااااااا
لكن للأسف مش فى كل الاحوال بيبقى سهل
رغم سهولة اللهجة السعودية بالنسبة ليا لان معظم الاخوة والاخوات من السعودية الا انى وقفت لا حول لى ولا قوة امام اللهجة التونسية بمفرداتها
والله مش قصدى اهانة ....... العفو يا اهل العرب
لكن فعلا فى كلمات كتير فى اللهجة العامية لكل دولة بتبقى صعبة جدا
انا مرة لاقيت عضوة قالت ( يامال الصلاح ) وكانت العضوة دى هى ( اقدار ) يومها جالى فضول رهيب اعرف معناها ولحد دلوقتى معرفش
ايه رأيكم لو نسجل حضورنا بكلمات صعبة فى اللهجة العامية لكل واحد ونشرحها قد ما نقدر
والله ياجماعة هنقرب لبعض اكتر
بل الاحلى ان حد يقول فاهم ايه من جملة مش فى لهجته
انا كمان حفظت يعنى ايه ( خونفشارية ) من ( شوشو ) حسبما اتذكر يعنى
ومعناها خراااااااااااااااافية
ياريت الاقى تفاعل ونتعرف على لهجات بعض اكتر هتبقى حاجة مسلية فعلا
احلى سلام وتحية على عيون الجميع
|