اول حايه احب اقول


انيه وااااااااايد واااااااايد فقدت رد ام العزم حبيبتيه اهم حايه ان يكون مانعج خيير

ووووبعد فقدت رد المتفأله

وبسبه تأخيري يوم كامل عنكم قررت انزل 3 اجزاء بس دمجتهم ببارتين فقط لانيه مابا اكثر عدد البارتات
فا راح ينزلن بارتين طوووال وان شاء الله ينالو رضاكن


....................................

الجــــ 48 ـــــزء
.............................


راشد: عسااااااني اننننقع بسسس لايسسسير له
سلطان: خلاص يوم نوصل تفاهم وياه

فريت ويهي عنه لصوب الثاني وانا اتحسب هالحيوان .... يعنييي المضارب مانفع وياااه ... هين!!
وصلنا البيت وكان ابويه بالاستقبال سلمت عليه وحبيت راسه وقبل لايرمس استأذنت منه اني اسير اتسبح
لان احس جسمي خااااااااس وووكل جسمي يحجني وووغير جيه ويهي يلوع الجبد
سرت لجناحي وفصخت الملابس ووعقيتهم بالزباله لالالانيه خلالاص كرهتهم
دخلت الحمام ونقعت عمريه بماااي يصلخ الببببدن ووصابون
طلعت وانا احس ان التنقع ماسدني بس مستعيل ابا اسسير له الحينه

(مايخصك)

هاي كانت كلمته يوم احتشرت عليه
طالعته وانا مشدوه: مايخصنيه!!!!!!!!
كتف ادينه لصدره ورد بدون مايطالعنيه: هيه مايخصك ترانيه مب فااايج لحركاتك هاااي
........خلالالاص الموضوع بيني وبينه ومايخصك فيه
سرت صوبه وشياطين الدنيا يالسه تنقز جبالي: تسسسير له وتقولي مااايخصك مااايكفي الي سوى بك تتحسبني ماعرفـ ـ ـ
رفع راسه بسرعه يودني من قميصي وهو مفوول: مااابا اسمع هالرمسه على السانك سسسسسسمعت
خزت ايده عني: اسمع اننننت..... هالحيوان هاااااي خللله علييي اناااا ....وووانت الي مااايخصصصك
سيف: انت تصرفت بطريقتك وووانعقيت بالسجن
راشد: لو انعق مليوون مررررره بسسس هالجللللب لالالالالاتسيير لـــــه حراااام عليك ياااسيف والله حرام
سيف: لاتدخل ولا اسير له
طالعته: سيف لاتذل نفسك اكثر عن جيه يكفيييي الي ياك خلاص
زم ضروسه: لو ما تهورك ماكان ذليت نفسيه
راشد: بتهووووور ووبتهووور هالحيوان هاااااي ماينفع وياه غير جيييه
يودني من كتفي وهو يروغني ويزاعج عليي: برررررع يوم انك ماتسسسمع غير نفسك بررررع
يات خالتي تربع صوبنا: شو بلاكم ياعيالي شوو مستوووي حسكم مالي البقعه
سيف وهو يناهي: مااااابااااا اشووووف وييييهه وووهاي انت تسسسمع لالالاتييني ولا ابا اشوووفك
خزيته بعيني: انتبه ....هاي ثاني مره تروووغنيه ياااسيف

قلتها له ومشيت نازل لتحت .... كل هموم الدنيا احسها كابسه على صدريه
شوووو اسوووي اذا هالجللللب مستغل سيف وووهاي الثاني يسير له ببببعد
آآآه يافؤاااديه ...
طلعت من الصاله وانا احاول اسحب اكسجين .... يكفي الخنننقه الي اختنقتها
وووبعدين ووين هالبقره هاي ... الحينه ماتعرف اني طالع من السجن
مب المفترض تيي تشوفنيه يوم تسمع حسيه
ولا هاي بعد الثانيه ماتبا تشوفني
فريت ويهي بسرعه يوم سمعت حس خيولها الموجوده ورى البيت....
سرت بهدووووء لورى وانا احاول اني ماخليها تنتبه لوجودي
..... كل شي خاز عنيييه يوم طالعت شعرها الكستنائي المبطل... وخدودها المورده ... وابتسامتها الهاديه
كل هايلا خازو عني اعصابي التالفه بسبه سيف ووويع ريلي
ابتسمت لا أرادي على منظرها الهادي وهي تمسح على شعر الخيل بنعومه

( آآحم آآآحم)
قلتها وانا اقرب صوبها
فرت ويها لي بسرعه بنظرات مشدوهه!!.... اختفت ابتسامتها بلحظات.....
راشد: ماشي الحمدلله على السلامه؟
الريم: فرت ويها الصوب الثاني وهي زامه على شفايفها

افااااااااا !!!.... يعني البنت زعلانه منيه
للحظات تذكرت رسايلها الي بالايام الي طافن
( دخييييلك رد عليي لو بكلمه وحده)

( راشد والله زايغه عليك طمنيه)

( حرااااام والله بيستوي بي شي ان مارديت)

( رااااشد دخيلك انا)

قربت اكثر وانا احط ايديه حذال ايدها الي تمسح على راس الخيل

همست: زعلانه شو؟
الريم: مازالت فاره ويها عنيه
بنفس النبره: طالعيني ريوووم........ طالعينيه........... بطالعينيه لو انا افر ويهج

فرت ويها لي ... وشهقت يوم طالعته مليان دموع!!!
لهادرجه كانت زايغه علي؟!!!
... مديت ايدي لشيلتها رفعتها ومسحت بها دموعها....

راشد: خلاص ريومه والله ماكان بيدي انتي ماتدري عن شي
الريم: رفعت راسها لي تناظرني بتسائل
راشد: عبدالله الجلب سوى الي كنا خايفين منه .. ويومين وانا ادور عليه لين ماشفته ... عيني ماضاقت النوم الا يوم طخيته بالمسدس
وبالنهايه شو يالريم؟؟؟ ... بالنهايه سيف يروغنيه ويقول ليه مايخصك .... يتحسبني بخليه روحه يتصرف ...
الريم: طالعتني ورفعت ايدها ونزلتها بحركه اصبر
ابتسمت لها: بصبر بس انتي يالبقره خلج ويايه وودري عنج هالزعل
الريم: ابتسمت بخجل وهي تحج راسها
راشد: اخليج غناااااااااتيه وووجب ولا كلمه هيه غناااتيه بسير ارققققد يوم كامل ولا بسدنيه بعد ....ووويوم اقولج دخلي الشات دخلي اوكي؟
الريم: هزت راسها بهيه

سرت عنها وانا كل شوي اتلفت اطالعها.... ولهت عليها تعرفو شقايل يعني ووووله؟؟؟؟

.........................

............................

دخلت الجناح وانا ادورها .... وين سارت؟؟
مابا اناديها عن تتحسبني ميت عليها
دخلت الغرفه بس هم ماشي حد
يلست على الكنب بأمل انها تيي من المطبخ ولا من الغرفه الثانيه بس اهم حايه انها تطلع لي
.... تمددت بيلستي وانا اطلع فونها من مخباتي بعد ماستوى اهم حتى من فوني...

(رساله جديده )

عدلت يلستي بسرعه يوم طالعت هالجمله مرسومه على شاشه فونها

( هلالالالالا عفييير يالحمااااااااااره يالي خذت اخووويه وونستني
بييي باااجر وووبسحبج من شعرج )

شو بيبها هاي؟... مب على اساس بقى سبوعين على شهر عسلهم؟؟
رفعت راسي يوم سمعت حس باب الحمام ينفتح ....
طلعت وهي تلف روب السباحه على جسمها.... رفعت شعرها المخرس ماي عن ويها وهي تطالعني

( حيالله من يانا )

قالتها من طرف خشمها وهي تدلع بمشيتها سايره للمرايه...

سلطان: محد يتحيى ببيته
عفرا: تعشيت اووووه اقصد فطرت؟؟ بعد الحينه الساعه 2 يعني يتسمى فطور
ميلت شفايفي: هيه تسحرت وانتي الصادقه
ردت علي وهي تمشط شعرها الطويل: عوااااااااااافي ( وبهمس كملت) حــــــبيبي
سحبت نفسس عن لالالا انش واذبحها: شمه تقول لج بتي باجر وتسحبج من ششعرج لانج ماتردي عليها

وختمت جملتي بأبتسامه انتصار!!.... خصوصا اني هاليومين ادبس المواضيع فيها
ردتنا من شهر العسل اون بسبتها
وووفونها ماترد عليه لانها ماتبا ترد
وووو.....الخ

رفعت خشمها وضحكت بدلع: هههههه عادي بقول لها سلطان خذاااااه ماايباااا حد يرمسنيه من بعد رمسته
فدييييييييتك يوم تغار علي
اختفت ابتسامتي وورديت عليها وانا زام على ضروسي: بتعدلي رمستج لا اقوم ادوسج
فرت ويها عني وهي تلعب بشعرها: انا هاي رمستي من زمااااااااااااااان
سلطان: ماطلعتي اليوم؟
ردت وهي ترفع شعرها: طلعت
خزيتها بسرعه: ووووين ووومتىىى ووشقااااايل ماخبرتينيييييه؟؟؟؟؟؟؟؟؟؟؟؟؟؟؟؟
حطت ايدها عقلبها: واااااااااي حبه حبه ... وووين بيت هليه.... ومتى المغرب.... وشقايل ماخبرتك ماعندي فوون عسب اخبرك
نشيت ووسرت صوبها وانا زام عضروسي: يييوووم ماعندج فوووون ولا ترومي تخبريني ييلسي والتعني بببلبيت وبلالالا طلللعه تسمعيييي
ردت بدلع وهي تتمسكن : سرت اطمن على سييييف وزغت لان ماشي حد هنااا
سلطان: حتى لووووو ابووووووووج ماشي سيره مفهووووم
ردت وهي تعطيني ظهرها سايره لغرفه الملابس: مفهوم
سرت صوبها وسحبتها من ايدها: يوم ارمسج لالالالاتعطيني ظهرج
طالعت بأيدي الي ميوده ايدها ... وبهدوء قالت: طيب خوز ايدك وبيستوي الي تبا
زميت على ايدها اكثر: قولي حاضر اول
طالعتني بعينها المليانه دموع من الويع: حـ ـ حـاضر

سحبت ايدي عنها وانا اطالع عيونها.... كنت انتظر نظره التحدي الي تتحداني بها كل مره...
بس يمكن الوضع هالمره مختلف.... دمعه... دمعتين... ثلاث ... لين مانهارت بجي
كسرت التكابر الكاسيني... ومديت ايدي اسحبها لحظني وامسح بأيدي على راسها
... للحظات طويله بقينا على هالوقفه... مشاعري المتظاربه تعبتني ...وصوت شهقيقها لعوزني
ماكنت ابا افكها بين كل دقيقه ودقيقه اضمها اكثر.... لو مابعدت نفسها عنيه لكان دخلت بداخلي

سلطان: انتي مايخلصو دموعج؟
ردت وعينها المحمره بالأرض: شي مره حد خلصو دموعه؟
رفعت شعرها عن يبينها: هيه ناس وايد
رفعت راسها وطالعتنيه بعيني: سلطان
طالعت عينها انا الثاني: نعم
عفرا: أنا أحبــــك

كل شي من حولي توقف ... انفاسي..... نظراتي.... يمكن حتى الساعه!!...
كم مره كنت انتظر هالكلمه تيني منها بدون ماطلبها!...
والحينه بعد الي سويته لها وتقول ليه انا احبك؟! جيه ومن نفسها........

مديت ايدي وحملتها....
عفرا: لالالالالا نزلنيه
طفيت النور بذراعي: مابا

خذيتها لشبريه وانا اسمع حسها الي ينخفظ تدرجيا بأسمي
( سلـ ـ طاا.....)

...................................

..................................

ييت برقد بس رسالته خلتنيه افز من مكانيه وافتح الشااات

فديييييييته وووااااالله

( ان كنتي يالسه دخلي الشات فديتج)

حتى لو انيه بسااابع نووومه بيييلس .... اغليييه واحبه وووكل المشاعر الحلوه مخصوصه له
بهاليومين حالتي ماكان يعلم بها غير الله ..... فقدته ... فقدت شي كبييير وغاااااالي
حسيت نفسسيه ضاااايعه بدونه .... ولأول مره احس ان
راشد روووحي ... وروووحي هي راشد

غرشوب: مرحباااااااااا
هدوء: مراحب
غرشوب: راقده وزعجتج؟
هدوء: لالا كنت شوي وبرقد بس وين الي بقول بنام يوم كامل
غرشوب: ههههههه مصدقه شو؟
هدوء: لا بس انت مب تعبان؟
غرشوب: هيه تعبان
هدوء: شو بلاك؟؟؟؟؟ شو يعورك
غرشوب: فدييت الزايغين علي انا
هدوء: راشد عاده عن المصاخه وخبرنيه عن حالك صدق تعبان لو شو
غرشوب: بخير لاتخافي بس ولهااااااااااااااان وايد وايد وايد عليج
هدوء: ويعه كم مره اقولك لاتقول ليه رمسات شرات جيه
غرشوب: ولهان علييييج ووواشتقت لج
هدوء: رااااااااااشد
غرشوب: وولهت على مطالعج وووولهت على عيونج الحلوه
هدوء: رووووووويشد
غرشوب: احببببببج ريموووه والله احبببببج
هدوء: بتكسسسسسست لو اطلع؟؟؟؟
غرشوب: ههههههههههه تعالي خلالالاص بسكت
هدوء: بذبحك ترانيه يالصايع
... ماشي رد..
هدوء: الوووووووووو طلعت؟؟؟؟
غرشوب: لأ
هدوء: عيل شقايل ساكت
غرشوب: لحوووول انتي قلتي بتسكت لو اطلع
هدوء: ههههههههه اشك انك مصخن
غرشوب: مصخن في هواج
هدوء: لحووووول ردينا
غرشوب: ههههه مب منيه من الي فيني
هدوء: شو بلاك؟ شو مستوي؟
غرشوب: على كل هاي وشو مستوي؟؟؟
هدوء: خبرنيه شو كان وضعك بالسجن؟؟؟ زغت عليك وااااايد
غرشوب: الله لايعود ذيج الايام... خسسسست ياريوووم والله تخيلي كلا حشراااات تلعوووزت وايد
وووكل يووم اتكافخ بسبه هالحيونات الي ويايه
هدوء: صدق؟؟؟
غرشوب: هيه اتمسى بطراق واتصبح برفسه ملالالاعين والله
هدوء: اهم شي انك طلعت بس لاتعيدها دخيييلك
غرشوب: لاتستوي لي انتي شرااات الحمار سسسسسيف قااااهرنييييه والله
هدوء: حرام عليك انت ماشفته جيف كان شكله وهو طالع عسب هالحيوان عبدالله
كان زايغ عليك واااااااايد ووومفووول حده
غرشوب: عارف ان كل رمسته لان خايف علي منه بسسس والله احس نفسيه تنكسر يوم يروغنيه ولا يوم يزاعج عليي
تخيلي بس المسه يتروع ويبعد بسرعه
هدوء: الي استوى له مب شوي
غرشوب: انا مخطط على اشيا وااايد ووواولها انيه اطمن على سيف ووبعدين عنديه ششغل ويا ها الجلب عبيد الدرام بس خل الجو يفضى ليه
هدوء: الله يقويك ويكون بعونك بس شو بتسوي؟
غرشوب: سيف لازم يروح لدكتور نفسي
هدوء: شووووو!!؟؟؟؟
غرشوب: هيه مب عيب
هدوء: مااابطيع
غرشوب: بطييييع وبتشووفي لانيه مابقولها له مباشر وومع الايام بقولج ان صدق سار
هدوء: ان شاء الله يسير
غرشوب: مافيها ششي ان سار دكتور نفسي صح ولا انا غلطان يالريم؟
هدوء: صح

سكت وانا عارفه شو مقصده من هالجمله (صح ولا اانا غلطان) .....
طول هالايام وانا زاااايغه لايفاتحنيه بموضوع الدكتور النفسي شراتهم...

غرشوب: الووووووووو
هدوء: موجوده
غرشوب: ريومه لاتسكتي ولهت على رمستج
هدوء: ان شاء الله
غرشوب: شحالج بعد؟
هدوء: الا تعال صح بخبرك
غرشوب: شو؟
هدوء: اممممم سيف خبرك ان شاف شذى؟
غرشوب: اه يالحمار يواعد من وراي
هدوء: ههههههههه هييي يالصايع لالالا مب جيه شاافها يوم يات عرس عفير
غرشوب: هههههههه شو سوى؟
هدوء: تقول رويض يييلس يضحك ووووحالته لله يقووول فلبينوووو وماشي شي عربي فيها غير خشمها
غرشوب: جيف يعني فلبينو؟!!!!!!
هدوء: شو يعرفني بس شاف عيونها حليلهن دوائر شرااات الانمي والله وقال فلبينو
غرشوب: ماعليكن منه سيف وانا اعرفه اذا عيبه الشي ذمه
هدوء: صصصدق؟؟؟
غرشوب: هيه يعني اذا يوم مثلا شاف عفرا وعليها ذاك المخوور ييلس يتمسخر وهو بالاصل عاااايبه
هدوء: ههههههههههههه تدري شو
غرشوب: شو؟؟؟
هدوء: افكر جيه اطيحهم ببعض
غرشوب: استغفر الله
هدوء : ابا اعرف شقايل مستوي اليوم طفس؟ انا ابا ايوووزهم
غرشوب: هههههههههه المهم انج تطيحيهم ببعض عسب سوااف ينسى عمره بالحب خخخخخخخ
هدوء: اووونه
غرشوب: يعني هاي شذى زينه وخلوقه وجيه يعني؟
هدوء: هيه لشو تسئل؟
غرشوب: بس عسب اذا ماخذها سيف انا اخذها
هدوء: اها .....الله يوفقك
غرشوب: هههههههههههه ياحليلج ياريوووم .... انااا ان ماخذيتج ماااباخذ حد لووو ايبوون ليه ملكه جمال الهند
هدوء: ماشاء الله طموووح حدك ملكه جمال الهند
غرشوب: طالع هاي تستهيني بالجمال الهندي؟؟؟؟
هدوء: عيل سير للهنديات
غرشوب: افاااااا اعرفج غيوره وجيه والحينه غيرانه علي
هدوء: واثق
غرشوب: ههههههههه يحق ليييه
هدوء: اخبرك انا بنش ارقد اخليك ووانت بعد سير ارقد
غرشوب: لا انا بيلس يمكن شذى تدخل
هدوء: افففففففف خلاص باي
غرشوب: هههههههههه ياحليلج بسرعه تتغايضي خلاص نشي وانا بعد بنش ارقد يالله مع السلامه

.................................................

الجــــــ 49 ــــــــــــزء

...........................................

( بااااااااااااباااااااااا ياااااااااااااااروووحي يا انت)

قلتها وانا الويه على ابووويه الغالي..

ابويه وهو يلمني لحضنه: هلا فديييييدتج يامرحبااااااا بروووح ابووووج صباحج صباح الخير
ابتسمت وانا ابوسه عخده: فديييييييييت روحك فديييييييت عمرك ياكثر ماولهت على ريحتك
مسح على شعري: ههههههه وانا بعد ولهت عليج
سهيل: طيب خوزي خلينا نسلم حشىى صمغ امريكي
حست بوزي وانا اخوز عن ابويه: لو سمحت انا اشجع الصناعه الوطنيه يعني صمغ اماراتي
حب راسه: هلا عميه شحالك الغالي
ابويه: الحمدلله عسلامه.. عساكم بخير ان اشاء الله؟
سهيل: الله يسلمك يالغالي ....بخير جعل ايامك كلها خير
ابويه وهو يغرص خديه: عسى بس هالشيطانه هاي مالعوزتك
سهيل: هههههههه من ناحيه لعوزتني ... اووووه لعوزتني وااااااايد
شمه: ابووويه طالعه
ابويه: هههههههههه انتي حتى تلعوزج حلوو ماعليج منه
شمه: فديتك.... طيب ابويه وين عفير؟؟؟؟

( راااااااااقده)

فريت ويهي بسرعه لمصدر الصوت الي طر اذني: يمااااااايه خرعتنيه يالدب
سلطان: هههههههههه محد دب غيرج يالله قربي سلمي على عمج يالماتستحي
توايهت وياه: فديييتك انت الثاني ولهت علييييييييييك وايد وايد انت وعفير الحماااااااااااره
كفخني عراسي: حرمتيه هب حماره
شمه: وووين رشووود فديته الثاني ناقصنا
ابويه: تحصليه راقد هو الثاني
سلطان وهو يسلم على سهيل: خله يابويه يكفيه الي ياه
طالعتهم: شووو ؟؟؟؟ لاتقووولو تنوم بالمستشفى؟!!!
سلطان وهو ييلس: قولي تنووم بالسجن
سهيل: شووو!!!!!!!!!
سلطان: شو انت ماسرت بيتكم وخبروك؟
سهيل: هيه سرت سلمت على امايه وابويه ويييت ...وسيفوه ماشفته لاتقووول هو الثانيه بعد طالع من السجن
ابويه: السالفه ومافيها اخوك سيف كان متضارب ويا حد من الشباب ... ويوم رد سيف وشافه راشد على حاله سااار اون ينتقم ولعب بالولد لعب ومب بس جيه بعد طخه برصاصه بكتفه
سهيل: حشى!!!! راشد يسوي جيه!!؟؟؟
سلطان: بس يستاهل لان حالة سيف اخوك اببببد ماتسر
سهيل: تعوور؟؟؟؟
سلطان: نفسيا اكثر من جسديا
سهيل: وانا اقول شقايل ماسمعت له حس هناك
شمه: غمضنيه والله..... وانت يالبووومه ماعندك غير اخبار سيئه؟
خزني: اشوف تيوزتي وطال الساااان
لزقت بسهيل: يمايه طالع نظراته ترعب
سلطان: بيي اسلخ بدنج
شمه: عنز شو تسلخنيه....... اخووويه اروم اسير لعفوور انششها؟
سلطان: ضربي عليها الباب اول
ابتسمت بخبث: وان ماضربته
تمدد براحه في يلسته: بتــنـــضربي
شمه: ههههههههه اونك

نشيت عنهم سايره لجناح سلطان.... دخلت الصاله ولانوار كلها مسكره... شو هاي مايعرفو شي اسمه ليتات
كملت طريجي لغرفه النوم... ضربته خخخخخ عن لا انضرب .... بس ماشي حس
يلست اضرب زوود ووابد ماشي حس
حشى عفير من متى استوى نومها ثجيل جيه!!!!!

شمه: عفييييييييييييير انا يييييييييييييييت

يلست اضرررب اكثر عسب تسمعنيه

( لـ لــــحظه)

ياني صوتها الثجييل من الرقاد... وتوقفت عن الضرب ... دقايق وطلعت لي وهي تنشف ويها عن الماي

شهقت: فدييييييييييتج متى يييييييييييتيييييي
لويت عليها: ياحماره يادبه ياكل شي خايس بالحياه شقااااااايل ماترفعي فونج ولا تردي على مكالماتي ياشينه يا..
عفرا: حشى بس بس كليتي فواديه .. بعد شو اسوي لاخوج
ابتسمت وانا اناظرها بخبث: خبرينيه شو سويتي؟
خزيتها: شو بعد هاي شو سويت يالله ذلفي عن ويهي
حست بوزي: مالت على هالويه وانا يايه متعنيه عسب خاطرج
عفرا: ههههههههه فديتج والله خلاص سيري وانا بنزل تحت يووم اتلبس
شمه: اوكيييييي

طلعت عنها عسب انزل لتحت بس استوقفنيه صوت فتح باب جناح رشود
طلع من الباب ببجامته الحمرا وكالعااااده كل معاقمه مركبه غلط الي تحت مركبه فوق ولي فوق مركبه تحت

راشد: حاااااااااااه اختااااااااااااااااااااه انتي متى يتييييييي
سرت صوبه وانا اشهق شراته: حاااااااااه توووو واصله
لوى عليه: فدييييت روحج اختااااااه
شقيت حلجي وانا اعدل معاقمه: اونك جيه اخويه ولهان عليه
حط ايده عقلبه ويلس يغني: انتي لروحي اكوسجيني ان ماوصلني صوتك امد مخلوووق من ماي وطيني هلا هلا هلا
شمه: هههههههه هاي وانا الي اقول بشوف حالتك متأزمه من السجن
راشد: حشى مدى يخبروج ... والله الي شفته يا اختاه يخلينيه استخف مب بس جيه
شمه: هههه يالله طهور ان شاء الله
كفخني عراسي وهو ينزل ويايه: شو مريض وانا مادري
شمه: ويعه انا عروس لاتضربنيه
طالعنيه بنص عين وبأبتسامه خبث: اختيه خبرينيه حلو العرس؟
شمه: هيه حلو
شق حلجه: تنصحينيه؟
شمه: هههههههههههه هيه عرس
راشد: خلاص عيل من باجر اخطبي لي الريم
شمه: ههههههههههههه طالع الخايس ماعنده شويه مستحى
راشد: هيه ترانيه صريح
شمه: خلاص اليوم اخطبها لك
نقز: لالا شو يالخبله ترانيه امزح وياج يووم اباج تخطبيها لي بخبرج
شمه: عيل بشلها حد غيرك
خزنيه: والللللله ان خذاها حد غيري للللذبحه
شمه: خلاص وابويه لاينط لك عرق

دخلنا الصاله وتيمعنا كلنا بس عفير نقصتنا سارت عنا تسوي فطور لريلها الدلوع اون مايبا فطور بشاكير
وبعدها سارت ترقد من يديد!!!!
........................

.................................

( على الساعه 12 الظهر بتكون طيارتك لجده وويوم توصل هناك بكون الدريول يترياك بياخذك لسكن ووبيهزك لسيره لمكه للعمره يعني لاتحاتي شي
هاي اولا اما ثانيا يوم تخلص العمره بيومين بشلك الدريول من الفندق عسب ياخذك لجده من يديد
بتقول شقايل اسير جده ... هناك بكون ينتظرك الدكتور صالح هاي قمه بالروووعه شي مره زرته انا )

مكه!!؟؟؟ وجده؟!! ودكتور صالح؟؟؟

فريت ويهي له: انت شو يخصك ؟
يلس حذالي بحماس وهو يكمل رمسته: انت قلت ليه ما ادخل بعبدالله هاي انا مابدخل به ...بس ما اعتقد ممنوع ادخل بك
طللللبتك ياسيييف هاااي هديه من عندي تزووور بيت الله مب انت دايم تقول بخاطرك تسير للكعبه؟؟؟
سيف: ومنو هاي صالح؟
شق حلجه: قلت لك دكتور
ميلت شفايفي: دكتور مخابيل صح؟
اختفت ابتسامته: شو مخاابيل انت الثاني هاي دكتور نفساني عاااادي يعني بس تسير تفضفض له الي بقلبك وتطلع ولا كأن مستوي شي
سيف: شايفنيه مريض نفسي؟؟؟
عدل يلسته وهو يطالعني: انا قلت جيه؟؟؟.... انت تعبان نفسيا فقققط مب مريض يعني عصبيتك هاي ووحبستك بالغرفه
اقوولك انا شي مره سرت له كانت نفسيتي تعبانه وسرت افضفض له
سيف: مكه على عيني وراسي بس جده كنسلها عن خسايرك
راشد: براحتك انا ما أجبرك بس تأكد ان ثاني يوم بتحصل الدريول ينتظرك عند باب الفندق عسب يشلك لجده ... انت طالع نفسك بهاليومين ان رمت ترووح خير وبركه وان مارمت الله كريم يمكن ترتاح يوم تيلس ببيت الله بعد هاي الكريم مابردك ان شاء الله

هاي رمسته لي يوم ياني بغرفتيه فجأه وياب ليه هالخبر المفاجأ.... كان حاس فينيه لاني صدق محتاي فتره اريح نفسي
انا صدق كنت متخوف بس جبرت نفسيه ....
فريت ويهي اطالع الدنيا من نافذه الطياره..... اول مره اركبها!!! ماتخوفت منها كثر ما انا متخوف من الي يالس حذالي
كل مايتحرك او يبا ياخذ شي اتروع وازيغ واحاول ابعد ....
طالعني بأستغراب: زعجتك؟
رفعت ايدي امسح عراسي: لا خذ راحتك

وصلنا لارض السعوديه وكان صدق بإنتظاري هالدرويل.... ساعدني بكل شي وخلصني من جميع الاجرائات
يوم توكلنا لمكه ووصلت هالارض الطاهره ياتني رجفه مب طبيعيه ..... احساس ماروم اوصفه
صدق ارض طاهره .. والطهاره الي فيها تشعرك بشعور ثاني
ارتعش جسمي كله بمجرد ان ريلي لامست رخام الحرم ...... ماعرف شو كان شعوري وقتها
بس شو بيكون شعور الواحد
يوم تحس انك انسان ضايع ومالك حد .... يوم يخونك ربيعك... يوم ينكسر كل شي فيك
وووتحصل باب الرحمه مفتوووح من الكريم شو بيكون ؟؟؟
غير ان دموعك تصب بلايا مستحى ..... الكل يستحي من البجي بس يوم الامر يتعلق بالله تنهدم كل هالحواجز ...
طفت حول الكعبه ... وسعيت بين الصفا والمروه .... المفترض احس بالتعب
بس العكس ماخلصت الا وانا احس بنشاط مالي جسمي

( الله أكبر الله أكبر)

اذان الفجر أُعلن ..... ووالكل اسوى صفه ... رفعت راسي لسما الي يالسه تمطر .....
وضعت بعالم مناجاتي الخاصه مع المحبوب... مع الرب سبحانه!!..

...........................

....................................

( عنديه لك مفاجأه يوم تخلص وتطلع من الحمام)

قالتها لي بويها المتورد وذيج الابتسامه ماليه شفايفها المحمره

فريت ويهي لها: شو؟
ردت بدلع: ماروم اخبرك ولا مابتطلع مفاجأه
ابتسمت : لو يطلع شي بايخ ما غير بصافقج
حطت ايدها عخدها: حشى وانت ماشبعت تصيفق
سلطان: هههههههههه لالا ايدي تعودت عخدج
ميلت شفايفها: هيه هاي نصيبهم ناس خدودهم تنباس وناس تصافق
قربت منها ويودت خدها بدفاشه ابوسها: وهاي بوسه
عفرا: هههههههه خلاص

فكيتها وسرت عنها اتسبح.... اممم شو ممكن تكون هالمفاجأه؟؟....
بتقول ليه ان الي استوى ويا حميد كله كان مزحه؟؟!!.... لا شو مزحه انت الثاني شو هالتفكير الطفولي
سرعت بسبوحتي عسب هالمفاجأه المرتقبه... وكعادتي طلعت بهدوء عسب ازيغها
وقفت بمكاني يوم حصلتها ميوده فونها ويالسه تكتب فيه
سرت صوبها بسرعه وسحبته من عندها وانا شياطين الدنيا يالسه تفرر براسيه
شهقت وبعدت عنيه بسرعه يوم شافتني واقف جبالها

( ولهت عليك وايد)

ولهانه!!!!!!..... وعليييييك؟؟؟؟؟؟؟؟؟؟ طووول هالفترررره كانت ولهانه عليه
هيه غبييي وسااااااذج يوووم اني صدقتها ..... مديت ايدي بسرعه اسحبها من شعرهاااا

سلطان: انتييييييييي شوووووو ماتتوووووبي؟؟؟؟؟؟؟؟؟؟
عفرا: والله كنت بخبرررك اول ماتطلع
شديت شعرها زود: جببببببببب لج عين ترمممسي يالجلبه
عفرا: دخييييييلك سلطان دخيييييييلك لاتضربنييييييه سوووو الي تبااااا بس لاتضررربنيه احبسنييييه شل عني كل شي بس لاتضرب
انـ ....

انقطع كلامها يوم ياتها رفستي ..... نشت بسرعه تربع لبرع الجناح وهي تحمي نفسها بأدينها
.... ربعت صوبها ويودتها على بدايه الدررري
يلست تضرب فيني بأي مكان توصل يدها: فجنيييييييييييه لاتضررررب
ابويه من بعيد وهو ياي صوبنا: فجهاااااا ياوووولد فجهاااا

ماكنت اسمع شي او بالاصح ماابااا اسمع شي ابا بس قلبيه يبرد من هالنار الي يالسه تحترق به
مديت ايدي الي كانت اقوى وخلتها يختل توازنها من ضربتيه وتطيح من فوق الدري
..... الغضب مس شيطاني.....
وهاي الي كان ...وجني كنت ممسوس وهالمس خاز عنيه يوم طاح الفاس بالراس
انطفى كل شي يوم طالعتها وهي طايحه على عتبه الدري العريضه ووترجع الدم من فمها
...ربعت بسرعه صوبها وانا اعدل يلستها....

سلطان: عفراااا تسعمينيه؟؟؟؟ عفراااا
ابويه يزاعج علي: شووووو سووويت بالبنت يالمخبببببل
رفعتها بسرعه وانا اربع بها فوق الدري: ابوويه السياااره سياااره دخيلك
راشد يا يربع صوبنا وهو داخل البيت: شو مستوي ؟؟؟؟؟؟؟
ابويه: سير شغل سيارتك من يديد

طفت ابويه وانا اربع ورى راشد لسياره........ طول الطريج وانا جدام بس روحي ورى
خااايف وزايغ عليييها مابا يستوي بها شي ..... مهما يكووون هاي تبقى عفرا!!
نزلناها رأسا على الطوارئ .... خذوها من عنديه وكنهم جلعو روحي وياها
يلست على الكرسي بتعب وانا حاط راسي بين اديني

راشد: شو طيحها؟
رفعت راسي له: راشد مب فايج لك الي فيني كافيني
يلس حذالي : صل على النبي ان شاء الله ماشي الا الخير

ماهي دقايق الا وابويه استوى جبالنا .... كنت انتظر حد يطلع يطمني عليها بس ماشي
طولوووو واااايد ولا اعرف شو السبب
شي وحده تدخل وتطلع الثانيه رايحين وياين هالشي الي خلاني اتوتر اكثر
دقايق ونادتنا الدكتوره ... ربعت بسرعه صوبها

الدكتوره: انت جوزها؟
سلطان: هيه شو استووى بها؟؟؟
الدكتوره : شو الي كان مستوي وياها؟ كل هاي بس طيحه دري؟؟!!
سلطان: هيه دكتوره طيحتها كانت رأسيه يعني ماعرف شو اقولج بس كانت بأول عتبه واستوت بأخرها مره وحده
الدكتوره: طيحتها جدا قويه وحاليا عندها نزيف ولزوم ننقلها للعنايه الوسطى عسب صحتها وصحه الجنين

الجنين!!!!!!!!!!!!!!!!!!

........................................


..................................

سلطان اخويه يسوي جيه!!!
وكله بسبه شووو بسبه الحيوان حميدووه!!....
توعدت سلطان في قلبيه يووم ردينا من المستشفى ووخبرتني الريم بموضوعهم
بس ان كان على حميد فهو يعرف بسالفه من بدايه الزواج شقايل الحين يكافخها من يديد!!
طوول طريجي وانا اتوووعده بتأنيب ضمييير قووي هين...

( جيه تسوي بالمره !! شو وين قلبك؟)

فر ويهه لي بسرعه: جببب تراني مب فااايج لججججج انتي الثانيه
يلست حذاله بهدوء: سلطان حرام والله الي سويته البنت ماسوت شي
خزنيه: البيوووت اسرار وانتي ماتدري عن شي فلذالك سكتي
رديت بتحدي: ادررري وواعرف ان كل هاااي بسبه حميييد
طالعني بسرعه: انتي تعررررفييييي سالفتها ويا حميييد؟؟؟؟
شمه: هيه من اول رساله رسلتها له
رد وانفاسه تزيد تدرجيا: وشقايل ماخبرتيني؟
شمه: لشو اخبرك؟؟؟؟ مراهقه
زم ضروسه: شميييييم لاتخليني اطلع حرتي فيييج رمسسي عدل
حطيت ريل على ريل: السالفه ومافيها البنت صصدق كانت تراسله بس رسايلها ابد ماتعدت فيها الحدود هاي اولا
ثانيا : كانت نزوووه وعدت ووواعترفت بغلطها وندمت وكذا مره غيرت رقم فونها
وثالثا يا اخي العزيز: ان عفرا من عرفتك او بالاصح من استوى اول احتكاك بينك وبينها نست اصل الي جااااب حميييد
سلطان: بس ياشمه الي سوته مب هين لوو هي طالعه من بيت فري ببلعها بس هي طالعه من بيت كللله ملتزمين ووصاكين عليها بعد
شمه: لانهم صاكين عليها وووغير جيه انا ماقول لك انها ماغلطت هي غلطت واعترفت بغلطها
ياسلطان مب كل من يغلط يعترف بغلطه ويندم
هي بس كانت تووووهم نفسها ان تحبه بس جيييه تبا تضيع ووقت
بس يوم تعطيها الورده تذكر؟؟؟؟؟ .... من ذاك اليوم وهي مافكرت تخونك بتفكيير بس
حط راسه بين ايدينه: مب رايم افكر
شمه: سلطان انا مابا استوي وقحه بس حتى انت كلمت ثنتين قبلها وووغير جيه كااانت تدري بهاالشي ولا عارضت
رفع راسه بسرعه: شووووووو هي تعرف بالي استوى....؟؟؟؟
شمه: ليش هي ماخبرتك انها تعرف؟
رد وهو مشدوه: لالالا
شمه: اكثر من 10 سنين انا وعفرااا وبس الحينه عرفت انها شكثر مخلصه
صصصدق الحينه اقول لك انت بضيع شي كبير من يدك
تعرف لو حد غيرها شو كان سوى؟؟ كان عقت علييك رمسااات ورمساااات انك كنت ترمس حد قبلها
وكان ردت عليك الصاع صاعين ... تدري انك من بعد مارمستها عن الخطوبه شافتك واقف حذال عذاري
ووويوم توعدتك حلفت علي اني مارمسك ولا اقول لك شي والحين تي تحاسبها على زله ووشو بعد زله هي ندمت عليها
سلطان: خلاص شمه يكفي التأنيب الي فيني
شمه: تستاهل لان الي سويته لها مب شوي
طالعني: انتي ماتعرفي شكثر احبها من جيه مارمت اتخيل انها كانت ترمس حد قبليه .. ويوم طلعت وشفتها تكتب الرساله كل شياطين الدنيا حلت براسيه
شمه: حرام عليك البنت كانت متولهه على اخوها
سلطان: اهم حايه خبرني شحالها الحينه؟ وشحال الي ببطنها
شمه: انت ماسرت لها بهاليومين؟
ميل شفايفه: ابوووج مانع اني ادخل عليها ويقول ان لا ابويه ولا اعرفه ان دخلت
شمه: انت مب حاب تفتح وياها صفحه يديده؟
سلطان: هي خلي السلطات العيا تفتح لنا المجال عسب افتح صفحه يديده
شمه: ههههههههه بس ما اقولك حدددددده فرحاااان يوم عرف ان بيستوي بابا جدووووو
ابتسم تلقائيا: عيل انا شو اقول
شمه: فرحان ؟؟.... خبرنيه شو شعورك
تعرضت ابتسامته وبانت ضروسه: وايد ..بتعرفي يوم بتستوي ام بس للاسف فرحتيه ماتمت بالي سويته
شمه: حليلها اونه كانت بتفاجئك
سلطان: الله يكون بالعون واروم عليها
شمه: ههههه لاتحاتي بتروووم عفوور بروحها عاطفيه شقااايل بعد يوم حملت
سلطان: ههههههه الحييييييينه فهمت
شمه: شو؟؟؟؟
رد وعيونه تلمع: تو ذاج اليوم كنت متناقر وياها وزودت الجرعه عليها ويلست تصيح ومره وحده جيه قالت ليه سلطان احبك
شمه: حرااااااااام ياحليلها والله غامضتني
سلطان: ماقال الدكتور متى تطلع؟
شمه: ان شاء الله بكره ولا الي بعده
سلطان: يالله ان شاء الله بس بكره واشوفها وايلس وياها وتنفك ازمتي

ابتسمت له وانا اكتم ضحكتيه ههههههه بلاه مايعرف شو مخطط عليه ابوويه
بس يستاهل!!

..........................

.........................
خبروووكم؟؟؟؟؟؟؟؟

بستوي عمممممم يانااااااااااااااااااس
اول ماسمعت الخبر ان عفرا حامل دخلت على خالوه ويلست ارقص حذالها من الفرحه
غير ان فرحتنا كانت شويه ناقصه لان البنت طايحه من فوق الدري
او بالاصح معقوقه خخخخخ
لان خالوه وريلها مايعرفو ان البنت كانت معقوقه والله لو يدرو يا ان يذبحوك ياخويه هع هع
تذكرت ان سيف غناتيه وحبيبي واخي ووووصديقي ووخال ولد اخويه محد خبر بهالخبر الجميل
يودت فوني واتصلت عليه

راشد: هلالالالالالا بالخااااااااال سيف
سيف: هلا
راشد: مابتسأل شقايل اقول لك خال؟
سكت لفتره ورد: لالالاتقول عفرا حامل
راشد: هههههههه هيه حااااااامل بستوي عم وبتستوي انت خال
سيف: ياحليلها ماوحت تتيوز الا حمل على طول
راشد: بسم الله من عينك لايطيح الي ببطنها والله اذببببحك
سيف: مب كيفك ترانيه خاله بعد

ماتعرفو شقد فرحتيه يووووم رمسنيه بروووح مرحه !!!..... صصصدق حسسسيت براحه مب طبيعيه

راشد: ها اخبارك شو مسوي اهم حايه دعيت لي
سيف: هيه دعيت لك وانا جدام الكعبه
راشد: تسسسلم ليييه يالغالي والله
سيف: راشد اروم اطلب منك طلب؟
راشد: انتتتتت تأأأأمر
سيف: بخاطريه اطول بمكه لاني احس اني ارتحت وايد
راشد: وللللك لو تباااا تسكن بها بعد عادي
ياني صوت ضحكته الي ماسمعتها من وقت: ههههه لا عاده هليه وبلاديه ماروم عليها
راشد: فديتك والله اشتقنا لك كلنا
سيف: شحالها عفور وشحال خالي البيبي؟
راشد: والله بخير كلهم يسلمو عليك
سيف: سلم لي عليهم
راشد: ان شاء الله يالله الغالي اخليك بحفظ الرحمن
سيف: بحفظ الرحيم

سكرت عنه وانا ابتسامتي ماتفارقني ... الحمدلله نفسيته عالي العال ووومن صوته واضح هالشي
فدييته والله

( هوووود هووود)

قلتها وانا ادخل بيت خالوه

ياني صوت خالتيه: هدا هدا الغالييي
دخلت وانا شاق حلجيه ووشقيته اكثر يوم حصلت ريوم وشمه يالسين حذال بعض: سلالالالالامن عليييييكن
الكل: وعليك السلام
يلست حذال خالوه وعطيتها بوسه شلعت خدها: فديييييييييتج يا احلى يده
شمه: هههههههه هي يده من زمان
راشد: اووووه نسيت
خالتيه: ههههه فديتك انت يا احلى عم
سويت نفسي يغمي عليي: دخيلكم ماياي اتخيل ياهل يقول ليه عمييييه اوووووويل قلبيه انا
خالتيه: هههههههههه ولهت عسوالفكم انت وسواف
سويت نفسي ابجي: دخيلج لاتيبي طاريه ووولا بينجلع قلبيه من مكانه حسااااس ومرهف انا
خالتيه : اونك
يلست اغني لها:
انا الشاجي انا الباكي انا الحساس
انا الي في المحبه خاضعن راسي
وانا الغير المحبه ماخضعت الراس
وكم في كم غيري بالهوى يقاسي
خالتيه: فديييييت حسسسك المبحوح يعيييبنيه
راشد: هههههه هاي اهداء
خالتيه: لمنووو الغالي
رديت وانا اغمز للي يالسه حذال شمه: لناس غراشيب مطيرين النوم من عينيه
خالتيه: تحب يالخايس؟
حست بوزي: حرام؟
خالتيه: لالالا بس مايبان عليك
شمه: ههههههههههههههههه شو تقولي مايبان عليه؟؟؟ رشووود مايبان عليه الحب!!! بلاج ماتدري عن شي يامايه
خالتيه: ماخبرتنيه منووو دوم اتحسبك تمزح
راشد: غزااااال ياخلووووووه غزااااال معذبنييييه احببببها والله
خالتيه: هاي امها داعيه لها يووم انها دخلت هالقلب الطيب
راشد: هيه والله داعيه لها بلاها ماتدري شكثر حبيه لها
خالتيه: ههههههه خبرنيه واخبرها
ضيعت الموضوع: البنوته الي بتيبها عفور ههههههههههه
خالتيه: ووويعه وهاي انا مصدقتك بعد
شمه: ماشاء الله واثق انهابنت
راشد: الي يسمع ابوووج غصب يوثق تقوووولي سوناااار ياخي بااااصم ان الي بيي بنت
خالتيه: ان شاء الله بنت عاده لو ولد اهم حايه تقوم لنا سالمه
راشد: ها ماتبيني اشلج لها
خالتيه: والله تسوي فيني خير بس اخاف اعابل عليك توو اليوم العصر خذيتنا لها
رديت عليها وانا شاق الحلج واطالع بريوم: افا ياخلوه تبعبكنننن راحه يالله نشن تلبسن مايستوي البنت حامل وتخلوها جيه تيلس روحها بتستوحش
شمه بأبتسامه خبث: ياحنووووووووون
ابتسمت ببراءه: طالعيها خالوه بدل ماتقول شكرا
قالت وهي تنش: بسكن مناقر يالله نشن تلبسن

نشو عسب يتلبسو اما الريم حطت ريل على ريل وهي تطالع بالتلفزون..... سرت صوبها وانا اطالع ان شي حد يشوفنا

وبهمس: حوووه هيه نشي تلبسي
الريم: طالعتني ببلاها ووعرفت انها تستعبط
ومن بين ضروسي: والله ان مانشيتي بسفل بج

ودلاله على جيه مديت ايدي عسب اسحبها... ونطت بسرعه من مكانها عن لا اتهور واسويها
صصصدق بنات مااا اييين الا بالعين الحمرااااء<< ياقوي