السلام عليكم و رحمة الله و بركاته

مساء الخير و النور و النوير

بارت رائع بروعه صاحبته تسلم الايادي يارب

على قد ما فرحني هالبارت على قد ما حزني

========================
(( مشاري و حسنا ))

حسنا طفح فيها الكيل من مشاري و صده و شكوكة لدرجة انها انهارت و افضحت نفسها بوجود الكل و اللي

قاعد يصير الله و أعلم انه هو بداية النهاية و الدليل أن مشاري أبد ما تحرك و حاول يمنعها انها تروح و كنه

راضي عن اللي قاعد يصير و هذا أن دل انه الرجل ما ينسى جرحه أبد بعكس المرآة اللي الكلمة الحلوة تنسيها

الدنيا و ما فيها اللي صار اثبت ان مشاري قلبه قاسي حيل و رضاه ما يجي بالساهل ابد لانه هو مقتنع بنفسه ان

طيف مشعل و الكرت هذا راح يبقون على طول قدام عينه مسببين المشاكل و التوتر بحياته مع حسنا فالفراق يمكن

أحسن لهم الاثنين من القريب البعيد ( يعني شوف و حر جوف )...أو انه مشاري له وجهة نظر انه يخلي

حسنا تروح و تبعد عنه عشان يعرف انه من غيرها ما يقدر يعيش أبد و بعد ما تولد بالسلامة يطلب منها ترجع تكون

النفوس هدت شوي و كل واحد فيهم تعلم تدرس ما ينساه ابد من اللي صار ...

=========================
(( جابر و ريتاج ))

و الله فرحت لهم حيل بالتطور اللي قاعد يصير بعلاقتهم مع بعض صح ما وصلوا علاقة الأزواج بس دايما بداية

الألف ميل خطوة ياحرام اثنينهم مساكين ما لقوا اللي يمسك ايديهم و يدليهم الطريق الصح يمكن جابر اخوانه و خاله

كانوا معاه بعكس ريتاج اللي ابد ما لقت احد و عمرها صغير ما شافت من الدنيا شيء فكان سهل على صديقات السوء

جرها معهم .و اللحين سبحان الله جمعهم مع بعض كل واحد يداوي الثاني و ياخذ بيده واتوقع جابر راح يلغي فكرة

الطلاق منها و خصوصا لما مبارك و مشعل قالوا له انهم مرتاحين من زواجه للبننت ...

==========================
(( وسمية و عبير ))

وسمية بعد ما تنتهي من الانهيار اللي صارلها راح تفكر بعقلها و تخلي القلب على صوب و خصوصا انها حابه

أنه اختها تشوف نصيبها و تعيش حياتها من جديد فراح تقنعها بالزواج من مشعل لانه اللي واضح انه عبير ما تبي

تخوض التجربة من جديد بس اللي صار لها مع نايف .بس بيصير كلام ثاني إذا عرفت عبير بحب وسمية لمشعل

اتوقع انه الرفض بيكون قاطع و لا وحدة راح تأخذة ...

==========================
(( مشعل ))

مدري عندي احساس انه مشاري بيطلق حسنا لان مثل ما قلت الوضع بينهم راح يبقى متأزم على طول بوجود مشعل

و مشعل راح يخطب حسنا و توافق عليه لانه لا عبير راضية تتزوج من جديد و لا وسمية راح ترضى تكون البديلة عن

اختها ...<< حاسة انج بتكفخيني باقرب شيء عندج على هالاحساس العجيب ^ـــ^

==========================
بانتظارج بكل شوق

استمري بهذا الإبداع و التألق دائما