ياهلا والله بغرنوقه اشتقنالك والله وانا صادقه الله ييسر امورك ويشرح صدرك ويفرج همك يارب ياكريم
يازينك ياغزنوقه ويازين هديتك وسبب الهديه والمهدى لهم شعب السعوديه
الله يتمم علينا فرحتنا ويديم ابونا عبدالله تاج على روسنا حبيب الشعب والله فرحتنا ماتوصف برجعته سالم ومتعافي جعلها سلامة دايمه وجعلك سالمه وعلى الطيب دايمه
نجي للبارت الرائع تسلم يدينك والله
مشاري وحسناء اللي ماعرف قيمتها الابعد ماطلعت من بيته وهو جالس مصدوم وماحس الا بعد مافات الفوت والحرمه قد شلت شلايلها وطلعت مع اخوها
الله يستر من لفاء مشاري وهادي وكويس ان حسناء قالت لهادي على كل القصه حتى يكون على بينه يوم يكلم الرجال وهذا يدل على قوة علاقة هادي بخواته عزالله انه سنافي ويعتمد عليه وان شاءالله انه بيحل المشكله هو حكيم وراكز بس مشاري يبيله قرصة اذن وهادي بيتكفل فيها عشان يعرف قيمة حسناء ومايفرط فيها مرة ثانيه
ام هادي والله حزنتني وقلبها اللي يتقطع على بناتها اللي كل مره جايتها وحده الله يصبر قلبها ويصلح حال بناتها قادر يا كريم
غلا اعجبني تصرفها ومشاعرها مع حسناء ومامالت مع اخوها رغم انها ماتدري وش المشكله اللي بينهم بس مانست العشره الطيبه اللي كانت بينهم مع حسناء
وبرضه هادي يوم طلب منها انهم مايدخلون نفسهم بمشكلة حسناء ومشاري وانه ماهو متكلم على اخوها قدامها ناس كثير ماتقدر تفرق فالمعامله لما تجي المشاكل يختلط الحابل بالنابل
وسميه ياحبيلها شخصيه تنحب وتدخل القلب على طول الله يعوضها بفهد ويعيشها الحب اللي تستاهله وكويس اللي انخطبت قبل ما مشعل يخطب عبير عشان تكون شالت مشعل من راسها وقلبها نهائيا قبل مايخطب اختها
اما هالاغنيه انا المسيكينه انا انا المظيليمه انا جايبتها من الارشيف ياااه ذكرتينا باللذي مضى يوم كنا صغار كنا دايم نغنيها طبعا لاتصدقون هذا الكلام تو قبل كم سنه بس انا توي صغيره هههههه الله من الكذب
اخيرا تسلم ايدينك والله على هيك هدايا من ايدين مانعدمها بانتظار القادم بشوق والله يعينا على هالقفله القويه