ثاني شيء

نصيحة و النصيحة بجمل و انا اقولها لكم بدون مقابل

لازم تحجون قبل ما تكبرون علشان اذا كبرتوا ما راح تحسون بطعم الحج زين
لان ببساطة بتكونون اعقل مما انتوا عليه الآن << فيس متفلسف << فيس ثاني اشتاق لكلمة فيس

و الحين تصبحون على الف خير

و ان شاء الله ابدا اكتب لكم يوميات الحج

طبعا اذا ما اخذ اخي جهازه

و اذا اخذه فالموعد ان شاء الله يوم الاربعاء لان بكون في بيتنا ان شاء الله و جهازي معي

يا مساء النور و السرور

الحمد لله وصلنا بيتنا بالسلامة الساعة 7:11 مساءاً

و يا الله انتظروا حجنا خخخخخ

ما قبل الحج

خلوني اعلمكم بكل شيء صار من وقت التصاريح الى اخر يوم في الحج

هذا سلمكم الله كنا مسجلين في اول حملة و عددنا خمس افراد و كان مندوب الحملة عندنا ولد عمي
و كان كل اللي معه هلنا و ربعنا يعني بنكون مع بعض و يوم ارسل الاسماء للشركة في جدة قالوا له احذف اخر اربعة انضموا
و كانوا الاربعة ذولا حضراتنا انا و امي و اختي و عمتي ( اخت ابي )
و ابي طلع له تصريح و حن لا
المهم قام يدور على حملات و لقينا ثنتين غير الاولى و كل حملة تزود اكثر في القيمة و ابي يوافق و بعدها يقولون لا
و اخر وحدة لقيناها قال لنا صاحب الحملة بسبع الاف للفرد قلنا تم قال بس تعالوا خذوها من عندي من مكة
يعني بالله لو نقدر ندخل مكة بحتاج لتصاريحك
التصريح بس للدخول لمكة

المهم كنت داخله نت و طفشانه لان الحج ما صار لاني كنت مرة متحمسة له
و ادخل موقع وزارة الحج
و ابحث عن الحملات اللي في جدة علشان حن بنسافر الى جدة و نروح الحملة من هناك

و كل ما اتصلنا بحملة يقول و الله سكرنا من نص الشهر ( ذي القعدة )

و انا تحطمت زود بس قلت خلاص الله يختار الخير و يوم وصلنا اخر حملة في القائمة
يوم اتصلنا قال ايوه عندنا اربع تصاريح قال ابي وين موقعكم من الحملة الفلانية قال له الرجال و الله ما اعرف
المهم قال اتصل بعد نص ساعة علشان يكلمك المسؤول

و بعد نص ساعة اتصل ابي و فتح السبيكر و قال ابغى خمس تصاريح رجال و اربع حريم
قال سعوديين و لا مقيمين قال ابي لا سعوديين
قال طيب بكرة اخر يوم و يتقفل التسجيل انت وين
قال ابي بالجنوب قال و الله اعذرني بكرة اخر موعد
قال ابي لا معليك برسل لك الاوراق بالفاكس الى عند ولدي انه موجود في جدة
قال المهم بكرة الساعة 9 يكون قدام مقر الحملة
المهم خلاص ارتحنا و جينا نبغى نرسل الفاكس لاخي و لكن ما عرفنا كيف نرسل الصور الشخصية لابي بالفاكس << و جاتنا مشكلة جديدة

و شوي و يتصل ابي بالمطار و يبدا تشغيل فيتامين واو قال لهم متى اقرب رحلة لجدة قالوا الليلة بعد ساعة
قال ابي عطوني مقعد و ياخذ الاوراق و يتصل بولد عمي يوصله المطار و يسافر لهم ذيك الليلة

و يروح يسوي التصاريح من بكرة و يلغي تصريحه مع الحملة الاولى