المنتدى :
الارشيف
للدار وحشه **لدايم السيف**
للدار وحشة عقب سِيد هَل الجـود
وعيني غشاها عقب شمسه ظلالـي
مالوم رجلك لو شكَت كايد الكـود
أتعبتهـا ترقـى سنـود المعالـي
للجسم حد وغايتك ما لهـا حـدود
ظلمت نفسك من قديـم(ن) وتالـي
تمشي وعرها كنه سهـود ومهـود
لله دّرك مـا تغالـيـت غـالـي
ماتنتظر للجـود ياشيـخ مـردود
تشرب مرار وتسقي الغير حالـي
ماينثني عزمك خطير على الـزود
من عالي تجمح على راس عالـي
يا طيّب طابت لك البيض والسـود
أسرت في حبك قلـوب الرجالـي
يفوح مع ذكرك شذى الورد والعود
وكل(ن) ينعم لك إلى جـا مجالـي
مرضك يمرضني وسعدك لي سعود
يا ليتي أنقل عنـك ضيـم الليالـي
|
16-07-10, 04:51 PM
جديد مواضيع قسم الارشيف
العرض العادي
