منتديات ليلاس - للدار وحشه **لدايم السيف**

http://www.liillas.com/up3//uploads/...926fdb4722.jpg

للدار وحشة عقب سِيد هَل الجـود
وعيني غشاها عقب شمسه ظلالـي
مالوم رجلك لو شكَت كايد الكـود
أتعبتهـا ترقـى سنـود المعالـي
للجسم حد وغايتك ما لهـا حـدود
ظلمت نفسك من قديـم(ن) وتالـي
تمشي وعرها كنه سهـود ومهـود
لله دّرك مـا تغالـيـت غـالـي
ماتنتظر للجـود ياشيـخ مـردود
تشرب مرار وتسقي الغير حالـي
ماينثني عزمك خطير على الـزود
من عالي تجمح على راس عالـي
يا طيّب طابت لك البيض والسـود
أسرت في حبك قلـوب الرجالـي
يفوح مع ذكرك شذى الورد والعود
وكل(ن) ينعم لك إلى جـا مجالـي
مرضك يمرضني وسعدك لي سعود
يا ليتي أنقل عنـك ضيـم الليالـي