لمشاكل التسجيل ودخول المنتدى يرجى مراسلتنا على الايميل liilasvb3@gmail.com





العودة   منتديات ليلاس > القصص والروايات > قصص من وحي قلم الاعضاء > القصص المكتمله من وحي قلم الاعضاء
التسجيل مشاركات اليوم اجعل كافة الأقسام مقروءة

بحث بشبكة ليلاس الثقافية

القصص المكتمله من وحي قلم الاعضاء القصص المكتمله من وحي قلم الاعضاء


إضافة رد
نسخ الرابط
نسخ للمنتديات
 
LinkBack (1) أدوات الموضوع انواع عرض الموضوع
قديم 29-10-10, 06:45 PM   المشاركة رقم: 666
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
Flowers

 

اقتباس :-   المشاركة الأصلية كتبت بواسطة noode-179 مشاهدة المشاركة
   السلام عليكم ورحمة الله وبركاته

اخبارك ياعسل؟؟
*
الحمد لله بعد جهد جهيد وصلت معاااكم
>>فيس يمسح عرقه الوهمي ^^
*
رواااية رااااااااااائعه ماشاء الله تباارك الله
من كاااااتبه أيضااا رااائعه بكل ماتحمله الكلمه من معنى
فعلا كتبتي فـ اجدتي الكتابه
وصفتي فـ اجدتي الوصف
احيييك بصراااحه على الابداااع الرائع ^_^


وعليكمـ السلام والرحمه..
حياك الله..
آشكرك على رقة حروفك بحقي..

*
سلااامة الواالده ألف سلاامه
أسأل الله العظيم رب العرش العظيم ان يشفي والده ضمضومه وجميع مرضى المسلمين
اللهم رب الناس اذهب الباس اشفي انت الشافي لاشفاء إلا شفائك شفاء لا يغادره سقما
بسم الله اعوذ بالله من شر ماا تجد وتحاذر
والحمد لله رب العالمين والصلاة والسلام على خير المرسلين محمد عليه افضل الصلاة واتم التسليم
..اللهم آآمين..اللهم آآمين..

آمين الله يجزاك الف خير ..

*
*
طبعا بحكم ان توي وصلت لكم رح يكون تعليقي على البارتات كـ كل ^_^
*
*
نبدأ تعليق بسم الله
*
*
..|..البدايه مع ياسر وملوك..|..
ممكن مهما حاولنا نقول ان ياسر آخطأ بحق ملوك يومه خانها لكن ملوك
هي الغلطاانه او بمعنى أدق هي تتحمل جزء من الخطأ
لمن يكون شاب كامل والكامل الله له خاطر يقدم الزواج عشان يحصن نفسه
باللي حبها طووول عمره..واللي يحلم بقربها سنين وبنين وهي تمنعه من أبسط حق
له وهو الغزل..يوم يجي يتغزل وتصد وتترك وتبعد هذا يتعبه
شلون شاب يوصل لـ لنص الثلاثين وللحين ماتزوج اللي يبيها وين يودي طااقه الحب اللي فيه
لو مالقى تفاعل من اللي يحبها؟؟؟
اكيد رح يدوره برا وخاصه انه بمجاال يسمح بالاختلااط سواء بشكل مباشر او غير مباشر
لو غض البصر عنهم رح يلقى غيرهم كثير وكثير
ولو كانت ملوك كافيته عن هذا كله مارح يدور للي يبغاه عند غيرها
انا ماقول انه بريئ من الخطا لكن مايتحمل الخطا كله...

تعليقك جداً جميل..وازتني الخطى..وآنصفتيهمـ..
.

.
.
..|..ياسر(مقرن جديد)..|..
وصول ياسر لمرحلة دخوله تحت مسمى مقرن جديد هو بعده عن ملوك
وهذا اللي خلاه يعوف المستشفى ويحول مساره لـ نهج جدهـ وعمه
>>>ادااره الشركات والحلال كله
ممكن تقمصه دور مقرن العاجي لآنه شاف تعامله بالطيب والحب والتفاني بالعطاء
مع ملوك وصله لمرحلة انها تتركه فـ اختار يكون مقرن جديد اعتقادا منه ان الهيبه
اللي رح يبثها رح تمنع الكل من انهم يبعدو عنه ويتركووه ولكن
اللي مايعرفه انه رح يجي يوم والكل ينفر منه لأن محد يحب الظاالم
.

ممكن..
..|..طلاقه لـ ملوك ووصفك المؤلم..|..
يوم كان يحكي لجده اممم كنه شخص ويهاودووه على خروج رووحه
يعني لا روحه راضيه تطلع ولا انه مرتاح من حشرجتها
مر ماااقد ذاقه من هذا الفراق
والأمر علمه أن من حاز على معشوقته الصغيره هو أخ لمن شنّ حملات الصحف عليهم(جسار)
اتوقع رح ينتقم من قرب عناد لملوك في جسار>>دام جسّار أخو عناد
.


=(

..|..تصرفه مع بنت بتال..|..

ماكان إلا تنفيس لضغط وغصب اصابه
موت ابو مناف >>خاله
معرفته لـ ارتباط ملوك بـ عناد
زعلة فلك منه>>ولو كانت المده بسيطه
طلاق الظبي من طارق
دخوله لساحه معركه جديده عليه وإن بدأ في شن الحرب
بقوة ولكن يبقى تغيير الحياة اولى مسببات الضغط
وتصرف فلك الصغيره ماكان إلا القشه التي قسمت ظهر البعير
ههههههههههه ترى فلوكه الصغيره تستاهل..
.
هل رح يكون له نصيب من بنت الجواهرجي؟؟
وإن كان له نصيب معها هل رح تغنيه عن ملوك وذكراها؟؟
الاكيد قصه جميله راح تبدى..

*
*
*
..|..عناد و زواجته من ملوك..|..

ثنائي رح يتعبون في فهم بعض وخاصه ان عناد طبعه شين بصراحه
وملوك خجووله حيل>>إذا مع ياسر اللي تربت قدامه خجوله وشلون مع شخص ربطتها معاه مواقف
عدّه ؟؟
ماكنت اتمنى ان عناد ياخذ انطباع شين عن ملوك واهلها
>>يوم جاااه الديان وتوقع انها لعبه منهم
لكن مو مشكله وإن اعتبرها كذا اصلا هو مخه رااكب مدري كيف ولو احد
فهمه من اليوم لبكره(ياقلبي لاتتعب) خخخ
الناس اطباع هذي المشكله..,
.

..|..عناد و خروجه من العسكريه ..|..

بعد ماعرف عن فرقه الموت>>لو ماخاب ظني اسمها كذا
اتوقع ان وراها خطه لآن ماظنتي يتركووه بعد ماعرف عنها
ممكن خطه في إيقاع يوسف لو كان امين في الحفاظ على سر الفرقه او ممكن
ينشره لكل من هب ودب والدليل انه ارتبك يوم قالها لعناد
والدليل الثاني ان عناد سوّا نفسه غير مبالي>>وهذا مو من طبعه خخخ

=)
.

..|..بالنسبه لتعلق جدته به والعكس..|..
اعجبني حيل احسها الوحيده هي ودرر وجسار اللي مخففين عنه
احسااسه بأنه منبوذ من الصغر
واتوقع سر بعد ام جسار عنه ان مو ولدها
يعني اظن ان عناد هو عساف واللي خطفه ابو جسار من امه
وحط اللوم عليها عشان تضبط معاه تفاصيل الخطف والدليل الاول
شعوره من ناحيه رهف يوم شافها وانه نفس الرائحه اللي يشمها دوم
زائد الشبه اللي بينه وبين احمد واكيد انهم الاثنين طالعين للأم
لآنك بوحده من البارتات قلتي مافي غير درر ووسن التوأم فمعناته
ان احمد وعساف يشبهون لآمهم و الشبه كبيــر جدا لدرجه ان اللي مايفرق
يقول عناد هو احمد واحمد هو عناد
بس هل رح يجي يوم وتنكشف الاوراق؟؟
وهل شهد رح تبقى ورى رهف لين تعرف حكاايه احمد..ولاّ؟؟؟
بالإضافه ايضا إلى كلام ام جسار يوم تقوله ولدك وسطام يناظره ووده يكوفخها
>>فيس يقول امنيه ابو جسار خخخخ
.
..|..عناد وسيوف..|..
معقول مااقدرت تشيله من بالها؟؟
معقول تترك العز والدلاال والدلع اللي من جسار لمجرد انها
حااسه بالحب تجاه عناد؟؟
لو انه عطاها وجه كان قلت او كيه مبلوعه لكن الرجال يصدها
والزود انها سبب في طلاقه مع زوجته
مدري كيف عناد للحين مااادكها بزااويه وخلااها تنسى حتى اسمها
>>يعتبر انجاز انه ماسك نفسه للحين خخخ
عطاها كف نسيتي خخخخ

*
*
*
..|..جسار وسيوف..|..
اعجبتني مقالات جسار واعجبني انه سّلط قلمه لنصره الحق وابطال الباطل
لكن الطعنه القويه يوم تجيه من بيته >>طعنة القريب اشد من الغريب
حلو لو انعرف ان ماله ذنب باللي تسويه حرمته لكن المشكله
لو الكل عرف واعتبروو ان هجوومه على التجار والعاجي بالتحديد يعتبر
تستر على فساااد اهل بيته >>فيس حزين عليه
كل شي ممكن يهون إلا قهر الرجال هذي اللي تكسر الظهر
واللي يكسره زوود لو اللي مقهور شخص ماايستااهل اللي هو فيه
والزووود ان الحقيقه انكشفت من يد يااسر العاااجي حفيد التااجر اللي
جسار مقوم عليه حملااات الهجووم
ليييت عناد شكا له من اللي تسويه فيه سيوف كان طلقها وافتك من
اللي يحس هو الحين فيه
صعب على عناد..,وجسار على المحك..نشوف..الرجال دومـ تحنهكمـ الامور الي بمثل و تهزهمـ..

.
..|..سيوف ..|..
وتبريرها في الخياانه انا بصراحه مو مقتنعه تماااما ان السبب الرئيسي ابوها
لكن يعتبر احد الاسباب.. خلينا نقول لو إنسااانه تربت على مبادئ معينه
من شخص تعتبره قدوتها بالحياة بكل صغيره وكبيره
رباها على الصدق..الحب..العطاء..الوفاء..التفاني بالخير...الخ
ومشت على مبادئ ابوها وكبرت على هذا الشي ويجي يوم وتكتشف بعيونها
ان الشخص اللي اعتبرته قدوة واساس للتربيه هو اللي رمى بـ مبدأ الوفاء
عرض الحائط ويخون ام سيوف مع شغاله؟؟
وش رح يكون ردة فعل سيوف؟؟
اانا ماقول معاها حق باخذه كـ مبرر لكن يعتبر سبب في هذا الشي
يعني يوم تقول اللي رباااني على الوفاء وطلع خاائن معنااته نفى
ان تربيته على الوفاء وكنه يقول انه غلط هذا الشي
والخيانه هي الشي الصح اكيد رح يخلي وحده مثل سيوف تمشي مع مبدأ ابوها
ممكن اخذته كـ عقاب لآبوها لآنه غلط بحق امها وبحق التربيه اللي رباها هي بها
وممكن تعتبره من مبدأ ان الحرامي دوم يبرر سرقته بالاحتياج
>>اتمنى وصل المقصد>>فيسي اللي مو عارف يوصل افكااره من الصباح

جميل شرحك عنها موفي وكافي..
.
ياترى هل رح تسوي موظفتها(نسيت اسمها) اللي قالت عليه
ولاّ رح تكون يدها بيد كاترين وتترك الكاميرات لين يجي جسار ويشوفها؟؟
*
*
*
..|..فلك وبتال..|..

الله يوفقهم يااارب >>فيس يدعي
بصرااحه قصتهم عجيـــبه يعني سبحان الله للحين بتال شايل لها بقلبه كل الحب
ومع السنين ماازاال يزيد ^_^
وجميل انهم اجتمعوا أخيرا بعد البعد هذا كله
الحب الحقيقي ماتزيده السنين الا وله وآشتياق..
.
..|..فلك والغيره..|..
خخخ بدييينا غيره ياافلك
الله يعينها بصرااحه بس من البداايه وهي عاارفه انه رح يكون لها
ولأثنين غيرها..
لو تبي تعيش مرتاااحه احسن حاااجه انها تعتبر بتاال لها لحاالها ولا تفكر
غيابه عنها انه عند زوجااته بالعكس تقنع نفسها أنه بالعمل او بسفره
عشاان تعيش مرتااحه وهو بعد مرتااح
مافي دااعي بكل لحظه تذكره انه متزوج غيرها اثنين >>بسؤالاتها المتكرره
بالعكس كنها هي الوحيده زوجته وتلغي وجود مناهل ومنيره من بااالها ابد
فلك..ياشين العاقل اذا صار فيه الغيره=)

.
..|..بتال وزوجاته..|..
بصراااحه شخصيته جدا راائعه مع زوجااته ما ظلم فيهم احد
ومثل مااا يعاامل منيره يعامل منااهل والعكس باختلااف ان منيره
يبغاالها رص شويا على لساانها الطويل لكن زين بتاال لها بالمرصاد ^^

=)
.

..|..بتال ودخول ياسر معاه للمجال..|..
هل الدخول هذا رح يفقده شي من صلاحيته ؟؟
هل رح يفقده حضووره؟؟
هل دخول ياسر رح يكوون سبب في تغيير لمباادئ بتال
ولاّ رح يبقى بتاال على نهجه ويمنع ياسر من الظلم؟؟
>>اسئله كثيره بانتظاار الاجابه عليها^_^
*
*
*
..|..شهد والمرض..|..
الله يشفيها ياارب ويرفع عنها وعن جميع المبتلين يارب ^^
مهما حاولنا نتصور مدى التعب اللي هي فيه ماارح نقدر نتصوره
لآنه اكبر واعمق من تصورااتنا
مجرد انها انسااانه لااازم تُعامل غير عن باقي النااس>>يعني حاله خاصه
هذا الشعوور لحااله يتعب اللي مايتعب
بجد والله يعني اشخاص يشيلو هم الاختبار وكذا لكن على وثوق
انهم ماارح تجييهم نووبااات تتعبهم وتفقدهم الوعي...الخ
بينما هي بأي لحظه ممكن تفقد الوعي حتى لو بوسط قاعه
الامتحاان..مجرد خوفها من حدوث الحاله لها حكاايه
وشلون عااد تعيشها بكل حذافيرها..
صحيح...
.

..|..شهد وعلاقتها مع عنااد..|..
المشكله ان دلع شهد والزياده تأييد رياان يمنعها من ترجمه مشاعر
عنااد تجاهها
والزود عن كذا انها صدت عنه يوم سألها وبدل لا تكحلها عمتها
يعني لو كاان فيه امل نسبه 70% صاار 40%
لكن عندي امل يجي يووم وتتعدل العلاقات وخاصه ان عناد
له كذا مباادره وهي بعد فااهمه من حركاااته انه قاصد يتقرب منها
او يحسن العلاقات معاها
شهد مشكله..؟.
.
..|..شهد وزواجها من رواف..|..
انا بصراااحه مع عناااد انه ماا يزوجها رواف
مدري احسه مايستاااهلها وبعدين عناد له نظره بالموضوع
واتوقع ان جسار عامل حساب لرأي عناد لآن الرأي منااسبه هو بعد
وان روااف مو لشهد
الله يستر من الزوااااجه لو تمت ^_^
*
*
*
..|..ريان وزواجه من ضي..|..

ريان يعيد ماضي عبد العزيز وبتال>>باختلااف الأشخاص والعوائل
علاقتهم حلوه ماشاء الله وجميل انه متمسك فيها
لكن اتوقع ان تمسكه فيها ممكن حب وكماااان كل ممنوع مرغوب
وبحكم انه ماينرد له وكذا شااف ان ضي مغاامره جديده
ممكن؟؟
وممكن يكون حب حقيقي ماافيه اي تفكير من افكار المراهقين ^_^
سكوت امه على زوااجته رح يستمر ولا رح تكشفه؟؟
هل رياان رح يتخلى عن ضي مثل ماتخلى بتال عن فلك
ولا رح يكمل مثل ماكمل عبد العزيز مع ام ياسر؟؟؟
ممكن..؟.
.
..|..ريان وعلاقته مع عناد..|..
اللي وصله هو واخته للعلاقه هذي مع عنااد الام>>ام جسار
واكيد السبب يرجع ان عناد مو ولدها ولاّ مافي ام تفرق بين عيالها
بالتعاامل ..لو مهما صار
لكن لمتى رح يبقى ريان مستمر بالحساسيه هذي بعلاقته مع عناد؟؟
وهل رح يكون كشف عناد له زواجته من ضي هو الداافع لريان لتحسين العلاقات؟؟
اسئلتك مالها جواب الا في البارت القادمه=)*
*
*
..|..الظبي و شخصيتها الرائعه ..|..

بصراحه الظبي تعجبني شخصيتها حيل ماشاء الله كلااامها الواثق
فعلا فعلا يخلي الواحد غصب يحترمها ومايعصيها لآن نبرة الثقه هي اللي تحدد
مدى اقنااع الشخص اللي قدامك لأ
وهي تربيه مقرن وااضحه فيها وبياسر أكثر اثنين لا عبد العزيز ولابتال كانو مثله
واللي مثلها وشروااها مااا ينأكل لهم حق لآنهم رح يطالبون فيه لآخر نفس
صدقتي
.

.
..|..الظبي والغيره ..|..

اللي بالظبي غيرة المرأة المعروفه وخاصه ان ظبي عندها شي ناقص
ممكن هنادي توفره لـ طارق>>اللي هو الحمل
صحيح تحمل لكن ربي للحين ماتم لها حمل وممكن هذا يكون بسبب
الظلم اللي تعاون ابوها وولد اخوها عليه
بصراحه ماالومها بردة فعلها قدام طارق لآنها بظروف الله عالم بها يعني
وحده مو مره او مرتين تسقط كثييير مراات وبك مره تتأمل بها يروح بعد
ما تحس بحركاته بداخلها وتتشفق على جيته للدنيا وبغمضة عين يروح والله
اللي عندها عيال وتسقط يصير بها اكثر من كذا وشلون لو وحده مثلها متشفقه
على شووفة طفل
لكن بااالغت شوياااات ردة فعلها لكن لكل جبل ردة فعل مختلفه لإستقبال الزلزال
ماشوف مبالغه كبيرهـ لكن انتي بمنظورك ممكن كل واحد يختلف في تقيمه لتصرف..
بس جميل جداً كلماتك عنها
.
.
..|..طلاقها من طارق ..|..

صحيح رح يأثر عليها نفسيتها وكذا لكن رح تبقى مثل ماهي قويه
مااينكسر لها باااس ورح تعتبر الطلااق قرصه اذن لها
ان المرأه مهما كاان غرووورها وعنادها لااازم تنساهم قدام زوجها
عشان تقدر تكمل وتعيش حياتها صح
لآن لاايمكن التقاء قوتين قوة طارق كـ رجل مايرضى التقليل من شانه
وقوة الظبي اللي تربت على انها الآمره الناهيه واللي مطااعه طلباتها
ولا اتوقع انهم رح يرجعون لآن ماظنتي مقرن بيرضى بنته ترجع وقد انضربت
حتى لو انها غلطااانه
*
*
*
اممم ان شاء الله مااكون نسيت أحد ^_^

>>لك عين تفكرين نسيتي او لأ خخخ
الله يعطيك العافيه اثريتي جميع الشخصيات وان دل..دل على قارئه واعيه ومتمرسه بـخوافي الشخصيات..
*
*
*
الباقين الله يستر علينا وعليهم
*
*
*
السموحه على الاطااله يالغلاا
*
*
*
بالتوفيق الداائم للجميع

لآهنتي يانودي...سعيدهـ جداً بمتابعتك لنا...,
وياهلا وغلآ..

اقتباس :-   المشاركة الأصلية كتبت بواسطة ام رنا مشاهدة المشاركة
   السلام عليكم ضمني

انا ويني عن هالروايه الرائعه بصراااحه ابداع يعطيس العافيه
عندي بعض توقعات وياليتها تصيب
وعليكم السلام..
هلآ..وغلآ..


بالنسبه لعناد وشغله عناد لازال في عمله واظهر للجميع استقالته ليشش لان يبي يكشف عن تسرب عندهم في المعلومات واللي يدل يوم العمليه اللي نفذوها وكان فيه قناص مترصدهم ما كانو متوقعينه وبعد صديقه يوسف للاسف اعتقد انه انسان غير شريف وتعاون مع بعض الاشخاص اللي يبون يضرون الوطن وطلبه من عناد انه يدرب ناس تحب الصيد وانهم يبون يشاركون في مسابقه في الخارج هذي كذبه عشان يقنع عنااد بس عناد كاشفه اتوقع

ممكن..


الشخص اللي دايما يشوفه عناد الشخص القبيح اتوقع العبد اللي خطفه وهو صغير لا ن رهف يوم سألت امها انه يوم اختفى عساف كان معه العبد حقهم
والريحه اللي جذبته لرهف هي ريحة امه



ياسر اتوقع تزيد عداوته لبيت الراسي بس في الاخير بيحكم عقله ومااعتقد انه بتبع خطى جده في كل شي وان بتال له الاثر الكبير عليه

بنت جسار الصغيره درر اعتقد انها عارفه عن سوااد وجه امها مع عمها عنااد وان اللي فيها ماهو دلع بس
لآ...ماحب اتطرق لها النقطه عند الاطفال صعبه جدا على قلوبهمـ..
عناد ورفضه لخطبة شهد اعتقد انه عارف عن هالخطيب شي كبير وعشان كذا الرفض والاصرار عليه

ملوك بتعرف عن سوء ظن عناد فيهم بالنسبه للديان والا كرامتها عااد بنشوف مواقف بينهم وان مشاعرهم لبعضهم ماراح تبان بسهوله
=)

معليش انا قاهرتني الظبي وتستاهل ماجاها خله ربي يخلص حق ملوك وفلك منها بصراحه فيها عنجهيه وكبر ياصبر الارض على هالاشكال وزين من طارق متحملها كل هالفتره

الكثير ماتقبلها =)

باذن الله متابعه لك يا عسل

حياك الله سعيده بتواجدكـ..

 
 

 

عرض البوم صور ضمني بين الاهداب   رد مع اقتباس
قديم 30-10-10, 12:09 AM   المشاركة رقم: 667
المعلومات
الكاتب:
اللقب:

البيانات
التسجيل: Mar 2008
العضوية: 69044
المشاركات: 114
الجنس أنثى
معدل التقييم: عاشقة التحدي عضو بحاجه الى تحسين وضعه
نقاط التقييم: 43

االدولة
البلدSaudiArabia
 
مدونتي

 

الإتصالات
الحالة:
عاشقة التحدي غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

لااالااااااالااااااا انا احتج كنت كاتبه رد يوم الاربعاء وحماسي مدري وين طار ادوره من اليوم مالقيته \ الله يعين تراني يالله اكتب ويطلع معي شي
اول شي الله يشفي امك ويلبسها ثوب الصحه والعافيه ويخليها لكم ان شاءالله ويشفي امي ويخليها لي يارب
اقوووول زواج عناد وملوك كلنا بنحضره ان شاءالله وش هالانانيه يابنات صدق حريم وشووله كل وحده رازه عمرها تبي تحضر وماتبي الباقين يحضرووون ياكافي اذا الراعي الرسمي ضمضومه قايله بصريييح العباره وقارئات ضمضم
يالله عاد ماوصيكم تزينن وتكشخن بس دوبكن على اعماركن لاتزينن بالحيل تراه عائلي اخاف تغطن على العروسه ملوكه
وانت ياعناد ياخي شوي شوي على البنيه موقفها بنص الشارع بتعطيها المهر وبشنطه بعد الله يستر عليك ياملوك انتي وهالشنطه صراحه اشك بتصرفك هذا
اخيرا يعطيك العافيه ضمضم على هالابداعات المتواصله

 
 

 

عرض البوم صور عاشقة التحدي   رد مع اقتباس
قديم 30-10-10, 05:50 AM   المشاركة رقم: 668
المعلومات
الكاتب:
اللقب:
كاتب مميز
إمْبرَاطوّرة الحَرْف


البيانات
التسجيل: May 2010
العضوية: 164346
المشاركات: 1,384
الجنس أنثى
معدل التقييم: ضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالقضمني بين الاهداب عضو متالق
نقاط التقييم: 2774

االدولة
البلدSaudiArabia
 
مدونتي

 

الإتصالات
الحالة:
ضمني بين الاهداب غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

بسم الله الرحمن الرحيم
.
.
نظرة حقد27..
.
.
.
مدخل
.,‘

راحت سنين..؟
أجمل سنيـن أجمعتنـا..
كنّا على قل المواصـل ..
وفييـن ..!
إذا زعلنا مـن بعضنـا ..
[ سكتنـا..]
على رغم بسمة شفانـا ..
[حزينيـن ..]
يوم المحبه لـزمـن ..
سولفتنـا
تقول شوف أجمل غـرام
و..
حبيبيـن
بـس الليالـي ..
كلنـا لوعتـنـا...
لكـن لاشوفـك ضعيفـه
[ وتبكيـن ..]
كل الجروح اللي من الحـب
..[ جتنـا..]
تبيّـن أنّـا ..
مخلصيـن وقوييـن
أظروفنـا للحـب ..
ماساعدتـنـا
صح أنكسرنا بس كسـرة
.., كبيريـن
أحلامنـا ..
مـن نومنـا قومتنـا
ماخفت أنا وانتي بعـد
لاتخافيـن !
هذي هـي الأيـام لـو ..
[شتتنـا..]
بعيون ذكرانا الجميلـه
[ قريبيـن :- ]
بكره ليـا مـن السنيـن
[ أجمعتنـا..]
لا قلت لك مشتاق لك وش
تقولين ؟


.
.
.
المدخل من ذائقة المتميزهـ..طيف الاحباب..,
.
.
.
بدايه..,
يآصباحات محبتكمـ..
ياصباحات رقتكمـ...
يآصباحات قربكمـ..
اليومـ بدايتي راح يكون فيها عدة تعقيبات على ردود على الخاص وعلى ردودكمـ على المتصفح..تحملوني شوي..
.
.
آشغلنا والله عناد و التحضيرات لعرسه بـ البارت الجاي الله لآيشغلنا الا بطاعته =)..
بس يا الغوالي هي فرصتي الاخيره الي راح أمرر فيها من بين السطور نقاط مهمه تجمعون فيها حصيلة البارتات السابقه عن الطفل المفقود..>>ماتخلي تعبها لكمـ..=)
.
.
.
بعض من المتابعات الغاليات..,
آستوقفهمـ موقف عناد وملوكـ وتسائلو عن نقطة خجله..=)>>انا مو قلت لكم مشغلنا الله يخليه لقلوب محبينه..=)
وانا رديت على بعضهمـ..والبعض الاخر ممكن ماينتبه لـ هـا النقطه..فـ نرجع نوضحها...
عناد انسان خجول خجل طبيعي..مو الخجل المرضي..فـلآترجعونه لحاله نفسيه..؟
أي تصرف له مع ملوكـ لآتحطونه في خانة الجرئه..او...وين خجله...؟
طبيعي جداً ..يخجل من مواضيع معينه مثل اي شخص..؟
طبيعي يرتبك..طبيعي يتوتر في مواقف..لأنه شخص ماتعود على احتكاك كبير مع النساء..من ناحية الرومنسيه..؟
وطبيعي جدا ً آذا حب تظهر له تصرفات تلقائيه ..لآ..آراديه..واذا أرجعنا كل شي ..نرى خجله محبب لنفس وجميل..,
آيضاً البعض الاخر تضايق جداً وانتقد صد ملوك لعناد فـي السيارهـ ..؟
ياالغوالي..والله مدري وشلون أشرح هـا النقطه آحسها عويصه شوي=)..
لكن الشغله كلها عقليات وتقبل وعادات وتقاليد ..فـ..
فئه هذا الشي عندهم عادي ..ومستغربين تصرف ملوكـ...
والفئه الثانيه لآ ومايصير..ومؤيدين تصرف ملوك..
و ..
الفئه الثالثه حتى الرؤيه الشرعيه ماعندهمـ..وبتأكيد معارضين لمقابلة ملوك وعناد أساساً.....
وأخيراً..ياراقيات الحضور...
هذا سقف روايه ينطرح تحته جميع الفئات..وآرض خصبه لجميع الاراء..
.
.
.
نقطه مهمه..الرومينسيه بـ الروايه..>>شايفتكمـ قلوبكم تناقز الحين..
بعضكمـ مسير علي بـ الخاص برقه ودلع و يقول نبي رومنيسيه آعمق ياضمضم..؟
مدري وش مفهموم العمق الي يقصدون..>>تغطي وجها بيدينها
فبحكمـ ان انا كبيره با السن حيل وحيل وحيل يمكن في حدود (...) الله يحفظ علي شبابي وروح المراهقه المتأخره عندي..فـ ماراح تحصلون الرومنسيه الي في بالكمـ>>فيس ضمضم الخبيث..
ليش..؟
آقولكمـ..فيه مراهقات يقرون لي..آعتقد من المتوسط..مروراً با الثانوي وصولاً لجامعه ومابعد الجامعه وجيل طيف الاحباب>>تدق بـالحكي..
وجيلي..>>لآماعتقد فيه ناس من جيلي باقين احياء بحكمـ ان ضمضم من جيل ماقبل عصر الشيبان =(
فـ الرومنسيه عندي من نظرهـ لبوسة يد او خد..تطور آكثر من كذا..بنتحر..>>ذابحها الحياء حق عناد..
فـ الي يشتكون على الخاص من هـ النقطه..آنا ابداً روحي ماهي حواريه ولآآتقبل النقاش ودكتاتوريه في رومنسية بعض العيون لنخاعـ ..>>عصبت
.
.
.
الحياة كذا...sweet lipes ..آعقلو..وكل وحدهـ لآعاد تدق في بطل الثانيه..وتسوي ضربات تحت الحزامـ..حسبي الله على عدوينكمـ سببتو انقاسمات في متابعاتي..
والآ ..
العقاب ينزل صارم في أبطالكمـ..>>ماعندها حل وسط..
.
.
.
((وكلّما ازددت علماً أزداد علمي بجهلي.))..
نودي..
شاكرهـ لكـ ياغمامـ من البياض ...,
.
.
.
خلصت سوالفي...آبشركمـ=)
.
.
.

لآتلهيكمـ الروايه عن دخول وقت من أوقات الصلاهـ..
.
.
.
ياسر غارق بـ الأوراق لأذنيه..,
في المكتب الخاص مقرن
يراجع..ويصحح أوضاع يرى تهاون من عمه فيها وتحتاج لصرامته..,
طرقات خفيفه..
من ثمـ دخولها..\عسى ماعطلك عن شي مهمـ..؟
رفع رأسه من ثمـ ابتسمـ\ولو كنت مشغول أتفضى...سمي ..؟
دخلت الظبي..
بهدوء خطواتها...
وجمال حضورهـا...
لتستوي بآناقة على المقعد المقابل لمكتب مقرن..\آنا خليت المحامي حق الوالد يسوي لكـ توكيل في البيع والشراء ..الي يخصني..
آبتلعت ريقها بهدوء\آبيك تبيع السيارات الي جايه طلبيه من برى السعوديه على التجار الي كنت اتعامل معهمـ وتسوي تصفيه على كل شي..و..ترجع لي الارباح كلها كاش...لأني محتاجه سيوله ها اليومين في الكاش..,
آرتفع حواجب ياسر بـستغراب\وليه كل هذا..؟الظبي لآيكون الطلاق ااا..
قاطعته الظبي بشراسه\لآ...ماهو المقصد..لكن انا اساساً مو متفرغه بشكل كافي لـتجارتي..وآبي الوالد يشغلها لي هـ اليومين لأنه بودي افتح لي مشروع كبير يخصني..
عموماً كل شي جاهز عند المحامي ..
مكلمته انا ومعطيته كل التفاصيل ..,
آبتسمـ بستغراب\خلآص..آبشري اذا هـ الشي يريحك...
آردفت\و بسافر هـ اليومين..,وابي كل شي يخلص بسرعه..؟
ياسر بتسائل\وين..؟ومن معه..؟
الظبي\آكيد مع واحد منكمـ لآزمـ يفضي لي نفسه يا انت يابتال...لكن الاكيد بتال..لان حضرتك مو فاضي..بنخطب لك وتزوج..!
ختمة جملتها بـابتسامه..!
آبتسمـ بخبث\آهااا..يعني شفتيها وعجبتكـ...هذا الي وصلني في كلامك..؟
الظبي بـهدوء\هاديه...ملآمحها جميله...فيها رقه بحركاتها يعني بـمختصر الوصف تحس بآنوثتها في كلماتها ومشيتها وحركاتها..,
ماشوف فيها تصنع..
آشوف هـ الشي طبيعي وهذا الي لفتني..
فيها جاذبيه متأكدهـ بتعجبك في هـ النقطه..
آنيقه كثير بـاالكلامـ..
آشوفها تميل لذوق والاتيكيت في الرد والحوار..
يعني بنت ناس وطبقه مخمليه من بين الاقواس..,
غرق في ضحكه صاخبه من ثمـ \الله الله وكل هذا ومنير تشوفه..بالله وش سوت..؟
الظبي بثقل\حركات مناير الي ماهي موزونه...بس آشوف انهمـ ماعطوها جوها ولآخلوها تنطلق بحريه في الكلامـ..ماعجبتهمـ ولآعجبوها...دخلو اكثر شي معي...,
آبتسمـ..
ونقل عينه للورق..
بـ غيبان بسيط عن الحدث..!
الظبي بـابتسامه\رهف.!
رفع رأسه وبستغراب\هااا..!
الظبي بـهدوء\رهف..!آسمها رهف..؟
آبتسم..\آيه..!
الظبي بستغراب\وش إيه..؟
ياسر \بكيفكمـ اذا هي حلوهـ..وعلى وصفك..ماعندي مانع ..آخطبوها..ويكتب الله الي فيه الخير...
الظبي...بفرحه\آيه..كذا الكلام الي ينحط على الجرح يبرى...الحين بقومـ..وادق عليهمـ واحدد لنا موعد...,
آبتسمـ ياسر على حماس الظبي..
آردف بهمس\الظبي..!
ظبي بمحبه\هلآ...
ياسر\زيدي فرحتك حبتين ..كسرة لكـ المتجسر وقريب انهيه..!
آبتسمت ورفعة رأسها بآعجاب\كفو..ولد عبد العزيز و مرتويه عروقك من العاجي ..!
راقب آنسحابها وخطواتها الخارجه من المكتب..,
ليتمتمـ بابيات سكنته على غفله من الحقيقه..
لو غبت لو صديت لو بقتني بوق ..؟

نفسي على شوفك تراها شفوقه ...!

لـيضرب بخفه آطراف أصابعه طرف المكتب\والله شكل اخر ..[طبي] في حبك يا ملوك [الكي]...وبكوي حبك يابنت الخال..
يآآنعطب[ القلب]..
والا..
يبشرني أنه..
[طاب..]!
.
.
.
ما نشدت الشمس عن حزن الغياب
علمتنا الشمس نرضى بالرحيل
.
.
.
الساعه 10 مـ...
دلف باب الجناح..,
ليرى جميلته الصغيرهـ..نائمه بملائكيه بمكانه..
آبتسمـ..
ليقترب منها ..
ويشتمـ بعبق رائحتها..
قبل وجنتيها بشوق..,
للتتضايق هي..
وتتجه للجه الاخرى..
قطب حواجبه بضيق ..وهو يرى ملآبسها الخفيفه..
والخفيفه جداً...
وقوة تركيز التكيف..,
سحب المفرش ..ليدفئ جسدهـا الصغير..البارد المرتعش..,
_وش عندكـ هنا..!!!
رفع رأسه بتال بـستغراب لتعبر عينيه منظر مناير المستغربه تواجدهـ بركنها..,
آردفت\قلت لك وش عندكـ..هنا...؟
بتال بـثقل\وش عندي يعني..اكيد بحاول آصلح هـ الوضع المايل بينا..
مناير تتجه لـداخل الغرفه..\الوضع انت مميله..ومامال الا بعدكـ..وبعد مراهقتك المتأخرهـ...
بتال\طيب..!
آنزل انظاره لسنا الصغيرهـ..ليطبع قبلة اخرى على ذراعها الصغير..,
مناير بغضب\وش طيبه...هااا.. وش طيبه..؟
بتال بخبث\بسوي الي يرحيك بروح بكرى واطلقك..وآجيب لك الورقه بنفسي..وبلآ آوضاع مايله ولآوجيعه..!
مناير بـصدمه\أيا الي بايع..!وماانت لـ العشرهـ صاين...تبعيني..تبيع ام بناتك وبناتك...وش عشانه ياحظي...وش له..؟
بتال لمـ يغير وضعيته فقط اكتفى بـهز مناير بكلمات\يامناير انا مرتين جيتك وانتي تقولين لي نفس الكلام انتي مصرهـ على الفراق..طيب ..وش اضيق عليك..
تبين فراقي..
آبشري...!
مناير بـتراجع\وبناتك..!
بتال\ماعليهمـ خوف..!اول ولآ اخر واحد بطلق..! كثير ناس تطلقو وبينهمـ اطفال وماخرب شي في الكون..,
صمتت لثواني وتوجهة للكرسي بعيد عنه..,
راقبتها عيني بتال..
وهو يكتمـ..ضحكاته ويتضح على تقاسيمه الجديه في كلامه..عكس داخله,
.
.
.
يعرفها تماماً..
كثيرة الشكوى..
كثيرة الندب..
لكنها لآتعزتمـ على شيٍ
وبذات الطلاق..!
فقط تحتاج لتربيه..
وتعديل لمسارهـا...!
.
.
.
بايع..!
اي والله بايع..!
قليل الخاتمه...!
ياعز لقليبي الشاري..!
والمقدر له ولعشرته..!
بيطلقني..!
ايه والله
بيسويها..
عقله ماهو بمعه..!
مع فليك الله لايربحها..
وش اسوي لو يسويها..؟
وجهه واضح عليه انه ماهو بيمزح..؟
ولآهو بيتراجع..!
ياويلي من بتال..!
ساكت دايمـ...
لكن اذا تكلمـ..
ذبح..!
ياخوفي يذبحني ويطلقني..!
وش اقول لناس عقب هـ العمر طلقني ..!
وبناتي ياعميري عليهمـ...
وش اسوي..!
ماحد متزوجهمـ اذا كبرو!!!
آمهمـ مطلقه.!
لآ..!
لآ..!
لآ..!
وش طلاقه..
خبله انا..!
.
.
.
برتباك وتلعثمـ..\وش بترضيني فيه...؟
رفع رأسه بتال وخطته نجحة في هزها\وش ارضيك..؟تراك ماقصرتي ولسانك كان متبري منك..؟
مالك الا الرضوهـ الي جات مناهل..
هذا لو انك عقلتي وماسويتي فضايحك الي صارت..
كان ابشري بالي بيرضيك..,
صمتت قليلاً..\وينها اجل رضوتي...,
آبتسمـ..\في جناحي الخاص..بكرا مريها وخذيها..
.
.
.
ما نشدت الشمس عن حزن الغياب
علمتنا الشمس نرضى بالرحيل
.
.
.
فلة بتال &فلك..
فلك بعصبيه..\وليه ماعلمتيني اول ماجيتي..؟وخير ان شاء الله يسوي هـا الشي..؟
مالك اهل يعطيهمـ المهر..؟
جهله بيت زوج عمتك..و..اللي خو ولي امرك الحين...؟
يجهل رقمـ حسابك..
آو
حساب عمك...
آذا يجهله..يتصل....ويسئل...؟
آما..
حركته كذا..!
وبعدين آنتي ليه مادخلتي علي على طول وخبرتيني بسالفه..؟
ملوكـ..\مدري...حسيت جسمي كله يرجف لو مادخلت تحت البطانيه كان الظاهر طلعت روحي..حسيت بحمى والله ماهي برجفه..؟
فلك بعصبيهـ..\حمى..!ايا الي ماتستحين على وجهك..!حمى..!الا طايح قلبك وماحد قال له بسمـ الله عليه..!
آجل حمى يا الدكتورهـ..!
ملوكـ بعصبيه\عمه..!لآتجلسين تتريقين..
فلك بمقاطعه وهي تغير نبرة كلامها لتهكمـ\الا بضحك لين آطيح على ظهري بعد..آجل فيه واحد مثل الي انتي خذيتيه..؟
وش هـ الذرابه الزايدهـ يعطيك مهرك في الشارع..!
مايعرف الاصول وطق الابواب..!
ملوك تمسك رأسها\عمه خلآص..وش تبيني اسوي...آقول رجعه معك وجيبه هناك ببيت عمتي... بعد ترى ظروفنا قشرا..
ملوكـ بنظرهـ مرتبكه\يدخل يعني يعطيك المهر..!
بعدين هو حيل عصبي..!
مادري كيف بنتأقلمـ...
آحس داخله آنسان غريب مرهـ...
المرتين الي شفته فيها كان حنون..
المرهـ هذي شرس جداً
المرات الي قبل ملكتي عليه كان بعد شرس..
طيب ليه يتغير..
ويتقلب ..
ومايثبت على خط واحد,
ليه يسوي فيني كذا..؟
آنا عجزت افهمه..
صحيح قبل مارتحت له..
لكن لما جاء لي بعد العزاء وجاء معه ولدهـ حسيت براحه ..
لكن بعد الموقف هذا ..لآ...
حسيت فيه جنون ماهو طبيعي وماهو عقلاني..!
مدري كيف آشرح لك...
آنا خايفه منه..!
خايفه..
خايفه..
فلك بـجديه\وش خايفه منه..!من جدك انتي...؟
وبعدين تعالي هنا..ترى انتي فيك حقك
وش مسويه فيه لين طلع من طورهـ..
ترى ماعليك قصور..لآتقعدين تمسكنين عندي..اعرفك زين...تجنين لك بلد في كلامك..!
آردفت وهي تغلق شنطة المهر بتهكمـ\ والله مهرك مريش...شكل جيبه مليان..!!
آردفتها بضحكه متهكمه..
ملوكـ تحرك يدها بتجاه فلك \كش عليك وعلى عيونك يامـ عيون تقط الطير من السماء..ماهو بكثر مهرك الي مجمعته على قلبك وماصرفتي منه الا قليل...بتدور سنينه ومانتي بمطلعه حتى زكاته..!
فلكـ بخبث\كافله لي يتيمه فيه..وناشبة بحلقي..يامن شرى له من حلاله عله..آعرسي يابنت الحلال خليني اخذ راحتي مع بتال..
الله لآكان جاب الغلا وسنيه معك..!
والله ياشيخه لو يرسل لك مهرك مع هندي على سيكل.. ان نزوجك اياه ونبوس لك خشم هـ الهندي!
هو بس بيفكنا..؟
ملوك بخبث اكبر\الله يعينك ياعمي بتال..انا اشهد انك محتسب صابر..وفالك الصبر..!الا عميمه
مافيه شي ..ما..شيات..!
فلك بـعصبيه\مالك شغل ياقليلة الادب ماعاد تستحين هبلك العرس انتي..وهذا وانتي متملكه مابعد تزوجتي وتسئلين عن هـ الشي...قليلة الادب..
غرقت ملوك بضحكه على عصبية فلك المصتنعه..
آردفت فلك..بعيدهـ عن الضحك وبجديه\بنقول لبتال انه حول مهرك على حسابك..لآيدري بـسالفه..
صمتت ملوكـ بعد جملة فلك القصيرهـ..
لتتذكر الموقف بغيض..!
.
.
.
ما نشدت الشمس عن حزن الغياب
علمتنا الشمس نرضى بالرحيل
.
.
.
عناد ..ينزل من سيارته ..
ليصادف وقوف جسار مع ملفات كثيره بيدهـ..وحقيبة البتوب يحملها على كتفه..
عناد برقه\عنك يابو درر..
جسار بجديه آجفلت عناد\آتركها..!
خطى جسار خطوات سريعه..
تبعه عناد بتلقائيه وبصمت..
حتى يحادثه بـشي ما يكدرهـ...
ماهي الا لحظات وآقترب جسار من الملحق..وآدلف الباب لدخوله..
عناد بـستغراب\وش عندكـ هنا..؟
جسار بعصبيه وآنتبه للحاق عناد له\آنت ليه تمشى وراي...؟
عناد بتهكمـ\آمشي وراك..!
جلس جسار على الاريكه وتجاهل عناد المستغرب..
القى بـ الملفات بـ القرب منه..,
عناد يتقدمـ بخطوات \ليش انت هنا...؟
جسار \ولآشي..بس انا عندي شغل كثير وبياخذ من وقتي ومابي ازعج سيوف..لأني باخذ وقت طويل من الليل في شغلي..
عناد مشكك ..جلس بـ القرب من اريكته..\يعني مافي بينكمـ خلآف يابو درر..
جسار ببرود\لآ...!
عناد\آكيد..!
جسار بعصبيه\بتحقق معي..!
عناد بـمهاجمه\طيب ليش انت معصب ومطلع لي على ملامحك البرود...؟
جسار بستغراب\طيب ولنفرض ان كلامك صحيح..؟وان انا معصب.. وآمثل البرود؟كيف عرفت ..؟
عناد بـتدقيق\تنفسك ماهو منتظمـ..الشهيق والزفير عندكـ فيه سرعه!
.
.
.
لا ينقصني سوا عناد..!
ودقة ملاحظاته..
من يقنعه الان..؟
لآ
احتمل نفسي..
فكيف احتمله ..
ربي افرغ علي من الصبر..
فـ
انا
ضاق بي الكون..؟
.
.
.
جسار يتسلح بهدوء\ممكن عشان الشغل..والطبعه الاولى دايمـ يكون فيها اخطاء وآضطر آعصب وآضيق خلقي...بس هذا هو الشي الي اكيد منرفزني..مافي شي صدقني ياعناد..لآتقعد تحن وتقلقني ..
.
.
آبتلع عناد كلمات جسار بـمزاجه..ليتركه ينفث مابداخله قليلاً..
.
.
جسار بـمرواغه\انت الي وش فيك..وجهك مليان مليون عقدهـ وعقدهـ...
عناد بقلة صبر\هـا الي متملكها ..جيتها اليومـ المستشفى عشان آخذها ونروح بيت عمتها..وآسلمـ على عمتها واعطيهمـ مهرها...
لكن هي آستفزتني..
وطلعتني من طوري بحركه سوتها بـ السيارهـ..
آقول لها بوصلك..
تقول لي ماخبرت عمتي..!
و تكلمني عن الناقد والمنقود..تصدق عاد يـابو درر..!
طلعت ضغطي لسماء..
وعطيتها المهر..
وقلت فارقي..!
رفع حواجبه جسار بصدمه\لااااا ..ابو رعد لآ تقول صدق سويت كذا..!
عناد بعصبيه\ الا ..سويت كذا...هي الي حدتني لـها الشي...
جسار بحدهـ\تعطي خطيبتك مهرها باالشارع..!
وش بيقولون نسابتك عنك..!
وين صارت قبل هذي..؟
هذي الحركه ماهي لك ياعناد ولآهي من آطباعك..؟
وبعدين آحمد ربك وآشكرهـ على آخلآق مثل آخلآقها..
الا مـاشاء الله ..,
تستاهل من يبوس راسها بعد..
رمقه عناد بنظرهـ ناريه ..
تراجع جسار بـابتسامه صغيرهـ على اثرها\آقصد يعني..!يصفق لها على آخلآقها..!
قاطع حديثهمـ اطلالة ريان على الملحق...
ريان بستغراب\شفت الانوار قلت فيه احد..؟وش عندكمـ هنا..!
.
.
.
اللهمـ افرغ علي صبراً
ريان
ايضاً...
رأسي
مهدد بين الحين والاخر
بـ
الانفجار...,
.
.
.
جسار بضيق\لآآآآآ على كذا ماراح اشتغل الليله...يالله يالله...توكلوا...
طبع ريان على رأس جسار قبله..\طيب طيب آبشر ..هذا انا بطلع....بس آستغربت تواجدكمـ..
جسار بستغراب\من وين جاي..؟ماشفتك من امس..؟
ريان بأبتسامه \كنت مع الشباب...؟
وقف عناد وبتهكمـ وهو يخرج\ ويا زين الشباب وعلومـ الشباب وجلستهمـ..يالله يابو درر ليتك تشوف شباب ريان وشلته بيعجبونك...؟
خرج عناد..
لـيسئذن ريان من جسار ويلحق به..,
.
.
ريان بعصبيه\وش تقصد ياعناد..لآتجلس تسوي لي حركات مالها داعي...
عناد يدلف الباب الرئيسي ويدخل ليتبعه ريان..
عناد بتهكمـ\وانا صادق جمعت الشباب زينه..,
ريان بعصبيه\عناااااد..!
.
.
.
.
بـ جانب آحد الشبابيكـ الكبيرهـ..
تطل على الملحق من بعيد..
تقف سيوف لتعض بـآرتباك شفتيها..\ناوي على ايش هذا..؟
يعاقبني قبل لآيتأكد..!
مايقدر يتأكد الحين بشي..؟
الي خذت الكاميرات ومسحت كل شي..طيارتها بكرا وماراح ترجع لسعوديه آبد..!
مايقدر يطلع ولآدليل ضدي..
كل شي مسحته..
وآساساً ماراح ارجع لـها الشغله الي سببت لي عوار راس..وكانت بتفضحني عند جسار!
كله من الزفت نيكول...و..جاكلين
والزفت الثاني الي آستغل طمعهم..!
التفت حول نفسها لتقع عينيها على مرئات طويله ..,
تأكدة من شكلها المرتب والانيق..,
قبل ان تذهب له..!
.
.
.
توقفت قليلاً وهي تسمع الحوار الدائر والنقاش من كليهما..فـ تختبئ قليلاً..
.
.
.
عناد مطل على ريان الواقف بنهاية الدرج..وعناد بمنتصفه
عناد بضحكه\بتركك وبعتقك لوجه الله..لانشغالي والله ماهو لكرمـ آخلآقي بتجاهك يا البزر..الي حتى شجاعه كافيه ماعندكـ..تواجه فيها الناس..
تراك مانت بمسوي جريمه..
انا لو منك...
ماعلي من احد...!
ريان بتهكمـ\لآ..آنت..غير...الله يعين مقرودة الحظ الي بلشها ربي فيك.!
ضحكه ساخرهـ خرجت من عناد ليردف بعدها\والله ماهي بقرد حظ من الي في بالي..!
ريان وقف بصمت من ثمـ..\زواجك الخميس...!
تجاهل عناد ريان بآبتسامه متلاعبه به..من ثمـ \ولآ ابيك تحضرهـ...
سارع الخطوات عناد ليختفي من انظار ريان ليتوجه لجناحه...
فتتشبث به يداً تعلقت بذراعه وشدته لها..!
عناد بتلقائيه انشد مع تلك اليد...
لـيلتفت لها بصدمه \سيوف..!
سيوف بـحقد\زواجك الخميس..!
صوت خطوات ريان القادمه..
وتشيث تلك الافعى..
دفع عناد لدفعها بقوهـ لجناحه القريب...
منـ ثمـ آغلاق الباب..عليهما..!
.
.
.
ريان من خلف الباب\عناد...بكلمك بموضوع ماخلصنا ..!
عناد \ريان..!انا تعبان الحين..نأجل الموضوع بعدين...
ريان بقلة صبر يطرق الباب طرقه خفيفه\قلت لك بكلمك...!
عناد \وبعدين معك قلت لك تعبان...بنامـ..!
توقف ريان عن الالحاح..بسبب الصوت الذي شدهـ..
امـ جسار بصرامه\وينك من البارح..؟
ريان برتباك وهو يطبع قبله على رأسها..\عند الشله...سامحيني يمه..!
آم جسار بصرامه..\تعال تحت آبيك بموضوع...
تركته ام جسار ونزلت لطابق الأرضي..
ريان لحقها بـتفكير ..!
.
.
.
عناد بعصبيه وصوت منخفض\تبين تجلطيني انتي او تجلطين احد من البيت لو يشوفك هنا..؟
تكلمي ..؟
سيوف بـابتسامه \وليه انت بسم الله عليك في عدوينك والي يكرهونك...
عناد بحدهـ يمسح قطرات العرق المزينه لجبينه...
سيوف بعصبيه\شف..والله ماتتهنى بزواجك..انا قلت لكـ ابيك واحبك وانت تتجاهل كل شي...
والله ياعناد ماتتهنى ولآتعرف طعمـ الراحه..
والله لآذوقك لوعة الحب ..
لين تكرهـ الزواج وسنينه..
انت على بالك بتتهنى معها..وانا آوقف على الاطلال واشوفك مع وحده غيري..
والله ..ماتذوق الهناء وانت باقي في قلبي...
فاهمــــ..
عناد بعصبيه\وش حبه وخرابيطه...سيوف اعقلي..سيوف انتي بجناحي الله ياخذك ويفكني منك ..أي واحد يدري عن الموضوع بتصير مصيبه ماحد يقدر يلمها...
ولآانتي قدها ولآانا ولآجسار ولآبناتك...
سيوف..اذا مافيك حيله أبد..خافي من ربك..
انتي ماتخافين من ربك..؟
سيوف بتهكمـ...ونظراتها لـ عناد يفتح الباب ليتأكد من خلو المكان\آحبكـ..تفهمـ..؟واذا ماتفهمـ ولآتبي تفهمـ..
آنا الي بفهمكـ بطريقتي...
وتحبني غصباً عنك..
فاهمـ غصب..
ماهو برضاك ياعناد...
وزوجتكـ هـ الي بتاخذها..
والله.. و..الله..لأخليها تدور على نفسها منهبله وتلحق عبير..,
شدها بقسوهـ من ذراعها ودفعها خارج جناحه\وانتي تعرفين الله..يالي ماتستحين منه!
.
.
.
ما نشدت الشمس عن حزن الغياب
علمتنا الشمس نرضى بالرحيل
.
.
.
بتال بهمس\هلآ..!
يستمع لصوتها عبر الاثير ويحمل مع صوتها ذوبان رقة حروف..,
همهمه..
يعرفها...
حركتها الغيرهـ..
لآاكثر..
الا تعلمـ تلك الانثى...
بأني
آذوب ..
في نبضاتها...
وقربها..
كيف لي آصبر شوقاً...
وهي بـ القرب مني..
آي عاشقاً معذب انا..
يتظاهر بتجلد ..!
.
.
.
بهمس وعينيه تتبع مناير الحامله لسنا لتخرج بها من الجناح..\فيه شي ضروري..
آرتباكها يفضح كذبها..,!
برجوله\بنامـ عند مناير الليله..مافيه داعي للخوف عندك ملوك...
بثقل\ بكرا الصباح نتفاهمـ...يالله مع السلامه..
.
.
.
آغلق الخط..!
لمـ ينتظر قليلاً...
بعد ان آصمت...!
لم يعر خبر قرب زواج ملوكـ اي آهميه..
ولمـ
يصدقني
كذبي ان ياسر لمـ يخبرني هل يأتي امـ لآ..
وآني خائفه..!
نعمـ خائفه..!
.
.
لآ..
انا .. آكذب...
و
آريدهـ هنا..
بـقرب من روحي
موطنه..
لآ
آريدهـ لهمـ..
فهمـ من تعدو على حق حبي وقربي من بتال
خمسة عشر سنه..
يرتون من نبع قربه..
وانا..
كنت مهمشه..
لآ
آستوطنه الا باالاحلام
والهمهمه..
اليومـ..
يجب ان يعود الحق ..
ويستوطني هو ..
و..
لآ..
يستوطن سواي..!
.
.
.
آحرقتني ..
ذكرهـ لأبنت عمه..!
ومحبته الصادقه لها...
وثنائه عليها..!
آيكون هي جميله رقيقه فـتجذبه له..,
لكنها جامحه فـصعب عليه ترويضها..؟
كيف شكلها..؟
كيف يكون آسلوبها..؟
حديثها معه..؟
آناقتها..؟
همساتها..؟
آشياء آخرى كثيرهـ تشطرني عندما أتذكر الان انه بقربها..!
يآقلب آه منك..!
.
.
.
طرقات الباب أجفلتها...
لتسارع الخطوات..\من..؟
بهمس\حبيب قلبك الوحيد..والي ماله شريك..!!
فتحت الباب\لآيشيلك الغرور بس وتوصل السماء..!
قبل خدها\يتيمـ...آرحميني..وخذيني على قد عقلي..!
آبتسمت بغصه...
وهي تفتح الطريق لصاله..
بهمس\فيه آحد..؟و الا نايمه..؟
فلك \نايمه..,
مشى بخطوات متعب من ثمـ رمى جسدهـ على الاريكه ليسترخي ثواني
وهو مغلق لعينيه...
بعد ان غابت فلك لعد دقائق من ثمـ
حضرت بكأس عصير طازج..,
فلك\تعبان شكلك..؟
فتح آحد عينه \آيه والله...ومنهد بعد...مابي شي خاله مابي الا فراش..وبنامـ...
آبتسمت ..وهي تنسحب بخطوات خفيفه..
من ثمـ توقفت..\يآسر حبيبي...
ياسر بتعب\هلآ..
فلك بـرتباك\هو انا بسئلك شي..بس لآتجلس تتريق..و..تحوس في السالفه..
ياسر بجديه فتح كلتا عينيه\وش عندك خالتي..؟
فلك بتوتر\مناير...زوجة عمك...هي حلوهـ..كيف شكلها... جذابه او مملوحه؟
كاد ياسر يغرق في ضحكه جنونيه الا انه آحكمـ زمامها ومثل الجديه\آيه ...فيها لمحه من كاثرين هيقل..!
فلك بصدمه\صدق..!
ياسر بجديه وخبث \ليش آكذب..؟تراها جميله ومملوحه ..بس الله يهديها عسرهـ شوي؟
آستدارت فلك بتوتر لتخرج من المكان بعصبيه..
آبتسم بخبث بعد ان غابت عنه\والله يافليك صايره خارج التغطيه من الغيرهـ وحالتك صعبه..خخخخ كيف آوصف لك مناير..!
الله يهديها آنسطلة بعد عرسها...
عسى بس ماتنتبه لين آدخل في النومـ...
ماني ناقص غيرة حريم تالي هـ الليول..!!
آنتبه لـجريدته على طرف الطاوله القريبه..,
شدها له..
وبحث عن عامودهـ الدائمـ..
ليجد العامود خالي تماماً..
الا من جملة..
.
.
.
((عندما تصبح بين سنديان ألم..ومطرقة ضمير..ينولد من رحمـ الشك يقين..!))
بقلمـ\جسار الراسي..
.
.
.
آبتسم بعد رمى الجريدهـ لتسقط ويعبث الهواء بوراقها..\آجل خلك بين شكك واليقين..!وكذا قدرك ..
ولو ترفع صوتك قصينا راسك..!
.
.
.
بـملحق..
خطواتها الخفيفه لمـ ينتبه لها..
لتعانق آيديها رقبته وتطبع قبله على كتفه من الخلف..,
حركة بعطرها ولمستها .. شوقاً لها ..
زاُده وجعاً..
ليبعدها بيدهـ بـتقرف..,\آطلعي مابي آشوفكـ..ولآ..تجبريني على شي اندمـ عليه الحين..
سيوف بتمسكن\جسـار..يرضيك خلآف بسيط بينا ومشكله نفترق وتنامـ انت بملحق وانا بجناح..يرضيك هـ الشي..؟
تعاقبني..؟
تعرف انت ومتأكد ان ماقدر على هجرك وبعدكـ عني..ليه تسوي كذا..
حتى انت والله ماتقدر..وجالس تمثل علي..؟
طيب ليه كذا..؟
السالفه ماتسوى...كلها تلفيق..وانا مالي ذنب فيها..مانقدر نقول الا حسبي الله ونعمـ وكيل..
بيدك شي ثاني..؟
مافيه..
يالله قومـ معي يـروحي..يالله..
شدة يدهـ ورقة كفها تندنس بين اصابع كفه..\قومـ
من جديد يبعدها..ويستل بذلك روحه..\ســــــــــــــــــــيوف...!!!!
آبتعدت بخوف..من صرخته الصارمه...
جسار بحدهـ\سيوف..وجودك على ذمتي الان مرتبط بأني ماحصلت اي دليل يدينك ..والسالفه الي انتي متهاونه فيها..هذي السالفه كاسره الان ظهر زوجك..لآتجيني في الملحق مره ثانيه..وتسمعين شي مايعجبك او اتصرف تصرف مايكون منحسب..ساعة ماشوف ان انتي بريئه فعلاً..تحصليني بـا الجناح ..آطلعي الحين برا..
سيوف بتمثيل متقن\انت ظالمني ياجسار ظالمني...وصدقني والله لآتندمـ..
.
.
غادرت..
ليغادر معها عطرهـ المحبب لقلبه..
ويغادر ايضاً معها قلبه..
الذي أحكمـ تقيدهـ..
وعندما رأها...
فك قيودهـ..
ولحق بها...,
.
.
.
ما نشدت الشمس عن حزن الغياب
علمتنا الشمس نرضى بالرحيل
.
.
.
بآحدى الاجنحهـ...
ريان بغضب\بتخطبين لي....!
آمـ جسار تجلس بـآريحيه\آيه..,بنت خالتكـ (ود)..
ريان بغضب وصل لدرجة ثوارنه\لآ..يمه..لآ...انا مابي ود..مليون مرهـ قلت لك انا الي بآختار البنت الي بربط حياتي فيها طول العمر..مو مستعد احد أي كان يروح يربطني بشخص انا مالي اي فكرهـ عنه...
آم جسار بخبث\وليه..ماتبي تزوج ود..؟مدرسه..وجميله..وانسانه هادئه وبتحتوي اي طيش من طرفك..؟
تراجع بـآرتباك\الله يستر عليها..مالها نصيب عندي..وانا قلت الي عندي..
آدار ظهرهـ ليهمـ بخروجـ...
آم جسار بحدهـ\مآآآآخلصت كلامي عشان تعطيني ظهركـ...!
ريان آستدار بهدوئ\سمي..!ولبيه..!
آم جسار بحده\طلعات..دخلآت..نوم برى بـ الايامـ...حركات ماطمني كأمـ..وتبيني اسكت على الحال في زمن مثل هذا ..؟
المتزوج وهو متزوج ينخاف عليه..؟
وانت تقول لي مابي ارتبط..؟
تحمد ربك وتشكرهـ..في ان الزواج الحين ميسر لك...
غيرك يبي ولآيطول من ضيق الحال واليد...
وانت تتبطر على النعمه..؟
حالك مايل ياريان...والحال المايل عندي مايمشي..؟
ريان بهدوء\ بنت من العايله..؟آنسي..!
ام جسار بستغراب\وليه..؟
ريان\مايخشون المزاج..؟كيفي..برتبط انا طول العمر فيها...؟
آم جسار\بنت جارنا نايف النايف... سارهـ..؟
ريان بتهكمـ\منفتحين بزيادهـ..؟و بزياده..بزياده...!
آم جسار بقل صبر\ الهنوف بنت زياد..؟صديق ابوك...الدكتور زياد..؟
ريان \آبوها ملقوف بزيادهـ..ويحشر نفسه في ادق الامور ..وتبيني اخذ بنته..!
آم جسار\لوجين صديقة اختك شهد..؟
ريان\شفتها بـ الغلط هنا...سمرا وانا ماحب السمر..!
آم جسار بعصبيه\لآتجلس تعيب في فلان وبنت فلآن و فلانه..؟اذا في راسك وحدهـ..قول لي عنها...؟
ريان آبتسمـ..\لآ..يمه ..مافي راسي احد..اذا جاء في راسي آحد..بقولك..وش فيك معصبه.هدي..هدي...!
قبل رأسها ...و..آبتسمـ..
آم جسار بعصبيه\آبعد عني..!
ريان بضحكه\أجل تصبحين على خير شكل سطامـ مروقك بزياده الليله..وبينكمـ غمامه..!
.
.
رحل ريان تحت انظار والداته..
القلقه..
التفكير يقتلها بعد تلك الصورهـ...
تصارحه..!
تجبرهـ..!
تشتكي لوالدهـ..
تخبر جسار كي يعالج الامر..؟
آم عناد كي يؤدبه..؟
آم تستفسر من شهد.. بحكمـ قربهمـا الشديد ؟
آم تنهل من خبرة الجدهـ..؟
لآ..!
لآ..!
لآ..!
لآذاك ولآ ذا...!
دموع الليل ..و..سجادة الطهر.. و..يداً الي السماء تمتد..هي الرجاء..!
.
.
.
ما نشدت الشمس عن حزن الغياب
علمتنا الشمس نرضى بالرحيل
.
.
.
يومـ جديد...,
.
.
.
ريان يشرب كوب الحليب بـابتسامه\يالله صباح خير وين بتروحون..؟
شهد بضحكه\يوووووه ياريوني عرس عرس...بروح اشتري واحجز ويالله يكفيني بعد يومين مدري وش المعجزه الي بتخلصني...
بوقت قياسي باقي فستاني ..
باقي الآكسسورات..
باقي شطنتي ..جزمتي ..
باقي حجز الحلويات وخلآفه باااااااااقي اااا...
قاطعها دخول عناد\آنتي ماتفهمين شكلك ياشهيد...آقولك مافي احد وش له تكلفين على عمرك..؟شكل مانتي بمصدقتني...
آم جسار بأبتسامه\ولو ياقلبي...لآزمـ ها الامور...بتجي مصورهـ...فـ لآزمـ يكون الشكل تب وماعليه نواقص..
هذا غير مانعرفها.. ولآ..اهلها ولآعمرنا قابلنا بعض..
آبتسم\الله اكبر يا ها الاهل..كلهمـ على بعضهم اخو و عمه..هدو بس..وبلاش خساير..,
ريان بمداخله\آشك انك عريس...؟بصراحه اهنيك ياخوي الكبير على ها الهدوء والتواضع الجمـ ..!
عسى بس مخلص أمورك انت من ثوب مفصل وبشت وخلآفه..!والا بعد ماهو لآزمـ..؟
عناد بتهكمـ\آشرب حليبك بس توك صغير على ها الامور..!
آبتسم ريان وآنتقلة عينيه بتهكمـ على شهد..
الغارقه في سعاده لآمتناهيه..
عناد \ول عليك ياشهد ..وجهك منور كل هاذا عشان رقص..!فيك عرق طقاقه وانا اشهد..!
آم جسار\بسم الله عليها ..عناد..وش فيك يامك..لآ..تصير كذا..لآاله الا الله..
عناد\ههههههه عيني باردهـ..وعيالك هذولآ يمه والله مايطقهمـ عين ولآ يهزهمـ شي..الي في روسهمـ بيحطونه..
شهد بخبث\بعض مما عندكمـ طال عمرك...يالله تراك اخرتنا..على الفاضي ..يالله يمه..
صوت جوال شهد قطع حديثها..لتبتسمـ بحب\هلآ آآآآآرهففففففففف..!
-آيه..آيه..الزواج الخميس..تكفين تكفين لآزمـ تحضرين..؟
-مو مشكله...طيب يالله انا مستعجله مع السلامه..,
آغلقت شهد جوالها..
وغيضاً كبيراً سكن عناد..
بعصبيه\شهـــــــــــــــــــــــــــــــــــــــــــــد...!!
آرتفعت عيني شهد ببراءهـ\ماعزمت الا هي..؟
عناد بعصبيه\ماعزمتي الاهي..؟لآترفعين ضغطي ..!آعتذري منها..قولي لها الزواج عائلي لآتجربين عصبيتي..؟
ختمـ جملته عناد وهو يضرب بطرف اصابعه مؤخرة رأس شهد..,
آم جسار مقاطعه\عناد...بس صديقتها ..آتركها تحضر..وش بتزيد او تنقص...؟
عناد\يمه الله يخليك لي..؟وشلون وش بتزيد او تنقص..الزواج عائلي بحت انتمـ وعمتها..الناس حزنهمـ توه جديد..
وشلون بعد انتمـ ماتقدرون هـ الشي..
تجي هذي وتعزمـ صديقاتها وانا مانعها..!
كلآمي يعني ماله اي قيمه عندها..
ماتفهمـ..
متى تكبر ويكبر هـ العقل الي عندها..؟
لآزمـ اكرر لها الكلآم مليون الف مرهـ..
وبـتهديد يالله تمشي وتسمع الكلامـ..
والا هو عناد وبس..!
آردف بصوت عالي\يالله آخلآصي علي..دقي على صديقتك هـ الي اسمها رهف وآعتذري الحين..؟
شهد بعصبيه وجهت نظراتها برجاء لوالدتها..
تدخلت من جديد\عشان خاطري يآمك..والا خاطر امك ماله مكان..لآتفشلها عند صديقتها..هي تبي تنبسط بزواجك..
وانت الله يهديك متأزمـ مرهـ من اي احد يحضر..خلآص.. بس رهف..وماتعزمـ احد غيرها...عشان بس انها عزمتها وماينفع تعتذر لها ..عيب يابوي..عيب..
آشار عناد برأسه بعصبيه\طيب ..طيب...بس عشان خاطرك يمه..عشانك بس..والا هـ البنت ..الظاهر ماراح ترتاح الا عازمه جامعتها كلها وتقول صديقاتي...!!
آنسحب عناد بعصبيه من المكان..,
لتنتقل نظرات ام جسار بلومـ...لـشهد..
شهد بهدوء\والله مايسوى علينا هـ العرس..نكد في نكد..!
ريان بآبتسامه\آنتي الخبله والا احد يفز لخوك هذا..!لآ ..والقادمـ آجمل مع عرسه آما يابيصر آكشن وحرايق مع عصبيته..
الله يعين الي خذته بتودع ملذات الدنيا في قفصه الزوجي الجميل..
تعالت ضحكات ريان وشهد ..و...آكتفت ام جسار بنظرات متوترهـ...
.
.
.
بجناحي التؤمـ..
جسار برقه \يالله بابا آصحي..؟
وسن بخوف\بابا آبي آنامـ..مابي آصحى الحين انت روح وانا بصحى ؟
درر بـآبتسامه وهي تشد يد جسار\باباتي انا اقولك ليه هي ماتبي تصحى..؟
جسار آبتسمـ لآقتراب درر الغريب منه\وليه ياروح بابا اكيد دلوعه مثلك..تبي بابا يشيلها..؟
حمل جسار درر على يدهـ وآجلسها على حجرهـ..
درر بخبث\لآأأأأأ..
وسن ببكاء\درر انتي مايحبك الله عشانك تكذبين..؟
درر بصراخ\لآ أأأ انا ماكذب..!مااااكذب..!انتي ماتبين بابا يعرف..؟
جسار بمقاطعه \بس ..لآتحكون كذا لبعض..
درر بآشارهـ بصبعها الطفولي لوسن\هي بابا عملتها مثل النونو بس انا كبيره ماعملها زيها انا احسن منها شوف سريرها...>>آعزكمـ الله
بكاء وسن الطفولي الان زاد الامر على قلب جسار وجعاً..
.
.
.
نقف هنا
.
.
.
كنت بوقفكمـ وقفه حماسيه بس هونت دام مافيه بارت يومـ الاثنين=)
.
.
.
.
.
.
همسة محبه..\تفسير بسيط لأسمـ الجلآله في سورهـ عظيمه..ودائمة القراءهـ على الالسنه..
معنى {الله الصمد} جملة مستقلة، بين الله تعالى أنه {الصمد} أجمع ما قيل في معناه: أنه الكامل في صفاته، الذي افتقرت إليه جميع مخلوقاته. فقد روي عن ابن عباس أن الصمد هو الكامل في علمه، الكامل في حلمه، الكامل في عزته، الكامل في قدرته، إلى آخر ما ذكر في الأثر(248). وهذا يعني أنه مستغنٍ عن جميع المخلوقات لأنه كامل، وورد أيضاً في تفسيرها أن الصمد هو الذي تصمد إليه الخلائق في حوائجها، وهذا يعني أن جميع المخلوقات مفتقرة إليه، وعلى هذا فيكون المعنى الجامع للصمد هو: الكامل في صفاته الذي افتقرت إليه جميع مخلوقاته
.
.
نلتقي السبت القادمـ اذا كتب الله لنا حياة..=)


 
 

 

عرض البوم صور ضمني بين الاهداب   رد مع اقتباس
قديم 30-10-10, 07:11 AM   المشاركة رقم: 669
المعلومات
الكاتب:
اللقب:
عضو قمة


البيانات
التسجيل: Feb 2010
العضوية: 155719
المشاركات: 6,305
الجنس أنثى
معدل التقييم: فجر الامال عضو على طريق التحسين
نقاط التقييم: 61

االدولة
البلدSaudiArabia
 
مدونتي

 

الإتصالات
الحالة:
فجر الامال غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

ضمضم صباحك ورد ي وابيض

جزء قد يكون تعدي بعض الاوضاع

كالظبي ومحاولتها انها تغير النشاط التجاري لها
جسار وبعده عن جناحه حتى ايجاد الدليل
بدا اتكشاف يعض الاوراق
كريان بدايه لانكشاف امرع وزواجه من ضي
بداسه لمعرفع الطفل المختفي

عناد
اراد ان يعطي ملوك المهر بحضور عمتها كان اختصر على نفسه وراح البيت بدل انه مايعطيها في الشارع
وهي بحياها رفضت ذلك
وجه نظره صحيح انه والدها قد توفي قريب يكون مختصر افضل ووانه لايريد معازيم كثير افضل

جسار
الله يعين قلبك هل هو يلاقها من سيوف او اسر او من تعب بنته وسن

بتال
حل اموره صح وجعل مناير تطخ وتسكت
فلك
غيره كبيره ومن زوجاته وان ترى من حقها ان يكون لها وحدها لكن فلك عدت اليه وان لديه اكثر من زوجه غيرك تحملي


ــــــــــــــــــــــــــــــــــــــــــــــــ

ضمني حياك على فنجان قهوة صباحي على شرف الجزء
الحمدالله رحمتي قلبي وماقفلتي قفله قويه

 
 

 

عرض البوم صور فجر الامال   رد مع اقتباس
قديم 30-10-10, 10:43 AM   المشاركة رقم: 670
المعلومات
الكاتب:
اللقب:
مشرفة منتدى الحوار الجاد


البيانات
التسجيل: Apr 2008
العضوية: 70555
المشاركات: 6,343
الجنس أنثى
معدل التقييم: شبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسيشبيهة القمر عضو ماسي
نقاط التقييم: 4984

االدولة
البلدSaudiArabia
 
مدونتي

 

الإتصالات
الحالة:
شبيهة القمر غير متواجد حالياً
وسائل الإتصال:

كاتب الموضوع : ضمني بين الاهداب المنتدى : القصص المكتمله من وحي قلم الاعضاء
افتراضي

 

السلام عليكم

صبااح الشوق والاشوااق ذبااحه .....
واخيييييرا جا السبت هههه فيس الطالبه المجتهده اللي تحب كل سبت هههههه
تدرين ضمضم من خلصت الجزء وانا اقول متى يجي السبت الثااني ..ياليييييل مااطولك ..

يالله دايم اصبر نفسي اقول اهم شي انها مواصله معناا ومنزله بانتظاام ..كل سبت كل سبت ..تصبري يالنوري ..العوض ولا القطيعه ..

نجي لجزء اليوم ..ماقهرني الا هالخاااايسه قليله الحياء والشرف والدين ..انا مادري ليه عنااد مايرجع لفلته ويتركهاا ويترك سواد وجهها ويرتااح من شرهاا ..على الاقل بيرتااح منهاا ومن ملاغتهاا ..اففف قطيعه كرهتهاا اليوم من قلب ..الله ياخذهاا ونفتك منهاا ..>>فيس معصب وواصله معه ..ولو انا مكان عناد عطيتها طرااااق يوديهاا للعراااق ..سجن ابو غريب شويه عليهاا ..
ومن زين الطبايع جايه بكل قواة عين لجساار اااخ صدق وجهها مغسول بمرق ..تكفين ضمضم ..لاتكسرين جساار اكثرماهو منكسر والله رحمته ..يحبهاا جعلهاا الماحي وهي مادرت عن هوى داره ..
والا تهديدهاا لعناااد ااااااااااخ بس من يمسكهاا ويمصع ارقبتهاا ..على بالهاا ان عناد اذا سكت عنها احنا بنسكت ..لالالالالالالالالا انا هناا درع واقي لأي هجوووم او طعناات ممكن توجهها هالسيوف المصديه ..قال بنكد عليك قاال ..طيب ياسيوفوه ..ياانا ياانتي ؟؟؟>>فيس ركب المدرعه وتوجه لجناح سيوووف

فلك ..هههههههههههههههه والله ضحكت عليك ياقلبي الغيره شغاااااله على الاخر ههههه اجل تشبه كاثرين هيقل هههههههههه كفوهاا هالملفعه المهم اللي ساكنه بالقلب وانت توسطتي الحشا والروح ..
بس هااه لاتتركينه خلتس ورااه ترى الرجاال ماينفع معهم كثر التغلي ..والمثل وانا اختس يقول من تغلى تخلى لو كان غاالي >>فيس يركب الامثال على كيفه ههههههه

شهد ..تعالي ياقلبي ..تعاااالي >>فيس يحضنك ويبوسك ..اليوم القلب راااضي عليك
ايه هذي الصديقه اللي تعرف توجب الصداقه ..اصلا رهف اهم من كل متابعاات ضمضم ولايهون الباقين ههههه >>من خليتي يالنوري هه
يعني لو خيرتيني بين اني احضر او رهف باقول معصي انا الاوله ههههه >>فيس تذكر القلب وراعيه هههههههههههههههه
بس ماعليتس مني المهم ان هالرهف تحضر ..وأتوقع بتشوف عسااف اقصد عنااد ..وااااو احسه موقف بيصير اكشن ههههههههههههههههههههههه هالزوااج زين انه عائلي علشاان ماتفضحنا هالرهف ويسمعها القاصي والداني وهي تقول اخويااااا ههههههههههههه>>فيس عاش جو ههه

عنااااااد شيخ القصص والحكاياات والاسااطير ..>>من قدك لاتجحدهاا ..
ترى الزفه علي لاتقول ماابي مو على كيفك كلامك يمشي على شهيده والا انا لا..انت اللي تمشي على كلااامي زين يابعد قلب النوري ..ايه قل سمي وابشري ..>>الا تعاال الحين ضمني بتحط زواجك الخميس ...يعني ننتظر السبت وتعرضه لنا ضمني على شاشه ليلاس ..والا مهب منزلته السبت هذا تنزله السبت الثاني >>فيس يستفسر علشاان يجهز نفسه للزواج ويلغي كل ارتباطاته هههه


اقول ضمني ..متى ننتظر يوم الاثنين ؟؟؟ ماامدانا نفرح ..الا وانت طاقتها بالوجه مافيه الا السبت ..يارب صبرك ..

ضمضم ..ماتشوف شر الوالده والله يمتعهاا على طاعته ..طمنينا عنهاا يالغاليه .

.
همسه ..

لك روووعه لايضاهيهاا الأخرووون في انتقاء الجماال من كلام ..

لو غبت لو صديت لو بقتني بوق ..؟
نفسي على شوفك تراها شفوقه ...!


هالبيت روووووووووووعه ..


 
 

 

عرض البوم صور شبيهة القمر   رد مع اقتباس
إضافة رد

مواقع النشر (المفضلة)

الكلمات الدلالية (Tags)
ملوكـ وعناد وبدايات الحب.., مبدعة أستمرررري, آبـــــــــــــــــــــــــــــــــــــــــــــداع...., لو أجيب كل عبارات المدح ماراح اوفي قصتك حقها من الأبدااع, اويييها واعرس البارون اوييييها والحلوان على شوشو, بتال&فلك آحلى ثنائي, بعض العيون حقدها في نظرها, يا الغوالي الاجزاء سبت واثنين..ضمضم, يا ناس وه فديت مقرن و ساري بديت احبهم, جسار للظبي<<مااتنازل, حصريا ولأول مرة العقيد عنااد آل راسي من ممتلكاات النوري ..فاهمين ..فيس يهدد هههه, روابط جميع الاجزاء با الصفحه الاولى..., عنااااااااد أسطوووره لن تتكرر ..وهـ بس فديت ابو رعووودي .., فديت أحسن وأحلى كاتبه ضمضمــ, نظره حقد 20 في صفحه 75--نظره حقد21في صفحه 83, نظره حقد 22 في صفحه 88--نظره حقد 23 في صفحه 96, نظره حقد 24 في صفحه 107, نظره حقد 26 في صفحه 127, نظره حقد 26 في صفحه 128, ضمني بين الاهداب, قصص من وحي الاعضاء
facebook



جديد مواضيع قسم القصص المكتمله من وحي قلم الاعضاء
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


LinkBacks (?)
LinkBack to this Thread: https://www.liilas.com/vb3/t140889.html
أرسلت بواسطة For Type التاريخ
ذ¯ذ½ذ´ذµذ؛رپ This thread Refback 03-07-15 12:28 PM


الساعة الآن 03:28 AM.


مجلة الاميرات 

 



Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية