اااه اخيرا سجلني دخول هالجهاز من الاثنين وانا برد وانقهر مايدخلني بس هين دواه عندي لاخلصت الروايه :)

سالفتي سالفه مع البارت ذا يوم الاثنين يوم فتحت اخر صفحه والا البناات يتكلمون عن رومانسية عناد ويسبون ملوك واقلب راااسي قلت لااا الجزء اللي راح ماجابوا طاري عناد وملوك يالبنات مضيعات ياانا على ذاكرتي السلام
واثر ضمضموتي مرجعه بارت الاثنين مادريت ... :)

بصرااحه هالباااارت عذااااب

يااااسر

يااااجعل مناااير وبناتها فدوتن لك اضرب على ماتبي واسلخ واذبح ولا احد بقايلك شي ضربك والله انه عسل
لاوكمية الحنان زاايده بالبارت هذاا << ارووح ملح


عناااد
ياخي يازين دفاااشتك عجبتني الحركه حسيتك مغامر اللي براسك تسويه ولاطقيت خبر لااحد

طيب الحين انت ليش مع النااس خجول وحركاتك مع نفسك او مع ملوك فيها جراءة شوي
والله ياضمضم عندي اخو خجول خجول تقولين بنت حتى بالعيد احسه يشيل هم السلام على خواته خخخخخخ

وجسااار
ماااش يابو درر ماقصرت بالعطا والحب مير الله يعوضك بالظبي اللي بتربيلك بناتك احسن تربية وبتكون سلفتها ملوك علشان تعرف ان الله حق وتاكلها هوااء


فكووه سمعتي اللي انا سمعته حتى تراها بالعلامه قالت البااارت الهديه كله عن عناد وياااسر بس

يافديتك ياضمضم يااالبى صوابيعك بس

طمنينا على الوالده ضمضم ان شاء الله احسن

السلام عليكم ورحمة الله وبركاته

اخبارك ياعسل؟؟
*
الحمد لله بعد جهد جهيد وصلت معاااكم
>>فيس يمسح عرقه الوهمي ^^
*
رواااية رااااااااااائعه ماشاء الله تباارك الله
من كاااااتبه أيضااا رااائعه بكل ماتحمله الكلمه من معنى
فعلا كتبتي فـ اجدتي الكتابه
وصفتي فـ اجدتي الوصف
احيييك بصراااحه على الابداااع الرائع ^_^
*
سلااامة الواالده ألف سلاامه
أسأل الله العظيم رب العرش العظيم ان يشفي والده ضمضومه وجميع مرضى المسلمين
اللهم رب الناس اذهب الباس اشفي انت الشافي لاشفاء إلا شفائك شفاء لا يغادره سقما
بسم الله اعوذ بالله من شر ماا تجد وتحاذر
والحمد لله رب العالمين والصلاة والسلام على خير المرسلين محمد عليه افضل الصلاة واتم التسليم
..اللهم آآمين..اللهم آآمين..
*
*
طبعا بحكم ان توي وصلت لكم رح يكون تعليقي على البارتات كـ كل ^_^
*
*
نبدأ تعليق بسم الله
*
*
..|..البدايه مع ياسر وملوك..|..
ممكن مهما حاولنا نقول ان ياسر آخطأ بحق ملوك يومه خانها لكن ملوك
هي الغلطاانه او بمعنى أدق هي تتحمل جزء من الخطأ
لمن يكون شاب كامل والكامل الله له خاطر يقدم الزواج عشان يحصن نفسه
باللي حبها طووول عمره..واللي يحلم بقربها سنين وبنين وهي تمنعه من أبسط حق
له وهو الغزل..يوم يجي يتغزل وتصد وتترك وتبعد هذا يتعبه
شلون شاب يوصل لـ لنص الثلاثين وللحين ماتزوج اللي يبيها وين يودي طااقه الحب اللي فيه
لو مالقى تفاعل من اللي يحبها؟؟؟
اكيد رح يدوره برا وخاصه انه بمجاال يسمح بالاختلااط سواء بشكل مباشر او غير مباشر
لو غض البصر عنهم رح يلقى غيرهم كثير وكثير
ولو كانت ملوك كافيته عن هذا كله مارح يدور للي يبغاه عند غيرها
انا ماقول انه بريئ من الخطا لكن مايتحمل الخطا كله...
.
.
.
..|..ياسر(مقرن جديد)..|..
وصول ياسر لمرحلة دخوله تحت مسمى مقرن جديد هو بعده عن ملوك
وهذا اللي خلاه يعوف المستشفى ويحول مساره لـ نهج جدهـ وعمه
>>>ادااره الشركات والحلال كله
ممكن تقمصه دور مقرن العاجي لآنه شاف تعامله بالطيب والحب والتفاني بالعطاء
مع ملوك وصله لمرحلة انها تتركه فـ اختار يكون مقرن جديد اعتقادا منه ان الهيبه
اللي رح يبثها رح تمنع الكل من انهم يبعدو عنه ويتركووه ولكن
اللي مايعرفه انه رح يجي يوم والكل ينفر منه لأن محد يحب الظاالم
.
..|..طلاقه لـ ملوك ووصفك المؤلم..|..
يوم كان يحكي لجده اممم كنه شخص ويهاودووه على خروج رووحه
يعني لا روحه راضيه تطلع ولا انه مرتاح من حشرجتها
مر ماااقد ذاقه من هذا الفراق
والأمر علمه أن من حاز على معشوقته الصغيره هو أخ لمن شنّ حملات الصحف عليهم(جسار)
اتوقع رح ينتقم من قرب عناد لملوك في جسار>>دام جسّار أخو عناد
.
..|..تصرفه مع بنت بتال..|..
ماكان إلا تنفيس لضغط وغصب اصابه
موت ابو مناف >>خاله
معرفته لـ ارتباط ملوك بـ عناد
زعلة فلك منه>>ولو كانت المده بسيطه
طلاق الظبي من طارق
دخوله لساحه معركه جديده عليه وإن بدأ في شن الحرب
بقوة ولكن يبقى تغيير الحياة اولى مسببات الضغط
وتصرف فلك الصغيره ماكان إلا القشه التي قسمت ظهر البعير
.
هل رح يكون له نصيب من بنت الجواهرجي؟؟
وإن كان له نصيب معها هل رح تغنيه عن ملوك وذكراها؟؟
*
*
*
..|..عناد و زواجته من ملوك..|..
ثنائي رح يتعبون في فهم بعض وخاصه ان عناد طبعه شين بصراحه
وملوك خجووله حيل>>إذا مع ياسر اللي تربت قدامه خجوله وشلون مع شخص ربطتها معاه مواقف
عدّه ؟؟
ماكنت اتمنى ان عناد ياخذ انطباع شين عن ملوك واهلها
>>يوم جاااه الديان وتوقع انها لعبه منهم
لكن مو مشكله وإن اعتبرها كذا اصلا هو مخه رااكب مدري كيف ولو احد
فهمه من اليوم لبكره(ياقلبي لاتتعب) خخخ
.
..|..عناد و خروجه من العسكريه ..|..
بعد ماعرف عن فرقه الموت>>لو ماخاب ظني اسمها كذا
اتوقع ان وراها خطه لآن ماظنتي يتركووه بعد ماعرف عنها
ممكن خطه في إيقاع يوسف لو كان امين في الحفاظ على سر الفرقه او ممكن
ينشره لكل من هب ودب والدليل انه ارتبك يوم قالها لعناد
والدليل الثاني ان عناد سوّا نفسه غير مبالي>>وهذا مو من طبعه خخخ
.
..|..بالنسبه لتعلق جدته به والعكس..|..
اعجبني حيل احسها الوحيده هي ودرر وجسار اللي مخففين عنه
احسااسه بأنه منبوذ من الصغر
واتوقع سر بعد ام جسار عنه ان مو ولدها
يعني اظن ان عناد هو عساف واللي خطفه ابو جسار من امه
وحط اللوم عليها عشان تضبط معاه تفاصيل الخطف والدليل الاول
شعوره من ناحيه رهف يوم شافها وانه نفس الرائحه اللي يشمها دوم
زائد الشبه اللي بينه وبين احمد واكيد انهم الاثنين طالعين للأم
لآنك بوحده من البارتات قلتي مافي غير درر ووسن التوأم فمعناته
ان احمد وعساف يشبهون لآمهم و الشبه كبيــر جدا لدرجه ان اللي مايفرق
يقول عناد هو احمد واحمد هو عناد
بس هل رح يجي يوم وتنكشف الاوراق؟؟
وهل شهد رح تبقى ورى رهف لين تعرف حكاايه احمد..ولاّ؟؟؟
بالإضافه ايضا إلى كلام ام جسار يوم تقوله ولدك وسطام يناظره ووده يكوفخها
>>فيس يقول امنيه ابو جسار خخخخ
.
..|..عناد وسيوف..|..
معقول مااقدرت تشيله من بالها؟؟
معقول تترك العز والدلاال والدلع اللي من جسار لمجرد انها
حااسه بالحب تجاه عناد؟؟
لو انه عطاها وجه كان قلت او كيه مبلوعه لكن الرجال يصدها
والزود انها سبب في طلاقه مع زوجته
مدري كيف عناد للحين مااادكها بزااويه وخلااها تنسى حتى اسمها
>>يعتبر انجاز انه ماسك نفسه للحين خخخ
*
*
*
..|..جسار وسيوف..|..
اعجبتني مقالات جسار واعجبني انه سّلط قلمه لنصره الحق وابطال الباطل
لكن الطعنه القويه يوم تجيه من بيته >>طعنة القريب اشد من الغريب
حلو لو انعرف ان ماله ذنب باللي تسويه حرمته لكن المشكله
لو الكل عرف واعتبروو ان هجوومه على التجار والعاجي بالتحديد يعتبر
تستر على فساااد اهل بيته >>فيس حزين عليه
كل شي ممكن يهون إلا قهر الرجال هذي اللي تكسر الظهر
واللي يكسره زوود لو اللي مقهور شخص ماايستااهل اللي هو فيه
والزووود ان الحقيقه انكشفت من يد يااسر العاااجي حفيد التااجر اللي
جسار مقوم عليه حملااات الهجووم
ليييت عناد شكا له من اللي تسويه فيه سيوف كان طلقها وافتك من
اللي يحس هو الحين فيه
.
..|..سيوف ..|..
وتبريرها في الخياانه انا بصراحه مو مقتنعه تماااما ان السبب الرئيسي ابوها
لكن يعتبر احد الاسباب.. خلينا نقول لو إنسااانه تربت على مبادئ معينه
من شخص تعتبره قدوتها بالحياة بكل صغيره وكبيره
رباها على الصدق..الحب..العطاء..الوفاء..التفاني بالخير...الخ
ومشت على مبادئ ابوها وكبرت على هذا الشي ويجي يوم وتكتشف بعيونها
ان الشخص اللي اعتبرته قدوة واساس للتربيه هو اللي رمى بـ مبدأ الوفاء
عرض الحائط ويخون ام سيوف مع شغاله؟؟
وش رح يكون ردة فعل سيوف؟؟
اانا ماقول معاها حق باخذه كـ مبرر لكن يعتبر سبب في هذا الشي
يعني يوم تقول اللي رباااني على الوفاء وطلع خاائن معنااته نفى
ان تربيته على الوفاء وكنه يقول انه غلط هذا الشي
والخيانه هي الشي الصح اكيد رح يخلي وحده مثل سيوف تمشي مع مبدأ ابوها
ممكن اخذته كـ عقاب لآبوها لآنه غلط بحق امها وبحق التربيه اللي رباها هي بها
وممكن تعتبره من مبدأ ان الحرامي دوم يبرر سرقته بالاحتياج
>>اتمنى وصل المقصد>>فيسي اللي مو عارف يوصل افكااره من الصباح
.
ياترى هل رح تسوي موظفتها(نسيت اسمها) اللي قالت عليه
ولاّ رح تكون يدها بيد كاترين وتترك الكاميرات لين يجي جسار ويشوفها؟؟
*
*
*
..|..فلك وبتال..|..
الله يوفقهم يااارب >>فيس يدعي
بصرااحه قصتهم عجيـــبه يعني سبحان الله للحين بتال شايل لها بقلبه كل الحب
ومع السنين ماازاال يزيد ^_^
وجميل انهم اجتمعوا أخيرا بعد البعد هذا كله
.
..|..فلك والغيره..|..
خخخ بدييينا غيره ياافلك
الله يعينها بصرااحه بس من البداايه وهي عاارفه انه رح يكون لها
ولأثنين غيرها..
لو تبي تعيش مرتاااحه احسن حاااجه انها تعتبر بتاال لها لحاالها ولا تفكر
غيابه عنها انه عند زوجااته بالعكس تقنع نفسها أنه بالعمل او بسفره
عشاان تعيش مرتااحه وهو بعد مرتااح
مافي دااعي بكل لحظه تذكره انه متزوج غيرها اثنين >>بسؤالاتها المتكرره
بالعكس كنها هي الوحيده زوجته وتلغي وجود مناهل ومنيره من بااالها ابد
.
..|..بتال وزوجاته..|..
بصراااحه شخصيته جدا راائعه مع زوجااته ما ظلم فيهم احد
ومثل مااا يعاامل منيره يعامل منااهل والعكس باختلااف ان منيره
يبغاالها رص شويا على لساانها الطويل لكن زين بتاال لها بالمرصاد ^^
.
..|..بتال ودخول ياسر معاه للمجال..|..
هل الدخول هذا رح يفقده شي من صلاحيته ؟؟
هل رح يفقده حضووره؟؟
هل دخول ياسر رح يكوون سبب في تغيير لمباادئ بتال
ولاّ رح يبقى بتاال على نهجه ويمنع ياسر من الظلم؟؟
>>اسئله كثيره بانتظاار الاجابه عليها^_^
*
*
*
..|..شهد والمرض..|..
الله يشفيها ياارب ويرفع عنها وعن جميع المبتلين يارب ^^
مهما حاولنا نتصور مدى التعب اللي هي فيه ماارح نقدر نتصوره
لآنه اكبر واعمق من تصورااتنا
مجرد انها انسااانه لااازم تُعامل غير عن باقي النااس>>يعني حاله خاصه
هذا الشعوور لحااله يتعب اللي مايتعب
بجد والله يعني اشخاص يشيلو هم الاختبار وكذا لكن على وثوق
انهم ماارح تجييهم نووبااات تتعبهم وتفقدهم الوعي...الخ
بينما هي بأي لحظه ممكن تفقد الوعي حتى لو بوسط قاعه
الامتحاان..مجرد خوفها من حدوث الحاله لها حكاايه
وشلون عااد تعيشها بكل حذافيرها..
.
..|..شهد وعلاقتها مع عنااد..|..
المشكله ان دلع شهد والزياده تأييد رياان يمنعها من ترجمه مشاعر
عنااد تجاهها
والزود عن كذا انها صدت عنه يوم سألها وبدل لا تكحلها عمتها
يعني لو كاان فيه امل نسبه 70% صاار 40%
لكن عندي امل يجي يووم وتتعدل العلاقات وخاصه ان عناد
له كذا مباادره وهي بعد فااهمه من حركاااته انه قاصد يتقرب منها
او يحسن العلاقات معاها
.
.
..|..شهد وزواجها من رواف..|..
انا بصراااحه مع عناااد انه ماا يزوجها رواف
مدري احسه مايستاااهلها وبعدين عناد له نظره بالموضوع
واتوقع ان جسار عامل حساب لرأي عناد لآن الرأي منااسبه هو بعد
وان روااف مو لشهد
الله يستر من الزوااااجه لو تمت ^_^
*
*
*
..|..ريان وزواجه من ضي..|..
ريان يعيد ماضي عبد العزيز وبتال>>باختلااف الأشخاص والعوائل
علاقتهم حلوه ماشاء الله وجميل انه متمسك فيها
لكن اتوقع ان تمسكه فيها ممكن حب وكماااان كل ممنوع مرغوب
وبحكم انه ماينرد له وكذا شااف ان ضي مغاامره جديده
ممكن؟؟
وممكن يكون حب حقيقي ماافيه اي تفكير من افكار المراهقين ^_^
سكوت امه على زوااجته رح يستمر ولا رح تكشفه؟؟
هل رياان رح يتخلى عن ضي مثل ماتخلى بتال عن فلك
ولا رح يكمل مثل ماكمل عبد العزيز مع ام ياسر؟؟؟
.
.
..|..ريان وعلاقته مع عناد..|..
اللي وصله هو واخته للعلاقه هذي مع عنااد الام>>ام جسار
واكيد السبب يرجع ان عناد مو ولدها ولاّ مافي ام تفرق بين عيالها
بالتعاامل ..لو مهما صار
لكن لمتى رح يبقى ريان مستمر بالحساسيه هذي بعلاقته مع عناد؟؟
وهل رح يكون كشف عناد له زواجته من ضي هو الداافع لريان لتحسين العلاقات؟؟
*
*
*
..|..الظبي و شخصيتها الرائعه ..|..
بصراحه الظبي تعجبني شخصيتها حيل ماشاء الله كلااامها الواثق
فعلا فعلا يخلي الواحد غصب يحترمها ومايعصيها لآن نبرة الثقه هي اللي تحدد
مدى اقنااع الشخص اللي قدامك لأ
وهي تربيه مقرن وااضحه فيها وبياسر أكثر اثنين لا عبد العزيز ولابتال كانو مثله
واللي مثلها وشروااها مااا ينأكل لهم حق لآنهم رح يطالبون فيه لآخر نفس
.
.
..|..الظبي والغيره ..|..
اللي بالظبي غيرة المرأة المعروفه وخاصه ان ظبي عندها شي ناقص
ممكن هنادي توفره لـ طارق>>اللي هو الحمل
صحيح تحمل لكن ربي للحين ماتم لها حمل وممكن هذا يكون بسبب
الظلم اللي تعاون ابوها وولد اخوها عليه
بصراحه ماالومها بردة فعلها قدام طارق لآنها بظروف الله عالم بها يعني
وحده مو مره او مرتين تسقط كثييير مراات وبك مره تتأمل بها يروح بعد
ما تحس بحركاته بداخلها وتتشفق على جيته للدنيا وبغمضة عين يروح والله
اللي عندها عيال وتسقط يصير بها اكثر من كذا وشلون لو وحده مثلها متشفقه
على شووفة طفل
لكن بااالغت شوياااات ردة فعلها لكن لكل جبل ردة فعل مختلفه لإستقبال الزلزال
.
.
..|..طلاقها من طارق ..|..
صحيح رح يأثر عليها نفسيتها وكذا لكن رح تبقى مثل ماهي قويه
مااينكسر لها باااس ورح تعتبر الطلااق قرصه اذن لها
ان المرأه مهما كاان غرووورها وعنادها لااازم تنساهم قدام زوجها
عشان تقدر تكمل وتعيش حياتها صح
لآن لاايمكن التقاء قوتين قوة طارق كـ رجل مايرضى التقليل من شانه
وقوة الظبي اللي تربت على انها الآمره الناهيه واللي مطااعه طلباتها
ولا اتوقع انهم رح يرجعون لآن ماظنتي مقرن بيرضى بنته ترجع وقد انضربت
حتى لو انها غلطااانه
*
*
*
اممم ان شاء الله مااكون نسيت أحد ^_^
>>لك عين تفكرين نسيتي او لأ خخخ
*
*
*
الباقين الله يستر علينا وعليهم
*
*
*
السموحه على الاطااله يالغلاا
*
*
*
بالتوفيق الداائم للجميع

السلام عليكم ضمني

انا ويني عن هالروايه الرائعه بصراااحه ابداع يعطيس العافيه
عندي بعض توقعات وياليتها تصيب

بالنسبه لعناد وشغله عناد لازال في عمله واظهر للجميع استقالته ليشش لان يبي يكشف عن تسرب عندهم في المعلومات واللي يدل يوم العمليه اللي نفذوها وكان فيه قناص مترصدهم ما كانو متوقعينه وبعد صديقه يوسف للاسف اعتقد انه انسان غير شريف وتعاون مع بعض الاشخاص اللي يبون يضرون الوطن وطلبه من عناد انه يدرب ناس تحب الصيد وانهم يبون يشاركون في مسابقه في الخارج هذي كذبه عشان يقنع عنااد بس عناد كاشفه اتوقع


الشخص اللي دايما يشوفه عناد الشخص القبيح اتوقع العبد اللي خطفه وهو صغير لا ن رهف يوم سألت امها انه يوم اختفى عساف كان معه العبد حقهم
والريحه اللي جذبته لرهف هي ريحة امه



ياسر اتوقع تزيد عداوته لبيت الراسي بس في الاخير بيحكم عقله ومااعتقد انه بتبع خطى جده في كل شي وان بتال له الاثر الكبير عليه

بنت جسار الصغيره درر اعتقد انها عارفه عن سوااد وجه امها مع عمها عنااد وان اللي فيها ماهو دلع بس

عناد ورفضه لخطبة شهد اعتقد انه عارف عن هالخطيب شي كبير وعشان كذا الرفض والاصرار عليه

ملوك بتعرف عن سوء ظن عناد فيهم بالنسبه للديان والا كرامتها عااد بنشوف مواقف بينهم وان مشاعرهم لبعضهم ماراح تبان بسهوله

معليش انا قاهرتني الظبي وتستاهل ماجاها خله ربي يخلص حق ملوك وفلك منها بصراحه فيها عنجهيه وكبر ياصبر الارض على هالاشكال وزين من طارق متحملها كل هالفتره


باذن الله متابعه لك يا عسل